କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ଆରଣ୍ୟକେ ଅଷ୍ଟମଃ ପ୍ରପାଠକଃ - ବ୍ରହ୍ମାନନ୍ଦଵଲ୍ଲୀ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ବ୍ରହ୍ମାନନ୍ଦ ଵଲ୍ଲୀ
ଅନୁଵାକଂ 13
ସ॒ହ ନା॑ ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟ॑-ଙ୍କରଵାଵହୈ । ତେ॒ଜ॒ସ୍ଵିନା॒ ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥ ଓଂ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥ 25 ॥
(ସ॒ହ ପଞ୍ଚ॑) (ଅ. 13)
ଅନୁଵାକଂ 14
ବ୍ର॒ହ୍ମ॒ଵିଦା᳚ପ୍ନୋତି॒ ପର᳚ମ୍ ॥
ତଦେ॒ଷା-ଽଭ୍ୟୁ॑କ୍ତା । ସ॒ତ୍ୟ-ଞ୍ଜ୍ଞା॒ନ-ମ॑ନ॒ନ୍ତ-ମ୍ବ୍ରହ୍ମ॑ ।
ୟୋ ଵେଦ॒ ନିହି॑ତ॒-ଙ୍ଗୁହା॑ୟା-ମ୍ପର॒ମେ ଵ୍ୟୋ॑ମନ୍ନ୍ ।
ସୋ᳚-ଽଶ୍ନୁତେ॒ ସର୍ଵା॒ନ୍ କାମା᳚ନ୍-ଥ୍ସ॒ହ । ବ୍ରହ୍ମ॑ଣା ଵିପ॒ଶ୍ଚିତେତି॑ ॥
ତସ୍ମା॒ଦ୍ଵା ଏ॒ତସ୍ମା॑ଦା॒ତ୍ମନ॑ ଆକା॒ଶ-ସ୍ସମ୍ଭୂ॑ତଃ । ଆ॒କା॒ଶା-ଦ୍ଵା॒ୟୁଃ । ଵା॒ୟୋର॒ଗ୍ନିଃ । ଅ॒ଗ୍ନେରାପଃ॑ । ଅ॒ଦ୍ଭ୍ୟଃ ପୃ॑ଥି॒ଵୀ । ପୃ॒ଥି॒ଵ୍ୟା ଓଷ॑ଧୟଃ ।
ଓଷ॑ଧୀ॒ଭ୍ୟୋ-ଽନ୍ନ᳚ମ୍ । ଅନ୍ନା॒-ତ୍ପୁରୁ॑ଷଃ ॥
ସ ଵା ଏଷ ପୁରୁଷୋ-ଽନ୍ନ॑ରସ॒ମୟଃ ॥ ତସ୍ୟେଦ॑ମେଵ॒ ଶିରଃ । ଅୟ-ନ୍ଦକ୍ଷି॑ଣଃ ପ॒କ୍ଷଃ । ଅୟମୁତ୍ତ॑ରଃ ପ॒କ୍ଷଃ । ଅୟମାତ୍ମା᳚ । ଇଦ-ମ୍ପୁଚ୍ଛ॑-ମ୍ପ୍ରତି॒ଷ୍ଠା ॥ ତଦପ୍ୟେଷ ଶ୍ଲୋ॑କୋ ଭ॒ଵତି ॥ 26 ॥
ଅନ୍ନା॒ଦ୍ଵୈ ପ୍ର॒ଜାଃ ପ୍ର॒ଜାୟ॑ନ୍ତେ । ୟାଃ କାଶ୍ଚ॑ ପୃଥି॒ଵୀଗ୍ ଶ୍ରି॒ତାଃ । ଅଥୋ॒ ଅନ୍ନେ॑ନୈ॒ଵ ଜୀ॑ଵନ୍ତି । ଅଥୈ॑ନ॒ଦପି॑ୟନ୍ତ୍ୟନ୍ତ॒ତଃ । ଅନ୍ନ॒ଗ୍ମ୍॒ ହି ଭୂ॒ତାନା॒-ଞ୍ଜ୍ୟେଷ୍ଠ᳚ମ୍ । ତସ୍ମା᳚-ଥ୍ସର୍ଵୌଷ॒ଧ ମୁ॑ଚ୍ୟତେ ।
ସର୍ଵଂ॒-ଵୈଁ ତେ-ଽନ୍ନ॑ମାପ୍ନୁଵନ୍ତି । ୟେ-ଽନ୍ନ॒-ମ୍ବ୍ରହ୍ମୋ॒ପାସ॑ତେ । ଅନ୍ନ॒ଗ୍ମ୍॒ ହି ଭୂ॒ତାନା॒-ଞ୍ଜ୍ୟେଷ୍ଠ᳚ମ୍ । ତସ୍ମା᳚-ଥ୍ସର୍ଵୌଷ॒ଧ ମୁ॑ଚ୍ୟତେ । ଅନ୍ନା᳚-ଦ୍ଭୂ॒ତାନି॒ ଜାୟ॑ନ୍ତେ । ଜାତା॒ନ୍ୟନ୍ନେ॑ନ ଵର୍ଧନ୍ତେ ।
ଅଦ୍ୟତେ-ଽତ୍ତି ଚ॑ ଭୂତା॒ନି । ତସ୍ମାଦନ୍ନ-ନ୍ତଦୁଚ୍ୟ॑ତ ଇ॒ତି ॥
ତସ୍ମାଦ୍ଵା ଏତସ୍ମା-ଦନ୍ନ॑ରସ॒ମୟାତ୍ ।
ଅନ୍ୟୋ-ଽନ୍ତର ଆତ୍ମା᳚ ପ୍ରାଣ॒ ମୟଃ । ତେନୈ॑ଷ ପୂ॒ର୍ଣଃ ॥
ସ ଵା ଏଷ ପୁରୁଷଵି॑ଧ ଏ॒ଵ । ତସ୍ୟ ପୁରୁ॑ଷ ଵି॒ଧତାମ୍ ।
ଅନ୍ଵୟ॑-ମ୍ପୁରୁଷ॒ ଵିଧଃ । ତସ୍ୟ ପ୍ରାଣ॑ ଏଵ॒ ଶିରଃ ॥
ଵ୍ୟାନୋ ଦକ୍ଷି॑ଣଃ ପ॒କ୍ଷଃ । ଅପାନ ଉତ୍ତ॑ରଃ ପ॒କ୍ଷଃ ।
ଆକା॑ଶ ଆ॒ତ୍ମା । ପୃଥିଵୀ ପୁଚ୍ଛ॑-ମ୍ପ୍ରତି॒ଷ୍ଠା ॥
ତଦପ୍ୟେଷ ଶ୍ଲୋ॑କୋ ଭ॒ଵତି ॥ 27 ॥
ପ୍ରା॒ଣ-ନ୍ଦେ॒ଵା ଅନୁ॒ପ୍ରାଣ॑ନ୍ତି । ମ॒ନୁ॒ଷ୍ୟାଃ᳚ ପ॒ଶଵ॑ଶ୍ଚ॒ ୟେ । ପ୍ରା॒ଣୋ ହି ଭୂ॒ତାନା॒ମାୟୁଃ॑ । ତସ୍ମା᳚-ଥ୍ସର୍ଵାୟୁ॒ଷ ମୁ॑ଚ୍ୟତେ । ସର୍ଵ॑ମେ॒ଵ ତ॒ ଆୟୁ॑ର୍ୟନ୍ତି ।
ୟେ ପ୍ରା॒ଣ-ମ୍ବ୍ରହ୍ମୋ॒ପାସ॑ତେ ।
ପ୍ରାଣୋ ହି ଭୂତା॑ନାମା॒ୟୁଃ । ତସ୍ମା-ଥ୍ସର୍ଵାୟୁଷ-ମୁଚ୍ୟ॑ତ ଇ॒ତି ॥ ତସ୍ୟୈଷ ଏଵ ଶାରୀ॑ର ଆ॒ତ୍ମା । ୟଃ॑ ପୂର୍ଵ॒ସ୍ୟ ॥
