𑌨𑌟𑌰𑌾𑌜 𑌸𑍍𑌤𑍋𑌤𑍍𑌰𑌂 (𑌪𑌤𑌂𑌜𑌲𑌿 𑌕𑍃𑌤𑌮𑍍)

𑌸𑌦𑌂𑌚𑌿𑌤-𑌮𑍁𑌦𑌂𑌚𑌿𑌤 𑌨𑌿𑌕𑍁𑌂𑌚𑌿𑌤 𑌪𑌦𑌂 𑌝𑌲𑌝𑌲𑌂-𑌚𑌲𑌿𑌤 𑌮𑌂𑌜𑍁 𑌕𑌟𑌕𑌮𑍍 ।
𑌪𑌤𑌂𑌜𑌲𑌿 𑌦𑍃𑌗𑌂𑌜𑌨-𑌮𑌨𑌂𑌜𑌨-𑌮𑌚𑌂𑌚𑌲𑌪𑌦𑌂 𑌜𑌨𑌨 𑌭𑌂𑌜𑌨 𑌕𑌰𑌮𑍍 ।
𑌕𑌦𑌂𑌬𑌰𑍁𑌚𑌿𑌮𑌂𑌬𑌰𑌵𑌸𑌂 𑌪𑌰𑌮𑌮𑌂𑌬𑍁𑌦 𑌕𑌦𑌂𑌬 𑌕𑌵𑌿𑌡𑌂𑌬𑌕 𑌗𑌲𑌮𑍍
𑌚𑌿𑌦𑌂𑌬𑍁𑌧𑌿 𑌮𑌣𑌿𑌂 𑌬𑍁𑌧 𑌹𑍃𑌦𑌂𑌬𑍁𑌜 𑌰𑌵𑌿𑌂 𑌪𑌰 𑌚𑌿𑌦𑌂𑌬𑌰 𑌨𑌟𑌂 𑌹𑍃𑌦𑌿 𑌭𑌜 ॥ 1 ॥

𑌹𑌰𑌂 𑌤𑍍𑌰𑌿𑌪𑍁𑌰 𑌭𑌂𑌜𑌨-𑌮𑌨𑌂𑌤𑌕𑍃𑌤𑌕𑌂𑌕𑌣-𑌮𑌖𑌂𑌡𑌦𑌯-𑌮𑌂𑌤𑌰𑌹𑌿𑌤𑌂
𑌵𑌿𑌰𑌿𑌂𑌚𑌿𑌸𑍁𑌰𑌸𑌂𑌹𑌤𑌿𑌪𑍁𑌰𑌂𑌧𑌰 𑌵𑌿𑌚𑌿𑌂𑌤𑌿𑌤𑌪𑌦𑌂 𑌤𑌰𑍁𑌣𑌚𑌂𑌦𑍍𑌰𑌮𑌕𑍁𑌟𑌮𑍍 ।
𑌪𑌰𑌂 𑌪𑌦 𑌵𑌿𑌖𑌂𑌡𑌿𑌤𑌯𑌮𑌂 𑌭𑌸𑌿𑌤 𑌮𑌂𑌡𑌿𑌤𑌤𑌨𑍁𑌂 𑌮𑌦𑌨𑌵𑌂𑌚𑌨 𑌪𑌰𑌂
𑌚𑌿𑌰𑌂𑌤𑌨𑌮𑌮𑍁𑌂 𑌪𑍍𑌰𑌣𑌵𑌸𑌂𑌚𑌿𑌤𑌨𑌿𑌧𑌿𑌂 𑌪𑌰 𑌚𑌿𑌦𑌂𑌬𑌰 𑌨𑌟𑌂 𑌹𑍃𑌦𑌿 𑌭𑌜 ॥ 2 ॥

𑌅𑌵𑌂𑌤𑌮𑌖𑌿𑌲𑌂 𑌜𑌗𑌦𑌭𑌂𑌗 𑌗𑍁𑌣𑌤𑍁𑌂𑌗𑌮𑌮𑌤𑌂 𑌧𑍃𑌤𑌵𑌿𑌧𑍁𑌂 𑌸𑍁𑌰𑌸𑌰𑌿𑌤𑍍-
𑌤𑌰𑌂𑌗 𑌨𑌿𑌕𑍁𑌰𑍁𑌂𑌬 𑌧𑍃𑌤𑌿 𑌲𑌂𑌪𑌟 𑌜𑌟𑌂 𑌶𑌮𑌨𑌦𑌂𑌭𑌸𑍁𑌹𑌰𑌂 𑌭𑌵𑌹𑌰𑌮𑍍 ।
𑌶𑌿𑌵𑌂 𑌦𑌶𑌦𑌿𑌗𑌂𑌤𑌰 𑌵𑌿𑌜𑍃𑌂𑌭𑌿𑌤𑌕𑌰𑌂 𑌕𑌰𑌲𑌸𑌨𑍍𑌮𑍃𑌗𑌶𑌿𑌶𑍁𑌂 𑌪𑌶𑍁𑌪𑌤𑌿𑌂
𑌹𑌰𑌂 𑌶𑌶𑌿𑌧𑌨𑌂𑌜𑌯𑌪𑌤𑌂𑌗𑌨𑌯𑌨𑌂 𑌪𑌰 𑌚𑌿𑌦𑌂𑌬𑌰 𑌨𑌟𑌂 𑌹𑍃𑌦𑌿 𑌭𑌜 ॥ 3 ॥

𑌅𑌨𑌂𑌤𑌨𑌵𑌰𑌤𑍍𑌨𑌵𑌿𑌲𑌸𑌤𑍍𑌕𑌟𑌕𑌕𑌿𑌂𑌕𑌿𑌣𑌿𑌝𑌲𑌂 𑌝𑌲𑌝𑌲𑌂 𑌝𑌲𑌰𑌵𑌂
𑌮𑍁𑌕𑍁𑌂𑌦𑌵𑌿𑌧𑌿 𑌹𑌸𑍍𑌤𑌗𑌤𑌮𑌦𑍍𑌦𑌲 𑌲𑌯𑌧𑍍𑌵𑌨𑌿𑌧𑌿𑌮𑌿𑌦𑍍𑌧𑌿𑌮𑌿𑌤 𑌨𑌰𑍍𑌤𑌨 𑌪𑌦𑌮𑍍 ।
𑌶𑌕𑍁𑌂𑌤𑌰𑌥 𑌬𑌰𑍍𑌹𑌿𑌰𑌥 𑌨𑌂𑌦𑌿𑌮𑍁𑌖 𑌭𑍃𑌂𑌗𑌿𑌰𑌿𑌟𑌿𑌸𑌂𑌘𑌨𑌿𑌕𑌟𑌂 𑌭𑌯𑌹𑌰𑌮𑍍
𑌸𑌨𑌂𑌦 𑌸𑌨𑌕 𑌪𑍍𑌰𑌮𑍁𑌖 𑌵𑌂𑌦𑌿𑌤 𑌪𑌦𑌂 𑌪𑌰 𑌚𑌿𑌦𑌂𑌬𑌰 𑌨𑌟𑌂 𑌹𑍃𑌦𑌿 𑌭𑌜 ॥ 4 ॥

𑌅𑌨𑌂𑌤𑌮𑌹𑌸𑌂 𑌤𑍍𑌰𑌿𑌦𑌶𑌵𑌂𑌦𑍍𑌯 𑌚𑌰𑌣𑌂 𑌮𑍁𑌨𑌿 𑌹𑍃𑌦𑌂𑌤𑌰 𑌵𑌸𑌂𑌤𑌮𑌮𑌲𑌮𑍍
𑌕𑌬𑌂𑌧 𑌵𑌿𑌯𑌦𑌿𑌂𑌦𑍍𑌵𑌵𑌨𑌿 𑌗𑌂𑌧𑌵𑌹 𑌵𑌹𑍍𑌨𑌿𑌮𑌖 𑌬𑌂𑌧𑍁𑌰𑌵𑌿𑌮𑌂𑌜𑍁 𑌵𑌪𑍁𑌷𑌮𑍍 ।
𑌅𑌨𑌂𑌤𑌵𑌿𑌭𑌵𑌂 𑌤𑍍𑌰𑌿𑌜𑌗𑌦𑌂𑌤𑌰 𑌮𑌣𑌿𑌂 𑌤𑍍𑌰𑌿𑌨𑌯𑌨𑌂 𑌤𑍍𑌰𑌿𑌪𑍁𑌰 𑌖𑌂𑌡𑌨 𑌪𑌰𑌮𑍍
𑌸𑌨𑌂𑌦 𑌮𑍁𑌨𑌿 𑌵𑌂𑌦𑌿𑌤 𑌪𑌦𑌂 𑌸𑌕𑌰𑍁𑌣𑌂 𑌪𑌰 𑌚𑌿𑌦𑌂𑌬𑌰 𑌨𑌟𑌂 𑌹𑍃𑌦𑌿 𑌭𑌜 ॥ 5 ॥

𑌅𑌚𑌿𑌂𑌤𑍍𑌯𑌮𑌲𑌿𑌵𑍃𑌂𑌦 𑌰𑍁𑌚𑌿 𑌬𑌂𑌧𑍁𑌰𑌗𑌲𑌂 𑌕𑍁𑌰𑌿𑌤 𑌕𑍁𑌂𑌦 𑌨𑌿𑌕𑍁𑌰𑍁𑌂𑌬 𑌧𑌵𑌲𑌮𑍍
𑌮𑍁𑌕𑍁𑌂𑌦 𑌸𑍁𑌰 𑌵𑍃𑌂𑌦 𑌬𑌲 𑌹𑌂𑌤𑍃 𑌕𑍃𑌤 𑌵𑌂𑌦𑌨 𑌲𑌸𑌂𑌤𑌮𑌹𑌿𑌕𑍁𑌂𑌡𑌲 𑌧𑌰𑌮𑍍 ।
𑌅𑌕𑌂𑌪𑌮𑌨𑍁𑌕𑌂𑌪𑌿𑌤 𑌰𑌤𑌿𑌂 𑌸𑍁𑌜𑌨 𑌮𑌂𑌗𑌲𑌨𑌿𑌧𑌿𑌂 𑌗𑌜𑌹𑌰𑌂 𑌪𑌶𑍁𑌪𑌤𑌿𑌮𑍍
𑌧𑌨𑌂𑌜𑌯 𑌨𑍁𑌤𑌂 𑌪𑍍𑌰𑌣𑌤 𑌰𑌂𑌜𑌨𑌪𑌰𑌂 𑌪𑌰 𑌚𑌿𑌦𑌂𑌬𑌰 𑌨𑌟𑌂 𑌹𑍃𑌦𑌿 𑌭𑌜 ॥ 6 ॥

𑌪𑌰𑌂 𑌸𑍁𑌰𑌵𑌰𑌂 𑌪𑍁𑌰𑌹𑌰𑌂 𑌪𑌶𑍁𑌪𑌤𑌿𑌂 𑌜𑌨𑌿𑌤 𑌦𑌂𑌤𑌿𑌮𑍁𑌖 𑌷𑌣𑍍𑌮𑍁𑌖𑌮𑌮𑍁𑌂
𑌮𑍃𑌡𑌂 𑌕𑌨𑌕 𑌪𑌿𑌂𑌗𑌲 𑌜𑌟𑌂 𑌸𑌨𑌕 𑌪𑌂𑌕𑌜 𑌰𑌵𑌿𑌂 𑌸𑍁𑌮𑌨𑌸𑌂 𑌹𑌿𑌮𑌰𑍁𑌚𑌿𑌮𑍍 ।
𑌅𑌸𑌂𑌘𑌮𑌨𑌸𑌂 𑌜𑌲𑌧𑌿 𑌜𑌨𑍍𑌮𑌗𑌰𑌲𑌂 𑌕𑌵𑌲𑌯𑌂𑌤 𑌮𑌤𑍁𑌲𑌂 𑌗𑍁𑌣𑌨𑌿𑌧𑌿𑌮𑍍
𑌸𑌨𑌂𑌦 𑌵𑌰𑌦𑌂 𑌶𑌮𑌿𑌤𑌮𑌿𑌂𑌦𑍁 𑌵𑌦𑌨𑌂 𑌪𑌰 𑌚𑌿𑌦𑌂𑌬𑌰 𑌨𑌟𑌂 𑌹𑍃𑌦𑌿 𑌭𑌜 ॥ 𑍭 ॥

𑌅𑌜𑌂 𑌕𑍍𑌷𑌿𑌤𑌿𑌰𑌥𑌂 𑌭𑍁𑌜𑌗𑌪𑍁𑌂𑌗𑌵𑌗𑍁𑌣𑌂 𑌕𑌨𑌕 𑌶𑍃𑌂𑌗𑌿 𑌧𑌨𑍁𑌷𑌂 𑌕𑌰𑌲𑌸𑌤𑍍
𑌕𑍁𑌰𑌂𑌗 𑌪𑍃𑌥𑍁 𑌟𑌂𑌕 𑌪𑌰𑌶𑍁𑌂 𑌰𑍁𑌚𑌿𑌰 𑌕𑍁𑌂𑌕𑍁𑌮 𑌰𑍁𑌚𑌿𑌂 𑌡𑌮𑌰𑍁𑌕𑌂 𑌚 𑌦𑌧𑌤𑌮𑍍 ।
𑌮𑍁𑌕𑍁𑌂𑌦 𑌵𑌿𑌶𑌿𑌖𑌂 𑌨𑌮𑌦𑌵𑌂𑌧𑍍𑌯 𑌫𑌲𑌦𑌂 𑌨𑌿𑌗𑌮 𑌵𑍃𑌂𑌦 𑌤𑍁𑌰𑌗𑌂 𑌨𑌿𑌰𑍁𑌪𑌮𑌂
𑌸 𑌚𑌂𑌡𑌿𑌕𑌮𑌮𑍁𑌂 𑌝𑌟𑌿𑌤𑌿 𑌸𑌂𑌹𑍃𑌤𑌪𑍁𑌰𑌂 𑌪𑌰 𑌚𑌿𑌦𑌂𑌬𑌰 𑌨𑌟𑌂 𑌹𑍃𑌦𑌿 𑌭𑌜 ॥ 𑍮 ॥

𑌅𑌨𑌂𑌗𑌪𑌰𑌿𑌪𑌂𑌥𑌿𑌨𑌮𑌜𑌂 𑌕𑍍𑌷𑌿𑌤𑌿 𑌧𑍁𑌰𑌂𑌧𑌰𑌮𑌲𑌂 𑌕𑌰𑍁𑌣𑌯𑌂𑌤𑌮𑌖𑌿𑌲𑌂
𑌜𑍍𑌵𑌲𑌂𑌤𑌮𑌨𑌲𑌂 𑌦𑌧𑌤𑌮𑌂𑌤𑌕𑌰𑌿𑌪𑍁𑌂 𑌸𑌤𑌤𑌮𑌿𑌂𑌦𑍍𑌰 𑌸𑍁𑌰𑌵𑌂𑌦𑌿𑌤𑌪𑌦𑌮𑍍 ।
𑌉𑌦𑌂𑌚𑌦𑌰𑌵𑌿𑌂𑌦𑌕𑍁𑌲 𑌬𑌂𑌧𑍁𑌶𑌤 𑌬𑌿𑌂𑌬𑌰𑍁𑌚𑌿 𑌸𑌂𑌹𑌤𑌿 𑌸𑍁𑌗𑌂𑌧𑌿 𑌵𑌪𑍁𑌷𑌂
𑌪𑌤𑌂𑌜𑌲𑌿 𑌨𑍁𑌤𑌂 𑌪𑍍𑌰𑌣𑌵 𑌪𑌂𑌜𑌰 𑌶𑍁𑌕𑌂 𑌪𑌰 𑌚𑌿𑌦𑌂𑌬𑌰 𑌨𑌟𑌂 𑌹𑍃𑌦𑌿 𑌭𑌜 ॥ 𑍯 ॥

𑌇𑌤𑌿 𑌸𑍍𑌤𑌵𑌮𑌮𑍁𑌂 𑌭𑍁𑌜𑌗𑌪𑍁𑌂𑌗𑌵 𑌕𑍃𑌤𑌂 𑌪𑍍𑌰𑌤𑌿𑌦𑌿𑌨𑌂 𑌪𑌠𑌤𑌿 𑌯𑌃 𑌕𑍃𑌤𑌮𑍁𑌖𑌃
𑌸𑌦𑌃 𑌪𑍍𑌰𑌭𑍁𑌪𑌦 𑌦𑍍𑌵𑌿𑌤𑌯𑌦𑌰𑍍𑌶𑌨𑌪𑌦𑌂 𑌸𑍁𑌲𑌲𑌿𑌤𑌂 𑌚𑌰𑌣 𑌶𑍃𑌂𑌗 𑌰𑌹𑌿𑌤𑌮𑍍 ।
𑌸𑌰𑌃 𑌪𑍍𑌰𑌭𑌵 𑌸𑌂𑌭𑌵 𑌹𑌰𑌿𑌤𑍍𑌪𑌤𑌿 𑌹𑌰𑌿𑌪𑍍𑌰𑌮𑍁𑌖 𑌦𑌿𑌵𑍍𑌯𑌨𑍁𑌤 𑌶𑌂𑌕𑌰𑌪𑌦𑌂
𑌸 𑌗𑌚𑍍𑌛𑌤𑌿 𑌪𑌰𑌂 𑌨 𑌤𑍁 𑌜𑌨𑍁𑌰𑍍𑌜𑌲𑌨𑌿𑌧𑌿𑌂 𑌪𑌰𑌮𑌦𑍁𑌃𑌖𑌜𑌨𑌕𑌂 𑌦𑍁𑌰𑌿𑌤𑌦𑌮𑍍 ॥ 10 ॥

𑌇𑌤𑌿 𑌶𑍍𑌰𑍀 𑌪𑌤𑌂𑌜𑌲𑌿𑌮𑍁𑌨𑌿 𑌪𑍍𑌰𑌣𑍀𑌤𑌂 𑌚𑌰𑌣𑌶𑍃𑌂𑌗𑌰𑌹𑌿𑌤 𑌨𑌟𑌰𑌾𑌜 𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ॥

Browse Related Categories: