ଶ୍ରୀମାଧଵୀ କାନନସ୍ଥେ ଗର୍ଭରକ୍ଷାଂବିକେ ପାହି ଭକ୍ତାଂ ସ୍ତୁଵଂତୀମ୍ ॥
ଵାପୀତଟେ ଵାମଭାଗେ
ଵାମଦେଵସ୍ୟ ଦେଵସ୍ୟ ଦେଵି ସ୍ଥିତା ତ୍ଵମ୍ ।
ମାନ୍ୟା ଵରେଣ୍ୟା ଵଦାନ୍ୟା
ପାହି ଗର୍ଭସ୍ଥଜଂତୂନ୍ ତଥା ଭକ୍ତଲୋକାନ୍ ॥ 1 ॥
ଶ୍ରୀମାଧଵୀ କାନନସ୍ଥେ ଗର୍ଭରକ୍ଷାଂବିକେ ପାହି ଭକ୍ତାଂ ସ୍ତୁଵଂତୀମ୍ ॥
ଶ୍ରୀଗର୍ଭରକ୍ଷାପୁରେ ୟା
ଦିଵ୍ୟସୌଂଦର୍ୟୟୁକ୍ତା ସୁମାଂଗଳ୍ୟଗାତ୍ରୀ ।
ଧାତ୍ରୀ ଜନିତ୍ରୀ ଜନାନାଂ
ଦିଵ୍ୟରୂପାଂ ଦୟାର୍ଦ୍ରାଂ ମନୋଜ୍ଞାଂ ଭଜେ ତ୍ଵାମ୍ ॥ 2 ॥
ଶ୍ରୀମାଧଵୀ କାନନସ୍ଥେ ଗର୍ଭରକ୍ଷାଂବିକେ ପାହି ଭକ୍ତାଂ ସ୍ତୁଵଂତୀମ୍ ॥
ଆଷାଢମାସେ ସୁପୁଣ୍ୟେ
ଶୁକ୍ରଵାରେ ସୁଗଂଧେନ ଗଂଧେନ ଲିପ୍ତା ।
ଦିଵ୍ୟାଂବରାକଲ୍ପଵେଷା
ଵାଜପେୟାଦିୟାଗସ୍ଥଭକ୍ତୈଃ ସୁଦୃଷ୍ଟା ॥ 3 ॥
ଶ୍ରୀମାଧଵୀ କାନନସ୍ଥେ ଗର୍ଭରକ୍ଷାଂବିକେ ପାହି ଭକ୍ତାଂ ସ୍ତୁଵଂତୀମ୍ ॥
କଲ୍ୟାଣଦାତ୍ରୀଂ ନମସ୍ୟେ
ଵେଦିକାଢ୍ୟସ୍ତ୍ରିୟା ଗର୍ଭରକ୍ଷାକରୀଂ ତ୍ଵାମ୍ ।
ବାଲୈସ୍ସଦା ସେଵିତାଂଘ୍ରିଂ
ଗର୍ଭରକ୍ଷାର୍ଥମାରାଦୁପେତୈରୁପେତାମ୍ ॥ 4 ॥
ଶ୍ରୀମାଧଵୀ କାନନସ୍ଥେ ଗର୍ଭରକ୍ଷାଂବିକେ ପାହି ଭକ୍ତାଂ ସ୍ତୁଵଂତୀମ୍ ॥
ବ୍ରହ୍ମୋତ୍ସଵେ ଵିପ୍ରଵୀଥ୍ୟାଂ
ଵାଦ୍ୟଘୋଷେଣ ତୁଷ୍ଟାଂ ରଥେ ସନ୍ନିଵିଷ୍ଟାମ୍ ।
ସର୍ଵାର୍ଥଦାତ୍ରୀଂ ଭଜେଽହଂ
ଦେଵଵୃଂଦୈରପୀଡ୍ୟାଂ ଜଗନ୍ମାତରଂ ତ୍ଵାମ୍ ॥ 5 ॥
ଶ୍ରୀମାଧଵୀ କାନନସ୍ଥେ ଗର୍ଭରକ୍ଷାଂବିକେ ପାହି ଭକ୍ତାଂ ସ୍ତୁଵଂତୀମ୍ ॥
ଏତତ୍ କୃତଂ ସ୍ତୋତ୍ରରତ୍ନଂ
ଦୀକ୍ଷିତାନଂତରାମେଣ ଦେଵ୍ୟାଶ୍ଚ ତୁଷ୍ଟ୍ୟୈ ।
ନିତ୍ୟଂ ପଠେଦ୍ୟସ୍ତୁ ଭକ୍ତ୍ୟା
ପୁତ୍ରପୌତ୍ରାଦି ଭାଗ୍ୟଂ ଭଵେତ୍ତସ୍ୟ ନିତ୍ୟମ୍ ॥ 6 ॥
ଶ୍ରୀମାଧଵୀ କାନନସ୍ଥେ ଗର୍ଭରକ୍ଷାଂବିକେ ପାହି ଭକ୍ତାଂ ସ୍ତୁଵଂତୀମ୍ ॥
ଇତି ଶ୍ରୀଅନଂତରାମଦୀକ୍ଷିତଵର୍ୟ ଵିରଚିତଂ ଗର୍ଭରକ୍ଷାଂବିକା ସ୍ତୋତ୍ରମ୍ ॥
