𑌪𑌾𑌰𑍍𑌵𑌤𑍀 𑌵𑌲𑍍𑌲𑌭 𑌅𑌷𑍍𑌟𑌕𑌮𑍍

Collection of Spiritual and Devotional Literature in Various Indian Languages

View this in:

𑌨𑌮𑍋 𑌭𑍂𑌤𑌨𑌾𑌥𑌂 𑌨𑌮𑍋 𑌦𑍇𑌵𑌦𑍇𑌵𑌂
𑌨𑌮𑌃 𑌕𑌾𑌲𑌕𑌾𑌲𑌂 𑌨𑌮𑍋 𑌦𑌿𑌵𑍍𑌯𑌤𑍇𑌜𑌮𑍍 ।
𑌨𑌮𑌃 𑌕𑌾𑌮𑌭𑌸𑍍𑌮𑌂 𑌨𑌮𑌃 𑌶𑌾𑌂𑌤𑌶𑍀𑌲𑌂
𑌭𑌜𑍇 𑌪𑌾𑌰𑍍𑌵𑌤𑍀𑌵𑌲𑍍𑌲𑌭𑌂 𑌨𑍀𑌲𑌕𑌂𑌠𑌮𑍍 ॥ 1 ॥

𑌸𑌦𑌾 𑌤𑍀𑌰𑍍𑌥𑌸𑌿𑌦𑍍𑌧𑌂 𑌸𑌦𑌾 𑌭𑌕𑍍𑌤𑌰𑌕𑍍𑌷𑌂
𑌸𑌦𑌾 𑌶𑍈𑌵𑌪𑍂𑌜𑍍𑌯𑌂 𑌸𑌦𑌾 𑌶𑍁𑌭𑍍𑌰𑌭𑌸𑍍𑌮𑌮𑍍 ।
𑌸𑌦𑌾 𑌧𑍍𑌯𑌾𑌨𑌯𑍁𑌕𑍍𑌤𑌂 𑌸𑌦𑌾 𑌜𑍍𑌞𑌾𑌨𑌤𑌲𑍍𑌪𑌂
𑌭𑌜𑍇 𑌪𑌾𑌰𑍍𑌵𑌤𑍀𑌵𑌲𑍍𑌲𑌭𑌂 𑌨𑍀𑌲𑌕𑌂𑌠𑌮𑍍 ॥ 2 ॥

𑌶𑍍𑌮𑌶𑌾𑌨𑍇 𑌶𑌯𑌾𑌨𑌂 𑌮𑌹𑌾𑌸𑍍𑌥𑌾𑌨𑌵𑌾𑌸𑌂
𑌶𑌰𑍀𑌰𑌂 𑌗𑌜𑌾𑌨𑌾𑌂 𑌸𑌦𑌾 𑌚𑌰𑍍𑌮𑌵𑍇𑌷𑍍𑌟𑌮𑍍 ।
𑌪𑌿𑌶𑌾𑌚𑌾𑌦𑌿𑌨𑌾𑌥𑌂 𑌪𑌶𑍂𑌨𑌾𑌂 𑌪𑍍𑌰𑌤𑌿𑌷𑍍𑌠𑌂
𑌭𑌜𑍇 𑌪𑌾𑌰𑍍𑌵𑌤𑍀𑌵𑌲𑍍𑌲𑌭𑌂 𑌨𑍀𑌲𑌕𑌂𑌠𑌮𑍍 ॥ 3 ॥

𑌫𑌣𑍀𑌨𑌾𑌗𑌕𑌂𑌠𑍇 𑌭𑍁𑌜𑌂𑌗𑌾𑌦𑍍𑌯𑌨𑍇𑌕𑌂
𑌗𑌳𑍇 𑌰𑍁𑌂𑌡𑌮𑌾𑌲𑌂 𑌮𑌹𑌾𑌵𑍀𑌰 𑌶𑍂𑌰𑌮𑍍 ।
𑌕𑌟𑌿𑌵𑍍𑌯𑌾𑌘𑍍𑌰𑌚𑌰𑍍𑌮𑌂 𑌚𑌿𑌤𑌾𑌭𑌸𑍍𑌮𑌲𑍇𑌪𑌂
𑌭𑌜𑍇 𑌪𑌾𑌰𑍍𑌵𑌤𑍀𑌵𑌲𑍍𑌲𑌭𑌂 𑌨𑍀𑌲𑌕𑌂𑌠𑌮𑍍 ॥ 4 ॥

𑌶𑌿𑌰𑌃 𑌶𑍁𑌦𑍍𑌧𑌗𑌂𑌗𑌾 𑌶𑌿𑌵𑌾 𑌵𑌾𑌮𑌭𑌾𑌗𑌂
𑌵𑌿𑌯𑌦𑍍𑌦𑍀𑌰𑍍𑌘𑌕𑍇𑌶𑌂 𑌸𑌦𑌾 𑌮𑌾𑌂 𑌤𑍍𑌰𑌿𑌣𑍇𑌤𑍍𑌰𑌮𑍍 ।
𑌫𑌣𑍀𑌨𑌾𑌗𑌕𑌰𑍍𑌣𑌂 𑌸𑌦𑌾 𑌫𑌾𑌲𑌚𑌂𑌦𑍍𑌰𑌂
𑌭𑌜𑍇 𑌪𑌾𑌰𑍍𑌵𑌤𑍀𑌵𑌲𑍍𑌲𑌭𑌂 𑌨𑍀𑌲𑌕𑌂𑌠𑌮𑍍 ॥ 5 ॥

𑌕𑌰𑍇 𑌶𑍂𑌲𑌧𑌾𑌰𑌂 𑌮𑌹𑌾𑌕𑌷𑍍𑌟𑌨𑌾𑌶𑌂
𑌸𑍁𑌰𑍇𑌶𑌂 𑌪𑌰𑍇𑌶𑌂 𑌮𑌹𑍇𑌶𑌂 𑌜𑌨𑍇𑌶𑌮𑍍 ।
𑌧𑌨𑍇𑌶𑌾𑌮𑌰𑍇𑌶𑌂 𑌧𑍍𑌵𑌜𑍇𑌶𑌂 𑌗𑌿𑌰𑍀𑌶𑌂 [𑌧𑌨𑍇𑌶𑌸𑍍𑌯𑌮𑌿𑌤𑍍𑌰𑌂]
𑌭𑌜𑍇 𑌪𑌾𑌰𑍍𑌵𑌤𑍀𑌵𑌲𑍍𑌲𑌭𑌂 𑌨𑍀𑌲𑌕𑌂𑌠𑌮𑍍 ॥ 6 ॥

𑌉𑌦𑌾𑌸𑌂 𑌸𑍁𑌦𑌾𑌸𑌂 𑌸𑍁𑌕𑍈𑌲𑌾𑌸𑌵𑌾𑌸𑌂
𑌧𑌰𑌾𑌨𑌿𑌰𑍍𑌝𑌰𑍇 𑌸𑌂𑌸𑍍𑌥𑌿𑌤𑌂 𑌹𑍍𑌯𑌾𑌦𑌿𑌦𑍇𑌵𑌮𑍍 ।
𑌅𑌜𑌂 𑌹𑍇𑌮𑌕𑌲𑍍𑌪𑌦𑍍𑌰𑍁𑌮𑌂 𑌕𑌲𑍍𑌪𑌸𑍇𑌵𑍍𑌯𑌂
𑌭𑌜𑍇 𑌪𑌾𑌰𑍍𑌵𑌤𑍀𑌵𑌲𑍍𑌲𑌭𑌂 𑌨𑍀𑌲𑌕𑌂𑌠𑌮𑍍 ॥ 𑍭 ॥

𑌮𑍁𑌨𑍀𑌨𑌾𑌂 𑌵𑌰𑍇𑌣𑍍𑌯𑌂 𑌗𑍁𑌣𑌂 𑌰𑍂𑌪𑌵𑌰𑍍𑌣𑌂
𑌦𑍍𑌵𑌿𑌜𑍈𑌃 𑌸𑌂𑌪𑌠𑌂𑌤𑌂 𑌶𑌿𑌵𑌂 𑌵𑍇𑌦𑌶𑌾𑌸𑍍𑌤𑍍𑌰𑌮𑍍 ।
𑌅𑌹𑍋 𑌦𑍀𑌨𑌵𑌤𑍍𑌸𑌂 𑌕𑍃𑌪𑌾𑌲𑍁𑌂 𑌶𑌿𑌵𑌂 𑌤𑌂
𑌭𑌜𑍇 𑌪𑌾𑌰𑍍𑌵𑌤𑍀𑌵𑌲𑍍𑌲𑌭𑌂 𑌨𑍀𑌲𑌕𑌂𑌠𑌮𑍍 ॥ 𑍮 ॥

𑌸𑌦𑌾 𑌭𑌾𑌵𑌨𑌾𑌥𑌂 𑌸𑌦𑌾 𑌸𑍇𑌵𑍍𑌯𑌮𑌾𑌨𑌂
𑌸𑌦𑌾 𑌭𑌕𑍍𑌤𑌿𑌦𑍇𑌵𑌂 𑌸𑌦𑌾 𑌪𑍂𑌜𑍍𑌯𑌮𑌾𑌨𑌮𑍍 ।
𑌮𑌹𑌾𑌤𑍀𑌰𑍍𑌥𑌵𑌾𑌸𑌂 𑌸𑌦𑌾 𑌸𑍇𑌵𑍍𑌯𑌮𑍇𑌕𑌂
𑌭𑌜𑍇 𑌪𑌾𑌰𑍍𑌵𑌤𑍀𑌵𑌲𑍍𑌲𑌭𑌂 𑌨𑍀𑌲𑌕𑌂𑌠𑌮𑍍 ॥ 𑍯 ॥

𑌇𑌤𑌿 𑌶𑍍𑌰𑍀𑌮𑌚𑍍𑌛𑌂𑌕𑌰𑌯𑍋𑌗𑍀𑌂𑌦𑍍𑌰 𑌵𑌿𑌰𑌚𑌿𑌤𑌂 𑌪𑌾𑌰𑍍𑌵𑌤𑍀𑌵𑌲𑍍𑌲𑌭𑌾𑌷𑍍𑌟𑌕𑌂 𑌨𑌾𑌮 𑌨𑍀𑌲𑌕𑌂𑌠 𑌸𑍍𑌤𑌵𑌃 ॥

Browse Related Categories: