কৃষ্ণ যজুর্বেদীয তৈত্তিরীয ব্রাহ্মণে তৃতীযাষ্টকে অষ্টমঃ প্রপাঠকঃ - অশ্বমেধব্রাহ্মণং-বৈঁশ্বদেব-ঙ্কাণ্ডম্
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
(অশ্বমেধব্রাহ্মণং-বৈঁশ্বদেব-ঙ্কাণ্ডং)
অনুবাকং 1 - সাঙ্গ্রহণ্যেষ্ট্যাদযঃ যাজমানসংস্কারাঃ
সা॒গ্রং॒হ॒ণ্যেষ্ট্যা॑ যজতে । ই॒মা-ঞ্জ॒নতা॒গ্ম্॒ সঙ্গ॑হ্ণা॒নীতি॑ ॥ দ্বাদ॑শারত্নী রশ॒না ভ॑বতি । দ্বাদ॑শ॒ মাসা᳚-স্সংবঁথ্স॒রঃ ।
সং॒বঁ॒থ্স॒রমে॒বা ব॑রুন্ধে । মৌ॒ঞ্জী ভ॑বতি । ঊর্গ্বৈ মুঞ্জাঃ᳚ । ঊর্জ॑মে॒ বা ব॑রুন্ধে ॥ চি॒ত্রা নক্ষ॑ত্র-ম্ভবতি । চি॒ত্রং-বাঁ এ॒তত্কর্ম॑ ॥ 1 ॥
যদ॑শ্বমে॒ধ-স্সমৃ॑দ্ধ্যৈ ॥ পুণ্য॑নাম দেব॒যজ॑ন-ম॒দ্ধ্যব॑স্যতি । পুণ্যা॑মে॒ব তেন॑ কী॒র্তিম॒ভিজ॑যতি ॥ অপ॑দাতী-নৃ॒ত্বিজ॑-স্স॒মাব॑হ॒ন্ত্যা সু॑ব্রহ্ম॒ণ্যাযাঃ᳚ ।
সু॒ব॒র্গস্য॑ লো॒কস্য॒ সম॑ষ্ট্যৈ ॥ কে॒শ॒শ্ম॒শ্রু ব॑পতে । ন॒খানি॒ নিকৃ॑ন্ততে । দ॒তো ধা॑বতে । স্নাতি॑ । অহ॑তং॒-বাঁসঃ॒ পরি॑ধত্তে । পা॒প্মনো-ঽপ॑হত্যৈ ।
বাচং॑-যঁ॒ত্বোপ॑বসতি । সু॒ব॒র্গস্য॑ লো॒কস্য॒ গুপ্ত্যৈ᳚ । রাত্রি॑-ঞ্জাগ॒রয॑ন্ত আসতে । সু॒ব॒র্গস্য॑ লো॒কস্য॒ সম॑ষ্ট্যৈ ॥ 2 ॥
(কর্ম॑ - ধত্তে॒ পঞ্চ॑ চ) (অ. 1)
অনুবাকং 2 - ব্রহ্মৌদনাভিধানম্
চতু॑ষ্টয্য॒ আপো॑ ভবন্তি ।
চতু॑শ্শফো॒ বা অশ্বঃ॑ প্রাজাপ॒ত্য-স্সমৃ॑দ্ধ্যৈ ॥
তা দি॒গ্ভ্য-স্স॒মাভৃ॑তা ভবন্তি । দি॒ক্ষু বা আপঃ॑ ।
অন্নং॒-বাঁ আপঃ॑ । অ॒দ্ভ্যো বা অন্ন॑-ঞ্জাযতে । যদে॒বাদ্ভ্যো-ঽন্ন॒-ঞ্জায॑তে । তদব॑রুন্ধে ॥ তাসু॑ ব্রহ্মৌদ॒ন-ম্প॑চতি । রেত॑ এ॒ব তদ্দ॑ধাতি ॥ 3 ॥
চতু॑শ্শরাবো ভবতি । দি॒ক্ষ্বে॑ব প্রতি॑তিষ্ঠতি ॥ উ॒ভ॒যতো॑ রু॒ক্মৌ ভ॑বতঃ । উ॒ভ॒যত॑ এ॒বাস্মি॒ন্-রুচ॑-ন্দধাতি । উদ্ধ॑রতি শৃত॒ত্বায॑ ।
স॒র্পিষ্বা᳚-ন্ভবতি মেদ্ধ্য॒ত্বায॑ । চ॒ত্বার॑ আর্ষে॒যাঃ প্রাশ্ন॑ন্তি । দি॒শামে॒ব জ্যোতি॑ষি জুহোতি । চ॒ত্বারি॒ হির॑ণ্যানি দদাতি । দি॒শাম॒ব জ্যোতী॒গ্॒ষ্য ব॑রুন্ধে ॥ 4 ॥
যদাজ্য॑-মু॒চ্ছিষ্য॑তে । তস্মি॑ন্-রশ॒না-ন্ন্যু॑নত্তি । প্র॒জাপ॑তি॒র্বা ও॑দ॒নঃ । রেত॒ আজ্য᳚ম্ । যদাজ্যে॑ রশ॒না-ন্ন্যু॒নত্তি॑ । প্র॒জাপ॑তিমে॒ব রেত॑সা॒ সম॑র্ধযতি ॥ দ॒র্ভ॒মযী॑ রশ॒না ভ॑বতি ।
ব॒হু বা এ॒ষ কু॑চ॒রো॑-ঽমে॒দ্ধ্যমুপ॑গচ্ছতি ।
যদশ্বঃ॑ । প॒বিত্রং॒-বৈঁ দ॒র্ভাঃ ॥ 5 ॥
যদ্দ॑র্ভ॒মযী॑ রশ॒না ভব॑তি । পু॒নাত্যে॒বৈন᳚ম্ । পূ॒তমে॑ন॒-ম্মেদ্ধ্য॒-মাল॑ভতে ॥
অশ্ব॑স্য॒ বা আল॑ব্ধস্য মহি॒মোদ॑-ক্রামত্ ।
স ম॒হর্ত্বি॑জঃ॒ প্রাবি॑শত্ । তন্ম॒হর্ত্বি॑জা-ম্মহর্ত্বি॒ক্ত্বম্ । যন্ম॒হর্ত্বি॑জঃ প্রা॒শ্ঞন্তি॑ ।
ম॒হি॒মান॑-মে॒বাস্মি॒ন্-তদ্দ॑ধতি ॥
