(తై. సం. 1.8.6.1 - తై. సం. 1.8.6.2)
(తై. బ్రా. 1.6.10.1 - తై. బ్రా. 1.6.10.5)
ప్ర॒తి॒పూ॒రు॒ష మేక॑కపాలా॒న్ నిర్వ॑ప॒త్యే-క॒మతి॑రిక్తం॒-యాఀవం॑తో గృ॒హ్యాః᳚ స్మస్తేభ్యః॒ కమ॑కరం పశూ॒నాగ్ం శర్మా॑సి॒ శర్మ॒ యజ॑మానస్య॒ శర్మ॑ మే
య॒చ్ఛైక॑ ఏ॒వ రు॒ద్రో న ద్వి॒తీయా॑య తస్థ ఆ॒ఖుస్తే॑ రుద్ర ప॒శుస్తం జు॑షస్వై॒ష తే॑ రుద్ర భా॒గః స॒హ స్వస్రాం-ఽబి॑కయా॒ తంజు॑షస్వ భేష॒జం గవేఽశ్వా॑య॒
పురు॑షాయ భేష॒జమథో॑ అ॒స్మభ్యం॑ భేష॒జగ్ం సుభే॑షజం॒-యఀథాఽస॑తి । 1
సు॒గం మే॒షాయ॑ మే॒ష్యా॑ అవా᳚బం రు॒ద్రమ॑ది-మ॒హ్యవ॑ దే॒వం త్ర్య॑బంకమ్ ।
యథా॑ నః॒ శ్రేయ॑సః॒ కర॒ద్యథా॑ నో॒ వస్య॑ సః॒ కర॒ద్యథా॑ నః పశు॒మతః॒
కర॒ద్యథా॑ నో వ్యవసా॒యయా᳚త్ । త్ర్య॑బంకం-యఀజామహే సుగం॒ధిం పు॑ష్టి॒వర్ధ॑నమ్ ।
ఉ॒ర్వా॒రు॒కమి॑వ॒ బంధ॑నాన్ మృ॒త్యో ర్ము॑క్షీయ॒ మాఽమృతా᳚త్ । ఏ॒షతే॑ రుద్ర భా॒గ స్తంజు॑షస్వ॒ తేనా॑వ॒సేన॑ ప॒రో మూజ॑వ॒తో-ఽతీ॒హ్యవ॑తత
ధన్వా॒ పినా॑కహస్తః॒ కృత్తి॑వాసాః ॥ 2
ప్ర॒తి॒పూ॒రు॒ష-మేక॑కపాలా॒న్ నిర్వ॑పతి । జా॒తా ఏ॒వ ప్ర॒జా రు॒ద్రాన్ ని॒రవ॑దయతే । ఏక॒మతి॑రిక్తమ్ । జ॒ని॒ష్యమా॑ణా ఏ॒వ ప్ర॒జా రు॒ద్రాన్ ని॒రవ॑దయతే । ఏక॑కపాలా భవంతి । ఏ॒క॒ధైవ రు॒ద్రం ని॒రవ॑దయతే । నాభిఘా॑రయతి । యద॑భిఘా॒రయే᳚త్ । అం॒త॒ర॒వ॒-చా॒రిణగ్ం॑ రు॒ద్రం కు॑ర్యాత్ ।
ఏ॒కో॒ల్ము॒కేన॑ యంతి । 3
తద్ధి రు॒ద్రస్య॑ భాగ॒ధేయ᳚మ్ । ఇ॒మాం దిశం॑-యంఀతి । ఏ॒షా వై రు॒ద్రస్య॒ దిక్ । స్వాయా॑ మే॒వ ది॒శి రు॒ద్రం ని॒రవ॑దయతే । రు॒ద్రో వా అ॑ప॒శుకా॑యా॒ ఆహు॑త్యై॒ నాతి॑ష్ఠత । అ॒సౌ తే॑ ప॒శురితి॒ నిర్ది॑శే॒ద్యం ద్వి॒ష్యాత్ । యమే॒వ ద్వేష్టి॑ ।
తమ॑స్మై ప॒శుం నిర్ది॑శతి । యది॒ న ద్వి॒ష్యాత్ ।
ఆ॒ఖుస్తే॑ ప॒శురితి॑ బ్రూయాత్ । 4
న గ్రా॒మ్యాన్ ప॒శూన్ హి॒నస్తి॑ । నార॒ణ్యాన్ । చ॒తు॒ష్ప॒థే జు॑హోతి । ఏ॒ష వా అ॑గ్నీ॒నాం పడ్బీ॑శో॒ నామ॑ । అ॒గ్ని॒వత్యే॒వ జు॑హోతి ।
మ॒ద్ధ్య॒మేన॑ ప॒ర్ణేన॑ జుహోతి । స్రుగ్ఘ్యే॑షా । అథో॒ ఖలు॑ । అం॒త॒మేనై॒వ హో॑త॒వ్య᳚మ్ । అం॒త॒త ఏ॒వ రు॒ద్రం ని॒రవ॑దయతే । 5
ఏష॒ తే॑ రుద్రభా॒గః స॒హస్వస్రాం-ఽబి॑క॒యేత్యా॑హ । శ॒రద్వా అ॒స్యాంబి॑కా॒ స్వసా᳚ ।
తయా॒ వా ఏ॒ష హి॑నస్తి । యగ్ం హి॒నస్తి॑ । తయై॒వైనగ్ం॑ స॒హ శ॑మయతి ।
భే॒ష॒జంగవ॒ ఇత్యా॑హ । యావం॑త ఏ॒వ గ్రా॒మ్యాః ప॒శవః॑ । తేభ్యో॑ భేష॒జం క॑రోతి । అవా᳚బం రు॒ద్రమ॑ది మ॒హీత్యా॑హ । ఆ॒శిష॑మే॒వై-తామా శా᳚స్తే । 6
త్ర్య॑బంకం-యఀజామహ॒ ఇత్యా॑హ । మృ॒త్యో ర్ము॑క్షీయ॒ మాఽమృతా॒-దితి॒ వా వై తదా॑హ ।
ఉత్కి॑రంతి । భగ॑స్య లీఫ్సంతే । మూతే॑ కృ॒త్వా స॑జంతి ।
యథా॒ జనం॑-యఀ॒తే॑ఽవ॒సం క॒రోతి॑ । తా॒దృగే॒వ తత్ । ఏ॒ష తే॑ రుద్రభా॒గ ఇత్యా॑హ ని॒రవ॑త్యై । అప్ర॑తీక్ష॒-మాయం॑తి । అ॒పః పరి॑షించతి । రు॒ద్రస్యాం॒త ర్హి॑త్యై । ప్రవా ఏ॒తే᳚ఽస్మా-ల్లో॒కా-చ్చ్య॑వంతే । యే త్ర్య॑బంకై॒-శ్చరం॑తి । ఆ॒ది॒త్యం చ॒రుం పున॒రేత్య॒ నిర్వ॑పతి । ఇ॒యం-వాఀ అది॑తిః । అ॒స్యామే॒వ ప్రతి॑తిష్ఠంతి ॥ 7
ఓం నమో భగవతే॑ రుద్రా॒య ॥ ప్రతిపూరుషం-విఀభాడితి నేత్రత్రయా॑య వౌ॒షట్ ॥
