কৃষ্ণ যজুর্বেদীয তৈত্তিরীয আরণ্যকে অষ্টমঃ প্রপাঠকঃ - ব্রহ্মানন্দবল্লী
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
ব্রহ্মানন্দ বল্লী
অনুবাকং 13
স॒হ না॑ ববতু । স॒হ নৌ॑ ভুনক্তু । স॒হ বী॒র্য॑-ঙ্করবাবহৈ । তে॒জ॒স্বিনা॒ বধী॑তমস্তু॒ মা বি॑দ্বিষা॒বহৈ᳚ ॥ ওং শান্তি॒-শ্শান্তি॒-শ্শান্তিঃ॑ ॥ 25 ॥
(স॒হ পঞ্চ॑) (অ. 13)
অনুবাকং 14
ব্র॒হ্ম॒বিদা᳚প্নোতি॒ পর᳚ম্ ॥
তদে॒ষা-ঽভ্যু॑ক্তা । স॒ত্য-ঞ্জ্ঞা॒ন-ম॑ন॒ন্ত-ম্ব্রহ্ম॑ ।
যো বেদ॒ নিহি॑ত॒-ঙ্গুহা॑যা-ম্পর॒মে ব্যো॑মন্ন্ ।
সো᳚-ঽশ্নুতে॒ সর্বা॒ন্ কামা᳚ন্-থ্স॒হ । ব্রহ্ম॑ণা বিপ॒শ্চিতেতি॑ ॥
তস্মা॒দ্বা এ॒তস্মা॑দা॒ত্মন॑ আকা॒শ-স্সম্ভূ॑তঃ । আ॒কা॒শা-দ্বা॒যুঃ । বা॒যোর॒গ্নিঃ । অ॒গ্নেরাপঃ॑ । অ॒দ্ভ্যঃ পৃ॑থি॒বী । পৃ॒থি॒ব্যা ওষ॑ধযঃ ।
ওষ॑ধী॒ভ্যো-ঽন্ন᳚ম্ । অন্না॒-ত্পুরু॑ষঃ ॥
স বা এষ পুরুষো-ঽন্ন॑রস॒মযঃ ॥ তস্যেদ॑মেব॒ শিরঃ । অয-ন্দক্ষি॑ণঃ প॒ক্ষঃ । অযমুত্ত॑রঃ প॒ক্ষঃ । অযমাত্মা᳚ । ইদ-ম্পুচ্ছ॑-ম্প্রতি॒ষ্ঠা ॥ তদপ্যেষ শ্লো॑কো ভ॒বতি ॥ 26 ॥
অন্না॒দ্বৈ প্র॒জাঃ প্র॒জায॑ন্তে । যাঃ কাশ্চ॑ পৃথি॒বীগ্ শ্রি॒তাঃ । অথো॒ অন্নে॑নৈ॒ব জী॑বন্তি । অথৈ॑ন॒দপি॑যন্ত্যন্ত॒তঃ । অন্ন॒গ্ম্॒ হি ভূ॒তানা॒-ঞ্জ্যেষ্ঠ᳚ম্ । তস্মা᳚-থ্সর্বৌষ॒ধ মু॑চ্যতে ।
সর্বং॒-বৈঁ তে-ঽন্ন॑মাপ্নুবন্তি । যে-ঽন্ন॒-ম্ব্রহ্মো॒পাস॑তে । অন্ন॒গ্ম্॒ হি ভূ॒তানা॒-ঞ্জ্যেষ্ঠ᳚ম্ । তস্মা᳚-থ্সর্বৌষ॒ধ মু॑চ্যতে । অন্না᳚-দ্ভূ॒তানি॒ জায॑ন্তে । জাতা॒ন্যন্নে॑ন বর্ধন্তে ।
অদ্যতে-ঽত্তি চ॑ ভূতা॒নি । তস্মাদন্ন-ন্তদুচ্য॑ত ই॒তি ॥
তস্মাদ্বা এতস্মা-দন্ন॑রস॒মযাত্ ।
অন্যো-ঽন্তর আত্মা᳚ প্রাণ॒ মযঃ । তেনৈ॑ষ পূ॒র্ণঃ ॥
স বা এষ পুরুষবি॑ধ এ॒ব । তস্য পুরু॑ষ বি॒ধতাম্ ।
অন্বয॑-ম্পুরুষ॒ বিধঃ । তস্য প্রাণ॑ এব॒ শিরঃ ॥
ব্যানো দক্ষি॑ণঃ প॒ক্ষঃ । অপান উত্ত॑রঃ প॒ক্ষঃ ।
আকা॑শ আ॒ত্মা । পৃথিবী পুচ্ছ॑-ম্প্রতি॒ষ্ঠা ॥
তদপ্যেষ শ্লো॑কো ভ॒বতি ॥ 27 ॥
প্রা॒ণ-ন্দে॒বা অনু॒প্রাণ॑ন্তি । ম॒নু॒ষ্যাঃ᳚ প॒শব॑শ্চ॒ যে । প্রা॒ণো হি ভূ॒তানা॒মাযুঃ॑ । তস্মা᳚-থ্সর্বাযু॒ষ মু॑চ্যতে । সর্ব॑মে॒ব ত॒ আযু॑র্যন্তি ।
যে প্রা॒ণ-ম্ব্রহ্মো॒পাস॑তে ।
প্রাণো হি ভূতা॑নামা॒যুঃ । তস্মা-থ্সর্বাযুষ-মুচ্য॑ত ই॒তি ॥ তস্যৈষ এব শারী॑র আ॒ত্মা । যঃ॑ পূর্ব॒স্য ॥
তস্মাদ্বা এতস্মা᳚-ত্প্রাণ॒মযাত্ । অন্যো-ঽন্তর আত্মা॑ মনো॒মযঃ । তেনৈ॑ষ পূ॒র্ণঃ ॥ স বা এষ পুরুষবি॑ধ এ॒ব । তস্য পুরু॑ষবি॒ধতাম্ ।
অন্বয॑-ম্পুরুষ॒বিধঃ । তস্য যজু॑রেব॒ শিরঃ । ঋগ্ দক্ষি॑ণঃ প॒ক্ষঃ । সামোত্ত॑রঃ প॒ক্ষঃ । আদে॑শ আ॒ত্মা । অথর্বাঙ্গিরসঃ পুচ্ছ॑-ম্প্রতি॒ষ্ঠা ॥
তদপ্যেষ শ্লো॑কো ভ॒বতি ॥ 28 ॥
যতো॒ বাচো॒ নিব॑র্তন্তে । অপ্রা᳚প্য॒ মন॑সা স॒হ । আনন্দ-ম্ব্রহ্ম॑ণো বি॒দ্বান্ । ন বিভেতি কদা॑চনে॒তি ॥ তস্যৈষ এব শারী॑র আ॒ত্মা । যঃ॑ পূর্ব॒স্য ॥
তস্মাদ্বা এতস্মা᳚-ন্মনো॒মযাত্ । অন্যো-ঽন্তর আত্মা বি॑জ্ঞান॒মযঃ । তেনৈ॑ষ পূ॒র্ণঃ ॥ স বা এষ পুরুষবি॑ধ এ॒ব । তস্য পুরু॑ষ বি॒ধতাম্ ।
অন্বয॑-ম্পুরুষ॒ বিধঃ । তস্য শ্র॑দ্ধৈব॒ শিরঃ । ঋত-ন্দক্ষি॑ণঃ প॒ক্ষঃ । সত্যমুত্ত॑রঃ প॒ক্ষঃ । যো॑গ আ॒ত্মা । মহঃ পুচ্ছ॑-ম্প্রতি॒ষ্ঠা ॥ তদপ্যেষ শ্লো॑কো ভ॒বতি ॥ 29 ॥
বি॒জ্ঞানং॑-যঁ॒জ্ঞ-ন্ত॑নুতে । কর্মা॑ণি তনু॒তে-ঽপি॑ চ । বি॒জ্ঞান॑-ন্দে॒বা-স্সর্বে᳚ । ব্রহ্ম॒ জ্যেষ্ঠ॒-মুপা॑সতে । বি॒জ্ঞান॒-ম্ব্রহ্ম॒ চে-দ্বেদ॑ । তস্মা॒চ্চেন্ন প্র॒মাদ্য॑তি । শ॒রীরে॑ পাপ্ম॑নো হি॒ত্বা । সর্বান্-কামান্-থ্সমশ্নু॑ত ই॒তি ॥ তস্যৈষ এব শারী॑র আ॒ত্মা । যঃ॑ পূর্ব॒স্য ॥ তস্মাদ্বা এতস্মা-দ্বি॑জ্ঞান॒মযাত্ । অন্যো-ঽন্তর আত্মা॑-ঽঽনন্দ॒মযঃ । তেনৈ॑ষ পূ॒র্ণঃ ॥ স বা এষ পুরুষবি॑ধ এ॒ব । তস্য পুরু॑ষবি॒ধতাম্ ।
অন্বয॑-ম্পুরুষ॒বিধঃ । তস্য প্রিয॑-মেব॒ শিরঃ ।
মোদো দক্ষি॑ণঃ প॒ক্ষঃ ।
প্রমোদ উত্ত॑রঃ প॒ক্ষঃ । আন॑ন্দ আ॒ত্মা ।
ব্রহ্ম পুচ্ছ॑-ম্প্রতি॒ষ্ঠা ॥
তদপ্যেষ শ্লো॑কো ভ॒বতি ॥ 30 ॥
অস॑ন্নে॒ব স॑ ভবতি । অস॒-দ্ব্রহ্মেতি॒ বেদ॒ চেত্ ।
অস্তি ব্রহ্মেতি॑ চে-দ্বে॒দ । সন্তমেন-ন্ততো বি॑দুরি॒তি ॥
তস্যৈষ এব শারী॑র আ॒ত্মা । যঃ॑ পূর্ব॒স্য ॥ অথাতো॑-ঽনু প্র॒শ্নাঃ ॥ উ॒তা বি॒দ্বা ন॒মুং-লোঁ॒ক-ম্প্রেত্য॑ । কশ্চ॒ন গ॑চ্ছ॒তী(3) । আহো॑ বি॒দ্বান॒মুং-লোঁ॒ক-ম্প্রেত্য॑ । কশ্চি॒-থ্সম॑শ্নু॒তা(3) উ॒ ॥ সো॑-ঽকামযত ।
ব॒হুস্যা॒-ম্প্রজা॑যে॒যেতি॑ । স তপো॑-ঽতপ্যত । স তপ॑স্ত॒প্ত্বা । ই॒দগ্ম্ সর্ব॑-মসৃজত ॥ যদি॒দ-ঙ্কিঞ্চ॑ । তথ্সৃ॒ষ্ট্বা । তদে॒বানু॒ প্রাবি॑শত্ ॥ তদ॑নুপ্র॒বিশ্য॑ । সচ্চ॒ ত্যচ্চা॑ভবত্ । নি॒রুক্ত॒-ঞ্চা নি॑রুক্ত-ঞ্চ ।
নি॒লয॑ন॒-ঞ্চা নি॑লযন-ঞ্চ । বি॒জ্ঞান॒-ঞ্চা বি॑জ্ঞান-ঞ্চ । সত্য-ঞ্চানৃত-ঞ্চ স॑ত্য-ম॒ভবত্ ॥ যদি॑দ-ঙ্কি॒ঞ্চ ।
তথ্সত্য-মি॑ত্যা চ॒ক্ষতে ॥ তদপ্যেষ শ্লো॑কো ভ॒বতি ॥ 31 ॥
অস॒দ্বা ই॒দমগ্র॑ আসীত্ । ততো॒ বৈ সদ॑জাযত ।
তদাত্মানগ্গ্ স্বয॑-মকু॒রুত । তস্মা-ত্ত-থ্সুকৃতমুচ্য॑ত ই॒তি ॥ যদ্বৈ॑ ত-থ্সু॒কৃতম্ । র॑সো বৈ॒ সঃ । রসগ্গ্ হ্যেবাযং-লঁব্ধ্বা-ঽঽন॑ন্দী ভ॒বতি ॥
কো হ্যেবান্যা᳚-ত্কঃ প্রা॒ণ্যাত্ । যদেষ আকাশ আন॑ন্দো ন॒ স্যাত্ । এষ হ্যেবান॑ন্দযা॒তি ॥ য॒দা হ্যে॑বৈষ॒ এতস্মি-ন্নদৃশ্যে ঽনাত্ম্যে ঽনিরুক্তে ঽনিলযনে ঽভযং
প্রতি॑ষ্ঠাং-বিঁ॒ন্দতে । অথ সো-ঽভয-ঙ্গ॑তো ভ॒বতি ॥
য॒দা হ্যে॑বৈষ॒ এতস্মি-ন্নুদর-মন্ত॑র-ঙ্কু॒রুতে ।
অথ তস্য ভ॑য-ম্ভ॒বতি ॥ তত্ত্বেব ভযং-বিঁদুষো-ঽম॑ন্বান॒স্য ॥
তদপ্যেষ শ্লো॑কো ভ॒বতি ॥ 32 ॥
ভী॒ষা-ঽস্মা॒-দ্বাতঃ॑ পবতে । ভী॒ষোদে॑তি॒ সূর্যঃ॑ ।
ভীষা-ঽস্মা-দগ্নি॑-শ্চেন্দ্র॒শ্চ । মৃত্যু-র্ধাবতি পঞ্চ॑ম ই॒তি ॥ সৈষা-ঽঽনন্দস্য মীমাগ্ম্॑সা ভ॒বতি ॥ যুবা স্যা-থ্সাধু যু॑বা-ঽদ্ধ্যা॒যকঃ । আশিষ্ঠো দৃঢিষ্ঠো॑ বলি॒ষ্ঠঃ । তস্যেয-ম্পৃথিবী সর্বা বিত্তস্য॑ পূর্ণা॒ স্যাত্ ।
স একো মানুষ॑ আন॒ন্দঃ ॥ তে যে শত-ম্মানুষা॑ আন॒ন্দাঃ । ॥ 33-ঽ ॥
স একো মনুষ্য-গন্ধর্বাণা॑-মান॒ন্দঃ । শ্রোত্রিযস্য চাকাম॑হত॒স্য ॥ তে যে শত-ম্মনুষ্য-গন্ধর্বাণা॑-মান॒ন্দাঃ । স একো দেব-গন্ধর্বাণা॑-মান॒ন্দঃ । শ্রোত্রিযস্য চাকাম॑হত॒স্য ॥
তে যে শত-ন্দেব-গন্ধর্বাণা॑-মান॒ন্দাঃ ।
স একঃ পিতৃণা-ঞ্চিরলোক-লোকানা॑-মান॒ন্দঃ ।
শ্রোত্রিযস্য চাকাম॑হত॒স্য ॥
তে যে শত-ম্পিতৃণা-ঞ্চিরলোক-লোকানা॑-মান॒ন্দাঃ ।
স এক আজানজানা-ন্দেবানা॑-মান॒ন্দঃ । ॥ 33.ব্ ॥
শ্রোত্রিযস্য চাকাম॑হত॒স্য ॥
তে যে শত-মাজান-জানা-ন্দেবানা॑ মান॒ন্দাঃ ।
স একঃ কর্ম-দেবানা-ন্দেবানা॑-মান॒ন্দঃ ।
যে কর্মণা দেবান॑পি য॒ন্তি । শ্রোত্রিযস্য চাকাম॑হত॒স্য ॥ তে যে শত-ঙ্কর্মদেবানা-ন্দেবানা॑-মান॒ন্দাঃ । স একো দেবানা॑-মান॒ন্দঃ । শ্রোত্রিযস্য চাকাম॑হত॒স্য ॥ তে যে শত-ন্দেবানা॑-মান॒ন্দাঃ । স এক ইন্দ্র॑স্যান॒ন্দঃ । ॥ 33.চ্ ॥
শ্রোত্রিযস্য চাকাম॑হত॒স্য ॥ তে যে শতমিন্দ্র॑-স্যা-ঽঽন॒ন্দাঃ । স একো বৃহস্পতে॑-রান॒ন্দঃ । শ্রোত্রিযস্য চাকাম॑হত॒স্য ॥
তে যে শত-ম্বৃহস্পতে॑ রান॒ন্দাঃ । স একঃ প্রজাপতে॑-রান॒ন্দঃ । শ্রোত্রিযস্য চাকাম॑হত॒স্য ॥ তে যে শত-ম্প্রজাপতে॑-রান॒ন্দাঃ । স একো ব্রহ্মণ॑ আন॒ন্দঃ । শ্রোত্রিযস্য চাকাম॑হত॒স্য ॥ 33.দ্ ॥
স যশ্চা॑য-ম্পু॒রুষে । যশ্চাসা॑-বাদি॒ত্যে । স একঃ॑ ॥
স য॑ এবং॒-বিঁত্ । অস্মাল্লো॑কা-ত্প্রে॒ত্য ।
এতমন্নময-মাত্মান-মুপ॑সঙ্ক্রা॒মতি ।
এত-ম্প্রাণময-মাত্মান-মুপ॑সঙ্ক্রা॒মতি ।
এত-ম্মনোময-মাত্মান-মুপ॑সঙ্ক্রা॒মতি ।
এতং-বিঁজ্ঞানময-মাত্মান-মুপ॑সঙ্ক্রা॒মতি ।
এতমানন্দময-মাত্মান-মুপ॑সঙ্ক্রা॒মতি ॥
তদপ্যেষ শ্লো॑কো ভ॒বতি ॥ 33এ ॥
যতো॒ বাচো॒ নিব॑র্তন্তে । অপ্রা᳚প্য॒ মন॑সা স॒হ । আনন্দ-ম্ব্রহ্ম॑ণো বি॒দ্বান্ । ন বিভেতি কুত॑শ্চনে॒তি ॥ এতগ্ম্ হ বা ব॑ ন ত॒পতি । কিমহগ্ম্ সাধু॑ নাক॒রবম্ । কিমহ-ম্পাপ-মকর॑ব-মি॒তি ॥
স য এবং-বিঁদ্বানেতে আত্মা॑নগ্গ্ স্পৃ॒ণুতে ॥
উ॒ভে হ্যে॑বৈষ॒ এতে আত্মা॑নগ্গ্ স্পৃ॒ণুতে ।
য এ॒বং-বেঁদ॑ ॥ ইত্যু॑প॒নিষ॑ত্ ॥ 34 ॥
স॒হ না॑ ববতু । স॒হ নৌ॑ ভুনক্তু । স॒হ বী॒র্য॑-ঙ্করবাবহৈ । তে॒জ॒স্বিনা॒ বধী॑তমস্তু॒ মা বি॑দ্বিষা॒বহৈ᳚ ॥ ওং শান্তি॒-শ্শান্তি॒-শ্শান্তিঃ॑ ॥
(ব্র॒হ্ম॒বিদিদমযমিদমেক॑বিগ্ম্শতিঃ ।
অন্না॒ দন্ন॑রস॒মযা-ত্প্রাণো॒ ব্যানো-ঽপান আকা॑শঃ॒ পৃথিবী পুচ্ছ॒গ্ম্॒ ষড্বিগ্ম্॑শতিঃ ।
প্রা॒ণ-ম্প্রা॑ণ॒মযা-ন্ম॑নো॒ যজু॒র্॒ ঋ-খ্সামাদে॒শো-ঽথর্বাঙ্গিরসঃ পুচ্ছ॒-ন্দ্বাবিগ্ম্॑শতিঃ ।
যত॑-শ্শ্র॒দ্ধর্তগ্ম্ সত্যম্ ঁযো॑গো॒ মহো॑-ঽষ্টাদ॑শ । বি॒জ্ঞান॒-ম্প্রিয॒-ম্মোদঃ প্রমোদ আন॑ন্দো॒ ব্রহ্ম পুচ্ছ॒-ন্দ্বাবিগ্ম্॑শতিঃ ।
অস॑ন্নে॒বাথাষ্টাবি গ্ম্॑শতিঃ । অস॒-থ্ষোড॑শ ।
ভী॒ষা-ঽস্মা॒-ন্মানুষো॒ মনুষ্যগন্ধর্বাণা॒-ন্দেবগন্ধর্বাণা॒-ম্পিতৃণাম্চিরলোকলোকানা॒ মাজানজানা-ঙ্কর্মদেবানাম্ ঁযে কর্মণা দেবানা॒মিন্দ্র॑স্য॒ বৃহস্পতেঃ॒ প্রজাপতে॒-র্ব্রহ্মণ॒-স্স যশ্ব॑ সঙ্ক্রা॒মত্যেক॑পঞ্চা॒শত্ ।
যতঃ॒ কুত॑শ্চ॒ নৈতমেকা॑দশ॒ নব॑) (অ. 14)
॥ ইতি ব্রহ্মানন্দবল্লী সমাপ্তা ॥
॥ হরিঃ॑ ওম্ ॥
॥ কৃষ্ণ যজুর্বেদীয তৈত্তিরীয আরণ্যকে অষ্টমঃ প্রপাঠক-স্সমাপ্তঃ ॥
