Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

𑌶𑍍𑌰𑍀 𑌰𑌾𑌮 𑌤𑌾𑌂𑌡𑌵 𑌸𑍍𑌤𑍋𑌤𑍍𑌰𑌮𑍍

॥ 𑌇𑌂𑌦𑍍𑌰𑌾𑌦𑌯𑍋 𑌊𑌚𑍁𑌃 ॥

𑌜𑌟𑌾𑌕𑌟𑌾𑌹𑌯𑍁𑌕𑍍𑌤𑌮𑍁𑌂𑌡𑌪𑍍𑌰𑌾𑌂𑌤𑌵𑌿𑌸𑍍𑌤𑍃𑌤𑌂 𑌹𑌰𑍇𑌃
𑌅𑌪𑌾𑌂𑌗𑌕𑍍𑌰𑍁𑌦𑍍𑌧𑌦𑌰𑍍𑌶𑌨𑍋𑌪𑌹𑌾𑌰 𑌚𑍂𑌰𑍍𑌣𑌕𑍁𑌂𑌤𑌲𑌃 ।
𑌪𑍍𑌰𑌚𑌂𑌡𑌵𑍇𑌗𑌕𑌾𑌰𑌣𑍇𑌨 𑌪𑌿𑌂𑌜𑌲𑌃 𑌪𑍍𑌰𑌤𑌿𑌗𑍍𑌰𑌹𑌃
𑌸 𑌕𑍍𑌰𑍁𑌦𑍍𑌧𑌤𑌾𑌂𑌡𑌵𑌸𑍍𑌵𑌰𑍂𑌪𑌧𑍃𑌗𑍍𑌵𑌿𑌰𑌾𑌜𑌤𑍇 𑌹𑌰𑌿𑌃 ॥ 1 ॥

𑌅𑌥𑍇𑌹 𑌵𑍍𑌯𑍂𑌹𑌪𑌾𑌰𑍍𑌷𑍍𑌣𑌿𑌪𑍍𑌰𑌾𑌗𑍍𑌵𑌰𑍂𑌥𑌿𑌨𑍀 𑌨𑌿𑌷𑌂𑌗𑌿𑌨𑌃
𑌤𑌥𑌾𑌂𑌜𑌨𑍇𑌯𑍃𑌕𑍍𑌷𑌭𑍂𑌪𑌸𑍌𑌰𑌬𑌾𑌲𑌿𑌨𑌂𑌦𑌨𑌾𑌃 ।
𑌪𑍍𑌰𑌚𑌂𑌡𑌦𑌾𑌨𑌵𑌾𑌨𑌲𑌂 𑌸𑌮𑍁𑌦𑍍𑌰𑌤𑍁𑌲𑍍𑌯𑌨𑌾𑌶𑌕𑌾𑌃
𑌨𑌮𑍋𑌽𑌸𑍍𑌤𑍁𑌤𑍇 𑌸𑍁𑌰𑌾𑌰𑌿𑌚𑌕𑍍𑌰𑌭𑌕𑍍𑌷𑌕𑌾𑌯 𑌮𑍃𑌤𑍍𑌯𑌵𑍇 ॥ 2 ॥

𑌕𑌲𑍇𑌵𑌰𑍇 𑌕𑌷𑌾𑌯𑌵𑌾𑌸𑌹𑌸𑍍𑌤𑌕𑌾𑌰𑍍𑌮𑍁𑌕𑌂 𑌹𑌰𑍇𑌃
𑌉𑌪𑌾𑌸𑌨𑍋𑌪𑌸𑌂𑌗𑌮𑌾𑌰𑍍𑌥𑌧𑍃𑌗𑍍𑌵𑌿𑌶𑌾𑌖𑌮𑌂𑌡𑌲𑌮𑍍 ।
𑌹𑍃𑌦𑌿 𑌸𑍍𑌮𑌰𑌨𑍍 𑌦𑌶𑌾𑌕𑍃𑌤𑍇𑌃 𑌕𑍁𑌚𑌕𑍍𑌰𑌚𑍌𑌰𑍍𑌯𑌪𑌾𑌤𑌕𑌂
𑌵𑌿𑌦𑌾𑌰𑍍𑌯𑌤𑍇 𑌪𑍍𑌰𑌚𑌂𑌡𑌤𑌾𑌂𑌡𑌵𑌾𑌕𑍃𑌤𑌿𑌃 𑌸 𑌰𑌾𑌘𑌵𑌃 ॥ 3 ॥

𑌪𑍍𑌰𑌕𑌾𑌂𑌡𑌕𑌾𑌂𑌡𑌕𑌾𑌂𑌡𑌕𑌰𑍍𑌮𑌦𑍇𑌹𑌛𑌿𑌦𑍍𑌰𑌕𑌾𑌰𑌣𑌂
𑌕𑍁𑌕𑍂𑌟𑌕𑍂𑌟𑌕𑍂𑌟𑌕𑍌𑌣𑌪𑌾𑌤𑍍𑌮𑌜𑌾𑌭𑌿𑌮𑌰𑍍𑌦𑌨𑌮𑍍 ।
𑌤𑌥𑌾𑌗𑍁𑌣𑌂𑌗𑍁𑌣𑌂𑌗𑍁𑌣𑌂𑌗𑍁𑌣𑌂𑌗𑍁𑌣𑍇𑌨 𑌦𑌰𑍍𑌶𑌯𑌨𑍍
𑌕𑍃𑌪𑍀𑌟𑌕𑍇𑌶𑌲𑌂𑌘𑍍𑌯𑌮𑍀𑌶𑌮𑍇𑌕𑌰𑌾𑌘𑌵𑌂 𑌭𑌜𑍇 ॥ 4 ॥

𑌸𑌵𑌾𑌨𑌰𑌾𑌨𑍍𑌵𑌿𑌤𑌃 𑌤𑌥𑌾𑌪𑍍𑌲𑍁𑌤𑌂 𑌶𑌰𑍀𑌰𑌮𑌸𑍃𑌜𑌾
𑌵𑌿𑌰𑍋𑌧𑌿𑌮𑍇𑌦𑌸𑌾𑌗𑍍𑌰𑌮𑌾𑌂𑌸𑌗𑍁𑌲𑍍𑌮𑌕𑌾𑌲𑌖𑌂𑌡𑌨𑍈𑌃 ।
𑌮𑌹𑌾𑌸𑌿𑌪𑌾𑌶𑌶𑌕𑍍𑌤𑌿𑌦𑌂𑌡𑌧𑌾𑌰𑌕𑍈𑌃 𑌨𑌿𑌶𑌾𑌚𑌰𑍈𑌃
𑌪𑌰𑌿𑌪𑍍𑌲𑍁𑌤𑌂 𑌕𑍃𑌤𑌂 𑌶𑌵𑍈𑌶𑍍𑌚 𑌯𑍇𑌨 𑌭𑍂𑌮𑌿𑌮𑌂𑌡𑌲𑌮𑍍 ॥ 5 ॥

𑌵𑌿𑌶𑌾𑌲𑌦𑌂𑌷𑍍𑌟𑍍𑌰𑌕𑍁𑌂𑌭𑌕𑌰𑍍𑌣𑌮𑍇𑌘𑌰𑌾𑌵𑌕𑌾𑌰𑌕𑍈𑌃
𑌤𑌥𑌾𑌹𑌿𑌰𑌾𑌵𑌣𑌾𑌦𑍍𑌯𑌕𑌂𑌪𑌨𑌾𑌤𑌿𑌕𑌾𑌯𑌜𑌿𑌤𑍍𑌵𑌰𑍈𑌃 ।
𑌸𑍁𑌰𑌕𑍍𑌷𑌿𑌤𑌾𑌂 𑌮𑌨𑍋𑌰𑌮𑌾𑌂 𑌸𑍁𑌵𑌰𑍍𑌣𑌲𑌂𑌕𑌨𑌾𑌗𑌰𑍀𑌂
𑌨𑌿𑌜𑌾𑌸𑍍𑌤𑍍𑌰𑌸𑌂𑌕𑍁𑌲𑍈𑌰𑌭𑍇𑌦𑍍𑌯𑌕𑍋𑌟𑌮𑌰𑍍𑌦𑌨𑌂 𑌕𑍃𑌤𑌃 ॥ 6 ॥

𑌪𑍍𑌰𑌬𑍁𑌦𑍍𑌧𑌬𑍁𑌦𑍍𑌧𑌯𑍋𑌗𑌿𑌭𑌿𑌃 𑌮𑌹𑌰𑍍𑌷𑌿𑌸𑌿𑌦𑍍𑌧𑌚𑌾𑌰𑌣𑍈𑌃
𑌵𑌿𑌦𑍇𑌹𑌜𑌾𑌪𑍍𑌰𑌿𑌯𑌃 𑌸𑌦𑌾𑌨𑍁𑌤𑍋 𑌸𑍍𑌤𑍁𑌤𑍋 𑌚 𑌸𑍍𑌵𑌸𑍍𑌤𑌿𑌭𑌿𑌃 ।
𑌪𑍁𑌲𑌸𑍍𑌤𑍍𑌯𑌨𑌂𑌦𑌨𑌾𑌤𑍍𑌮𑌜𑌸𑍍𑌯 𑌮𑍁𑌂𑌡𑌰𑍁𑌂𑌡𑌛𑍇𑌦𑌨𑌂
𑌸𑍁𑌰𑌾𑌰𑌿𑌯𑍂𑌥𑌭𑍇𑌦𑌨𑌂 𑌵𑌿𑌲𑍋𑌕𑌯𑌾𑌮𑌿 𑌸𑌾𑌂𑌪𑍍𑌰𑌤𑌮𑍍 ॥ 𑍭 ॥

𑌕𑌰𑌾𑌲𑌕𑌾𑌲𑌰𑍂𑌪𑌿𑌣𑌂 𑌮𑌹𑍋𑌗𑍍𑌰𑌚𑌾𑌪𑌧𑌾𑌰𑌿𑌣𑌂
𑌕𑍁𑌮𑍋𑌹𑌗𑍍𑌰𑌸𑍍𑌤𑌮𑌰𑍍𑌕𑌟𑌾𑌚𑍍𑌛𑌭𑌲𑍍𑌲𑌤𑍍𑌰𑌾𑌣𑌕𑌾𑌰𑌣𑌮𑍍 ।
𑌵𑌿𑌭𑍀𑌷𑌣𑌾𑌦𑌿𑌭𑌿𑌃 𑌸𑌦𑌾𑌭𑌿𑌷𑍇𑌣𑌨𑍇𑌽𑌭𑌿𑌚𑌿𑌂𑌤𑌕𑌂
𑌭𑌜𑌾𑌮𑌿 𑌜𑌿𑌤𑍍𑌵𑌰𑌂 𑌤𑌥𑍋𑌰𑍍𑌮𑌿𑌲𑌾𑌪𑌤𑍇𑌃 𑌪𑍍𑌰𑌿𑌯𑌾𑌗𑍍𑌰𑌜𑌮𑍍 ॥ 𑍮 ॥

𑌇𑌤𑌸𑍍𑌤𑌤𑌃 𑌮𑍁𑌹𑍁𑌰𑍍𑌮𑍁𑌹𑍁𑌃 𑌪𑌰𑌿𑌭𑍍𑌰𑌮𑌂𑌤𑌿 𑌕𑍌𑌂𑌤𑌿𑌕𑌾𑌃
𑌅𑌨𑍁𑌪𑍍𑌲𑌵𑌪𑍍𑌰𑌵𑌾𑌹𑌪𑍍𑌰𑌾𑌸𑌿𑌕𑌾𑌶𑍍𑌚 𑌵𑍈𑌜𑌯𑌂𑌤𑌿𑌕𑌾𑌃 ।
𑌮𑍃𑌧𑍇 𑌪𑍍𑌰𑌭𑌾𑌕𑌰𑌸𑍍𑌯 𑌵𑌂𑌶𑌕𑍀𑌰𑍍𑌤𑌿𑌨𑍋𑌽𑌪𑌦𑌾𑌨𑌤𑌾𑌂
𑌅𑌭𑌿𑌕𑍍𑌰𑌮𑍇𑌣 𑌰𑌾𑌘𑌵𑌸𑍍𑌯 𑌤𑌾𑌂𑌡𑌵𑌾𑌕𑍃𑌤𑍇𑌃 𑌗𑌤𑌾𑌃 ॥ 𑍯 ॥

𑌨𑌿𑌰𑌾𑌕𑍃𑌤𑌿𑌂 𑌨𑌿𑌰𑌾𑌮𑌯𑌂 𑌤𑌥𑌾𑌦𑌿𑌸𑍃𑌷𑍍𑌟𑌿𑌕𑌾𑌰𑌣𑌂
𑌮𑌹𑍋𑌜𑍍𑌜𑍍𑌵𑌲𑌂 𑌅𑌜𑌂 𑌵𑌿𑌭𑍁𑌂 𑌪𑍁𑌰𑌾𑌣𑌪𑍂𑌰𑍁𑌷𑌂 𑌹𑌰𑌿𑌮𑍍 ।
𑌨𑌿𑌰𑌂𑌕𑍁𑌶𑌂 𑌨𑌿𑌜𑌾𑌤𑍍𑌮𑌭𑌕𑍍𑌤𑌜𑌨𑍍𑌮𑌮𑍃𑌤𑍍𑌯𑍁𑌨𑌾𑌶𑌕𑌂
𑌅𑌧𑌰𑍍𑌮𑌮𑌾𑌰𑍍𑌗𑌘𑌾𑌤𑌕𑌂 𑌕𑌪𑍀𑌶𑌵𑍍𑌯𑍂𑌹𑌨𑌾𑌯𑌕𑌮𑍍 ॥ 10 ॥

𑌕𑌰𑌾𑌲𑌪𑌾𑌲𑌿𑌚𑌕𑍍𑌰𑌶𑍂𑌲𑌤𑍀𑌕𑍍𑌷𑍍𑌣𑌭𑌿𑌂𑌦𑌿𑌪𑌾𑌲𑌕𑍈𑌃
𑌕𑍁𑌠𑌾𑌰𑌸𑌰𑍍𑌵𑌲𑌾𑌸𑌿𑌧𑍇𑌨𑍁𑌕𑍇𑌲𑌿𑌶𑌲𑍍𑌯𑌮𑍁𑌦𑍍𑌗𑌰𑍈𑌃 ।
𑌸𑍁𑌪𑍁𑌷𑍍𑌕𑌰𑍇𑌣 𑌪𑍁𑌷𑍍𑌕𑌰𑌾𑌂𑌚 𑌪𑍁𑌷𑍍𑌕𑌰𑌾𑌸𑍍𑌤𑍍𑌰𑌮𑌾𑌰𑌣𑍈𑌃
𑌸𑌦𑌾𑌪𑍍𑌲𑍁𑌤𑌂 𑌨𑌿𑌶𑌾𑌚𑌰𑍈𑌃 𑌸𑍁𑌪𑍁𑌷𑍍𑌕𑌰𑌂𑌚 𑌪𑍁𑌷𑍍𑌕𑌰𑌮𑍍 ॥ 11 ॥

𑌪𑍍𑌰𑌪𑌨𑍍𑌨𑌭𑌕𑍍𑌤𑌰𑌕𑍍𑌷𑌕𑌂 𑌵𑌸𑍁𑌂𑌧𑌰𑌾𑌤𑍍𑌮𑌜𑌾𑌪𑍍𑌰𑌿𑌯𑌂
𑌕𑌪𑍀𑌶𑌵𑍃𑌂𑌦𑌸𑍇𑌵𑌿𑌤𑌂 𑌸𑌮𑌸𑍍𑌤𑌦𑍂𑌷𑌣𑌾𑌪𑌹𑌮𑍍 ।
𑌸𑍁𑌰𑌾𑌸𑍁𑌰𑌾𑌭𑌿𑌵𑌂𑌦𑌿𑌤𑌂 𑌨𑌿𑌶𑌾𑌚𑌰𑌾𑌂𑌤𑌕𑌂 𑌵𑌿𑌭𑍁𑌂
𑌜𑌗𑌤𑍍𑌪𑍍𑌰𑌶𑌸𑍍𑌤𑌿𑌕𑌾𑌰𑌣𑌂 𑌭𑌜𑍇𑌹 𑌰𑌾𑌮𑌮𑍀𑌶𑍍𑌵𑌰𑌮𑍍 ॥ 12 ॥

॥ 𑌇𑌤𑌿 𑌶𑍍𑌰𑍀𑌭𑌾𑌗𑌵𑌤𑌾𑌨𑌂𑌦𑌗𑍁𑌰𑍁𑌣𑌾 𑌵𑌿𑌰𑌚𑌿𑌤𑍇 𑌶𑍍𑌰𑍀𑌰𑌾𑌘𑌵𑍇𑌂𑌦𑍍𑌰𑌚𑌰𑌿𑌤𑍇
𑌇𑌂𑌦𑍍𑌰𑌾𑌦𑌿 𑌦𑍇𑌵𑌗𑌣𑍈𑌃 𑌕𑍃𑌤𑌂 𑌶𑍍𑌰𑍀𑌰𑌾𑌮𑌤𑌾𑌂𑌡𑌵𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ॥


Browse Related Categories: