ఆత్మ పంచకం

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

ఆత్మ పంచకం

నాఽహం దేహో నేంద్రియాణ్యంతరంగం
నాఽహంకారః ప్రాణవర్గో న చాఽహమ్ ।
దారాపత్యక్షేత్రవిత్తాదిదూర-
స్సాక్షీ నిత్యః ప్రత్యగాత్మా శివోఽహమ్ ॥ 1 ॥

రజ్జ్వజ్ఞానాద్భాతి రజ్జుర్యథా హి-
స్స్వాత్మాజ్ఞానాదాత్మనో జీవభావః ।
ఆప్తోక్త్యా హి భ్రాంతినాశే స రజ్జు-
ర్జీవో నాఽహం దేశికోక్త్యా శివోఽహమ్ ॥ 2 ॥

అభాతీదం విశ్వమాత్మన్యసత్యం
సత్యజ్ఞానానందరూపే విమోహాత్ ।
నిద్రామోహా-త్స్వప్నవత్తన్న సత్త్యం
శుద్ధః పూర్ణో నిత్య ఏకశ్శివోఽహమ్ ॥ 3 ॥

మత్తో నాన్యత్కించిదత్రాప్తి విశ్వం
సత్యం బాహ్యం వస్తుమాయోపక్లుప్తమ్ ।
ఆదర్శాంతర్భాసమానస్య తుల్యం
మయ్యద్వైతే భాతి తస్మాచ్ఛివోఽహమ్ ॥ 4 ॥

నాఽహం జాతో న ప్రవృద్ధో న నష్టో
దేహస్యోక్తాః ప్రాకృతాస్సర్వధర్మాః ।
కర్తృత్వాది-శ్చిన్మయస్యాస్తి నాఽహం
కారస్యైవ హ్యాత్మనో మే శివోఽహమ్ ॥ 5 ॥

నాఽహం జాతో జన్మమృత్యుః కుతో మే
నాఽహం ప్రాణః క్షుత్పిపాసే కుతో మే ।
నాఽహం చిత్తం శోకమోహౌ కుతో మే
నాఽహం కర్తా బంధమోక్షౌ కుతో మే ॥ 6 ॥

ఇతి శ్రీమచ్ఛంకరభవత్పాదాచార్య స్వామి విరచితాత్మపంచకమ్ ॥

Browse Related Categories: