Mahanyasam - 7.2. Purusha Suktam - Grantha

𑌸॒𑌹𑌸𑍍𑌰॑𑌶𑍀𑌰𑍍𑌷𑌾॒ 𑌪𑍁𑌰𑍁॑𑌷𑌃 । 𑌸॒𑌹॒𑌸𑍍𑌰𑌾॒𑌕𑍍𑌷𑌃 𑌸॒𑌹𑌸𑍍𑌰॑𑌪𑌾𑌤𑍍 । 𑌸 𑌭𑍂𑌮𑌿𑌂॑-𑌵𑌿𑌁॒𑌶𑍍𑌵𑌤𑍋॑ 𑌵𑍃॒𑌤𑍍𑌵𑌾 । 𑌅𑌤𑍍𑌯॑𑌤𑌿𑌷𑍍𑌠-𑌦𑍍𑌦𑌶𑌾𑌂𑌗𑍁॒𑌲𑌮𑍍 । 𑌪𑍁𑌰𑍁॑𑌷 𑌏॒𑌵𑍇𑌦𑌗𑍍𑌮𑍍 𑌸𑌰𑍍𑌵᳚𑌮𑍍 । 𑌯-𑌦𑍍𑌭𑍂॒𑌤𑌂-𑌯𑌁𑌚𑍍𑌚॒ 𑌭𑌵𑍍𑌯᳚𑌮𑍍 ।
𑌉॒𑌤𑌾𑌮𑍃॑𑌤॒𑌤𑍍𑌵𑌸𑍍𑌯𑍇𑌶𑌾॑𑌨𑌃 । 𑌯𑌦𑌨𑍍𑌨𑍇॑𑌨𑌾-𑌤𑌿॒𑌰𑍋𑌹॑𑌤𑌿 ।
𑌏॒𑌤𑌾𑌵𑌾॑𑌨𑌸𑍍𑌯 𑌮𑌹𑌿॒𑌮𑌾 । 𑌅𑌤𑍋॒ 𑌜𑍍𑌯𑌾𑌯𑌾𑌗𑍍𑌗𑍍॑𑌶𑍍𑌚॒ 𑌪𑍂𑌰𑍁॑𑌷𑌃 ॥ 1

𑌪𑌾𑌦𑍋᳚𑌽𑌸𑍍𑌯॒ 𑌵𑌿𑌶𑍍𑌵𑌾॑ 𑌭𑍂॒𑌤𑌾𑌨𑌿॑ । 𑌤𑍍𑌰𑌿॒𑌪𑌾𑌦॑𑌸𑍍𑌯𑌾॒-𑌮𑍃𑌤𑌂॑ 𑌦𑌿॒𑌵𑌿 । 𑌤𑍍𑌰𑌿॒𑌪𑌾𑌦𑍂॒𑌰𑍍𑌧𑍍𑌵 𑌉𑌦𑍈॒𑌤𑍍 𑌪𑍁𑌰𑍁॑𑌷𑌃 । 𑌪𑌾𑌦𑍋᳚ 𑌽𑌸𑍍𑌯𑍇॒𑌹𑌾𑌽𑌽𑌭॑𑌵𑌾॒𑌤𑍍 𑌪𑍁𑌨𑌃॑ ।
𑌤𑌤𑍋॒ 𑌵𑌿𑌷𑍍𑌵𑌂॒-𑌵𑍍𑌯𑌁॑𑌕𑍍𑌰𑌾𑌮𑌤𑍍 । 𑌸𑌾॒𑌶॒𑌨𑌾॒𑌨॒𑌶॒𑌨𑍇 𑌅॒𑌭𑌿 ॥ 𑌤𑌸𑍍𑌮𑌾᳚-𑌦𑍍𑌵𑌿॒𑌰𑌾𑌡॑𑌜𑌾𑌯𑌤 । 𑌵𑌿॒𑌰𑌾𑌜𑍋॒ 𑌅𑌧𑌿॒ 𑌪𑍂𑌰𑍁॑𑌷𑌃 । 𑌸 𑌜𑌾॒𑌤𑍋 𑌅𑌤𑍍𑌯॑𑌰𑌿𑌚𑍍𑌯𑌤 । 𑌪॒𑌶𑍍𑌚𑌾-𑌦𑍍𑌭𑍂𑌮𑌿॒𑌮𑌥𑍋॑ 𑌪𑍁॒𑌰𑌃 ॥ 2

𑌯𑌤𑍍𑌪𑍁𑌰𑍁॑𑌷𑍇𑌣 𑌹॒𑌵𑌿𑌷𑌾᳚ । 𑌦𑍇॒𑌵𑌾 𑌯॒𑌜𑍍𑌞𑌮𑌤॑𑌨𑍍𑌵𑌤 । 𑌵॒𑌸𑌂॒𑌤𑍋 𑌅॑𑌸𑍍𑌯𑌾𑌸𑍀॒𑌦𑌾𑌜𑍍𑌯᳚𑌮𑍍 । 𑌗𑍍𑌰𑍀॒𑌷𑍍𑌮 𑌇॒𑌦𑍍𑌧𑍍𑌮 𑌶𑍍𑌶॒𑌰𑌦𑍍𑌧॒𑌵𑌿𑌃 । 𑌸॒𑌪𑍍𑌤𑌾𑌸𑍍𑌯𑌾॑𑌸𑌨𑍍 𑌪𑌰𑌿॒𑌧𑌯𑌃॑ । 𑌤𑍍𑌰𑌿𑌃 𑌸॒𑌪𑍍𑌤 𑌸॒𑌮𑌿𑌧𑌃॑ 𑌕𑍃॒𑌤𑌾𑌃 । 𑌦𑍇॒𑌵𑌾𑌯-𑌦𑍍𑌯॒𑌜𑍍𑌞𑌂 𑌤॑𑌨𑍍𑌵𑌾॒𑌨𑌾𑌃 । 𑌅𑌬॑𑌧𑍍𑌨॒𑌨𑍍 𑌪𑍁𑌰𑍁॑𑌷𑌂 𑌪॒𑌶𑍁𑌮𑍍 ॥
𑌤𑌂-𑌯𑌁॒𑌜𑍍𑌞𑌂 𑌬॒𑌰𑍍𑌹𑌿𑌷𑌿॒ 𑌪𑍍𑌰𑍌𑌕𑍍𑌷𑌨𑍍𑌨𑍍॑ । 𑌪𑍁𑌰𑍁॑𑌷𑌂 𑌜𑌾॒𑌤𑌮॑𑌗𑍍𑌰॒𑌤𑌃 ॥ 3

𑌤𑍇𑌨॑ 𑌦𑍇॒𑌵𑌾 𑌅𑌯॑𑌜𑌂𑌤 । 𑌸𑌾॒𑌦𑍍𑌧𑍍𑌯𑌾 𑌋𑌷॑𑌯𑌶𑍍𑌚॒ 𑌯𑍇 ।
𑌤𑌸𑍍𑌮𑌾᳚-𑌦𑍍𑌯॒𑌜𑍍𑌞𑌾𑌤𑍍 𑌸॑𑌰𑍍𑌵॒𑌹𑍁𑌤𑌃॑ । 𑌸𑌂𑌭𑍃॑𑌤𑌂 𑌪𑍃𑌷𑌦𑌾॒𑌜𑍍𑌯𑌮𑍍 । 𑌪॒𑌶𑍂𑌗𑍍𑌗𑍍𑌸𑍍𑌤𑌾𑌗𑍍𑌗𑍍𑌶𑍍𑌚॑𑌕𑍍𑌰𑍇 𑌵𑌾𑌯॒𑌵𑍍𑌯𑌾𑌨𑍍॑ । 𑌆॒𑌰॒𑌣𑍍𑌯𑌾𑌨𑍍 𑌗𑍍𑌰𑌾॒𑌮𑍍𑌯𑌾𑌶𑍍𑌚॒ 𑌯𑍇 । 𑌤𑌸𑍍𑌮𑌾᳚-𑌦𑍍𑌯॒𑌜𑍍𑌞𑌾𑌤𑍍 𑌸॑𑌰𑍍𑌵॒𑌹𑍁𑌤𑌃॑ । 𑌋𑌚𑌃॒ 𑌸𑌾𑌮𑌾॑𑌨𑌿 𑌜𑌜𑍍𑌞𑌿𑌰𑍇 ।
𑌛𑌂𑌦𑌾𑌗𑍍𑌮𑍍॑𑌸𑌿 𑌜𑌜𑍍𑌞𑌿𑌰𑍇॒ 𑌤𑌸𑍍𑌮𑌾᳚𑌤𑍍 । 𑌯𑌜𑍁॒𑌸𑍍𑌤𑌸𑍍𑌮𑌾॑-𑌦𑌜𑌾𑌯𑌤 ॥ 4

