ଘୋରରୂପେ ମହାରାଵେ ସର୍ଵଶତ୍ରୁଭୟଂକରି ।
ଭକ୍ତେଭ୍ୟୋ ଵରଦେ ଦେଵି ତ୍ରାହି ମାଂ ଶରଣାଗତମ୍ ॥ 1 ॥
ସୁରାଽସୁରାର୍ଚିତେ ଦେଵି ସିଦ୍ଧଗଂଧର୍ଵସେଵିତେ ।
ଜାଡ୍ୟପାପହରେ ଦେଵି ତ୍ରାହି ମାଂ ଶରଣାଗତମ୍ ॥ 2 ॥
ଜଟାଜୂଟସମାୟୁକ୍ତେ ଲୋଲଜିହ୍ଵାଂତକାରିଣୀ ।
ଦ୍ରୁତବୁଦ୍ଧିକରେ ଦେଵି ତ୍ରାହି ମାଂ ଶରଣାଗତମ୍ ॥ 3 ॥
ସୌମ୍ୟକ୍ରୋଧଧରେ ରୂପେ ଚଂଡରୂପେ ନମୋଽସ୍ତୁ ତେ ।
ସୃଷ୍ଟିରୂପେ ନମସ୍ତୁଭ୍ୟଂ ତ୍ରାହି ମାଂ ଶରଣାଗତମ୍ ॥ 4 ॥
ଜଡାନାଂ ଜଡତାଂ ହଂତି ଭକ୍ତାନାଂ ଭକ୍ତଵତ୍ସଲା ।
ମୂଢତାଂ ହର ମେ ଦେଵି ତ୍ରାହି ମାଂ ଶରଣାଗତମ୍ ॥ 5 ॥
ହ୍ରୂଂ ହ୍ରୂଂକରମୟେ ଦେଵି ବଲିହୋମପ୍ରିୟେ ନମଃ ।
ଉଗ୍ରତାରେ ନମୋ ନିତ୍ୟଂ ତ୍ରାହି ମାଂ ଶରଣାଗତମ୍ ॥ 6 ॥
ବୁଦ୍ଧିଂ ଦେହି ୟଶୋ ଦେହି କଵିତ୍ଵଂ ଦେହି ଦେଵି ମେ ।
ମୂଢତ୍ଵଂ ଚ ହରେର୍ଦେଵି ତ୍ରାହି ମାଂ ଶରଣାଗତମ୍ ॥ 7 ॥
ଇଂଦ୍ରାଦିଵିଲସଦ୍ଵଂଦ୍ଵଵଂଦିତେ କରୁଣାମୟି ।
ତାରେ ତାରଧିନାଥାସ୍ୟେ ତ୍ରାହି ମାଂ ଶରଣାଗତମ୍ ॥ 8 ॥
ଅଷ୍ଟମ୍ୟାଂ ଚ ଚତୁର୍ଦଶ୍ୟାଂ ନଵମ୍ୟାଂ ୟଃ ପଠେନ୍ନରଃ ।
ଷଣ୍ମାସୈଃ ସିଦ୍ଧିମାପ୍ନୋତି ନାଽତ୍ର କାର୍ୟା ଵିଚାରଣା ॥ 9 ॥
ମୋକ୍ଷାର୍ଥୀ ଲଭତେ ମୋକ୍ଷଂ ଧନାର୍ଥୀ ଲଭତେ ଧନମ୍ ।
ଵିଦ୍ୟାର୍ଥୀ ଲଭତେ ଵିଦ୍ୟାଂ ତର୍କଵ୍ୟାକରଣାଦିକମ୍ ॥ 10 ॥
ଇଦଂ ସ୍ତୋତ୍ରଂ ପଠେଦ୍ୟସ୍ତୁ ସତତଂ ଶ୍ରଦ୍ଧୟାନ୍ଵିତଃ ।
ତସ୍ୟ ଶତ୍ରୁଃ କ୍ଷୟଂ ୟାତି ମହାପ୍ରଜ୍ଞା ପ୍ରଜାୟତେ ॥ 11 ॥
ପୀଡାୟାଂ ଵାପି ସଂଗ୍ରାମେ ଜାଡ୍ୟେ ଦାନେ ତଥା ଭୟେ ।
ୟ ଇଦଂ ପଠତି ସ୍ତୋତ୍ରଂ ଶୁଭଂ ତସ୍ୟ ନ ସଂଶୟଃ ॥ 12 ॥
ଇତି ପ୍ରଣମ୍ୟ ସ୍ତୁତ୍ଵା ଚ ୟୋନିମୁଦ୍ରାଂ ପ୍ରଦର୍ଶୟେତ୍ ॥
ଇତି ଶ୍ରୀ ନୀଲସରସ୍ଵତୀ ସ୍ତୋତ୍ରମ୍ ॥
