কৃষ্ণ যজুর্বেদীয তৈত্তিরীয ব্রাহ্মণে কাঠকে দ্বিতীযঃ প্রশ্নঃ - নাচিকেতচযনম্
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
অনুবাকং 1 - ইষ্টকোপধানমন্ত্রাঃ
লো॒কো॑-ঽসি স্ব॒র্গো॑-ঽসি । অ॒ন॒ন্তো᳚-ঽস্য পা॒রো॑-ঽসি ।
অক্ষি॑তো-ঽস্য ক্ষ॒য্যো॑-ঽসি । তপ॑সঃ প্রতি॒ষ্ঠা । ত্বযী॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ । বিশ্ব॑স্য ভ॒র্তা বিশ্ব॑স্য জনযি॒তা । তন্ত্বোপ॑দধে কাম॒দুঘ॒-মক্ষি॑তম্ । প্র॒জাপ॑তিস্ত্বা সাদযতু । তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 1 ॥
তপো॑-ঽসি লো॒কে শ্রি॒তম্ । তেজ॑সঃ প্রতি॒ষ্ঠা । ত্বযী॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্তৃ বিশ্ব॑স্য জনযি॒তৃ ।
ত-ত্ত্বোপ॑দধে কাম॒দুঘ॒-মক্ষি॑তম্ ।
প্র॒জাপ॑তিস্ত্বা সাদযতু ।
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 2 ॥
তেজো॑-ঽসি॒ তপ॑সি শ্রি॒তম্ । স॒মু॒দ্রস্য॑ প্রতি॒ষ্ঠা ।
ত্বযী॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্তৃবিশ্ব॑স্য জনযি॒তৃ ।
ত-ত্ত্বোপ॑দধে কাম॒দুঘ॒-মক্ষি॑তম্ ।
প্র॒জাপ॑তিস্ত্বা সাদযতু । তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 3 ॥
স॒মু॒দ্রো॑-ঽসি॒ তেজ॑সি শ্রি॒তঃ । অ॒পা-ম্প্র॑তি॒ষ্ঠা । ত্বযী॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্তা বিশ্ব॑স্য জনযি॒তা ।
ত-ন্ত্বোপ॑দধে কাম॒দুঘ॒-মক্ষি॑তম্ ।
প্র॒জাপ॑তিস্ত্বা সাদযতু । তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 4 ॥
আপ॑-স্স্থ সমু॒দ্রে শ্রি॒তাঃ । পৃ॒থি॒ব্যাঃ প্র॑তি॒ষ্ঠা যু॒ষ্মাসু॑ । ই॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ । বিশ্ব॑স্য ভ॒র্ত্র্যো॑ বিশ্ব॑স্য জনযি॒ত্র্যঃ॑ । তা ব॒ উপ॑দধে কাম॒দুঘা॒ অক্ষি॑তাঃ । প্র॒জাপ॑তিস্ত্বা সাদযতু ।
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 5 ॥
পৃ॒থি॒ব্য॑-স্য॒ফ্সু শ্রি॒তা । অ॒গ্নেঃ প্র॑তি॒ষ্ঠা । ত্বযী॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ । বিশ্ব॑স্য ভ॒র্ত্রী বিশ্ব॑স্য জনযি॒ত্রী । তা-ন্ত্বোপ॑দধে কাম॒দুঘা॒-মক্ষি॑তাম্ । প্র॒জাপ॑তিস্ত্বা সাদযতু । তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 6 ॥
অ॒গ্নির॑সি পৃথি॒ব্যাগ্ শ্রি॒তঃ । অ॒ন্তরি॑ক্ষস্য প্রতি॒ষ্ঠা । ত্বযী॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্তা বিশ্ব॑স্য জনযি॒তা । ত-ন্ত্বোপ॑দধে কাম॒দুঘ॒-মক্ষি॑তম্ । প্র॒জাপ॑তিস্ত্বা সাদযতু । তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 7 ॥
অ॒ন্তরি॑ক্ষ-মস্য॒গ্নৌ শ্রি॒তম্ ।
বা॒যোঃ প্র॑তি॒ষ্ঠা । ত্বযী॒দম॒ন্তঃ ।
বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্তৃ বিশ্ব॑স্য জনযি॒তৃ ।
ত-ত্ত্বোপ॑দধে কাম॒দুঘ॒-মক্ষি॑তম্ । প্র॒জাপ॑তিস্ত্বা সাদযতু ।
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 8 ॥
বা॒যুর॑স্য॒ন্তরি॑ক্ষে শ্রি॒তঃ । দি॒বঃ প্র॑তি॒ষ্ঠা । ত্বযী॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্তা বিশ্ব॑স্য জনযি॒তা ।
ত-ন্ত্বোপ॑দধে কাম॒দুঘ॒-মক্ষি॑তম্ । প্র॒জাপ॑তিস্ত্বা সাদযতু ।
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 9 ॥
দ্যৌর॑সি বা॒যৌ শ্রি॒তা । আ॒দি॒ত্যস্য॑ প্রতি॒ষ্ঠা । ত্বযী॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্ত্রী বিশ্ব॑স্য জনযি॒ত্রী ।
তা-ন্ত্বোপ॑দধে কাম॒দুঘা॒-মক্ষি॑তাম্ । প্র॒জাপ॑তিস্ত্বা সাদযতু ।
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 10 ॥
আ॒দি॒ত্যো॑-ঽসি দি॒বি শ্রি॒তঃ । চ॒ন্দ্রম॑সঃ প্রতি॒ষ্ঠা । ত্বযী॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্তা বিশ্ব॑স্য জনযি॒তা ।
ত-ন্ত্বোপ॑দধে কাম॒দুঘ॒-মক্ষি॑তম্ । প্র॒জাপ॑তিস্ত্বা সাদযতু । তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 11 ॥
চ॒ন্দ্রমা॑ অস্যাদি॒ত্যে শ্রি॒তঃ ।
নক্ষ॑ত্রাণা-ম্প্রতি॒ষ্ঠা । ত্বযী॒দম॒ন্তঃ ।
বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ । বিশ্ব॑স্য ভ॒র্তা বিশ্ব॑স্য জনযি॒তা । ত-ন্ত্বোপ॑দধে কাম॒দুঘ॒-মক্ষি॑তম্ । প্র॒জাপ॑তিস্ত্বা সাদযতু । তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 12 ॥
নক্ষ॑ত্রাণি স্থ চ॒ন্দ্রম॑সি শ্রি॒তানি॑ । সং॒বঁ॒থ্স॒রস্য॑ প্রতি॒ষ্ঠা যু॒ষ্মাসু॑ ।
ই॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্তৄণি॒ বিশ্ব॑স্য জনযি॒তৄণি॑ ।
তানি॑ ব॒ উপ॑দধে কাম॒দুঘা॒-ন্যক্ষি॑তানি । প্র॒জাপ॑তিস্ত্বা সাদযতু ।
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 13 ॥
সং॒বঁ॒থ্স॒রো॑-ঽসি॒ নক্ষ॑ত্রেষু শ্রি॒তঃ । ঋ॒তূ॒না-ম্প্র॑তি॒ষ্ঠা । ত্বযী॒দম॒ন্তঃ ।
বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ । বিশ্ব॑স্য ভ॒র্তা বিশ্ব॑স্য জনযি॒তা । ত-ন্ত্বোপ॑দধে কাম॒দুঘ॒-মক্ষি॑তম্ । প্র॒জাপ॑তিস্ত্বা সাদযতু ।
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 14 ॥
ঋ॒তব॑-স্স্থ সংবঁথ্স॒রে শ্রি॒তাঃ ।
মাসা॑না-ম্প্রতি॒ষ্ঠা যু॒ষ্মাসু॑ ।
ই॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্তারো॒ বিশ্ব॑স্য জনযি॒তারঃ॑ ।
তান্. ব॒ উপ॑দধে কাম॒দুঘা॒-নক্ষি॑তান্ । প্র॒জাপ॑তিস্ত্বা সাদযতু ।
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 15 ॥
মাসা᳚-স্স্থ॒র্তুষু॑ শ্রি॒তাঃ । অ॒দ্র্ধ॒মা॒সানা᳚-ম্প্রতি॒ষ্ঠা যু॒ষ্মাসু॑ । ই॒দম॒ন্তঃ ।
বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ । বিশ্ব॑স্য ভ॒র্তারো॒ বিশ্ব॑স্য জনযি॒তারঃ॑ । তান্. ব॒ উপ॑দধে কাম॒দুঘা॒-নক্ষি॑তান্ । প্র॒জাপ॑তিস্ত্বা সাদযতু ।
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 16 ॥
অ॒দ্র্ধ॒মা॒সা-স্স্থ॑ মা॒সু শ্রি॒তাঃ । অ॒হো॒রা॒ত্রযোঃ᳚ প্রতি॒ষ্ঠা যু॒ষ্মাসু॑ ।
ই॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্তারো॒ বিশ্ব॑স্য জনযি॒তারঃ॑ ।
তান্. ব॒ উপ॑দধে কাম॒দুঘা॒-নক্ষি॑তান্ । প্র॒জাপ॑তিস্ত্বা সাদযতু ।
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 17 ॥
অ॒হো॒রা॒ত্রে স্থো᳚-ঽদ্র্ধমা॒সেষু॑ শ্রি॒তে । ভূ॒তস্য॑ প্রতি॒ষ্ঠে ভব্য॑স্য প্রতি॒ষ্ঠে ।
যু॒বযো॑-রি॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্ত্র্যৌ॑ বিশ্ব॑স্য জনযি॒ত্র্যৌ᳚ । তে বা॒মুপ॑দধে কাম॒দুঘে॒ অক্ষি॑তে ।
প্র॒জাপ॑তিস্ত্বা সাদযতু । তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 18 ॥
পৌ॒র্ণ॒মা॒স্যষ্ট॑কা ঽমাবা॒স্যা᳚ । অ॒ন্না॒দা-স্স্থা᳚ন্ন॒দুঘো॑ যু॒ষ্মাসু॑ ।
ই॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্ত্র্যো॑ বিশ্ব॑স্য জনযি॒ত্র্যঃ॑ ।
তা ব॒ উপ॑দধে কাম॒দুঘা॒-অক্ষি॑তাঃ । প্র॒জাপ॑তিস্ত্বা সাদযতু ।
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 19 ॥
রাড॑সি বৃহ॒তী শ্রীর॒সীন্দ্র॑পত্নী॒ ধর্ম॑পত্নী । বিশ্ব॑-ম্ভূ॒তমনু॒ প্রভূ॑তা ।
ত্বযী॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্ত্রী বিশ্ব॑স্য জনযি॒ত্রী । তা-ন্ত্বোপ॑দধে কাম॒দুঘা॒-মক্ষি॑তাম্ ।
প্র॒জাপ॑তিস্ত্বা সাদযতু । তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 20 ॥
ওজো॑-ঽসি॒ সহো॑-ঽসি । বল॑মসি॒ ভ্রাজো॑-ঽসি ।
দে॒বানা॒-ন্ধামা॒মৃত᳚ম্ । অম॑র্ত্য-স্তপো॒জাঃ । ত্বযী॒দম॒ন্তঃ । বিশ্বং॑-যঁ॒ক্ষং-বিঁশ্ব॑-ম্ভূ॒তং-বিঁশ্বগ্ম্॑ সুভূ॒তম্ ।
বিশ্ব॑স্য ভ॒র্তা বিশ্ব॑স্য জনযি॒তা ।
ত-ন্ত্বোপ॑দধে কাম॒দুঘ॒-মক্ষি॑তম্ । প্র॒জাপ॑তিস্ত্বা সাদযতু ।
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥ 21 ॥
লো॒ক - স্তপ॒ - স্তেজঃ॑ - সমু॒দ্র - আপঃ॑ - পৃথি॒ব্য॑ - গ্নি - র॒ন্তরি॑ক্ষম্ - বা॒যু--র্ দ্যৌ - রা॑দি॒ত্য - শ্চ॒ন্দ্রমা॒ - নক্ষ॑ত্রাণি - সংবঁথ্স॒র - ঋ॒তবো॒ - মাসা॑ - অদ্র্ধমা॒সা - অ॑হোরা॒ত্রে - পৌ᳚র্ণমা॒সী - রাড॒ - স্যোজো॒-ঽস্যেক॑বিগ্ম্শতিঃ (অ. 1)
লো॒কো॑-ঽসি ভ॒র্তা তম্ । তপ॒স্তেজো॑-ঽসি ভ॒র্তৃ তত্ ।
স॒মু॒দ্রো॑-ঽসি ভ॒র্তা তম্ । আপ॑-স্স্থ ভ॒র্ত্র্য॑স্তা বঃ॑ । পৃ॒থি॒বী ভ॒র্ত্রী তাম্ ।
অ॒গ্নির॑সি ভ॒র্তা তম্ । অ॒ন্তরি॑ক্ষ-ম্ভ॒র্তৃ তত্ । বা॒যুর॑সি ভ॒র্তা তম্ । দ্যৌর॑সি ভ॒র্ত্রী তাম্ ।
আ॒দি॒ত্যশ্চ॒ন্দ্রমা॑ ভ॒র্তা তম্ । নক্ষ॑ত্রাণি স্থ ভ॒র্তৄণি॒ তানি॑ বঃ । সং॒বঁ॒থ্স॒রো॑-ঽসি ভ॒র্তা তম্ ।
ঋ॒তবো॒ মাসা॑ অদ্র্ধমা॒সা ভ॒র্তার॒স্তান্. বঃ॑ ।
অ॒হো॒রা॒ত্রে ভ॒র্ত্র্যৌ॑ তে বা᳚ম্ । পৌ॒র্ণ॒মা॒সী ভ॒র্ত্র্য॑স্তা বঃ॑ । রাড॑সি ভ॒র্ত্রী তাম্ । ওজো॑-ঽসি ভ॒র্তা তমেক॑বিগ্ম্শতিঃ ।
অনুবাকং 2 - চতুর্ভিরনুবাকৈ-শ্চতস্র আহুতীর্জুহোতি
ত্বম॑গ্নে রু॒দ্রো অসু॑রো ম॒হো দি॒বঃ ।
ত্বগ্ম্ শর্ধো॒ মারু॑ত-ম্পৃ॒ক্ষ ঈ॑শিষে ।
ত্বং-বাঁতৈ॑ররু॒ণৈর্যা॑সি শঙ্গ॒যঃ ।
ত্ব-ম্পূ॒ষা বি॑ধ॒তঃ পা॑সি॒ নু ত্মনা᳚ ।
দেবা॑ দে॒বেষু॑ শ্রযদ্ধ্বম্ । প্রথ॑মা দ্বি॒তীযে॑ষু শ্রযদ্ধ্বম্ ।
দ্বিতী॑যা-স্তৃ॒তীযে॑ষু শ্রযদ্ধ্বম্ ।
তৃতী॑যা-শ্চতু॒র্থেষু॑ শ্রযদ্ধ্বম্ ।
চ॒তু॒র্থাঃ প॑ঞ্চ॒মেষু॑ শ্রযদ্ধ্বম্ । প॒ঞ্চ॒মা-ষ্ষ॒ষ্ঠেষু॑ শ্রযদ্ধ্বম্ ॥ 22 ॥
ষ॒ষ্ঠা-স্স॑প্ত॒মেষু॑ শ্রযদ্ধ্বম্ । স॒প্ত॒মা অ॑ষ্ট॒মেষু॑ শ্রযদ্ধ্বম্ ।
অ॒ষ্ট॒মা ন॑ব॒মেষু॑ শ্রযদ্ধ্বম্ ।
ন॒ব॒মা দ॑শ॒মেষু॑ শ্রযদ্ধ্বম্ ।
দ॒শ॒মা এ॑কাদ॒শেষু॑ শ্রযদ্ধ্বম্ । এ॒ক॒দ॒শা দ্বা॑দ॒শেষু॑ শ্রযদ্ধ্বম্ ।
দ্বা॒দ॒শা-স্ত্র॑যোদ॒শেষু॑ শ্রযদ্ধ্বম্ ।
ত্র॒যো॒দ॒শা-শ্চ॑তুর্দ॒শেষু॑ শ্রযদ্ধ্বম্ । চ॒তু॒র্দ॒শাঃ প॑ঞ্চদ॒শেষু॑ শ্রযদ্ধ্বম্ ।
প॒ঞ্চ॒দ॒শা-ষ্ষো॑ড॒শেষু॑ শ্রযদ্ধ্বম্ ॥ 23 ॥
ষো॒ড॒শা-স্স॑প্তদ॒শেষু॑ শ্রযদ্ধ্বম্ । স॒প্ত॒দ॒শা অ॑ষ্টাদ॒শেষু॑ শ্রযদ্ধ্বম্ ।
অ॒ষ্টা॒দ॒শা এ॑কান্নবি॒গ্ম্॒শেষু॑ শ্রযদ্ধ্বম্ ।
এ॒কা॒ন্ন॒বি॒গ্ম্॒শা বি॒গ্ম্॒শেষু॑ শ্রযদ্ধ্বম্ ।
বি॒গ্ম্॒শা এ॑কবি॒গ্ম্॒শেষু॑ শ্রযদ্ধ্বম্ ।
এ॒ক॒বি॒গ্ম্॒শা দ্বা॑বি॒গ্ম্॒শেষু॑ শ্রযদ্ধ্বম্ ।
দ্বা॒বি॒গ্ম্॒শা স্ত্র॑যোবি॒গ্ম্॒শেষু॑ শ্রযদ্ধ্বম্ ।
ত্র॒যো॒বি॒গ্ম্॒শা শ্চ॑তুর্বি॒গ্ম্॒শেষু॑ শ্রযদ্ধ্বম্ ।
চ॒তু॒র্বি॒গ্ম্॒শাঃ প॑ঞ্চবি॒গ্ম্॒শেষু॑ শ্রযদ্ধ্বম্ ।
প॒ঞ্চ॒বি॒গ্ম্॒শা-ষ্ষ॑ড্বি॒গ্ম্॒শেষু॑ শ্রযদ্ধ্বম্ ॥ 24 ॥
ষ॒ড্বি॒গ্ম্॒শা-স্স॑প্তবি॒গ্ম্॒শেষু॑ শ্রযদ্ধ্বম্ ।
স॒প্ত॒বি॒গ্ম্॒শা অ॑ষ্টাবি॒গ্ম্॒শেষু॑ শ্রযদ্ধ্বম্ ।
অ॒ষ্টা॒বি॒গ্ম্॒শা এ॑কান্নত্রি॒গ্ম্॒শেষু॑ শ্রযদ্ধ্বম্ ।
এ॒কা॒ন্ন॒ত্রি॒গ্ম্॒শা স্ত্রি॒গ্ম্॒শেষু॑ শ্রযদ্ধ্বম্ ।
ত্রি॒গ্ম্॒শা এ॑কত্রি॒গ্ম্॒শেষু॑ শ্রযদ্ধ্বম্ ।
এ॒ক॒ত্রি॒গ্ম্॒শা দ্বা᳚ত্রি॒গ্ম্॒শেষু॑ শ্রযদ্ধ্বম্ ।
দ্বা॒ত্রি॒গ্ম্॒শা স্ত্র॑যস্ত্রি॒গ্ম্॒শেষু॑
শ্রযদ্ধ্বম্ ।
দেবা᳚স্ত্রিরে-কাদশা॒ স্ত্রিস্ত্র॑যস্ত্রিগ্ম্শাঃ ।
উত্ত॑রে ভবত । উত্ত॑র বর্ত্মান॒ উত্ত॑র সত্বানঃ ।
যত্কা॑ম ই॒দ-ঞ্জু॒হোমি॑ । তন্মে॒ সমৃ॑দ্ধ্যতাম্ ।
ব॒যগ্গ্ স্যা॑ম॒ পত॑যো রযী॒ণাম্ । ভূর্ভুব॒স্ব॑-স্স্বাহা᳚ ॥ 25 ॥
(ষ॒ষ্ঠেষু॑ শ্রযদ্ধবগ্ম্ - ষোড॒শেষু॑ শ্রযদ্ধবগ্ম্ - ষড্বি॒গ্ম্॒শেষু॑ শ্রযদ্ধ্ব॒ - মুত্ত॑রসত্বানশ্চ॒ত্বারি॑ চ) (অ. 2)
অনুবাকং 3 - চতুর্ভিরনুবাকৈ-শ্চতস্র আহুতীর্জুহোতি
অগ্না॑বিষ্ণূ স॒জোষ॑সা । ই॒মা ব॑র্ধন্তু বা॒ঙ্গিরঃ॑ । দ্যু॒ম্নৈ র্বাজে॑ভি॒-রাগ॑তম্ । রাজ্ঞী॑ বি॒রাজ্ঞী᳚ । স॒ম্রাজ্ঞী᳚ স্ব॒রাজ্ঞী᳚ । অ॒র্চি-শ্শো॒চিঃ । তপো॒ হরো॒ ভাঃ । অ॒গ্নি-স্সোমো॒ বৃহ॒স্পতিঃ॑ ।
বিশ্বে॑ দে॒বা ভুব॑নস্য গো॒পাঃ । তে সর্বে॑ স॒ঙ্গত্য॑ । ই॒দ-ম্মে॒ প্রাব॑তা॒ বচঃ॑ । ব॒যগ্গ্ স্যা॑ম॒ পত॑যো রযী॒ণাম্ ।
ভূ-র্ভুব॒স্-স্ব॑স্ স্বাহা᳚ ॥ 26 ॥
(স॒ঙ্গত্য॒ ত্রীণি॑ চ) (অ. 3)
অনুবাকং 4 - চতুর্ভিরনুবাকৈ-শ্চতস্র আহুতীর্জুহোতি
অন্ন॑প॒তে ঽন্ন॑স্য নো দেহি । অ॒ন॒মী॒বস্য॑ শু॒ষ্মিণঃ॑ । প্রপ্র॑দা॒তার॑ন্তারিষঃ । ঊর্জ॑-ন্নো ধেহি দ্বি॒পদে॒ চতু॑ষ্পদে । অগ্নে॑ পৃথিবীপতে । সোম॑ বীরুধা-ম্পতে । ত্বষ্ট॑-স্সমিধা-ম্পতে ।
বিষ্ণ॑বাশানা-ম্পতে । মিত্র॑ সত্যানা-ম্পতে । বরু॑ণ ধর্মণা-ম্পতে ॥ 27 ॥
ম॒রুতো॑ গণানা-ম্পতযঃ । রুদ্র॑ পশূনা-ম্পতে । ইন্দ্রৌ॑জসা-ম্পতে । বৃহ॑স্পতে ব্রহ্মণস্পতে ।
আ রু॒চা রো॑চে॒-ঽহগ্গ্ স্ব॒যম্ ।
রু॒চা রু॑রুচে॒-রোচ॑মানঃ । অ॒তীত্যা॒দ-স্স্ব॑রাভ॑রে॒হ । তস্মি॒ন্॒. যোনৌ᳚ প্রজ॒নৌ প্রজা॑যেয । ব॒যগ্গ্ স্যা॑ম॒ পত॑যো রযী॒ণাম্ ।
ভূর্ভুব॒-স্স্ব॑-স্স্বাহা᳚ ॥ 28 ॥
[বরু॑ণ ধর্মণা-ম্পতে॒ স্বঃ॑ - স্বাহা᳚ ] (অ. 4)
অনুবাকং 5 - চতুর্ভিরনুবাকৈ-শ্চতস্র আহুতীর্জুহোতি
স॒প্ত তে॑ অগ্নে স॒মিধ॑-স্স॒প্ত জি॒হ্বাঃ ।
স॒প্তর্ষ॑য-স্স॒প্তধাম॑ প্রি॒যাণি॑ ।
স॒প্ত হোত্রা॑ অনু বি॒দ্বান্ ।
স॒প্ত যোনী॒-রাপৃ॑ণস্বা ঘৃ॒তেন॑ । প্রাচী॒ দিক্ । অ॒গ্নি র্দে॒বতা᳚ । অ॒গ্নিগ্ম্ স দি॒শা-ন্দে॒ব-ন্দে॒বতা॑না-মৃচ্ছতু । যো মৈ॒তস্যৈ॑
দি॒শো॑ ঽভি॒দাস॑তি । দ॒ক্ষি॒ণা দিক্ । ইন্দ্রো॑ দে॒বতা᳚ ॥ 29 ॥
ইন্দ্র॒গ্ম্॒ স দি॒শা-ন্দে॒ব-ন্দে॒বতা॑না-মৃচ্ছতু ।
যো মৈ॒তস্যৈ॑ দি॒শো॑ ঽভি॒দাস॑তি । প্র॒তীচী॒ দিক্ । সোমো॑ দে॒বতা᳚ । সোম॒গ্ম্॒ স দি॒শা-ন্দে॒ব-ন্দে॒বতা॑না-মৃচ্ছতু । যো মৈ॒তস্যৈ॑ দি॒শো॑ ঽভি॒দাস॑তি । উদী॑চী॒ দিক্ । মি॒ত্রাবরু॑ণৌ দে॒বতা᳚ ।
মি॒ত্রাবরু॑ণৌ॒ স দি॒শা-ন্দে॒বৌ দে॒বতা॑না-মৃচ্ছতু । যো মৈ॒তস্যৈ॑ দি॒শো॑ ঽভি॒দাস॑তি ॥ 30 ॥
ঊ॒দ্র্ধ্বা দিক্ । বৃহ॒স্পতি॑ র্দে॒বতা᳚ ।
বৃহ॒স্পতি॒গ্ম্॒ স দি॒শা-ন্দে॒ব-ন্দে॒বতা॑না-মৃচ্ছতু । যো মৈ॒তস্যৈ॑ দি॒শো॑ ঽভি॒দাস॑তি ।
ই॒যন্দিক্ । অদি॑তি র্দে॒বতা᳚ । অদি॑তি॒গ্ম্ ॒ স দি॒শা-ন্দে॒বী-ন্দে॒বতা॑না-মৃচ্ছতু ।
যো মৈ॒তস্যৈ॑ দি॒শো॑ ঽভি॒দাস॑তি ।
পুরু॑ষো॒ দিক্ । পুরু॑ষো মে॒ কামা॒-ন্থ্সম॑র্ধযতু ॥ 31 ॥
অ॒ন্ধো জাগৃ॑বিঃ প্রাণ । অসা॒বেহি॑ । ব॒ধি॒র আ᳚ক্রন্দযিত-রপান । অসা॒বেহি॑ । উ॒ষস॑-মুষস-মশীয । অ॒হমসো॒ জ্যোতি॑রশীয ।
অ॒হমসো॒ ঽপো॑শীয । ব॒যগ্গ্ স্যা॑ম॒ পত॑যো রযী॒ণাম্ । ভূর্ভুব॒-স্স্ব॑-স্স্বাহা᳚ ॥ 32 ॥
(দ॒ক্ষি॒ণা দিগিন্দ্রো॑ দে॒বতা॑ - মি॒ত্রাবরু॑ণৌ॒ স দি॒শা-ন্দে॒বৌ দে॒বতা॑নামৃচ্ছতু॒
যো মৈ॒তস্যৈ॑ দি॒শো॑-ঽভি॒দা - স॑ত্যদ্র্ধযতু॒ - +নব॑ চ) (অ. 5)
অনুবাকং 6 - উপস্থানম্
যত্তে-ঽচি॑তং॒-যঁদু॑ চি॒তন্তে॑ অগ্নে । যত্ত॑ ঊ॒নং-যঁদু॒ তে-ঽতি॑রিক্তম্ । আ॒দি॒ত্যাস্ত-দঙ্গি॑রস-শ্চিন্বন্তু । বিশ্বে॑ তে দে॒বাশ্চিতি॒-মাপূ॑রযন্তু ।
চি॒তশ্চাসি॒ সঞ্চি॑তশ্চা-স্যগ্নে । এ॒তাবা॒গ্॒শ্চাসি॒ ভূযাগ্॑শ্চাস্যগ্নে ॥ লো॒ক-ম্পৃ॑ণ চ্ছি॒দ্র-ম্পৃ॑ণ । অথো॑ সীদ শি॒বা ত্বম্ ।
ই॒ন্দ্রা॒গ্নী ত্বা॒ বৃহ॒স্পতিঃ॑ । অ॒স্মিন্. যোনা॑বসীষদন্ন্ ॥ 33 ॥
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥
তা অ॑স্য॒ সূদ॑দোহসঃ ।
সোমগ্গ্॑ শ্রীণন্তি॒ পৃশ্ন॑যঃ ।
জন্ম॑-ন্দে॒বানাং॒-বিঁশঃ॑ ।
ত্রি॒ষ্বা রো॑চ॒নে দি॒বঃ ।
তযা॑ দে॒বত॑যা-ঽঙ্গির॒স্ব-দ্ধ্রু॒বা সী॑দ ॥
অগ্নে॑ দে॒বাগ্ম্ ই॒হাব॑হ । জ॒জ্ঞা॒নো বৃ॒ক্ত ব॑র্হিষে । অসি॒ হোতা॑ ন॒ ঈড্যঃ॑ ॥
অগ॑ন্ম ম॒হা মন॑সা॒ যবি॑ষ্ঠম্ ॥ 34 ॥
যো দী॒দায॒ সমি॑দ্ধ॒-স্স্বে দু॑রো॒ণে । চি॒ত্রভা॑নূ॒ রোদ॑সী অ॒ন্তরু॒র্বী ।
স্বা॑হুতং-বিঁ॒শ্বতঃ॑ প্র॒ত্যঞ্চ᳚ম্ ॥ মে॒ধা॒কা॒রং-বিঁ॒দথ॑স্য প্র॒সাধ॑নম্ ।
অ॒গ্নিগ্ম্ হোতা॑র-ম্পরি॒ভূত॑ম-ম্ম॒তিম্ । ত্বামর্ভ॑স্য হ॒বিষ॑-স্সমা॒নমিত্ ।
ত্বা-ম্ম॒হো বৃ॑ণতে॒ নরো॒ নান্যন্-ত্বত্ ॥ ম॒নু॒ষ্বত্ত্বা॒ নিধী॑মহি ।
ম॒নু॒ষ্ব-থ্সমি॑ধীমহি ।
অগ্নে॑ মনু॒ষ্ব-দ॑ঙ্গিরঃ ॥ 35 ॥
দে॒বা-ন্দে॑বায॒তে য॑জ ॥ অ॒গ্নির্-হি বা॒জিনং॑-বিঁ॒শে । দদা॑তি বি॒শ্বচ॑র্ষণিঃ ।
অ॒গ্নী রা॒যে স্বা॒ভুব᳚ম্ । স প্রী॒তো যা॑তি॒ বার্য᳚ম্ । ইষগ্গ্॑ স্তো॒তৃভ্য॒ আভ॑র ॥
পৃ॒ষ্টো দি॒বি পৃ॒ষ্টো অ॒গ্নিঃ পৃ॑থি॒ব্যাম্ । পৃ॒ষ্টো বিশ্বা॒ ওষ॑ধী॒-রাবি॑বেশ ।
বৈ॒শ্বা॒ন॒র-স্সহ॑সা পৃ॒ষ্টো অ॒গ্নিঃ ।
স নো॒ দিবা॒ স রি॒ষঃ পা॑তু॒ নক্ত᳚ম্ ॥ 36 ॥
[অ॒সী॒ষ॒দ॒ন্॒. - যবি॑ষ্ঠ - মঙ্গিরো॒ - নক্তং᳚ ] (অ. 6)
অনুবাকং 7 - নাচিকেতব্রাহ্মণ-ন্তত্র আগ্নিদেবতোপাসনম্
অ॒যং-বাঁব যঃ পব॑তে । সো᳚-ঽগ্নি না॑র্চিকে॒তঃ ।
স য-ত্প্রা-ম্পব॑তে । তদ॑স্য॒ শিরঃ॑ । অথ॒ য-দ্দ॑ক্ষি॒ণা । স দক্ষি॑ণঃ প॒ক্ষঃ ।
অথ॒ য-ত্প্র॒ত্যক্ । ত-ত্পুচ্ছ᳚ম্ । য দুদঙ্ঙ্॑ ।
স উত্ত॑রঃ প॒ক্ষঃ ॥ 37 ॥
অথ॒ য-থ্সং॒বাঁতি॑ । তদ॑স্য স॒মঞ্চ॑ন-ঞ্চ প্র॒সার॑ণ-ঞ্চ । অথো॑ স॒পন্দে॒বাস্য॒ সা ॥ সগ্ম্ হ॒ বা অ॑স্মৈ॒ স কামঃ॑ পদ্যতে ।
য-ত্কা॑মো॒ যজ॑তে । যো᳚-ঽগ্নি-ন্না॑চিকে॒ত-ঞ্চি॑নু॒তে ।
য উ॑ চৈন-মে॒বং-বেঁদ॑ ॥ যো হ॒ বা অ॒গ্নে র্না॑চিকে॒তস্যা॒যত॑ন-ম্প্রতি॒ষ্ঠাং-বেঁদ॑ । আ॒যত॑নবা-ন্ভবতি । গচ্ছ॑তি প্রতি॒ষ্ঠাম্ ॥ 38 ॥
হির॑ণ্যং॒-বাঁ অ॒গ্নে র্না॑চিকে॒তস্যা॒যত॑ন-ম্প্রতি॒ষ্ঠা । য এ॒বং-বেঁদ॑ ।
আ॒যত॑নবা-ন্ভবতি । গচ্ছ॑তি প্রতি॒ষ্ঠাম্ ॥
যো হ॒ বা অ॒গ্নে র্না॑চিকে॒তস্য॒ শরী॑রং॒-বেঁদ॑ ।
স শ॑রীর এ॒ব স্ব॒র্গং-লোঁ॒কমে॑তি ।
হির॑ণ্যং॒-বাঁ অ॒গ্নে র্না॑চিকে॒তস্য॒ শরী॑রম্ ।
য এ॒বং-বেঁদ॑ । স শ॑রীর এ॒ব স্ব॒র্গং-লোঁ॒কমে॑তি ॥ অথো॒ যথা॑ রু॒ক্ম উত্-ত॑প্তো
ভা॒য্যাত্ ॥ 39 ॥
এ॒বমে॒ব স তেজ॑সা॒ যশ॑সা ।
অ॒স্মিগ্গ্শ্চ॑ লো॒কে॑-ঽমুষ্মিগ্গ্॑শ্চ ভাতি ॥
উ॒রবো॑ হ॒ বৈ নামৈ॒তে লো॒কাঃ ।
যে-ঽব॑রেণাদি॒ত্যম্ । অথ॑ হৈ॒তে বরী॑যাগ্ম্সো লো॒কাঃ । যে পরে॑ণাদি॒ত্যম্ । অন্ত॑বন্তগ্ম্ হ॒ বা এ॒ষ ক্ষ॒য্যং-লোঁ॒ক-ঞ্জ॑যতি ।
যো-ঽব॑রেণাদি॒ত্যম্ ।
অথ॑ হৈ॒ষো॑-ঽন॒ন্ত-ম॑পা॒র-ম॑ক্ষ॒য্যং-লোঁ॒ক-ঞ্জ॑যতি । যঃ পরে॑ণাদি॒ত্যম্ ॥ 40 ॥
অ॒ন॒ন্তগ্ম্ হ॒ বা অ॑পা॒র-ম॑ক্ষ॒য্যং-লোঁ॒ক-ঞ্জ॑যতি । যো᳚-ঽগ্নি-ন্না॑চিকে॒ত-ঞ্চি॑নু॒তে ।
য উ॑ চৈন-মে॒বং-বেঁদ॑ ॥
অথো॒ যথা॒ রথে॒ তিষ্ঠ॒-ন্পক্ষ॑সী পর্যা॒-বর্ত॑মানে প্র॒ত্যপে᳚ক্ষতে ।
এ॒ব-ম॑হোরা॒ত্রে প্র॒ত্যপে᳚ক্ষতে ।
নাস্যা॑-হোরা॒ত্রে লো॒কমা᳚প্নুতঃ ।
যো᳚-ঽগ্নি-ন্না॑চি॒কেত-ঞ্চি॑নু॒তে ।
য উ॑ চৈন-মে॒বং-বেঁদ॑ ॥ 41 ॥
(উত্ত॑রঃ প॒ক্ষো - গচ্ছ॑তি প্রতি॒ষ্ঠাং - ভা॒য্যা--দ্যঃ পরে॑ণাদি॒ত্য - +ম॒ষ্টৌ চ॑) (অ. 7)
অনুবাকং 8 - নাচিকেতোপাখ্যানম্
উ॒শন্. হ॒ বৈ বা॑জশ্রব॒স-স্স॑র্ববেদ॒স-ন্দ॑দৌ । তস্য॑ হ॒ নচি॑কেতা॒ নাম॑ পু॒ত্র আ॑স । তগ্ম্ হ॑ কুমা॒রগ্ম্ সন্ত᳚ম্ । দক্ষি॑ণাসু নী॒যমা॑নাসু শ্র॒দ্ধা ঽঽবি॑বেশ । স হো॑বাচ ।
তত॒ কস্মৈ॒ মা-ন্দা᳚স্য॒সীতি॑ । দ্বি॒তীয॑-ন্তৃ॒তীয᳚ম্ ॥ তগ্ম্ হ॒ পরী॑ত উবাচ ।
মৃ॒ত্যবে᳚ ত্বা দদা॒মীতি॑ ॥ তগ্ম্ হ॒ স্মোত্থি॑তং॒-বাঁগ॒ভিব॑দতি ॥ 42 ॥
গৌত॑ম কুমা॒রমিতি॑ । স হো॑বাচ । পরে॑হি মৃ॒ত্যো র্গৃ॒হান্ । মৃ॒ত্যবে॒ বৈ ত্বা॑-ঽদা॒-মিতি॑ ॥ তং-বৈঁ প্র॒বস॑ন্ত-ঙ্গ॒ন্তাসীতি॑ হোবাচ । তস্য॑ স্ম তি॒স্রো রাত্রী॒-রনা᳚শ্বা-ন্গৃ॒হে ব॑সতাত্ । স যদি॑ ত্বা পৃ॒চ্ছেত্ । কুমা॑র॒ কতি॒ রাত্রী॑-রবাথ্সী॒-রিতি॑ । তি॒স্র ইতি॒ প্রতি॑ ব্রূতাত্ । কি-ম্প্র॑থ॒মাগ্ম্ রাত্রি॑-মাশ্ঞা॒ ইতি॑ ॥ 43 ॥
প্র॒জা-ন্ত॒ ইতি॑ । কি-ন্দ্বি॒তীযা॒-মিতি॑ । প॒শূগ্স্ত॒ ইতি॑ ।
কি-ন্তৃ॒তীযা॒-মিতি॑ । সা॒ধু॒কৃ॒ত্যা-ন্ত॒ ইতি॑ ॥ তং-বৈঁ প্র॒বস॑ন্ত-ঞ্জগাম । তস্য॑ হ তি॒স্রো রাত্রী॒-রনা᳚শ্বা-ন্গৃ॒হ উ॑বাস । তমা॒গত্য॑ পপ্রচ্ছ ।
কুমা॑র॒ কতি॒ রাত্রী॑-রবাথ্সী॒-রিতি॑ । তি॒স্র ইতি॒ প্রত্যু॑বাচ ॥ 44 ॥
কি-ম্প্র॑থ॒মাগ্ম্ রাত্রি॑-মাশ্ঞা॒ ইতি॑ । প্র॒জা-ন্ত॒ ইতি॑ । কি-ন্দ্বি॒তীযা॒-মিতি॑ । প॒শূগ্স্ত॒ ইতি॑ । কি-ন্তৃ॒তীযা॒-মিতি॑ । সা॒ধু॒কৃ॒ত্যা-ন্ত॒ ইতি॑ ॥ নম॑স্তে অস্তু ভগব॒ ইতি॑ হোবাচ । বরং॑-বৃঁণী॒ষ্বেতি॑ ॥ পি॒তর॑মে॒ব জীব॑ন্নযা॒নীতি॑ ॥
দ্বি॒তীযং॑-বৃঁণী॒ষ্বেতি॑ ॥ 45 ॥
ই॒ষ্টা॒পূ॒র্তযো॒ র্মে ঽক্ষি॑তি-ম্ব্রূ॒হীতি॑ হোবাচ ।
তস্মৈ॑ হৈ॒তম॒গ্নি-ন্না॑চিকে॒ত-মু॑বাচ ।
ততো॒ বৈ তস্যে᳚-ষ্টাপূ॒র্তে না ক্ষী॑যেতে ॥
নাস্যে᳚ষ্টা-পূ॒র্তে ক্ষী॑যেতে । যো-ঽ᳚গ্নি-ন্না॑চিকে॒ত-ঞ্চি॑নু॒তে । য উ॑ চৈন-মে॒বং-বেঁদ॑ ॥ তৃ॒তীযং॑-বৃঁণী॒ষ্বেতি॑ । পু॒ন॒ মৃ॒র্ত্যো র্মে ঽপ॑জিতি-ম্ব্রূ॒হীতি॑ হোবাচ । তস্মৈ॑ হৈ॒তম॒গ্নি-ন্না॑চিকে॒ত-মু॑বাচ । ততো॒ বৈ সো-ঽপ॑ পুন র্মৃ॒ত্যু-ম॑জযত্ ॥ 46 ॥
অপ॑ পুন র্মৃ॒ত্যু-ঞ্জ॑যতি । যো-ঽ᳚গ্নি-ন্না॑চিকে॒ত-ঞ্চি॑নু॒তে ॥ য উ॑ চৈন-মে॒বং-বেঁদ॑ ॥ প্র॒জাপ॑তি॒ র্বৈ প্র॒জাকা॑ম॒-স্তপো॑-ঽতপ্যত ।
স হির॑ণ্য॒-মুদা᳚স্যত্ । ত-দ॒গ্নৌ প্রাস্য॑ত্ ।
ত-দ॑স্মৈ॒ নাচ্ছ॑দযত্ । ত-দ্দ্বি॒তীয॒-ম্প্রাস্য॑ত্ । ত-দ॑স্মৈ॒ নৈ বাচ্ছ॑দযত্ । ত-ত্তৃ॒তীয॒-ম্প্রাস্য॑ত্ ॥ 47 ॥
ত-দ॑স্মৈ॒ নৈ বাচ্ছ॑দযত্ । ত-দা॒ত্ম-ন্নে॒ব হৃ॑দ॒য্যে᳚-ঽগ্নৌ বৈ᳚শ্বান॒রে প্রাস্য॑ত্ ।
ত-দ॑স্মা অচ্ছদযত্ । তস্মা॒দ্ধির॑ণ্য॒-ঙ্কনি॑ষ্ঠ॒-ন্ধনা॑নাম্ । ভু॒ঞ্জ-ত্প্রি॒যত॑মম্ । হৃ॒দ॒য॒জগ্ম্ হি । স বৈ তমে॒ব নাবি॑ন্দত্ ।
যস্মৈ॒ তা-ন্দক্ষি॑ণা॒-মনে᳚ষ্যত্ ।
তাগ্ স্বাযৈ॒ব হস্তা॑য॒ দক্ষি॑ণাযানযত্ ।
তা-ম্প্রত্য॑গৃহ্ণাত্ ॥ 48 ॥
দক্ষা॑য ত্বা॒ দক্ষি॑ণা॒-ম্প্রতি॑গৃহ্ণা॒মীতি॑ ।
সো॑ ঽদক্ষত॒ দক্ষি॑ণা-ম্প্রতি॒গৃহ্য॑ ।
দক্ষ॑তে হ॒ বৈ দক্ষি॑ণা-ম্প্রতি॒গৃহ্য॑ ।
য এ॒বং-বেঁদ॑ ॥ এ॒তদ্ধ॑ স্ম॒ বৈ ত-দ্বি॒দ্বাগ্ম্সো॑ বাজশ্রব॒সা গোত॑মাঃ ।
অপ্য॑নূদে॒শ্যা᳚-ন্দক্ষি॑ণা॒-ম্প্রতি॑গৃহ্ণন্তি ।
উ॒ভযে॑ন ব॒য-ন্দ॑ক্ষিষ্যামহ এ॒ব দক্ষি॑ণা-ম্প্রতি॒গৃহ্যেতি॑ ।
তে॑ ঽদক্ষন্ত॒ দক্ষি॑ণা-ম্প্রতি॒গৃহ্য॑ ।
দক্ষ॑তে হ॒ বৈ দক্ষি॑ণা-ম্প্রতি॒গৃহ্য॑ ।
য এ॒বং-বেঁদ॑ ।
প্র হা॒ন্যং-ব্লীঁ॑নাতি ॥ 49 ॥
(ব॒দ॒ - ত্যা॒শ্না॒ ইত্ - যু॑বাচ - দ্বি॒তীযং॑-বৃঁণী॒ষ্বে - ত্য॑জযত্ - তৃ॒তীয॒-ম্প্রাস্য॑ - দগৃহ্ণা॒--দ্য এ॒বং-বেঁদৈক॑-ঞ্চ) (অ. 8)
অনুবাকং 9 - চযনপ্রযোগঃ
তগ্ম্ হৈ॒ত-মেকে॑ পশুব॒ন্ধ এ॒বোত্ত॑রবে॒দ্যা-ঞ্চি॑ন্বতে । উ॒ত্ত॒র॒বে॒দিস॑ম্মিত এ॒ষো᳚-ঽগ্নিরিতি॒ বদ॑ন্তঃ । তন্ন তথা॑ কু॒র্যাত্ । এ॒ত-ম॒গ্নি-ঙ্কামে॑ন॒ ব্য॑র্ধযেত্ । স এ॑ন॒-ঙ্কামে॑ন॒ ব্যৃ॑দ্ধঃ । কামে॑ন॒ ব্য॑র্ধযেত্ ।
সৌ॒ম্যে বাবৈ ন॑মধ্ব॒রে চি॑ন্বী॒ত ।
যত্র॑ বা॒ ভূযি॑ষ্ঠা॒ আহু॑তযো হূ॒যেরন্ন্॑ ।
এ॒ত-ম॒গ্নি-ঙ্কামে॑ন॒ সম॑র্ধযতি । স এ॑ন॒-ঙ্কামে॑ন॒ সমৃ॑দ্ধঃ ॥ 50 ॥
কামে॑ন॒ সম॑র্ধযতি ॥ অথ॑ হৈন-ম্পু॒রর্ষ॑যঃ । উ॒ত্ত॒র॒বে॒দ্যা-মে॒ব স॒ত্রিয॑-মচিন্বত । ততো॒ বৈ তে-ঽবি॑ন্দন্ত প্র॒জাম্ ।
অ॒ভি স্ব॒র্গং-লোঁ॒ক-ম॑জযন্ন্ ।
বি॒ন্দত॑ এ॒ব প॒জাম্ । অ॒ভি স্ব॒র্গং-লোঁ॒ক-ঞ্জ॑যতি । যো᳚-ঽগ্নি-ন্না॑চিকে॒ত-ঞ্চি॑নু॒তে ।
য উ॑ চৈন-মে॒বং-বেঁদ॑ ॥ অথ॑ হৈনং-বাঁ॒যুর্-ঋদ্ধি॑কামঃ ॥ 51 ॥
য॒থা॒ন্যু॒প্ত-মে॒বোপ॑দধে ।
ততো॒ বৈ স এ॒তা-মৃদ্ধি॑-মাদ্র্ধ্নোত্ ।
যামি॒দং-বাঁ॒যুর্-ঋ॒দ্ধঃ ।
এ॒তা-মৃদ্ধি॑-মৃদ্ধ্নোতি ।
যামি॒দং-বাঁ॒যুর্-ঋ॒দ্ধঃ ।
যো᳚-ঽগ্নি-ন্না॑চিকে॒ত-ঞ্চি॑নু॒তে ।
য উ॑ চৈন-মে॒বং-বেঁদ॑ ॥ অথ॑ হৈন-ঙ্গোব॒লো বার্ষ্ণঃ॑ প॒শুকা॑মঃ । পাঙ্ক্ত॑মে॒ব চি॑ক্যে । পঞ্চ॑ পু॒রস্তা᳚ত্ ॥ 52 ॥
পঞ্চ॑ দক্ষিণ॒তঃ । পঞ্চ॑ প॒শ্চাত্ । পঞ্চো᳚ত্তর॒তঃ । একা॒-ম্মদ্ধ্যে᳚ ।
ততো॒ বৈ স স॒হস্র॑-ম্প॒শূ-ন্প্রাপ্নো᳚ত্ ।
প্র স॒হস্র॑-ম্প॒শূ-না᳚প্নোতি ।
যো᳚-ঽগ্নি-ন্না॑চিকে॒ত-ঞ্চি॑নু॒তে । য উ॑ চৈন-মে॒বং-বেঁদ॑ ॥ অথ॑ হৈন-ম্প্র॒জাপ॑তি॒ র্জ্যৈষ্ঠ্য॑কামো॒ যশ॑স্কামঃ প্র॒জন॑নকামঃ ।
ত্রি॒বৃত॑মে॒ব চি॑ক্যে ॥ 53 ॥
স॒প্ত পু॒রস্তা᳚ত্ । তি॒স্রো দ॑ক্ষিণ॒তঃ । স॒প্ত প॒শ্চাত্ । তি॒স্র উ॑ত্তর॒তঃ । একা॒-ম্মদ্ধ্যে᳚ । ততো॒ বৈ স প্র যশো॒ জ্যৈষ্ঠ্য॑-মাপ্নোত্ ।
এ॒তা-ম্প্রজা॑তি॒-ম্প্রাজা॑যত । যামি॒দ-ম্প্র॒জাঃ প্র॒জায॑ন্তে । ত্রি॒বৃ-দ্বৈ জ্যৈষ্ঠ্য᳚ম্ । মা॒তা পি॒তা পু॒ত্রঃ ॥ 54 ॥
ত্রি॒বৃ-ত্প্র॒জন॑নম্ । উ॒পস্থো॒ যোনি॑ র্মদ্ধ্য॒মা । প্রযশো॒ জ্যৈষ্ঠ্য॑-মাপ্নোতি । এ॒তা-ম্প্র॑জাতি॒-ম্প্রজা॑যতে । যামি॒দ-ম্প্র॒জাঃ প্র॒জায॑ন্তে । যো᳚-ঽগ্নি-ন্না॑চিকে॒ত-ঞ্চি॑নু॒তে । য উ॑ চৈনমে॒বং-বেঁদ॑ ॥ অথ॑ হৈন॒-মিন্দ্রো॒ জ্যৈষ্ঠ্য॑কামঃ ।
ঊ॒দ্র্ধ্বা এ॒বোপ॑দধে । ততো॒ বৈ স জ্যৈষ্ঠ্য॑-মগচ্ছত্ ॥ 55 ॥
জ্যৈষ্ঠ্য॑-ঙ্গচ্ছতি । যো᳚-ঽগ্নি-ন্না॑চিকে॒ত-ঞ্চি॑নু॒তে । য উ॑ চৈন-মে॒বং-বেঁদ॑ ॥ অথ॑ হৈন-ম॒সাবা॑দি॒ত্য-স্স্ব॒র্গকা॑মঃ ।
প্রাচী॑রে॒বোপ॑দধে । ততো॒ বৈ সো॑-ঽভি স্ব॒র্গং-লোঁ॒ক-ম॑জযত্ । অ॒ভি স্ব॒র্গং-লোঁ॒ক-ঞ্জ॑যতি । যো᳚-ঽগ্নি-ন্না॑চিকে॒ত-ঞ্চি॑নু॒তে ।
য উ॑ চৈন-মে॒বং-বেঁদ॑ ॥ স যদী॒চ্ছেত্ ॥ 56 ॥
তে॒জ॒স্বী য॑শ॒স্বী ব্র॑হ্মবর্চ॒সী স্যা॒মিতি॑ । প্রাংআ হোতু॒র্ধিষ্ণ্যা॒-দুথ্স॑র্পেত্ ।
যেয-ম্প্রাগা॒-দ্যশ॑স্বতী । সা মা॒ প্রোর্ণো॑তু ।
তেজ॑সা॒ যশ॑সা ব্রহ্মবর্চ॒সেনেতি॑ ।
তে॒জ॒স্ব্যে॑ব য॑শ॒স্বী ব্র॑হ্মবর্চ॒সী ভ॑বতি ॥ অথ॒ যদী॒চ্ছেত্ । ভূযি॑ষ্ঠ-ম্মে॒ শ্রদ্দ॑ধীরন্ন্ । ভূযি॑ষ্ঠা॒ দক্ষি॑ণা নযেযু॒রিতি॑ ।
দক্ষি॑ণাসু নী॒যমা॑নাসু॒ প্রাচ্যেহি॒ প্রাচ্যে॒হীতি॒ প্রাচী॑ জুষা॒ণা বেত্বাজ্য॑স্য॒ স্বাহেতি॑ স্রু॒বেণো॑-প॒হত্যা॑ হব॒নীযে॑ জুহুযাত্ ॥ 57 ॥
ভূযি॑ষ্ঠ-মে॒বাস্মৈ॒ শ্রদ্দ॑ধতে । ভূযি॑ষ্ঠা॒ দক্ষি॑ণা নযন্তি ॥ পুরী॑ষ-মুপ॒ধায॑ । চি॒তি॒-ক্লৃ॒প্তিভি॑-রভি॒মৃশ্য॑ । অ॒গ্নি-ম্প্র॒ণীযো॑পসমা॒ধায॑ । চত॑স্র এ॒তা আহু॑তী র্জুহোতি । ত্বম॑গ্নে রু॒দ্র ইতি॑ শতরু॒দ্রীয॑স্য রূ॒পম্ ।
অগ্না॑-বিষ্ণূ॒ ইতি॑ বসো॒দ্র্ধারা॑যাঃ । অন্ন॑পত॒ ইত্য॑ন্ন হো॒মঃ । স॒প্ত তে॑ অগ্নে স॒মিধ॑-স্স॒প্ত জি॒হ্বা ইতি॑ বিশ্ব॒প্রীঃ ॥ 58 ॥
[সমৃ॑দ্ধ॒ - ঋদ্ধি॑কামঃ - প॒রস্তা᳚চ্ - চিক্যে - পু॒ত্রো॑ - ঽগচ্ছ - দি॒চ্ছে - জ্জু॑হুযা-দ্- বিশ্ব॒প্রিঃ ] (অ. 9)
(পুরর্ষ॑যো বা॒যু-র্গো॑ব॒ল-স্স॒হস্র॑-ম্প্র॒জাপ॑তি স্ত্রি॒বৃদিন্দ্রো॒ ঽসাবা॑দি॒ত্য-স্স যদী॒চ্ছেত্ )
অনুবাকং 10 - তত্প্রশংসা
যা-ম্প্র॑থ॒মা-মিষ্ট॑কা-মুপ॒দধা॑তি । ই॒ম-ন্তযা॑ লো॒ক-ম॒ভি জ॑যতি ।
অথো॒ যা অ॒স্মিন্ ঁলো॒কে দে॒বতাঃ᳚ ।
তাসা॒গ্ম্॒ সাযু॑জ্যগ্ম্ সলো॒কতা॑-মাপ্নোতি । যা-ন্দ্বি॒তীযা॑-মুপ॒দধা॑তি ।
অ॒ন্ত॒রি॒ক্ষ॒লো॒ক-ন্তযা॒-ঽভি জয॑তি । অথো॒ যা অ॑ন্তরিক্ষ লো॒কে দে॒বতাঃ᳚ ।
তাসা॒গ্ম্॒ সাযু॑জ্যগ্ম্ সলো॒কতা॑-মাপ্নোতি ।
যা-ন্তৃ॒তীযা॑-মুপ॒দধা॑তি ।
অ॒মু-ন্তযা॑ লো॒ক-ম॒ভিজ॑যতি ॥ 59 ॥
অথো॒ যা অ॒মুষ্মি॑ন্ ঁলো॒কে দে॒বতাঃ᳚ ।
তাসা॒গ্ম্॒ সাযু॑জ্যগ্ম্ সলো॒কতা॑-মাপ্নোতি ।
অথো॒ যা অ॒মূরিত॑রা অ॒ষ্টাদ॑শ ।
য এ॒বামী উ॒রব॑শ্চ॒ বরী॑যাগ্ম্সশ্চ লো॒কাঃ ।
তানে॒ব তাভি॑-র॒ভিজ॑যতি ॥ কা॒ম॒চারো॑ হ॒ বা অ॑স্যো॒রুষু॑ চ॒ বরী॑যস্সু চ লো॒কেষু॑ ভবতি ।
যো᳚-ঽগ্নি-ন্না॑চিকে॒ত-ঞ্চি॑নু॒তে । য উ॑ চৈন-মে॒বং-বেঁদ॑ ॥ সং॒বঁ॒থ্স॒রো বা অ॒গ্নি না॑র্চিকে॒তঃ । তস্য॑ বস॒ন্ত-শ্শিরঃ॑ ॥ 60 ॥
গ্রী॒ষ্মো দক্ষি॑ণঃ প॒ক্ষঃ । ব॒র্॒ষা উত্ত॑রঃ । শ॒র-ত্পুচ্ছ᳚ম্ । মাসাঃ᳚ কর্মকা॒রাঃ । অ॒হো॒রা॒ত্রে শ॑তরু॒দ্রীয᳚ম্ । প॒র্জন্যো॒ বসো॒দ্র্ধারা᳚ ।
যথা॒ বৈ প॒র্জন্য॒-স্সুবৃ॑ষ্টং-বৃঁ॒ষ্ট্বা ।
প্র॒জাভ্য॒-স্সর্বা॒ন্ কামা᳚ন্-থ্সম্পূ॒রয॑তি ।
এ॒ব-মে॒ব স তস্য॒ সর্বা॒ন্ কামা॒ন্-থ্সম্পূ॑রযতি । যো᳚-ঽগ্নি-ন্না॑চিকে॒ত-ঞ্চি॑নু॒তে ॥ 61 ॥
য উ॑ চৈন-মে॒বং-বেঁদ॑ ॥ সং॒বঁ॒থ্স॒রো বা অ॒গ্নি র্না॑চিকে॒তঃ । তস্য॑ বস॒ন্ত-শ্শিরঃ॑ । গ্রী॒ষ্মো দক্ষি॑ণঃ প॒ক্ষঃ ।
ব॒র্॒ষাঃ পুচ্ছ᳚ম্ । শ॒রদুত্ত॑রঃ প॒ক্ষঃ । হে॒ম॒ন্তো মদ্ধ্য᳚ম্ ।
পূ॒র্ব॒প॒ক্ষাশ্চিত॑যঃ । অ॒প॒র॒প॒ক্ষাঃ পুরী॑ষম্ । অ॒হো॒রা॒ত্রাণীষ্ট॑কাঃ ।
এ॒ষ বাব সো᳚-ঽগ্নি-র॑গ্নি॒মযঃ॑ পুনর্ণ॒বঃ ।
অ॒গ্নি॒মযো॑ হ॒ বৈ পু॑নর্ণ॒বো ভূ॒ত্বা । স্ব॒র্গং-লোঁ॒ক-মে॑তি । আ॒দি॒ত্যস্য॒ সাযু॑জ্যম্ । যো᳚-ঽগ্নি-ন্না॑চিকে॒ত-ঞ্চি॑নু॒তে । য উ॑ চৈন-মে॒বং-বেঁদ॑ ॥ 62 ॥
অ॒মু-ন্তযা॑ লো॒কম॒ভিজ॑যতি॒ - শির॑ - শ্চিনু॒ত - ইষ্ট॑কা॒-ষ্ষট্চ॑) (অ. 10)
(লো॒ক - স্ত্বম॒গ্নে - ঽগ্না॑বিষ্ণূ॒ - অন্ন॑পতে - স॒প্ত তে॑ অগ্নে॒ - যত্তে ঽচি॑তম॒ - যং-বাঁ - বোশন্. হ॒ বৈ - তগ্ম্ হৈ॒তং - ঁযা-ম্প্র॑থ॒মামিষ্ট॑কা॒-ন্দশ॑)
(লো॒ক - আ॑দি॒ত্য - ওজো᳚ - ঽস্যূ॒দ্র্ধ্বা দিগ॑ - ন॒ন্তগ্ম্ হ॒ বৈ - কামে॑ন - গ্রী॒ষ্মো দ্বিষ॑ষ্টিঃ)
(লো॒কো - বেদ॑)
॥ হরিঃ॑ ওম্ ॥
॥ তৈত্তরীয যজুব্রাহ্মণে কাঠকে দ্বিতীযঃ প্রশ্ন-স্সমাপ্তঃ ॥
+++++++++++++++++++++++++++++++++