অশ্ব॑স্য॒ বা আল॑ব্ধস্য॒ রেত॒ উদ॑ক্রামত্ ।
তথ্সু॒বর্ণ॒গ্ম্॒ হির॑ণ্য-মভবত্ । যথ্সু॒বর্ণ॒গ্ম্॒ হির॑ণ্য॒-ন্দদা॑তি ।
রেত॑ এ॒ব তদ্দ॑ধাতি ॥ ও॒দ॒নে দ॑দাতি । রেতো॒ বা ও॑দ॒নঃ । রেতো॒ হির॑ণ্যম্ । রেত॑সৈ॒বাস্মি॒-ন্রেতো॑ দধাতি ॥ 6 ॥
(দ॒ধা॒তি॒ - রু॒ন্ধে॒ - দ॒র্ভা - অ॑ভব॒-থ্ষট্চ॑) (অ. 2)
অনুবাকং 3 - রশনযা-ঽশ্ববন্ধনম্
যো বৈ ব্রহ্ম॑ণে দে॒বেভ্যঃ॑ প্র॒জাপ॑ত॒যে-ঽপ্র॑তি-প্রো॒চ্যাশ্ব॒-ম্মেদ্ধ্য॑-ম্ব॒দ্ধ্নাতি॑ ।
আ দে॒বতা᳚ভ্যো বৃশ্চ্যতে । পাপী॑যান্ভবতি । যঃ প্র॑তি॒প্রোচ্য॑ । ন দে॒বতা᳚ভ্য॒ আবৃ॑শ্চ্যতে । বসী॑যান্ভবতি ॥ যদাহ॑ । ব্রহ্ম॒ন্নশ্ব॒-ম্মেদ্ধ্য॑-ম্ভন্থ্স্যামি দে॒বেভ্যঃ॑ প্র॒জাপ॑তযে॒ তেন॑ রাদ্ধ্যাস॒মিতি॑ । ব্রহ্ম॒ বৈ ব্র॒হ্মা ।
ব্রহ্ম॑ণ এ॒ব দে॒বেভ্যঃ॑ প্র॒জাপ॑তযে প্রতি॒প্রোচ্যাশ্ব॒-ম্মেদ্ধ্য॑-ম্বদ্ধ্নাতি ॥ 7 ॥
ন দে॒বতা᳚ভ্য॒ আবৃ॑শ্চ্যতে । বসী॑যা-ন্ভবতি ॥
দে॒বস্য॑ ত্বা সবি॒তুঃ প্র॑স॒ব ইতি॑ রশ॒না-মাদ॑ত্তে॒ প্রসূ᳚ত্যৈ । অ॒শ্বিনো᳚-র্বা॒হুভ্যা॒-মিত্যা॑হ । অ॒শ্বিনৌ॒ হি দে॒বানা॑-মদ্ধ্ব॒র্যূ আস্তা᳚ম্ ।
পূ॒ষ্ণো হস্তা᳚ভ্যা॒-মিত্যা॑হ॒ যত্যৈ᳚ ॥
ব্যৃ॑দ্ধং॒-বাঁ এ॒তদ্য॒জ্ঞস্য॑ । যদ॑য॒জুষ্কে॑ণ ক্রি॒যতে᳚ ।
ই॒মাম॑গৃভ্ণন্-রশ॒না-মৃ॒তস্যে-ত্যধি॑ বদতি॒ যজু॑ষ্কৃত্যৈ । য॒জ্ঞস্য॒ সমৃ॑দ্ধ্যৈ ॥ 8 ॥
তদা॑হুঃ । দ্বাদ॑শারত্নী রশ॒না ক॑র্ত॒ব্যা(3) ত্রযো॑দশার॒ত্নী(3)রিতি॑ । ঋ॒ষ॒ভো বা এ॒ষ ঋ॑তূ॒নাম্ । যথ্সং॑বঁথ্স॒রঃ ।
তস্য॑ ত্রযোদ॒শো মাসো॑ বি॒ষ্টপ᳚ম্ । ঋ॒ষ॒ভ এ॒ষ য॒জ্ঞানা᳚ম্ । যদ॑শ্বমে॒ধঃ । যথা॒ বা ঋ॑ষ॒ভস্য॑ বি॒ষ্টপ᳚ম্ । এ॒বমে॒তস্য॑ বি॒ষ্টপ᳚ম্ । ত্র॒যো॒দ॒শম॑র॒ত্নিগ্ম্ র॑শ॒নাযা॑-মু॒পাদ॑ধাতি ॥ 9 ॥
যথ॑র্ষ॒ভস্য॑ বি॒ষ্টপগ্ম্॑ সগ্গ্স্ক॒রোতি॑ । তা॒দৃগে॒ব তত্ ॥ পূর্ব॒ আযু॑ষি বি॒দথে॑ষু ক॒ব্যেত্যা॑হ । আযু॑রে॒বাস্মি॑-ন্দধাতি ॥
তযা॑ দে॒বা-স্সু॒তমাব॑ভূবু॒-রিত্যা॑হ । ভূতি॑মে॒বোপাব॑র্ততে ॥ ঋ॒তস্য॒ সামন᳚-থ্স॒রমা॒রপ॒ন্তীত্যা॑হ । স॒ত্যং-বাঁ ঋ॒তম্ ।
স॒ত্যেনৈ॒বৈন॑ মৃ॒তেনার॑ভতে ॥ অ॒ভি॒ধা অ॒সীত্যা॑হ ॥ 10 ॥
তস্মা॑-দশ্বমেধযা॒জী সর্বা॑ণি ভূ॒তান্য॒ভি ভ॑বতি । ভুব॑ন-ম॒সীত্যা॑হ ।
ভূ॒মান॑-মে॒বোপ॑তি । য॒ন্তা-ঽসীত্যা॑হ । য॒ন্তার॑মে॒বৈন॑-ঙ্করোতি ।
ধ॒র্তা-ঽসীত্যা॑হ । ধ॒র্তার॑মে॒বৈন॑-ঙ্করোতি । সো᳚-ঽগ্নিং-বৈঁ᳚শ্বান॒র-মিত্যা॑হ ।
অ॒গ্না-বে॒বৈনং॑-বৈঁশ্বান॒রে জু॑হোতি । সপ্র॑থস॒মিত্যা॑হ ॥ 11 ॥
প্র॒জযৈ॒বৈন॑-ম্প॒শুভিঃ॑ প্রথযতি ।
স্বাহা॑কৃত॒ ইত্যা॑হ । হোম॑ এ॒বাস্য॒ষঃ ।
পৃ॒থি॒ব্যা-মিত্যা॑হ । অ॒স্যামে॒বৈন॒-ম্প্রতি॑ষ্ঠাপযতি । য॒ন্তা রাড্য॒ন্তা-ঽসি॒ যম॑নো ধ॒র্তা-ঽসি॑ ধ॒রুণ॒ ইত্যা॑হ ।
রূ॒পমে॒বাস্যৈ॒-তন্ম॑হি॒মানং॒-ব্যাঁচ॑ষ্টে ।
কৃ॒ষ্যৈ ত্বা॒ ক্ষেমা॑য ত্বা র॒য্যৈ ত্বা॒ পোষা॑য॒ ত্বেত্যা॑হ । আ॒শিষ॑মে॒বৈতামাশা᳚স্তে ॥
স্ব॒গা ত্বা॑ দে॒বেভ্য॒ ইত্যা॑হ ।
দে॒বেভ্য॑ এ॒বৈনগ্গ্॑ স্ব॒গা ক॑রোতি ।
স্বাহা᳚ ত্বা প্র॒জাপ॑তয॒ ইত্যা॑হ । প্রা॒জা॒প॒ত্যো বা অশ্বঃ॑ ।
যস্যা॑ এ॒ব দে॒বতা॑যা আল॒ভ্যত᳚ । তযৈ॒বৈন॒গ্ম্॒ সম॑র্ধযতি ॥ 12 ॥
(ব॒ধ্না॒তি॒ - সমৃ॑দ্ধ্যা - উ॒পদ॑ধা - ত্য॒সীত্যা॑হ॒ - সপ্র॑থস॒মীত্যা॑হ - দে॒বেভ্য॒ ইত্যা॑হ॒ পঞ্চ॑ চ) (অ. 3)
অনুবাকং 4 - অশ্বস্য জলে-ঽবগাহনম্
যঃ পি॒তুর॑নু॒জাযাঃ᳚ পু॒ত্রঃ । স পু॒রস্তা᳚ন্নযতি ।
যো মা॒তুর॑নু॒জাযাঃ᳚ পু॒ত্রঃ । স প॒শ্চান্ন॑যতি ।
বিষ্ব॑ঞ্চমে॒বাস্মা᳚ত্-পা॒প্মানং॒-বিঁবৃ॑হতঃ ॥ যো অর্ব॑ন্ত॒-ঞ্জিঘাগ্ম্॑সতি॒ তম॒ভ্য॑মীতি॒ বরু॑ণ॒ ইতি॒ শ্বান॑-ঞ্চতুর॒ক্ষ-ম্প্রসৌ॑তি ।
প॒রো মর্তঃ॑ প॒র-শ্শ্বেতি॒ শুন॑শ্চতু-র॒ক্ষস্য॒ প্রহ॑ন্তি । শ্বেব॒ বৈ পা॒প্মা ভ্রাতৃ॑ব্যঃ । পা॒প্মান॑-মে॒বাস্য॒ ভ্রাতৃ॑ব্যগ্ম্ হন্তি ॥
সৈ॒দ্ধ্র॒ক-ম্মুস॑ল-ম্ভবতি ॥ 13 ॥
কর্ম॑ কর্মৈ॒বাস্মৈ॑ সাধযতি ॥ পৌ॒গ্গ্॒শ্চ॒লে॒যো হ॑ন্তি ।
পু॒গ্গ্॒শ্চ॒ল্বাং-বৈঁ দে॒বা-শ্শুচ॒-ন্ন্য॑দধুঃ । শু॒চৈবাস্য॒ শুচগ্ম্॑ হন্তি ॥
পা॒প্মা বা এ॒তমী᳚ফ্স॒-তীত্যা॑হুঃ । যো᳚-ঽশ্বমে॒ধেন॒ যজ॑ত॒ ইতি॑ ।
অশ্ব॑স্যাধস্প॒দমুপা᳚স্যতি ।
ব॒জ্রী বা অশ্বঃ॑ প্রাজাপ॒ত্যঃ ।
বজ্রে॑ণৈ॒ব পা॒প্মান॒-ম্ভ্রাতৃ॑ব্য॒-মব॑ক্রামতি ॥ দ॒ক্ষি॒ণা-ঽপ॑প্লাবযতি ॥ 14 ॥
পা॒প্মান॑-মে॒বাস্মা॒-চ্ছম॑ল॒-মপ॑প্লাবযতি ॥ ঐ॒ষী॒ক উ॑দূ॒হো ভ॑বতি । আযু॒র্বা ই॒ষীকাঃ᳚ । আযু॑রে॒-বাস্মি॑-ন্দধতি । অ॒মৃতং॒-বাঁ ই॒ষীকাঃ᳚ । অ॒মৃত॑মে॒-বাস্মি॑-ন্দধতি ॥ বে॒ত॒স॒শা॒খোপ॒সম্ব॑দ্ধা ভবতি ।
অ॒ফ্সু-যো॑নি॒র্বা অশ্বঃ॑ । অ॒ফ্সু॒জো বে॑ত॒সঃ ।
স্বাদে॒বৈনং॒-যোঁনে॒র্নির্মি॑মীতে ॥
পু॒রস্তা᳚ত্-প্র॒ত্যঞ্চ॑-ম॒ভ্যুদূ॑হতি ।
পু॒রস্তা॑-দে॒বাস্মি॑-ন্প্র॒তীচ্য॒ মৃত॑-ন্দধাতি ॥
অ॒হ-ঞ্চ॒ ত্ব-ঞ্চ॑ বৃত্রহ॒ন্নিতি॑ ব্র॒হ্মা যজ॑মানস্য॒ হস্ত॑-ঙ্গৃহ্ণাতি ।
ব্র॒হ্ম॒ক্ষ॒ত্রে এ॒ব সন্দ॑ধাতি ।
অ॒ভি ক্রত্বে᳚ন্দ্র ভূ॒রধ॒ জ্মন্নিত্য॑-ধ্ব॒র্যু-র্যজ॑মানং-বাঁচযত্য॒-ভিজি॑ত্যৈ ॥ 15 ॥
(ভ॒ব॒তি॒ - প্লা॒ব॒য॒তি॒ - মি॒মী॒তে॒ পঞ্চ॑ চ) (অ. 4)
অনুবাকং 5 - অশ্বস্য প্রোক্ষণ-ম্মহর্ত্বিজাম্
চ॒ত্বার॑ ঋ॒ত্বিজ॒-স্সমু॑ক্ষন্তি ।
আ॒ভ্য এ॒বৈন॑-ঞ্চত॒সৃভ্যো॑ দি॒গ্ভ্যো॑-ঽভিসমী॑রযন্তি ॥ শ॒তেন॑ রাজপু॒ত্রৈ-স্স॒হাদ্ধ্ব॒র্যুঃ । পু॒রস্তা᳚ত্-প্র॒ত্যন্তিষ্ঠ॒-ন্প্রোক্ষ॑তি । অ॒নেনাশ্বে॑ন॒ মেদ্ধ্যে॑নে॒ষ্ট্বা ।
অ॒যগ্ম্ রাজা॑ বৃ॒ত্রং-বঁ॑দ্ধ্যা॒দিতি॑ । রা॒জ্যং-বাঁ অ॑দ্ধ্ব॒র্যুঃ । ক্ষ॒ত্রগ্ম্ রা॑জপু॒ত্রঃ । রা॒জ্যেনৈ॒-বাস্মি॑ন্ ক্ষ॒ত্র-ন্দ॑ধাতি ॥
শ॒তেনা॑-রা॒জভি॑রু॒গ্রৈ-স্স॒হ ব্র॒হ্মা ॥ 16 ॥
দ॒ক্ষি॒ণ॒ত উদ॒ন্তিষ্ঠ॒-ন্প্রোক্ষ॑তি । অ॒নেনাশ্বে॑ন॒ মেদ্ধ্যে॑নে॒ষ্ট্বা ।
অ॒যগ্ম্ রাজা᳚-ঽপ্রতিধৃ॒ষ্যো᳚-ঽস্ত্বিতি॑ । বলং॒-বৈঁ ব্র॒হ্মা । বল॑মরা॒জোগ্রঃ । বল॑নৈ॒-বাস্মি॒-ন্বল॑-ন্দধাতি ॥ শ॒তেন॑ সূতগ্রাম॒ণিভি॑-স্স॒হ হোতা᳚ । প॒শ্চাত্-প্রান্তিষ্ঠ॒-ন্প্রোক্ষ॑তি ।
অ॒নেনাশ্বে॑ন॒ মেদ্ধ্যে॑নে॒ষ্ট্বা । অ॒যগ্ম্ রাজা॒-ঽস্যৈ বি॒শঃ ॥ 17 ॥
ব॒হু॒গ্বৈ ব॑হ্ব॒শ্বাযৈ॑ বহ্বজাবি॒কাযৈ᳚ । ব॒হু॒ব্রী॒হি॒য॒বাযৈ॑ বহুমাষতি॒লাযৈ᳚ ।
ব॒হু॒হি॒র॒ণ্যাযৈ॑ বহুহ॒স্তিকা॑যৈ । ব॒হু॒দা॒স॒পূ॒রু॒ষাযৈ॑ রযি॒মত্যৈ॒ পুষ্টি॑মত্যৈ । ব॒হু॒রা॒য॒স্পো॒ষাযৈ॒ রাজা॒-ঽস্ত্বিতি॑ । ভূ॒মা বৈ হোতা᳚ । ভূ॒মা সূ॑তগ্রাম॒ণ্যঃ॑ । ভূ॒ম্নৈবাস্মি॑-ন্ভূ॒মান॑-ন্দধাতি ॥ শ॒তেন॑ ক্ষত্ত-সঙ্গ্রহী॒তৃভি॑-স্স॒হোদ্গা॒তা । উ॒ত্ত॒র॒তো দ॑ক্ষি॒ণা তিষ্ঠ॒-ন্প্রোক্ষ॑তি ॥ 18 ॥
অ॒নেনাশ্বে॑ন॒ মেদ্ধ্যে॑ নে॒ষ্ট্বা ।
অ॒যগ্ম্ রাজা॒ সর্ব॒মাযু॑রে॒ত্বিতি॑ ।
আযু॒র্বা উ॑দ্গা॒তা । আযুঃ॑, ক্ষত্ত-সঙ্গ্রহী॒তারঃ॑ ।
আযু॑ষৈ॒-বাস্মি॒ন্নাযু॑-র্দধাতি ॥ শ॒তগ্ম্ শ॑ত-ম্ভবন্তি । শ॒তাযুঃ॒ পুরু॑ষ-শ্শ॒তেন্দ্রি॑যঃ ।
আযু॑ষ্যে॒বেন্দ্রি॒যে প্রতি॑তিষ্ঠতি ॥ চ॒তু॒-শ্শ॒তা ভ॑বন্তি । চত॑স্রো॒ দিশঃ॑ । দি॒ক্ষ্বে॑ব প্রতি॑তিষ্ঠতি ॥ 19 ॥
(ব্র॒হ্মা - বি॒শ - উ॑ক্ষতি॒ - দিশ॒ এক॑-ঞ্চ) (অ. 5)
অনুবাকং 6 - ভূমৌ পততা-ম্বিন্দূনামভিমন্ত্রণম্
যথা॒ বৈ হ॒বিষো॑ গৃহী॒তস্য॒ স্কন্দ॑তি । এ॒বং-বাঁ এ॒তদশ্ব॑স্য স্কন্দতি ।
যন্নি॒ক্তমনা॑-লব্ধ-মুথ্সৃ॒জন্তি॑ । যথ্স্তোক্যা॑ অ॒ন্বাহ॑ । স॒র্ব॒হুত॑-মে॒বৈন॑-ঙ্করো॒ত্য-স্ক॑ন্দায । অস্ক॑ন্ন॒গ্ম্॒ হি তত্ ।
যদ্ধু॒তস্য॒ স্কন্দ॑তি ॥ স॒হস্র॒-মন্বা॑হ । স॒হস্র॑ সম্মিত-স্সুব॒র্গো লো॒কঃ ।
সু॒ব॒র্গস্য॑ লো॒কস্যা॒-ভিজি॑ত্যৈ ॥ 20 ॥
যত্পরি॑মিতা অনুব্রূ॒যাত্ । পরি॑মিত॒মব॑রুন্ধীত । অপ॑রিমিতা॒ অন্বা॑হ । অপ॑রিমিত-স্সুব॒র্গো লো॒কঃ । সু॒ব॒র্গস্য॑ লো॒কস্য॒ সম॑ষ্ট্যৈ ॥
স্তোক্যা॑ জুহোতি । যা এ॒ব বর্ষ্যা॒ আপঃ॑ । তা অব॑রুন্ধে ॥ অ॒স্যা-ঞ্জু॑হোতি । ই॒যং-বাঁ অ॒গ্নির্বৈ᳚শ্বান॒রঃ ॥ 21 ॥
অ॒স্যামে॒বৈনাঃ॒ প্রতি॑ষ্ঠাপযতি ॥ উ॒বাচ॑ হ প্র॒জাপ॑তিঃ । স্তোক্যা॑সু॒ বা অ॒হম॑শ্বমে॒ধগ্ম্ সগ্গ্স্থা॑পযামি । তেন॒ তত॒-স্সগ্গ্স্থি॑তেন চরা॒মীতি॑ ॥ অ॒গ্নযে॒ স্বাহেত্যা॑হ ।
অ॒গ্নয॑ এ॒বৈন॑-ঞ্জুহোতি ॥ সোমা॑য॒ স্বাহেত্যা॑হ । সোমা॑যৈ॒বৈন॑-ঞ্জুহোতি । স॒বি॒ত্রে স্বাহেত্যা॑হ । স॒বি॒ত্র এ॒বৈন॑-ঞ্জুহোতি ॥ 22 ॥
সর॑স্বত্যৈ॒ স্বাহেত্যা॑হ । সর॑স্বত্যা এ॒বৈন॑-ঞ্জুহোতি । পূ॒ষ্ণে স্বাহেত্যা॑হ । পূ॒ষ্ণ এ॒বৈন॑-ঞ্জুহোতি । বৃহ॒স্পত॑যে॒ স্বাহেত্যা॑হ ।
বৃহ॒স্পত॑য এ॒বৈন॑-ঞ্জুহোতি । অ॒পা-ম্মোদা॑য॒ স্বাহেত্যা॑হ । অ॒দ্ভ্য এ॒বৈন॑-ঞ্জুহোতি । বা॒যবে॒ স্বাহেত্যা॑হ । বা॒যব॑ এ॒বৈন॑-ঞ্জুহোতি ॥ 23 ॥
মি॒ত্রায॒ স্বাহেত্যা॑হ । মি॒ত্রাযৈ॒বৈন॑-ঞ্জুহোতি । বরু॑ণায॒ স্বাহেত্যা॑হ । বরু॑ণাযৈ॒বৈন॑-ঞ্জুহোতি ॥ এ॒তাভ্য॑ এ॒বৈন॑-ন্দে॒বতা᳚ভ্যো জুহোতি ॥
দশ॑ দশ স॒পান্দ॑-ঞ্জুহোতি । দশা᳚ক্ষরা বি॒রাট্ । অন্নং॑-বিঁ॒রাট্ । বি॒রাজৈ॒-বান্নাদ্য॒মব॑রুন্ধে ॥ প্র বা এ॒ষো᳚-ঽস্মাল্লো॒কা-চ্চ্য॑বতে ।
যঃ পরা॑চী॒রাহু॑তী-র্জু॒হোতি॑ ।
পুনঃ॑ পুনরভ্যা॒বর্ত॑-ঞ্জুহোতি ।
অ॒স্মিন্নে॒ব লো॒কে প্রতি॑তিষ্ঠতি ॥
এ॒তাগ্ম্ হ॒ বাব সো᳚-ঽশ্বমে॒ধস্য॒ সগ্গ্স্থি॑তি মুবা॒চা-স্ক॑ন্দায । অস্ক॑ন্ন॒গ্ম্॒ হি তত্ ।
যদ্য॒জ্ঞস্য॒ সগ্গ্স্থি॑তস্য॒ স্কন্দ॑তি ॥ 24 ॥
(অ॒ভিজি॑ত্যৈ - বৈশ্বান॒রঃ - স॑বি॒ত্র এ॒বৈন॑-ঞ্জুহোতি - বা॒যব॑ এ॒বৈন॑-ঞ্জুহোতি - চ্যবতে॒ ষট্চ॑) (অ. 6)
অনুবাকং 7 - অথাধ্বর্যুপ্রোক্ষণম্
প্র॒জাপ॑তযে ত্বা॒ জুষ্ট॒-ম্প্রোক্ষা॒মীতি॑ পুর॒স্তা᳚ত্-প॒ত্যন্তিষ্ঠ॒-ন্প্রোক্ষ॑তি ।
প্র॒জাপ॑তি॒র্বৈ দে॒বানা॑-মন্না॒দো বী॒র্যা॑বান্ ।
অ॒ন্নাদ্য॑-মে॒বাস্মি॑ন্ বী॒র্য॑-ন্দধাতি ।
তস্মা॒দশ্বঃ॑ পশূ॒না-ম॑ন্না॒দো বী॒র্যা॑বত্তমঃ ॥ ই॒ন্দ্রা॒গ্নিভ্যা॒-ন্ত্বেতি॑ দক্ষিণ॒তঃ ।
ই॒ন্দ্রা॒গ্নী বৈ দে॒বানা॒মোজি॑ষ্ঠৌ॒ বলি॑ষ্ঠৌ । ওজ॑ এ॒বাস্মি॒-ন্বল॑-ন্দধাতি । তস্মা॒দশ্বঃ॑ পশূ॒নামোজি॑ষ্ঠো॒ বলি॑ষ্ঠঃ ॥ বা॒যবে॒ ত্বেতি॑ প॒শ্চাত্ । বা॒যুর্বৈ দে॒বানা॑মা॒শু-স্সা॑রসা॒রিত॑মঃ ॥ 25 ॥
জ॒বমে॒বাস্মি॑ন্দধাতি । তস্মা॒দশ্বঃ॑ পশূ॒নামা॒শু-স্সা॑রসা॒রিত॑মঃ ॥
বিশ্বে᳚ভ্যস্ত্বা দে॒বেভ্য॒ ইত্যু॑ত্তর॒তঃ ।
বিশ্বে॒ বৈ দে॒বা দে॒বানাং᳚-যঁশ॒স্বিত॑মাঃ ।
যশ॑ এ॒বাস্মি॑ন্দধাতি । তস্মা॒দশ্বঃ॑ পশূ॒নাং-যঁ॑শ॒স্বিত॑মঃ ॥ দে॒বেভ্য॒-স্ত্বেত্য॒ধস্তা᳚ত্ । দে॒বা বৈ দে॒বানা॒-মপ॑চিততমাঃ ।
অপ॑চিতি-মে॒বাস্মি॑-ন্দধাতি ।
তস্মা॒দশ্বঃ॑ পশূ॒না-মপ॑চিততমঃ ॥ 26 ॥
সর্বে᳚ভ্যস্ত্বা দে॒বেভ্য॒ ইত্যু॒পরি॑ষ্টাত্ ।
সর্বে॒ বৈ দে॒বাস্ত্বিষি॑মন্তো হর॒স্বিনঃ॑ ।
ত্বিষি॑মে॒-বাস্মি॒ন্॒. হরো॑ দধাতি ।
তস্মা॒দশ্বঃ॑ পশূ॒না-ন্ত্বিষি॑মান্ হর॒স্বিত॑মঃ ॥ দি॒বে ত্বা॒-ঽন্তরি॑ক্ষায ত্বা পৃথি॒ব্যৈ ত্বেত্যা॑হ ।
এ॒ভ্য এ॒বৈনং॑-লোঁ॒কেভ্যঃ॒ প্রোক্ষ॑তি ॥
স॒তে ত্বা-ঽস॑তে ত্বা॒-ঽদ্ভ্যস্ত্বৌ-ষ॑ধীভ্যস্ত্বা॒ বিশ্বে᳚ভ্যস্ত্বা ভূ॒তেভ্য॒ ইত্যা॑হ ।
তস্মা॑দশ্বমেধযা॒জিন॒গ্ম্॒ সর্বা॑ণি ভূ॒তান্যুপ॑ জীবন্তি ॥ ব্র॒হ্ম॒বা॒দিনো॑ বদন্তি । যত্প্রা॑জাপ॒ত্যো-ঽশ্বঃ॑ । অথ॒ কস্মা॑দেন-ম॒ন্যাভ্যো॑ দে॒বতা॒ভ্যো-ঽপি॒ প্রোক্ষ॒তীতি॑ ।
অশ্বে॒ বৈ সর্বা॑ দে॒বতা॑ অ॒ন্বায॑ত্তাঃ ।
তং-যঁদ্বিশ্বে᳚ভ্যস্ত্বা ভূ॒তেভ্য॒ ইতি॑ প্রা॒ক্ষতি॑ ।
দে॒বতা॑ এ॒বাস্মি॑-ন্ন॒ন্বাযা॑তযতি ।
তস্মা॒দশ্বে॒ সর্বা॑ দে॒বতা॑ অ॒ন্বায॑ত্তাঃ ॥ 27 ॥
(সা॒র॒সা॒রিত॒মো - ঽপ॑চিততমঃ - প্রাজাপ॒ত্যো-ঽশ্ব॒ পঞ্চ॑ চ) (অ. 7)
অনুবাকং 8 - অশ্বচরিতানামশ্বরূপাণা-ঞ্চ হোমাঃ
যথা॒ বৈ হ॒বিষো॑ গৃহী॒তস্য॒ স্কন্দ॑তি ।
এ॒বং-বাঁ এ॒তদশ্ব॑স্য স্কন্দতি ।
যত্প্রোক্ষি॑ত॒-মনা॑লব্ধ-মুথ্সৃ॒জন্তি॑ । যদ॑শ্ব-চরি॒তানি॑ জু॒হোতি॑ । স॒র্ব॒হুত॑-মে॒বৈন॑-ঙ্করো॒ত্য-স্ক॑ন্দায । অস্ক॑ন্ন॒গ্ম্॒ হি তত্ । যদ্ধু॒তস্য॒ স্কন্দ॑তি ॥ ঈ॒ঙ্কা॒রায॒ স্বাহে-ঙ্কৃ॑তায॒ স্বাহেত্যা॑হ । এ॒তানি॒ বা অ॑শ্বচরি॒তানি॑ । চ॒রি॒তৈরে॒বৈন॒গ্ম্॒ সম॑র্ধযতি ॥ 28 ॥
তদা॑হুঃ । অনা॑হুতযো॒ বা অ॑শ্বচরি॒তানি॑ ।
নৈতা হো॑ত॒ব্যা॑ ইতি॑ । অথো॒ খল্বা॑হুঃ । হো॒ত॒ব্যা॑ এ॒ব । অত্র॒ বাবৈবং-বিঁ॒দ্বান॑শ্বমে॒ধগ্ম্
সগ্গ্স্থা॑পযতি । যদ॑শ্ব-চরি॒তানি॑ জু॒হোতি॑ । তস্মা᳚-দ্ধোত॒ব্যা॑ ইতি॑ ॥ ব॒হি॒র্ধা বা এ॑নমে॒তদা॒যত॑না-দ্দধাতি ।
ভ্রাতৃ॑ব্যমস্মৈ জনযতি ॥ 29 ॥
যস্যা॑ নাযত॒নে᳚-ঽন্যত্রা॒গ্নে-রাহু॑তী-র্জু॒হোতি॑ ।
সা॒বি॒ত্রি॒যা ইষ্ট্যাঃ᳚ পু॒রস্তা᳚থ্স্বিষ্ট॒ কৃতঃ॑ ।
আ॒হ॒ব॒নীযে᳚-ঽশ্বচরি॒তানি॑ জুহোতি । আ॒যত॑ন এ॒বাস্যাহু॑তী-র্জুহোতি । নাস্মৈ॒ ভ্রাতৃ॑ব্য-ঞ্জনযতি ॥ তদা॑হুঃ । য॒জ্ঞ॒মু॒খে য॑জ্ঞমুখে হোত॒ব্যাঃ᳚ । য॒জ্ঞস্য॒ ক্লৃপ্ত্যৈ᳚ । সু॒ব॒র্গস্য॑ লো॒কস্যা-নু॑খ্যাত্যা॒ ইতি॑ ॥ অথো॒ খল্বা॑হুঃ ॥ 30 ॥
যদ্য॑জ্ঞমু॒খে য॑জ্ঞমুখে জুহু॒যাত্ ।
প॒শুভি॒-র্যজ॑মানং॒-ব্যঁ॑দ্র্ধযেত্ ।
অব॑ সুব॒র্গাল্লো॒কা-ত্প॑দ্যেত । পাপী॑যা-ন্থ্স্যা॒দিতি॑ ।
স॒কৃদে॒ব হো॑ত॒ব্যাঃ᳚ । ন যজ॑মান-ম্প॒শুভি॒-র্ব্য॑দ্র্ধযতি । অ॒ভি সু॑ব॒র্গং-লোঁ॒ক-ঞ্জ॑যতি । ন পাপী॑যা-ন্ভবতি ॥ অ॒ষ্টাচ॑ত্বারিগ্ম্শতমশ্ব রূ॒পাণি॑ জুহোতি । অ॒ষ্টাচ॑ত্বারিগ্ম্শদক্ষরা॒ জগ॑তী । জাগ॒তো-ঽশ্বঃ॑ প্রাজাপ॒ত্য-স্সমৃ॑দ্ধ্যৈ ॥ এক॒মতি॑রিক্ত-ঞ্জুহোতি । তস্মা॒দেকঃ॑ প্র॒জাস্বদ্র্ধু॑কঃ ॥ 31 ॥
(অ॒দ্র্ধ॒য॒তি॒ - জ॒ন॒য॒তি॒ - খল্বা॑হু॒--র্ জগ॑তী॒ ত্রীণি॑ চ) (অ. 8)
অনুবাকং 9 - অশ্বস্য নাম্নামভিবাচনম্, উথ্সর্গশ্চ
বি॒ভূর্মা॒ত্রা প্র॒ভূঃ পি॒ত্রেত্যা॑হ । ই॒যং-বৈঁ মা॒তা । অ॒সৌ পি॒তা । আ॒ভ্যামে॒বৈন॒-ম্পরি॑দদাতি ॥ অশ্বো॑-ঽসি॒ হযো॒-ঽসীত্যা॑হ । শাস্ত্যে॒বৈন॑মে॒তত্ । তস্মা᳚চ্ছি॒ষ্টাঃ প্র॒জা জা॑যন্তে ॥ অত্যো॒-ঽসীত্যা॑হ ।
তস্মা॒দশ্ব॒-স্সর্বা᳚-ন্প॒শূনত্যে॑-ঽতি ।
তস্মা॒দশ্ব॒-স্সর্বে॑ষা-ম্পশূ॒নাগ্ শ্রৈষ্ঠ্য॑-ঙ্গচ্ছতি ॥ 32 ॥
প্র যশ॒-শ্শ্রৈষ্ঠ্য॑মাপ্নোতি । য এ॒বং-বেঁদ॑ ॥ নরো॒-ঽস্যর্বা॑-ঽসি॒ সপ্তি॑রসি বা॒জ্য॑সীত্যা॑হ ।
রূ॒পমে॒বাস্যৈ॒তন্ম॑হি॒মানং॒-ব্যাঁচ॑ষ্টে ॥
যযু॒র্নামা॒-ঽসীত্যা॑হ । এ॒তদ্বা অশ্ব॑স্য প্রি॒য-ন্না॑ম॒ধেয᳚ম্ । প্রি॒যেণৈ॒বৈন॑-ন্নাম॒ধেযে॑না॒ভিব॑দতি । তস্মা॒দপ্যা॑মি॒ত্রৌ স॒গন্ত্য॑ । নাম্না॒ চেদ্ধ্বযে॑তে । মি॒ত্রমে॒ব ভ॑বতঃ ॥ 33 ॥
আ॒দি॒ত্যানা॒-ম্পত্বা-ঽন্বি॒হীত্যা॑হ । আ॒দি॒ত্যানে॒বৈন॑-ঙ্গমযতি ॥
অ॒গ্নযে॒ স্বাহা॒ স্বাহে᳚ন্দ্রা॒গ্নিভ্যা॒মিতি॑ পূর্বহো॒মা-ঞ্জু॑হোতি । পূব॑ এ॒ব দ্বি॒ষন্ত॒-ম্ভ্রাতৃ॑ব্য॒-মতি॑ক্রামতি ॥ ভূর॑সি ভু॒বে ত্বা॒ ভব্যা॑য ত্বা ভবিষ্য॒তে ত্বেত্যুথ্সৃ॑জতি সর্ব॒ত্বায॑ ॥ দেবা॑ আশাপালা এ॒ত-ন্দে॒বেভ্যো-ঽশ্ব॒-ম্মেধা॑য॒ প্রোক্ষি॑ত-ঙ্গোপায॒তেত্যা॑হ । শ॒তং-বৈঁ তল্প্যা॑ রাজপু॒ত্রা দে॒বা আ॑শাপা॒লাঃ । তেভ্য॑ এ॒বৈন॒-ম্পরি॑দদাতি ॥
ঈ॒শ্ব॒রো বা অশ্বঃ॒ প্রমু॑ক্তঃ॒ পরা᳚-ম্পরা॒বত॒-ঙ্গন্তোঃ᳚ । ই॒হ ধৃতি॒-স্স্বাহে॒হ বিধৃ॑তি॒-স্স্বাহে॒হ রন্তি॒-স্স্বাহে॒হ রম॑তিঃ॒
স্বাহেতি॑ চতৃ॒ষু প॒থ্সু জু॑হোতি ॥ 34 ॥
এ॒তা বা অশ্ব॑স্য॒ বন্ধ॑নম্ ।
তাভি॑রে॒বৈন॑-ম্বদ্ধ্নাতি ।
তস্মা॒দশ্বঃ॒ প্রমু॑ক্তো॒ বন্ধ॑ন॒-মাগ॑চ্ছতি ।
তস্মা॒দশ্বঃ॒ প্রমু॑ক্তো॒ বন্ধ॑ন॒-ন্ন জ॑হাতি ॥
রা॒ষ্ট্রং-বাঁ অ॑শ্বমে॒ধঃ । রা॒ষ্ট্রে খলু॒ বা এ॒তে ব্যায॑চ্ছন্তে । যে-ঽশ্ব॒-ম্মেদ্ধ্য॒গ্ম্॒ রক্ষ॑ন্তি । তেষাং॒-যঁ উ॒দৃচ॒-ঙ্গচ্ছ॑ন্তি ।
রা॒ষ্ট্রাদে॒ব তে রা॒ষ্ট্র-ঙ্গ॑চ্ছন্তি । অ॒থ য উ॒দৃচ॒-ন্ন গচ্ছ॑ন্তি ॥ 35 ॥
রা॒ষ্ট্রাদে॒ব তে ব্যব॑চ্ছিদ্যন্তে । পরা॒ বা এ॒ষ সি॑চ্যতে । যো॑-ঽব॒লো᳚-ঽশ্বমে॒ধেন॒ যজ॑তে । যদ॒মিত্রা॒ অশ্বং॑-বিঁ॒ন্দেরন্ন্॑ ।
হ॒ন্যেতা᳚স্য য॒জ্ঞঃ । চ॒তু॒শ্শ॒তা র॑ক্ষন্তি । য॒জ্ঞস্যাঘাতায ॥ অথা॒ন্য-মা॒নীয॒ প্রোক্ষে॑যুঃ । সৈব ততঃ॒ প্রায॑শ্চিত্তিঃ ॥ 36 ॥
(গ॒চ্ছ॒তি॒ - ভ॒ব॒তঃ॒ - প॒থ্সু জু॑হোতি॒ - ন গচ্ছ॑ন্তি॒ - +নব॑ চ) (অ. 9)
অনুবাকং 10 - দীক্ষাভিধান-ন্তত্র বৈশ্বদেবহোমঃ
প্র॒জাপ॑তি-রকামযতাশ্বমে॒ধেন॑ যজে॒যেতি॑ । স তপো॑-ঽতপ্যত । তস্য॑ তেপা॒নস্য॑ । স॒প্তাত্মনো॑ দে॒বতা॒ উদ॑ক্রামন্ন্ । সা দী॒ক্ষা-ঽভ॑বত্ । স এ॒তানি॑ বৈশ্বদে॒বান্য॑পশ্যত্ । তান্য॑ জুহোত্ ।
তৈর্বৈ স দী॒ক্ষামবা॑রুন্ধ । যদ্বৈ᳚শ্ব দে॒বানি॑ জু॒হোতি॑ । দী॒ক্ষামে॒ব-তৈর্যজ॑মা॒নো-ঽব॑রুন্ধে ॥ 37 ॥