𑌤𑌸𑍍𑌮𑌾॒𑌦𑌶𑍍𑌵𑌾॑ 𑌅𑌜𑌾𑌯𑌂𑌤 । 𑌯𑍇 𑌕𑍇 𑌚𑍋॑𑌭॒𑌯𑌾𑌦॑𑌤𑌃 ।
𑌗𑌾𑌵𑍋॑ 𑌹 𑌜𑌜𑍍𑌞𑌿𑌰𑍇॒ 𑌤𑌸𑍍𑌮𑌾᳚𑌤𑍍 । 𑌤𑌸𑍍𑌮𑌾᳚𑌜𑍍𑌜𑌾॒𑌤𑌾 𑌅॑𑌜𑌾॒𑌵𑌯𑌃॑ ।
𑌯𑌤𑍍𑌪𑍁𑌰𑍁॑𑌷𑌂॒-𑌵𑍍𑌯𑌁॑𑌦𑌧𑍁𑌃 । 𑌕॒𑌤𑌿॒𑌧𑌾 𑌵𑍍𑌯॑𑌕𑌲𑍍𑌪𑌯𑌨𑍍𑌨𑍍 ।
𑌮𑍁𑌖𑌂॒ 𑌕𑌿𑌮॑𑌸𑍍𑌯॒ 𑌕𑍌 𑌬𑌾॒𑌹𑍂 । 𑌕𑌾𑌵𑍂॒𑌰𑍂 𑌪𑌾𑌦𑌾॑𑌵𑍁𑌚𑍍𑌯𑍇𑌤𑍇 । 𑌬𑍍𑌰𑌾॒𑌹𑍍𑌮॒𑌣𑍋᳚𑌽𑌸𑍍𑌯॒ 𑌮𑍁𑌖॑𑌮𑌾𑌸𑍀𑌤𑍍 । 𑌬𑌾॒𑌹𑍂 𑌰𑌾॑𑌜॒𑌨𑍍𑌯𑌃॑ 𑌕𑍃॒𑌤𑌃 ॥ 5

𑌊॒𑌰𑍂 𑌤𑌦॑𑌸𑍍𑌯॒ 𑌯-𑌦𑍍𑌵𑍈𑌶𑍍𑌯𑌃॑ । 𑌪॒𑌦𑍍𑌭𑍍𑌯𑌾𑌗𑍍𑌮𑍍 𑌶𑍂॒𑌦𑍍𑌰𑍋 𑌅॑𑌜𑌾𑌯𑌤 । 𑌚𑌂॒𑌦𑍍𑌰𑌮𑌾॒ 𑌮𑌨॑𑌸𑍋 𑌜𑌾॒𑌤𑌃 । 𑌚𑌕𑍍𑌷𑍋𑌃॒ 𑌸𑍂𑌰𑍍𑌯𑍋॑ 𑌅𑌜𑌾𑌯𑌤 । 𑌮𑍁𑌖𑌾॒-𑌦𑌿𑌂𑌦𑍍𑌰॑𑌶𑍍𑌚𑌾॒𑌗𑍍𑌨𑌿𑌶𑍍𑌚॑ ।
𑌪𑍍𑌰𑌾॒𑌣𑌾-𑌦𑍍𑌵𑌾॒𑌯𑍁𑌰॑𑌜𑌾𑌯𑌤 । 𑌨𑌾𑌭𑍍𑌯𑌾॑ 𑌆𑌸𑍀𑌦𑌂॒𑌤𑌰𑌿॑𑌕𑍍𑌷𑌮𑍍 । 𑌶𑍀॒𑌰𑍍𑌷𑍍𑌣𑍋 𑌦𑍍𑌯𑍌𑌃 𑌸𑌮॑𑌵𑌰𑍍𑌤𑌤 । 𑌪॒𑌦𑍍𑌭𑍍𑌯𑌾𑌂 𑌭𑍂𑌮𑌿॒ 𑌰𑍍𑌦𑌿𑌶𑌃॒ 𑌶𑍍𑌰𑍋𑌤𑍍𑌰𑌾᳚𑌤𑍍 । 𑌤𑌥𑌾॑ 𑌲𑍋॒𑌕𑌾𑌗𑍍𑌮𑍍 𑌅॑𑌕𑌲𑍍𑌪𑌯𑌨𑍍𑌨𑍍 ॥ 6

𑌵𑍇𑌦𑌾॒𑌹𑌮𑍇॒𑌤𑌂 𑌪𑍁𑌰𑍁॑𑌷𑌂 𑌮॒𑌹𑌾𑌂𑌤᳚𑌮𑍍 । 𑌆॒𑌦𑌿॒𑌤𑍍𑌯𑌵॑𑌰𑍍𑌣𑌂॒ 𑌤𑌮॑𑌸॒𑌸𑍍𑌤𑍁 𑌪𑌾॒𑌰𑍇 ।
𑌸𑌰𑍍𑌵𑌾॑𑌣𑌿 𑌰𑍂॒𑌪𑌾𑌣𑌿॑ 𑌵𑌿॒𑌚𑌿𑌤𑍍𑌯॒ 𑌧𑍀𑌰𑌃॑ । 𑌨𑌾𑌮𑌾॑𑌨𑌿 𑌕𑍃॒𑌤𑍍𑌵𑌾𑌭𑌿॒𑌵𑌦॒𑌨𑍍 𑌯𑌦𑌾𑌸𑍍𑌤𑍇᳚ । 𑌧𑌾॒𑌤𑌾 𑌪𑍁॒𑌰𑌸𑍍𑌤𑌾॒-𑌦𑍍𑌯𑌮𑍁॑𑌦𑌾𑌜॒𑌹𑌾𑌰॑ । 𑌶॒𑌕𑍍𑌰𑌃 𑌪𑍍𑌰𑌵𑌿॒𑌦𑍍𑌵𑌾𑌨𑍍 𑌪𑍍𑌰॒𑌦𑌿𑌶॒𑌶𑍍𑌚𑌤॑𑌸𑍍𑌰𑌃 । 𑌤𑌮𑍇॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌮𑍃𑌤॑ 𑌇॒𑌹 𑌭॑𑌵𑌤𑌿 । 𑌨𑌾𑌨𑍍𑌯𑌃 𑌪𑌂𑌥𑌾॒ 𑌅𑌯॑𑌨𑌾𑌯 𑌵𑌿𑌦𑍍𑌯𑌤𑍇 ।
𑌯॒𑌜𑍍𑌞𑍇𑌨॑ 𑌯॒𑌜𑍍𑌞𑌮॑𑌯𑌜𑌂𑌤 𑌦𑍇॒𑌵𑌾𑌃 । 𑌤𑌾𑌨𑌿॒ 𑌧𑌰𑍍𑌮𑌾॑𑌣𑌿 𑌪𑍍𑌰𑌥॒𑌮𑌾𑌨𑍍𑌯𑌾॑𑌸𑌨𑍍𑌨𑍍 । 𑌤𑍇 𑌹॒ 𑌨𑌾𑌕𑌂॑ 𑌮𑌹𑌿॒𑌮𑌾𑌨॑-𑌸𑍍𑌸𑌚𑌂𑌤𑍇 । 𑌯𑌤𑍍𑌰॒ 𑌪𑍂𑌰𑍍𑌵𑍇॑ 𑌸𑌾॒𑌦𑍍𑌧𑍍𑌯𑌾𑌃 𑌸𑌂𑌤𑌿॑ 𑌦𑍇॒𑌵𑌾𑌃 ॥ 𑍭

𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 ॥ 𑌪𑍁𑌰𑍁𑌷𑌸𑍂𑌕𑍍𑌤𑌗𑍍𑌮𑍍 𑌶𑌿𑌰𑌸𑍇 𑌸𑍍𑌵𑌾𑌹𑌾 ॥

Browse Related Categories: