శ్రీగురు-స్సర్వకారణభూతా శక్తిః ॥ ॥1॥

కేన నవరన్ధ్రరూపో దేహః।
నవశక్తిరూపం శ్రీచక్రమ।
వారాహీ పితృరూపా।
కురుకుల్లా బలిదేవతా మాతా।
పురుషార్థా-స్సాగరాః।
దేహో నవరత్నద్వీపః।
ఆధారనవకముద్రా: శక్తయః।
త్వగాదిసప్తధాతుభిర-నేకై-స్సం​యుఀక్తా-స్సఙ్కల్పాః కల్పతరవః।
తేజ: కల్పకోద్యానమ్।రసనయా భావ్యమానా మధురామ్లతిక్త-కటుకషాయలవణభేదా-ష్షడ్రసా-ష్షడృతవః ।
క్రియాశక్తిః పీఠమ్।
కుణ్డలినీ జ్ఞానశక్తిర్గృహమ్। ఇచ్ఛాశక్తిర్మహాత్రిపురసున్దరీ।
జ్ఞాతా హోతా జ్ఞానమగ్నిః జ్ఞేయం హవిః। జ్ఞాతృజ్ఞానజ్ఞేయానామభేదభావనం శ్రీచక్రపూజనమ్। నియతిసహితా-శ్శ్ర్-ఋఙ్గారాదయో నవ రసా అణిమాదయః। కామక్రోధలోభమోహమద-మాత్సర్యపుణ్యపాపమయా బ్రాహ్మయాద్యష్టశక్తయః । పృథివ్యప్తేజోవాయ్వాకాశశ్రోత్రత్వక్చఖ్షుర్జిహ్వాఘ్రాణవా-క్పాణిపాదపాయూపస్థమనోవికారా-ష్షోడశ శక్తయః ।
వచనాదానగమనవిసర్గానన్దహానోపేఖ్షాబుద్ధయో-ఽనఙ్గకుసుమాదిశక్తయో-ఽష్టౌ।
అలమ్బుసా కుహూర్విశ్వోదరీ వరుణా హస్తిజిహ్వా యశస్వత్యశ్వినీ గాన్ధారీ పూషా శఙ్ఖినీ సరస్వతీడా పిఙ్గలా సుషుమ్నా చేతి చతుర్దశ నాడ్యః। సర్వసఙ్ఖ్షోభిణ్యాదిచతుర్దశారగా దేవతాః। ప్రాణాపానవ్యానోదానసమాననాగకూర్మకృకరదేవదత్తధనఞ్జయా ఇతి దశ వాయవః ।
సర్వసిద్ధి-ప్రదా దేవ్యో బహిర్దశారగా దేవతాః। ఏతద్వాయుదశకసంసర్గోపాథిభేదేన రేచకపూరకశోషకదాహక-ప్లావకా అమృతమితి ప్రాణముఖ్యత్వేన పఞ్చవిధో-ఽస్తి ।
ఖ్షారకో దారకః, ఖ్షోభకో మోహకో జృమ్భక ఇత్యపాలనముఖ్యత్వేన పఞ్చవిధో-ఽస్తి ।
తేన మనుష్యాణా-మ్మోహకో దాహకో భఖ్ష్యభోజ్యలేహ్యచోష్యపేయా-త్మక-ఞ్చతుర్విధమన్న-మ్పాచయతి।
ఏతా దశ వహ్నికలా-స్సర్వాత్వాద్యన్తర్దశారగా దేవతాః। శీతోష్ణసుఖదుఃఖేచ్ఛాసత్త్వరజస్తమోగుణా వశిన్యాదిశక్తయో-ఽష్టౌ।
శబ్దస్పర్​శరూపరసగన్ధాః పఞ్చతన్మాత్రాః పఞ్చ పుష్పబాణా మన ఇఖ్షుధనుః।
వశ్యో బాణో రాగః పాశః।
ద్వేషో-ఽఙ్కుశః।
అవ్యక్తమహత్తత్త్వమహదహఙ్కార ఇతి కామేశ్వరీవజ్నేశ్వరీభగమాలిన్యో-ఽన్తస్త్రికోణాగ్నగా దేవతాః ।
పఞ్చదశతిథిరూపేణ కాలస్య పరిణామావలోకనస్థితిః పఞ్చదశ నిత్యా శ్రద్ధానురూపాధిదేవతా।
తయోః కామేశ్వరీ సదానన్దఘనా పరిపూర్ణస్వాత్మైక్యరూపా దేవతా ॥ ॥2॥

సలిలమితి సౌహిత్యకారణం సత్త్వమ్ । కర్తవ్యమకర్తవ్యమితి భావనాయుక్త ఉపచారః।
అస్తి నాస్తీతి కర్తవ్యతా ఉపచారః। బాహ్యాభ్యన్త:కరణానాం రూపగ్రహణయోగ్యతా-ఽస్త్విత్యావాహనమ్।
తస్య వాహ్యాభ్యన్తఃకరణానామేకరూపవిషయగ్రహణమాసనమ్।
రక్తశుక్లపదైకీకరణ-మ్పాద్యమ్।
ఉజ్జ్వలదా-మోదానన్దాసనదానమర్ఘ్యమ్।
స్వచ్ఛం స్వత:సిద్ధమిత్యాచమనీయమ్। చిచ్చన్ద్రమయీతి సర్వాఙ్గస్త్రవణం స్నానమ్। చిదగ్నిస్వరూపపరమానన్దశక్తిస్ఫురణం-వఀస్త్రమ్। ప్రత్యేకం సప్తవింశతిధా భిన్నత్వేనేచ్ఛాజ్ఞాన-క్రియాత్మకబ్రహ్మగ్రన్థిమద్రసతన్తుబ్రహ్మనాడీ బ్రహ్మసూత్రమ్।
స్వవ్యతిరిక్తవస్తుసఙ్గరహితస్మరణం-విఀభూషణమ్। స్వచ్ఛస్వపరిపూర్ణతాస్మరణ-ఙ్గన్ధః ।
సమస్తవిషయాణా-మ్మనస-స్స్థైర్యేణానుసన్ధాన-ఙ్కుసుమమ్ । తేషామేవ సర్వదా స్వీకరణ-న్ధూపః । పవనావచ్ఛిన్నోర్ధ్వగ్వలనసచ్చిదుల్కాకాశదేహో దీపః । సమస్తయాతాయా-తవర్జ్య-న్నైవేద్యమ్ । అవస్థాత్రయాణామేకీకరణ-న్తామ్బూలమ్। మూలాధారాదాబ్రహ్మరన్ధ్రపర్యన్త-మ్బ్రహ్మరన్ధ్రాదా-మూలాధారపర్యన్త-ఙ్గతాగతరూపేణ ప్రాదఖ్షిణ్యమ్। తుర్యావస్థా నమస్కారః ।
దేహశూన్యప్రమాతృతానిమజ్జన-మ్బలిహరణమ్।
సత్యమస్తి కర్తవ్యమకర్తవ్యమౌదాసీన్యనిత్యాత్మవిలాపనం హోమః।
స్వయ-న్తత్పాదుకా-నిమజ్జన-మ్పరిపూర్ణధ్యానమ్॥ ॥3॥

ఏవ-మ్ముహూర్తత్రయ-మ్భావనాపరో జీవన్ముక్తో భవతి।
తస్య దేవతాత్మైక్యసిద్ధిః।
చిన్తితకార్యాణ్య-యత్నేన సిద్ధయన్తి।
స ఏవ శివయోగీతి కథ్యతే ॥ ॥4॥