Mahanyasam - 2. Panchamukha Dhyanam - Grantha

𑌸𑌂𑌵𑌁𑌰𑍍𑌤𑌾𑌗𑍍𑌨𑌿 𑌤𑌟𑌿𑌤𑍍𑌪𑍍𑌰𑌦𑍀𑌪𑍍𑌤 𑌕𑌨𑌕 𑌪𑍍𑌰𑌸𑍍𑌪𑌰𑍍𑌥𑌿 𑌤𑍇𑌜𑍋𑌮𑌯𑌮𑍍 ।
𑌗𑌂𑌭𑍀𑌰𑌧𑍍𑌵𑌨𑌿 𑌸𑌾𑌮𑌵𑍇𑌦𑌜𑌨𑌕𑌂 𑌤𑌾𑌮𑍍𑌰𑌾𑌧𑌰𑌂 𑌸𑍁𑌂𑌦𑌰𑌮𑍍 ।
𑌅𑌰𑍍𑌧𑍇𑌂𑌦𑍁𑌦𑍍𑌯𑍁𑌤𑌿 𑌲𑍋𑌲𑌪𑌿𑌂𑌗𑌳 𑌜𑌟𑌾𑌭𑌾𑌰𑌪𑍍𑌰𑌬𑌦𑍍𑌧𑍋𑌰𑌗𑌮𑍍 ।
𑌵𑌂𑌦𑍇 𑌸𑌿𑌦𑍍𑌧 𑌸𑍁𑌰𑌾𑌸𑍁𑌰𑍇𑌂𑌦𑍍𑌰𑌨𑌮𑌿𑌤𑌂 𑌪𑍂𑌰𑍍𑌵𑌂 𑌮𑍁𑌖𑌂 𑌶𑍂𑌲𑌿𑌨𑌃 ॥

𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 ॥ 𑌓𑌂 𑌨𑌮𑍍 ॥ 𑌪𑍂𑌰𑍍𑌵 𑌮𑍁𑌖𑌾𑌯॒ 𑌨𑌮𑌃 ॥

𑌅॒𑌘𑍋𑌰𑍇᳚𑌭𑍍𑌯𑍋𑌽𑌥𑌘𑍋॒𑌰𑍇᳚𑌭𑍍𑌯𑍋॒ 𑌘𑍋𑌰॒𑌘𑍋𑌰॑𑌤𑌰𑍇𑌭𑍍𑌯𑌃 ॥ 𑌸𑌰𑍍𑌵𑍇᳚𑌭𑍍𑌯𑌸𑍍𑌸𑌰𑍍𑌵 𑌶𑌰𑍍𑌵𑍇᳚𑌭𑍍𑌯𑍋॒ 𑌨𑌮॑𑌸𑍍𑌤𑍇 𑌅𑌸𑍍𑌤𑍁 𑌰𑍁॒𑌦𑍍𑌰𑌰𑍂॑𑌪𑍇𑌭𑍍𑌯𑌃 ॥

𑌕𑌾𑌲𑌾𑌭𑍍𑌰𑌭𑍍𑌰𑌮𑌰𑌾𑌂𑌜𑌨𑌦𑍍𑌯𑍁𑌤𑌿𑌨𑌿𑌭𑌂-𑌵𑍍𑌯𑌾𑌁𑌵𑍃𑌤𑍍𑌤 𑌪𑌿𑌂𑌗𑍇𑌕𑍍𑌷𑌣𑌮𑍍
𑌕𑌰𑍍𑌣𑍋𑌦𑍍𑌭𑌾𑌸𑌿𑌤 𑌭𑍋𑌗𑌿𑌮𑌸𑍍𑌤𑌕 𑌮𑌣𑌿𑌪𑍍𑌰𑍋𑌦𑍍𑌗𑍀𑌰𑍍𑌣 𑌦𑌂𑌷𑍍𑌟𑍍𑌰𑌾𑌂𑌕𑍁𑌰𑌮𑍍 ।
𑌸𑌰𑍍𑌪𑌪𑍍𑌰𑍋𑌤 𑌕𑌪𑌾𑌲 𑌶𑍁𑌕𑍍𑌤𑌿 𑌶𑌕𑌲 𑌵𑍍𑌯𑌾𑌕𑍀𑌰𑍍𑌣 𑌸𑌚𑍍𑌛𑍇𑌖𑌰𑌮𑍍
𑌵𑌂𑌦𑍇 𑌦𑌕𑍍𑌷𑌿𑌣𑌮𑍀𑌶𑍍𑌵𑌰𑌸𑍍𑌯 𑌕𑍁𑌟𑌿𑌲 𑌭𑍍𑌰𑍂𑌭𑌂𑌗 𑌰𑍌𑌦𑍍𑌰𑌂 𑌮𑍁𑌖𑌮𑍍 ॥

𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 ॥ 𑌓𑌂 𑌮𑌮𑍍 ॥ 𑌦𑌕𑍍𑌷𑌿𑌣 𑌮𑍁𑌖𑌾𑌯॒ 𑌨𑌮𑌃 ॥

𑌸॒𑌦𑍍𑌯𑍋 𑌜𑌾॒𑌤𑌂 𑌪𑍍𑌰॑𑌪𑌦𑍍𑌯𑌾॒𑌮𑌿॒ 𑌸॒𑌦𑍍𑌯𑍋 𑌜𑌾॒𑌤𑌾𑌯॒ 𑌵𑍈 𑌨𑌮𑍋॒ 𑌨𑌮𑌃॑ । 𑌭॒𑌵𑍇 𑌭॑𑌵𑍇॒ 𑌨𑌾𑌤𑌿॑ 𑌭𑌵𑍇 𑌭𑌵𑌸𑍍𑌵॒ 𑌮𑌾𑌮𑍍 । 𑌭॒𑌵𑍋𑌦𑍍-𑌭॑𑌵𑌾𑌯॒ 𑌨𑌮𑌃॑ ॥

𑌪𑍍𑌰𑌾𑌲𑍇𑌯𑌾𑌚𑌲𑌮𑌿𑌂𑌦𑍁𑌕𑍁𑌂𑌦 𑌧𑌵𑌳𑌂 𑌗𑍋𑌕𑍍𑌷𑍀𑌰𑌫𑍇𑌨𑌪𑍍𑌰𑌭𑌮𑍍
𑌭𑌸𑍍𑌮𑌾𑌭𑍍𑌯𑌕𑍍𑌤𑌮𑌨𑌂𑌗 𑌦𑍇𑌹 𑌦𑌹𑌨 𑌜𑍍𑌵𑌾𑌲𑌾𑌵𑌳𑍀 𑌲𑍋𑌚𑌨𑌮𑍍 ।
𑌬𑍍𑌰𑌹𑍍𑌮𑍇𑌂𑌦𑍍𑌰𑌾𑌦𑌿 𑌮𑌰𑍁𑌦𑍍𑌗𑌣𑍈𑌸𑍍𑌪𑍁𑌤𑌿𑌪𑌦𑍈 𑌰𑌭𑍍𑌯𑌰𑍍𑌚𑌿𑌤𑌂-𑌯𑍋𑌁𑌗𑌿𑌭𑌿𑌃
𑌵𑌂𑌦𑍇𑌽𑌹𑌂 𑌸𑌕𑌲𑌂 𑌕𑌳𑌂𑌕𑌰𑌹𑌿𑌤𑌂 𑌸𑍍𑌥𑌾𑌣𑍋𑌰𑍍𑌮𑍁𑌖𑌂 𑌪𑌶𑍍𑌚𑌿𑌮𑌮𑍍 ॥

𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 ॥ 𑌓𑌂 𑌶𑌿𑌮𑍍 ॥ 𑌪𑌶𑍍𑌚𑌿𑌮 𑌮𑍁𑌖𑌾𑌯॒ 𑌨𑌮𑌃 ॥

𑌵𑌾॒𑌮॒𑌦𑍇॒𑌵𑌾𑌯॒ 𑌨𑌮𑍋᳚ 𑌜𑍍𑌯𑍇॒𑌷𑍍𑌠𑌾𑌯॒ 𑌨𑌮𑌃॑ 𑌶𑍍𑌰𑍇॒𑌷𑍍𑌠𑌾𑌯॒ 𑌨𑌮𑍋॑ 𑌰𑍁॒𑌦𑍍𑌰𑌾𑌯॒ 𑌨𑌮𑌃॒ 𑌕𑌾𑌲𑌾॑𑌯॒ 𑌨𑌮𑌃॒ 𑌕𑌲॑𑌵𑌿𑌕𑌰𑌣𑌾𑌯॒ 𑌨𑌮𑍋॒ 𑌬𑌲॑𑌵𑌿𑌕𑌰𑌣𑌾𑌯॒ 𑌨𑌮𑍋॒ 𑌬𑌲𑌾॑𑌯॒ 𑌨𑌮𑍋॒ 𑌬𑌲॑𑌪𑍍𑌰𑌮𑌥𑌨𑌾𑌯॒ 𑌨𑌮𑌃॒ 𑌸𑌰𑍍𑌵॑𑌭𑍂𑌤𑌦𑌮𑌨𑌾𑌯॒ 𑌨𑌮𑍋॑ 𑌮॒𑌨𑍋𑌨𑍍𑌮॑𑌨𑌾𑌯॒ 𑌨𑌮𑌃॑ ॥

𑌗𑍌𑌰𑌂 𑌕𑍁𑌂𑌕𑍁𑌮 𑌪𑌂𑌕𑌿𑌲𑌂 𑌸𑍍𑌤𑌿𑌲𑌕𑌂-𑌵𑍍𑌯𑌾𑌁𑌪𑌾𑌂𑌡𑍁 𑌗𑌂𑌡𑌸𑍍𑌥𑌲𑌮𑍍
𑌭𑍍𑌰𑍂𑌵𑌿𑌕𑍍𑌷𑍇𑌪 𑌕𑌟𑌾𑌕𑍍𑌷 𑌲𑌸𑌤𑍍𑌸𑌂𑌸𑌕𑍍𑌤 𑌕𑌰𑍍𑌣𑍋𑌤𑍍𑌫𑌲𑌮𑍍 ।
𑌸𑍍𑌨𑌿𑌗𑍍𑌧𑌂 𑌬𑌿𑌂𑌬𑌫𑌲𑌾𑌧𑌰𑌂 𑌪𑍍𑌰𑌹𑌸𑌿𑌤𑌂 𑌨𑍀𑌲𑌾𑌲𑌕𑌾𑌲𑌂 𑌕𑍃𑌤𑌮𑍍
𑌵𑌂𑌦𑍇 𑌪𑍂𑌰𑍍𑌣 𑌶𑌶𑌾𑌂𑌕 𑌮𑌂𑌡𑌲𑌨𑌿𑌭𑌂-𑌵𑌁𑌕𑍍𑌤𑍍𑌰𑌂 𑌹𑌰𑌸𑍍𑌯𑍋𑌤𑍍𑌤𑌰𑌮𑍍 ॥

𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 ॥ 𑌓𑌂-𑌵𑌾𑌁𑌮𑍍 ॥ 𑌉𑌤𑍍𑌤𑌰 𑌮𑍁𑌖𑌾𑌯॒ 𑌨𑌮𑌃 ॥

𑌈𑌶𑌾𑌨𑌃 𑌸𑌰𑍍𑌵॑𑌵𑌿𑌦𑍍𑌯𑌾॒𑌨𑌾॒-𑌮𑍀𑌶𑍍𑌵𑌰𑌃 𑌸𑌰𑍍𑌵॑𑌭𑍂𑌤𑌾॒𑌨𑌾𑌂॒ 𑌬𑍍𑌰𑌹𑍍𑌮𑌾𑌧𑌿॑𑌪𑌤𑌿॒-𑌰𑍍𑌬𑍍𑌰𑌹𑍍𑌮॒𑌣𑍋 𑌽𑌧𑌿॑𑌪𑌤𑌿॒-𑌰𑍍𑌬𑍍𑌰𑌹𑍍𑌮𑌾॑ 𑌶𑌿॒𑌵𑍋 𑌮𑍇॑ 𑌅𑌸𑍍𑌤𑍁 𑌸𑌦𑌾𑌶𑌿॒𑌵𑍋𑌮𑍍 ॥ (𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃)

𑌵𑍍𑌯𑌕𑍍𑌤𑌾𑌵𑍍𑌯𑌕𑍍𑌤 𑌗𑍁𑌣𑍇𑌤𑌰𑌂 𑌪𑌰𑌤𑌰𑌂 𑌷𑌟𑍍𑌤𑍍𑌰𑌿𑌂𑌶𑌤𑌤𑍍𑌤𑍍𑌵𑌾𑌤𑍍𑌮𑌕𑌮𑍍
𑌤𑌸𑍍𑌮𑌾𑌦𑍁𑌤𑍍𑌤𑌮 𑌤𑌤𑍍𑌤𑍍𑌵𑌮𑌕𑍍𑌷𑌰𑌮𑌿𑌦𑌂 𑌧𑍍𑌯𑍇𑌯𑌂 𑌸𑌦𑌾 𑌯𑍋𑌗𑌿𑌭𑌿𑌃 ।
𑌓𑌂𑌕𑌾𑌰𑌾𑌦𑌿 𑌸𑌮𑌸𑍍𑌤 𑌮𑌂𑌤𑍍𑌰𑌜𑌨𑌕𑌂 𑌸𑍂𑌕𑍍𑌷𑍍𑌮𑌾𑌦𑌿 𑌸𑍂𑌕𑍍𑌷𑍍𑌮𑌂 𑌪𑌰𑌂
𑌶𑌾𑌂𑌤𑌂 𑌪𑌂𑌚𑌮𑌮𑍀𑌶𑍍𑌵𑌰𑌸𑍍𑌯 𑌵𑌦𑌨𑌂 𑌖𑌂𑌵𑍍𑌯𑌾𑌁𑌪𑍍𑌤𑌿 𑌤𑍇𑌜𑍋𑌮𑌯𑌮𑍍 ॥

𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 ॥ 𑌓𑌂-𑌵𑌾𑌁𑌮𑍍 ॥ 𑌊𑌰𑍍𑌧𑍍𑌵 𑌮𑍁𑌖𑌾𑌯॒ 𑌨𑌮𑌃 ॥

𑌦𑌿𑌙𑍍𑌨𑌮𑌸𑍍𑌕𑌾𑌰𑌃
𑌪𑍂𑌰𑍍𑌵𑍇 𑌪𑌶𑍁𑌪𑌤𑌿𑌃 𑌪𑌾𑌤𑍁 । 𑌦𑌕𑍍𑌷𑌿𑌣𑍇 𑌪𑌾𑌤𑍁 𑌶𑌂𑌕𑌰𑌃 ।
𑌪𑌶𑍍𑌚𑌿𑌮𑍇 𑌪𑌾𑌤𑍁 𑌵𑌿𑌶𑍍𑌵𑍇𑌶𑌃 । 𑌨𑍀𑌲𑌕𑌂𑌠𑌸𑍍𑌤𑌦𑍋𑌤𑍍𑌤𑌰𑍇 ॥

𑌈𑌶𑌾𑌨𑍍𑌯𑌾𑌂 𑌪𑌾𑌤𑍁 𑌮𑍇 𑌶𑌰𑍍𑌵𑌃 । 𑌆𑌗𑍍𑌨𑍇𑌯𑌾𑌂 𑌪𑌾𑌰𑍍𑌵𑌤𑍀𑌪𑌤𑌿𑌃 ।
𑌨𑍈𑌋𑌤𑍍𑌯𑌾𑌂 𑌪𑌾𑌤𑍁 𑌮𑍇 𑌰𑍁𑌦𑍍𑌰𑌃 । 𑌵𑌾𑌯𑌵𑍍𑌯𑌾𑌂 𑌨𑍀𑌲𑌲𑍋𑌹𑌿𑌤𑌃 ॥

𑌊𑌰𑍍𑌧𑍍𑌵𑍇 𑌤𑍍𑌰𑌿𑌲𑍋𑌚𑌨𑌃 𑌪𑌾𑌤𑍁 । 𑌅𑌧𑌰𑌾𑌯𑌾𑌂 𑌮𑌹𑍇𑌶𑍍𑌵𑌰𑌃 ।
𑌏𑌤𑌾𑌭𑍍𑌯𑍋 𑌦𑌶 𑌦𑌿𑌗𑍍𑌭𑍍𑌯𑌸𑍍𑌤𑍁 । 𑌸𑌰𑍍𑌵𑌤𑌃 𑌪𑌾𑌤𑍁 𑌶𑌂𑌕𑌰𑌃 ॥

(𑌨𑌾 𑌰𑍁𑌦𑍍𑌰𑍋 𑌰𑍁𑌦𑍍𑌰𑌮𑌰𑍍𑌚𑌯𑍇᳚𑌤𑍍 ।
𑌨𑍍𑌯𑌾𑌸𑌪𑍂𑌰𑍍𑌵𑌕𑌂 𑌜𑌪𑌹𑍋𑌮𑌾𑌰𑍍𑌚𑌨𑌾𑌽𑌭𑌿𑌷𑍇𑌕𑌵𑌿𑌧𑌿 𑌵𑍍𑌯𑌾𑌖𑍍𑌯𑌾𑌸𑍍𑌯𑌾𑌮𑌃 ।)

Browse Related Categories: