ઘોરરૂપે મહારાવે સર્વશત્રુભયંકરિ ।
ભક્તેભ્યો વરદે દેવિ ત્રાહિ માં શરણાગતમ્ ॥ 1 ॥
સુરાઽસુરાર્ચિતે દેવિ સિદ્ધગંધર્વસેવિતે ।
જાડ્યપાપહરે દેવિ ત્રાહિ માં શરણાગતમ્ ॥ 2 ॥
જટાજૂટસમાયુક્તે લોલજિહ્વાંતકારિણી ।
દ્રુતબુદ્ધિકરે દેવિ ત્રાહિ માં શરણાગતમ્ ॥ 3 ॥
સૌમ્યક્રોધધરે રૂપે ચંડરૂપે નમોઽસ્તુ તે ।
સૃષ્ટિરૂપે નમસ્તુભ્યં ત્રાહિ માં શરણાગતમ્ ॥ 4 ॥
જડાનાં જડતાં હંતિ ભક્તાનાં ભક્તવત્સલા ।
મૂઢતાં હર મે દેવિ ત્રાહિ માં શરણાગતમ્ ॥ 5 ॥
હ્રૂં હ્રૂંકરમયે દેવિ બલિહોમપ્રિયે નમઃ ।
ઉગ્રતારે નમો નિત્યં ત્રાહિ માં શરણાગતમ્ ॥ 6 ॥
બુદ્ધિં દેહિ યશો દેહિ કવિત્વં દેહિ દેવિ મે ।
મૂઢત્વં ચ હરેર્દેવિ ત્રાહિ માં શરણાગતમ્ ॥ 7 ॥
ઇંદ્રાદિવિલસદ્વંદ્વવંદિતે કરુણામયિ ।
તારે તારધિનાથાસ્યે ત્રાહિ માં શરણાગતમ્ ॥ 8 ॥
અષ્ટમ્યાં ચ ચતુર્દશ્યાં નવમ્યાં યઃ પઠેન્નરઃ ।
ષણ્માસૈઃ સિદ્ધિમાપ્નોતિ નાઽત્ર કાર્યા વિચારણા ॥ 9 ॥
મોક્ષાર્થી લભતે મોક્ષં ધનાર્થી લભતે ધનમ્ ।
વિદ્યાર્થી લભતે વિદ્યાં તર્કવ્યાકરણાદિકમ્ ॥ 10 ॥
ઇદં સ્તોત્રં પઠેદ્યસ્તુ સતતં શ્રદ્ધયાન્વિતઃ ।
તસ્ય શત્રુઃ ક્ષયં યાતિ મહાપ્રજ્ઞા પ્રજાયતે ॥ 11 ॥
પીડાયાં વાપિ સંગ્રામે જાડ્યે દાને તથા ભયે ।
ય ઇદં પઠતિ સ્તોત્રં શુભં તસ્ય ન સંશયઃ ॥ 12 ॥
ઇતિ પ્રણમ્ય સ્તુત્વા ચ યોનિમુદ્રાં પ્રદર્શયેત્ ॥
ઇતિ શ્રી નીલસરસ્વતી સ્તોત્રમ્ ॥