স॒প্ত জু॑হোতি । স॒প্ত হি তা দে॒বতা॑ উ॒দক্রা॑মন্ন্ ॥ অ॒ন্ব॒হ-ঞ্জু॑হোতি । অ॒ন্ব॒হমে॒ব দী॒ক্ষামব॑রুন্ধে ॥ ত্রীণি॑ বৈশ্বদে॒বানি॑ জুহোতি ।
চ॒ত্বার্যৌ᳚দ্গ্রহ॒ণানি॑ । স॒প্ত সম্প॑দ্যন্তে । স॒প্ত বৈ শী॑র.ষ॒ণ্যাঃ᳚ প্রা॒ণাঃ ।
প্রা॒ণা দী॒ক্ষা । প্রা॒ণৈরে॒ব প্রা॒ণান্দী॒ক্ষামব॑রুন্ধে ॥ 38 ॥
এক॑বিগ্ম্শতিং-বৈঁশ্বদে॒বানি॑ জুহোতি । এক॑বিগ্ম্শতি॒র্বৈ দে॑বলো॒কাঃ ।
দ্বাদ॑শ॒ মাসাঃ॒ পঞ্চ॒র্তবঃ॑ । ত্রয॑ ই॒মে লো॒কাঃ । অ॒সাবা॑দি॒ত্য এ॑কবি॒গ্ম্॒শঃ ॥ এ॒ষ সু॑ব॒র্গো লো॒কঃ । তদ্দৈব্য॑-ঙ্ক্ষ॒ত্ত্রম্ ।
সা শ্রীঃ । তদ্ব্র॒দ্ধ্নস্য॑ বি॒ষ্টপ᳚ম্ । তথ্স্বারা᳚জ্য-মুচ্যতে ॥ 39 ॥
ত্রি॒গ্ম্॒শত॑মৌদ্গ্রহ॒ণানি॑ জুহোতি । ত্রি॒গ্ম্॒শদ॑ক্ষরা বি॒রাট্ । অন্নং॑-বিঁ॒রাট্ । বি॒রাজৈ॒বান্নাদ্য॒মব॑রুন্ধে ॥
ত্রে॒ধা বি॒ভজ্য॑ দে॒বতা᳚-ঞ্জুহোতি । ত্র্যা॑বৃতো॒ বৈ দে॒বাঃ । ত্র্যা॑বৃত ই॒মে লো॒কাঃ । এ॒ষাং-লোঁ॒কানা॒মাপ্ত্যৈ᳚ । এ॒ষাং-লোঁ॒কানা॒-ঙ্ক্লৃপ্ত্যৈ᳚ ॥ অপ॒ বা এ॒তস্মা᳚ত্প্রা॒ণাঃ ক্রা॑মন্তি ॥ 40 ॥
যো দী॒ক্ষাম॑তি-রে॒চয॑তি । স॒প্তা॒হ-ম্প্রচ॑রন্তি ।
স॒প্ত বৈ শী॑র্ষ॒ণ্যাঃ᳚ প্রা॒ণাঃ । প্রা॒ণা দী॒ক্ষা ।
প্রা॒ণৈরে॒ব প্রা॒ণান্দী॒ক্ষামব॑রুন্ধে ॥ পূ॒র্ণা॒হু॒তি-মু॑ত্ত॒মা-ঞ্জু॑হোতি ।
সর্বং॒-বৈঁ পূ᳚র্ণাহু॒তিঃ । সর্ব॑মে॒বাপ্নো॑তি । অথো॑ ই॒যং-বৈঁ পূ᳚র্ণাহু॒তিঃ ।
অ॒স্যামে॒ব প্রতি॑তিষ্ঠতি ॥ 41 ॥
(রু॒ন্ধে॒ - প্রা॒ণা-ন্দী॒ক্ষামব॑রুন্ধ - উচ্যতে - ক্রামন্তি - তিষ্ঠতি) (অ. 10)
অনুবাকং 11 - বৈশ্বদেবহোমমন্ত্রব্যাখ্যানম্
প্রজাপ॑তি-রশ্বমে॒ধ-ম॑সৃজত । তগ্ম্ সৃ॒ষ্ট-ন্ন কিঞ্চ॒নোদ॑যচ্ছত্ ।
তং-বৈঁ᳚শ্বদে॒বান্যে॒-বোদ॑যচ্ছন্ন্ । যদ্বৈ᳚শ্বদে॒বানি॑ জু॒হোতি॑ ।
য॒জ্ঞস্যোদ্য॑ত্যৈ ॥ স্বাহা॒-ঽঽধিমাধী॑তায॒ স্বাহা᳚ । স্বাহা-ঽঽধী॑ত॒-ম্মন॑সে॒ স্বাহা᳚ ।
স্বাহা॒ মনঃ॑ প্র॒জাপ॑তযে॒ স্বাহা᳚ ।
কায॒ স্বাহা॒ কস্মৈ॒ স্বাহা॑ কত॒মস্মৈ॒ স্বাহেতি॑ প্রাজাপ॒ত্যে মুখ্যে॑ ভবতঃ ।
প্র॒জাপ॑তি-মুখাভিরে॒বৈন॑-ন্দে॒বতা॑ভি॒রুদ্য॑চ্ছতে ॥ 42 ॥
অদি॑ত্যৈ॒ স্বাহা-ঽদি॑ত্যৈ ম॒হ্যৈ᳚ স্বাহা-ঽদি॑ত্যৈ সুমৃডী॒কাযৈ॒ স্বাহেত্যা॑হ । ই॒যং-বাঁ অদি॑তিঃ । অ॒স্যা এ॒বৈন॑-ম্প্রতি॒ষ্ঠাযোদ্য॑চ্ছতে ॥
সর॑স্বত্যৈ॒ স্বাহা॒ সর॑স্বত্যৈ বৃহ॒ত্যৈ᳚ স্বাহা॒ সর॑স্বত্যৈ পাব॒কাযৈ॒ স্বাহেত্যা॑হ ।
বাগ্বৈ সর॑স্বতী । বা॒চৈবৈন॒মুদ্য॑চ্ছতে ॥
পূ॒ষ্ণে স্বাহা॑ পূ॒ষ্ণে প্র॑প॒থ্যা॑য॒ স্বাহা॑ পূ॒ষ্ণে ন॒রন্ধি॑ষায॒ স্বাহেত্যা॑হ ।
প॒শবো॒ বৈ পূ॒ষা । প॒শুভি॑রে॒বৈন॒-মুদ্য॑চ্ছতে ॥ ত্বষ্ট্রে॒ স্বাহা॒ ত্বষ্ট্র॑ তু॒রীপা॑য॒ স্বাহা॒ ত্বষ্ট্রে॑ পুরু॒রূপা॑য॒ স্বাহেত্যা॑হ । ত্বষ্টা॒ বