কৃষ্ণ যজুর্বেদীয তৈত্তিরীয ব্রাহ্মণে তৃতীযাষ্টকে ষষ্ঠঃ প্রপাঠকঃ - পশুহৌত্রম্
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
অনুবাকং 1 - যূপসংস্কারাঃ
অ॒ঞ্জন্তি॒ ত্বাম॑দ্ধ্ব॒রে দে॑ব॒যন্তঃ॑ । বন॑স্পতে॒ মধু॑না॒ দৈব্যে॑ন । যদূ॒র্ধ্বস্তি॑ষ্ঠা॒-দ্দ্রবি॑ণে॒হ ধ॑ত্তাত্ । যদ্বা॒ ক্ষযো॑ মা॒তুর॒স্যা উ॒পস্থে᳚ ॥ উচ্ছ্র॑যস্ব বনস্পতে । বর্ষ্ম॑-ন্পৃথি॒ব্যা অধি॑ । সুমি॑তী মী॒যমা॑নঃ ।
বর্চো॑ধা য॒জ্ঞবা॑হসে ॥ সমি॑দ্ধস্য॒ শ্রয॑মাণঃ পু॒রস্তা᳚ত্ । ব্রহ্ম॑ বন্বা॒নো অ॒জরগ্ম্॑ সু॒বীর᳚ম্ ॥ 1 ॥
আ॒রে অ॒স্মদম॑তি॒-ম্বাধ॑মানঃ । উচ্ছ্র॑যস্ব মহ॒তে সৌভ॑গায ॥ ঊ॒র্ধ্ব ঊ॒ষুণ॑ ঊ॒তযে᳚ । তিষ্ঠা॑ দে॒বো ন স॑বি॒তা । ঊ॒র্ধ্বো বাজ॑স্য॒ সনি॑তা॒ যদ॒ঞ্জিভিঃ॑ । বা॒ঘদ্ভি॑-র্বি॒হ্বযা॑মহে ॥
ঊ॒র্ধ্বো নঃ॑ পা॒হ্যগ্ম্হ॑সো॒ নি কে॒তুনা᳚ । বিশ্ব॒গ্ম্॒ সম॒ত্রিণ॑-ন্দহ ।
কৃ॒ধী ন॑ ঊ॒র্ধ্বাঞ্চ॒ রথা॑য জী॒বসে᳚ ।
বি॒দা দে॒বেষু॑ নো॒ দুবঃ॑ ॥ 2 ॥
জা॒তো জা॑যতে সুদিন॒ত্বে অহ্না᳚ম্ । সম॒র্য আ বি॒দথে॒ বর্ধ॑মানঃ । পু॒নন্তি॒ ধীরা॑ অ॒পসো॑ মনী॒ষা । দে॒ব॒যা বিপ্র॒ উদি॑যর্তি॒ বাচ᳚ম্ ॥ যুবা॑ সু॒বাসাঃ॒ পরি॑বীত॒ আগা᳚ত্ । স উ॒ শ্রেযা᳚-ন্ভবতি॒ জায॑মানঃ ।
ত-ন্ধীরা॑সঃ ক॒বয॒ উন্ন॑যন্তি । স্বা॒ধিযো॒ মন॑সা দেব॒যন্তঃ॑ ॥ পৃ॒থু॒পাজা॒ অম॑র্ত্যঃ । ঘৃ॒তনি॑র্ণি॒খ্-স্বা॑হুতঃ ॥ 3 ॥
অ॒গ্নি-র্য॒জ্ঞস্য॑ হব্য॒বাট্ ॥ তগ্ম্ স॒বাধো॑ য॒তস্রু॑চঃ । ই॒ত্থা ধি॒যা য॒জ্ঞব॑ন্তঃ । আচ॑ক্রুর॒গ্নি-মূ॒তযে᳚ ॥ ত্বং-বঁরু॑ণ উ॒ত মি॒ত্রো অ॑গ্নে । ত্বাং-বঁ॑র্ধন্তি ম॒তিভি॒-র্বসি॑ষ্ঠাঃ ।
ত্বে বসু॑ সুষণ॒নানি॑ সন্তু ।
যূ॒য-ম্পা॑ত স্ব॒স্তিভি॒-স্সদা॑ নঃ ॥ 4 ॥
(সু॒বীরং॒ - দুবঃ॒ - স্বা॑হুতো॒ - +-ঽষ্টৌ চ॑) (অ. 1)
অনুবাকং 2 - প্রযাজবিষযা মৈত্রাবরুণপ্রৈষাঃ
হোতা॑ যক্ষদ॒গ্নিগ্ম্ স॒মিধা॑ সুষ॒মিধা॒ সমি॑দ্ধ॒-ন্নাভা॑ পৃথি॒ব্যা-স্স॑গ॒ন্থে বা॒মস্য॑ ।
বর্ষ্ম॑ন্দি॒ব ই॒ডস্প॒দে বেত্বাজ্য॑স্য॒ হোত॒র্যজ॑ ॥
হোতা॑ যক্ষ॒ত্-তনূ॒নপা॑ত॒-মদি॑তে॒-র্গর্ভ॒-ম্ভুব॑নস্য গো॒পাম্ । মদ্ধ্বা॒-ঽদ্য দে॒বো দে॒বেভ্যো॑ দেব॒যানা᳚ন্প॒থো অ॑নক্তু॒ বেত্বাজ্য॑স্য॒ হোত॒র্যজ॑ ॥
হোতা॑ যক্ষ॒-ন্নরা॒শগ্ম্স॑-ন্নৃশ॒স্ত্র-ন্নৄগ্ম্ঃ প্র॑ণেত্রম্ । গোভি॑-র্ব॒পাবা॒ন্-থ্স্যা-দ্বী॒রৈ-শ্শক্তী॑বা॒ন্-রথৈঃ᳚ প্রথম॒যাবা॒ হির॑ণ্যৈশ্চ॒ন্দ্রী বেত্বাজ্য॑স্য॒ হোত॒র্যজ॑ ॥ হোতা॑ যক্ষদ॒গ্নিমি॒ড ঈ॑ডি॒তো দে॒বো দে॒বাগ্ম্ আব॑ক্ষ-দ্দূ॒তো হ॑ব্য॒বাডমূ॑রঃ ।
উপে॒মং-যঁ॒জ্ঞমুপে॒মা-ন্দে॒বো দে॒বহূ॑তিমবতু॒ বেত্বাজ্য॑স্য॒ হোত॒র্যজ॑ ॥ হোতা॑ যক্ষ-দ্ব॒র্॒হি-স্সু॒ষ্টরী॒মোর্ণ॑ম্রদা অ॒স্মিন্. য॒জ্ঞে বি চ॒ প্র চ॑ প্রথতাগ্ স্বাস॒স্থ-ন্দে॒বেভ্যঃ॑ ।
এমে॑নদ॒দ্য বস॑বো রু॒দ্রা আ॑দিত্যা-স্স॑দন্তু প্রি॒যমিন্দ্র॑স্যাস্তু॒ বেত্বাজ্য॑স্য॒ হোত॒র্যজ॑ ॥ 5 ॥
হোতা॑ যক্ষ॒-দ্দুর॑ ঋ॒ষ্বাঃ ক॑ব॒ষ্যো-ঽকো॑ষধাবনী॒-রুদাতা॑ভি॒-র্জিহ॑তাং॒-বিঁ পক্ষো॑ভি-শ্শ্রযন্তাম্ । সু॒প্রা॒য॒ণা অ॒স্মিন্. য॒জ্ঞে বিশ্র॑যন্তা-মৃতা॒বৃধো॑ বি॒যন্ত্বাজ্য॑স্য॒ হোত॒র্যজ॑ ॥
হোতা॑ যক্ষদু॒ষাসা॒নক্তা॑ বৃহ॒তী সু॒পেশ॑সা॒ নৄগ্ম্ঃ পতি॑ভ্যো॒ যোনি॑-ঙ্কৃণ্বা॒নে ।
স॒গ্গ্॒স্ময॑মানে॒ ইন্দ্রে॑ণ দে॒বৈরেদ-ম্ব॒র্॒হি-স্সী॑দতাং-বীঁ॒তামাজ্য॑স্য॒ হোত॒র্যজ॑ ॥
হোতা॑ যক্ষ॒-দ্দৈব্যা॒ হোতা॑রা ম॒ন্দ্রা পোতা॑রা ক॒বী প্রচে॑তসা ।
স্বি॑ষ্টম॒দ্যান্যঃ ক॑রদি॒ষা স্ব॑ভিগূর্তম॒ন্য ঊ॒র্জা সত॑বসে॒মং-যঁ॒জ্ঞ-ন্দি॒বি দে॒বেষু॑ ধত্তাং-বীঁ॒তামাজ্য॑স্য॒ হোত॒র্যজ॑ ॥
হোতা॑ যক্ষত্-তি॒স্রো দে॒বীর॒পসা॑ম॒পস্ত॑মা॒ অচ্ছি॑দ্র-ম॒দ্যেদমপ॑-স্তন্বতাম্ ।
দে॒বেভ্যো॑ দে॒বী-র্দে॒বমপো॑ বি॒যন্ত্বাজ্য॑স্য॒ হোত॒র্যজ॑ ॥
হোতা॑ যক্ষ॒ত্-ত্বষ্টা॑র॒-মচি॑ষ্টু॒মপা॑কগ্ম্ রেতো॒ধাং-বিঁশ্র॑বসং-যঁশো॒ধাম্ ।
পু॒রু॒রূপ॒মকা॑মকর্শনগ্ম্ সু॒পোষঃ॒ পোষৈ॒-স্স্যা-থ্সু॒বীরো॑ বী॒রৈ-র্বেত্বাজ্য॑স্য॒ হোত॒র্যজ॑ ॥
হোতা॑ যক্ষ॒-দ্বন॒স্পতি॑-মু॒পাব॑স্রক্ষদ্ধি॒যো জো॒ষ্টারগ্ম্॑ শ॒শম॒ন্নরঃ॑ ।
স্বদা॒-থ্স্বধি॑তির্-ঋতু॒থা-ঽদ্য দে॒বো দে॒বেভ্যো॑ হ॒ব্যা-ঽবা॒ড্-বেত্বাজ্য॑স্য॒ হোত॒র্যজ॑ ॥
হোতা॑ যক্ষদ॒গ্নিগ্গ্ স্বাহা-ঽঽজ্য॑স্য॒ স্বাহা॒ মেদ॑স॒-স্স্বাহা᳚ স্তো॒কানা॒গ্॒ স্বাহা॒ স্বাহা॑ কৃতীনা॒গ্॒ স্বাহা॑ হ॒ব্যসূ᳚ক্তীনাম্ ।
স্বাহা॑ দে॒বাগ্ম্ আ᳚জ্য॒পান্-থ্স্বাহা॒-ঽগ্নিগ্ম্ হো॒ত্রাজ্জু॑ষা॒ণা অগ্ন॒ আজ্য॑স্য বিযন্তু॒ হোত॒র্যজ॑ ॥ 6 ॥
(প্রি॒যমিন্দ্র॑স্যাস্তু॒ বেত্বাজ্য্॑স্য॒ হোত॒র্যজ॑ - সু॒বীরো॑ বী॒রৈ-র্বেত্বাজ্য॑স্য॒ হোত॒র্যজ॑ চ॒ত্বারি॑ চ) (অ. 2)
(অ॒গ্নি-ন্তনূ॒নপা॑ত॒-ন্নরা॒শগ্ম্স॑ম॒গ্নিমি॒ড ঈ॑ডি॒তো ব॒র্॒হির্দুর॑ উ॒ষাসা॒নক্তা॒ দৈব্যা॑ তি॒স্রস্ত্বষ্টা॑রং॒-বঁন॒স্পতি॑ম॒গ্নিম্ )
(পঞ্চ॒ বেত্বেকো॑ বি॒যন্তু॒ দ্বির্বী॒তামেকো॑ বি॒যন্তু॒ দ্বির্বেত্বেকো॑ বিযন্তু॒ হোত॒র্যজ॑)
অনুবাকং 3 - আপ্রিয প্রযাজানাং-যাঁজ্যাঃ
সমি॑দ্ধো অ॒দ্য মনু॑ষো দুরো॒ণে । দে॒বো দে॒বান্. য॑জসি জাতবেদঃ । আ চ॒ বহ॑ মিত্রমহ-শ্চিকি॒ত্বান্ । ত্ব-ন্দূ॒তঃ ক॒বির॑সি॒ প্রচে॑তাঃ ॥ তনূ॑নপাত্প॒থ ঋ॒তস্য॒ যানান্॑ । মদ্ধ্বা॑ সম॒ঞ্জন্-থ্স্ব॑দযা সুজিহ্ব ।
মন্মা॑নি ধী॒ভিরু॒ত য॒জ্ঞমৃ॒ন্ধন্ন্ । দে॒ব॒ত্রা চ॑ কৃণুহ্যদ্ধ্ব॒র-ন্নঃ॑ ॥ নরা॒শগ্ম্স॑স্য মহি॒মান॑মেষাম্ । উপ॑স্তোষাম যজ॒তস্য॑ য॒জ্ঞৈঃ ॥ 7 ॥
তে সু॒ক্রত॑ব॒-শ্শুচ॑যো ধিয॒ধাংঃ । স্বদ॑ন্তু দে॒বা উ॒ভযা॑নি হ॒ব্যা ॥ আ॒জুহ্বা॑ন॒ ঈড্যো॒ বন্দ্য॑শ্চ । আযা᳚হ্যগ্নে॒ বসু॑ভি-স্স॒জোষাঃ᳚ ।
ত্ব-ন্দে॒বানা॑মসি যহ্ব॒ হোতা᳚ । স এ॑নান্. যক্ষীষি॒তো যজী॑যান্ ॥ প্রা॒চীন॑-ম্ব॒র্॒হিঃ প্র॒দিশা॑ পৃথি॒ব্যাঃ । বস্তো॑র॒স্যা বৃ॑জ্যতে॒ অগ্রে॒ অহ্না᳚ম্ ।
