Mahanyasam - 7.4. Apratiratham - Grantha

𑌆॒𑌶𑍁𑌃 𑌶𑌿𑌶𑌾॑𑌨𑍋 𑌵𑍃𑌷॒𑌭𑍋 𑌨 𑌯𑍁॒𑌧𑍍𑌮𑍋 𑌘॑𑌨𑌾𑌘॒𑌨𑌃 𑌕𑍍𑌷𑍋𑌭॑𑌣-𑌶𑍍𑌚𑌰𑍍𑌷𑌣𑍀॒𑌨𑌾𑌮𑍍 ।
𑌸𑌂॒॒𑌕𑍍𑌰𑌂𑌦॑𑌨𑍋-𑌽𑌨𑌿𑌮𑌿॒𑌷 𑌏॑𑌕 𑌵𑍀॒𑌰𑌶𑍍𑌶॒𑌤𑌗𑍍𑌮𑍍 𑌸𑍇𑌨𑌾॑ 𑌅𑌜𑌯𑌥𑍍𑌸𑌾॒-𑌕𑌮𑌿𑌂𑌦𑍍𑌰𑌃॑ ।
𑌸𑌂॒𑌕𑍍𑌰𑌂𑌦॑𑌨𑍇𑌨𑌾 𑌨𑌿𑌮𑌿॒𑌷𑍇𑌣॑ 𑌜𑌿॒𑌷𑍍𑌣𑍁𑌨𑌾॑ 𑌯𑍁𑌤𑍍𑌕𑌾॒𑌰𑍇𑌣॑ 𑌦𑍁𑌶𑍍𑌚𑍍𑌯𑌵॒𑌨𑍇𑌨॑ 𑌧𑍃॒𑌷𑍍𑌣𑍁𑌨𑌾᳚ ।
𑌤𑌦𑌿𑌂𑌦𑍍𑌰𑍇॑𑌣 𑌜𑌯𑌤॒ 𑌤𑌥𑍍𑌸॑𑌹𑌧𑍍𑌵𑌂॒-𑌯𑍁𑌁𑌧𑍋॑ 𑌨𑌰॒ 𑌇𑌷𑍁॑ 𑌹𑌸𑍍𑌤𑍇𑌨॒ 𑌵𑍃𑌷𑍍𑌣𑌾᳚ ।
𑌸 𑌇𑌷𑍁॑𑌹𑌸𑍍𑌤𑍈𑌃॒ 𑌸 𑌨𑌿॑𑌷𑌂॒𑌗𑌿𑌭𑌿॑ 𑌰𑍍𑌵॒𑌶𑍀 𑌸𑌗𑍍𑌗𑍍𑌸𑍍𑌰॑𑌷𑍍𑌟𑌾॒ 𑌸𑌯𑍁𑌧॒ 𑌇𑌂𑌦𑍍𑌰𑍋॑ 𑌗॒𑌣𑍇𑌨॑ ।
𑌸॒𑌗𑍍𑌮𑍍॒𑌸𑍃॒𑌷𑍍𑌟॒-𑌜𑌿𑌥𑍍𑌸𑍋॑𑌮॒𑌪𑌾 𑌬𑌾॑𑌹𑍁 𑌶॒𑌰𑍍𑌧𑍍𑌯𑍂᳚𑌰𑍍𑌧𑍍𑌵-𑌧॑𑌨𑍍𑌵𑌾॒ 𑌪𑍍𑌰𑌤𑌿॑𑌹𑌿𑌤𑌾-𑌭𑌿॒𑌰𑌸𑍍𑌤𑌾᳚ ।
𑌬𑍃𑌹॑𑌸𑍍𑌪𑌤𑍇॒ 𑌪𑌰𑌿॑𑌦𑍀𑌯𑌾॒ 𑌰𑌥𑍇॑𑌨 𑌰𑌕𑍍𑌷𑍋॒𑌹𑌾𑌽𑌮𑌿𑌤𑍍𑌰𑌾𑌗𑍍𑌮𑍍॑ 𑌅𑌪॒ 𑌬𑌾𑌧॑𑌮𑌾𑌨𑌃 । 1

𑌪𑍍𑌰॒𑌭𑌂॒𑌜𑌨𑍍 𑌥𑍍𑌸𑍇𑌨𑌾𑌃᳚ 𑌪𑍍𑌰𑌮𑍃॒𑌣𑍋 𑌯𑍁॒𑌧𑌾 𑌜𑌯॑𑌨𑍍𑌨॒𑌸𑍍𑌮𑌾𑌕॑-𑌮𑍇𑌦𑍍𑌧𑍍𑌯𑌵𑌿॒𑌤𑌾 𑌰𑌥𑌾॑𑌨𑌾𑌮𑍍 ।
𑌗𑍋॒𑌤𑍍𑌰॒𑌭𑌿𑌦𑌂॑ 𑌗𑍋॒𑌵𑌿𑌦𑌂॒-𑌵𑌁𑌜𑍍𑌰॑𑌬𑌾𑌹𑍁𑌂॒ 𑌜𑌯𑌂॑𑌤॒𑌮𑌜𑍍𑌮॑ 𑌪𑍍𑌰𑌮𑍃॒𑌣𑌂𑌤॒-𑌮𑍋𑌜॑𑌸𑌾 ।
𑌇॒𑌮𑌗𑍍𑌮𑍍 𑌸॑𑌜𑌾𑌤𑌾॒ 𑌅𑌨𑍁॑𑌵𑍀𑌰-𑌯𑌧𑍍𑌵॒𑌮𑌿𑌂𑌦𑍍𑌰𑌗𑍍𑌮𑍍॑ 𑌸𑌖𑌾॒𑌯𑍋𑌽𑌨𑍁॒ 𑌸𑌰॑𑌭𑌧𑍍𑌵𑌮𑍍 ।
𑌬॒𑌲॒𑌵𑌿॒𑌜𑍍𑌞𑌾॒𑌯-𑌸𑍍𑌸𑍍𑌥𑌵𑌿॑𑌰𑌃॒ 𑌪𑍍𑌰𑌵𑍀॑𑌰॒-𑌸𑍍𑌸𑌹॑𑌸𑍍𑌵𑌾𑌨𑍍 𑌵𑌾॒𑌜𑍀 𑌸𑌹॑𑌮𑌾𑌨 𑌉॒𑌗𑍍𑌰𑌃 ।
𑌅॒𑌭𑌿𑌵𑍀॑𑌰𑍋 𑌅॒𑌭𑌿𑌸॑𑌤𑍍𑌵𑌾 𑌸𑌹𑍋॒𑌜𑌾 𑌜𑍈𑌤𑍍𑌰॑𑌮𑌿𑌂𑌦𑍍𑌰॒ 𑌰𑌥॒𑌮𑌾𑌤𑌿॑𑌷𑍍𑌠 𑌗𑍋॒𑌵𑌿𑌤𑍍 । 2

𑌅॒𑌭𑌿 𑌗𑍋॒𑌤𑍍𑌰𑌾𑌣𑌿॒ 𑌸𑌹॑𑌸𑌾॒ 𑌗𑌾𑌹॑𑌮𑌾𑌨𑍋-𑌽𑌦𑌾॒𑌯𑍋 𑌵𑍀॒𑌰 𑌶𑍍𑌶॒𑌤-𑌮॑𑌨𑍍𑌯𑍁॒𑌰𑌿𑌂𑌦𑍍𑌰𑌃॑ ।
𑌦𑍁॒𑌶𑍍𑌚𑍍𑌯॒𑌵॒𑌨𑌃 𑌪𑍃॑𑌤𑌨𑌾॒𑌷𑌾𑌡॑ 𑌯𑍁॒𑌦𑍍𑌧𑍍𑌯𑍋᳚-𑌽𑌸𑍍𑌮𑌾𑌕॒𑌗𑍍𑌮𑍍॒ 𑌸𑍇𑌨𑌾॑ 𑌅𑌵𑌤𑍁॒ 𑌪𑍍𑌰𑌯𑍁॒𑌥𑍍𑌸𑍁 ।
𑌇𑌂𑌦𑍍𑌰॑ 𑌆𑌸𑌾𑌂 𑌨𑍇॒𑌤𑌾 𑌬𑍃𑌹॒𑌸𑍍𑌪𑌤𑌿॒ 𑌰𑍍𑌦𑌕𑍍𑌷𑌿॑𑌣𑌾 𑌯॒𑌜𑍍𑌞𑌃 𑌪𑍁॒𑌰 𑌏॑𑌤𑍁॒ 𑌸𑍋𑌮𑌃॑ ।
𑌦𑍇॒𑌵॒𑌸𑍇॒𑌨𑌾𑌨𑌾॑-𑌮𑌭𑌿𑌭𑌂 𑌜𑌤𑍀॒𑌨𑌾𑌂 𑌜𑌯𑌂॑𑌤𑍀𑌨𑌾𑌂 𑌮॒𑌰𑍁𑌤𑍋॑ 𑌯𑌂॒𑌤𑍍𑌵𑌗𑍍𑌰𑍇᳚ ।
𑌇𑌂𑌦𑍍𑌰॑𑌸𑍍𑌯॒ 𑌵𑍃𑌷𑍍𑌣𑍋॒ 𑌵𑌰𑍁॑𑌣𑌸𑍍𑌯॒ 𑌰𑌾𑌜𑍍𑌞॑ 𑌆𑌦𑌿॒𑌤𑍍𑌯𑌾𑌨𑌾𑌂᳚ 𑌮॒𑌰𑍁𑌤𑌾॒𑌗𑍍𑌮𑍍॒ 𑌶𑌰𑍍𑌧॑ 𑌉॒𑌗𑍍𑌰𑌮𑍍 ।

𑌮॒𑌹𑌾𑌮॑𑌨𑌸𑌾𑌂 𑌭𑍁𑌵𑌨𑌚𑍍𑌯॒𑌵𑌾𑌨𑌾𑌂॒ 𑌘𑍋𑌷𑍋॑ 𑌦𑍇॒𑌵𑌾𑌨𑌾𑌂॒ 𑌜𑌯॑𑌤𑌾॒ 𑌮𑍁𑌦॑𑌸𑍍𑌥𑌾𑌤𑍍 ।
𑌅॒𑌸𑍍𑌮𑌾𑌕॒-𑌮𑌿𑌂𑌦𑍍𑌰𑌃॒-𑌸𑌮𑍃॑𑌤𑍇𑌷𑍁-𑌧𑍍𑌵॒𑌜𑍇-𑌷𑍍𑌵॒𑌸𑍍𑌮𑌾𑌕𑌂॒-𑌯𑌾𑌁 𑌇𑌷॑𑌵॒𑌸𑍍𑌤𑌾 𑌜॑𑌯𑌂𑌤𑍁 । 3

𑌅॒𑌸𑍍𑌮𑌾𑌕𑌂॑-𑌵𑍀𑌁॒𑌰𑌾 𑌉𑌤𑍍𑌤॑𑌰𑍇 𑌭𑌵𑌂𑌤𑍍𑌵॒𑌸𑍍𑌮𑌾𑌨𑍁॑ 𑌦𑍇𑌵𑌾 𑌅𑌵𑌤𑌾॒ 𑌹𑌵𑍇॑𑌷𑍁 । 𑌉𑌦𑍍𑌧॑𑌰𑍍𑌷𑌯 𑌮𑌘𑌵॒𑌨𑍍𑌨𑌾-𑌯𑍁॑𑌧𑌾॒-𑌨𑍍𑌯𑍁𑌥𑍍𑌸𑌤𑍍𑌵॑𑌨𑌾𑌂 𑌮𑌾𑌮॒𑌕𑌾𑌨𑌾𑌂॒ 𑌮𑌹𑌾𑌗𑍍𑌮𑍍॑𑌸𑌿 ।
𑌉𑌦𑍍𑌵𑍃॑𑌤𑍍𑌰𑌹𑌨𑍍 𑌵𑌾॒𑌜𑌿𑌨𑌾𑌂॒-𑌵𑌾𑌁𑌜𑌿॑𑌨𑌾॒-𑌨𑍍𑌯𑍁𑌦𑍍𑌰𑌥𑌾॑𑌨𑌾𑌂॒ 𑌜𑌯॑𑌤𑌾𑌮𑍇𑌤𑍁॒ 𑌘𑍋𑌷𑌃॑ ।
𑌉𑌪॒𑌪𑍍𑌰𑍇𑌤॒ 𑌜𑌯॑𑌤𑌾 𑌨𑌰𑌃 𑌸𑍍𑌥𑌿॒𑌰𑌾 𑌵𑌃॑ 𑌸𑌂𑌤𑍁 𑌬𑌾॒𑌹𑌵𑌃॑ । 𑌇𑌂𑌦𑍍𑌰𑍋॑ 𑌵𑌃॒ 𑌶𑌰𑍍𑌮॑ 𑌯𑌚𑍍𑌛𑌤𑍍𑌵𑌨𑌾-𑌧𑍃॒𑌷𑍍𑌯𑌾 𑌯𑌥𑌾𑌽𑌸॑𑌥 । 𑌅𑌵॑𑌸𑍃𑌷𑍍𑌟𑌾॒ 𑌪𑌰𑌾॑𑌪𑌤॒ 𑌶𑌰॑𑌵𑍍𑌯𑍇॒ 𑌬𑍍𑌰𑌹𑍍𑌮॑ 𑌸𑌗𑍍𑌮𑍍𑌶𑌿𑌤𑌾 । 𑌗𑌚𑍍𑌛𑌾॒𑌮𑌿𑌤𑍍𑌰𑌾॒𑌨𑍍 𑌪𑍍𑌰𑌵𑌿॑𑌶॒ 𑌮𑍈𑌷𑌾𑌂॒ 𑌕𑌂𑌚॒𑌨𑍋𑌚𑍍𑌛𑌿॑𑌷𑌃 ।
𑌮𑌰𑍍𑌮𑌾॑𑌣𑌿 𑌤𑍇॒ 𑌵𑌰𑍍𑌮॑𑌭𑌿𑌶𑍍𑌛𑌾-𑌦𑌯𑌾𑌮𑌿॒ 𑌸𑍋𑌮॑𑌸𑍍𑌤𑍍𑌵𑌾॒ 𑌰𑌾𑌜𑌾॒𑌽𑌮𑍃𑌤𑍇॑𑌨𑌾॒-𑌭𑌿𑌵॑𑌸𑍍𑌤𑌾𑌮𑍍 । 𑌉॒𑌰𑍋 𑌰𑍍𑌵𑌰𑍀॑𑌯𑍋॒ 𑌵𑌰𑌿॑𑌵𑌸𑍍𑌤𑍇 𑌅𑌸𑍍𑌤𑍁॒ 𑌜𑌯𑌂॑𑌤𑌂॒ 𑌤𑍍𑌵𑌾𑌮𑌨𑍁॑ 𑌮𑌦𑌂𑌤𑍁 𑌦𑍇॒𑌵𑌾𑌃 । 𑌯𑌤𑍍𑌰॑ 𑌬𑌾॒𑌣𑌾𑌃 𑌸𑌂॒𑌪𑌤𑌂॑𑌤𑌿 𑌕𑍁𑌮𑌾॒𑌰𑌾 𑌵𑌿॑𑌶𑌿॒𑌖𑌾 𑌇॑𑌵 ।
𑌇𑌂𑌦𑍍𑌰𑍋॑ 𑌨॒𑌸𑍍𑌤𑌤𑍍𑌰॑ 𑌵𑍃𑌤𑍍𑌰॒𑌹𑌾 𑌵𑌿॑𑌶𑍍𑌵𑌾॒𑌹𑌾 𑌶𑌰𑍍𑌮॑ 𑌯𑌚𑍍𑌛𑌤𑍁 ॥ 4 ॥

𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 ॥ 𑌆𑌶𑍁𑌶𑍍𑌶𑌿𑌶𑌾𑌨𑍋-𑌽𑌪𑍍𑌰𑌤𑌿𑌰𑌥𑌂 𑌕𑌵𑌚𑌾𑌯 𑌹𑍁𑌮𑍍 ।

Browse Related Categories: