ఈశ్వర ఉవాచ
శృణు దేవి ప్రవక్ష్యామి సామ్ప్రతం తత్పురాతనమ్ ।
సహస్రనామ పరమం ప్రత్యఙ్గిరార్థ సిద్ధయే ॥ 1 ॥
సహస్రనామపాఠేన సర్వత్ర విజయీ భవేత్ ।
పరాభవో న చాస్యాస్తి సభాయాం వా వనే రణే ॥ 2 ॥
తథా తుష్టా భవేద్దేవీ ప్రత్యఙ్గిరాఽస్య పాఠతః ।
యథా భవతి దేవేశి సాధకః శివ ఏవ హి ॥ 3 ॥
అశ్వమేధసహస్రాణి వాజపేయస్య కోటయః ।
సకృత్పాఠేన జాయన్తే ప్రసన్నా ప్రత్యఙ్గిరా భవేత్ ॥ 4 ॥
భైరవోఽస్య ఋషిశ్ఛన్దోఽనుష్టుప్ దేవీ సమీరితా ।
ప్రత్యఙ్గిరా వినియోగః సర్వసమ్పత్తి హేతవే ॥ 5 ॥
సర్వకార్యేషు సంసిద్ధిః సర్వసమ్పత్తిదా భవేత్ ।
ఏవం ధ్యాత్వా పఠేదేతద్యదీచ్ఛేదాత్మనో హితమ్ ॥ 6 ॥
అస్య శ్రీప్రత్యఙ్గిరా సహస్రనామమహామన్త్రస్య భైరవ ఋషిః అనుష్టుప్ ఛన్దః శ్రీమహాప్రత్యఙ్గిరా దేవతా హ్రీం బీజం శ్రీం శక్తిః స్వాహా కీలకం పరకృత్యావినాశార్థే జపే పాఠే వినియోగః ॥
కరన్యాసః
ఓం హ్రాం అఙ్గుష్ఠాభ్యాం నమః ।
ఓం హ్రీం తర్జనీభ్యాం నమః ।
ఓం హ్రూం మధ్యమాభ్యాం నమః ।
ఓం హ్రైం అనామికాభ్యాం నమః ।
ఓం హ్రౌం కనిష్ఠికాభ్యాం నమః ।
ఓం హ్రః కరతల కరపృష్ఠాభ్యాం నమః ।
హృదయాది న్యాసః
ఓం హ్రాం హృదయాయ నమః ।
ఓం హ్రీం శిరసే స్వాహా ।
ఓం హ్రూం శిఖాయై వషట్ ।
ఓం హ్రైం కవచాయ హుమ్ ।
ఓం హ్రౌం నేత్రత్రయాయ వౌషట్ ।
ఓం హ్రః అస్త్రాయ ఫట్ ।
ధ్యానమ్
ఆశామ్బరా ముక్తకచా ఘనచ్ఛవి-
-ర్ధ్యేయా సచర్మాసికరా హి భూషణా ।
దంష్ట్రోగ్రవక్త్రా గ్రసితా హితా త్వయా
ప్రత్యఙ్గిరా శఙ్కరతేజసేరితా ॥
స్తోత్రమ్
దేవీ ప్రత్యఙ్గిరా దివ్యా సరసా శశిశేఖరా ।
సుమనా సామిధేతీ చ సమస్తసురశేముషీ ॥ 1 ॥
సర్వసమ్పత్తిజననీ సర్వదా సిన్ధుసేవినీ ।
శమ్భుసీమన్తినీ సీమా సురారాధ్యా సుధారసా ॥ 2 ॥
రసా రసవతీ వేలా వన్యా చ వనమాలినీ ।
వనజాక్షీ వనచరీ వనీ వనవినోదినీ ॥ 3 ॥
వేగినీ వేగదా వేగబలాస్యా చ బలాధికా ।
కలా కలప్రియా కోలీ కోమలా కాలకామినీ ॥ 4 ॥
కమలా కమలాస్యా చ కమలస్థా కలావతీ ।
కులీనా కుటిలా కాన్తా కోకిలా కలభాషిణీ ॥ 5 ॥
కీరకీలీ కలా కాలీ కపాలిన్యపి కాలికా ।
కేశినీ చ కుశావర్తా కౌశామ్బీ కేశవప్రియా ॥ 6 ॥
కాశీ కలా మహాకాశీ సఙ్కాశా కేశదాయినీ ।
కుణ్డలీ కుణ్డలాస్యా చ కుణ్డలాఙ్గదమణ్డితా ॥ 7 ॥
కుణపాలీ కుముదినీ కుముదా ప్రీతివర్ధినీ ।
కున్దప్రియా కున్దరుచిః కురఙ్గమదనోదినీ ॥ 8 ॥
కురఙ్గనయనా కున్దా కురువృన్దాఽభినన్దినీ ।
కుసుమ్భకుసుమా కాఞ్చీ క్వణత్కిఙ్కిణికా కటా ॥ 9 ॥
కఠోరా కరుణా కాష్ఠా కౌముదీ కమ్బుకణ్ఠినీ ।
కపర్దినీ కపటినీ కణ్ఠినీ కాలకణ్ఠికా ॥ 10 ॥
కీరహస్తా కుమారీ చ కురుదా కుసుమప్రియా ।
కుఞ్జరస్థా కుఞ్జరతా కుమ్భి కుమ్భస్తనద్వయా ॥ 11 ॥
కుమ్భిగా కరిభోగా చ కదలీ దళశాలినీ ।
కుపితా కోటరస్థా చ కఙ్కాలీ కన్దరోదరా ॥ 12 ॥
ఏకాన్తవాసినీ కాఞ్చీ కమ్పమానశిరోరుహా ।
కాదమ్బరీ కదమ్బస్థా కుఙ్కుమప్రేమధారిణీ ॥ 13 ॥
కుటుమ్బినీప్రియాఽఽకూతీ క్రతుః క్రతుకరీ ప్రియా ।
కాత్యాయనీ కృత్తికా చ కార్తికేయప్రవర్తినీ ॥ 14 ॥
కామపత్నీ కామదాత్రీ కామేశీ కామవన్దితా ।
కామరూపా క్రమావర్తీ కామాక్షీ కామమోహితా ॥ 15 ॥
ఖడ్గినీ ఖేచరీ ఖడ్గా ఖఞ్జరీటేక్షణా ఖలా ।
ఖరగా ఖరనాథా చ ఖరాస్యా ఖేలనప్రియా ॥ 16 ॥
ఖరాంశుః ఖేటినీ ఖట్వా ఖగా ఖట్వాఙ్గధారిణీ ।
ఖరఖణ్డినీ ఖ్యాతా ఖణ్డితా ఖణ్డనీస్థితా ॥ 17 ॥
ఖణ్డప్రియా ఖణ్డఖాద్యా సేన్దుఖణ్డా చ ఖణ్డినీ ।
గఙ్గా గోదావరీ గౌరీ గోమత్యపి చ గౌతమీ ॥ 18 ॥
గయా గేయా గగనగా గారుడీ గరుడధ్వజా ।
గీతా గీతప్రియా గోపా గణ్డప్రీతా గుణీ గిరా ॥ 19 ॥
గుం గౌరీ మన్దమదనా గోకులా గోప్రతారిణీ ।
గోదా గోవిన్దినీ గూఢా నిర్గూఢా గూఢవిగ్రహా ॥ 20 ॥
గుఞ్జినీ గజగా గోపీ గోత్రక్షయకరీ గదా ।
గిరిభూపాలదుహితా గోగా గోచ్ఛలవర్ధినీ ॥ 21 ॥
ఘనస్తనీ ఘనరుచిర్ఘనేహా ఘననిఃస్వనా ।
ఘూత్కారిణీ ఘూఘకరీ ఘుఘూకపరివారితా ॥ 22 ॥
ఘణ్టానాదప్రియా ఘణ్టా ఘనాఘోటకవాహినీ ।
ఘోరరూపా చ ఘోరా చ ఘూతీ ప్రతిఘనా ఘనీ ॥ 23 ॥
ఘృతాచీ ఘనపుష్టిశ్చ ఘటా ఘనఘటాఽమృతా ।
ఘటస్యా ఘటనా ఘోఘఘాతపాతనివారిణీ ॥ 24 ॥
చఞ్చరీకా చకోరీ చ చాముణ్డా చీరధారిణీ ।
చాతురీ చపలా చక్రచలా చేలా చలాఽచలా ॥ 25 ॥
చతుశ్చిరన్తనా చాకా చిక్యా చామీకరచ్ఛవిః ।
చాపినీ చపలా చమ్పూ చిన్తా చిన్తామణిశ్చితా ॥ 26 ॥
చాతుర్వర్ణ్యమయీ చఞ్చచ్చౌరాచార్యా చమత్కృతిః ।
చక్రవర్తివధూశ్చక్రా చక్రాఙ్గా చక్రమోదినీ ॥ 27 ॥
చేతశ్చరీ చిత్తవృత్తిరచేతా చేతనప్రదా ।
చామ్పేయీ చమ్పకప్రీతిశ్చణ్డీ చణ్డాలవాసినీ ॥ 28 ॥
చిరఞ్జీవితటా చిఞ్చా తరుమూలనివాసినీ ।
ఛురికా ఛత్రమధ్యస్థా ఛిద్రా ఛేదకరీ ఛిదా ॥ 29 ॥
ఛుఛున్దరీపలప్రీతీ ఛుఛున్దరీనిభస్వనా ।
ఛలినీ ఛలదా ఛత్రా ఛిటికా ఛేకకృత్తథా ॥ 30 ॥
ఛగినీ ఛాన్దసీ ఛాయా ఛాయాకృచ్ఛాదిరిత్యపి ।
జయా చ జయదా జాతీ జయస్థా జయవర్ధినీ ॥ 31 ॥
జపాపుష్పప్రియా జప్యా జృమ్భిణీ యామలా యుతా ।
జమ్బూప్రియా జయస్థా చ జఙ్గమా జఙ్గమప్రియా ॥ 32 ॥
జన్తుర్జన్తుప్రధానా చ జరత్కర్ణా జరద్భవా ।
జాతిప్రియా జీవనస్థా జీమూతసదృశచ్ఛవిః ॥ 33 ॥
జన్యా జనహితా జాయా జమ్భభిజ్జమ్భమాలినీ ।
జవదా జవవద్వాహా జవానీ జ్వరహా జ్వరా ॥ 34 ॥
ఝఞ్ఝానిలమయీ ఝఞ్ఝా ఝణత్కారకరా తథా ।
ఝిణ్టీశా ఝమ్పకృత్ ఝమ్పా ఝమ్పత్రాసనివారిణీ ॥ 35 ॥
టకారస్థా టఙ్కధరా టఙ్కారా కరశాటినీ ।
ఠక్కురా ఠీత్కృతీ ఠిణ్ఠీ ఠిణ్ఠీరవసమావృతా ॥ 36 ॥
ఠణ్ఠానిలమయీ ఠణ్ఠా ఠణత్కారకరా ఠసా ।
డాకినీ డామరీ చైవ డిణ్డిమధ్వనినన్దినీ ॥ 37 ॥
ఢక్కాస్వనప్రియా ఢక్కా తపినీ తాపినీ తథా ।
తరుణీ తున్దిలా తున్దా తామసీ చ తపఃప్రియా ॥ 38 ॥
తామ్రా తామ్రామ్బరా తాలీ తాలీదలవిభూషణా ।
తురఙ్గా త్వరితా త్రేతా తోతులా తోదినీ తులా ॥ 39 ॥
తాపత్రయహరా తప్తా తాలకేశీ తమాలినీ ।
తమాలదలవచ్ఛామా తాలమ్లానవతీ తమీ ॥ 40 ॥
తామసీ చ తమిస్రా చ తీవ్రా తీవ్రపరాక్రమా ।
తటస్థా తిలతైలాక్తా తరణీ తపనద్యుతిః ॥ 41 ॥
తిలోత్తమా తిలకకృత్తారకాధీశశేఖరా ।
తిలపుష్పప్రియా తారా తారకేశీ కుటుమ్బినీ ॥ 42 ॥
స్థాణుపత్నీ స్థితికరీ స్థలస్థా స్థలవర్ధినీ ।
స్థితిః స్థైర్యా స్థవిష్ఠా చ స్థాపతిః స్థలవిగ్రహా ॥ 43 ॥
దన్తినీ దణ్డినీ దీనా దరిద్రా దీనవత్సలా ।
దేవీ దేవవధూర్దైత్యదమనీ దన్తభూషణా ॥ 44 ॥
దయావతీ దమవతీ దమదా దాడిమస్తనీ ।
దన్దశూకనిభా దైత్యదారిణీ దేవతాననా ॥ 45 ॥
దోలాక్రీడా దలాయుశ్చ దమ్పతీ దేవతామయీ ।
దశా దీపస్థితా దోషా దోషహా దోషకారిణీ ॥ 46 ॥
దుర్గా దుర్గార్తిశమనీ దుర్గమా దుర్గవాసినీ ।
దుర్గన్ధనాశినీ దుఃస్థా దుఃస్వప్నశమకారిణీ ॥ 47 ॥
దుర్వారా దున్దుభీ భ్రాన్తా దూరస్థా దూరవాసినీ ।
దరహా దరదా దాత్రీ దాయాదా దుహితా దయా ॥ 48 ॥
ధురన్ధరా ధురీణా చ ధౌరీ ధీ ధనదాయినీ ।
ధీరాఽధీరా ధరిత్రీ చ ధర్మదా ధీరమానసా ॥ 49 ॥
ధనుర్ధరా చ దమనీ ధూర్తా ధూర్తపరిగ్రహా ।
ధూమవర్ణా ధూమపానా ధూమలా ధూమమోహినీ ॥ 50 ॥
నలినీ నన్దినీ నన్దా నాదినీ నన్దబాలికా ।
నవీనా నర్మదా నర్మినేమిర్నియమనిశ్చయా ॥ 51 ॥
నిర్మలా నిగమాచారా నిమ్నగా నగ్నకామినీ ।
నీతిర్నిరన్తరా నగ్నీ నిర్లేపా నిర్గుణా నతిః ॥ 52 ॥
నీలగ్రీవా నిరీహా చ నిరఞ్జనజనీ నవీ ।
నవనీతప్రియా నారీ నరకార్ణవతారిణీ ॥ 53 ॥
నారాయణీ నిరాకారా నిపుణా నిపుణప్రియా ।
నిశా నిద్రా నరేన్ద్రస్థా నమితాఽనమితాపి చ ॥ 54 ॥
నిర్గుణ్డికా చ నిర్గుణ్డా నిర్మాంసాఽనామికా నిభా ।
పతాకినీ పతాకా చ పలప్రీతిర్యశస్వినీ ॥ 55 ॥
పీనా పీనస్తనా పత్నీ పవనాశనశాయినీ ।
పరాఽపరా కలాపాఽఽప్పా పాకకృత్యరతి ప్రియా ॥ 56 ॥
పవనస్థా సుపవనా తాపసీప్రీతివర్ధినీ ।
పశువృద్ధికరీ పుష్టిః పోషణీ పుష్పవర్ధినీ ॥ 57 ॥
పుష్పిణీ పుస్తకకరా పున్నాగతలవాసినీ ।
పురన్దరప్రియా ప్రీతిః పురమార్గనివాసినీ ॥ 58 ॥
పాశీ పాశకరా పాశా బన్ధుహా పాంసులా పశుః ।
పటుః పటాసా పరశుధారిణీ పాశినీ తథా ॥ 59 ॥
పాపఘ్నీ పతిపత్నీ చ పతితాఽపతితాపి చ ।
పిశాచీ చ పిశాచఘ్నీ పిశితాశనతోషితా ॥ 60 ॥
పానదా పానపాత్రా చ పానదానకరోద్యతా ।
పేయా ప్రసిద్ధా పీయూషా పూర్ణా పూర్ణమనోరథా ॥ 61 ॥
పతద్గర్భా పతద్గాత్రా పాతపుణ్యప్రియా పురీ ।
పఙ్కిలా పఙ్కమగ్నా చ పానీయా పఞ్జరస్థితా ॥ 62 ॥
పఞ్చమీ పఞ్చయజ్ఞా చ పఞ్చతా పఞ్చమప్రియా ।
పఞ్చముద్రా పుణ్డరీకా పికీ పిఙ్గళలోచనా ॥ 63 ॥
ప్రియఙ్గుమఞ్జరీ పిణ్డీ పిణ్డితా పాణ్డురప్రభా ।
ప్రేతాసనా ప్రియాలుస్థా పాణ్డుఘ్నీ పీతసాపహా ॥ 64 ॥
ఫలినీ ఫలధాత్రీ చ ఫలశ్రీః ఫణిభూషణా ।
ఫూత్కారకారిణీ స్ఫారా ఫుల్లా ఫుల్లామ్బుజాసనా ॥ 65 ॥
ఫిరఙ్గహా స్ఫీతమతిః స్ఫీతిః స్ఫీతకరీ తథా ।
బలమాయా బలారాతిర్బలినీ బలవర్ధినీ ॥ 66 ॥
వేణువాద్యా వనచరీ విరావజనయిత్రీ చ ।
విద్యా విద్యాప్రదా విద్యాబోధినీ బోధదాయినీ ॥ 67 ॥
బుద్ధమాతా చ బుద్ధా చ వనమాలావతీ వరా ।
వరదా వారుణీ వీణా వీణావాదనతత్పరా ॥ 68 ॥
వినోదినీ వినోదస్థా వైష్ణవీ విష్ణువల్లభా ।
వైద్యా వైద్యచికిత్సా చ వివశా విశ్వవిశ్రుతా ॥ 69 ॥
విద్వత్కవికలా వేత్తా వితన్ద్రా విగతజ్వరా ।
విరావా వివిధారావా బిమ్బోష్ఠీ బిమ్బవత్సలా ॥ 70 ॥
విన్ధ్యస్థా వీరవన్ద్యా చ వరీయసాపరాధవిత్ ।
వేదాన్తవేద్యా వేద్యా చ వైద్యా చ విజయప్రదా ॥ 71 ॥
విరోధవర్ధినీ వన్ధ్యా వన్ధ్యాబన్ధనివారిణీ ।
భగినీ భగమాలా చ భవానీ భవభావినీ ॥ 72 ॥
భీమా భీమాననా భైమీ భఙ్గురా భీమదర్శనా ।
భిల్లీ భల్లధరా భీరుర్భేరుణ్డా చైభభయాపహా ॥ 73 ॥
భగసర్పిణ్యపి భగా భగరూపా భగాలయా ।
భగాసనా భగామోదా భేరీ భాఙ్కారరఞ్జినీ ॥ 74 ॥
భీషణాఽభీషణా సర్వా భగవత్యపి భూషణా ।
భారద్వాజీ భోగదాత్రీ భవఘ్నీ భూతిభూషణా ॥ 75 ॥
భూతిదా భూమిదాత్రీ చ భూపతిత్వప్రదాయినీ ।
భ్రమరీ భ్రామరీ నీలా భూపాలముకుటస్థితా ॥ 76 ॥
మత్తా మనోహరా మనా మానినీ మోహనీ మహా ।
మహాలక్ష్మీర్మదాక్షీబా మదిరా మదిరాలయా ॥ 77 ॥
మదోద్ధతా మతఙ్గస్థా మాధవీ మధుమన్థినీ ।
మేధా మేధాకరీ మేధ్యా మధ్యా మధ్యవయస్థితా ॥ 78 ॥
మద్యపా మాంసలా మత్స్యా మోదినీ మైథునోద్ధతా ।
ముద్రా ముద్రావతీ మాతా మాయా మహిమమన్దిరా ॥ 79 ॥
మహామాయా మహావిద్యా మహామారీ మహేశ్వరీ ।
మహాదేవవధూర్మాన్యా మథురా మేరుమణ్డలా ॥ 80 ॥
మేదస్వనీ మేదసుశ్రీర్మహిషాసురమర్దినీ ।
మణ్డపస్థా మఠస్థాఽమా మాలా మాలావిలాసినీ ॥ 81 ॥
మోక్షదా ముణ్డమాలా చ మన్దిరాగర్భగర్భితా ।
మాతఙ్గినీ చ మాతఙ్గీ మతఙ్గతనయా మధుః ॥ 82 ॥
మధుస్రవా మధురసా మధూకకుసుమప్రియా ।
యామినీ యామినీనాథభూషా యావకరఞ్జితా ॥ 83 ॥
యవాఙ్కురప్రియా యామా యవనీ యవనాధిపా ।
యమఘ్నీ యమవాణీ చ యజమానస్వరూపిణీ ॥ 84 ॥
యజ్ఞా యజ్యా యజుర్యజ్వా యశోనికరకారిణీ ।
యజ్ఞసూత్రప్రదా జ్యేష్ఠా యజ్ఞకర్మకరీ యశా ॥ 85 ॥
యశస్వినీ యజ్ఞసంస్థా యూపస్తమ్భనివాసినీ ।
రఞ్జితా రాజపత్నీ చ రమా రేఖా రవీ రణీ ॥ 86 ॥
రజోవతీ రజశ్చిత్రా రజనీ రజనీపతిః ।
రాగిణీ రాజినీ రాజ్యా రాజ్యదా రాజ్యవర్ధినీ ॥ 87 ॥
రాజన్వతీ రాజనీతిస్తుర్యా రాజనివాసినీ ।
రమణీ రమణీయా చ రామా రామవతీ రతిః ॥ 88 ॥
రేతోవతీ రతోత్సాహా రోగహా రోగకారిణీ ।
రఙ్గా రఙ్గవతీ రాగా రాగజ్ఞా రాగినీ రణా ॥ 89 ॥
రఞ్జికా రఞ్జకీ రఞ్జా రఞ్జినీ రక్తలోచనా ।
రక్తచర్మధరా రన్త్రీ రక్తస్థా రక్తవాహినీ ॥ 90 ॥
రమ్భా రమ్భాఫలప్రీతీ రమ్భోరూ రాఘవప్రియా ।
రఙ్గభృద్రఙ్గమధురా రోదసీ రోదసీగృహా ॥ 91 ॥
రోగకర్త్రీ రోగహర్త్రీ చ రోగభృద్రోగశాయినీ ।
వన్దీ వన్దిస్తుతా బన్ధుర్బన్ధూకకుసుమాధరా ॥ 92 ॥
వన్దితా వన్దిమాతా బన్ధురా బైన్దవీ విభా ।
విఙ్కీ విఙ్కపలా విఙ్కా విఙ్కస్థా విఙ్కవత్సలా ॥ 93 ॥
వేదైర్విలగ్నా విగ్నా చ విధిర్విధికరీ విధా ।
శఙ్ఖినీ శఙ్ఖనిలయా శఙ్ఖమాలావతీ శమీ ॥ 94 ॥
శఙ్ఖపాత్రాశినీ శఙ్ఖాఽశఙ్ఖా శఙ్ఖగలా శశీ ।
శిమ్బీ శరావతీ శ్యామా శ్యామాఙ్గీ శ్యామలోచనా ॥ 95 ॥
శ్మశానస్థా శ్మశానా చ శ్మశానస్థలభూషణా ।
శర్మదా శమహర్త్రీ చ శాకినీ శఙ్కుశేఖరా ॥ 96 ॥
శాన్తిః శాన్తిప్రదా శేషా శేషస్థా శేషశాయినీ ।
శేముషీ శోషిణీ శౌరీ శారిః శౌర్యా శరా శరీ ॥ 97 ॥
శాపదా శాపహారీ శ్రీః శమ్పా శపథచాపినీ ।
శృఙ్గిణీ శృఙ్గిపలభుక్ శఙ్కరీ శాఙ్కరీ తథా ॥ 98 ॥
శఙ్కా శఙ్కాపహా శంస్థా శాశ్వతీ శీతలా శివా ।
శవస్థా శవభుక్ శైవీ శావవర్ణా శవోదరీ ॥ 99 ॥
శాయినీ శావశయనా శింశిపా శింశిపాయతా ।
శవాకుణ్డలినీ శైవా శఙ్కరా శిశిరా శిరా ॥ 100 ॥
శవకాఞ్చీ శవశ్రీకా శవమాలా శవాకృతిః ।
శమ్పినీ శఙ్కుశక్తిః శం శన్తనుః శీలదాయినీ ॥ 101 ॥
సిన్ధుః సరస్వతీ సిన్ధుసున్దరీ సున్దరాననా ।
సాధుసిద్ధిః సిద్ధిదాత్రీ సిద్ధా సిద్ధసరస్వతీ ॥ 102 ॥
సన్తతిః సమ్పదా సమ్పత్సంవిత్సమ్పత్తిదాయినీ ।
సపత్నీ సరసా సారా సరస్వతికరీ సుధా ॥ 103 ॥
సరః సమా సమానా చ సమారాధ్యా సమస్తదా ।
సమిద్ధా సమదా సమ్మా సమ్మోహా సమదర్శనా ॥ 104 ॥
సమితిః సమిధా సీమా సావిత్రీ సంవిదా సతీ ।
సవనా సవనాధారా సావనా సమరా సమీ ॥ 105 ॥
సమీరా సుమనా సాధ్వీ సధ్రీచీన్యసహాయినీ ।
హంసీ హంసగతిర్హంసా హంసోజ్జ్వలనిచోలయుక్ ॥ 106 ॥
హలినీ హలదా హాలా హరశ్రీర్హరవల్లభా ।
హేలా హేలావతీ హ్రేషా హ్రేషస్థా హ్రేషవర్ధినీ ॥ 107 ॥
హన్తా హానిర్హయాహ్వా హృద్ధన్తహా హన్తహారిణీ ।
హుఙ్కారీ హన్తకృద్ధఙ్కా హీహా హాహా హతాహితా ॥ 108 ॥
హేమా ప్రభా హరవతీ హారీతా హరిసమ్మతా ।
హోరీ హోత్రీ హోలికా చ హోమ్యా హోమా హవిర్హరిః ॥ 109 ॥
హారిణీ హరిణీనేత్రా హిమాచలనివాసినీ ।
లమ్బోదరీ లమ్బకర్ణా లమ్బికా లమ్బవిగ్రహా ॥ 110 ॥
లీలా లీలావతీ లోలా లలనా లాలితాలతా ।
లలామలోచనా లోచ్యా లోలాక్షీ లక్షణా లటా ॥ 111 ॥
లమ్పతీ లుమ్పతీ లమ్పా లోపాముద్రా లలన్తి చ ।
లతికా లఙ్ఘికా లఙ్ఘా లఘిమా లఘుమధ్యమా ॥ 112 ॥
లఘ్వీయసీ లఘూదర్కా లూతా లూతనివారిణీ ।
లోమభృల్లోమలోమ్నీ చ లులుతీ లులులుమ్పినీ ॥ 113 ॥
లులాయస్థా చ లహరీ లఙ్కాపురపురన్దరీ ।
లక్ష్మీర్లక్ష్మీప్రదా లక్ష్యా లక్ష్యబలగతిప్రదా ॥ 114 ॥
క్షణక్షపా క్షణక్షీణా క్షమా క్షాన్తిః క్షమావతీ ।
క్షామా క్షామోదరీ క్షోణీ క్షోణిభృత్ క్షత్రియాఙ్గనా ॥ 115 ॥
క్షపా క్షపాకరీ క్షీరా క్షీరదా క్షీరసాగరా ।
క్షీణఙ్కరీ క్షయకరీ క్షయభృత్ క్షయదా క్షతిః ।
క్షరన్తీ క్షుద్రికా క్షుద్రా క్షుత్క్షామా క్షరపాతకా ॥ 116 ॥
ఫలశ్రుతిః –
మాతుః సహస్రనామేదం ప్రత్యఙ్గిరాసిద్ధిదాయకమ్ ॥ 1 ॥
యః పఠేత్ప్రయతో నిత్యం దరిద్రో ధనదో భవేత్ ।
అనాచాన్తః పఠేన్నిత్యం స చాపి స్యాన్మహేశ్వరః ।
మూకః స్యాద్వాక్పతిర్దేవీ రోగీ నీరోగతాం భవేత్ ॥ 2 ॥
అపుత్రః పుత్రమాప్నోతి త్రిషులోకేషు విశ్రుతమ్ ।
వన్ధ్యాపి సూతే తనయాన్ గావశ్చ బహుదుగ్ధదాః ॥ 3 ॥
రాజానః పాదనమ్రాః స్యుస్తస్య దాసా ఇవ స్ఫుటాః ।
అరయః సఙ్క్షయం యాన్తి మనసా సంస్మృతా అపి ॥ 4 ॥
దర్శనాదేవ జాయన్తే నరా నార్యోఽపి తద్వశాః ।
కర్తా హర్తా స్వయంవీరో జాయతే నాత్రసంశయః ॥ 5 ॥
యం యం కామయతే కామం తం తం ప్రాప్నోతి నిశ్చితమ్ ।
దురితం న చ తస్యాస్తి నాస్తి శోకః కదాచన ॥ 6 ॥
చతుష్పథేఽర్ధరాత్రే చ యః పఠేత్సాధకోత్తమః ।
ఏకాకీ నిర్భయో ధీరో దశావర్తం నరోత్తమః ॥ 7 ॥
మనసా చిన్తితం కార్యం తస్య సిద్ధిర్న సంశయమ్ ।
వినా సహస్రనామ్నాం యో జపేన్మన్త్రం కదాచన ॥ 8 ॥
న సిద్ధో జాయతే తస్య మన్త్రః కల్పశతైరపి ।
కుజవారే శ్మశానే చ మధ్యాహ్నే యో జపేత్తథా ॥ 9 ॥
శతావర్త్యా స జయేత కర్తా హర్తా నృణామిహ ।
రోగార్తో యో నిశీథాన్తే పఠేదమ్భసి సంస్థితః ॥ 10 ॥
సద్యో నీరోగతామేతి యది స్యాన్నిర్భయస్తదా ।
అర్ధరాత్రే శ్మశానే వా శనివారే జపేన్మనుమ్ ॥ 11 ॥
అష్టోత్తరసహస్రం తు దశవారం జపేత్తతః ।
సహస్రనామమేత్తద్ధి తదా యాతి స్వయం శివా ॥ 12 ॥
మహాపవనరూపేణ ఘోరగోమాయునాదినీ ।
తదా యది న భీతిః స్యాత్తతో దేహీతి వాగ్భవేత్ ॥ 13 ॥
తదా పశుబలిం దద్యాత్ స్వయం గృహ్ణాతి చణ్డికా ।
యథేష్టం చ వరం దత్త్వా యాతి ప్రత్యఙ్గిరా శివా ॥ 14 ॥
రోచనాగురుకస్తూరీ కర్పూరమదచన్దనైః ।
కుఙ్కుమప్రథమాభ్యాం తు లిఖితం భూర్జపత్రకే ॥ 15 ॥
శుభనక్షత్రయోగే తు సమభ్యర్చ్య ఘటాన్తరే ।
కృతసమ్పాతనాత్సిద్ధం ధార్యన్తద్దక్షిణేకరే ॥ 16 ॥
సహస్రనామస్వర్ణస్థం కణ్ఠే వాపి జితేన్ద్రియః ।
తదాయం ప్రణమేన్మన్త్రీ క్రుద్ధః సమ్రియతే నరః ॥ 17 ॥
యస్మై దదాతి చ స్వస్తి స భవేద్ధనదోపమః ।
దుష్టశ్వాపదజన్తూనాం న భీః కుత్రాపి జాయతే ॥ 18 ॥
బాలకానామియం రక్షా గర్భిణీనామపి ధ్రువమ్ ।
మోహన స్తమ్భనాకర్షమారణోచ్చాటనాని చ ॥ 19 ॥
యన్త్రధారణతో నూనం సిధ్యన్తే సాధకస్య చ ।
నీలవస్త్రే విలిఖితం ధ్వజాయాం యది తిష్ఠతి ॥ 20 ॥
తదా నష్టా భవత్యేవ ప్రచణ్డా పరవాహినీ ।
ఏతజ్జప్తం మహాభస్మ లలాటే యది ధారయేత్ ॥ 21 ॥
తద్దర్శనత ఏవ స్యుః ప్రాణినస్తస్య కిఙ్కరాః ।
రాజపత్న్యోఽపి వశ్యాః స్యుః కిమన్యాః పరయోషితః ॥ 22 ॥
ఏతజ్జపన్నిశితోయే మాసైకేన మహాకవిః ।
పణ్డితశ్చ మహావాదీ జాయతే నాత్రసంశయః ॥ 23 ॥
శక్తిం సమ్పూజ్య దేవేశి పఠేత్ స్తోత్రం వరం శుభమ్ ।
ఇహలోకే సుఖం భుక్త్వా పరత్ర త్రిదివం వ్రజేత్ ॥ 24 ॥
ఇతి నామసహస్రం తు ప్రత్యఙ్గిర మనోహరమ్ ।
గోప్యం గుహ్యతమం లోకే గోపనీయం స్వయోనివత్ ॥ 25 ॥
ఇతి శ్రీరుద్రయామలే తన్త్రే దశవిద్యారహస్యే శ్రీ ప్రత్యఙ్గిరా సహస్రనామ స్తోత్రమ్ ।
