brahma̍jajñā̠na-mpra̍tha̠ma-mpu̠rastā̠-dvisī̍ma̠ta-ssu̠ruchō̍ vē̠na ā̍vaḥ ।
sa bu̠dhniyā̍ upa̠mā a̍sya vi̠ṣṭhā-ssa̠taścha̠ yōni̠-masa̍taścha̠ viva̍ḥ ।
nākē̍ supa̠rṇa mupa̠ya-tpata̍ntagṃ hṛ̠dā vēna̍ntō a̠bhyacha̍kṣa-tatvā ।
hira̍ṇyapakṣa̠ṃ varu̍ṇasya dū̠taṃ ya̠masya̠ yōnau̍ śaku̠na-mbhu̍ra̠ṇyum ।
āpyā̍yasva̠ samē̍tu tē vi̠śvata̍-ssōma̠ vṛṣṇi̍yam । bhavā̠ vāja̍sya saṅga̠thē ।
yō ru̠drō a̠gnau yō a̠phsu ya ōṣa̍dhīṣu̠ yō ru̠drō viśvā̠
bhuva̍nā-''vi̠vēśa̠ tasmai̍ ru̠drāya̠ namō̍ astu । 1 (apa upaspṛśya)
i̠daṃ viṣṇu̠ rvicha̍kramē trē̠dhā nida̍dhē pa̠dam । samū̍ḍhamasya pāgṃ su̠rē ।
indra̠ṃ viśvā̍ avīvṛdhan-thsamu̠dravya̍chasa̠-ṅgira̍ḥ ।
ra̠thīta̍magṃ rathī̠nāṃ vājā̍nā̠gṃ̠ satpa̍ti̠-mpati̎m ।
āpō̠ vā i̠daṃgṃ sarva̠ṃ viśvā̍ bhū̠tānyāpa̍ḥ prā̠ṇā vā āpa̍ḥ pa̠śava̠ āpō-'nna̠māpō-'mṛ̍ta̠māpa̍-ssa̠mrāḍāpō̍ vi̠rāḍāpa̍-ssva̠rāḍāpa̠-śChandā̠g̠śyāpō̠ jyōtī̠g̠ṣyāpō̠ yajū̠g̠ṣyāpa̍-ssa̠tyamāpa̠-ssarvā̍ dē̠vatā̠ āpō̠ bhūrbhuva̠ssuva̠rāpa̠ ōm । 2
a̠paḥ praṇa̍yati । śra̠ddhā vā āpa̍ḥ । śra̠ddhāmē̠vārabhya̍ pra̠ṇīya̠ pracha̍rati ।
a̠paḥ praṇa̍yati ।
ya̠jñō vā āpa̍ḥ । ya̠jñamē̠vārabhya̍ pra̠ṇīya̠ pracha̍rati । a̠paḥ praṇa̍yati ।
vajrō̠ vā āpa̍ḥ । vajra̍mē̠va bhrātṛ̍vyēbhyaḥ pra̠hṛtya̍ pra̠ṇīya̠ pracha̍rati ।
a̠paḥ praṇa̍yati ।
āpō̠ vai ra̍kṣō̠ghnīḥ । rakṣa̍sā̠mapa̍hatyai । a̠paḥ praṇa̍yati ।
āpō̠ vai dē̠vānā̎-mpri̠ya-ndhāma̍ । dē̠vānā̍mē̠va pri̠ya-ndhāma̍ pra̠ṇīya̠ pracha̍rati । a̠paḥ praṇa̍yati ।
āpō̠ vai sarvā̍ dē̠vatā̎ḥ । dē̠vatā̍ ē̠vārabhya̍ pra̠ṇīya̠ pracha̍rati ।
a̠paḥ praṇa̍yati ।
āpō̠ vai śā̠ntāḥ । śā̠ntābhi̍rē̠vāsya̠ śuchagṃ̍ śamayati । dē̠vō va̍ḥ
savi̠tō-tpu̍nā̠tva-chChi̍drēṇa pa̠vitrē̍ṇa̠ vasō̠ssūrya̍sya ra̠śmibhi̍ḥ ॥ 3
kūrchāgrai rrākṣasā-nghōrān Chindhi karmavighātinaḥ ।
tvāmarpayāmi kumbhē-'smin sāphalya-ṅkuru karmaṇi ।
vṛkṣarāja samudbhūtā-śśākhāyāḥ pallavatva chaḥ ।
yuṣmān kumbhēṣvarpayāmi sarvapāpāpanuttayē ।
nāḻikēra-samudbhūta trinētra hara sammita ।
śikhayā duritaṃ sarva-mpāpa-mpīḍā-ñcha mē nuda ।
sa̠ hi ratnā̍ni dā̠śuṣē̍ su̠vāti̍ savi̠tā bhaga̍ḥ ।
ta-mbhā̠ga-ñchi̠tramī̍mahē । (ṛgvēda mantraḥ)
tatvā̍ yāmi̠ brahma̍ṇā̠ vanda̍māna̠-stadāśā̎stē̠ yaja̍mānō ha̠virbhi̍ḥ ।
ahē̍ḍamānō varuṇē̠ha bō̠ddhyuru̍śagṃsa̠ mā na̠ āyu̠ḥ pramō̍ṣīḥ ॥
ō-mbhūrbhuva̠ssuva̠rōm । asmin kumbhē varuṇamāvāhayāmi ।
varuṇasya idamāsanam । varuṇāya namaḥ । sakalārādhanai-ssvarchitam ।
ratnasiṃhāsanaṃ samarpayāmi । pādyaṃ samarpayāmi ।
arghyaṃ samarpayāmi । āchamanīyaṃ samarpayāmi ।
madhuparkkaṃ samarpayāmi । snānaṃ samarpayāmi ।
snānānantaraṃ āchamanīyaṃ samarpayāmi ।
vastrōttarīyaṃ samarpayāmi । upavītaṃ samarpayāmi ।
gandhā-ndhārayāmi । akṣatān samarpayāmi ।
puṣpāṇi samarpayāmi ।
1. ōṃ varuṇāya namaḥ
2. ō-mprachētasē namaḥ
3. ōṃ surūpiṇē namaḥ
4. ōṃ apāmpatayē namaḥ
5. ō-mmakaravāhanāya namaḥ
6. jalādhipatayē namaḥ
7. ō-mpāśahastāya namaḥ
8. ō-ntīrtharājāya namaḥ
ōṃ varuṇāya namaḥ । nānāvidha parimaḻa patra puṣpāṇi samarpayāmi ।
dhūpaṃ āghrāpayāmi । dīpa-ndarśayāmi ।
dhūpadīpānantaraṃ āchamanīyaṃ samarpayāmi ।
ō-mbhūrbhuvassuvaḥ । tathsa̍vi̠turvarē̎ṇya̠-mbhargō̍ dē̠vasya̍ dhīmahi ।
dhiyō̠ yōna̍ prachō̠dayā̎t ।
dēva savitaḥ prasuvaḥ । satya-ntvartēna pariṣiñchāmi ।
(rātrau - ṛta-ntvā satyēna pariṣiñchāmi) ।
ōṃ varuṇāya namaḥ । amṛta-mbhavatu । amṛtōpastaraṇamasi ।
ō-mprāṇāya svāhā । ōṃ apānāya svāhā । ōṃ vyānāya svāhā ।
ōṃ udānāya svāhā । ōṃ samānāya svāhā । ō-mbrahmaṇē svāhā ।
kadaḻīphala-nnivēdayāmi । maddhyēmaddhyē amṛtapānīyaṃ samarpayāmi । amṛtāpidhānamasi । naivēdyānantaraṃ āchamanīyaṃ samarpayāmi ।
tāmbūlaṃ samarpayāmi । karpūra nīrājana-mpradarśayāmi ।
nīrājanānantaraṃ āchamanīyaṃ samarpayāmi । mantra puṣpaṃ samarpayāmi ।
suvarṇa puṣpaṃ samarpayāmi । samastōpachārān samarpayāmi ॥
