ഘോരരൂപേ മഹാരാവേ സർവശത്രുഭയംകരി ।
ഭക്തേഭ്യോ വരദേ ദേവി ത്രാഹി മാം ശരണാഗതമ് ॥ 1 ॥
സുരാഽസുരാര്ചിതേ ദേവി സിദ്ധഗംധർവസേവിതേ ।
ജാഡ്യപാപഹരേ ദേവി ത്രാഹി മാം ശരണാഗതമ് ॥ 2 ॥
ജടാജൂടസമായുക്തേ ലോലജിഹ്വാംതകാരിണീ ।
ദ്രുതബുദ്ധികരേ ദേവി ത്രാഹി മാം ശരണാഗതമ് ॥ 3 ॥
സൌമ്യക്രോധധരേ രൂപേ ചംഡരൂപേ നമോഽസ്തു തേ ।
സൃഷ്ടിരൂപേ നമസ്തുഭ്യം ത്രാഹി മാം ശരണാഗതമ് ॥ 4 ॥
ജഡാനാം ജഡതാം ഹംതി ഭക്താനാം ഭക്തവത്സലാ ।
മൂഢതാം ഹര മേ ദേവി ത്രാഹി മാം ശരണാഗതമ് ॥ 5 ॥
ഹ്രൂം ഹ്രൂംകരമയേ ദേവി ബലിഹോമപ്രിയേ നമഃ ।
ഉഗ്രതാരേ നമോ നിത്യം ത്രാഹി മാം ശരണാഗതമ് ॥ 6 ॥
ബുദ്ധിം ദേഹി യശോ ദേഹി കവിത്വം ദേഹി ദേവി മേ ।
മൂഢത്വം ച ഹരേര്ദേവി ത്രാഹി മാം ശരണാഗതമ് ॥ 7 ॥
ഇംദ്രാദിവിലസദ്വംദ്വവംദിതേ കരുണാമയി ।
താരേ താരധിനാഥാസ്യേ ത്രാഹി മാം ശരണാഗതമ് ॥ 8 ॥
അഷ്ടമ്യാം ച ചതുര്ദശ്യാം നവമ്യാം യഃ പഠേന്നരഃ ।
ഷണ്മാസൈഃ സിദ്ധിമാപ്നോതി നാഽത്ര കാര്യാ വിചാരണാ ॥ 9 ॥
മോക്ഷാര്ഥീ ലഭതേ മോക്ഷം ധനാര്ഥീ ലഭതേ ധനമ് ।
വിദ്യാര്ഥീ ലഭതേ വിദ്യാം തര്കവ്യാകരണാദികമ് ॥ 10 ॥
ഇദം സ്തോത്രം പഠേദ്യസ്തു സതതം ശ്രദ്ധയാന്വിതഃ ।
തസ്യ ശത്രുഃ ക്ഷയം യാതി മഹാപ്രജ്ഞാ പ്രജായതേ ॥ 11 ॥
പീഡായാം വാപി സംഗ്രാമേ ജാഡ്യേ ദാനേ തഥാ ഭയേ ।
യ ഇദം പഠതി സ്തോത്രം ശുഭം തസ്യ ന സംശയഃ ॥ 12 ॥
ഇതി പ്രണമ്യ സ്തുത്വാ ച യോനിമുദ്രാം പ്രദര്ശയേത് ॥
ഇതി ശ്രീ നീലസരസ്വതീ സ്തോത്രമ് ॥
