॥ ఇంద్రాదయో ఊచుః ॥
జటాకటాహయుక్తముండప్రాంతవిస్తృతం హరేః
అపాంగక్రుద్ధదర్శనోపహార చూర్ణకుంతలః ।
ప్రచండవేగకారణేన పింజలః ప్రతిగ్రహః
స క్రుద్ధతాండవస్వరూపధృగ్విరాజతే హరిః ॥ 1 ॥
అథేహ వ్యూహపార్ష్ణిప్రాగ్వరూథినీ నిషంగినః
తథాంజనేయృక్షభూపసౌరబాలినందనాః ।
ప్రచండదానవానలం సముద్రతుల్యనాశకాః
నమోఽస్తుతే సురారిచక్రభక్షకాయ మృత్యవే ॥ 2 ॥
కలేవరే కషాయవాసహస్తకార్ముకం హరేః
ఉపాసనోపసంగమార్థధృగ్విశాఖమండలమ్ ।
హృది స్మరన్ దశాకృతేః కుచక్రచౌర్యపాతకం
విదార్యతే ప్రచండతాండవాకృతిః స రాఘవః ॥ 3 ॥
ప్రకాండకాండకాండకర్మదేహఛిద్రకారణం
కుకూటకూటకూటకౌణపాత్మజాభిమర్దనమ్ ।
తథాగుణంగుణంగుణంగుణంగుణేన దర్శయన్
కృపీటకేశలంఘ్యమీశమేకరాఘవం భజే ॥ 4 ॥
సవానరాన్వితః తథాప్లుతం శరీరమసృజా
విరోధిమేదసాగ్రమాంసగుల్మకాలఖండనైః ।
మహాసిపాశశక్తిదండధారకైః నిశాచరైః
పరిప్లుతం కృతం శవైశ్చ యేన భూమిమండలమ్ ॥ 5 ॥
విశాలదంష్ట్రకుంభకర్ణమేఘరావకారకైః
తథాహిరావణాద్యకంపనాతికాయజిత్వరైః ।
సురక్షితాం మనోరమాం సువర్ణలంకనాగరీం
నిజాస్త్రసంకులైరభేద్యకోటమర్దనం కృతః ॥ 6 ॥
ప్రబుద్ధబుద్ధయోగిభిః మహర్షిసిద్ధచారణైః
విదేహజాప్రియః సదానుతో స్తుతో చ స్వస్తిభిః ।
పులస్త్యనందనాత్మజస్య ముండరుండఛేదనం
సురారియూథభేదనం విలోకయామి సాంప్రతమ్ ॥ 7 ॥
కరాలకాలరూపిణం మహోగ్రచాపధారిణం
కుమోహగ్రస్తమర్కటాచ్ఛభల్లత్రాణకారణమ్ ।
విభీషణాదిభిః సదాభిషేణనేఽభిచింతకం
భజామి జిత్వరం తథోర్మిలాపతేః ప్రియాగ్రజమ్ ॥ 8 ॥
ఇతస్తతః ముహుర్ముహుః పరిభ్రమంతి కౌంతికాః
అనుప్లవప్రవాహప్రాసికాశ్చ వైజయంతికాః ।
మృధే ప్రభాకరస్య వంశకీర్తినోఽపదానతాం
అభిక్రమేణ రాఘవస్య తాండవాకృతేః గతాః ॥ 9 ॥
నిరాకృతిం నిరామయం తథాదిసృష్టికారణం
మహోజ్జ్వలం అజం విభుం పురాణపూరుషం హరిమ్ ।
నిరంకుశం నిజాత్మభక్తజన్మమృత్యునాశకం
అధర్మమార్గఘాతకం కపీశవ్యూహనాయకమ్ ॥ 10 ॥
కరాలపాలిచక్రశూలతీక్ష్ణభిందిపాలకైః
కుఠారసర్వలాసిధేనుకేలిశల్యముద్గరైః ।
సుపుష్కరేణ పుష్కరాంచ పుష్కరాస్త్రమారణైః
సదాప్లుతం నిశాచరైః సుపుష్కరంచ పుష్కరమ్ ॥ 11 ॥
ప్రపన్నభక్తరక్షకం వసుంధరాత్మజాప్రియం
కపీశవృందసేవితం సమస్తదూషణాపహమ్ ।
సురాసురాభివందితం నిశాచరాంతకం విభుం
జగత్ప్రశస్తికారణం భజేహ రామమీశ్వరమ్ ॥ 12 ॥
॥ ఇతి శ్రీభాగవతానందగురుణా విరచితే శ్రీరాఘవేంద్రచరితే
ఇంద్రాది దేవగణైః కృతం శ్రీరామతాండవస్తోత్రం సంపూర్ణమ్ ॥
