ఘోరరూపే మహారావే సర్వశత్రుభయఙ్కరి ।
భక్తేభ్యో వరదే దేవి త్రాహి మాం శరణాగతమ్ ॥ 1 ॥
సురాఽసురార్చితే దేవి సిద్ధగన్ధర్వసేవితే ।
జాడ్యపాపహరే దేవి త్రాహి మాం శరణాగతమ్ ॥ 2 ॥
జటాజూటసమాయుక్తే లోలజిహ్వాన్తకారిణీ ।
ద్రుతబుద్ధికరే దేవి త్రాహి మాం శరణాగతమ్ ॥ 3 ॥
సౌమ్యక్రోధధరే రూపే చణ్డరూపే నమోఽస్తు తే ।
సృష్టిరూపే నమస్తుభ్యం త్రాహి మాం శరణాగతమ్ ॥ 4 ॥
జడానాం జడతాం హన్తి భక్తానాం భక్తవత్సలా ।
మూఢతాం హర మే దేవి త్రాహి మాం శరణాగతమ్ ॥ 5 ॥
హ్రూం హ్రూఙ్కరమయే దేవి బలిహోమప్రియే నమః ।
ఉగ్రతారే నమో నిత్యం త్రాహి మాం శరణాగతమ్ ॥ 6 ॥
బుద్ధిం దేహి యశో దేహి కవిత్వం దేహి దేవి మే ।
మూఢత్వం చ హరేర్దేవి త్రాహి మాం శరణాగతమ్ ॥ 7 ॥
ఇన్ద్రాదివిలసద్వన్ద్వవన్దితే కరుణామయి ।
తారే తారధినాథాస్యే త్రాహి మాం శరణాగతమ్ ॥ 8 ॥
అష్టమ్యాం చ చతుర్దశ్యాం నవమ్యాం యః పఠేన్నరః ।
షణ్మాసైః సిద్ధిమాప్నోతి నాఽత్ర కార్యా విచారణా ॥ 9 ॥
మోక్షార్థీ లభతే మోక్షం ధనార్థీ లభతే ధనమ్ ।
విద్యార్థీ లభతే విద్యాం తర్కవ్యాకరణాదికమ్ ॥ 10 ॥
ఇదం స్తోత్రం పఠేద్యస్తు సతతం శ్రద్ధయాన్వితః ।
తస్య శత్రుః క్షయం యాతి మహాప్రజ్ఞా ప్రజాయతే ॥ 11 ॥
పీడాయాం వాపి సఙ్గ్రామే జాడ్యే దానే తథా భయే ।
య ఇదం పఠతి స్తోత్రం శుభం తస్య న సంశయః ॥ 12 ॥
ఇతి ప్రణమ్య స్తుత్వా చ యోనిముద్రాం ప్రదర్శయేత్ ॥
ఇతి శ్రీ నీలసరస్వతీ స్తోత్రమ్ ॥
