అభిరామి స్తోత్రమ్

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

అభిరామి స్తోత్రమ్

నమస్తే లలితే దేవి శ్రీమత్సింహాసనేశ్వరి ।
భక్తానామిష్టదే మాతః అభిరామి నమోఽస్తు తే ॥ 1 ॥

చన్ద్రోదయం కృతవతీ తాటఙ్కేన మహేశ్వరి ।
ఆయుర్దేహి జగన్మాతః అభిరామి నమోఽస్తు తే ॥ 2 ॥

సుధాఘటేశశ్రీకాన్తే శరణాగతవత్సలే ।
ఆరోగ్యం దేహి మే నిత్యం అభిరామి నమోఽస్తు తే ॥ 3 ॥

కళ్యాణి మఙ్గళం దేహి జగన్మఙ్గళకారిణి ।
ఐశ్వర్యం దేహి మే నిత్యం అభిరామి నమోఽస్తు తే ॥ 4 ॥

చన్ద్రమణ్డలమధ్యస్థే మహాత్రిపురసున్దరి ।
శ్రీచక్రరాజనిలయే అభిరామి నమోఽస్తు తే ॥ 5 ॥

రాజీవలోచనే పూర్ణే పూర్ణచన్ద్రవిధాయిని ।
సౌభాగ్యం దేహి మే నిత్యం అభిరామి నమోఽస్తు తే ॥ 6 ॥

గణేశస్కన్దజనని వేదరూపే ధనేశ్వరి ।
విద్యాం చ దేహి మే కీర్తిం అభిరామి నమోఽస్తు తే ॥ 7 ॥

సువాసినీప్రియే మాతః సౌమాఙ్గళ్యవివర్ధినీ ।
మాఙ్గళ్యం దేహి మే నిత్యం అభిరామి నమోఽస్తు తే ॥ 8 ॥

మార్కణ్డేయ మహాభక్త సుబ్రహ్మణ్య సుపూజితే ।
శ్రీరాజరాజేశ్వరీ త్వం హ్యభిరామి నమోఽస్తు తే ॥ 9 ॥

సాన్నిధ్యం కురు కళ్యాణీ మమ పూజాగృహే శుభే ।
బిమ్బే దీపే తథా పుష్పే హరిద్రా కుఙ్కుమే మమ ॥ 10 ॥

అభిరామ్యా ఇదం స్తోత్రం యః పఠేచ్ఛక్తిసన్నిధౌ ।
ఆయుర్బలం యశో వర్చో మఙ్గళం చ భవేత్సుఖమ్ ॥ 11 ॥

ఇతి శ్రీఅభిరామిభట్టార్ కృత శ్రీ అభిరామి స్తోత్రమ్ ।

Browse Related Categories: