மனோஜவம் மாருததுல்யவேக³ம்
ஜிதேந்த்³ரியம் பு³த்³தி⁴மதாம் வரிஷ்ட²ம் ।
வாதாத்மஜம் வானரயூத²முக்²யம்
ஶ்ரீராமதூ³தம் ஶிரஸா நமாமி ॥
அஞ்ஜனானந்த³னம் வீரம் ஜானகீஶோகனாஶனம் ।
கபீஶமக்ஷஹந்தாரம் வந்தே³ லங்காப⁴யங்கரம் ॥
கோ³ஷ்பதீ³க்ருதவாராஶிம் மஶகீக்ருதராக்ஷஸம் ।
ராமாயணமஹாமாலாரத்னம் வந்தே³னிலாத்மஜம் ॥
யத்ர யத்ர ரகு⁴னாத²கீர்தனம் தத்ர தத்ர க்ருதமஸ்தகாஞ்ஜலிம் ।
பா³ஷ்பவாரிபரிபூர்ணலோசனம் மாருதிம் நமத ராக்ஷஸாந்தகம் ॥
வந்தே³ வானர-னாரஸிம்ஹ-க²க³ராட்-க்ரோடா³ஶ்வவக்த்ராஞ்சிதம்
நானாலங்கரணம் த்ரிபஞ்சனயனம் தே³தீ³ப்யமானம் ருசாம் ।
ஹஸ்தாபை⁴ரஸிகே²டபுஸ்தகஸுதா⁴பா⁴ண்ட³ம் குஶாத்³ரீன் ஹலம்
க²ட்வாங்க³ம் ப²ணிவ்ருக்ஷத்⁴ருத்³த³ஶபு⁴ஜம் ஸர்வாரிக³ர்வாபஹம் ॥
ஸர்வாரிஷ்டனிவாரகம் ஶுப⁴கரம் பிங்கா³க்ஷமக்ஷாபஹம்
ஸீதான்வேஷணதத்பரம் கபிவரம் கோடீந்து³ஸூர்யப்ரப⁴ம் ।
லங்காத்³வீபப⁴யங்கரம் ஸகலத³ம் ஸுக்³ரீவஸம்மானிதம்
தே³வேந்த்³ராதி³ ஸமக்ததே³வவினுதம் காகுத்த²தூ³தம் பஜ⁴ே ॥
பு³த்³தி⁴ர்ப³லம் யஶோ தை⁴ர்யம் நிர்ப⁴யத்வமரோக³தா ।
அஜாட்³யம் வாக்படுத்வம் ச ஹனுமச்ச²ரணாத்³ப⁴வேத் ॥
நமோஸ்துராமாய ஸலக்ஷ்மணாய தே³வ்யை ச தஸ்யை ஜனகாத்மஜாயை ।
நமோஸ்து ருத்³ரேந்த்³ரயமானிலேப்⁴யோ நமோஸ்து சந்த்³ரார்கமருத்³க³ணேப்⁴ய: ॥
ஜயத்யதிப³லோ ராமோ லக்ஷ்மணஶ்ச மஹாப³ல: ।
ராஜா ஜயதி ஸுக்³ரீவோ ராக⁴வேணாபி⁴பாலித: ॥
தா³ஸோஹம் கோஸலேந்த்³ரஸ்ய ராமஸ்யாக்லிஷ்டகர்மண: ।
ஹனுமான் ஶத்ருஸைன்யானாம் நிஹந்தா மாருதாத்மஜ: ॥
ந ராவணஸஹஸ்ரம் மே யுத்³தே⁴ ப்ரதிப³லம் ப⁴வேத் ।
ஶிலாபி⁴ஸ்து ப்ரஹரத: பாத³பைஶ்ச ஸஹஸ்ரஶ: ॥
அர்த³யித்வா புரீம் லங்காம் அபி⁴வாத்³ய ச மைதி²லீம் ।
ஸம்ருத்³தா⁴ர்தோ² க³மிஷ்யாமி மிஷதாம் ஸர்வரக்ஷஸாம் ॥
த⁴ர்மாத்மா ஸத்யஸந்த⁴ஶ்ச ராமோ தா³ஶரதி²ர்யதி³ ।
பௌருஷே சாப்ரதித்³வந்த்³வ: ஶரைனம் ஜஹி ராவணிம் ॥
ஸக்ருதே³வ ப்ரபன்னாய தவாஸ்மீதி ச யாசதே ।
அப⁴யம் ஸர்வபூ⁴தேப்⁴ய: த³தா³ம்யேதத்³வ்ரதம் மம ॥
இதி ஸுந்த³ரகாண்ட³ ப்ரார்த²னா ஶ்லோகா: ஸமாப்தா ।
