॥ ඉංද්රාදයෝ ඌචුඃ ॥
ජටාකටාහයුක්තමුංඩප්රාංතවිස්තෘතං හරේඃ
අපාංගක්රුද්ධදර්ශනෝපහාර චූර්ණකුංතලඃ ।
ප්රචංඩවේගකාරණේන පිංජලඃ ප්රතිග්රහඃ
ස ක්රුද්ධතාංඩවස්වරූපධෘග්විරාජතේ හරිඃ ॥ 1 ॥
අථේහ ව්යූහපාර්ෂ්ණිප්රාග්වරූථිනී නිෂංගිනඃ
තථාංජනේයෘක්ෂභූපසෞරබාලිනංදනාඃ ।
ප්රචංඩදානවානලං සමුද්රතුල්යනාශකාඃ
නමෝऽස්තුතේ සුරාරිචක්රභක්ෂකාය මෘත්යවේ ॥ 2 ॥
කලේවරේ කෂායවාසහස්තකාර්මුකං හරේඃ
උපාසනෝපසංගමාර්ථධෘග්විශාඛමංඩලම් ।
හෘදි ස්මරන් දශාකෘතේඃ කුචක්රචෞර්යපාතකං
විදාර්යතේ ප්රචංඩතාංඩවාකෘතිඃ ස රාඝවඃ ॥ 3 ॥
ප්රකාංඩකාංඩකාංඩකර්මදේහඡිද්රකාරණං
කුකූටකූටකූටකෞණපාත්මජාභිමර්දනම් ।
තථාගුණංගුණංගුණංගුණංගුණේන දර්ශයන්
කෘපීටකේශලංඝ්යමීශමේකරාඝවං භජේ ॥ 4 ॥
සවානරාන්විතඃ තථාප්ලුතං ශරීරමසෘජා
විරෝධිමේදසාග්රමාංසගුල්මකාලඛංඩනෛඃ ।
මහාසිපාශශක්තිදංඩධාරකෛඃ නිශාචරෛඃ
පරිප්ලුතං කෘතං ශවෛශ්ච යේන භූමිමංඩලම් ॥ 5 ॥
විශාලදංෂ්ට්රකුංභකර්ණමේඝරාවකාරකෛඃ
තථාහිරාවණාද්යකංපනාතිකායජිත්වරෛඃ ।
සුරක්ෂිතාං මනෝරමාං සුවර්ණලංකනාගරීං
නිජාස්ත්රසංකුලෛරභේද්යකෝටමර්දනං කෘතඃ ॥ 6 ॥
ප්රබුද්ධබුද්ධයෝගිභිඃ මහර්ෂිසිද්ධචාරණෛඃ
විදේහජාප්රියඃ සදානුතෝ ස්තුතෝ ච ස්වස්තිභිඃ ।
පුලස්ත්යනංදනාත්මජස්ය මුංඩරුංඩඡේදනං
සුරාරියූථභේදනං විලෝකයාමි සාංප්රතම් ॥ 7 ॥
කරාලකාලරූපිණං මහෝග්රචාපධාරිණං
කුමෝහග්රස්තමර්කටාච්ඡභල්ලත්රාණකාරණම් ।
විභීෂණාදිභිඃ සදාභිෂේණනේऽභිචිංතකං
භජාමි ජිත්වරං තථෝර්මිලාපතේඃ ප්රියාග්රජම් ॥ 8 ॥
ඉතස්තතඃ මුහුර්මුහුඃ පරිභ්රමංති කෞංතිකාඃ
අනුප්ලවප්රවාහප්රාසිකාශ්ච වෛජයංතිකාඃ ।
මෘධේ ප්රභාකරස්ය වංශකීර්තිනෝऽපදානතාං
අභික්රමේණ රාඝවස්ය තාංඩවාකෘතේඃ ගතාඃ ॥ 9 ॥
නිරාකෘතිං නිරාමයං තථාදිසෘෂ්ටිකාරණං
මහෝජ්ජ්වලං අජං විභුං පුරාණපූරුෂං හරිම් ।
නිරංකුශං නිජාත්මභක්තජන්මමෘත්යුනාශකං
අධර්මමාර්ගඝාතකං කපීශව්යූහනායකම් ॥ 10 ॥
කරාලපාලිචක්රශූලතීක්ෂ්ණභිංදිපාලකෛඃ
කුඨාරසර්වලාසිධේනුකේලිශල්යමුද්ගරෛඃ ।
සුපුෂ්කරේණ පුෂ්කරාංච පුෂ්කරාස්ත්රමාරණෛඃ
සදාප්ලුතං නිශාචරෛඃ සුපුෂ්කරංච පුෂ්කරම් ॥ 11 ॥
ප්රපන්නභක්තරක්ෂකං වසුංධරාත්මජාප්රියං
කපීශවෘංදසේවිතං සමස්තදූෂණාපහම් ।
සුරාසුරාභිවංදිතං නිශාචරාංතකං විභුං
ජගත්ප්රශස්තිකාරණං භජේහ රාමමීශ්වරම් ॥ 12 ॥
॥ ඉති ශ්රීභාගවතානංදගුරුණා විරචිතේ ශ්රීරාඝවේංද්රචරිතේ
ඉංද්රාදි දේවගණෛඃ කෘතං ශ්රීරාමතාංඩවස්තෝත්රං සංපූර්ණම් ॥