ব্যু॑ প্রথতে বিত॒রং-বঁরী॑যঃ । দে॒বেভ্যো॒ অদি॑তযে স্যো॒নম্ ॥ 8 ॥
ব্যচ॑স্বতীরুর্বি॒যা বিশ্র॑যন্তাম্ । পতি॑ভ্যো॒ নজন॑য॒-শ্শুম্ভ॑মানাঃ । দেবী᳚র্দ্বারো বৃহতী-র্বিশ্বমিন্বাঃ । দে॒বেভ্যো॑ ভবথ সুপ্রায॒ণাঃ ॥ আ সু॒ষ্বয॑ন্তী যজ॒তে উপা॑কে । উ॒ষাসা॒নক্তা॑ সদতা॒-ন্নি যোনৌ᳚ ।
দি॒ব্যে যোষ॑ণে বৃহ॒তী সু॑রু॒ক্মে । অধি॒ শ্রিযগ্ম্॑ শুক্র॒পিশ॒-ন্দধা॑নে ॥ দৈব্যা॒ হোতা॑রা প্রথ॒মা সু॒বাচা᳚ । মিমা॑না য॒জ্ঞ-ম্মনু॑ষো॒ যজ॑দ্ধ্যৈ ॥ 9 ॥
প্র॒চো॒দয॑ন্তা বি॒দথে॑ষু কা॒রূ । প্রা॒চীন॒-ঞ্জ্যোতিঃ॑ প্র॒দিশা॑ দি॒শন্তা᳚ ॥ আনো॑ য॒জ্ঞ-ম্ভার॑তী॒ তূয॑মেতু । ইডা॑ মনু॒ষ্বদি॒হ চে॒তয॑ন্তী । তি॒স্রো দে॒বী-র্ব॒র্॒হিরেদগ্গ্ স্যো॒নম্ । সর॑স্বতী॒ স্বপ॑স-স্সদন্তু ॥
য ই॒মে দ্যাবা॑পৃথি॒বী জনি॑ত্রী । রূ॒পৈরপিগ্ম্॑শ॒-দ্ভুব॑নানি॒ বিশ্বা᳚ । তম॒দ্য হো॑তরিষি॒তো যজী॑যান্ ।
দে॒ব-ন্ত্বষ্টা॑রমি॒হ য॑ক্ষি বি॒দ্বান্ ॥ 10 ॥
উ॒পাব॑সৃজ॒ত্-ত্মন্যা॑ সম॒ঞ্জন্ন্ । দে॒বানা॒-ম্পাথ॑ ঋতু॒থা হ॒বীগ্ম্ষি॑ । বন॒স্পতি॑-শ্শমি॒তা দে॒বো অ॒গ্নিঃ । স্বদ॑ন্তু হ॒ব্য-ম্মধু॑না ঘৃ॒তেন॑ ॥
স॒দ্যো জা॒তো ব্য॑মিমীত য॒জ্ঞম্ । অ॒গ্নি-র্দে॒বানা॑-মভবত্-পুরো॒গাঃ । অ॒স্য হোতুঃ॑ প্র॒দিশ্যৃ॒তস্য॑ বা॒চি ।
স্বাহা॑কৃতগ্ম্ হ॒বির॑দন্তু দে॒বাঃ ॥ 11 ॥
(য॒জ্ঞৈঃ - স্যো॒নং - ঁযজ॑দ্ধ্যৈ - বি॒দ্বান॒ - +ষ্টৌ চ॑) (অ. 3)
অনুবাকং 4 - পর্যগ্নিকরণীযা ঋচঃ
অ॒গ্নির্-হোতা॑ নো অদ্ধ্ব॒রে । বা॒জী সন্-পরি॑ণীযতে ।
দে॒বো দে॒বেষু॑ য॒জ্ঞিযঃ॑ ॥ পরি॑ ত্রিবি॒ষ্ট্য॑দ্ধ্ব॒রম্ । যাত্য॒গ্নী র॒থীরি॑ব । আ দে॒বেষু॒ প্রযো॒ দধ॑ত্ ॥ পরি॒ বাজ॑পতিঃ ক॒বিঃ । অ॒গ্নির্-হ॒ব্যা ন্য॑ক্রমীত্ ।
দধ॒-দ্রত্না॑নি দা॒শুষে᳚ ॥ 12 ॥
(অ॒গ্নির্-হোতা॑ নো॒ নব॑) (অ. 4)
অনুবাকং 5 - মৈত্রাবরুণপ্রৈষঃ
অজৈ॑দ॒গ্নিঃ । অস॑ন॒দ্বাজ॒-ন্নি । দে॒বো দে॒বেভ্যো॑ হ॒ব্যা-ঽবা᳚ট্ । প্রাঞ্জো॑ভির্-হিন্বা॒নঃ ।
ধেনা॑ভিঃ॒ কল্প॑মানঃ । য॒জ্ঞস্যাযুঃ॑ প্রতি॒রন্ন্ ।
উপ॒ প্রেষ্য॑ হোতঃ । হ॒ব্যা দে॒বেভ্যঃ॑ ॥ 13 ॥
(অজৈ॑দ॒ষ্টৌ) (অ. 5)
অনুবাকং 6 - হোতুরধ্রিগুপ্রৈষঃ
দৈব্যা᳚-শ্শমিতার উ॒ত ম॑নুষ্যা॒ আর॑ভদ্ধ্বম্ । উপ॑ নযত॒ মেদ্ধ্যা॒ দুরঃ॑ । আ॒শাসা॑না॒ মেধ॑পতিভ্যা॒-ম্মেধ᳚ম্ । প্রাস্মা॑ অ॒গ্নি-ম্ভ॑রত । স্তৃ॒ণী॒ত ব॒র্॒হিঃ । অন্বে॑ন-ম্মা॒তা ম॑ন্যতাম্ । অনু॑ পি॒তা ।
অনু॒ ভ্রাতা॒ সগ॑র্ভ্যঃ । অনু॒ সখা॒ সযূ᳚থ্যঃ ॥
উ॒দী॒চীনাগ্ম্॑ অস্য প॒দো নিধ॑ত্তাত্ ॥ 14 ॥
সূর্য॒-ঞ্চক্ষু॑র্গমযতাত্ । বাত॑-ম্প্রা॒ণম॒ন্ব-ব॑সৃজতাত্ । দিশ॒-শ্শ্রোত্র᳚ম্ । অ॒ন্তরি॑ক্ষ॒মসু᳚ম্ । পৃ॒থি॒বীগ্ম্ শরী॑রম্ । এ॒ক॒ধা-ঽস্য॒ ত্বচ॒মাচ্ছ্য॑তাত্ । পু॒রা নাভ্যা॑ অপি॒শসো॑ ব॒পামুত্খি॑দতাত্ । অ॒ন্তরে॒বোষ্মাণং॑-বাঁরযতাত্ । শ্যে॒নম॑স্য॒ বক্ষঃ॑ কৃণুতাত্ । প্র॒শসা॑ বা॒হূ ॥ 15 ॥
শ॒লা দো॒ষণী᳚ । ক॒শ্যপে॒বাগ্ম্সা᳚ । অচ্ছি॑দ্রে॒ শ্রোণী᳚ ।
ক॒বষো॒রূ স্রে॒কপ॑র্ণা-ঽষ্ঠী॒বন্তা᳚ । ষড্বিগ্ম্॑শতিরস্য॒ বঙ্ক্র॑যঃ ।
তা অ॑নু॒ষ্ঠ্যোচ্চ্যা॑বযতাত্ । গাত্র॑-ঙ্গাত্রম॒স্যানূ॑ন-ঙ্কৃণুতাত্ । ঊ॒ব॒দ্ধ্য॒গো॒হ-ম্পার্থি॑ব-ঙ্খনতাত্ । অ॒স্না রক্ষ॒-স্সগ্ম্সৃ॑জতাত্ ।
ব॒নি॒ষ্ঠুম॑স্য॒ মা রা॑বিষ্ট ॥ 16 ॥
উরূ॑ক॒-ম্মন্য॑মানাঃ ॥ নেদ্ব॑স্তো॒কে তন॑যে । রবি॑তা॒ রব॑চ্ছমিতারঃ । অদ্ধ্রি॑গো শমী॒দ্ধ্বম্ । সু॒শমি॑ শমীদ্ধ্বম্ । শ॒মী॒দ্ধ্ব-ম॑দ্ধ্রিগো ॥
অদ্ধ্রি॑গু॒শ্চাপা॑পশ্চ । উ॒ভৌ দে॒বানাগ্ম্॑ শমি॒তারৌ᳚ । তাবি॒ম-ম্প॒শুগ্গ্ শ্র॑পযতা-ম্প্রবি॒দ্বাগ্ম্সৌ᳚ ।
যথা॑ যথা-ঽস্য॒ শ্রপ॑ণ॒-ন্তথা॑তথা ॥ 17 ॥
[ধ॒ত্তা॒-দ্- বা॒হূ - মা রা॑বিষ্ট॒ - তথা॑তথা ] (অ. 6)
অনুবাকং 7 - স্তোকবিষয-ম্মৈত্রাবরুণানুবচনম্
জু॒ষস্ব॑ স॒প্রথ॑স্তমম্ । বচো॑ দে॒বফ্স॑রস্তমম্ ।
হ॒ব্যা জুহ্বা॑ন আ॒সনি॑ ॥ ই॒ম-ন্নো॑ য॒জ্ঞম॒মৃতে॑ষু ধেহি । ই॒মা হ॒ব্যা জা॑তবেদো জুষস্ব । স্তো॒কানা॑মগ্নে॒ মেদ॑সো ঘৃ॒তস্য॑ । হোতঃ॒ প্রাশা॑ন প্রথ॒মো নি॒ষদ্য॑ ॥ ঘৃ॒তব॑ন্তঃ পাবক তে ।
স্তো॒কাস্শ্চো॑তন্তি॒ মেদ॑সঃ । স্বধ॑র্ম-ন্দে॒ববী॑তযে ॥ 18 ॥
শ্রেষ্ঠ॑-ন্নো ধেহি॒ বার্য᳚ম্ ॥ তুভ্যগ্গ্॑ স্তো॒কা ঘৃ॑ত॒শ্চুতঃ॑ । অগ্নে॒ বিপ্রা॑য সন্ত্য । ঋষি॒-শ্শ্রেষ্ঠ॒-স্সমি॑দ্ধ্যসে । য॒জ্ঞস্য॑ প্রাবি॒তা ভ॑ব ॥
তুভ্যগ্গ্॑ শ্চোতন্ত্যদ্ধ্রিগো শচীবঃ । স্তো॒কাসো॑ অগ্নে॒ মেদ॑সো ঘৃ॒তস্য॑ । ক॒বি॒শ॒স্তো বৃ॑হ॒তা ভা॒নুনা-ঽঽগাঃ᳚ । হ॒ব্যা জু॑ষস্ব মেধির ॥
ওজি॑ষ্ঠ-ন্তে মদ্ধ্য॒তো মেদ॒ উদ্ভৃ॑তম্ । প্রতে॑ ব॒য-ন্দ॑দামহে । শ্চোত॑ন্তি তে বসো স্তো॒কা অধি॑ ত্ব॒চি ।
প্রতি॒ তান্দে॑ব॒শো বি॑হি ॥ 19 ॥
(দে॒ববী॑তয॒-উদ্ভৃ॑ত॒-ন্ত্রীণি॑ চ) (অ. 7)
অনুবাকং 8 - বপা পুরোডাশস্বিষ্টকৃতা-ম্পুরোনুবাক্যাঃ প্রৈষাশ্চ
আ বৃ॑ত্রহণা বৃত্র॒হভি॒-শ্শুষ্মৈঃ᳚ । ইন্দ্র॑ যা॒ত-ন্নমো॑ভিরগ্নে অ॒র্বাক্ । যু॒বগ্ম্ রাধো॑ভি॒রক॑বেভিরিন্দ্র । অগ্নে॑ অ॒স্মে ভ॑বতমুত্ত॒মেভিঃ॑ ॥ হোতা॑ যক্ষদিন্দ্রা॒গ্নী । ছাগ॑স্য ব॒পাযা॒ মেদ॑সঃ । জু॒ষেতাগ্ম্॑ হ॒বিঃ । হোত॒র্যজ॑ ॥ বি হ্যখ্য॒-ন্মন॑সা॒ বস্য॑ ই॒চ্ছন্ন্ । ইন্দ্রা᳚গ্নী জ্ঞা॒স উ॒ত বা॑ সজা॒তান্ ॥ 20 ॥
নান্যা যু॒বত্প্রম॑তিরস্তি॒ মহ্য᳚ম্ । স বা॒-ন্ধিযং॑-বাঁজ॒যন্তী॑মতক্ষম্ ॥ হোতা॑ যক্ষদিন্দ্রা॒গ্নী । পু॒রো॒ডাশ॑স্য জু॒ষেতাগ্ম্॑ হ॒বিঃ । হোত॒র্যজ॑ ॥
ত্বামী॑ডতে অজি॒র-ন্দূ॒ত্যা॑য । হ॒বিষ্ম॑ন্ত॒-স্সদ॒মি-ন্মানু॑ষাসঃ । যস্য॑ দে॒বৈরাস॑দো ব॒র্॒হির॑গ্নে । অহা᳚ন্যস্মৈ সু॒দিনা॑ ভবন্তু ॥ হোতা॑ যক্ষদ॒গ্নিম্ । পু॒রো॒ডাশ॑স্য জু॒ষতাগ্ম্॑ হ॒বিঃ ।
হোত॒র্যজ॑ ॥ 21 ॥
(স॒জা॒তা - ন॒গ্নি-ন্দ্বে চ॑) (অ. 8)
অনুবাকং 9 - তেষামেব যাজ্যাঃ
গী॒র্ভির্বিপ্রঃ॒ প্রম॑তিমি॒চ্ছমা॑নঃ । ঈ॒॑ র॒যিং-যঁ॒শস॑-ম্পূর্ব॒ভাজ᳚ম্ । ইন্দ্রা᳚গ্নী বৃত্রহণা সুবজ্রা । প্রণো॒ নব্যে॑ভিস্তিরত-ন্দে॒ষ্ণৈঃ ॥ মাচ্ছে᳚দ্ম র॒শ্মীগ্ম্রিতি॒ নাধ॑মানাঃ । পি॒তৃ॒ণাগ্ম্ শক্তী॑রনু॒ যচ্ছ॑মানাঃ । ই॒ন্দ্রা॒গ্নিভ্যা॒-ঙ্কং-বৃঁষ॑ণো মদন্তি । তা হ্যদ্রী॑ ধি॒ষণা॑যা উ॒পস্থে᳚ ॥
অ॒গ্নিগ্ম্ সু॑দী॒তিগ্ম্ সু॒দৃশ॑-ঙ্গৃ॒ণন্তঃ॑ ।
ন॒ম॒স্যাম॒স্ত্বেড্য॑-ঞ্জাতবেদঃ ।
ত্বা-ন্দূ॒তম॑র॒তিগ্ম্ হ॑ব্য॒বাহ᳚ম্ ।
দে॒বা অ॑কৃণ্ব-ন্ন॒মৃত॑স্য॒ নাভি᳚ম্ ॥ 22 ॥
(জা॒ত॒বে॒দো॒ দ্বে চ॑) (অ. 9)
অনুবাকং 10 - মনোতাসূক্তম্
ত্বগ্গ্ হ্য॑গ্নে প্রথ॒মো ম॒নোতা᳚ । অ॒স্যা ধি॒যো অভ॑বো দস্ম॒ হোতা᳚ । ত্বগ্ম্ সীং᳚-বৃঁষ-ন্নকৃণো-র্দু॒ষ্টরী॑তু । সহো॒ বিশ্ব॑স্মৈ॒ সহ॑সে॒ সহ॑দ্ধ্যৈ ॥ অধা॒ হোতা॒ ন্য॑সীদো॒ যজী॑যান্ । ই॒ডস্প॒দ ই॒ষয॒ন্নীড্য॒-স্সন্ন্ । ত-ন্ত্বা॒ নরঃ॑ প্রথ॒ম-ন্দে॑ব॒যন্তঃ॑ । ম॒হো রা॒যে চি॒তয॑ন্তো॒ অনু॑ গ্মন্ন্ ॥ বৃ॒তেব॒ যন্ত॑-ম্ব॒হুভি॑-র্বস॒ব্যৈঃ᳚ ।
ত্বে র॒যি-ঞ্জা॑গৃ॒বাগ্ম্সো॒ অনু॑ গ্মন্ন্ ॥ 23 ॥
রুশ॑ন্তম॒গ্নি-ন্দ॑র্শ॒ত-ম্বৃ॒হন্ত᳚ম্ । ব॒পাব॑ন্তং-বিঁ॒শ্বহা॑ দীদি॒বাগ্ম্স᳚ম্ ॥ প॒দ-ন্দে॒বস্য॒ নম॑সা বি॒যন্তঃ॑ । শ্র॒ব॒স্যব॒-শ্শ্রব॑ আপ॒ন্নমৃ॑ক্তম্ ।
নামা॑নি চি-দ্দধিরে য॒জ্ঞিযা॑নি । ভ॒দ্রাযা᳚-ন্তে রণযন্ত॒ সন্দৃ॑ষ্টৌ ॥ ত্বাং-বঁ॑র্ধন্তি ক্ষি॒তযঃ॑ পৃথি॒ব্যাম্ । ত্বগ্ম্ রায॑ উ॒ভযা॑সো॒ জনা॑নাম্ ।
ত্ব-ন্ত্রা॒তা ত॑রণে॒ চেত্যো॑ ভূঃ ।
পি॒তা মা॒তা সদ॒মি-ন্মানু॑ষাণাম্ ॥ 24 ॥
স প॒র্যেণ্য॒-স্স প্রি॒যো বি॒ক্ষ্ব॑গ্নিঃ । হোতা॑ ম॒ন্দ্রো নিষ॑সাদা॒ যজী॑যান্ । ত-ন্ত্বা॑ ব॒য-ন্দম॒ আ দী॑দি॒বাগ্ম্স᳚ম্ । উপ॑জ্ঞু॒বাধো॒ নম॑সা সদেম ॥
ত-ন্ত্বা॑ ব॒যগ্ম্ সু॒ধিযো॒ নব্য॑মগ্নে । সু॒ম্না॒যব॑ ঈমহে দেব॒যন্তঃ॑ । ত্বং-বিঁশো॑ অনযো॒ দীদ্যা॑নঃ । দি॒বো অ॑গ্নে বৃহ॒তা রো॑চ॒নেন॑ ॥
বি॒শা-ঙ্ক॒বিং-বিঁ॒শ্পতি॒গ্ম্॒ শশ্ব॑তীনাম্ ।
নি॒তোশ॑নং-বৃঁষ॒ভ-ঞ্চ॑র্ষণী॒নাম্ ॥ 25 ॥
প্রেতী॑ষণিমি॒ষয॑ন্ত-ম্পাব॒কম্ । রাজ॑ন্তম॒গ্নিং-যঁ॑জ॒তগ্ম্ র॑যী॒ণাম্ ॥ সো অ॑গ্ন ঈজে শশ॒মে চ॒ মর্তঃ॑ । যস্ত॒ আন॑ট্-থ্স॒মিধা॑ হ॒ব্যদা॑তিম্ ।
য আহু॑তি॒-ম্পরি॒ বেদা॒ নমো॑ভিঃ । বিশ্বেথ্স বা॒মা দ॑ধতে॒ ত্বোতঃ॑ ॥ অ॒স্মা উ॑ তে॒ মহি॑ ম॒হে বি॑ধেম । নমো॑ভিরগ্নে স॒মিধো॒ত হ॒ব্যৈঃ ।
বেদী॑ সূনো সহসো গী॒র্ভিরু॒ক্থৈঃ ।
আ তে॑ ভ॒দ্রাযাগ্ম্॑ সুম॒তৌ য॑তেম ॥ 26 ॥
আ যস্ত॒তন্থ॒ রোদ॑সী॒ বি ভা॒সা । শ্রবো॑ভিশ্চ শ্রব॒স্য॑স্তরু॑ত্রঃ । বৃ॒হদ্ভি॒-র্বাজৈ॒-স্স্থবি॑রেভির॒স্মে । রে॒বদ্ভি॑রগ্নে বিত॒রং-বিঁভা॑হি ॥
নৃ॒বদ্ব॑সো॒ সদ॒মিদ্ধে᳚হ্য॒স্মে । ভূরি॑ তো॒কায॒ তন॑যায প॒র্শ্বঃ । পূ॒র্বীরিষো॑ বৃহ॒তীরা॒রে অ॑ঘাঃ । অ॒স্মে ভ॒দ্রা সৌ᳚শ্রব॒সানি॑ সন্তু ॥
