kailāsāchalamadhyagaṃ puravahaṃ śāntaṃ trinētraṃ śivaṃ
vāmasthā kavachaṃ praṇamya girijā bhūtipradaṃ pṛchChati ।
dēvī śrībagalāmukhī ripukulāraṇyāgnirūpā cha yā
tasyāśchāpavimukta mantrasahitaṃ prītyā'dhunā brūhi mām ॥ 1 ॥
śrīśaṅkara uvācha ।
dēvī śrībhavavallabhē śṛṇu mahāmantraṃ vibhūtipradaṃ
dēvyā varmayutaṃ samastasukhadaṃ sāmrājyadaṃ muktidam ।
tāraṃ rudravadhūṃ viriñchimahilā viṣṇupriyā kāmayu-
-kkāntē śrībagalānanē mama ripūnnāśāya yugmantviti ॥ 2 ॥
aiśvaryāṇi padaṃ cha dēhi yugalaṃ śīghraṃ manōvāñChitaṃ
kāryaṃ sādhaya yugmayukChivavadhū vahnipriyāntō manuḥ ।
kaṃsārēstanayaṃ cha bījamaparāśaktiścha vāṇī tathā
kīlaṃ śrīmiti bhairavarṣisahitaṃ Chandō virāṭ saṃyutam ॥ 3 ॥
svēṣṭārthasya parasya vētti nitarāṃ kāryasya samprāptayē
nānāsādhyamahāgadasya niyatannāśāya vīryāptayē ।
dhyātvā śrībagalānanāmanuvaraṃ japtvā sahasrākhyakaṃ
dīrghaiḥ ṣaṭkayutaiścha rudramahilābījairvinyāsyāṅgakē ॥ 4 ॥
dhyānam ।
sauvarṇāsanasaṃsthitāṃ trinayanāṃ pītāṃśukōlāsinīṃ
hēmābhāṅgaruchiṃ śaśāṅkamukuṭāṃ srakchampakasragyutām ।
hastairmadgarapāśabaddharasanāṃ sambibhratīṃ bhūṣaṇa-
-vyāptāṅgīṃ bagalāmukhīṃ trijagatāṃ saṃstambhinīṃ chintayē ॥ 5 ॥
viniyōgaḥ ।
ōṃ asya śrībagalāmukhī brahmāstramantra kavachasya bhairava ṛṣiḥ virāṭ Chandaḥ śrībagaḻāmukhī dēvatā klīṃ bījaṃ aiṃ śaktiḥ śrīṃ kīlakaṃ mama parasya cha manōbhilaṣitēṣṭakāryasiddhayē viniyōgaḥ ।
ṛṣyādinyāsaḥ ।
bhairava ṛṣayē namaḥ śirasi ।
virāṭ Chandasē namaḥ mukhē ।
śrī bagalāmukhī dēvatāyai namaḥ hṛdi ।
klīṃ bījāya namaḥ guhyē ।
aiṃ śaktayē namaḥ pādayōḥ ।
śrīṃ kīlakāya namaḥ sarvāṅgē ।
karanyāsaḥ ।
ōṃ hrāṃ aṅguṣṭhābhyāṃ namaḥ ।
ōṃ hrīṃ tarjanībhyāṃ namaḥ ।
ōṃ hrūṃ madhyamābhyāṃ namaḥ ।
ōṃ hraiṃ anāmikābhyāṃ namaḥ ।
ōṃ hrauṃ kaniṣṭhikābhyāṃ namaḥ ।
ōṃ hraḥ karatalakarapṛṣṭhābhyāṃ namaḥ ।
aṅganyāsaḥ ।
ōṃ hrāṃ hṛdayāya namaḥ ।
ōṃ hrīṃ śirasē svāhā ।
ōṃ hrūṃ śikhāyai vaṣaṭ ।
ōṃ hraiṃ kavachāya hum ।
ōṃ hrauṃ nētratrayāya vauṣaṭ ।
ōṃ hraḥ astrāya phaṭ ।
bhūrbhuvassuvarōmiti digbandhaḥ ।
mantrōddhāraḥ ।
ōṃ hrīṃ aiṃ śrīṃ klīṃ śrībagalānanē mama ripūnnāśaya nāśaya mamaiśvaryāṇi dēhi dēhi śīghraṃ manōvāñChitakāryaṃ sādhayaḥ sādhayaḥ hrīṃ svāhā ।
kavacham ।
śirō mē pātu ōṃ hrīṃ aiṃ śrīṃ klīṃ pātu lalāṭakam ।
sambōdhanapadaṃ pātu nētrē śrībagalānanē ॥ 1 ॥
śrutau mama ripuṃ pātu nāsikānnāśaya dvayam ।
pātu gaṇḍau sadā māmaiśvaryāṇyaṃ taṃ tu mastakam ॥ 2 ॥
dēhi dvandvaṃ sadā jihvāṃ pātu śīghraṃ vachō mama ।
kaṇṭhadēśaṃ manaḥ pātu vāñChitaṃ bāhumūlakam ॥ 3 ॥
kāryaṃ sādhaya dvandvantu karau pātu sadā mama ।
māyāyuktā tathā svāhā hṛdayaṃ pātu sarvadā ॥ 4 ॥
aṣṭādhikachatvāriṃśaddaṇḍāḍhyā bagalāmukhī ।
rakṣāṃ karōtu sarvatra gṛhē'raṇyē sadā mama ॥ 5 ॥
brahmāstrākhyō manuḥ pātu sarvāṅgē sarvasandhiṣu ।
mantrarājaḥ sadā rakṣāṃ karōtu mama sarvadā ॥ 6 ॥
ōṃ hrīṃ pātu nābhidēśaṃ kaṭiṃ mē bagalā'vatu ।
mukhī varṇadvayaṃ pātu liṅgaṃ mē muṣkayugmakam ॥ 7 ॥
jānunī sarvaduṣṭānāṃ pātu mē varṇapañchakam ।
vāchaṃ mukhaṃ tathā padaṃ ṣaḍvarṇā paramēśvarī ॥ 8 ॥
jaṅghāyugmē sadā pātu bagalā ripumōhinī ।
stambhayēti padaṃ pṛṣṭhaṃ pātu varṇatrayaṃ mama ॥ 9 ॥
jihvāṃ varṇadvayaṃ pātu gulphau mē kīlayēti cha ।
pādōrdhvaṃ sarvadā pātu buddhiṃ pādatalē mama ॥ 10 ॥
vināśaya padaṃ pātu pādāṅgulyōrnakhāni mē ।
hrīṃ bījaṃ sarvadā pātu buddhīndriyavachāṃsi mē ॥ 11 ॥
sarvāṅgaṃ praṇavaḥ pātu svāhā rōmāṇi mē'vatu ।
brāhmī pūrvadalē pātu chāgnēyāṃ viṣṇuvallabhā ॥ 12 ॥
māhēśī dakṣiṇē pātu chāmuṇḍā rākṣasē'vatu ।
kaumārī paśchimē pātu vāyavyē chāparājitā ॥ 13 ॥
vārāhī chōttarē pātu nārasiṃhī śivē'vatu ।
ūrdhvaṃ pātu mahālakṣmīḥ pātālē śāradā'vatu ॥ 14 ॥
ityaṣṭau śaktayaḥ pāntu sāyudhāścha savāhanāḥ ।
rājadvārē mahādurgē pātu māṃ gaṇanāyakaḥ ॥ 15 ॥
śmaśānē jalamadhyē cha bhairavaścha sadā'vatu ।
dvibhujā raktavasanāḥ sarvābharaṇabhūṣitāḥ ॥ 16 ॥
yōginyaḥ sarvadā pātu mahāraṇyē sadā mama ।
iti tē kathitaṃ dēvi kavachaṃ paramādbhutam ॥ 17 ॥
śrīviśvavijayannāma kīrtiśrīvijayapradam ।
aputrō labhatē putraṃ dhīraṃ śūraṃ śatāyuṣam ॥ 18 ॥
nirdhanō dhanamāpnōti kavachasyāsya pāṭhataḥ ।
japitvā mantrarājaṃ tu dhyātvā śrībagalāmukhīm ॥ 19 ॥
paṭhēdidaṃ hi kavachaṃ niśāyāṃ niyamāttu yaḥ ।
yadyatkāmayatē kāmaṃ sādhyāsādhyē mahītalē ॥ 20 ॥
tattatkāmamavāpnōti saptarātrēṇa śaṅkarī ।
guruṃ dhyātvā surāṃ pītvā rātrau śaktisamanvitaḥ ॥ 21 ॥
kavachaṃ yaḥ paṭhēddēvi tasyā'sādhyaṃ na kiñchana ।
yaṃ dhyātvā prajapēnmantraṃ sahasraṃ kavachaṃ paṭhēt ॥ 22 ॥
trirātrēṇa vaśaṃ yāti mṛtyuṃ taṃ nātra saṃśayaḥ ।
likhitvā pratimāṃ śatrōḥ satālēna haridrayā ॥ 23 ॥
likhitvā hyadi taṃ nāma taṃ dhyātvā prajapēnmanum ।
ēkaviṃśaddinaṃ yāvatpratyahaṃ cha sahasrakam ॥ 24 ॥
japtvā paṭhēttu kavachaṃ chaturviṃśativārakam ।
saṃstambhaṃ jāyatē śatrōrnātra kāryā vichāraṇā ॥ 25 ॥
vivādē vijayaṃ tasya saṅgrāmē jayamāpnuyāt ।
śmaśānē cha bhayaṃ nāsti kavachasya prabhāvataḥ ॥ 26 ॥
navanītaṃ chābhimantrya strīṇāṃ dadyānmahēśvari ।
vandhyāyāṃ jāyatē putrō vidyābalasamanvitaḥ ॥ 27 ॥
śmaśānāṅgāramādāya bhaumē rātrau śanāvatha ।
pādōdakēna spṛṣṭvā cha likhēllōhaśalākayā ॥ 28 ॥
bhūmau śatrōḥ svarūpaṃ cha hṛdi nāma samālikhēt ।
hastaṃ taddhṛdayē datvā kavachaṃ tithivārakam ॥ 29 ॥
dhyātvā japēnmantrarājaṃ navarātraṃ prayatnataḥ ।
mriyatē jvaradāhēna daśamē'hni na saṃśayaḥ ॥ 30 ॥
bhūrjapatrēṣvidaṃ stōtramaṣṭagandhēna saṃlikhēt ।
dhārayēddakṣiṇē bāhau nārī vāmabhujē tathā ॥ 31 ॥
saṅgrāmē jayamāpnōti nārī putravatī bhavēt ।
brahmāstrādīni śastrāṇi naiva kṛntanti taṃ janam ॥ 32 ॥
sampūjya kavachaṃ nityaṃ pūjāyāḥ phalamālabhēt ।
bṛhaspatisamō vāpi vibhavē dhanadōpamaḥ ॥ 33 ॥
kāmatulyaścha nārīṇāṃ śatrūṇāṃ cha yamōpamaḥ ।
kavitālaharī tasya bhavēdgaṅgāpravāhavat ॥ 34 ॥
gadyapadyamayī vāṇī bhavēddēvīprasādataḥ ।
ēkādaśaśataṃ yāvatpuraścharaṇamuchyatē ॥ 35 ॥
puraścharyāvihīnaṃ tu na chēdaṃ phaladāyakam ।
na dēyaṃ paraśiṣyēbhyō duṣṭēbhyaścha viśēṣataḥ ॥ 36 ॥
dēyaṃ śiṣyāya bhaktāya pañchatvaṃ chā'nyathāpnuyāt ।
idaṃ kavachamajñātvā bhajēdyō bagalāmukhīm ।
śatakōṭi japitvā tu tasya siddhirna jāyatē ॥ 37 ॥
dārāḍhyō manujōsya lakṣajapataḥ prāpnōti siddhiṃ parāṃ
vidyāṃ śrīvijayaṃ tathā suniyataṃ dhīraṃ cha vīraṃ varam ।
brahmāstrākhyamanuṃ vilikhya nitarāṃ bhūrjēṣṭagandhēna vai
dhṛtvā rājapuraṃ vrajanti khalu yē dāsō'sti tēṣāṃ nṛpaḥ ॥ 38 ॥
iti viśvasārōddhāratantrē pārvatīśvarasaṃvādē bagaḻāmukhīkavachaṃ sampūrṇam ।
