কৃষ্ণ যজুর্বেদীয তৈত্তিরীয ব্রাহ্মণে দ্বিতীযাষ্টকে সপ্তমঃ প্রপাঠকঃ - সবা একাহবিশেষাঃ

ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥

2.7.1 অনুবাকং - বৃহস্পতিসবঃ

ত্রি॒বৃ-থ্স্তোমো॑ ভবতি । ব্র॒হ্ম॒ব॒র্চ॒সং-বৈঁ ত্রি॒বৃত্ । ব্র॒হ্ম॒ব॒র্চ॒সমে॒বাব॑রুন্ধে ॥ অ॒গ্নি॒ষ্টো॒ম-স্সোমো॑ ভবতি । ব্র॒হ্ম॒ব॒র্চ॒সং-বাঁ অ॑গ্নিষ্টো॒মঃ । ব্র॒হ্ম॒ব॒র্চ॒সমে॒বাব॑রুন্ধে ॥ র॒থ॒তংর॒গ্​ম্ সাম॑ ভবতি । ব্র॒হ্ম॒ব॒র্চ॒সং-বৈঁ র॑থন্ত॒রম্ । ব্র॒হ্ম॒ব॒র্চ॒সমে॒বাব॑রুন্ধে ॥ প॒রি॒স্র॒জী হোতা॑ ভবতি ॥ 1 ॥

অ॒রু॒ণো মি॑র্মি॒রস্ত্রিশু॑ক্রঃ । এ॒ত-দ্বৈ ব্র॑হ্মবর্চ॒সস্য॑ রূ॒পম্ । রূ॒পেণৈ॒ব ব্র॑হ্মবর্চ॒সমব॑রুন্ধে ॥ বৃহ॒স্পতি॑-রকামযত দে॒বানা᳚-ম্পুরো॒ধা-ঙ্গ॑চ্ছেয॒মিতি॑ । স এ॒ত-ম্বৃ॑হস্পতিস॒বম॑পশ্যত্ । তমা-ঽহ॑রত্ । তেনা॑যজত । ততো॒ বৈ স দে॒বানা᳚-ম্পুরো॒ধা-ম॑গচ্ছত্ । যঃ পু॑রো॒ধাকা॑ম॒-স্স্যাত্ । স বৃ॑হস্পতিস॒বেন॑ যজেত ॥ 2 ॥

পু॒রো॒ধামে॒ব গ॑চ্ছতি ॥ তস্য॑ প্রাতস্সব॒নে স॒ন্নেষু॑ নারাশ॒গ্​ম্॒সেষু॑ । একা॑দশ॒ দক্ষি॑ণা নীযন্তে । একা॑দশ॒ মাদ্ধ্য॑দিন্নে॒ সব॑নে স॒ন্নেষু॑ নারাশ॒গ্​ম্॒সেষু॑ । একা॑দশ তৃতীযসব॒নে স॒ন্নেষু॑ নারাশ॒গ্​ম্॒সেষু॑ । ত্রয॑স্ত্রিগ্​ম্শ॒-থ্সম্প॑দ্যন্তে । ত্রয॑স্ত্রিগ্​ম্শ॒-দ্বৈ দে॒বতাঃ᳚ । দে॒বতা॑ এ॒বাব॑রুন্ধে ॥ অশ্ব॑শ্চতুস্ত্রি॒গ্​ম্॒শঃ । প্রা॒জা॒প॒ত্যো বা অশ্বঃ॑ ॥ 3 ॥

প্র॒জাপ॑তি-শ্চতুস্ত্রি॒গ্​ম্॒শো দে॒বতা॑নাম্ । যাব॑তীরে॒ব দে॒বতাঃ᳚ । তা এ॒বাব॑রুন্ধে ॥ কৃ॒ষ্ণা॒জি॒নে॑ ঽভিষি॑ঞ্চতি । ব্রহ্ম॑ণো॒ বা এ॒ত-দ্রূ॒পম্ । য-ত্কৃ॑ষ্ণাজি॒নম্ । ব্র॒হ্ম॒ব॒র্চ॒সেনৈ॒বৈন॒গ্​ম্॒ সম॑র্ধযতি ॥ আজ্যে॑না॒ভিষি॑ঞ্চতি । তেজো॒ বা আজ্য᳚ম্ । তেজ॑ এ॒বাস্মি॑-ন্দধাতি ॥ 4 ॥
(হোতা॑ ভবতি - যজেত॒ - বা অশ্বো॑ - দধাতি) (অ. 1)

2.7.2 অনুবাকং - বৈশ্যসবঃ
যদা᳚গ্নে॒যো ভব॑তি । অ॒গ্নিমু॑খা॒ হ্যৃদ্ধিঃ॑ ॥ অথ॒ য-ত্পৌ॒ষ্ণঃ । পুষ্টি॒র্বৈ পূ॒ষা । পুষ্টি॒-র্বৈশ্য॑স্য । পুষ্টি॑মে॒বাব॑রুন্ধে ॥ প্র॒স॒বায॑ সাবি॒ত্রঃ ॥ অথ॒ য-ত্ত্বা॒ষ্ট্রঃ । ত্বষ্টা॒ হি রূ॒পাণি॑ বিক॒রোতি॑ ॥ নি॒র্ব॒রু॒ণ॒ত্বায॑ বারু॒ণঃ ॥ 5 ॥

অথো॒ য এ॒ব কশ্চ॒ সন্​থ্সূ॒যতে᳚ । স হি বা॑রু॒ণঃ ॥ অথ॒ য-দ্বৈ᳚শ্বদে॒বঃ । বৈ॒শ্ব॒দে॒বো হি বৈশ্যঃ॑ ॥ অথ॒ য-ন্মা॑রু॒তঃ । মা॒রু॒তো হি বৈশ্যঃ॑ ॥ স॒প্তৈতানি॑ হ॒বীগ্​ম্ষি॑ ভবন্তি । স॒প্তগ॑ণা॒ বৈ ম॒রুতঃ॑ ॥ পৃশ্নিঃ॑ পষ্ঠৌ॒হী মা॑রু॒ত্যাল॑ভ্যতে । বিড্বৈ ম॒রুতঃ॑ ॥ বিশ॑ এ॒বৈত-ন্ম॑দ্ধ্য॒তো॑-ঽভিষি॑চ্যতে । তস্মা॒-দ্বা এ॒ষ বি॒শঃ প্রি॒যঃ । বি॒শো হি ম॑দ্ধ্য॒তো॑-ঽভিষি॒চ্যতে᳚ ॥ ঋ॒ষ॒ভ॒চ॒র্মে-ঽদ্ধ্য॒ভিষি॑ঞ্চতি । স হি প্র॑জনযি॒তা ॥ দ॒দ্ধ্না-ঽভিষি॑ঞ্চতি । ঊর্গ্বা অ॒ন্নাদ্য॒-ন্দধি॑ । ঊ॒র্জৈবৈন॑-ম॒ন্নাদ্যে॑ন॒ সম॑র্ধযতি ॥ 6 ॥
(বা॒রু॒ণো - বিড্বৈ ম॒রুতো॒-ঽষ্টৌ চ॑) (অ. 2)

অনুবাকং 3 - ব্রাহ্মণসবঃ
যদা᳚গ্নে॒যো ভব॑তি । আ॒গ্নে॒যো বৈ ব্রা᳚হ্ম॒ণঃ ॥ অথ॒ য-থ্সৌ॒ম্যঃ । সৌ॒ম্যো হি ব্রা᳚হ্ম॒ণঃ ॥ প্র॒স॒বাযৈ॒ব সা॑বি॒ত্রঃ ॥ অথ॒ য-দ্বা॑র্​হস্প॒ত্যঃ । এ॒তদ্বৈ ব্রা᳚হ্ম॒ণস্য॑ বাক্প॒তীয᳚ম্ ॥ অথ॒ যদ॑গ্নীষো॒মীযঃ॑ । আ॒গ্নে॒যো বৈ ব্রা᳚হ্ম॒ণঃ । তৌ য॒দা স॒গঞ্চ্ছে॑তে ॥ 7 ॥

অথ॑ বী॒র্যা॑বত্তরো ভবতি ॥ অথ॒ য-থ্সা॑রস্ব॒তঃ । এ॒তদ্ধি প্র॒ত্যক্ষ॑-ম্ব্রাহ্ম॒ণস্য॑ বাক্প॒তীয᳚ম্ ॥ নি॒র্ব॒রু॒ণ॒ত্বাযৈ॒ব বা॑রু॒ণঃ । অথো॒ য এ॒ব কশ্চ॒ সন্​থ্সূ॒যতে᳚ । স হি বা॑রু॒ণঃ ॥ অথ॒ য-দ্দ্যা॑বাপৃথি॒ব্যঃ॑ । ইন্দ্রো॑ বৃ॒ত্রায॒ বজ্র॒মুদ॑যচ্ছত্ । ত-ন্দ্যাবা॑পৃথি॒বী নান্ব॑মন্যেতাম্ । তমে॒তেনৈ॒ব ভা॑গ॒ধেযে॒না-ন্ব॑মন্যেতাম্ ॥ 8 ॥

বজ্র॑স্য॒ বা এ॒ষো॑-ঽনুমা॒নায॑ । অনু॑মতবজ্র-স্সূযাতা॒ ইতি॑ ॥ অ॒ষ্টাবে॒তানি॑ হ॒বীগ্​ম্ষি॑ ভবন্তি । অ॒ষ্টাক্ষ॑রা গায॒ত্রী । গা॒য॒ত্রী ব্র॑হ্মবর্চ॒সম্ । গা॒য॒ত্রি॒যৈব ব্র॑হ্মবর্চ॒সমব॑রুন্ধে ॥ হির॑ণ্যেন ঘৃ॒তমু-ত্পু॑নাতি । তেজ॑স এ॒ব রু॒চে ॥ কৃ॒ষ্ণা॒জি॒নে॑-ঽভিষি॑ঞ্চতি । ব্রহ্ম॑ণো॒ বা এ॒তদৃ॑খ্সা॒মযো॑ রূ॒পম্ । য-ত্কৃ॑ষ্ণাজি॒নম্ । ব্রহ্ম॑ন্নে॒বৈন॑-মৃখ্সা॒মযো॒-রদ্ধ্য॒ভিষি॑ঞ্চতি ॥ ঘৃ॒তেনা॒-ভিষি॑ঞ্চতি । তথা॑ বী॒র্যা॑বত্তরো ভবতি ॥ 9 ॥
(স॒গঞ্চ্ছে॑তে - ভাগ॒ধেযে॒নান্ব॑মন্যেতাগ্​ম্ - রূ॒প-ঞ্চ॒ত্বারি॑ চ) (অ. 3)

অনুবাকং 4 - সোমসবঃ
ন বৈ সোমে॑ন॒ সোম॑স্য স॒বো᳚-ঽস্তি । হ॒তো হ্যে॑ষঃ । অ॒ভিষু॑তো॒ হ্যে॑ষঃ । ন হি হ॒ত-স্সূ॒যতে᳚ । সৌ॒মীগ্​ম্ সূ॒তব॑শা॒মাল॑ভতে । সোমো॒ বৈ রে॑তো॒ধাঃ । রেত॑ এ॒ব ত-দ্দ॑ধাতি ॥ সৌ॒ম্যর্চা ঽভিষি॑ঞ্চতি । রে॒তো॒ধা হ্য॑ষা । রেত॒-স্সোমঃ॑ । রেত॑ এ॒বাস্মি॑-ন্দধাতি ॥ য-ত্কিঞ্চ রাজ॒সূয॑মৃ॒তে সোম᳚ম্ । ত-থ্সর্ব॑-ম্ভবতি ॥ অষা॑ঢং-যুঁ॒থ্সু পৃত॑নাসু॒ পপ্রি᳚ম্ । সু॒ব॒র॒.ষাম॒ফ্স্বাং-বৃঁ॒জন॑স্য গো॒পাম্ । ভ॒রে॒ষু॒জাগ্​ম্ সু॑ক্ষি॒তিগ্​ম্ সু॒শ্রব॑সম্ । জয॑ন্ত॒-ন্ত্বামনু॑ মদেম সোম ॥ 10 ॥
(রেত॒-স্সোম॑-স্স॒প্ত চ॑ ) (অ. 4)

অনুবাকং 5 - পৃথিসবঃ
যো বৈ সোমে॑ন সূ॒যতে᳚ । স দে॑বস॒বঃ । যঃ প॒শুনা॑ সূ॒যতে᳚ । স দে॑বস॒বঃ । য ইষ্ট্যা॑ সূ॒যতে᳚ । স ম॑নুষ্যস॒বঃ । এ॒তং-বৈঁ পৃথ॑যে দে॒বাঃ প্রায॑চ্ছন্ন্ । ততো॒ বৈ সো-ঽপ্যা॑র॒ণ্যানা᳚-ম্পশূ॒নাম॑সূযত । যাব॑তীঃ॒ কিয॑তীশ্চ প্র॒জা বাচং॒-বঁদ॑ন্তি । তাসা॒গ্​ম্॒ সর্বা॑সাগ্​ম্ সূযতে ॥ 11 ॥

য এ॒তেন॒ যজ॑তে । য উ॑ চৈনমে॒বং-বেঁদ॑ ॥ না॒রা॒শ॒গ্গ্॒স্যর্চা ঽভিষি॑ঞ্চতি । ম॒নু॒ষ্যা॑ বৈ নরা॒শগ্​ম্সঃ॑ । নি॒হ্নুত্য॒ বাবৈতত্ । অথা॒ভিষি॑ঞ্চতি ॥ য-ত্কিঞ্চ॑ রাজ॒সূয॑-মনুত্তরবে॒দীক᳚ম্ । ত-থ্সর্ব॑-ম্ভবতি ॥ যে মে॑ পঞ্চা॒শত॑-ন্দ॒দুঃ । অশ্বা॑নাগ্​ম্ স॒ধস্তু॑তিঃ । দ্যু॒মদ॑গ্নে॒ মহি॒ শ্রবঃ॑ । বৃ॒হ-ত্কৃ॑ধি ম॒ঘোনা᳚ম্ । নৃ॒বদ॑মৃত নৃ॒ণাম্ ॥ 12 ॥
(সূ॒য॒তে॒ - স॒ধস্তু॑তি॒স্ত্রীণি॑ চ) (অ. 5)

অনুবাকং 6 - গোসবঃ
এ॒ষ গো॑স॒বঃ । ষ॒ট্ত্রি॒গ্​ম্॒শ উ॒ক্থ্যো॑ বৃ॒হ-থ্সা॑মা । পব॑মানে কণ্বরথন্ত॒র-ম্ভ॑বতি ॥ যো বৈ বা॑জ॒পেযঃ॑ । স স॑ম্রাট্থ্স॒বঃ । যো রা॑জ॒সূযঃ॑ । স ব॑রুণস॒বঃ । প্র॒জাপ॑তি॒-স্স্বারা᳚জ্য-ম্পরমে॒ষ্ঠী । স্বারা᳚জ্য॒-ঙ্গৌরে॒ব ॥ গৌরি॑ব ভবতি ॥ 13 ॥

য এ॒তেন॒ যজ॑তে । য উ॑ চৈনমে॒বং-বেঁদ॑ ॥ উ॒ভে বৃ॑হ-দ্রথন্ত॒রে ভ॑বতঃ । তদ্ধি স্বারা᳚জ্যম্ ॥ অ॒যুত॒-ন্দক্ষি॑ণাঃ । তদ্ধি স্বারা᳚জ্যম্ ॥ প্র॒তি॒ধুষা॒ ঽভিষি॑ঞ্চতি । তদ্ধি স্বারা᳚জ্যম্ ॥ অনু॑দ্ধতে॒ বেদ্যৈ॑ দক্ষিণ॒ত আ॑হব॒নীয॑স্য বৃহ॒ত-স্স্তো॒ত্র-ম্প্রত্য॒ভিষি॑ঞ্চতি । ই॒যং-বাঁব র॑থন্ত॒রম্ ॥ 14 ॥

অ॒সৌ বৃ॒হত্ । অ॒নযো॑রে॒বৈন॒-মন॑ন্তর্​হিত-ম॒ভিষি॑ঞ্চতি ॥ প॒শু॒স্তো॒মো বা এ॒ষঃ । তেন॑ গোস॒বঃ । ষ॒ট্ত্রি॒গ্​ম্॒শ-স্সর্বঃ॑ ॥ রে॒বজ্জা॒ত-স্সহ॑সা বৃ॒দ্ধঃ । ক্ষ॒ত্রাণা᳚-ঙ্ক্ষত্র॒ভৃত্ত॑মো বযো॒ধাঃ । ম॒হা-ন্ম॑হি॒ত্বে ত॑স্তভা॒নঃ । ক্ষ॒ত্রে রা॒ষ্ট্রে চ॑ জাগৃহি । প্র॒জাপ॑তেস্ত্বা পরমে॒ষ্ঠিন॒-স্স্বারা᳚জ্যেনা॒ভিষি॑ঞ্চা॒-মীত্যা॑হ ॥ স্বারা᳚জ্য-মে॒বৈন॑-ঙ্গমযতি ॥ 15 ॥
(ই॒ব॒ ভ॒ব॒তি॒ - র॒থ॒ন্ত॒র - মা॒হৈক॑-ঞ্চ) (অ. 6)

অনুবাকং 7 - ওদনসবমন্ত্রাঃ
সি॒গ্​ম্॒হে ব্যা॒ঘ্র উ॒ত যা পৃদা॑কৌ । ত্বিষি॑র॒গ্নৌ ব্রা᳚হ্ম॒ণে সূর্যে॒ যা । ইন্দ্রং॒-যাঁ দে॒বী সু॒ভগা॑ জ॒জান॑ । সা ন॒ আগ॒ন্ বর্চ॑সা সং​বিঁদা॒না ॥ যা রা॑জ॒ন্যে॑ দুন্দু॒ভাবায॑তাযাম্ । অশ্ব॑স্য॒ ক্রন্দ্যে॒ পুরু॑ষস্য মা॒যৌ । ইন্দ্রং॒-যাঁ দে॒বী সু॒ভগা॑ জ॒জান॑ । সা ন॒ আগ॒ন্ বর্চ॑সা সং​বিঁদা॒না ॥ যা হ॒স্তিনি॑ দ্বী॒পিনি॒ যা হির॑ণ্যে । ত্বিষি॒-রশ্বে॑ষু॒ পুরু॑ষেষু॒ গোষু॑ ॥ 16 ॥

ইন্দ্রং॒-যাঁ দে॒বী সু॒ভগা॑ জ॒জান॑ । সা ন॒ আগ॒ন্ বর্চ॑সা সং​বিঁদা॒না ॥ রথে॑ অ॒ক্ষেষু॑ বৃষ॒ভস্য॒ বাজে᳚ । বাতে॑ প॒র্জন্যে॒ বরু॑ণস্য॒ শুষ্মে᳚ । ইন্দ্রং॒-যাঁ দে॒বী সু॒ভগা॑ জ॒জান॑ । সা ন॒ আগ॒ন্ বর্চ॑সা সং​বিঁদা॒না ॥ রাড॑সি বি॒রাড॑সি । স॒ম্রাড॑সি স্ব॒রাড॑সি ॥ ইন্দ্রা॑য ত্বা॒ তেজ॑স্বতে॒ তেজ॑স্বন্তগ্গ্​ শ্রীণামি । ইন্দ্রা॑য॒ ত্বৌজ॑স্বত॒ ওজ॑সবন্তগ্গ্​ শ্রীণামি ॥ 17 ॥

ইন্দ্রা॑য ত্বা॒ পয॑স্বতে॒ পয॑স্বন্তগ্গ্​ শ্রীণামি । ইন্দ্রা॑য॒ ত্বা-ঽঽযু॑ষ্মত॒ আযু॑ষ্মন্তগ্গ্​ শ্রীণামি ॥ তেজো॑-ঽসি । ত-ত্তে॒ প্রয॑চ্ছামি । তেজ॑স্বদস্তু মে॒ মুখ᳚ম্ । তেজ॑স্ব॒চ্ছিরো॑ অস্তু মে । তেজ॑স্বান্. বি॒শ্বতঃ॑ প্র॒ত্যম্ । তেজ॑সা॒ সম্পি॑পৃগ্ধি মা ॥ ওজো॑-ঽসি । ত-ত্তে॒ প্রয॑চ্ছামি ॥ 18 ॥

ওজ॑স্বদস্তু মে॒ মুখ᳚ম্ । ওজ॑স্ব॒চ্ছিরো॑ অস্তু মে । ওজ॑স্বান্. বি॒শ্বতঃ॑ প্র॒ত্যম্ । ওজ॑সা॒ সম্পি॑পৃগ্ধি মা ॥ পযো॑-ঽসি । তত্তে॒ প্রয॑চ্ছামি । পয॑স্বদস্তু মে॒ মুখ᳚ম্ । পয॑স্ব॒চ্ছিরো॑ অস্তু মে । পয॑স্বান্. বি॒শ্বতঃ॑ প্র॒ত্যম্ । পয॑সা॒ সম্পি॑পৃগ্ধি মা ॥ 19 ॥

আযু॑রসি । ত-ত্তে॒ প্রয॑চ্ছামি । আযু॑ষ্মদস্তু মে॒ মুখ᳚ম্ । আযু॑ষ্ম॒চ্ছিরো॑ অস্তু মে । আযু॑ষ্মান্. বি॒শ্বতঃ॑ প্র॒ত্যম্ । আযু॑ষা॒ সম্পি॑পৃগ্ধি মা ॥ ই॒মম॑গ্ন॒ আযু॑ষে॒ বর্চ॑সে কৃধি । প্রি॒যগ্​ম্ রেতো॑ বরুণ সোম রাজন্ন্ । মা॒তেবা᳚স্মা অদিতে॒ শর্ম॑ যচ্ছ । বিশ্বে॑ দেবা॒ জর॑দষ্টি॒র্যথা ঽস॑ত্ ॥ 20 ॥

আযু॑রসি বি॒শ্বাযু॑রসি । স॒র্বাযু॑রসি॒ সর্ব॒মাযু॑রসি ॥ যতো॒ বাতো॒ মনো॑ জবাঃ । যতঃ॒, ক্ষর॑ন্তি॒ সিন্ধ॑বঃ । তাসা᳚-ন্ত্বা॒ সর্বা॑সাগ্​ম্ রু॒চা । অ॒ভিষি॑ঞ্চামি॒ বর্চ॑সা ॥ স॒মু॒দ্র ই॑বাসি গ॒হ্মনা᳚ । সোম॑ ইবা॒স্যদা᳚ভ্যঃ । অ॒গ্নিরি॑ব বি॒শ্বতঃ॑ প্র॒ত্যম্ । সূর্য॑ ইব॒ জ্যোতি॑ষা বি॒ভূঃ ॥ 21 ॥

অ॒পাং-যোঁ দ্রব॑ণে॒ রসঃ॑ । তম॒হম॒স্মা আ॑মুষ্যায॒ণায॑ । তেজ॑সে ব্রহ্মবর্চ॒সায॑ গৃহ্ণামি । অ॒পাং-যঁ ঊ॒র্মৌ রসঃ॑ । তম॒হম॒স্মা আ॑মুষ্যায॒ণায॑ । ওজ॑সে বী॒র্যা॑য গৃহ্ণামি । অ॒পাং-যোঁ ম॑দ্ধ্য॒তো রসঃ॑ । তম॒হম॒স্মা আ॑মুষ্যায॒ণায॑ । পুষ্ট্যৈ᳚ প্র॒জন॑নায গৃহ্ণামি । অ॒পাং-যোঁ য॒জ্ঞিযো॒ রসঃ॑ । তম॒হম॒স্মা আ॑মুষ্যায॒ণায॑ । আযু॑ষে দীর্ঘাযু॒ত্বায॑ গৃহ্ণামি ॥ 22 ॥
(গোষ্ - বোজ॑স্বন্তগ্গ্​ শ্রীণা॒ - ম্যোজো॑-ঽসি॒ তত্তে॒ প্রয॑চ্ছামি॒ - পয॑সা॒ সম্পি॑পৃগ্ধি॒ মা-স॑-দ্- বি॒ভূ--র্ য॒জ্ঞিযো॒ রসো॒ দ্বে চ॑) (অ. 7)

অনুবাকং 8 - ওদনসবগতা স্থারোহণমন্ত্রাঃ
অ॒ভিপ্রেহি॑ বী॒রয॑স্ব । উ॒গ্রশ্চেত্তা॑ সপত্ন॒হা ॥ আতি॑ষ্ঠ মিত্র॒বর্ধ॑নঃ । তুভ্য॑-ন্দে॒বা অধি॑ব্রবন্ন্ ॥ অ॒ঙ্কৌন্য॒ঙ্কা ব॒ভিতো॒ রথং॒-যৌঁ ধ্বা॒ন্তং-বাঁ॑তা॒গ্রমনু॑ স॒চংর॑ন্তৌ দূ॒রে হে॑তিরিন্দ্রি॒যাবা᳚-ন্পত॒ত্রী তে নো॒-ঽগ্নযঃ॒ পপ্র॑যঃ পারযন্তু ॥ শমে অস্ ইতে-ন্নো. ॥ আ॒তিষ্ঠ॑ন্ত॒-ম্পরি॒ বিশ্বে॑ অভূষন্ন্ । শ্রিযং॒-বঁসা॑নশ্চরতি॒ স্বরো॑চাঃ । ম॒হত্-তদ॒স্যাসু॑রস্য॒ নাম॑ । আ বি॒শ্বরূ॑পো অ॒মৃতা॑নি তস্থৌ ॥ অনু॒ ত্বেন্দ্রো॑ মদ॒ত্বনু॒ বৃহ॒স্পতিঃ॑ ॥ 23 ॥

অনু॒ সোমো॒ অন্ব॒গ্নিরা॑বীত্ । অনু॑ ত্বা॒ বিশ্বে॑ দে॒বা অ॑বন্তু । অনু॑ স॒প্ত রাজা॑নো॒ য উ॒তাভিষি॑ক্তাঃ ॥ অনু॑ ত্বা মি॒ত্রাবরু॑ণাবি॒হাব॑তম্ । অনু॒ দ্যাবা॑পৃথি॒বী বি॒শ্বশ॑ভূম্ । সূর্যো॒ অহো॑ভি॒রনু॑ ত্বা-ঽবতু । চ॒ন্দ্রমা॒ নক্ষ॑ত্রৈ॒রনু॑ ত্বা-ঽবতু ॥ দ্যৌশ্চ॑ ত্বা পৃথি॒বী চ॒ প্রচে॑তসা । শু॒ক্রো বৃ॒হ-দ্দক্ষি॑ণা ত্বা পিপর্তু । অনু॑ স্ব॒ধা চি॑কিতা॒গ্​ম্॒ সোমো॑ অ॒গ্নিঃ । আ-ঽয-ম্পৃ॑ণক্তু॒ রজ॑সী উ॒পস্থ᳚ম্ ॥ 24 ॥
(বৃহ॒স্পতিঃ॒ - সোমো॑ অ॒গ্নিরেক॑-ঞ্চ) (অ. 8)

অনুবাকং 9 - ওদনসবঃ
প্র॒জাপ॑তিঃ প্র॒জা অ॑সৃজত । তা অ॑স্মা-থ্সৃ॒ষ্টাঃ পরা॑চীরাযন্ন্ । স এ॒ত-ম্প্র॒জাপ॑তিরোদ॒ন-ম॑পশ্যত্ । সো-ঽন্ন॑-ম্ভূ॒তো॑-ঽতিষ্ঠত্ । তা অ॒ন্যত্রা॒ন্নাদ্য॒মবি॑ত্ত্বা । প্র॒জাপ॑তি-ম্প্র॒জা উ॒পাব॑র্তন্ত । অন্ন॑মে॒বৈন॑-ম্ভূ॒ত-ম্পশ্য॑ন্তীঃ প্র॒জা উ॒পাব॑র্তন্তে । য এ॒তেন॒ যজ॑তে । য উ॑ চৈনমে॒বং-বেঁদ॑ ॥ সর্বা॒ণ্যন্না॑নি ভবন্তি ॥ 25 ॥

সর্বে॒ পুরু॑ষাঃ । সর্বা᳚ণ্যে॒বান্না॒ন্যব॑রুন্ধে । সর্বা॒-ন্পুরু॑ষান্ ॥ রাড॑সি বি॒রাড॒সীত্যা॑হ । স্বারা᳚জ্যমে॒বৈন॑-ঙ্গমযতি ॥ যদ্ধির॑ণ্য॒-ন্দদা॑তি । তেজ॒স্তেনাব॑রুন্ধে । যত্তি॑সৃধ॒ন্বম্ । বী॒র্য॑-ন্তেন॑ । যদষ্ট্রা᳚ম্ ॥ 26 ॥

পুষ্টি॒-ন্তেন॑ । যত্-ক॑ম॒ণ্ডলু᳚ম্ । আযু॒ষ্টেন॑ ॥ যদ্ধির॑ণ্যমাব॒দ্ধ্নাতি॑ । জ্যোতি॒র্বৈ হির॑ণ্যম্ । জ্যোতি॑রে॒বাস্মি॑ন্-দধাতি । অথো॒ তেজো॒ বৈ হির॑ণ্যম্ । তেজ॑ এ॒বাত্ম-ন্ধ॑ত্তে ॥ যদো॑দ॒ন-ম্প্রা॒শ্নাতি॑ । এ॒তদে॒ব সর্ব॑মব॒রুদ্ধ্য॑ ॥ 27 ॥

তদ॑স্মি-ন্নেক॒ধা-ঽধা᳚ত্ ॥ রো॒হি॒ণ্যা-ঙ্কা॒র্যঃ॑ । যদ্ব্রা᳚হ্ম॒ণ এ॒ব রো॑হি॒ণী । তস্মা॑দে॒ব । অথো॒ বর্​ষ্মৈ॒বৈনগ্​ম্॑ সমা॒নানা᳚-ঙ্করোতি ॥ উ॒দ্য॒তা সূর্যে॑ণ কা॒র্যঃ॑ । উ॒দ্যন্তং॒-বাঁ এ॒তগ্​ম্ সর্বাঃ᳚ প্র॒জাঃ প্রতি॑নন্দন্তি ॥ দি॒দৃ॒ক্ষেণ্যো॑ দর্​শ॒নীযো॑ ভবতি । য এ॒বং-বেঁদ॑ ॥ ব্র॒হ্ম॒বা॒দিনো॑ বদন্তি ॥ 28 ॥

অ॒বেত্যো॑-ঽবভৃ॒থা(3) না(3) ইতি॑ । য-দ্দ॑র্ভপুঞ্জী॒লৈঃ প॒বয॑তি । ত-থ্স্বি॑দে॒বাবৈ॑তি । তন্নাবৈ॑তি ॥ ত্রি॒ভিঃ প॑বযতি । ত্রয॑ ই॒মে লো॒কাঃ । এ॒ভিরে॒বৈনং॑-লোঁ॒কৈঃ প॑বযতি । অথো॑ অ॒পাং-বাঁ এ॒ত-ত্তেজো॒ বর্চঃ॑ । য-দ্দ॒র্ভাঃ । য-দ্দ॑র্ভপুঞ্জী॒লৈঃ প॒বয॑তি । অ॒পামে॒বৈন॒-ন্তেজ॑সা॒ বর্চ॑সা॒-ঽভিষি॑ঞ্চতি ॥ 29 ॥
(ভ॒ব॒ - ন্ত্যষ্ট্রা॑ - মব॒রুদ্ধ্য॑ - বদন্তি - দ॒র্ভা য-দ্দ॑র্ভপুঞ্জী॒লৈঃ প॒বয॒ত্যেক॑-ঞ্চ ) (অ. 9)

অনুবাকং 10 - পঞ্চশারদীযবিধিঃ
প্র॒জাপ॑তিরকামযত ব॒হোর্ভূযা᳚ন্-থ্স্যা॒মিতি॑ । স এ॒ত-ম্প॑ঞ্চশার॒দীয॑-মপশ্যত্ । তমা-ঽহ॑রত্ । তেনা॑যজত । ততো॒ বৈ স ব॒হোর্ভূযা॑-নভবত্ । যঃ কা॒মযে॑ত ব॒হোর্ভূযা᳚ন্-থ্স্যা॒মিতি॑ । স প॑ঞ্চশার॒দীযে॑ন যজেত । ব॒হোরে॒ব ভূযা᳚-ন্ভবতি ॥ ম॒রু॒-থ্স্তো॒মো বা এ॒ষঃ । ম॒রুতো॒ হি দে॒বানা॒-ম্ভূযি॑ষ্ঠাঃ ॥ 30 ॥

ব॒হুর্ভ॑বতি । য এ॒তেন॒ যজ॑তে । য উ॑ চৈনমে॒বং-বেঁদ॑ ॥ প॒ঞ্চ॒শা॒র॒দীযো॑ ভবতি । পঞ্চ॒ বা ঋ॒তব॑-স্সং​বঁথ্স॒রঃ । ঋ॒তুষ্বে॒ব সং॑​বঁথ্স॒রে প্রতি॑তিষ্ঠতি । অথো॒ পঞ্চা᳚ক্ষরা প॒ঙ্ক্তিঃ । পাঙ্ক্তো॑ য॒জ্ঞঃ । য॒জ্ঞমে॒বাব॑রুন্ধে ॥ স॒প্ত॒দ॒শগ্গ্​ স্তোমা॒ নাতি॑যন্তি । স॒প্ত॒দ॒শঃ প্র॒জাপ॑তিঃ । প্র॒জাপ॑তে॒রাপ্ত্যৈ᳚ ॥ 31 ॥
(ভূযি॑ষ্ঠা - যন্তি॒ দ্বে চ॑) (অ. 10)

অনুবাকং 11 - পঞ্চশারদীযগতপশুবিধিঃ
অ॒গস্যো॑ ম॒রুদ্ভ্য॑ উ॒ক্ষ্ণঃ প্রৌক্ষ॑ত্ । তানিন্দ্র॒ আদ॑ত্ত । ত এ॑নং॒-বঁজ্র॑মু॒দ্যত্যা॒ভ্যা॑যন্ত । তান॒গস্ত্য॑শ্চৈ॒বেন্দ্র॑শ্চ কযাশু॒ভীযে॑নাশমযতাম্ । তাঞ্ছা॒-ন্তানুপা᳚হ্বযত । য-ত্ক॑যাশু॒ভীয॒-ম্ভব॑তি॒ শান্ত্যৈ᳚ ॥ তস্মা॑দে॒ত ঐ᳚ন্দ্রা মারু॒তা উ॒ক্ষাণ॑-স্সব॒নীযা॑ ভবন্তি । ত্রযঃ॑ প্রথ॒মে-ঽহ॒ন্নাল॑ভ্যন্তে । এ॒ব-ন্দ্বি॒তীযে᳚ । এ॒ব-ন্তৃ॒তীযে᳚ ॥ 32 ॥

এ॒ব-ঞ্চ॑তু॒র্থে । পঞ্চো᳚ত্ত॒মে-ঽহ॒ন্নাল॑ভ্যন্তে । বর্​ষি॑ষ্ঠমিব॒ হ্যে॑তদহঃ॑ ॥ বর্​ষি॑ষ্ঠ-স্সমা॒নানা᳚-ম্ভবতি । য এ॒তেন॒ যজ॑তে । য উ॑ চৈনমে॒বং-বেঁদ॑ ॥ স্বারা᳚জ্যং॒-বাঁ এ॒ষ য॒জ্ঞঃ । এ॒তেন॒ বা এক॒যাবা॑ কান্দ॒ম-স্স্বারা᳚জ্য-মগচ্ছত্ ॥ স্বারা᳚জ্য-ঙ্গচ্ছতি । য এ॒তেন॒ যজ॑তে ॥ 33 ॥

য উ॑ চৈনমে॒বং-বেঁদ॑ ॥ মা॒রু॒তো বা এ॒ষ স্তোমঃ॑ । এ॒তেন॒ বৈ ম॒রুতো॑ দে॒বানা॒-ম্ভূযি॑ষ্ঠা অভবন্ন্ । ভূযি॑ষ্ঠ-স্সমা॒নানা᳚-ম্ভবতি । য এ॒তেন॒ যজ॑তে । য উ॑ চৈনমে॒বং-বেঁদ॑ ॥ প॒ঞ্চ॒শা॒র॒দীযো॒ বা এ॒ষ য॒জ্ঞঃ । আ প॑ঞ্চ॒মাত্-পুরু॑ষা॒দন্ন॑মত্তি । য এ॒তেন॒ যজ॑তে । য উ॑ চৈনমে॒বং-বেঁদ॑ ॥ স॒প্ত॒দ॒শগ্গ্​ স্তোমা॒ নাতি॑যন্তি । স॒প্ত॒দ॒শঃ প্র॒জাপ॑তিঃ । প্র॒জাপ॑তেরে॒ব নৈতি॑ ॥ 34 ॥
(তৃ॒তীযে॑ - গচ্ছতি॒ য এ॒তেন॒ যজ॑তে - ঽত্তি॒ য এ॒তেন॒ যজ॑তে॒ য উ॑ চৈনমে॒বং-বেঁদ॒ ত্রীণি॑ চ) (অ. 11)

(অ॒গস্ত্য॒-স্স্বারা᳚জ্য-ম্মারু॒তঃ প॑ঞ্চশার॒দীযো॒ বা এ॒ষ য॒জ্ঞ-স্স॑প্তদ॒শং
প্র॒জাপ॑তেরে॒ব নৈতি॑)

অনুবাকং 12 - অগ্নিষ্টুদ্যাগে গ্রহাণা-ম্পুরোরুচঃ
অ॒স্যাজরা॑সো দ॒মা ম॒রিত্রাঃ᳚ । অ॒র্চদ্ধূ॑মাসো অ॒গ্নযঃ॑ পাব॒কাঃ । শ্বি॒চী॒চয॑-শ্শ্বা॒ত্রাসো॑ ভুর॒ণ্যবঃ॑ । ব॒ন॒র॒.ষদো॑ বা॒যবো॒ ন সোমাঃ᳚ ॥ যজা॑ নো মি॒ত্রাবরু॑ণা । যজা॑ দে॒বাগ্​ম্ ঋ॒ত-ম্বৃ॒হত্ । অগ্নে॒ যক্ষি॒ স্ব-ন্দম᳚ম্ ॥ অশ্বি॑না॒ পিব॑তগ্​ম্ সু॒তম্ । দীদ্য॑গ্নী শুচি ব্রতা । ঋ॒তুনা॑ যজ্ঞবাহসা ॥ 35 ॥

দ্বে বিরূ॑পে চরত॒-স্স্বর্থে᳚ । অ॒ন্যা-ঽন্যা॑ ব॒থ্সমুপ॑ধাপযেতে । হরি॑র॒ন্যস্যা॒-ম্ভব॑তি স্ব॒ধাবান্॑ । শু॒ক্রো অ॒ন্যস্যা᳚-ন্দদৃশে সু॒বর্চাঃ᳚ ॥ পূ॒র্বা॒প॒র-ঞ্চ॑রতো মা॒যযৈ॒তৌ । শিশূ॒ ক্রীড॑ন্তৌ॒ পরি॑যাতো অদ্ধ্ব॒রম্ । বিশ্বা᳚ন্য॒ন্যো ভুব॑না-ঽভি॒চষ্টে᳚ । ঋ॒তূন॒ন্যো বি॒দধ॑জ্জাযতে॒ পুনঃ॑ ॥ ত্রীণি॑ শ॒তা ত্রীষ॒হস্রা᳚ণ্য॒গ্নিম্ । ত্রি॒গ্​ম্॒শচ্চ॑ দে॒বা নব॑ চাসপর্যন্ন্ ॥ 36 ॥

ঔক্ষ॑ন্-ঘৃ॒তৈরাস্তৃ॑ণন্-ব॒র্॒হির॑স্মৈ । আদিদ্ধোতা॑র॒-ন্ন্য॑ষাদযন্ত ॥ অ॒গ্নিনা॒-ঽগ্নি-স্সমি॑দ্ধ্যতে । ক॒বি-র্গৃ॒হপ॑তি॒র্যুবা᳚ । হ॒ব্য॒বাড্-জু॒হ্বা᳚স্যঃ ॥ অ॒গ্নি-র্দে॒বানা᳚-ঞ্জ॒ঠর᳚ম্ । পূ॒তদ॑ক্ষঃ ক॒বিক্র॑তুঃ । দে॒বো দে॒বেভি॒রাগ॑মত্ ॥ অ॒গ্নি॒শ্রিযো॑ ম॒রুতো॑ বি॒শ্বকৃ॑ষ্টযঃ । আ ত্বে॒ষমু॒গ্রমব॑ ঈমহে ব॒যম্ ॥ 37 ॥

তে স্বা॒নিনো॑ রু॒দ্রিযা॑ ব॒র॒.ষনি॑র্ণিজঃ । সি॒গ্​ম্॒হা ন হে॒ষক্র॑তব-স্সু॒দান॑বঃ ॥ যদু॑ত্ত॒মে ম॑রুতো মদ্ধ্য॒মে বা᳚ । যদ্বা॑-ঽব॒মে সু॑ভগাসো দি॒বিষ্ঠ । ততো॑ নো রুদ্রা উ॒ত বা॒-ঽন্বস্য॑ । অগ্নে॑ বি॒ত্তাদ্ধ॒বিষো॒ যদ্যজা॑মঃ ॥ ঈডে॑ অ॒গ্নিগ্গ্​ স্বব॑স॒-ন্নমো॑ভিঃ । ই॒হ প্র॑স॒প্তো বিচ॑যত্কৃ॒ত-ন্নঃ॑ । রথৈ॑রিব॒ প্রভ॑রে বাজ॒যদ্ভিঃ॑ । প্র॒দ॒ক্ষি॒ণি-ন্ম॒রুতা॒গ্॒ স্তোম॑মৃদ্ধ্যাম্ ॥ 38 ॥

শ্রু॒ধি শ্রু॑ত্কর্ণ॒ বহ্নি॑ভিঃ । দে॒বৈর॑গ্নে স॒যাব॑ভিঃ । আসী॑দন্তু ব॒র॒ঃইষি॑ । মি॒ত্রো বরু॑ণো অর্য॒মা । প্রা॒ত॒র্যাবা॑ণো অদ্ধ্ব॒রম্ ॥ বিশ্বে॑ষা॒-মদি॑তি-র্য॒জ্ঞিযা॑নাম্ । বিশ্ব॑ষা॒-মতি॑থি॒-র্মানু॑ষাণাম্ । অ॒গ্নি-র্দে॒বানা॒মব॑ আবৃণা॒নঃ । সু॒মৃ॒ডী॒কো ভ॑বতু বি॒শ্ববে॑দাঃ ॥ ত্বে অ॑গ্নে সুম॒তি-ম্ভিক্ষ॑মাণাঃ ॥ 39 ॥

দি॒বি শ্রবো॑ দধিরে য॒জ্ঞিযা॑সঃ । নক্তা॑ চ চ॒ক্রুরু॒ষসা॒ বিরূ॑পে । কৃ॒ষ্ণ-ঞ্চ॒ বর্ণ॑মরু॒ণ-ঞ্চ॒ সন্ধুঃ॑ ॥ ত্বাম॑গ্ন আদি॒ত্যাস॑ আ॒স্য᳚ম্ । ত্বা-ঞ্জি॒হ্বাগ্​ম্ শুচ॑যশ্চক্রিরে কবে । ত্বাগ্​ম্ রা॑তি॒ষাচো॑ অদ্ধ্ব॒রেষু॑ সশ্চিরে । ত্বে দে॒বা হ॒বির॑দ॒ন্ত্যাহু॑তম্ ॥ নি ত্বা॑ য॒জ্ঞস্য॒ সাধ॑নম্ । অগ্নে॒ হোতা॑র-মৃ॒ত্বিজ᳚ম্ । ব॒নু॒ষ্ব-দ্দে॑ব ধীমহি॒ প্রচে॑তসম্ । জী॒র-ন্দূ॒তমম॑র্ত্যম্ ॥ 40 ॥
(য॒জ্ঞ॒বা॒হ॒সা॒ - ঽস॒প॒র্য॒ন্ - ব॒য - মৃ॑দ্ধ্যাং॒ - ভিক্ষ॑মাণাঃ॒ - প্রচে॑তস॒মেক॑-ঞ্চ) (অ. 12)

অনুবাকং 13 - ইন্দ্রস্তুদ্যাগে গ্রহাণা-ম্পুরোরুচঃ
তিষ্ঠা॒ হরী॒ রথ॒ আ যু॒জ্যমা॑না যা॒হি । বা॒যুর্ন নি॒যুতো॑ নো॒ অচ্ছ॑ । পিবা॒স্যন্ধো॑ অ॒ভিসৃ॑ষ্টো অ॒স্মে । ইন্দ্র॒ স্বাহা॑ ররি॒মা তে॒ মদা॑য ॥ কস্য॒ বৃষা॑ সু॒তে সচা᳚ । নি॒যুত্বা᳚ন্ বৃষ॒ভো র॑ণত্ । বৃ॒ত্র॒হা সোম॑পীতযে ॥ ইন্দ্রং॑-বঁ॒য-ম্ম॑হাধ॒নে । ইন্দ্র॒মর্ভে॑ হবামহে । যুজং॑-বৃঁ॒ত্রেষু॑ ব॒জ্রিণ᳚ম্ ॥ 41 ॥

দ্বি॒তাযো বৃ॑ত্র॒হন্ত॑মঃ । বি॒দ ইন্দ্র॑-শ্শ॒তক্র॑তুঃ । উপ॑ নো॒ হরি॑ভি-স্সু॒তম্ ॥ স সূর॒ আজ॒নয॒ঞ্জ্যোতি॒রিন্দ্র᳚ম্ । অ॒যা ধি॒যা ত॒রণি॒রদ্রি॑বর্​হাঃ । ঋ॒তেন॑ শু॒ষ্মীনব॑মানো অ॒র্কৈঃ । ব্যু॑স্রিধো॑ অ॒স্রো অদ্রি॑র্বিভেদ ॥ উ॒ত ত্যদা॒শ্বশ্বি॑যম্ । যদি॑ন্দ্র॒ নাহু॑ষী॒ষ্বা । অগ্রে॑ বি॒ক্ষু প্রতীদ॑যত্ ॥ 42 ॥

ভরে॒ষ্বিন্দ্রগ্​ম্॑ সু॒হবগ্​ম্॑ হবামহে । অ॒গ্​ম্॒হো॒মুচগ্​ম্॑ সু॒কৃত॒-ন্দৈব্য॒ঞ্জন᳚ম্ । অ॒গ্নি-ম্মি॒ত্রং-বঁরু॑ণগ্​ম্ সা॒তযে॒ ভগ᳚ম্ । দ্যাবা॑পৃথি॒বী ম॒রুত॑-স্স্ব॒স্তযে᳚ ॥ ম॒হি ক্ষেত্র॑-ম্পু॒রুশ্চ॒ন্দ্রং-বিঁবি॒দ্বান্ । আদি-থ্সখি॑ভ্যশ্চ॒ রথ॒গ্​ম্॒ সমৈ॑রত্ । ইন্দ্রো॒ নৃভি॑রজন॒-দ্দীদ্যা॑ন-স্সা॒কম্ । সূর্য॑মু॒ষস॑-ঙ্গা॒তুম॒গ্নিম্ ॥ উ॒রু-ন্নো॑ লো॒কমনু॑নেষি বি॒দ্বান্ । সুব॑র্ব॒-জ্জ্যোতি॒রভ॑যগ্গ্​ স্ব॒স্তি ॥ 43 ॥

ঋ॒ষ্বা ত॑ ইন্দ্র॒ স্থবি॑রস্য বা॒হূ । উপ॑স্থেযাম শর॒ণা বৃ॒হন্তা᳚ ॥ আ নো॒ বিশ্বা॑ভিরূ॒তিভি॑-স্স॒জোষাঃ᳚ । ব্রহ্ম॑ জুষা॒ণো হ॑র্যশ্ব যাহি । বরী॑বৃজ॒-থ্স্থবি॑রেভি-স্সুশিপ্র । অ॒স্মে দধ॒-দ্বৃষ॑ণ॒গ্​ম্॒ শুষ্ম॑মিন্দ্র ॥ ইন্দ্রা॑য॒ গাব॑ আ॒শির᳚ম্ । দু॒দু॒হ্রে ব॒জ্রিণে॒ মধু॑ । য-থ্সী॑মুপহ্ব॒রে-ঽবি॒দত্ ॥ তাস্তে॑ বজ্রি-ন্ধে॒নবো॑ জোজযুর্নঃ ॥ 44 ॥

গভ॑স্তযো নি॒যুতো॑ বি॒শ্ববা॑রাঃ । অহ॑রহ॒র্ভূয॒ ইজ্জোগু॑বানাঃ । পূ॒র্ণা ই॑ন্দ্র ক্ষু॒মতো॒ ভোজ॑নস্য ॥ ই॒মা-ন্তে॒ ধিয॒-ম্প্রভ॑রে ম॒হো ম॒হীম্ । অ॒স্য স্তো॒ত্রে ধি॒ষণা॒ যত্ত॑ আন॒জে । তমু॑থ্স॒বে চ॑ প্রস॒বে চ॑ সাস॒হিম্ । ইন্দ্র॑-ন্দে॒বাস॒-শ্শব॑সা মদ॒ন্ননু॑ ॥ 45 ॥
(ব॒জ্রিণ॑ - মযথ্ - স্ব॒স্তি - জো॑জযুর্নঃ - +স॒প্ত চ॑) (অ. 13)

অনুবাকং 14 - অপ্তোর্যামাবিধিঃ
প্র॒জাপ॑তিঃ প॒শূন॑সৃজত । তে᳚-ঽস্মা-থ্সৃ॒ষ্টাঃ পরা᳚ঞ্চ আযন্ন্ । তান॑গ্নিষ্টো॒মেন॒ নাপ্নো᳚ত্ । তানু॒ক্থ্যে॑ন॒ নাপ্নো᳚ত্ । তান্-থ্ষো॑ড॒শিনা॒ নাপ্নো᳚ত্ । তান্রাত্রি॑যা॒ নাপ্নো᳚ত্ । তান্-থ্স॒ন্ধিনা॒ নাপ্নো᳚ত্ । সো᳚-ঽগ্নিম॑ব্রবীত্ । ই॒মান্ম॑ ঈ॒ফ্সেতি॑ । তান॒গ্নিস্ত্রি॒বৃতা॒ স্তোমে॑ন॒ নাপ্নো᳚ত্ ॥ 46 ॥

স ইন্দ্র॑মব্রবীত্ । ই॒মান্ম॑ ঈ॒ফ্সেতি॑ । তানিন্দ্রঃ॑ পঞ্চদ॒শেন॒ স্তোমে॑ন॒ নাপ্নো᳚ত্ । স বিশ্বা᳚-ন্দে॒বা-ন॑ব্রবীত্ । ই॒মান্ম॑ ঈফ্স॒তেতি॑ । তান্. বিশ্বে॑ দে॒বা-স্স॑প্তদ॒শেন॒ স্তোমে॑ন॒ নাপ্নু॑বন্ন্ । স বিষ্ণু॑মব্রবীত্ । ই॒মান্ম॑ ঈ॒ফ্সেতি॑ । তান্. বিষ্ণু॑রেকবি॒গ্​ম্॒শেন॒ স্তোমে॑নাপ্নোত্ । বা॒র॒ব॒ন্তীযে॑নাবারযত ॥ 47 ॥

ই॒দং-বিঁষ্ণু॒-র্বিচ॑ক্রম॒ ইতি॒ ব্য॑ক্রমত ॥ যস্মা᳚-ত্প॒শবঃ॒ প্র প্রেব॒ ভ্রগ্​ম্শে॑রন্ন্ । স এ॒তেন॑ যজেত ॥ যদাপ্নো᳚ত্ । তদ॒প্তোর্যাম॑স্যাপ্তোর্যাম॒ত্বম্ ॥ এ॒তেন॒ বৈ দে॒বা জৈত্বা॑নি জি॒ত্বা । য-ঙ্কাম॒-মকা॑মযন্ত॒ তমা᳚প্নুবন্ন্ । য-ঙ্কাম॑-ঙ্কা॒ময॑তে । তমে॒তেনা᳚প্নোতি ॥ 48 ॥
(স্তোমে॑ন॒ নাপ্নো॑ - দবারযত॒ - +নব॑ চ) (অ. 14)

অনুবাকং 15 - রাজাভিষেকঃ
ব্যা॒ঘ্রো॑-ঽযম॒গ্নৌ চ॑রতি॒ প্রবি॑ষ্টঃ । ঋষী॑ণা-ম্পু॒ত্রো অ॑ভিশস্তি॒পা অ॒যম্ । ন॒ম॒স্কা॒রেণ॒ নম॑সা তে জুহোমি । মা দে॒বানা᳚-ম্মিথু॒যা ক॑র্ম ভা॒গম্ ॥ সাবী॒র॒ঃই দে॑ব প্রস॒বায॑ পিত্রে । ব॒র্​ষ্মাণ॑মস্মৈ বরি॒মাণ॑মস্মৈ । অথা॒স্মভ্যগ্​ম্॑ সবিত-স্স॒র্বতা॑তা । দি॒বে দি॑ব॒ আসু॑বা॒ ভূরি॑প॒শ্বঃ ॥ ভূ॒তো ভূ॒তেষু॑ চরতি॒ প্রবি॑ষ্টঃ । স ভূ॒তানা॒-মধি॑পতি-র্বভূব ॥ 49 ॥

তস্য॑ মৃ॒ত্যৌ চ॑রতি রাজ॒সূয᳚ম্ । স রাজা॑ রা॒জ্য-মনু॑মন্যতামি॒দম্ ॥ যেভি॒-শ্শিল্পৈঃ᳚ পপ্রথা॒নামদৃগ্​ম্॑হত্ । যেভি॒দ্র্যাম॒ভ্যপিগ্​ম্॑শত্-প্র॒জাপ॑তিঃ । যেভি॒র্বাচং॑-বিঁ॒শ্বরূ॑পাগ্​ম্ স॒মব্য॑যত্ । তেনে॒মম॑গ্ন ই॒হ বর্চ॑সা॒ সম॑ঙ্গ্ধি ॥ যেভি॑রাদি॒ত্যস্তপ॑তি॒ প্রকে॒তুভিঃ॑ । যেভি॒-স্সূর্যো॑ দদৃ॒শে চি॒ত্রভা॑নুঃ । যেভি॒র্বাচ॑-ম্পুষ্ক॒লেভি॒রব্য॑যত্ । তেনে॒মম॑গ্ন ই॒হ বর্চ॑সা॒ সম॑ঙ্গ্ধি ॥ 50 ॥

আ-ঽয-ম্ভা॑তু॒ শব॑সা॒ পঞ্চ॑ কৃ॒ষ্টীঃ । ইন্দ্র॑ ইব জ্যে॒ষ্ঠো ভ॑বতু প্র॒জাবান্॑ । অ॒স্মা অ॑স্তু পুষ্ক॒ল-ঞ্চি॒ত্রভা॑নু । আ-ঽয-ম্পৃ॑ণক্তু॒ রজ॑সী উ॒পস্থ᳚ম্ ॥ যত্তে॒ শিল্প॑-ঙ্কশ্যপ রোচ॒নাব॑ত্ । ই॒ন্দ্রি॒যাব॑ত্-পুষ্ক॒ল-ঞ্চি॒ত্রভা॑নু । যস্মি॒ন্-থ্সূর্যা॒ অর্পি॑তা-স্স॒প্ত সা॒কম্ । তস্মি॒ন্-রাজা॑ন॒-মধি॒বিশ্র॑যে॒মম্ ॥ দ্যৌর॑সি পৃথি॒ব্য॑সি ॥ ব্যা॒ঘ্রো বৈযা॒ঘ্রে-ঽধি॑ ॥ 51 ॥

বিশ্র॑যস্ব॒ দিশো॑ ম॒হীঃ । বিশ॑স্ত্বা॒ সর্বা॑ বাঞ্ছন্তু । মা ত্ব-দ্রা॒ষ্ট্রমধি॑ভ্রশত্ ॥ যা দি॒ব্যা আপঃ॒ পয॑সা সম্বভূ॒বুঃ । যা অ॒ন্তরি॑ক্ষ উ॒ত পার্থি॑বী॒র্যাঃ । তা সা᳚-ন্ত্বা॒ সর্বা॑সাগ্​ম্ রু॒চা । অ॒ভিষি॑ঞ্চামি॒ বর্চ॑সা । অ॒ভি ত্বা॒ বর্চ॑সা সিচ-ন্দি॒ব্যেন॑ । পয॑সা স॒হ । যথা-ঽঽসা॑ রাষ্ট্র॒বর্ধ॑নঃ ॥ 52 ॥

তথা᳚ ত্বা সবি॒তা ক॑রত্ । ইন্দ্রং॒-বিঁশ্বা॑ অবীবৃধন্ন্ । স॒মু॒দ্র ব্য॑চস॒-ঙ্গিরঃ॑ । র॒থীত॑মগ্​ম্ রথী॒নাম্ । বাজা॑না॒গ্​ম্॒ স-ত্প॑তি॒-ম্পতি᳚ম্ । বস॑বস্ত্বা পু॒রস্তা॑দ॒ভিষি॑ঞ্চন্তু গায॒ত্রেণ॒ ছন্দ॑সা । রু॒দ্রাস্ত্বা॑ দক্ষিণ॒তো॑-ঽভিষি॑ঞ্চন্তু॒ ত্রৈষ্টু॑ভেন॒ ছন্দ॑সা । আ॒দি॒ত্যাস্ত্বা॑ প॒শ্চাদ॒ভিষি॑ঞ্চন্তু॒ জাগ॑তেন॒ ছন্দ॑সা । বিশ্বে᳚ ত্বা দে॒বা উ॑ত্তর॒তো॑-ঽভিষি॑ঞ্চ॒ন্-ত্বানু॑ষ্টুভেন॒ ছন্দ॑সা । বৃহ॒স্পতি॑-স্ত্বো॒পরি॑ষ্টা-দ॒ভিষি॑ঞ্চতু॒ পাঙ্ক্তে॑ন॒ ছন্দ॑সা ॥ 53 ॥