পু॒রূণ্য॑গ্নে পুরু॒ধা ত্বা॒যা । বসূ॑নি রাজন্-ব॒সুতা॑তে অশ্যাম্ । পু॒রূণি॒ হি ত্বে পু॑রুবার॒ সন্তি॑ ।
অগ্নে॒ বসু॑ বিধ॒তে রাজ॑নি॒ ত্বে ॥ 27 ॥
(জা॒গৃ॒বাগ্ম্সো॒ অনু॑ গ্ম॒ন্ - মানু॑ষাণাং - চর্ষণী॒নাং - ঁয॑তে - মাশ্যা॒-ন্দ্বে চ॑) (অ. 10)
অনুবাকং 11 - হবির্বনস্পতিস্বিষ্টকৃতা-ম্পুরোনুবাক্যাঃ প্রৈষাশ্চ
আ ভ॑রতগ্ম্ শিক্ষতং-বঁজ্রবাহূ ।
অ॒স্মাগ্ম্ ই॑ন্দ্রাগ্নী অবত॒গ্ম্॒ শচী॑ভিঃ ।
ই॒মে নু তে র॒শ্ময॒-স্সূর্য॑স্য ।
যেভি॑-স্সপি॒ত্ব-ম্পি॒তরো॑ ন॒ আযন্ন্॑ ॥
হোতা॑ যক্ষদিন্দ্রা॒গ্নী । ছাগ॑স্য হ॒বিষ॒ আত্তা॑ম॒দ্য । ম॒দ্ধ্য॒তো মেদ॒ উদ্ভৃ॑তম্ । পু॒রা দ্বেষো᳚ভ্যঃ । পু॒রা পৌরু॑ষেয্যা গৃ॒ভঃ । ঘস্তা᳚ন্নূ॒নম্ ॥ 28 ॥
ঘা॒সে অ॑জ্রাণাং॒-যঁব॑সপ্রথমানাম্ । সু॒মত্ক্ষ॑রাণাগ্ম্ শ॒তরু॑দ্রিযাণাম্ ।
অ॒গ্নি॒ষ্বা॒ত্তানা॒-ম্পীবো॑পবসনানাম্ ।
পা॒র্শ্ব॒ত-শ্শ্রো॑ণি॒ত-শ্শি॑তাম॒ত উ॑থ্সাদ॒তঃ । অঙ্গা॑দঙ্গা॒দব॑ত্তানাম্ । কর॑ত এ॒বেন্দ্রা॒গ্নী । জু॒ষেতাগ্ম্॑ হ॒বিঃ । হোত॒র্যজ॑ ॥
দে॒বেভ্যো॑ বনস্পতে হ॒বীগ্ম্ষি॑ ।
হির॑ণ্যপর্ণ প্র॒দিব॑স্তে॒ অর্থ᳚ম্ ॥ 29 ॥
প্র॒দ॒ক্ষি॒ণি-দ্র॑শ॒নযা॑ নি॒যূয॑ । ঋ॒তস্য॑ বক্ষি প॒থিভী॒ রজি॑ষ্ঠৈঃ ॥ হোতা॑ যক্ষ॒-দ্বন॒স্পতি॑ম॒ভি হি । পি॒ষ্টত॑মযা॒ রভি॑ষ্ঠযা রশ॒নযা-ঽঽধি॑ত ।
যত্রে᳚ন্দ্রাগ্নি॒যো-শ্ছাগ॑স্য হ॒বিষঃ॑ প্রি॒যা ধামা॑নি ।
যত্র॒ বন॒স্পতেঃ᳚ প্রি॒যা পাথাগ্ম্॑সি ।
যত্র॑ দে॒বানা॑মাজ্য॒পানা᳚-ম্প্রি॒যা ধামা॑নি । যত্রা॒গ্নের্-হোতুঃ॑ প্রি॒যা ধামা॑নি ।
তত্রৈ॒ত-ম্প্র॒স্তু-ত্যে॑বো-প॒স্তুত্যে॑বো॒পাব॑স্রক্ষত্ ।
রভী॑যাগ্ম্ সমিব কৃ॒ত্বী ॥ 30 ॥
কর॑দে॒ব-ন্দে॒বো বন॒স্পতিঃ॑ । জু॒ষতাগ্ম্॑ হ॒বিঃ । হোত॒র্যজ॑ ॥ পি॒প্রী॒হি দে॒বাগ্ম্ উ॑শ॒তো য॑বিষ্ঠ । বি॒দ্বাং ঋ॒তূগ্ম্র্-ঋ॑তুপতে যজে॒হ ।
যে দৈব্যা॑ ঋ॒ত্বিজ॒স্তেভি॑রগ্নে ।
ত্বগ্ম্ হোতৄ॑ণাম॒স্যায॑জিষ্ঠঃ ॥
হোতা॑ যক্ষদ॒গ্নিগ্গ্ স্বি॑ষ্ট॒কৃত᳚ম্ ।
অযা॑ড॒গ্নি-রি॑ন্দ্রাগ্নি॒যো-শ্ছাগ॑স্য হ॒বিষঃ॑ প্রি॒যা ধামা॑নি । অযা॒ড্বন॒স্পতেঃ᳚ প্রি॒যা পাথাগ্ম্॑সি ।
অযা᳚ড্দে॒বানা॑-মাজ্য॒পানা᳚-ম্প্রি॒যা ধামা॑নি ।
যক্ষ॑দ॒গ্নের্-হোতুঃ॑ প্রি॒যা ধামা॑নি । যক্ষ॒-থ্স্ব-ম্ম॑হি॒মান᳚ম্ । আয॑জতা॒মেজ্যা॒ ইষঃ॑ । কৃ॒ণোতু॒ সো অ॑দ্ধ্ব॒রা জা॒তবে॑দাঃ । জু॒ষতাগ্ম্॑ হ॒বিঃ । হোত॒র্যজ॑ ॥ 31 ॥
(নূ॒ন - মর্থং॑ - কৃ॒ত্বী - পাথাগ্ম্॑সি স॒প্ত চ॑) (অ. 11)
অনুবাকং 12 - তেষামেব যাজ্যাঃ
উপো॑হ॒ যদ্বি॒দথং॑-বাঁ॒জিনো॒ গূঃ । গী॒র্ভি-র্বিপ্রাঃ॒ প্রম॑তি-মি॒চ্ছমা॑নাঃ । অ॒র্বন্তো॒ ন কাষ্ঠা॒-ন্নক্ষ॑মাণাঃ । ই॒ন্দ্রা॒গ্নী জোহু॑বতো॒ নর॒স্তে ॥
বন॑স্পতে রশ॒নযা॑-ঽভি॒ধায॑ । পি॒ষ্টত॑মযা ব॒যুনা॑নি বি॒দ্বান্ । বহ॑ দেব॒ত্রা দি॑ধিষো হ॒বীগ্ম্ষি॑ । প্র চ॑ দা॒তার॑ম॒মৃতে॑ষু বোচঃ ॥ অ॒গ্নিগ্গ্ স্বি॑ষ্ট॒কৃত᳚ম্ । অযা॑ড॒গ্নি-রি॑ন্দ্রাগ্নি॒যো-শ্ছাগ॑স্য হ॒বিষঃ॑ প্রি॒যা ধামা॑নি ॥ 32 ॥
অযা॒ড্বন॒স্পতেঃ᳚ প্রি॒যা পাথাগ্ম্॑সি ।
অযা᳚ড্দে॒বানা॑-মাজ্য॒পানা᳚-ম্প্রি॒যা ধামা॑নি ।
যক্ষ॑দ॒গ্নের্-হোতুঃ॑ প্রি॒যা ধামা॑নি । যক্ষ॒-থ্স্ব-ম্ম॑হি॒মান᳚ম্ । আয॑জতা॒মেজ্যা॒ ইষঃ॑ । কৃ॒ণোতু॒ সো অ॑দ্ধ্ব॒রা জা॒তবে॑দাঃ । জু॒ষতাগ্ম্॑ হ॒বিঃ । অগ্নে॒ যদ॒দ্য বি॒শো অ॑দ্ধ্বরস্য হোতঃ ।
পাব॑ক শোচে॒ বেষ্ট্বগ্ম্ হি যজ্বা᳚ ।
ঋ॒তা য॑জাসি মহি॒না বি য-দ্ভূঃ ।
হ॒ব্যা ব॑হ যবিষ্ঠ॒ যা তে॑ অ॒দ্য ॥ 33 ॥
(ধামা॑নি॒ - ভুরেক॑-ঞ্চ) (অ. 12)
অনুবাকং 13 - অনূযাজপ্রৈষাঃ
দে॒ব-ম্ব॒র্॒হি-স্সু॑দে॒ব-ন্দে॒বৈ-স্স্যা-থ্সু॒বীরং॑-বীঁ॒রৈর্বস্তো᳚-র্বৃ॒জ্যেতা॒ক্তোঃ প্রভ্রি॑-যে॒তাত্য॒ন্যান্-রা॒যা ব॒র্॒হিষ্ম॑তো মদেম বসু॒বনে॑ বসু॒ধেয॑স্য বেতু॒ যজ॑ ॥ দে॒বী-র্দ্বার॑-স্সঙ্ঘা॒তে বি॒ড্বীর্যাম॑ঞ্ছিথি॒রা ধ্রু॒বা দে॒বহূ॑তৌ ব॒থ্স
ঈ॑মেনা॒স্তরু॑ণ॒ আমি॑মীযাত্-কুমা॒রো বা॒ নব॑জাতো॒ মৈনা॒ অর্বা॑ রে॒ণুক॑কাটঃ॒ পৃণ॑গ্বসু॒বনে॑ বসু॒ধেয॑স্য বিযন্তু॒ যজ॑ ॥ দে॒বী উ॒ষাসা॒ নক্তা-ঽদ্যা॒স্মিন্. য॒জ্ঞে প্র॑য॒ত্য॑হ্বেতা॒মপি॑ নূ॒ন-ন্দৈবী॒র্বিশঃ॒ প্রাযা॑সিষ্টা॒গ্ম্॒ সুপ্রী॑তে॒ সুধি॑তে বসু॒বনে॑ বসু॒ধেয॑স্য বীতাং॒-যঁজ॑ ॥
দে॒বী জোষ্ট্রী॒ বসু॑ধিতী॒ যযো॑র॒ন্যা-ঽঘা দ্বেষাগ্ম্॑সি যু॒যব॒দা-ঽন্যা ব॑ক্ষ॒-দ্বসু॒ বার্যা॑ণি॒ যজ॑মানায বসু॒বনে॑ বসু॒ধেয॑স্য বীতাং॒-যঁজ॑ ॥
দে॒বী ঊ॒র্জাহু॑তী॒ ইষ॒মূর্জ॑ম॒ন্যা ব॑ক্ষ॒থ্সগ্ধি॒গ্ম্॒ সপী॑তিম॒ন্যা নবে॑ন॒ পূর্ব॒-ন্দয॑মানা॒-স্স্যাম॑ পুরা॒ণেন॒ নব॒-ন্তামূর্জ॑মূ॒র্জাহু॑তী ঊ॒র্জয॑মানে অধাতাং-বঁসু॒বনে॑ বসু॒ধেয॑স্য বীতাং॒-যঁজ॑ ॥
দে॒বা দৈব্যা॒ হোতা॑রা॒ নেষ্টা॑রা॒ পোতা॑রা হ॒তাঘ॑শগ্ম্সা-বাভ॒রদ্ব॑সূ বসু॒বনে॑ বসু॒ধেয॑স্য বীতাং॒-যঁজ॑ ॥
দে॒বীস্তি॒স্রস্তি॒স্রো দে॒বীরিডা॒ সর॑স্বতী॒ ভার॑তী॒ দ্যা-ম্ভার॑ত্যাদি॒ত্যৈ-র॑স্পৃক্ষ॒-থ্সর॑স্বতী॒মগ্ম্ রু॒দ্রৈ-র্য॒জ্ঞমা॑বী-দি॒হৈবেড॑যা॒ বসু॑মত্যা
সধ॒মাদ॑-ম্মদেম বসু॒বনে॑ বসু॒ধেয॑স্য বিযন্তু॒ যজ॑ ॥
দে॒বো নরা॒শগ্ম্স॑-স্ত্রিশী॒র্॒ষা ষ॑ড॒ক্ষ-শ্শ॒তমিদে॑নগ্ম্ শিতিপৃ॒ষ্ঠা আদ॑ধতি স॒হস্র॑মী॒-ম্প্রব॑হন্তি মি॒ত্রাবরু॒ণেদ॑স্য হো॒ত্রমর্হ॑তো॒
বৃহ॒স্পতি॑-স্স্তো॒ত্রম॒শ্বিনা ঽঽদ্ধ্ব॑র্যবং-বঁসু॒বনে॑ বসু॒ধেয॑স্য বেতু॒ যজ॑ ॥
দে॒বো বন॒স্পতি॑-র্ব॒র্॒ষপ্রা॑বা ঘৃ॒তনি॑র্ণি॒গ্-দ্যা-
মগ্রে॒ণাস্পৃ॑ক্ষ॒দা-ঽন্তরি॑ক্ষ॒-ম্মদ্ধ্যে॑নাপ্রাঃ পৃথি॒বী-মুপ॑রেণাদৃগ্ম্হী-দ্বসু॒বনে॑ বসু॒ধেয॑স্য বেতু॒ যজ॑ ॥
দে॒ব-ম্ব॒র্॒হির্বারি॑তীনা-ন্নি॒ধে ধা॑সি॒ প্রচ্যু॑তীনা॒ম-প্র॑চ্যুত-ন্নিকাম॒ধর॑ণ-ম্পুরুস্পা॒র্॒হং-যঁশ॑স্বদে॒না ব॒র্॒হিষা॒-ঽন্যা ব॒র্॒হীগ্ষ্য॒ভিষ্যা॑ম বসু॒বনে॑ বসু॒ধেয॑স্য বেতু॒ যজ॑ ॥
দে॒বো অ॒গ্নি-স্স্বি॑ষ্ট॒কৃ-থ্সু॒দ্রবি॑ণা ম॒ন্দ্রঃ ক॒বি-স্স॒ত্যম॑ন্মা-ঽঽয॒জী হোতা॒ হোতু॑র্-হোতু॒রায॑জীযা॒নগ্নে॒ যান্-দে॒বানযা॒ড্যাগ্ম্ অপি॑প্রে॒র্যে তে॑ হো॒ত্রে অম॑থ্সত॒ তাগ্ম্ স॑স॒নুষী॒গ্ম্॒ হোত্রা᳚-ন্দেব-ঙ্গ॒মা-ন্দি॒বি দে॒বেষু॑ য॒জ্ঞমের॑যে॒মগ্গ্
স্বি॑ষ্ট॒কৃচ্চাগ্নে॒ হোতা-ঽভূ᳚র্বসু॒বনে॑ বসু॒ধেয॑স্য নমোবা॒কে বীহি॒ যজ॑ ॥ 34 ॥
(যজৈক॑-ঞ্চ) (অ. 13)
অনুবাকং 14 - অনূযাজযাজ্যাঃ
দে॒ব-ম্ব॒র্॒হিঃ । ব॒সু॒বনে॑ বসু॒ধেয॑স্য বেতু ।
দে॒বীর্দ্বারঃ॑ । ব॒সু॒বনে॑ বসু॒ধেয॑স্য বিযন্তু । দে॒বী উ॒ষাসা॒ নক্তা᳚ । ব॒সু॒বনে॑ বসু॒ধেয॑স্য বীতাম্ । দে॒বী জোষ্ট্রী᳚ । ব॒সু॒বনে॑ বসু॒ধেয॑স্য বীতাম্ ।
দে॒বী ঊ॒র্জাহু॑তী । ব॒সু॒বনে॑ বসু॒ধেয॑স্য বীতাম্ ॥ 35 ॥
দে॒বা দৈব্যা॒ হোতা॑রা । ব॒সু॒বনে॑ বসু॒ধেয॑স্য বীতাম্ । দে॒বীস্তি॒স্র-স্তি॒স্রো দে॒বীঃ ।
ব॒সু॒বনে॑ বসু॒ধেয॑স্য বিযন্তু ।
দে॒বো নরা॒শগ্ম্সঃ॑ । ব॒সু॒বনে॑ বসু॒ধেয॑স্য বেতু । দে॒বো বন॒স্পতিঃ॑ । ব॒সু॒বনে॑ বসু॒ধেয॑স্য বেতু । দে॒ব-ম্ব॒র্॒হির্বারি॑তীনাম্ । ব॒সু॒বনে॑ বসু॒ধেয॑স্য বেতু ॥ 36 ॥
দে॒বো অ॒গ্নি-স্স্বি॑ষ্ট॒কৃত্ । সু॒দ্রবি॑ণা ম॒ন্দ্রঃ ক॒বিঃ । স॒ত্যম॑ন্মা-ঽঽয॒জী হোতা᳚ । হোতু॑র্-হোতু॒রায॑জীযান্ ।
অগ্নে॒ যান্দে॒বানযা᳚ট্ । যাগ্ম্ অপি॑প্রেঃ । যে তে॑ হো॒ত্রে অম॑থ্সত । তাগ্ম্ স॑স॒নুষী॒গ্ম্॒ হোত্রা᳚-ন্দেব-ঙ্গ॒মাম্ । দি॒বি দে॒বেষু॑ য॒জ্ঞমের॑যে॒মম্ । স্বি॒ষ্ট॒কৃচ্চাগ্নে॒ হোতা-ঽভূঃ᳚ ।
ব॒সু॒বনে॑ বসু॒ধেয॑স্য নমোবা॒কে বীহি॑ ॥ 37 ॥
(বী॒তাং॒ - ঁবে॒ত্ব - ভূ॒রেক॑-ঞ্চ) (অ. 14)
অনুবাকং 15 - সূক্তবাকপ্রৈষাঃ
অ॒গ্নিম॒দ্য হোতা॑রমবৃণীতা॒যং-যঁজ॑মানঃ॒ পচ॑-ন্প॒ক্তীঃ পচ॑-ন্পুরো॒ডাশং॑
ব॒দ্ধ্ন-ন্নি॑ন্দ্রা॒গ্নিভ্যা॒-ঞ্ছাগগ্ম্॑ সূপ॒স্থা অ॒দ্য দে॒বো বন॒স্পতি॑-রভব-দিন্দ্রা॒গ্নিভ্যা॒-ঞ্ছাগে॒নাঘ॑স্তা॒-ন্ত-ম্মে॑দ॒স্তঃ প্রতি॑ পচ॒তা-ঽগ্র॑ভীষ্টা॒মবী॑বৃধেতা-ম্পুরো॒ডাশে॑ন॒ ত্বাম॒দ্যর্ষ॑ আর্ষেযর্ষীণা-ন্নপাদবৃণীতা॒যং-যঁজ॑মানো ব॒হুভ্য॒ আ সঙ্গ॑তেভ্য এ॒ষ মে॑ দে॒বেষু॒ বসু॒ বার্যা য॑ক্ষ্যত॒ ইতি॒ তা যা
দে॒বা দে॑ব॒-দানা॒ন্যদু॒স্তান্য॑স্মা॒ আ চ॒ শাস্বা চ॑ গুরস্বেষি॒তশ্চ॑ হোত॒রসি॑ ভদ্র॒বাচ্যা॑য॒ প্রেষি॑তো॒ মানু॑ষ-স্সূক্তবা॒কায॑ সূ॒ক্তা ব্রূ॑হি ॥ 38 ॥
(অ॒গ্নিম॒দ্যৈক᳚ম্) (অ. 15)
(অ॒ঞ্জন্তি॒ - হোতা॑ যক্ষ॒থ্ - সমি॑দ্বো অ॒দ্যা - গ্নি - রজৈ॒-দ্- দৈব্যা॑ - জু॒ষস্ - বা বৃ॑ত্রহণা - গী॒র্ভি - স্ত্বগ্গ্ হ্যা - ভ॑রত॒ - মুপো॑হ॒ য-দ্- দে॒ব-ম্ব॒র্॒হি-স্সু॑দে॒বং - দে॒ব-ম্ব॒র্॒হি - র॒গ্নিম॒দ্য পঞ্চ॑দশ)
(অ॒ঞ্জন্ - ত্যু॒পাব॑সৃজ॒ন্ - নান্যা যু॒বত্ - কর॑দে॒ব ম॒ষ্টাত্রিগ্ম্॑শত্)
(অ॒ঞ্জন্তি॑ - সূ॒ক্তা ব্রূ॑হি)
॥ হরিঃ॑ ওম্ ॥
॥ কৃষ্ণ যজুর্বেদীয তৈত্তিরীয ব্রাহ্মণে তৃতীযাষ্টকে ষষ্ঠঃ প্রপাঠক-স্সমাপ্তঃ ॥
