પંચમઃ પ્રશ્નઃ
અથ હૈનં સૈબ્યઃ સત્યકામઃ પપ્રચ્છ।
સ યો હ વૈ તદ્ વગવન્મનુષ્યેષુ પ્રાયણાંતમોંકારમભિધ્યાયીત કતમં-વાઁવ સ તેન લોકં જયતીતિ ॥1॥
તસ્મૈ સ હોવાચ એતદ્ વૈ સત્યકામ પરં ચાપરં ચ બ્રહ્મ યદોંકારઃ।
તસ્માદ્ વિદ્વાનેતેનૈવાયતનેનૈકતરમન્વેતિ ॥2॥
સ યધ્યેકમાત્રમભિધ્યાયીત સ તેનૈવ સંવેઁદિતસ્તૂર્ણમેવ જગત્યાભિસંપધ્યતે।
તમૃચો મનુષ્યલોકમુપનયંતે સ તત્ર તપસા બ્રહ્મચર્યેણ શ્રદ્ધયા સંપન્નો મહિમાનમનુભવતિ ॥3॥
અથ યદિ દ્વિમાત્રેણ મનસિ સંપદ્યતે સોઽંતરિક્ષં-યઁજુર્ભિરુન્નીયતે સોમલોકમ્।
સ સોમલોકે વિભુતિમનુભૂય પુનરાવર્તતે ॥4॥
યઃ પુનરેતં ત્રિમાત્રેણોમિત્યેતેનૈવાક્ષરેણ પરં પુરુષમભિધ્યાયીત સ તેજસિ સૂર્યે સંપન્નઃ।
યથા પાદોદરસ્ત્વચા વિનિર્ભુચ્યત એવં હ વૈ સ પાપ્મના વિનિર્ભુક્તઃ સ સામભિરુન્નીયતે બ્રહ્મલોકં સ એતસ્માજ્જીવઘનાત્પરાત્પરં પુરિશયં પુરુષમીક્ષતે તદેતૌ શ્લોકૌ ભવતઃ ॥5॥
તિસ્રો માત્રા મૃત્યુમત્યઃ પ્રયુક્તા અન્યોન્યસક્તાઃ અનવિપ્રયુક્તાઃ।
ક્રિયાસુ બાહ્યાંતરમધ્યમાસુ સમ્યક્પ્રયુક્તાસુ ન કંપતે જ્ઞઃ ॥6॥
ઋગ્ભિરેતં-યઁજુર્ભિરંતરિક્ષં સામભિર્યત્તત્કવયો વેદયંતે।
તમોંકારેણૈવાયતનેનાન્વેતિ વિદ્વાન્ યત્તચ્છાંતમજરમમૃતમભયં પરં ચેતિ ॥7॥
