(તૈ. સં. 4.6.4.1 - તૈ. સં. 4.6.4.5)
આ॒શુઃ શિશા॑નો વૃષ॒ભો ન યુ॒ધ્મો ઘ॑નાઘ॒નઃ ક્ષોભ॑ણ-શ્ચર્ષણી॒નામ્ ।
સં॒॒ક્રંદ॑નો-ઽનિમિ॒ષ એ॑ક વી॒રશ્શ॒તગ્મ્ સેના॑ અજયથ્સા॒-કમિંદ્રઃ॑ ।
સં॒ક્રંદ॑નેના નિમિ॒ષેણ॑ જિ॒ષ્ણુના॑ યુત્કા॒રેણ॑ દુશ્ચ્યવ॒નેન॑ ધૃ॒ષ્ણુના᳚ ।
તદિંદ્રે॑ણ જયત॒ તથ્સ॑હધ્વં॒-યુઁધો॑ નર॒ ઇષુ॑ હસ્તેન॒ વૃષ્ણા᳚ ।
સ ઇષુ॑હસ્તૈઃ॒ સ નિ॑ષં॒ગિભિ॑ ર્વ॒શી સગ્ગ્સ્ર॑ષ્ટા॒ સયુધ॒ ઇંદ્રો॑ ગ॒ણેન॑ ।
સ॒ગ્મ્॒સૃ॒ષ્ટ॒-જિથ્સો॑મ॒પા બા॑હુ શ॒ર્ધ્યૂ᳚ર્ધ્વ-ધ॑ન્વા॒ પ્રતિ॑હિતા-ભિ॒રસ્તા᳚ ।
બૃહ॑સ્પતે॒ પરિ॑દીયા॒ રથે॑ન રક્ષો॒હાઽમિત્રાગ્મ્॑ અપ॒ બાધ॑માનઃ । 1
પ્ર॒ભં॒જન્ થ્સેનાઃ᳚ પ્રમૃ॒ણો યુ॒ધા જય॑ન્ન॒સ્માક॑-મેદ્ધ્યવિ॒તા રથા॑નામ્ ।
ગો॒ત્ર॒ભિદં॑ ગો॒વિદં॒-વઁજ્ર॑બાહું॒ જયં॑ત॒મજ્મ॑ પ્રમૃ॒ણંત॒-મોજ॑સા ।
ઇ॒મગ્મ્ સ॑જાતા॒ અનુ॑વીર-યધ્વ॒મિંદ્રગ્મ્॑ સખા॒યોઽનુ॒ સર॑ભધ્વમ્ ।
બ॒લ॒વિ॒જ્ઞા॒ય-સ્સ્થવિ॑રઃ॒ પ્રવી॑ર॒-સ્સહ॑સ્વાન્ વા॒જી સહ॑માન ઉ॒ગ્રઃ ।
અ॒ભિવી॑રો અ॒ભિસ॑ત્વા સહો॒જા જૈત્ર॑મિંદ્ર॒ રથ॒માતિ॑ષ્ઠ ગો॒વિત્ । 2
અ॒ભિ ગો॒ત્રાણિ॒ સહ॑સા॒ ગાહ॑માનો-ઽદા॒યો વી॒ર શ્શ॒ત-મ॑ન્યુ॒રિંદ્રઃ॑ ।
દુ॒શ્ચ્ય॒વ॒નઃ પૃ॑તના॒ષાડ॑ યુ॒દ્ધ્યો᳚-ઽસ્માક॒ગ્મ્॒ સેના॑ અવતુ॒ પ્રયુ॒થ્સુ ।
ઇંદ્ર॑ આસાં ને॒તા બૃહ॒સ્પતિ॒ ર્દક્ષિ॑ણા ય॒જ્ઞઃ પુ॒ર એ॑તુ॒ સોમઃ॑ ।
દે॒વ॒સે॒નાના॑-મભિભં જતી॒નાં જયં॑તીનાં મ॒રુતો॑ યં॒ત્વગ્રે᳚ ।
ઇંદ્ર॑સ્ય॒ વૃષ્ણો॒ વરુ॑ણસ્ય॒ રાજ્ઞ॑ આદિ॒ત્યાનાં᳚ મ॒રુતા॒ગ્મ્॒ શર્ધ॑ ઉ॒ગ્રમ્ ।
મ॒હામ॑નસાં ભુવનચ્ય॒વાનાં॒ ઘોષો॑ દે॒વાનાં॒ જય॑તા॒ મુદ॑સ્થાત્ ।
અ॒સ્માક॒-મિંદ્રઃ॒-સમૃ॑તેષુ-ધ્વ॒જે-ષ્વ॒સ્માકં॒-યાઁ ઇષ॑વ॒સ્તા જ॑યંતુ । 3
અ॒સ્માકં॑-વીઁ॒રા ઉત્ત॑રે ભવંત્વ॒સ્માનુ॑ દેવા અવતા॒ હવે॑ષુ । ઉદ્ધ॑ર્ષય મઘવ॒ન્ના-યુ॑ધા॒-ન્યુથ્સત્વ॑નાં મામ॒કાનાં॒ મહાગ્મ્॑સિ ।
ઉદ્વૃ॑ત્રહન્ વા॒જિનાં॒-વાઁજિ॑ના॒-ન્યુદ્રથા॑નાં॒ જય॑તામેતુ॒ ઘોષઃ॑ ।
ઉપ॒પ્રેત॒ જય॑તા નરઃ સ્થિ॒રા વઃ॑ સંતુ બા॒હવઃ॑ । ઇંદ્રો॑ વઃ॒ શર્મ॑ યચ્છત્વના-ધૃ॒ષ્યા યથાઽસ॑થ । અવ॑સૃષ્ટા॒ પરા॑પત॒ શર॑વ્યે॒ બ્રહ્મ॑ સગ્મ્શિતા । ગચ્છા॒મિત્રા॒ન્ પ્રવિ॑શ॒ મૈષાં॒ કંચ॒નોચ્છિ॑ષઃ ।
મર્મા॑ણિ તે॒ વર્મ॑ભિશ્છા-દયામિ॒ સોમ॑સ્ત્વા॒ રાજા॒ઽમૃતે॑ના॒-ભિવ॑સ્તામ્ । ઉ॒રો ર્વરી॑યો॒ વરિ॑વસ્તે અસ્તુ॒ જયં॑તં॒ ત્વામનુ॑ મદંતુ દે॒વાઃ । યત્ર॑ બા॒ણાઃ સં॒પતં॑તિ કુમા॒રા વિ॑શિ॒ખા ઇ॑વ ।
ઇંદ્રો॑ ન॒સ્તત્ર॑ વૃત્ર॒હા વિ॑શ્વા॒હા શર્મ॑ યચ્છતુ ॥ 4 ॥
ઓં નમો ભગવતે॑ રુદ્રા॒ય ॥ આશુશ્શિશાનો-ઽપ્રતિરથં કવચાય હુમ્ ।
