কৃষ্ণ যজুর্বেদীয তৈত্তিরীয ব্রাহ্মণে কাঠকে প্রথমঃ প্রশ্নঃ - সাবিত্রচযনম্
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
অনুবাকং 1 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
স॒ঞ্জ্ঞানং॑-বিঁ॒জ্ঞান॑-ম্প্র॒জ্ঞান॑-ঞ্জা॒নদ॑ভিজা॒নত্ । স॒কংল্পঁ॑মান-ম্প্র॒কল্প॑মান-মুপ॒কল্প॑মান॒-মুপ॑ক্লৃপ্ত-ঙ্ক্লৃ॒প্তম্ ।
শ্রেযো॒ বসী॑য আ॒যথ্সম্ভূ॑ত-ম্ভূ॒তম্ ॥
চি॒ত্রঃ কে॒তুঃ প্র॒ভানা॒ভান্-থ্স॒ভান্ন্ ।
জ্যোতি॑ষ্মা॒গ্॒-স্তেজ॑স্বানা॒তপ॒গ্গ্॒-স্তপ॑ন্নভি॒তপন্ন্॑ ।
রো॒চ॒নো রোচ॑মানঃ-শোভ॒নঃ-শোভ॑মানঃ ক॒ল্যাণঃ॑ ॥ দর্শা॑ দৃ॒ষ্টা দ॑র্শ॒তা বি॒শ্বরূ॑পা সুদর্শ॒না । আ॒প্যায॑মানা॒ প্যায॑মানা॒-প্যাযা॑ সূ॒নৃতেরা᳚ ।
আ॒পূর্য॑মাণা॒ পূর্য॑মাণা পূ॒রয॑ন্তী পূ॒র্ণা পৌ᳚র্ণমা॒সী ॥ দা॒তা প্র॑দা॒তা-ঽঽন॒ন্দো মোদঃ॑ প্রমো॒দঃ ॥ 1 ॥
আ॒বে॒শয॑-ন্নিবে॒শযন্᳚থ্সং॒বেঁশ॑ন॒-স্সগ্গ্শা᳚ন্ত-শ্শা॒ন্তঃ । আ॒ভব॑-ন্প্র॒ভবন্᳚-থ্স॒ভংবঁ॒ন্-থ্সম্ভূ॑তো ভূ॒তঃ ॥
প্রস্তু॑তং॒-বিঁষ্টু॑ত॒গ্ম্॒ সগ্গ্স্তু॑ত-ঙ্ক॒ল্যাণং॑-বিঁ॒শ্বরূ॑পম্ । শু॒ক্রম॒মৃত॑-ন্তেজ॒স্বি তেজ॒-স্সমি॑দ্ধম্ । অ॒রু॒ণ-ম্ভা॑নু॒ম-ন্মরী॑চিমদভি॒তপ॒-ত্তপ॑স্বত্ ॥ স॒বি॒তা প্র॑সবি॒তা দী॒প্তো দী॒পয॒-ন্দীপ্য॑মানঃ । জ্বল॑-ঞ্জ্বলি॒তা তপ॑ন্ বি॒তপন্᳚-থ্স॒ন্তপন্ন্॑ । রো॒চ॒নো রোচ॑মান-শ্শু॒ভূং-শ্শুম্ভ॑মানো বা॒মঃ ॥
সু॒তা সু॑ন্ব॒তী প্রসু॑তা সূ॒যমা॑না ঽভিষূ॒যমা॑ণা । পীতী᳚ প্র॒পা স॒পা-ন্তৃপ্তি॑-স্ত॒র্পয॑ন্তী ॥ 2 ॥
কা॒ন্তা কা॒ম্যা কা॒মজা॒তা ঽঽযু॑ষ্মতী কাম॒দুঘা᳚ ॥ অ॒ভি॒শা॒স্তা ঽনু॑ম॒ন্তা-ঽঽন॒ন্দো মোদঃ॑ প্রমো॒দঃ । আ॒সা॒দয॑-ন্নিষা॒দযন্᳚-থ্স॒গ্ম্॒সাদ॑ন॒-স্সগ্ম্স॑ন্ন-স্স॒ন্নঃ ।
আ॒ভূ র্বি॒ভূঃ প্র॒ভূ-শ্শ॒ভূং র্ভুবঃ॑ ॥
প॒বিত্র॑-ম্পবযি॒ষ্য-ন্পূ॒তো মেদ্ধ্যঃ॑ ।
যশো॒ যশ॑স্বা-না॒যুর॒মৃতঃ॑ । জী॒বো জী॑বি॒ষ্য-ন্থ্স্ব॒র্গো লো॒কঃ ॥ সহ॑স্বা॒-ন্থ্সহী॑যা॒-নোজ॑স্বা॒-ন্থ্সহ॑মানঃ । জয॑ন্ন-ভি॒জযন্᳚-থ্সু॒দ্রবি॑ণো দ্রবিণো॒দাঃ । আ॒র্দ্রপ॑বিত্রো॒ হরি॑কেশো॒ মোদঃ॑ প্রমো॒দঃ ॥ 3 ॥
অ॒রু॒ণো॑ ঽরু॒ণর॑জাঃ পু॒ণ্ডরী॑কো বিশ্ব॒জিদ॑-ভি॒জিত্ । আ॒র্দ্রঃ পিন্ব॑মা॒নো ঽন্ন॑বা॒ন্-রস॑বা॒-নিরা॑বান্ ।
স॒র্বৌ॒ষ॒ধ-স্স॑ভং॒রো মহ॑স্বান্ ॥ এ॒জ॒ত্কা জো॑ব॒ত্কাঃ । ক্ষু॒ল্ল॒কা-শ্শি॑পিবিষ্ট॒কাঃ ।
স॒রি॒স্ত্র॒রা-স্সু॒শের॑বঃ । অ॒জি॒রাসো॑ গমি॒ষ্ণবঃ॑ ॥ ই॒দানী᳚-ন্ত॒দানী॑-মে॒তর্হি॑ ক্ষি॒প্রম॑জি॒রম্ । আ॒শু র্নি॑মে॒ষঃ ফ॒ণো দ্রব॑ন্নতি॒-দ্রবন্ন্॑ । ত্বর॒গ্গ্॒ স্ত্বর॑মাণ আ॒শুরাশী॑যাঞ্জ॒বঃ {আ॒শুরাশী॑যান্ জ॒বঃ} ॥
অ॒গ্নি॒ষ্টো॒ম উ॒ক্থ্যো॑ ঽতিরা॒ত্রো দ্বি॑রা॒ত্র-স্ত্রি॑রা॒ত্র-শ্চ॑তূরা॒ত্রঃ । অ॒গ্নির্-ঋ॒তু-স্সূর্য॑ ঋ॒তুশ্চ॒ন্দ্রমা॑ ঋ॒তুঃ ॥ প্র॒জাপ॑তি-স্সংবঁথ্স॒রো ম॒হান্কঃ ॥ 4 ॥
(প্র॒মো॒দ - স্ত॒র্পয॑ন্তী - প্রমো॒দো - জ॒বস্ত্রীণি॑ চ) (অ. 1)
অনুবাকং 2 - অনুবাকেষু নবসু লেখাসু নাভ্যা-ঞ্চেষ্টকোপধানং
স্বযমাতৃণ্ণোপধান-ঞ্চোচ্যতে
ভূর॒গ্নি-ঞ্চ॑ পৃথি॒বী-ঞ্চ॒ মা-ঞ্চ॑ ।
ত্রীগ্শ্চ॑ লো॒কা-ন্থ্সং॑বঁথ্স॒র-ঞ্চ॑ ।
প্র॒জাপ॑তিস্ত্বা সাদযতু । তযা॑ দে॒বত॑যা ঽঙ্গির॒স্ব-দ্ধ্রু॒বা সী॑দ ॥
ভুবো॑ বা॒যু-ঞ্চা॒ন্তরি॑ক্ষ-ঞ্চ॒ মা-ঞ্চ॑ । ত্রীগ্শ্চ॑ লো॒কা-ন্থ্সং॑বঁথ্স॒র-ঞ্চ॑ ।
প্র॒জাপ॑তিস্ত্বা সাদযতু । তযা॑ দে॒বত॑যা-ঽ ঙ্গিংর॒স্ব-দ্ধ্রু॒বা সী॑দ । স্ব॑রাদি॒ত্য-ঞ্চ॒ দিব॑-ঞ্চ॒ মা-ঞ্চ॑ । ত্রীগ্শ্চ॑ লো॒কা-ন্থ্সং॑বঁথ্স॒র-ঞ্চ॑ । প্র॒জাপ॑তিস্ত্বা সাদযতু । তযা॑ দে॒বত॑যা ঽঙ্গিংর॒স্ব-দ্ধ্রু॒বা সী॑দ । ভূর্ভুব॒-স্স্ব॑-শ্চ॒ন্দ্রম॑স-ঞ্চ॒ দিশ॑শ্চ॒ মা-ঞ্চ॑ ।
ত্রীগ্শ্চ॑ লো॒কা-ন্থ্স॑বন্থ্স॒র-ঞ্চ॑ । প্র॒জাপ॑তিস্ত্বা সাদযতু । তযা॑ দে॒বত॑যা ঽঙ্গির॒স্ব-দ্ধ্রু॒বা সী॑দ ॥ 5 ॥
(সং॒বঁ॒থ্স॒র॒-ঞ্চ॒ ষট্ চ॑)(আ2)
অনুবাকং 3 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
ত্বমে॒ব ত্বাং-বেঁ᳚ত্থ॒ যো॑-ঽসি॒ সো-ঽসি॑ । ত্বমে॒ব ত্বাম॑চৈষীঃ । চি॒তশ্চাসি॒ সঞ্চি॑ত-শ্চাস্যগ্নে । এ॒তাবা॒গ্॒শ্চাসি॒ ভূযাগ্॑শ্চাস্যগ্নে ।
যত্তে॑ অগ্নে॒ ন্যূ॑নং॒-যঁদু॒ তে-ঽতি॑রিক্তম্ । আ॒দি॒ত্যা-স্তদংঙ্গি॑রস-শ্চিন্বন্তু ।
বিশ্বে॑ তে দে॒বাশ্চিতি॒-মাপূ॑রযন্তু । চি॒তশ্চাসি॒ সঞ্চি॑ত-শ্চাস্যগ্নে । এ॒তাবা॒গ্॒শ্চাসি॒ ভূযাগ্॑শ্চাস্যগ্নে । মা তে॑ অগ্নে ঽচ॒যেন॒ মা-ঽতি॑ চ॒ যেনাযু॒রাবৃ॑ক্ষি । সব॑র্ষা॒-ঞ্জ্যোতি॑ষা॒-ঞ্জ্যোতি॒ র্যদ॒দাবু॒দেতি॑ । তপ॑সো জা॒তমনি॑-ভৃষ্ট॒মোজঃ॑ । তত্তে॒ জ্যোতি॑রিষ্টকে । তেন॑ মে তপ । তেন॑ মে জ্বল । তেন॑ মে দীদিহি ।
যাব॑দ্দে॒বাঃ । যাব॒দসা॑তি॒ সূর্যঃ॑ । যাব॑দু॒তাপি॒ ব্রহ্ম॑ ॥ 6 ॥
(আবৃ॑ক্ষি॒ নব॑ চ) (অ. 3)
অনুবাকং 4 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
সং॒বঁ॒থ্স॒রো॑-ঽসি পরিবথ্স॒রো॑-ঽসি । ই॒দা॒ব॒থ্স॒রো॑-ঽসী-দুবথ্স॒রো॑-ঽসি ।
ই॒দ্ব॒থ্স॒রো॑-ঽসি বথ্স॒রো॑-ঽসি । তস্য॑ তে বস॒ন্ত-শ্শিরঃ॑ । গ্রী॒ষ্মো দক্ষি॑ণঃ প॒ক্ষঃ । ব॒র॒.ষাঃ পুচ্ছ᳚ম্ । শ॒রদুত্ত॑রঃ প॒ক্ষঃ ।
হে॒ম॒ন্তো মদ্ধ্য᳚ম্ । পূ॒র্ব॒প॒ক্ষাশ্চিত॑যঃ । অ॒প॒র॒প॒ক্ষাঃ পুরী॑ষম্ ॥ 7 ॥
অ॒হো॒রা॒ত্রা-ণীষ্ট॑কাঃ । ঋ॒ষ॒ভো॑-ঽসি স্ব॒র্গো লো॒কঃ । যস্যা᳚-ন্দি॒শি ম॒হীয॑সে । ততো॑ নো॒ মহ॒ আব॑হ । বা॒যু র্ভূ॒ত্বা সর্বা॒ দিশ॒ আবা॑হি । সর্বা॒ দিশো-ঽনু॒ বিবা॑হি । সর্বা॒ দিশো-ঽনু॒ সংবাঁ॑হি । চিত্ত্যা॒ চিতি॒-মাপৃ॑ণ । অচি॑ত্ত্যা॒ চিতি॒-মাপৃ॑ণ । চিদ॑সি সমু॒দ্রযো॑নিঃ ॥ 8 ॥
ইন্দু॒ র্দক্ষ॑-শ্শ্যে॒ন ঋ॒তাবা᳚ । হির॑ণ্যপক্ষ-শ্শকু॒নো ভু॑র॒ণ্যুঃ । ম॒হা-ন্থ্স॒ধস্থে᳚ ধ্রু॒ব আনিষ॑ত্তঃ । নম॑স্তে অস্তু॒ মা মা॑ হিগ্ম্সীঃ । এতি॒ প্রেতি॒ বীতি॒ সমিত্যুদিতি॑ । দিব॑-ম্মে যচ্ছ । অ॒ন্তরি॑ক্ষ-ম্মে যচ্ছ । পৃ॒থি॒বী-ম্মে॑ যচ্ছ ।
পৃ॒থি॒বী-ম্মে॑ যচ্ছ । অ॒ন্তরি॑ক্ষ-ম্মে যচ্ছ । দিব॑-ম্মে যচ্ছ । অহ্না॒ প্রসা॑রয । রাত্র্যা॒ সম॑চ । রাত্র্যা॒ প্রসা॑রয । অহ্না॒ সম॑চ ।
কাম॒-ম্প্রসা॑রয । কাম॒গ্ম্॒ সম॑চ ॥ 9 ॥
(পুরী॑ষগ্ম্ - সমু॒দ্রযো॑নিঃ - পৃথি॒বী-ম্মে॑ যচ্ছা॒ন্তরি॑ক্ষ-ম্মে যচ্ছ স॒প্ত চ॑) (অ. 4)
