1. (దేవతా - ఆదిత్యః, అధిదేవతా- అగ్నిః, ప్రత్యధిదేవతా - పశుపతిః)
ఓం ఆస॒త్యేన॒ రజ॑సా॒ వర్త॑మానో నివే॒శయ॑న్న॒మృతం॒ మర్త్యం॑చ ।
హి॒ర॒ణ్యయే॑న సవి॒తా రథే॒నా ఽదే॒వో యా॑తి॒ భువ॑నా వి॒పశ్యన్న్॑ ॥
(తై. సం. 3.4.11.2)

అ॒గ్నిం దూ॒తం-వృఀ ॑ణీమహే॒ హోతా॑రం-విఀ॒శ్వవే॑దసమ్ । అ॒స్య య॒జ్ఞస్య॑ సు॒క్రతు᳚మ్ ॥ (తై. బ్రా. 3.5.2.3)

యేషా॒మీశే॑ పశు॒పతిః॑ పశూ॒నాం-చతు॑ష్పదాము॒త చ॑ ద్వి॒పదా᳚మ్ ।
నిష్క్రీ॑తో॒ఽయం-యఀ॒జ్ఞియం॑ భా॒గమే॑తు రా॒యస్పోషా॒ యజ॑మానస్య సంతు ॥ (తై. సం. 3.1.4.1)
(ఓం అధిదేవతా ప్రత్యధిదేవతా సహితాయ భగవతే ఆది॑త్యాయ॒ నమః॑) 1

2. (దేవతా - అంగారకః, అధిదేవతా - పృథివీ, ప్రత్యధిదేవతా - క్షేత్రపతిః)
ఓం అ॒గ్నిర్మూ॒ర్ద్ధా ది॒వః క॒కుత్పతిః॑ పృథి॒వ్యా అ॒యమ్ ।
అ॒పాగ్ం రేతాగ్ం॑సి జిన్వతి ॥ (తై. సం. 1.5.5.1)

స్యో॒నా పృ॑థివి॒ భవా॑ఽనృక్ష॒రా ని॒వేశ॑నీ ।
యచ్ఛా॑న॒-శ్శర్మ॑ స॒ప్రథాః᳚॥ (తై. అర. 6.1.10)

క్షేత్ర॑స్య॒ పతి॑నా వ॒యగ్ం హి॒తేనే॑వ జయామసి ।
గామశ్వం॑ పోషయి॒త్న్వా స నో॑ మృడాతీ॒-దృశే᳚ ॥ (తై. సం. 1.1.14.2)
(ఓం అధిదేవతా ప్రత్యధిదేవతా సహితాయ భగవతే అంక్రకా॑య॒ నమః॑) 2

3. (దేవతా - శుక్రః, అధిదేవతా - ఇంద్రాణీ, ప్రత్యధిదేవతా - ఇంద్రః)
ఓం ప్రవ॑శ్శు॒క్రాయ॑ భా॒నవే॑ భరధ్వగ్ం హ॒వ్యం మ॒తిం చా॒గ్నయే॒ సుపూ॑తమ్ ।
యో దైవ్యా॑ని॒ మాను॑షా జ॒నూగ్గ్​-ష్యం॒తర్ విశ్వా॑ని వి॒ద్మనా॒ జిగా॑తి ॥ (తై. బ్రా. 2.8.2.3)

ఇం॒ద్రా॒ణీ మా॒సు నారి॑షు సు॒పత్నీ॑-మ॒హమ॑శ్రవమ్ ।
న హ్య॑స్యా అప॒రంచ॒న జ॒రసా॒ మర॑తే॒ పతిః॑ ॥ (తై. సం. 1.7.13.1)

ఇంద్రం॑-వోఀ వి॒శ్వత॒స్పరి॒ హవా॑మహే॒ జనే᳚భ్యః ।
అ॒స్మాక॑మస్తు॒ కేవ॑లః ॥ (తై. సం. 1.6.12.1)
(ఓం అధిదేవతా ప్రత్యధిదేవతా సహితాయ భగవతే శుక్రా॑య॒ నమః॑) 3

4. (దేవతా - సోమః/చంద్రమా, అధిదేవతా- అపః, ప్రత్యధిదేవతా - గౌరీ)
ఓం ఆప్యా॑యస్వ॒ సమే॑తు తే వి॒శ్వత॑-స్సోమ॒ వృష్ణి॑యమ్ ।
భవా॒ వాజ॑స్య సంగ॒థే ॥ (తై. సం. 4.2.7.4)

