ശ്രീമാധവീ കാനനസ്ഥേ ഗര്ഭരക്ഷാംബികേ പാഹി ഭക്താം സ്തുവംതീമ് ॥
വാപീതടേ വാമഭാഗേ
വാമദേവസ്യ ദേവസ്യ ദേവി സ്ഥിതാ ത്വമ് ।
മാന്യാ വരേണ്യാ വദാന്യാ
പാഹി ഗര്ഭസ്ഥജംതൂന് തഥാ ഭക്തലോകാന് ॥ 1 ॥
ശ്രീമാധവീ കാനനസ്ഥേ ഗര്ഭരക്ഷാംബികേ പാഹി ഭക്താം സ്തുവംതീമ് ॥
ശ്രീഗര്ഭരക്ഷാപുരേ യാ
ദിവ്യസൌംദര്യയുക്താ സുമാംഗള്യഗാത്രീ ।
ധാത്രീ ജനിത്രീ ജനാനാം
ദിവ്യരൂപാം ദയാര്ദ്രാം മനോജ്ഞാം ഭജേ ത്വാമ് ॥ 2 ॥
ശ്രീമാധവീ കാനനസ്ഥേ ഗര്ഭരക്ഷാംബികേ പാഹി ഭക്താം സ്തുവംതീമ് ॥
ആഷാഢമാസേ സുപുണ്യേ
ശുക്രവാരേ സുഗംധേന ഗംധേന ലിപ്താ ।
ദിവ്യാംബരാകല്പവേഷാ
വാജപേയാദിയാഗസ്ഥഭക്തൈഃ സുദൃഷ്ടാ ॥ 3 ॥
ശ്രീമാധവീ കാനനസ്ഥേ ഗര്ഭരക്ഷാംബികേ പാഹി ഭക്താം സ്തുവംതീമ് ॥
കല്യാണദാത്രീം നമസ്യേ
വേദികാഢ്യസ്ത്രിയാ ഗര്ഭരക്ഷാകരീം ത്വാമ് ।
ബാലൈസ്സദാ സേവിതാംഘ്രിം
ഗര്ഭരക്ഷാര്ഥമാരാദുപേതൈരുപേതാമ് ॥ 4 ॥
ശ്രീമാധവീ കാനനസ്ഥേ ഗര്ഭരക്ഷാംബികേ പാഹി ഭക്താം സ്തുവംതീമ് ॥
ബ്രഹ്മോത്സവേ വിപ്രവീഥ്യാം
വാദ്യഘോഷേണ തുഷ്ടാം രഥേ സന്നിവിഷ്ടാമ് ।
സർവാര്ഥദാത്രീം ഭജേഽഹം
ദേവവൃംദൈരപീഡ്യാം ജഗന്മാതരം ത്വാമ് ॥ 5 ॥
ശ്രീമാധവീ കാനനസ്ഥേ ഗര്ഭരക്ഷാംബികേ പാഹി ഭക്താം സ്തുവംതീമ് ॥
ഏതത് കൃതം സ്തോത്രരത്നം
ദീക്ഷിതാനംതരാമേണ ദേവ്യാശ്ച തുഷ്ട്യൈ ।
നിത്യം പഠേദ്യസ്തു ഭക്ത്യാ
പുത്രപൌത്രാദി ഭാഗ്യം ഭവേത്തസ്യ നിത്യമ് ॥ 6 ॥
ശ്രീമാധവീ കാനനസ്ഥേ ഗര്ഭരക്ഷാംബികേ പാഹി ഭക്താം സ്തുവംതീമ് ॥
ഇതി ശ്രീഅനംതരാമദീക്ഷിതവര്യ വിരചിതം ഗര്ഭരക്ഷാംബികാ സ്തോത്രമ് ॥
