શ્રીમાધવી કાનનસ્થે ગર્ભરક્ષાંબિકે પાહિ ભક્તાં સ્તુવંતીમ્ ॥
વાપીતટે વામભાગે
વામદેવસ્ય દેવસ્ય દેવિ સ્થિતા ત્વમ્ ।
માન્યા વરેણ્યા વદાન્યા
પાહિ ગર્ભસ્થજંતૂન્ તથા ભક્તલોકાન્ ॥ 1 ॥
શ્રીમાધવી કાનનસ્થે ગર્ભરક્ષાંબિકે પાહિ ભક્તાં સ્તુવંતીમ્ ॥
શ્રીગર્ભરક્ષાપુરે યા
દિવ્યસૌંદર્યયુક્તા સુમાંગળ્યગાત્રી ।
ધાત્રી જનિત્રી જનાનાં
દિવ્યરૂપાં દયાર્દ્રાં મનોજ્ઞાં ભજે ત્વામ્ ॥ 2 ॥
શ્રીમાધવી કાનનસ્થે ગર્ભરક્ષાંબિકે પાહિ ભક્તાં સ્તુવંતીમ્ ॥
આષાઢમાસે સુપુણ્યે
શુક્રવારે સુગંધેન ગંધેન લિપ્તા ।
દિવ્યાંબરાકલ્પવેષા
વાજપેયાદિયાગસ્થભક્તૈઃ સુદૃષ્ટા ॥ 3 ॥
શ્રીમાધવી કાનનસ્થે ગર્ભરક્ષાંબિકે પાહિ ભક્તાં સ્તુવંતીમ્ ॥
કલ્યાણદાત્રીં નમસ્યે
વેદિકાઢ્યસ્ત્રિયા ગર્ભરક્ષાકરીં ત્વામ્ ।
બાલૈસ્સદા સેવિતાંઘ્રિં
ગર્ભરક્ષાર્થમારાદુપેતૈરુપેતામ્ ॥ 4 ॥
શ્રીમાધવી કાનનસ્થે ગર્ભરક્ષાંબિકે પાહિ ભક્તાં સ્તુવંતીમ્ ॥
બ્રહ્મોત્સવે વિપ્રવીથ્યાં
વાદ્યઘોષેણ તુષ્ટાં રથે સન્નિવિષ્ટામ્ ।
સર્વાર્થદાત્રીં ભજેઽહં
દેવવૃંદૈરપીડ્યાં જગન્માતરં ત્વામ્ ॥ 5 ॥
શ્રીમાધવી કાનનસ્થે ગર્ભરક્ષાંબિકે પાહિ ભક્તાં સ્તુવંતીમ્ ॥
એતત્ કૃતં સ્તોત્રરત્નં
દીક્ષિતાનંતરામેણ દેવ્યાશ્ચ તુષ્ટ્યૈ ।
નિત્યં પઠેદ્યસ્તુ ભક્ત્યા
પુત્રપૌત્રાદિ ભાગ્યં ભવેત્તસ્ય નિત્યમ્ ॥ 6 ॥
શ્રીમાધવી કાનનસ્થે ગર્ભરક્ષાંબિકે પાહિ ભક્તાં સ્તુવંતીમ્ ॥
ઇતિ શ્રીઅનંતરામદીક્ષિતવર્ય વિરચિતં ગર્ભરક્ષાંબિકા સ્તોત્રમ્ ॥
