Kena Upanishad - Part 2 - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

కేన ఉపనిషద్ - ద్వితీయః ఖణ్డః

యది మన్యసే సువేదేతి దహరమేవాపి
నూన-న్త్వం-వేఀత్థ బ్రహ్మణో రూపమ్ ।
యదస్య త్వం-యఀదస్య దేవేష్వథ ను
మీమామ్స్యమేవ తే మన్యే విదితమ్ ॥ 1॥

నాహ-మ్మన్యే సువేదేతి నో న వేదేతి వేద చ ।
యో నస్తద్వేద తద్వేద నో న వేదేతి వేద చ ॥ 2॥

యస్యామత-న్తస్య మత-మ్మతం-యఀస్య న వేద సః ।
అవిజ్ఞాతం-విఀజానతాం-విఀజ్ఞాతమవిజానతామ్ ॥ 3॥

ప్రతిబోధవిదిత-మ్మతమమృతత్వం హి విన్దతే ।
ఆత్మనా విన్దతే వీర్యం-విఀద్యయా విన్దతే-ఽమృతమ్ ॥ 4॥

ఇహ చేదవేదీదథ సత్యమస్తి
న చేదిహావేదీన్మహతీ వినష్టిః ।
భూతేషు భూతేషు విచిత్య ధీరాః
ప్రేత్యాస్మాల్లోకాదమృతా భవన్తి ॥ 5॥

॥ ఇతి కేనోపనిషది ద్వితీయః ఖణ్డః ॥

Browse Related Categories: