હિ॒ર॒ણ્ય॒ગ॒ર્ભ-સ્સમ॑વર્ત॒-તાગ્રે॑ ભૂ॒તસ્ય॑ જા॒તઃ પતિ॒રેક॑ આસીત્ ।
સદા॑ધાર પૃથિ॒વીં દ્યામુ॒તેમાં કસ્મૈ॑ દે॒વાય॑ હ॒વિષા॑ વિધેમ ॥
ઉરસા નમઃ ॥ 1 (તૈ. સં. 4.1.8.3)
યઃ પ્રા॑ણ॒તો નિ॑મિષ॒તો મ॑હિ॒ત્વૈક॒ ઇદ્રાજા॒ જગ॑તો બ॒ભૂવ॑ ।
ય ઈશે॑ અ॒સ્ય દ્વિ॒પદ॒-શ્ચતુ॑ષ્પદઃ॒ કસ્મૈ॑ દે॒વાય॑ હ॒વિષા॑ વિધેમ ॥
શિરસા નમઃ ॥ 2 (તૈ. સં. 4.1.8.4)
બ્રહ્મ॑જજ્ઞા॒નં પ્ર॑થ॒મં પુ॒રસ્તા॒-દ્વિસી॑મ॒ત-સ્સુ॒રુચો॑ વે॒ન આ॑વઃ ।
સ બુ॒ધ્નિયા॑ ઉપ॒મા અ॑સ્ય વિ॒ષ્ઠા-સ્સ॒તશ્ચ॒ યોનિ॒મ-સ॑તશ્ચ॒ વિવઃ॑ । (
દૃષ્યા નમઃ । 3 (તૈ. સં. 4.2.8.2.)
મ॒હી દ્યૌઃ પૃ॑થિ॒વી ચ॑ ન ઇ॒મં-યઁ॒જ્ઞં મિ॑મિક્ષતામ્ ।
પિ॒પૃ॒તાન્નો॒ ભરી॑મભિઃ ।
મનસા નમઃ ॥ 4 (તૈ. સં. 3.3.10.2)
ઉપ॑શ્વાસય પૃથિ॒વી-મુ॒ત દ્યાં પુ॑રુ॒ત્રા તે॑ મનુતાં॒-વિઁષ્ઠિ॑તં॒ જગ॑ત્ ।
સ દું॑દુભે સ॒જૂરિંદ્રે॑ણ દે॒વૈ-ર્દૂ॒રાદ્દવી॑યો॒ અપ॑સેધ॒ શત્રૂન્॑ ।
વચસા નમઃ ॥ 5 (તૈ. સં. 4.6.6.6)
અગ્ને॒ નય॑ સુ॒પથા॑ રા॒યે અ॒સ્માન્ વિશ્વા॑નિ દેવ વ॒યુના॑નિ વિ॒દ્વાન્ ।
યુ॒યો॒દ્ધ્ય॑સ્મ-જ્જુ॑હુરા॒ણ-મેનો॒ ભૂયિ॑ષ્ઠાંતે॒ નમ॑ ઉક્તિં-વિઁધેમ ॥
પધ્ભ્યાં નમઃ ॥ 6 (તૈ. સં. 1.1.14.3)
યા તે॑ અગ્ને॒ રુદ્રિ॑યા ત॒નૂસ્તયા॑ નઃ પાહિ॒ તસ્યા᳚સ્તે॒ સ્વાહા᳚ ।
યા તે॑ અગ્નેઽયાશ॒યા ર॑જાશ॒યા હ॑રાશ॒યા ત॒નૂર્વર્ષિ॑ષ્ઠા ગહ્વરે॒ષ્ઠોગ્રં-વઁચો॒ અપા॑વધીં ત્વે॒ષં-વઁચો॒ અપા॑વધી॒ગ્મ્॒ સ્વાહા᳚ ॥
કરાભ્યાં નમઃ ॥ 7 (તૈ. સં. 1.2.11.2)
ઇ॒મં-યઁ॑મપ્રસ્ત॒રમાહિ સીદાંગિ॑રોભિઃ પિ॒તૃભિઃ॑ સંવિઁદા॒નઃ ।
આત્વા॒ મંત્રાઃ॑ કવિશ॒સ્તા વ॑હંત્વે॒ના રા॑જન્ હ॒વિષા॑ માદયસ્વ ॥
કર્ણાભ્યાં નમઃ ॥ 8 (તૈ. સં. 2.6.12.6)
ઉરસા શિરસા દૃષ્ટ્યા મન॑સા વચસા ત॒થા ।
પદ્ભ્યાં કરાભ્યાં કર્ણાભ્યાં પ્રણામોઽષ્ટાંગ॑ ઉચ્યતે ॥
ઉમામહેશ્વરાભ્યાં નમઃ ॥
