അധ്യായ 2
വല്ലീ 1
പരാംചിഖാനി വ്യതൃണത്സ്വയംഭൂസ്തസ്മാത്പരാങ്പശ്യതി നാംതരാത്മന്‌।
കശ്ചിദ്ധീരഃ പ്രത്യഗാത്മാനമൈഷദാവൃത്തചക്ഷുരമൃതത്വമിച്ഛന്‌ ॥ ॥1॥
പരാചഃ കാമാനനുയംതി ബാലാസ്തേ മൃത്യോര്യംതി വിതതസ്യ പാശമ്‌।
അഥ ധീരാ അമൃതത്വം-വിഁദിത്വാ ധ്രുവമധ്രുവേഷ്വിഹ ന പ്രാര്ഥയംതേ ॥ ॥2॥
യേന രൂപം രസം ഗംധം ശബ്ദാന്സ്പര്ശാംശ്ച മൈഥുനാന്‌।
ഏതേനൈവ വിജാനാതി കിമത്ര പരിശിഷ്യതേ। ഏതദ്വൈ തത്‌ ॥ ॥3॥
സ്വപ്നാംതം ജാഗരിതാംതം ചോഭൌ യേനാനുപശ്യതി।
മഹാംതം-വിഁഭുമാത്മാനം മത്വാ ധീരോ ന ശോചതി ॥ ॥4॥
യ ഇമം മധ്വദം-വേഁദ ആത്മാനം ജീവമംതികാത്‌।
ഈശാനം ഭൂതഭവ്യസ്യ ന തതോ വിജുഗുപ്സതേ। ഏതദ്വൈ തത്‌ ॥ ॥5॥
യഃ പൂർവം തപസോ ജാതമദ്‌ഭ്യഃ പൂർവമജായത।
ഗുഹാം പ്രവിശ്യ തിഷ്ഠംതം-യോഁ ഭൂതേഭിർവ്യപശ്യത। ഏതദ്വൈ തത്‌ ॥ ॥6॥
യാ പ്രാണേന സംഭവത്യദിതിര്ദേവതാമയീ।
ഗുഹാം പ്രവിശ്യ തിഷ്ഠംതീം-യാഁ ഭൂതേഭിർവ്യജായത। ഏതദ്വൈ തത്‌ ॥ ॥7॥
അരണ്യോര്നിഹിതോ ജാതവേദാ ഗര്ഭ ഇവ സുഭൃതോ ഗര്ഭിണീഭിഃ।
ദിവേ ദിവേ ഈഡ്യോ ജാഗൃവദ്ഭിര്ഹവിഷ്മദ്ഭിര്മനുഷ്യേഭിരഗ്നിഃ। ഏതദ്വൈ തത്‌ ॥ ॥8॥
യതശ്ചോദേതി സൂര്യോഽസ്തം-യഁത്ര ച ഗച്ഛതി।
തം ദേവാഃ സർവേഽര്പിതാസ്തദു നാത്യേതി കശ്ചന। ഏതദ്വൈ തത്‌ ॥ ॥9॥
യദേവേഹ തദമുത്ര യദമുത്ര തദന്വിഹ।
മൃത്യോഃ സ മൃത്യുമാപ്നോതി യ ഇഹ നാനേവ പശ്യതി ॥ ॥10॥
മനസൈവേദമാപ്തവ്യം നേഹ നാനാഽസ്തി കിംചന।
മൃത്യോഃ സ മൃത്യും ഗച്ഛതി യ ഇഹ നാനേവ പശ്യതി ॥ ॥11॥
അംഗുഷ്ഠമാത്രഃ പുരുഷോ മധ്യ ആത്മനി തിഷ്ഠതി।
ഈശാനോ ഭൂതഭവ്യസ്യ ന തതോ വിജുഗുപ്സതേ। ഏതദ്വൈ തത്‌ ॥ ॥12॥
അംഗുഷ്ഠമാത്രഃ പുരുഷോ ജ്യോതിരിവാധൂമകഃ।
ഈശാനോ ഭൂതഭവ്യസ്യ സ ഏവാദ്യ സ ഉ ശ്വഃ। ഏതദ്വൈ തത്‌ ॥ ॥13॥
യഥോദകം ദുര്ഗം-വൃഁഷ്ടം പർവതേഷു വിധാവതി।
ഏവം ധര്മാന്പൃഥക്‌ പശ്യംസ്താനേവാനുവിധാവതി ॥ ॥14॥
യഥോദകം ശുദ്ധേ ശുദ്ധമാസിക്തം താദൃഗേവ ഭവതി।
ഏവം മുനേർവിജാനത ആത്മാ ഭവതി ഗൌതമ ॥ ॥15॥
