శ్రీ చక్ర పురమన్దు స్థిరమైన శ్రీ లలిత పసిడి పాదాలకు నీరాజనం
పరమేశ్వరుని పుణ్యభాగ్యాల రాశీ ఆ సింహమధ్యకు రత్న నీరాజనమ్ ॥
॥ శ్రీ చక్ర పురమన్దు ॥
బఙ్గారు హారాల శిఙ్గారమొలకిఞ్చు అమ్బికా హృదయాన నీరాజనం
శ్రీ గౌరీ శ్రీ మాత శ్రీ మహారాజ్ఞి శ్రీ సింహాసనేశ్వరికి నీరాజనమ్ ॥
కల్పతరువుగ నన్ను కాపాడే కరములకు కనకమ్బురాశులతో నీరాజనం
పాశాఙ్కుశ పుష్ప బాణ చాపధరికి పరమపావనమైన నీరాజనమ్ ॥
॥ శ్రీ చక్ర పురమన్దు ॥
కాన్తి కిరణాలతో కలికి మెడలో మెరిసే కల్యాణ సూత్రముకు నీరాజనం
కాన్తలన్దరి పసుపుకుఙ్కుమలు కాపాడే కాత్యాయనికి నిత్య నీరాజనమ్ ॥
సిరునవ్వులొలికిఞ్చు శ్రీదేవి అధరాన శతకోటి నక్షత్ర నీరాజనం
కలువరేకులవణ్టి కన్నుల తల్లి శ్రీ రాజరాజేశ్వరికి నీరాజనమ్ ॥
॥ శ్రీ చక్ర పురమన్దు ॥
ముదమార మోమున ముచ్చటగా ధరియిఞ్చు కస్తూరి కుఙ్కుమకు నీరాజనం
చన్ద్రవఙ్కను శిరమకుటమ్బులో దాల్చు సౌన్దర్యలహరికి నీరాజనమ్ ॥
శుక్రవారము నాడు శుభములొసగే తల్లి శ్రీ మహాలక్ష్మికి నీరాజనం
శృఙ్గేరి పీఠమున సున్దరాకారిణి శారదా మాతకు నీరాజనమ్ ॥
॥ శ్రీ చక్ర పురమన్దు ॥
ఎల్లలోకాలను చల్లగా పాలిఞ్చు బ్రహ్మాణ్డరూపిణికి నీరాజనం
ముగ్గురమ్మలకు మూలమగు పెద్దమ్మకు ముత్యాలతో నిత్య నీరాజనమ్ ॥
రాధా జీవన రాగ నామ సఙ్కీర్తనగా రఞ్జిల్లు కర్పూర నీరాజనం
జన్మ జన్మల తల్లి జగదీశ్వరీ నీకు భక్త జనులిచ్చేటి నీరాజనమ్ ॥
శ్రీ చక్ర పురమన్దు స్థిరమైన శ్రీ లలిత పసిడి పాదాలకు నీరాజనం
పరమేశ్వరుని పుణ్యభాగ్యాల రాశీ ఆ సింహమధ్యకు రత్న నీరాజనం
సింహమధ్యకు రత్న నీరాజనం
సింహమధ్యకు రత్న నీరాజనం