অ॒রু॒ণ-ন্ত্বা॒ বৃক॑মু॒গ্র-ঙ্খ॑জ-ঙ্ক॒রম্ । রোচ॑মান-ম্ম॒রুতা॒মগ্রে॑ অ॒র্চিষঃ॑ । সূর্য॑বন্ত-ম্ম॒ঘবা॑নং-বিঁষাস॒হিম্ । ইন্দ্র॑মু॒ক্থ্যেষু॑ নাম॒হূত॑মগ্​ম্ হুবেম ॥ প্র বা॒হবা॑ সিসৃত-ঞ্জী॒বসে॑ নঃ । আ নো॒ গব্যূ॑তিমুক্ষত-ঙ্ঘৃ॒তেন॑ । আ নো॒ জনে᳚ শ্রবযতং-যুঁবানা । শ্রু॒ত-ম্মে॑ মিত্রাবরুণা॒ হবে॒মা ॥ ইন্দ্র॑স্য তে বীর্য॒কৃতঃ॑ । বা॒হূ উ॒পাব॑হরামি ॥ 54 ॥
(ব॒ভূ॒ - বাব্য॑য॒-ত্তেনে॒মম॑গ্ন ই॒হ বর্চ॑সা॒ সম॑ঙ্গ্ধি॒ - বৈযা॒ঘ্রে-ঽধি॑ - রাষ্ট্র॒বর্ধ॑নঃ॒ - পাঙ্ক্তে॑ন॒ ছন্দ॑সো॒ - পাব॑হরামি) (অ. 15)

অনুবাকং 16 - রাজাভিষেকাঙ্গং রথারোহণম্
অ॒ভি প্রেহি॑ বী॒রয॑স্ব । উ॒গ্রশ্চেত্তা॑ সপত্ন॒হা ॥ আতি॑ষ্ঠ বৃত্র॒হন্ত॑মঃ । তুভ্য॑-ন্দে॒বা অধি॑ব্রবন্ন্ ॥ অ॒ঙ্কৌ ন্য॒ঙ্কাব॒ভিতো॒ রথং॒-যৌঁ । ধ্বা॒ন্তং-বাঁ॑তা॒গ্রমনু॑স॒-ঞ্চর॑ন্তৌ । দূ॒রে হে॑তি-রিন্দ্রি॒যাবা᳚-ন্পত॒ত্রী । তে নো॒-ঽগ্নযঃ॒ পপ্র॑যঃ পারযন্তু ॥ নম॑স্ত ঋষে গদ । অব্য॑থাযৈ (অব্য॑ধাযৈ) ত্বা স্ব॒ধাযৈ᳚ ত্বা ॥ 55 ॥

মা ন॑ ইন্দ্রা॒ভিত॒স্ত্ব-দৃ॒ষ্বারি॑ষ্টাসঃ । এ॒বা ব্র॑হ্ম॒ন্তবেদ॑স্তু ॥ তিষ্ঠা॒ রথে॒ অধি॒ য-দ্বজ্র॑হস্তঃ ॥ আ র॒শ্মীন্দে॑ব যুবসে॒ স্বশ্বঃ॑ ॥ অবোবে, আ॒তিষ্ঠ॑ন্ত॒-ম্পরি॒ বিশ্বে॑ অভূষন্ন্ । শ্রিযং॒-বঁসা॑নশ্চরতি॒ স্বরো॑চাঃ । ম॒হত্-তদ॒স্যাসু॑রস্য॒ নাম॑ । আ বি॒শ্বরূ॑পো অ॒মৃতা॑নি তস্থৌ ॥ । অনু॒ ত্বেন্দ্রো॑ মদ॒ত্বনু॒ বৃহ॒স্পতিঃ॑ । অনু॒ সোমো॒ অন্ব॒গ্নিরা॑বীত্ । অনু॑ ত্বা॒ বিশ্বে॑ দে॒বা অ॑বন্তু । অনু॑ স॒প্ত রাজা॑নো॒ য উ॒তাভিষি॑ক্তাঃ ॥. অনু॑ত্বা মি॒ত্রাবরু॑ণাবি॒হাব॑তম্ । অনু॒ দ্যাবা॑পৃথি॒বী বি॒শ্বশ॑ভূম্ । সূর্যো॒ অহো॑ভি॒রনু॑ ত্বা-ঽবতু । চ॒ন্দ্রমা॒ নক্ষ॑ত্রৈ॒রনু॑ ত্বা ঽবতু ॥ ॥ দ্যৌশ্চ॑ ত্বা পৃথি॒বী চ॒ প্রচে॑তসা । শু॒ক্রো বৃ॒হ-দ্দক্ষি॑ণা ত্বা পিপর্তু । অনু॑ স্ব॒ধা চিকিতা॒গ্​ম্॒ সোমো॑ অ॒গ্নিঃ । অনু॑ ত্বা-ঽবতু সবি॒তা স॒বেন॑ ॥ 56 ॥

ইন্দ্রং॒-বিঁশ্বা॑ অবীবৃধন্ন্ । স॒মু॒দ্র ব্য॑চস॒-ঙ্গিরঃ॑ । র॒থীত॑মগ্​ম্ রথী॒নাম্ । বাজা॑না॒গ্​ম্॒ স-ত্প॑তি॒-ম্পতি᳚ম্ ॥ পরি॑ মা সে॒ন্যা ঘোষাঃ᳚ । জ্যানাং᳚-বৃঁঞ্জন্তু গৃ॒দ্ধ্নবঃ॑ । মে॒থি॒ষ্ঠাঃ পিন্ব॑মানা ই॒হ । মা-ঙ্গোপ॑তিম॒ভি সং​বিঁ॑শন্তু ॥ তন্মে-ঽনু॑মতি॒-রনু॑মন্যতাম্ । তন্মা॒তা পৃ॑থি॒বী ত-ত্পি॒তা দ্যৌঃ ॥ 57 ॥

তদ্গ্রাবা॑ণ-স্সোম॒সুতো॑ মযো॒ভুবঃ॑ । তদ॑শ্বিনা শৃণুতগ্​ম্ সৌভগা যু॒বম্ ॥ অব॑ তে॒ হেডো॑ বরুণ॒ নমো॑ভি॒রব॑ য॒জ্ঞেভি॑রীমহে হ॒বির্ভিঃ॑ । ক্ষয॑ন্ন॒স্মভ্য॑মসুর প্রচেতো॒ রাজ॒ন্নেনাগ্​ম্॑সি শিশ্রথঃ কৃ॒তানি॑ ॥, উদু॑ত্ত॒মং-বঁ॑রুণ॒ পাশ॑ম॒স্মদবা॑-ঽধ॒মং-বিঁম॑ধ্য॒মগ্গ্​ শ্র॑থায । অথা॑ ব॒যমা॑দিত্য ব্র॒তে তবা-ঽনা॑গসো॒ অদি॑তযে স্যাম ॥ ॥ এ॒না ব্যা॒ঘ্র-ম্প॑রিষস্বজা॒নাঃ । সি॒গ্​ম্॒হগ্​ম্ হি॑ন্বন্তি মহ॒তে সৌভ॑গায । স॒মু॒দ্র-ন্ন সু॒হব॑-ন্তস্থি॒বাগ্​ম্স᳚ম্ । ম॒র্মৃ॒জ্যন্তে᳚ দ্বী॒পিন॑ম॒ফ্স্ব॑ন্তঃ ॥ উদ॒সাবে॑তু॒ সূর্যঃ॑ । উদি॒দ-ম্মা॑ম॒কং-বঁচঃ॑ । উদি॑হি দেব সূর্য । স॒হ ব॒গ্নুনা॒ মম॑ । অ॒হং-বাঁ॒চো বি॒বাচ॑নম্ । মযি॒ বাগ॑স্তু ধর্ণ॒সিঃ । যন্তু॑ ন॒দযো॒ বর্​ষ॑ন্তু প॒র্জন্যাঃ᳚ । সু॒পি॒প্প॒লা ওষ॑ধযো ভবন্তু ॥ অন্ন॑বতামোদ॒নব॑তামা॒মিক্ষ॑বতাম্ । এ॒ষাগ্​ম্ রাজা॑ ভূযাসম্ ॥ 58 ॥
(স্ব॒ধাযৈ᳚ ত্বা - স॒বেন॒ - দ্যৌঃ - সু᳚র্য স॒প্ত চ॑) (অ. 16)

অনুবাকং 17 - রাজাভিষেকাঙ্গং-বঁপনম্
যে কে॒শিনঃ॑ প্রথ॒মা-স্স॒ত্রমাস॑ত । যেভি॒রাভৃ॑তং॒-যঁদি॒দং-বিঁ॒রোচ॑তে । তেভ্যো॑ জুহোমি বহু॒ধা ঘৃ॒তেন॑ । রা॒যস্পোষে॑ণে॒মং-বঁর্চ॑সা॒ সগ্​ম্সৃ॑জাথ ॥ নর্তে ব্রহ্ম॑ণ॒স্তপ॑সো বিমো॒কঃ । দ্বি॒নাম্নী॑ দী॒ক্ষা ব॒শিনী॒ হ্যু॑গ্রা । প্রকেশা᳚-স্সু॒বতে॑ কা॒ণ্ডিনো॑ ভবন্তি । তেষা᳚-ম্ব্র॒হ্মেদীশে॒ বপ॑নস্য॒ নান্যঃ ॥ আরো॑হ॒ প্রোষ্ঠং॒-বিঁষ॑হস্ব॒ শত্রূন্॑ । অবা᳚স্রাগ্দী॒ক্ষা ব॒শিনী॒ হ্যু॑গ্রা ॥ 59 ॥

দে॒হি দক্ষি॑ণা॒-ম্প্রতি॑র॒স্বাযুঃ॑ । অথা॑ মুচ্যস্ব॒ বরু॑ণস্য॒ পাশা᳚ত্ ॥ যেনাব॑প-থ্সবি॒তা ক্ষু॒রেণ॑ । সোম॑স্য॒ রাজ্ঞো॒ বরু॑ণস্য বি॒দ্বান্ । তেন॑ ব্রহ্মাণো বপতে॒দম॒স্যোর্জেমম্ । র॒য্যা বর্চ॑সা॒ সগ্​ম্সৃ॑জাথ ॥ মা তে॒ কেশা॒ননু॑ গা॒দ্বর্চ॑ এ॒তত্ । তথা॑ ধা॒তা ক॑রোতু তে । তুভ্য॒মিন্দ্রো॒ বৃহ॒স্পতিঃ॑ । স॒বি॒তা বর্চ॒ আদ॑ধাত্ ॥ 60 ॥

তেভ্যো॑ নি॒ধান॑-ম্বহু॒ধা ব্যৈচ্ছন্ন্॑ । অ॒ন্ত॒রা দ্যাবা॑পৃথি॒বী অ॒প-স্সুবঃ॑ । দ॒র্ভ॒স্ত॒ম্বে বী॒র্য॑কৃতে নি॒ধায॑ । পৌগ্গ্​স্যে॑নে॒মং-বঁর্চ॑সা॒ সগ্​ম্সৃ॑জাথ ॥ বল॑-ন্তে বাহু॒বো-স্স॑বি॒তা দ॑ধাতু । সোম॑স্ত্বা-ঽনক্তু॒ পয॑সা ঘৃ॒তেন॑ । স্ত্রী॒ষু রূ॒পম॑শ্বিনৈ॒ত-ন্নিধ॑ত্তম্ । পৌগ্গ্​স্যে॑নে॒মং-বঁর্চ॑সা॒ সগ্​ম্সৃ॑জাথ ॥ য-থ্সী॒মন্ত॒-ঙ্কঙ্ক॑তস্তে লি॒লেখ॑ । যদ্বা᳚ ক্ষু॒রঃ প॑রিব॒বর্জ॒ বপগ্গ্॑স্তে । স্ত্রী॒ষু রূ॒পম॑শ্বিনৈ॒ত-ন্নিধ॑ত্তম্ । পৌগ্গ্​স্যে॑নে॒মগ্​ম্ সগ্​ম্সৃ॑জাথো বী॒র্যে॑ণ ॥ 61 ॥
(অবা᳚স্রাগ্দী॒ক্ষা বা॒শিনী॒ হ্যু॑গ্রা-ঽঽদ॑ধা-দ্ব॒বর্জ॒ বপগ্গ্॑স্তে॒ দ্বে চ॑ ) (অ. 17)

(যে কে॒শিনো॒ নর্তে মা তে॒ বলং॒-যঁ-থ্সী॒মন্ত॒-ম্পঞ্চ॑)

অনুবাকং 18 - বিদ্যনাখ্য একাহবিশেষঃ
ইন্দ্রং॒-বৈঁ স্বা বিশো॑ ম॒রুতো॒ নাপা॑চাযন্ন্ । সো-ঽন॑পচায্যমান এ॒তং-বিঁ॑ঘ॒নম॑পশ্যত্ । তমা-ঽহ॑রত্ । তেনা॑যজত । তেনৈ॒বাসা॒-ন্তগ্​ম্ সগ্গ্॑স্ত॒ম্ভং-ব্যঁ॑হন্ন্ । য-দ্ব্যহন্ন্॑ । ত-দ্বি॑ঘ॒নস্য॑ বিঘন॒ত্বম্ ॥ বি পা॒প্মান॒-ম্ভ্রাতৃ॑ব্যগ্​ম্ হতে । য এ॒তেন॒ যজ॑তে । য উ॑ চৈনমে॒বং-বেঁদ॑ ॥ 62 ॥

যগ্​ম্ রাজা॑নং॒-বিঁশো॒ নাপ॒চাযে॑যুঃ । যো বা᳚ ব্রাহ্ম॒ণস্তম॑সা পা॒প্মনা॒ প্রাবৃ॑ত॒-স্স্যাত্ । স এ॒তেন॑ যজেত । বি॒ঘ॒নেনৈ॒বৈন॑-দ্বি॒হত্য॑ । বি॒শামাধি॑পত্য-ঙ্গচ্ছতি ॥ তস্য॒ দ্বে দ্বা॑দ॒শে স্তো॒ত্রে ভব॑তঃ । দ্বে চ॑তুর্বি॒গ্​ম্॒শে । ঔদ্ভি॑দ্যমে॒ব তত্ । এ॒তদ্বৈ ক্ষ॒ত্রস্যৌদ্ভি॑দ্যম্ । যদ॑স্মৈ॒ স্বা বিশো॑ ব॒লিগ্​ম্ হর॑ন্তি ॥ 63 ॥

হর॑ন্ত্যস্মৈ॒ বিশো॑ ব॒লিম্ । ঐন॒মপ্র॑তিখ্যাত-ঙ্গচ্ছতি । য এ॒বং-বেঁদ॑ ॥ প্র॒বাহু॒গ্বা অগ্রে᳚ ক্ষ॒ত্রাণ্যাতে॑পুঃ । তেষা॒মিন্দ্রঃ॑, ক্ষ॒ত্রাণ্যাদ॑ত্ত । ন বা ই॒মানি॑ ক্ষ॒ত্রাণ্য॑ ভূব॒ন্নিতি॑ । তন্নক্ষ॑ত্রাণা-ন্নক্ষত্র॒ত্বম্ । আ শ্রেয॑সো॒ ভ্রাতৃ॑ব্যস্য॒ তেজ॑ ইন্দ্রি॒য-ন্দ॑ত্তে । য এ॒তেন॒ যজ॑তে । য উ॑ চৈনমে॒বং-বেঁদ॑ ॥ 64 ॥

ত-দ্যথা॑ হ॒ বৈ স॑চা॒ক্রিণৌ॒ কপ্ল॑কাবু॒পা-ব॑হিতৌ॒ স্যাতা᳚ম্ । এ॒বমে॒তৌ যু॒গ্মন্তৌ॒ স্তোমৌ᳚ । অ॒যুক্ষু॒ স্তোমে॑ষু ক্রিযেতে । পা॒প্মনো-ঽপ॑হত্যৈ ॥ অপ॑ পা॒প্মান॒-ম্ভ্রাতৃ॑ব্যগ্​ম্ হতে । য এ॒তেন॒ যজ॑তে । য উ॑ চৈনমে॒বং-বেঁদ॑ ॥ ত-দ্যথা॑ হ॒ বৈ সূ॑তগ্রাম॒ণ্যঃ॑ । এ॒ব-ঞ্ছন্দাগ্​ম্॑সি । তেষ্ব॒সাবা॑দি॒ত্যো বৃ॑হ॒তীর॒ভ্যূ॑ঢঃ ॥ 65 ॥

স॒তোবৃ॑হতীষু স্তুবতে স॒তো বৃ॑হন্ন্ । প্র॒জযা॑ প॒শুভি॑-রসা॒নীত্যে॒ব ॥ ব্যতি॑ষক্তাভি-স্স্তুবতে । ব্যতি॑ষক্তং॒-বৈঁ ক্ষ॒ত্রং-বিঁ॒শা । বি॒শৈবৈন॑-ঙ্ক্ষ॒ত্রেণ॒ ব্যতি॑ষজতি ॥ ব্যতি॑ষক্তাভি-স্স্তুবতে । ব্যতি॑ষক্তো॒ বৈ গ্রা॑ম॒ণী-স্স॑জা॒তৈঃ । স॒জা॒তৈরে॒বৈনং॒-ব্যঁতি॑ষজতি ॥ ব্যতি॑ষক্তাভি-স্স্তুবতে । ব্যতি॑ষক্তো॒ বৈ পুরু॑ষঃ পা॒প্মভিঃ॑ । ব্যতি॑ষক্তা-ভিরে॒বাস্য॑ পা॒প্মনো॑ নুদতে ॥ 66 ॥
(বেদ॒ - হর॑ন্ - ত্যেনমে॒বং-বেঁদা॒ - ভ্যূ॑ঢঃ - পা॒প্মভি॒রেক॑-ঞ্চ) (অ. 18)

(ত্রি॒বৃ--দ্যদা᳚গ্নে॒যো᳚-ঽগ্নিমু॑খা॒ হ্যৃদ্ধি॒--র্ যদা᳚গ্নে॒য আ᳚গ্নে॒যো - ন বৈ সোমে॑ন॒ - যো বৈ সোমে॑ - নৈ॒ষ গো॑স॒বঃ - সি॒গ্​ম্॒হে॑ - ঽভিপ্রেহি॑ মিত্র॒বর্ধ॑নঃ - প্র॒জাপ॑তি॒স্তা ও॑দ॒নং - প্র॒জাপ॑তিরকামযত ব॒হো-র্ভূযা॑ - ন॒গস্ত্যো॒ - ঽস্যাজরা॑স॒ - স্তিষ্ঠা॒ হরী᳚ - প্র॒জাপ॑তিঃ প॒শূন্ - ব্যা॒ঘ্রো॑-ঽযম॒ - ভিপ্রেহি॑ বৃত্র॒হন্ত॑মো॒ - যে কে॒শিন॒ - ইন্দ্রং॒-বাঁ অ॒ষ্টাদ॑শ )

(ত্রি॒বৃ--দ্যো বৈ সোমে॒ - নাযু॑রসি বি॒শ্বাযু॑--র্ ব॒হু-র্ভ॑বতি॒ - তিষ্ঠা॒ হরী॒ রথ॒ - আ-ঽয-ম্ভা॑তু॒ - তেভ্যো॑ নি॒ধান॒গ্​ম্॒ ষট্থ্ষ॑ষ্টিঃ)

(ত্রি॒বৃত্ - পা॒প্মনো॑ নুদতে)

॥ হরিঃ॑ ওম্ ॥

॥ কৃষ্ণ যজুর্বেদীয তৈত্তিরীয ব্রাহ্মণে দ্বিতীযাষ্টকে সপ্তমঃ প্রপাঠক-স্সমাপ্তঃ ॥