অনুবাকং 5 - অনুবাকেষু নবসু লেখাসু নাভ্যা-ঞ্চেষ্টকোপধানং
স্বযমাতৃণ্ণোপধান-ঞ্চোচ্যতে
ভূর্ভুব॒-স্স্বঃ॑ । ওজো॒ বল᳚ম্ । ব্রহ্ম॑ ক্ষ॒ত্রম্ । যশো॑ ম॒হত্ । স॒ত্য-ন্তপো॒ নাম॑ । রূ॒প-ম॒মৃত᳚ম্ । চক্ষু॒-শ্শ্রোত্র᳚ম্ । মন॒ আযুঃ॑ ।
বিশ্বং॒-যঁশো॑ ম॒হঃ । স॒ম-ন্তপো॒ হরো॒ ভাঃ । জা॒তবে॑দা॒ যদি॑ বা পাব॒কো-ঽসি॑ । বৈ॒শ্বা॒ন॒রো যদি॑ বা বৈদ্যু॒তো-ঽসি॑ । শ-ম্প্র॒জাভ্যো॒ যজ॑মানায লো॒কম্ । ঊর্জ॒-ম্পুষ্টি॒-ন্দদ॑-দ॒ভ্যাব॑বৃথ্স্ব ॥ 10 ॥
(ভাশ্চ॒ত্বারি॑ চ) (অ. 5)
অনুবাকং 6 - অনুবাকেষু নবসু লেখাসু নাভ্যা-ঞ্চেষ্টকোপধানং
স্বযমাতৃণ্ণোপধান-ঞ্চোচ্যতে
রাজ্ঞী॑ বিরাজ্ঞী᳚ । স॒ম্রাজ্ঞী᳚ স্ব॒রাজ্ঞী᳚ । অ॒র্চি-শ্শো॒চিঃ । তপো॒ হরো॒ ভাঃ । অ॒গ্নি-রিন্দ্রো॒ বৃহ॒স্পতিঃ॑ । বিশ্বে॑ দে॒বা ভুব॑নস্য গো॒পাঃ ।
তে মা॒ সর্বে॒ যশ॑সা॒ সগ্ম্সৃ॑জন্তু ॥ 11 ॥
(রাজ্ঞীন্দ্রো॑ মা স॒প্ত (অ. 6)
অনুবাকং 7 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
অস॑বে॒ স্বাহা॒ বস॑বে॒ স্বাহা᳚ । বিভু॑বে॒ স্বাহা॒ বিব॑স্বতে॒ স্বাহা᳚ । অ॒ভি॒ভুবে॒ স্বাহা-ঽধি॑পতযে॒ স্বাহা᳚ । দি॒বাম্পত॑যে॒ স্বাহা ঽগ্ম্॑হস্প॒ত্যায॒ স্বাহা᳚ । চা॒ক্ষু॒ষ্ম॒ত্যায॒ স্বাহা᳚ জ্যোতিষ্ম॒ত্যায॒ স্বাহা᳚ । রাজ্ঞে॒ স্বাহা॑ বি॒রাজ্ঞে॒ স্বাহা᳚ । স॒ম্রাজ্ঞে॒ স্বাহা᳚ স্ব॒রাজ্ঞে॒ স্বাহা᳚ ।
শূষা॑য॒ স্বাহা॒ সূর্যা॑য॒ স্বাহা᳚ । চ॒ন্দ্রম॑সে॒ স্বাহা॒ জ্যোতি॑ষে॒ স্বাহা᳚ ।
স॒গ্ম্॒সর্পা॑য॒ স্বাহা॑ ক॒ল্যাণা॑য॒ স্বাহা᳚ ।
অর্জু॑নায॒ স্বাহা᳚ ॥ 12 ॥
(ক॒ল্যাণা॑য॒ স্বাহৈক॑-ঞ্চ) (অ. 7)
অনুবাকং 8 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
বি॒প॒শ্চিতে॒ পব॑মানায গাযত । ম॒হী ন ধারা ঽত্যন্ধো॑ অর্ষতি । অহি॑র্হ জী॒র্ণামতি॑সর্পতি॒ ত্বচ᳚ম্ । অত্যো॒ ন ক্রীড॑ন্ন সর॒দ্বৃষা॒ হরিঃ॑ ।
উ॒প॒যা॒মগৃ॑হীতো-ঽসি মৃ॒ত্যবে᳚ ত্বা॒ জুষ্ট॑-ঙ্গৃহ্ণামি । এ॒ষ তে॒ যোনি॑র্মৃ॒ত্যবে᳚ ত্বা ॥ অপ॑ মৃ॒ত্যু-মপ॒ক্ষুধ᳚ম্ । অপে॒ত-শ্শ॒পথ॑-ঞ্জহি ।
অধা॑ নো অগ্ন॒ আব॑হ । রা॒যস্পোষগ্ম্॑ সহ॒স্রিণ᳚ম্ ॥ 13 ॥
যে তে॑ স॒হস্র॑ম॒যুত॒-ম্পাশাঃ᳚ । মৃত্যো॒ মর্ত্যা॑য॒ হন্ত॑বে । তান্. য॒জ্ঞস্য॑ মা॒যযা᳚ । সর্বা॒নব॑ যজামহে ॥ ভ॒ক্ষো᳚ ঽস্যমৃত ভ॒ক্ষঃ । তস্য॑ তে মৃ॒ত্যু-পী॑তস্যা॒-মৃত॑বতঃ ।
স্ব॒গা-কৃ॑তস্য॒ মধু॑মতঃ ।
উপ॑হূত॒স্যো-প॑হূতো ভক্ষযামি ॥
ম॒ন্দ্রা ঽভিভূ॑তিঃ কে॒তু র্য॒জ্ঞানাং॒-বাঁক্ । অসা॒বেহি॑ ॥ 14 ॥
অ॒ন্ধো জাগৃ॑বিঃ প্রাণ । অসা॒বেহি॑ । ব॒ধি॒র আ᳚ক্রন্দযিত-রপান । অসা॒বেহি॑ । অ॒হ॒স্তোস্ত্বা॒ চক্ষুঃ॑ । অসা॒বেহি॑ । অ॒পা॒দাশো॒ মনঃ॑ ।
অসা॒বেহি॑ । কবে॒ বিপ্র॑চিত্তে॒ শ্রোত্র॑ । অসা॒বেহি॑ ॥ 15 ॥
সু॒হ॒স্ত-স্সু॑বা॒সাঃ । শূ॒ষো নামা᳚স্য॒-মৃতো॒ মর্ত্যে॑ষু । তন্ত্বা॒-ঽহ-ন্তথা॒ বেদ॑ । অসা॒বেহি॑ । অ॒গ্নির্মে॑ বা॒চি শ্রি॒তঃ । বাঘৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি । বা॒যুর্মে᳚ প্রা॒ণে শ্রি॒তঃ ॥ 16 ॥
প্রা॒ণো হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
সূর্যো॑ মে॒ চক্ষু॑ষি শ্রি॒তঃ ।
চক্ষু॒র্॒ হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
চ॒ন্দ্রমা॑ মে॒ মন॑সি শ্রি॒তঃ ॥ 17 ॥
মনো॒ হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
দিশো॑ মে॒ শ্রোত্রে᳚ শ্রি॒তাঃ । শ্রোত্র॒গ্ম্॒ হৃদ॑যে । হৃদ॑য॒-ম্মযি॑ । অ॒হম॒মৃতে᳚ ।
অ॒মৃত॒-ম্ব্রহ্ম॑ণি । আপো॑ মে॒ রেত॑সি শ্রি॒তাঃ ॥ 18 ॥
রেতো॒ হৃদ॑যে । হৃদ॑য॒-ম্মযি॑ ।
অ॒হম॒মৃতে᳚ । অ॒মৃত॒-ম্ব্রহ্ম॑ণি ।
পৃ॒থি॒বী মে॒ শরী॑রে শ্রি॒তা ।
শরী॑র॒গ্ম্॒ হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি । ও॒ষ॒ধি॒ব॒ন॒স্প॒তযো॑ মে॒ লোম॑সু শ্রি॒তাঃ ॥ 19 ॥
লোমা॑নি॒ হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
ইন্দ্রো॑ মে॒ বলে᳚ শ্রি॒তঃ । বল॒গ্ম্॒ হৃদ॑যে । হৃদ॑য॒-ম্মযি॑ । অ॒হম॒মৃতে᳚ ।
অ॒মৃত॒-ম্ব্রহ্ম॑ণি । প॒র্জন্যো॑ মে মূ॒র্ধ্নি শ্রি॒তঃ ॥ 20 ॥
মূ॒দ্র্ধা হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
ঈশা॑নো মে ম॒ন্যৌ শ্রি॒তঃ । ম॒ন্যুর্-হৃদ॑যে । হৃদ॑য॒-ম্মযি॑ । অ॒হম॒মৃতে᳚ ।
অ॒মৃত॒-ম্ব্রহ্ম॑ণি ।
আ॒ত্মা ম॑ আ॒ত্মনি॑ শ্রি॒তঃ( ) ॥ 21 ॥
আ॒ত্মা হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
পুন॑র্ম আ॒ত্মা পুন॒রাযু॒রাগা᳚ত্ । পুনঃ॑ প্রা॒ণঃ পুন॒রাকূ॑ত॒-মাগা᳚ত্ ।
বৈ॒শ্বা॒ন॒রো র॒শ্মিভি॑ র্বাবৃধা॒নঃ । অ॒ন্তস্তি॑ষ্ঠত্ব॒মৃত॑স্য গো॒পাঃ ॥ 22 ॥
(স॒হ॒স্রিণ॑ - মিহি॒ - শ্রোত্রাসা॒বেহি॑ - প্রা॒ণে শ্রি॒তো - মন॑সি শ্রি॒তো - রেত॑সি শ্রি॒তা - লোম॑সু শ্রি॒তা - মূ॒র্ধ্নি শ্রি॒ত - আ॒ত্মনি॑ শ্রি॒তো᳚ - +-ঽষ্টৌ চ॑) (অ. 8)
(অ॒গ্নি-র্বা॒যু-স্সূর্য॑ শ্চ॒ন্দ্রমা॒ দিশ॒ আপঃ॑ পৃথি॒ ব্যো॑ষধিবনস্প॒তয॒ ইন্দ্রঃ॑ প॒র্জন্য॒ ঈশা॑ন আ॒ত্মা পুন॑র্মে॒ ত্রযো॑দশ)
অনুবাকং 9 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
প্র॒জাপ॑তি র্দে॒বান॑সৃজত । তে পা॒প্মনা॒ সন্দি॑তা অজাযন্ত । তান্ ব্য॑দ্যত্ । য-দ্ব্য॒দ্যত্ । তস্মা᳚-দ্বি॒দ্যুত্ । তম॑বৃশ্চত্ । যদবৃ॑শ্চত্ । তস্মা॒-দ্বৃষ্টিঃ॑ । তস্মা॒-দ্যত্রৈ॒তে দে॒বতে॑ অভি॒প্রাপ্নু॑তঃ ।
বিচ॑ হৈ॒বাস্য॒ তত্র॑ পা॒প্মান॒ন্দ্যতঃ॑ ॥ 23 ॥
বৃ॒শ্চত॑শ্চ ॥ সৈষা মী॑মা॒গ্ম্॒সা-ঽগ্নি॑হো॒ত্র এ॒ব স॑পন্ন্না । অথো॑ আহুঃ ।
সর্বে॑ষু যজ্ঞক্র॒তুষ্বিতি॑ ॥
হোষ্য॑ন্ন॒প উপ॑স্পৃশেত্ ।
বিদ্যু॑দসি॒ বিদ্য॑মে পা॒প্মান॒মিতি॑ ।
অথ॑ হু॒ত্বোপ॑স্পৃশেত্ ।
বৃষ্টি॑রসি॒ বৃশ্চ॑ মে পা॒প্মান॒মিতি॑ ।
য॒ক্ষ্যমা॑ণো বে॒ষ্ট্বা বা᳚ । বি চ॑ হৈ॒বাস্যৈ॒তে দে॒বতে॑ পা॒প্মান॒-ন্দ্যতঃ॑ ॥ 24 ॥
বৃ॒শ্চত॑শ্চ ॥ অ॒ত্য॒গ্ম্॒হো হারু॑ণিঃ । ব্র॒হ্ম॒চা॒রিণে᳚ প্র॒শ্না-ন্প্রোচ্য॒ প্রজি॑ঘায ।
পরে॑হি । প্ল॒ক্ষ-ন্দৈযাং᳚ (দৈয্যাং᳚) পাতি-ম্পৃচ্ছ । বেত্থ॑ সাবি॒ত্রাং(3) ন বে॒ত্থা(3) ইতি॑ ।
তমা॒গত্য॑ পপ্রচ্ছ । আ॒চার্যো॑ মা॒ প্রাহৈ॑ষীত্ ।
বেত্থ॑ সাবি॒ত্রাং(3) ন বে॒ত্থা(3) ইতি॑ । সহো॑বাচ॒ বেদেতি॑ ॥ 25 ॥
স কস্মি॒-ন্প্রতি॑ষ্ঠিত॒ ইতি॑ । প॒রোর॑জ॒সীতি॑ ।
কস্তদ্য-ত্প॒রোর॑জা॒ ইতি॑ । এ॒ষ বাব স প॒রোর॑জা॒ ইতি॑ হোবাচ । য এ॒ষ তপ॑তি ।
এ॒ষো᳚ ঽর্বাগ্র॑জা॒ ইতি॑ । স কস্মি॑-ন্ত্বে॒ষ ইতি॑ । স॒ত্য ইতি॑ । কি-ন্তথ্স॒ত্যমিতি॑ । তপ॒ ইতি॑ ॥ 26 ॥
কস্মি॒ন্নু তপ॒ ইতি॑ । বল॒ ইতি॑ ।
কি-ন্ত-দ্ব॒লমিতি॑ । প্রা॒ণ ইতি॑ ।
মাস্ম॑ প্রা॒ণমতি॑ পৃচ্ছ॒ ইতি॑ মা-ঽঽচা॒র্যো᳚ ঽব্রবী॒দিতি॑ হোবাচ ব্রহ্মচা॒রী ॥
সহো॑বাচ প্ল॒ক্ষো দৈযাং᳚ (দৈয্যাং᳚) পাতিঃ ।
যদ্বৈ ব্র॑হ্মচারি-ন্প্রা॒ণমত্য॑প্রক্ষ্যঃ । মূ॒দ্র্ধা তে॒ ব্যপ॑তিষ্যত্ ।
অ॒হমু॑ত আচা॒র্যা-চ্ছ্রেযা᳚-ন্ভবিষ্যামি ।
যো মা॑ সাবি॒ত্রে স॒মবা॑দি॒ষ্টেতি॑ ॥ 27 ॥
তস্মা᳚-থ্সাবি॒ত্রে ন সংবঁ॑দেত ॥
স যো হ॒বৈ সা॑বি॒ত্রং-বিঁ॒দুষা॑ সাবি॒ত্রে সং॒বঁদ॑তে । সহা᳚স্মি॒-ঞ্ছ্রিয॑-ন্দধাতি ।
অনু॑ হ॒বা অ॑স্মা অ॒সৌ তপ॒ঞ্ছ্রিয॑-ম্মন্যতে ।
অন্ব॑স্মৈ॒ শ্রীস্তপো॑ মন্যতে । অন্ব॑স্মৈ॒ তপো॒ বল॑-ম্মন্যতে । অন্ব॑স্মৈ॒ বল॑-ম্প্রা॒ণ-ম্ম॑ন্যতে ॥ স যদাহ॑ ।
স॒জ্ঞান্নং॑-বিঁ॒জ্ঞান॒-ন্দর্শা॑ দৃ॒ষ্টেতি॑ । এ॒ষ এ॒ব তত্ ॥ 28 ॥
অথ॒ যদাহ॑ । প্রস্তু॑তং॒-বিঁষ্টু॑তগ্ম্ সু॒তা সু॑ন্ব॒তীতি॑ । এ॒ষ এ॒ব তত্ ॥ এ॒ষ হ্যে॑ব তান্যহা॑নি । এ॒ষ রাত্র॑যঃ ॥ অথ॒ যদাহ॑ ।
চি॒ত্রঃ কে॒তু র্দা॒তা প্র॑দা॒তা স॑বি॒তা প্র॑সবি॒তা ঽভি॑শা॒স্তা ঽনু॑ম॒ন্তেতি॑ । এ॒ষ এ॒ব তত্ । এ॒ষ হ্যে॑ব তে-ঽহ্নো॑ মুহূ॒র্তাঃ । এ॒ষ রাত্রেঃ᳚ ॥ 29 ॥
অথ॒ যদাহ॑ । প॒বিত্র॑-ম্পবযি॒ষ্যন্-থ্সহ॑স্বা॒ন্-থ্সহী॑যানরু॒ণো॑
-ঽরু॒ণর॑জা॒ ইতি॑ । এ॒ষ এ॒ব তত্ । এ॒ষ হ্যে॑ব তে᳚ ঽদ্র্ধমা॒সাঃ । এ॒ষ মাসাঃ᳚ ॥ অথ॒ যদাহ॑ ।
অ॒গ্নি॒ষ্টো॒ম উ॒ক্থ্যো᳚-ঽগ্নির্-ঋ॒তুঃ প্র॒জাপ॑তি-স্সংবঁথ্স॒র ইতি॑ । এ॒ষ এ॒ব তত্ । এ॒ষ হ্যে॑ব তে য॑জ্ঞক্র॒তবঃ॑ । এ॒ষ ঋ॒তবঃ॑ ॥ 30 ॥
এ॒ষ সং॑বঁথ্স॒রঃ ॥ অথ॒ যদাহ॑ । ই॒দানী᳚-ন্ত॒দানী॒মিতি॑ । এ॒ষ এ॒ব তত্ । এ॒ষ হ্যে॑ব তে মু॑হূ॒র্তানা᳚-ম্মুহূ॒র্তাঃ ॥ জ॒ন॒কো হ॒ বৈ দে॑হঃ । অ॒হো॒রা॒ত্রৈ-স্স॒মাজ॑গাম । তগ্ম্ হো॑চুঃ । যো বা অ॒স্মান্. বেদ॑ । বি॒জহ॑ত্-পা॒প্মান॑মেতি ॥ 31 ॥
সর্ব॒-মাযু॑রেতি । অ॒ভি স্ব॒র্গং-লোঁ॒ক-ঞ্জ॑যতি ।
নাস্যা॒-মুষ্মি॑ন্ ঁলো॒কে-ঽন্ন॑-ঙ্ক্ষীযত॒ ইতি॑ ॥ বি॒জহ॑দ্ধ॒ বৈ পা॒প্মান॑মেতি ।
সর্ব॒মাযু॑রেতি । অ॒ভি স্ব॒র্গং-লোঁ॒ক-ঞ্জ॑যতি ।
নাস্যা॒-মুষ্মি॑ন্ ঁলো॒কে ঽন্ন॑-ঙ্ক্ষীযতে ।
য এ॒বং-বেঁদ॑ ॥ অহী॑না॒ হাশ্ব॑ত্থ্যঃ । সা॒বি॒ত্রং-বিঁ॒দা-ঞ্চ॑কার ॥ 32 ॥
স হ॑ হ॒গ্ম্॒সো হি॑র॒ণ্মযো॑ ভূ॒ত্বা । স্ব॒র্গং-লোঁ॒কমি॑যায । আ॒দি॒ত্যস্য॒ সাযু॑জ্যম্ ॥ হ॒গ্ম্॒সো হ॒বৈ হি॑র॒ণ্মযো॑ ভূ॒ত্বা ।
স্ব॒র্গং-লোঁ॒কমে॑তি । আ॒দি॒ত্যস্য॒ সাযু॑জ্যম্ । য এ॒বং-বেঁদ॑ ॥ দে॒ব॒ভা॒গো হ॑ শ্রৌত॒র্॒ষঃ । সা॒বি॒ত্রং-বিঁ॒দা-ঞ্চ॑কার ।
তগ্ম্ হ॒ বাগদৃ॑শ্যমা॒না ঽভ্যু॑বাচ ॥ 33 ॥
সর্ব॑ম্বত গৌত॒মো বে॑দ । য-স্সা॑বি॒ত্রং-বেঁদেতি॑ । স হো॑বাচ । কৈষা বাগ॒সীতি॑ । অ॒যম॒হগ্ম্ সা॑বি॒ত্রঃ । দে॒বানা॑-মুত্ত॒মো লো॒কঃ । গুহ্য॒-ম্মহো॒ বিভ্র॒দিতি॑ । এ॒তাব॑তি হ গৌত॒মঃ ।
য॒জ্ঞো॒প॒বী॒ত-ঙ্কৃ॒ত্বা-ঽধো নিপ॑পাত ।
নমো॒ নম॒ ইতি॑ ॥ 34 ॥
স হো॑বাচ । মা ভৈ॑ষী র্গৌতম । জি॒তো বৈ তে॑ লো॒ক ইতি॑ ॥ তস্মা॒দ্যে কে চ॑ সাবি॒ত্রং-বিঁ॒দুঃ । সর্বে॒ তে জি॒তলো॑কাঃ ॥ স যো হ॒বৈ সা॑বি॒ত্র-স্যা॒ষ্টাক্ষ॑র-ম্প॒দগ্গ্ শ্রি॒যা ঽভিষি॑ক্তং॒-বেঁদ॑ । শ্রি॒যা হৈ॒বাভিষি॑চ্যতে । ঘৃণি॒রিতি॒ দ্বে অ॒ক্ষরে᳚ । সূর্য॒ ইতি॒ ত্রীণি॑ । আ॒দি॒ত্য ইতি॒ ত্রীণি॑ ॥ 35 ॥
এ॒তদ্বৈ সা॑বি॒ত্র-স্যা॒ষ্টাক্ষ॑র-ম্প॒দগ্গ্ শ্রি॒যাভিষি॑ক্তম্ । য এ॒বং-বেঁদ॑ ।
শ্রি॒যা হৈ॒বাভিষি॑চ্যতে ॥ তদে॒-তদৃ॒চা-ঽভ্যু॑ক্তম্ । ঋ॒চো অ॒ক্ষরে॑ পর॒মে ব্যো॑মন্ন্ ।
যস্মি॑-ন্দে॒বা অধি॒ বিশ্বে॑ নিষে॒দুঃ ।
যস্তন্ন বেদ॒ কিমৃ॒চা ক॑রিষ্যতি । য ই-ত্তদ্বি॒দুস্ত ই॒মে সমা॑সত॒ ইতি॑ ॥ ন হ॒বা এ॒তস্য॒র্চা ন যজু॑ষা॒ ন সাম্না-ঽর্থো᳚-ঽস্তি ।
য-স্সা॑বি॒ত্রং-বেঁদ॑ ॥ 36 ॥
তদে॒ত-ত্প॑রি॒ যদ্দে॑বচ॒ক্রম্ ।
আ॒র্দ্র-ম্পিন্ব॑মানগ্গ্ স্ব॒র্গে লো॒ক এ॑তি ।
বি॒জহ॒-দ্বিশ্বা॑ ভূ॒তানি॑ স॒পংশ্য॑ত্ ॥
আ॒র্দ্রো হ॒ বৈ পিন্ব॑মান-স্স্ব॒র্গে লো॒ক এ॑তি ।
বি॒জহ॒ন্ বিশ্বা॑ ভূ॒তানি॑ স॒পংশ্যন্ন্॑ । য এ॒বং-বেঁদ॑ ॥ শূ॒ষো হ॒বৈ বা᳚র্ষ্ণে॒যঃ । আ॒দি॒ত্যেন॑ স॒মাজ॑গাম । তগ্ম্ হো॑বাচ ।
এহি॑ সাবি॒ত্রং-বিঁ॑দ্ধি । অ॒যং-বৈঁ স্ব॒র্গ্যো᳚-ঽগ্নিঃ পা॑রযি॒ষ্ণু-র॒মৃতা॒-থ্সম্ভূ॑ত॒ ইতি॑ । এ॒ষ বাব স সা॑বি॒ত্রঃ ।
য এ॒ষ তপ॑তি । এহি॒ মাং-বিঁ॑দ্ধি । ইতি॑ হৈ॒বৈন॒-ন্তদু॑বাচ ॥ 37 ॥
(দ্যতো॒ - দ্যতো॒ - বেদেতি॒ - তপ॒ ইতি॑ - স॒মবা॑দি॒ষ্টেতি॒ - ত-দ্- রাত্রের্॑. - ঋ॒তবঃ॑ - এতি - চকারো - বাচ॒ - নম॒ ইত্যা॑ - দি॒ত্য ইতি॒ ত্রীণি॑ - সাবি॒ত্রং-বেঁদ॑ - বিদ্ধি॒ পঞ্চ॑ চ) (অ. 9)
(প্র॒জাপ॑তির্দে॒বান্ স॒জ্ঞান্ন॒-ম্প্রস্তু॑ত॒-ন্তান্যহা᳚ন্যে॒ষ রাত্র॑যাস্চি॒ত্র কে॒তুস্তে-ঽহ্নো॑ মুহূ॒র্তো রাত্রেঃ᳚ প॒বিত্র॒-ন্তে᳚-ঽর্ধ মা॒সা অ॑গ্নিষ্টো॒মো য॑জ্ঞক্র॒তব॑ ই॒দানী᳚-ম্মুহূ॒র্তানা᳚-ঞ্জন॒কো-ঽহী॑না দেবভা॒গঃ কৈষা বাম্ম শূ॒ষো হ॒ বৈ ষোড॑শ)
অনুবাকং 10 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
ই॒যং-বাঁব স॒রঘা᳚ । তস্যা॑ অ॒গ্নিরে॒ব সা॑র॒ঘ-ম্মধু॑ । যা এ॒তাঃ পূ᳚র্বপক্ষা-পরপ॒ক্ষযো॒ রাত্র॑যঃ । তা ম॑ধু॒কৃতঃ॑ ।
যান্যহা॑নি । তে ম॑ধুবৃ॒ষাঃ ।
স যো হ॒ বা এ॒তা ম॑ধু॒কৃত॑শ্চ মধুবৃ॒ষাগ্শ্চ॒ বেদ॑ ।
কু॒র্বন্তি॑ হাস্যৈ॒তা অ॒গ্নৌ মধু॑ । নাস্যে᳚ষ্টাপূ॒র্ত-ন্ধ॑যন্তি ॥
অথ॒ যো ন বেদ॑ ॥ 38 ॥
ন হা᳚স্যৈ॒তা অ॒গ্নৌ মধু॑ কুর্বন্তি । ধয॑ন্ত্যস্যেষ্টাপূ॒র্তম্ ॥
যো হ॒ বা অ॑হোরা॒ত্রাণা᳚-ন্নাম॒ধেযা॑নি॒ বেদ॑ ।
নাহো॑রা॒ত্রেষ্বা-র্তি॒মার্চ্ছ॑তি । স॒জ্ঞান্নং॑-বিঁ॒জ্ঞান॒-ন্দর্শা॑ দৃ॒ষ্টেতি॑ ।
এ॒তা-ব॑নুবা॒কৌ পূ᳚র্বপ॒ক্ষস্যা॑-হোরা॒ত্রাণা᳚-ন্নাম॒ধেযা॑নি । প্রস্তু॑তং॒-বিঁষ্টু॑তগ্ম্ সু॒তা সু॑ন্ব॒তীতি॑ । এ॒তাব॑নু-বা॒কাব॑-পরপ॒ক্ষস্যা॑-হোরা॒ত্রাণা᳚-ন্নাম॒ধেযা॑নি ।
নাহো॑রা॒ত্রেষ্বা-র্তি॒মার্চ্ছ॑তি । য এ॒বং-বেঁদ॑ ॥ 39 ॥