ତସ୍ମାଦ୍ଵା ଏତସ୍ମା᳚-ତ୍ପ୍ରାଣ॒ମୟାତ୍ । ଅନ୍ୟୋ-ଽନ୍ତର ଆତ୍ମା॑ ମନୋ॒ମୟଃ । ତେନୈ॑ଷ ପୂ॒ର୍ଣଃ ॥ ସ ଵା ଏଷ ପୁରୁଷଵି॑ଧ ଏ॒ଵ । ତସ୍ୟ ପୁରୁ॑ଷଵି॒ଧତାମ୍ ।
ଅନ୍ଵୟ॑-ମ୍ପୁରୁଷ॒ଵିଧଃ । ତସ୍ୟ ୟଜୁ॑ରେଵ॒ ଶିରଃ । ଋଗ୍ ଦକ୍ଷି॑ଣଃ ପ॒କ୍ଷଃ । ସାମୋତ୍ତ॑ରଃ ପ॒କ୍ଷଃ । ଆଦେ॑ଶ ଆ॒ତ୍ମା । ଅଥର୍ଵାଙ୍ଗିରସଃ ପୁଚ୍ଛ॑-ମ୍ପ୍ରତି॒ଷ୍ଠା ॥
ତଦପ୍ୟେଷ ଶ୍ଲୋ॑କୋ ଭ॒ଵତି ॥ 28 ॥
ୟତୋ॒ ଵାଚୋ॒ ନିଵ॑ର୍ତନ୍ତେ । ଅପ୍ରା᳚ପ୍ୟ॒ ମନ॑ସା ସ॒ହ । ଆନନ୍ଦ-ମ୍ବ୍ରହ୍ମ॑ଣୋ ଵି॒ଦ୍ଵାନ୍ । ନ ବିଭେତି କଦା॑ଚନେ॒ତି ॥ ତସ୍ୟୈଷ ଏଵ ଶାରୀ॑ର ଆ॒ତ୍ମା । ୟଃ॑ ପୂର୍ଵ॒ସ୍ୟ ॥
ତସ୍ମାଦ୍ଵା ଏତସ୍ମା᳚-ନ୍ମନୋ॒ମୟାତ୍ । ଅନ୍ୟୋ-ଽନ୍ତର ଆତ୍ମା ଵି॑ଜ୍ଞାନ॒ମୟଃ । ତେନୈ॑ଷ ପୂ॒ର୍ଣଃ ॥ ସ ଵା ଏଷ ପୁରୁଷଵି॑ଧ ଏ॒ଵ । ତସ୍ୟ ପୁରୁ॑ଷ ଵି॒ଧତାମ୍ ।
ଅନ୍ଵୟ॑-ମ୍ପୁରୁଷ॒ ଵିଧଃ । ତସ୍ୟ ଶ୍ର॑ଦ୍ଧୈଵ॒ ଶିରଃ । ଋତ-ନ୍ଦକ୍ଷି॑ଣଃ ପ॒କ୍ଷଃ । ସତ୍ୟମୁତ୍ତ॑ରଃ ପ॒କ୍ଷଃ । ୟୋ॑ଗ ଆ॒ତ୍ମା । ମହଃ ପୁଚ୍ଛ॑-ମ୍ପ୍ରତି॒ଷ୍ଠା ॥ ତଦପ୍ୟେଷ ଶ୍ଲୋ॑କୋ ଭ॒ଵତି ॥ 29 ॥
ଵି॒ଜ୍ଞାନଂ॑-ୟଁ॒ଜ୍ଞ-ନ୍ତ॑ନୁତେ । କର୍ମା॑ଣି ତନୁ॒ତେ-ଽପି॑ ଚ । ଵି॒ଜ୍ଞାନ॑-ନ୍ଦେ॒ଵା-ସ୍ସର୍ଵେ᳚ । ବ୍ରହ୍ମ॒ ଜ୍ୟେଷ୍ଠ॒-ମୁପା॑ସତେ । ଵି॒ଜ୍ଞାନ॒-ମ୍ବ୍ରହ୍ମ॒ ଚେ-ଦ୍ଵେଦ॑ । ତସ୍ମା॒ଚ୍ଚେନ୍ନ ପ୍ର॒ମାଦ୍ୟ॑ତି । ଶ॒ରୀରେ॑ ପାପ୍ମ॑ନୋ ହି॒ତ୍ଵା । ସର୍ଵାନ୍-କାମାନ୍-ଥ୍ସମଶ୍ନୁ॑ତ ଇ॒ତି ॥ ତସ୍ୟୈଷ ଏଵ ଶାରୀ॑ର ଆ॒ତ୍ମା । ୟଃ॑ ପୂର୍ଵ॒ସ୍ୟ ॥ ତସ୍ମାଦ୍ଵା ଏତସ୍ମା-ଦ୍ଵି॑ଜ୍ଞାନ॒ମୟାତ୍ । ଅନ୍ୟୋ-ଽନ୍ତର ଆତ୍ମା॑-ଽଽନନ୍ଦ॒ମୟଃ । ତେନୈ॑ଷ ପୂ॒ର୍ଣଃ ॥ ସ ଵା ଏଷ ପୁରୁଷଵି॑ଧ ଏ॒ଵ । ତସ୍ୟ ପୁରୁ॑ଷଵି॒ଧତାମ୍ ।
ଅନ୍ଵୟ॑-ମ୍ପୁରୁଷ॒ଵିଧଃ । ତସ୍ୟ ପ୍ରିୟ॑-ମେଵ॒ ଶିରଃ ।
ମୋଦୋ ଦକ୍ଷି॑ଣଃ ପ॒କ୍ଷଃ ।
ପ୍ରମୋଦ ଉତ୍ତ॑ରଃ ପ॒କ୍ଷଃ । ଆନ॑ନ୍ଦ ଆ॒ତ୍ମା ।
ବ୍ରହ୍ମ ପୁଚ୍ଛ॑-ମ୍ପ୍ରତି॒ଷ୍ଠା ॥
ତଦପ୍ୟେଷ ଶ୍ଲୋ॑କୋ ଭ॒ଵତି ॥ 30 ॥
ଅସ॑ନ୍ନେ॒ଵ ସ॑ ଭଵତି । ଅସ॒-ଦ୍ବ୍ରହ୍ମେତି॒ ଵେଦ॒ ଚେତ୍ ।
ଅସ୍ତି ବ୍ରହ୍ମେତି॑ ଚେ-ଦ୍ଵେ॒ଦ । ସନ୍ତମେନ-ନ୍ତତୋ ଵି॑ଦୁରି॒ତି ॥
ତସ୍ୟୈଷ ଏଵ ଶାରୀ॑ର ଆ॒ତ୍ମା । ୟଃ॑ ପୂର୍ଵ॒ସ୍ୟ ॥ ଅଥାତୋ॑-ଽନୁ ପ୍ର॒ଶ୍ନାଃ ॥ ଉ॒ତା ଵି॒ଦ୍ଵା ନ॒ମୁଂ-ଲୋଁ॒କ-ମ୍ପ୍ରେତ୍ୟ॑ । କଶ୍ଚ॒ନ ଗ॑ଚ୍ଛ॒ତୀ(3) । ଆହୋ॑ ଵି॒ଦ୍ଵାନ॒ମୁଂ-ଲୋଁ॒କ-ମ୍ପ୍ରେତ୍ୟ॑ । କଶ୍ଚି॒-ଥ୍ସମ॑ଶ୍ନୁ॒ତା(3) ଉ॒ ॥ ସୋ॑-ଽକାମୟତ ।
ବ॒ହୁସ୍ୟା॒-ମ୍ପ୍ରଜା॑ୟେ॒ୟେତି॑ । ସ ତପୋ॑-ଽତପ୍ୟତ । ସ ତପ॑ସ୍ତ॒ପ୍ତ୍ଵା । ଇ॒ଦଗ୍ମ୍ ସର୍ଵ॑-ମସୃଜତ ॥ ୟଦି॒ଦ-ଙ୍କିଞ୍ଚ॑ । ତଥ୍ସୃ॒ଷ୍ଟ୍ଵା । ତଦେ॒ଵାନୁ॒ ପ୍ରାଵି॑ଶତ୍ ॥ ତଦ॑ନୁପ୍ର॒ଵିଶ୍ୟ॑ । ସଚ୍ଚ॒ ତ୍ୟଚ୍ଚା॑ଭଵତ୍ । ନି॒ରୁକ୍ତ॒-ଞ୍ଚା ନି॑ରୁକ୍ତ-ଞ୍ଚ ।
ନି॒ଲୟ॑ନ॒-ଞ୍ଚା ନି॑ଲୟନ-ଞ୍ଚ । ଵି॒ଜ୍ଞାନ॒-ଞ୍ଚା ଵି॑ଜ୍ଞାନ-ଞ୍ଚ । ସତ୍ୟ-ଞ୍ଚାନୃତ-ଞ୍ଚ ସ॑ତ୍ୟ-ମ॒ଭଵତ୍ ॥ ୟଦି॑ଦ-ଙ୍କି॒ଞ୍ଚ ।
ତଥ୍ସତ୍ୟ-ମି॑ତ୍ୟା ଚ॒କ୍ଷତେ ॥ ତଦପ୍ୟେଷ ଶ୍ଲୋ॑କୋ ଭ॒ଵତି ॥ 31 ॥
ଅସ॒ଦ୍ଵା ଇ॒ଦମଗ୍ର॑ ଆସୀତ୍ । ତତୋ॒ ଵୈ ସଦ॑ଜାୟତ ।
ତଦାତ୍ମାନଗ୍ଗ୍ ସ୍ଵୟ॑-ମକୁ॒ରୁତ । ତସ୍ମା-ତ୍ତ-ଥ୍ସୁକୃତମୁଚ୍ୟ॑ତ ଇ॒ତି ॥ ୟଦ୍ଵୈ॑ ତ-ଥ୍ସୁ॒କୃତମ୍ । ର॑ସୋ ଵୈ॒ ସଃ । ରସଗ୍ଗ୍ ହ୍ୟେଵାୟଂ-ଲଁବ୍ଧ୍ଵା-ଽଽନ॑ନ୍ଦୀ ଭ॒ଵତି ॥
କୋ ହ୍ୟେଵାନ୍ୟା᳚-ତ୍କଃ ପ୍ରା॒ଣ୍ୟାତ୍ । ୟଦେଷ ଆକାଶ ଆନ॑ନ୍ଦୋ ନ॒ ସ୍ୟାତ୍ । ଏଷ ହ୍ୟେଵାନ॑ନ୍ଦୟା॒ତି ॥ ୟ॒ଦା ହ୍ୟେ॑ଵୈଷ॒ ଏତସ୍ମି-ନ୍ନଦୃଶ୍ୟେ ଽନାତ୍ମ୍ୟେ ଽନିରୁକ୍ତେ ଽନିଲୟନେ ଽଭୟଂ
ପ୍ରତି॑ଷ୍ଠାଂ-ଵିଁ॒ନ୍ଦତେ । ଅଥ ସୋ-ଽଭୟ-ଙ୍ଗ॑ତୋ ଭ॒ଵତି ॥
ୟ॒ଦା ହ୍ୟେ॑ଵୈଷ॒ ଏତସ୍ମି-ନ୍ନୁଦର-ମନ୍ତ॑ର-ଙ୍କୁ॒ରୁତେ ।
ଅଥ ତସ୍ୟ ଭ॑ୟ-ମ୍ଭ॒ଵତି ॥ ତତ୍ତ୍ଵେଵ ଭୟଂ-ଵିଁଦୁଷୋ-ଽମ॑ନ୍ଵାନ॒ସ୍ୟ ॥
ତଦପ୍ୟେଷ ଶ୍ଲୋ॑କୋ ଭ॒ଵତି ॥ 32 ॥
ଭୀ॒ଷା-ଽସ୍ମା॒-ଦ୍ଵାତଃ॑ ପଵତେ । ଭୀ॒ଷୋଦେ॑ତି॒ ସୂର୍ୟଃ॑ ।
ଭୀଷା-ଽସ୍ମା-ଦଗ୍ନି॑-ଶ୍ଚେନ୍ଦ୍ର॒ଶ୍ଚ । ମୃତ୍ୟୁ-ର୍ଧାଵତି ପଞ୍ଚ॑ମ ଇ॒ତି ॥ ସୈଷା-ଽଽନନ୍ଦସ୍ୟ ମୀମାଗ୍ମ୍॑ସା ଭ॒ଵତି ॥ ୟୁଵା ସ୍ୟା-ଥ୍ସାଧୁ ୟୁ॑ଵା-ଽଦ୍ଧ୍ୟା॒ୟକଃ । ଆଶିଷ୍ଠୋ ଦୃଢିଷ୍ଠୋ॑ ବଲି॒ଷ୍ଠଃ । ତସ୍ୟେୟ-ମ୍ପୃଥିଵୀ ସର୍ଵା ଵିତ୍ତସ୍ୟ॑ ପୂର୍ଣା॒ ସ୍ୟାତ୍ ।
ସ ଏକୋ ମାନୁଷ॑ ଆନ॒ନ୍ଦଃ ॥ ତେ ୟେ ଶତ-ମ୍ମାନୁଷା॑ ଆନ॒ନ୍ଦାଃ । ॥ 33-ଽ ॥
ସ ଏକୋ ମନୁଷ୍ୟ-ଗନ୍ଧର୍ଵାଣା॑-ମାନ॒ନ୍ଦଃ । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ ॥ ତେ ୟେ ଶତ-ମ୍ମନୁଷ୍ୟ-ଗନ୍ଧର୍ଵାଣା॑-ମାନ॒ନ୍ଦାଃ । ସ ଏକୋ ଦେଵ-ଗନ୍ଧର୍ଵାଣା॑-ମାନ॒ନ୍ଦଃ । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ ॥
ତେ ୟେ ଶତ-ନ୍ଦେଵ-ଗନ୍ଧର୍ଵାଣା॑-ମାନ॒ନ୍ଦାଃ ।
ସ ଏକଃ ପିତୃଣା-ଞ୍ଚିରଲୋକ-ଲୋକାନା॑-ମାନ॒ନ୍ଦଃ ।
ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ ॥
ତେ ୟେ ଶତ-ମ୍ପିତୃଣା-ଞ୍ଚିରଲୋକ-ଲୋକାନା॑-ମାନ॒ନ୍ଦାଃ ।
ସ ଏକ ଆଜାନଜାନା-ନ୍ଦେଵାନା॑-ମାନ॒ନ୍ଦଃ । ॥ 33.ବ୍ ॥
ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ ॥
ତେ ୟେ ଶତ-ମାଜାନ-ଜାନା-ନ୍ଦେଵାନା॑ ମାନ॒ନ୍ଦାଃ ।
ସ ଏକଃ କର୍ମ-ଦେଵାନା-ନ୍ଦେଵାନା॑-ମାନ॒ନ୍ଦଃ ।
ୟେ କର୍ମଣା ଦେଵାନ॑ପି ୟ॒ନ୍ତି । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ ॥ ତେ ୟେ ଶତ-ଙ୍କର୍ମଦେଵାନା-ନ୍ଦେଵାନା॑-ମାନ॒ନ୍ଦାଃ । ସ ଏକୋ ଦେଵାନା॑-ମାନ॒ନ୍ଦଃ । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ ॥ ତେ ୟେ ଶତ-ନ୍ଦେଵାନା॑-ମାନ॒ନ୍ଦାଃ । ସ ଏକ ଇନ୍ଦ୍ର॑ସ୍ୟାନ॒ନ୍ଦଃ । ॥ 33.ଚ୍ ॥
ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ ॥ ତେ ୟେ ଶତମିନ୍ଦ୍ର॑-ସ୍ୟା-ଽଽନ॒ନ୍ଦାଃ । ସ ଏକୋ ବୃହସ୍ପତେ॑-ରାନ॒ନ୍ଦଃ । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ ॥
ତେ ୟେ ଶତ-ମ୍ବୃହସ୍ପତେ॑ ରାନ॒ନ୍ଦାଃ । ସ ଏକଃ ପ୍ରଜାପତେ॑-ରାନ॒ନ୍ଦଃ । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ ॥ ତେ ୟେ ଶତ-ମ୍ପ୍ରଜାପତେ॑-ରାନ॒ନ୍ଦାଃ । ସ ଏକୋ ବ୍ରହ୍ମଣ॑ ଆନ॒ନ୍ଦଃ । ଶ୍ରୋତ୍ରିୟସ୍ୟ ଚାକାମ॑ହତ॒ସ୍ୟ ॥ 33.ଦ୍ ॥
ସ ୟଶ୍ଚା॑ୟ-ମ୍ପୁ॒ରୁଷେ । ୟଶ୍ଚାସା॑-ଵାଦି॒ତ୍ୟେ । ସ ଏକଃ॑ ॥
ସ ୟ॑ ଏଵଂ॒-ଵିଁତ୍ । ଅସ୍ମାଲ୍ଲୋ॑କା-ତ୍ପ୍ରେ॒ତ୍ୟ ।
ଏତମନ୍ନମୟ-ମାତ୍ମାନ-ମୁପ॑ସଙ୍କ୍ରା॒ମତି ।
ଏତ-ମ୍ପ୍ରାଣମୟ-ମାତ୍ମାନ-ମୁପ॑ସଙ୍କ୍ରା॒ମତି ।
ଏତ-ମ୍ମନୋମୟ-ମାତ୍ମାନ-ମୁପ॑ସଙ୍କ୍ରା॒ମତି ।
ଏତଂ-ଵିଁଜ୍ଞାନମୟ-ମାତ୍ମାନ-ମୁପ॑ସଙ୍କ୍ରା॒ମତି ।
ଏତମାନନ୍ଦମୟ-ମାତ୍ମାନ-ମୁପ॑ସଙ୍କ୍ରା॒ମତି ॥
ତଦପ୍ୟେଷ ଶ୍ଲୋ॑କୋ ଭ॒ଵତି ॥ 33ଏ ॥
ୟତୋ॒ ଵାଚୋ॒ ନିଵ॑ର୍ତନ୍ତେ । ଅପ୍ରା᳚ପ୍ୟ॒ ମନ॑ସା ସ॒ହ । ଆନନ୍ଦ-ମ୍ବ୍ରହ୍ମ॑ଣୋ ଵି॒ଦ୍ଵାନ୍ । ନ ବିଭେତି କୁତ॑ଶ୍ଚନେ॒ତି ॥ ଏତଗ୍ମ୍ ହ ଵା ଵ॑ ନ ତ॒ପତି । କିମହଗ୍ମ୍ ସାଧୁ॑ ନାକ॒ରଵମ୍ । କିମହ-ମ୍ପାପ-ମକର॑ଵ-ମି॒ତି ॥
ସ ୟ ଏଵଂ-ଵିଁଦ୍ଵାନେତେ ଆତ୍ମା॑ନଗ୍ଗ୍ ସ୍ପୃ॒ଣୁତେ ॥
ଉ॒ଭେ ହ୍ୟେ॑ଵୈଷ॒ ଏତେ ଆତ୍ମା॑ନଗ୍ଗ୍ ସ୍ପୃ॒ଣୁତେ ।
ୟ ଏ॒ଵଂ-ଵେଁଦ॑ ॥ ଇତ୍ୟୁ॑ପ॒ନିଷ॑ତ୍ ॥ 34 ॥
ସ॒ହ ନା॑ ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟ॑-ଙ୍କରଵାଵହୈ । ତେ॒ଜ॒ସ୍ଵିନା॒ ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥ ଓଂ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥
(ବ୍ର॒ହ୍ମ॒ଵିଦିଦମୟମିଦମେକ॑ଵିଗ୍ମ୍ଶତିଃ ।
ଅନ୍ନା॒ ଦନ୍ନ॑ରସ॒ମୟା-ତ୍ପ୍ରାଣୋ॒ ଵ୍ୟାନୋ-ଽପାନ ଆକା॑ଶଃ॒ ପୃଥିଵୀ ପୁଚ୍ଛ॒ଗ୍ମ୍॒ ଷଡ୍ଵିଗ୍ମ୍॑ଶତିଃ ।
ପ୍ରା॒ଣ-ମ୍ପ୍ରା॑ଣ॒ମୟା-ନ୍ମ॑ନୋ॒ ୟଜୁ॒ର୍॒ ଋ-ଖ୍ସାମାଦେ॒ଶୋ-ଽଥର୍ଵାଙ୍ଗିରସଃ ପୁଚ୍ଛ॒-ନ୍ଦ୍ଵାଵିଗ୍ମ୍॑ଶତିଃ ।
ୟତ॑-ଶ୍ଶ୍ର॒ଦ୍ଧର୍ତଗ୍ମ୍ ସତ୍ୟମ୍ ଁୟୋ॑ଗୋ॒ ମହୋ॑-ଽଷ୍ଟାଦ॑ଶ । ଵି॒ଜ୍ଞାନ॒-ମ୍ପ୍ରିୟ॒-ମ୍ମୋଦଃ ପ୍ରମୋଦ ଆନ॑ନ୍ଦୋ॒ ବ୍ରହ୍ମ ପୁଚ୍ଛ॒-ନ୍ଦ୍ଵାଵିଗ୍ମ୍॑ଶତିଃ ।
ଅସ॑ନ୍ନେ॒ଵାଥାଷ୍ଟାଵି ଗ୍ମ୍॑ଶତିଃ । ଅସ॒-ଥ୍ଷୋଡ॑ଶ ।
ଭୀ॒ଷା-ଽସ୍ମା॒-ନ୍ମାନୁଷୋ॒ ମନୁଷ୍ୟଗନ୍ଧର୍ଵାଣା॒-ନ୍ଦେଵଗନ୍ଧର୍ଵାଣା॒-ମ୍ପିତୃଣାମ୍ଚିରଲୋକଲୋକାନା॒ ମାଜାନଜାନା-ଙ୍କର୍ମଦେଵାନାମ୍ ଁୟେ କର୍ମଣା ଦେଵାନା॒ମିନ୍ଦ୍ର॑ସ୍ୟ॒ ବୃହସ୍ପତେଃ॒ ପ୍ରଜାପତେ॒-ର୍ବ୍ରହ୍ମଣ॒-ସ୍ସ ୟଶ୍ଵ॑ ସଙ୍କ୍ରା॒ମତ୍ୟେକ॑ପଞ୍ଚା॒ଶତ୍ ।
ୟତଃ॒ କୁତ॑ଶ୍ଚ॒ ନୈତମେକା॑ଦଶ॒ ନଵ॑) (ଅ. 14)
॥ ଇତି ବ୍ରହ୍ମାନନ୍ଦଵଲ୍ଲୀ ସମାପ୍ତା ॥
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ଆରଣ୍ୟକେ ଅଷ୍ଟମଃ ପ୍ରପାଠକ-ସ୍ସମାପ୍ତଃ ॥