అ॒ఫ్సుమే॒ సోమో॑ అబ్రవీదం॒తర్ విశ్వా॑ని భేష॒జా ।
అ॒గ్నించ॑ వి॒శ్వశ॑భుం​వఀ॒-మాప॑శ్చ వి॒శ్వభే॑షజీః ॥ (తై. బ్రా. 2.5.8.6)

గౌ॒రీ మి॑మాయ సలి॒లాని॒ తక్ష॒త్యేక॑పదీ ద్వి॒పదీ॒ సా చతు॑ష్పదీ ।
అ॒ష్టాప॑దీ॒ నవ॑పదీ బభూ॒వుషీ॑ స॒హస్రా᳚క్షరా పర॒మే వ్యో॑మన్న్ ॥ (తై. బ్రా. .2.4.6.11)
(ఓం అధిదేవతా ప్రత్యధిదేవతా సహితాయ భగవతే సోమా॑య॒ నమః॑) 4

5. (దేవతా - బుధః, అధిదేవతా - విష్ణుః, ప్రత్యధిదేవతా - పురుష నారాయణః)
ఓం ఉద్బు॑ద్ధ్యస్వాగ్నే॒ ప్రతి॑జాగృహ్యేన మిష్టాపూ॒ర్తే సగ్ం సృ॑జేథా మ॒యంచ॑ ।
పునః॑ కృ॒ణ్వగ్గ్​స్త్వా॑ పి॒తరం॒-యుఀవా॑న-మ॒న్వాతాగ్ం॑సీ॒ త్వయి॒ తంతు॑మే॒తమ్ ॥ (తై. సం. 4.7.13.5)

ఇ॒దం-విఀష్ణు॒ర్ విచ॑క్రమే త్రే॒ధా నిద॑ధే ప॒దమ్ ।
సమూ॑ఢమస్య పాగ్ం సు॒రే ॥ (తై. సం. 1.2.13.1)

విష్ణో॑ ర॒రాట॑మసి॒ విష్ణోః᳚ పృ॒ష్ఠమ॑సి॒ విష్ణో॒-శ్నప్త్రే᳚స్థో॒ విష్ణో॒ స్స్యూర॑సి॒ విష్ణో᳚ర్ ధ్రు॒వమ॑సి వైష్ణ॒వమ॑సి॒ విష్ణ॑వే త్వా ॥ (తై. సం. 1.2.13.3)
(ఓం అధిదేవతా ప్రత్యధిదేవతా సహితాయ భగవతే బుధా॑య॒ నమః॑) 5

6. (దేవతా - బుహస్పతిః, అధిదేవతా - ఇంద్ర-మరుత, ప్రత్యధిదేవతా - బ్రహ్మ)
ఓం బృహ॑స్పతే॒ అతి॒ యద॒ర్యో అర్​హ᳚ద్ ద్యు॒మద్-వి॒భాతి॒ క్రతు॑ మ॒జ్జనే॑షు ।
యద్దీ॒ద య॒చ్ఛ వ॑సర్త ప్రజాత॒ తద॒స్మాసు॒ ద్రవి॑ణం ధేహి చి॒త్రమ్ ॥ (తై. సం. 1.8.22.2)

ఇంద్ర॑మరుత్వ ఇ॒హ పా॑హి॒ సోమం॒-యఀథా॑ శార్యా॒తే అపి॑బస్సు॒తస్య॑ ।
తవ॒ ప్రణీ॑తీ॒ తవ॑ శూర॒ శర్మ॒న్నా-వి॑వాసంతి క॒వయః॑ సుయ॒జ్ఞాః ॥ (తై. సం. 1.4.18.1)

బ్రహ్మ॑జజ్ఞా॒నం ప్ర॑థ॒మం పు॒రస్తా॒ద్ విసీ॑మ॒త-స్సు॒రుచో॑ వే॒న ఆ॑వః ।
సబు॒ద్ధ్నియా॑ ఉప॒మా అ॑స్య వి॒ష్ఠాస్స॒తశ్చ॒ యోని॒మ-స॑తశ్చ॒ వివః॑ ॥ (తై. సం. 4.2.8.2)
(ఓం అధిదేవతా ప్రత్యధిదేవతా సహితాయ భగవతే బృహ॒స్పత॑యే॒ నమః॑) 6

7. (దేవతా - శనైశ్చరః, అధిదేవతా - ప్రజాపతిః, ప్రత్యధిదేవతా - యమః)
ఓం శన్నో॑ దే॒వీ-ర॒భిష్ట॑య॒ ఆపో॑ భవంతు పీ॒తయే᳚ ।
శం-యోఀర॒భి-స్ర॑వంతు నః ॥ (తై. అర. 7.42.4)

ప్రజా॑పతే॒ న త్వదే॒తా-న్య॒న్యో విశ్వా॑ జా॒తాని॒ పరి॒తా బ॑భూవ ।
యత్కా॑మాస్తే జుహు॒మస్తన్నో॑ అస్తు వ॒యగ్గ్​ స్యా॑మ॒ పత॑యో రయీ॒ణామ్ ॥ (తై. సం. 1.8.14.2)

ఇ॒మం-యఀ ॑మ ప్రస్త॒రమాహి సీదాంకి॑రోభిః పి॒తృభిః॑ సం​విఀదా॒నః ।
ఆత్వా॒ మంత్రాః᳚ కవిశ॒స్తా వ॑హంత్వే॒నా రా॑జన్ హ॒విషా॑ మాదయస్వ ॥ (తై. సం. 2.6.12.6)
(ఓం అధిదేవతా ప్రత్యధిదేవతా సహితాయ భగవతే శనైశ్చ॑రాయ॒ నమః॑) 7

8. (దేవతా - రాహు, అధిదేవతా- సర్పః, ప్రత్యధిదేవతా - నిర్​ఋత)
ఓం కయా॑ నశ్చి॒త్ర ఆభు॑వదూ॒తీ స॒దావృ॑ధ॒ స్సఖా᳚ ।
కయా॒ శచి॑ష్ఠయా వృ॒తా ॥ (తై. సం. 4.2.11.2)

ఆఽయంకౌః పృశ్ని॑రక్రమీ॒-దస॑నన్ మా॒తరం॒ పునః॑ ।
పి॒తరం॑చ ప్ర॒యంథ్​సువః॑ ॥ (తై. సం. 1.5.3.1)
యత్తే॑ దే॒వీ నిర్​ఋతి॑ రాబ॒బంధ॒ దామ॑ గ్రీ॒వాస్వ॑-విచ॒ర్త్యమ్ ।

ఇ॒దంతే॒ తద్విష్యా॒-మ్యాయు॑షో॒ న మద్ధ్యా॒-దథా॑ జీ॒వః
పి॒తుమ॑ద్ధి॒ ప్రము॑క్తః ॥ (తై. సం. 4.2.5.3)
(ఓం అధిదేవతా ప్రత్యధిదేవతా సహితాయ భగవతే రాహ॑వే॒ నమః॑) 8

9. (దేవతా - కేతుః , అధిదేవతా - బ్రహ్మ, ప్రత్యధిదేవతా - చిత్రగుప్తః)
ఓం కే॒తుం కృ॒ణ్వన్న॑కే॒తవే॒ పేశో॑ మర్యా అపే॒శసే᳚ ।
సము॒షద్భి॑రజాయథాః ॥ (తై. సం. 7.4.20.1)

బ్ర॒హ్మా దే॒వానాం᳚ పద॒వీః క॑వీ॒నా-మృషి॒ర్విప్రా॑ణాం మహి॒షో మృ॒గాణా᳚మ్ ।
శ్యే॒నో గృద్ధ్రా॑ణా॒గ్గ్॒​ స్వధి॑తి॒ర్ వనా॑నా॒గ్ం॒ సోమః॑ ప॒విత్ర॒ మత్యే॑తి॒ రేభన్న్॑ ॥ (తై. సం. 3.4.11.1)

సచి॑త్ర చి॒త్రం చి॒తయం॑త-మ॒స్మే చిత్ర॑క్షత్ర చి॒త్రత॑మం-వఀయో॒ధామ్ ।
చం॒ద్రం ర॒యిం పు॑రు॒వీరం॑ బృ॒హంతం॒ చంద్ర॑-చం॒ద్రాభి॑ర్-గృణ॒తే యు॑వస్వ ॥ (ఋగ్. వే. 6.6.7).
(ఓం అధిదేవతా ప్రత్యధిదేవతా సహితేభ్యో భగవద్భ్యః కేతు॑భ్యో॒ నమః॑) 9

॥ ఓం ఆదిత్యాది నవగ్రహ దేవ॑తాభ్యో॒ నమో॒ నమః॑॥

ఓం శాంతిః॒ శాంతిః॒ శాంతిః॑ ॥