যো হ॒ বৈ মু॑হূ॒র্তানা᳚-ন্নাম॒ধেযা॑নি॒ বেদ॑ । ন মু॑হূ॒র্তেষ্বা-র্তি॒মার্চ্ছ॑তি । চি॒ত্রঃ কে॒তু র্দা॒তা প্র॑দা॒তা স॑বি॒তা প্র॑সবি॒তা ঽভি॑শা॒স্তা ঽনু॑ম॒ন্তেতি॑ । এ॒তে॑-ঽনুবা॒কা মু॑হূ॒র্তানা᳚-ন্নাম॒ধেযা॑নি । ন মু॑হূ॒র্তেষ্বা-র্তি॒মার্চ্ছ॑তি । য এ॒বং-বেঁদ॑ ॥ যো হ॒ বা অ॑দ্র্ধমা॒সা-না᳚ঞ্চ॒ মাসা॑নাঞ্চ নাম॒ধেযা॑নি॒ বেদ॑ ।
নাদ্র্ধ॑মা॒সেষু॒ ন মাসে॒ষ্বা-র্তি॒মার্চ্ছ॑তি ।
প॒বিত্র॑-ম্পবযি॒ষ্যন্-থ্সহ॑স্বা॒ন্-থ্সহী॑যানরু॒ণো॑ ঽরু॒ণর॑জা॒ ইতি॑ ।
এ॒তে॑-ঽনুবা॒কা অ॑দ্র্ধমা॒সানা᳚ঞ্চ॒ মাসা॑নাঞ্চ নাম॒ধেযা॑নি ॥ 40 ॥
নাদ্র্ধ॑ম॒সেষু॒ ন মাসে॒ষ্বা-র্তি॒মার্চ্ছ॑তি । য এ॒বং-বেঁদ॑ ॥
যো হ॒ বৈ য॑জ্ঞক্রতূ॒না-ঞ্চ॑র্তূ॒না-ঞ্চ॑ সংবঁথ্স॒রস্য॑ চ নাম॒ধেযা॑নি॒ বেদ॑ ।
ন য॑জ্ঞক্র॒তুষু॒ নর্তুষু॒ ন সং॑বঁথ্স॒র আর্তি॒মার্চ্ছ॑তি । অ॒গ্নি॒ষ্টো॒ম উ॒ক্থ্যো᳚-ঽগ্নির্-ঋ॒তুঃ প্র॒জাপ॑তি-স্সংবঁথ্স॒র ইতি॑ ।
এ॒তে॑ ঽনুবা॒কা য॑জ্ঞক্রতূ॒না-ঞ্চ॑র্তূ॒না-ঞ্চ॑ সংবঁথ্স॒রস্য॑ চ নাম॒ধেযা॑নি ।
ন য॑জ্ঞক্র॒তুষু॒ নর্তুষু॒ ন সং॑বঁথ্স॒র আর্তি॒মার্চ্ছ॑তি । য এ॒বং-বেঁদ॑ ॥
যো হ॒ বৈ মু॑হূ॒র্তানা᳚-ম্মুহূ॒র্তান্. বেদ॑ ।
ন মু॑হূ॒র্তানা᳚-ম্মুহূ॒র্তেষ্বার্তি॒ মার্চ্ছ॑তি ॥ 41 ॥
ই॒দানী᳚-ন্ত॒দানী॒মিতি॑ । এ॒তে বৈ মু॑হূ॒র্তানা᳚-ম্মুহূ॒র্তাঃ । ন মু॑হূ॒র্তানা᳚-ম্মুহূ॒র্তেষ্বার্তি॒-মার্চ্ছ॑তি । য এ॒বং-বেঁদ॑ ॥
অথো॒ যথা᳚ ক্ষেত্র॒জ্ঞো ভূ॒ত্বা ঽনু॑ প্র॒বিশ্যান্ন॒-মত্তি॑ । এ॒বমে॒বৈতান্ ক্ষে᳚ত্র॒জ্ঞো ভূ॒ত্বা ঽনু॑ প্র॒বিশ্যা-ন্ন॑মত্তি । স এ॒তেষা॑মে॒ব স॑লো॒কতা॒গ্ম্॒ সাযু॑জ্য-মশ্নুতে ।
অপ॑ পুনর্মৃ॒ত্যু-ঞ্জ॑যতি । য এ॒বং-বেঁদ॑ ॥ 42 ॥
(ন বেদৈ॒ - বং-বেঁদা॑ - নুবা॒কা অ॑দ্র্ধমা॒সানা᳚-ঞ্চ॒ মসা॑না-ঞ্চ নাম॒ধেযা॑নি - মুহূ॒র্তেষ্বার্তি॒মার্চ্ছ॑তি॒ - +নব॑ চ) (অ. 10)
(ই॒যম॑হোরা॒ত্রাণাগ্ম্॑ স॒জ্ঞান্ন॑-ম্পূর্বপ॒ক্ষস্য॒ প্রস্তু॑তমপরপ॒ক্ষস্য॑ মুহূ॒র্তানা᳚-ঞ্চি॒ত্রঃ কে॒তুর॑দ্র্ধমা॒সানা᳚-ম্প॒বিত্রং॑-যঁজ্ঞক্রতূ॒নাম॑গ্নিষ্টো॒মো য॑জ্ঞক্রতূ॒নামি॒দানী᳚-ম্মুহূ॒র্তানা᳚-ম্মুহূ॒র্তান্. বে॒দেদানী॒মথো॒ দ্বাদ॑শ)
অনুবাকং 11 - অনুবাকেষু নবসু লেখাসু নাভ্যা-ঞ্চেষ্টকোপধানং স্বযমাতৃণ্ণোপধান-ঞ্চোচ্যতে
কশ্চি॑দ্ধ॒বা অ॒স্মা-ল্লো॒কা-ত্প্রেত্য॑ । আ॒ত্মানং॑-বেঁদ । অ॒য-ম॒হ-ম॒স্মীতি॑ । কশ্চি॒থ্স্বং-লোঁ॒ক-ন্ন প্রতি॒ প্রজা॑নাতি ॥ অ॒গ্নিমু॑গ্ধো হৈ॒ব ধু॒মতা᳚ন্তঃ । স্বং-লোঁ॒ক-ন্ন প্রতি॒ প্রজা॑নাতি ।
অথ॒ যো হৈ॒বৈত-ম॒গ্নিগ্ম্ সা॑বি॒ত্রং-বেঁদ॑ ।
স এ॒বাস্মা ল্লো॒কা-ত্প্রেত্য॑ । আ॒ত্মানং॑-বেঁদ ।
অ॒য-ম॒হ-ম॒স্মীতি॑ ॥ 43 ॥
স স্বং-লোঁ॒ক-ম্প্রতি॒ প্রজা॑নাতি ॥ এ॒ষ উ॑ বে॒বৈন॒-ন্তথ্সা॑বি॒ত্রঃ । স্ব॒র্গং-লোঁ॒ক-ম॒ভিব॑হতি ॥ অ॒হো॒রা॒ত্রৈ র্বা ইদগ্ম্ স॒যুগ্ভিঃ॑ ক্রিযতে । ই॒তি॒ রা॒ত্রাযা॑ দীক্ষিষত । ই॒তি॒ রা॒ত্রায॑ ব্র॒ত-মুপা॑গু॒রিতি॑ । তানি॒ হানে॑বং-বিঁ॒দুষঃ॑ । অ॒মুষ্মি॑ন্ ঁলো॒কে শে॑ব॒ধি-ন্ধ॑যন্তি ।
ধী॒তগ্ম্ হৈ॒ব স শে॑ব॒ধি-মনু॒পরৈ॑তি ॥
অথ॒ যো হৈ॒বৈতম॒গ্নিগ্ম্ সা॑বি॒ত্রং-বেঁদ॑ ॥ 44 ॥
তস্য॑ হৈ॒বা-হো॑রা॒ত্রাণি॑ । অ॒মুষ্মি॑ন্ ঁলো॒কে শে॑ব॒ধি-ন্ন ধ॑যন্তি ।
অধী॑তগ্ম্ হৈ॒ব স শে॑ব॒ধি-মনু॒পরৈ॑তি ॥
ভ॒রদ্বা॑জো হ ত্রি॒ভিরাযু॑র্ভি র্ব্রহ্ম॒চর্য॑মুবাস ।
তগ্ম্ হ॒ জীর্ণি॒গ্গ্॒ স্থবি॑র॒গ্ম্॒ শযা॑নম্ ।
ইন্দ্র॑ উপ॒ব্রজ্যো॑ বাচ । ভর॑দ্বাজ । যত্তে॑ চতু॒র্থমাযু॑র্দ॒দ্যাম্ । কিমে॑নেন কুর্যা॒ ইতি॑ । ব্র॒হ্ম॒চর্য॑মে॒বৈনে॑ন চরেয॒মিতি॑ হোবাচ ॥ 45 ॥
তগ্ম্ হ॒ ত্রী-ন্গি॒রি-রূ॑পা॒ন বি॑জ্ঞাতানিব দর্শ॒যা-ঞ্চ॑কার । তেষা॒গ্ম্॒ হৈকৈ॑কস্মা-ন্মু॒ষ্টিনা-ঽঽদ॑দে । স হো॑বাচ ।
ভর॑দ্বা॒জেত্যা॒মন্ত্র্য॑ । বেদা॒ বা এ॒তে । অ॒ন॒ন্তা বৈ বেদাঃ᳚ । এ॒তদ্বা এ॒তৈ স্ত্রি॒ভি-রাযু॑র্ভি॒-রন্ব॑বোচথাঃ । অথ॑ ত॒ ইত॑র॒-দন॑নূক্তমে॒ব । এহী॒মং-বিঁ॑দ্ধি । অ॒যং-বৈঁ স॑র্ব বি॒দ্যেতি॑ ॥ 46 ॥
তস্মৈ॑ হৈ॒তম॒গ্নিগ্ম্ সা॑বি॒ত্রমু॑বাচ । তগ্ম্ স বি॑দি॒ত্বা । অ॒মৃতো॑ ভূ॒ত্বা । স্ব॒র্গং-লোঁ॒কমি॑যায । আ॒দি॒ত্যস্য॒ সাযু॑জ্যম্ ॥
অ॒মৃতো॑ হৈ॒ব ভূ॒ত্বা । স্ব॒র্গং-লোঁ॒কমে॑তি । আ॒দি॒ত্যস্য॒ সাযু॑জ্যম্ । য এ॒বং-বেঁদ॑ ॥ এ॒ষো এ॒ব ত্রযী॑ বি॒দ্যা ॥ 47 ॥
যাব॑ন্তগ্ম্ হ॒ বৈ ত্র॒য্যা বি॒দ্যযা॑ লো॒ক-ঞ্জ॑যতি । তাব॑ন্তং-লোঁ॒ক-ঞ্জ॑যতি । য এ॒বং-বেঁদ॑ ॥ অ॒গ্নে র্বা এ॒তানি॑ নাম॒ধেযা॑নি ।
অ॒গ্নেরে॒ব সাযু॑জ্যগ্ম্ সলো॒কতা॑-মাপ্নোতি ।
য এ॒বং-বেঁদ॑ । বা॒যো র্বা এ॒তানি॑ নাম॒ধেযা॑নি । বা॒যোরে॒ব সাযু॑জ্যগ্ম্ সলো॒কতা॑-মাপ্নোতি । য এ॒বং-বেঁদ॑ । ইন্দ্র॑স্য॒ বা এ॒তানি॑ নাম॒ধেযা॑নি ॥ 48 ॥
ইন্দ্র॑স্যৈ॒ব সাযু॑জ্যগ্ম্ সলো॒কতা॑-মাপ্নোতি । য এ॒বং-বেঁদ॑ ।
বৃহ॒স্পতে॒ র্বা এ॒তানি॑ নাম॒ধেযা॑নি ।
বৃহ॒স্পতে॑রে॒ব সাযু॑জ্যগ্ম্ সলো॒কতা॑-মাপ্নোতি ।
য এ॒বং-বেঁদ॑ । প্র॒জাপ॑তে॒ র্বা এ॒তানি॑ নাম॒ধেযা॑নি । প্র॒জাপ॑তেরে॒ব সাযু॑জ্যগ্ম্ সলো॒কতা॑-মাপ্নোতি । য এ॒বং-বেঁদ॑ ।
ব্রহ্ম॑ণো॒ বা এ॒তানি॑ নাম॒ধেযা॑নি ।
ব্রহ্ম॑ণ এ॒ব সাযু॑জ্যগ্ম্ সলো॒কতা॑-মাপ্নোতি ।
য এ॒বং-বেঁদ॑ ॥ স বা এ॒ষো᳚-ঽগ্নি-র॑পক্ষপু॒চ্ছো বা॒যুরে॒ব ।
তস্যা॒গ্নি র্মুখ᳚ম্ । অ॒সাবা॑দি॒ত্য-শ্শিরঃ॑ ।
স যদে॒তে দে॒বতে॒ অন্ত॑রেণ ।
তথ্সর্বগ্ম্॑ সীব্যতি । তস্মা᳚-থ্সাবি॒ত্রঃ ॥ 49 ॥
(অ॒যম॒হম॒স্মীতি॒ - বেদ॑ - হোবাচ - সর্ববি॒দ্যেতি॑ - বি॒দ্যে - ন্দ্র॑স্য॒ বা এ॒তানি॑ নাম॒ধেযা॑নি॒ - ব্রহ্ম॑ণ এ॒ব সাযু॑জ্যগ্ম্ সলো॒কতা॑মাপ্নোতি স॒প্ত চ॑) । (অ. 11)
(অ॒গ্নের্বা॒যোরিন্দ্র॑স্য॒ বৃহ॒স্পতেঃ᳚ প্র॒জাপ॑তে॒-র্ব্রহ্ম॑ণ॒-স্স বৈ স॒প্ত)
(স॒ঞ্জ্ঞানং॒ - ভূ - স্ত্বমে॒ব - সং॑বঁথ্স॒রো॑-ঽসি॒ - ভূ - রাজ্ঞ্য - স॑ব-বিপ॒শ্চিতে᳚ - প্র॒জাপ॑তি-র্দে॒বা - নি॒যং-বাঁব স॒রঘা॒ - কশ্চি॒দ্ধৈকা॑দশ)
(স॒ঞ্জ্ঞান॒গ্ম্॒ - রাজ্ঞী॑ - মূ॒দ্র্ধা হৃদ॑য - এ॒ষ সং॑বঁথ্স॒রো - নাদ্র্ধ॑মা॒সেষু॒ নব॑চত্বারিগ্ম্শত্)
(স॒ঞ্জ্ঞানগ্ম্॑ - সাবি॒ত্রঃ)
॥ হরিঃ॑ ওম্ ॥
॥ ইতি তৈত্তরীয যজুব্রাহ্মণে কাঠকে প্রথমঃ প্রশ্ন-স্সমাপ্তঃ ॥
++++++++++++++++++++++++++++++++++++++++++
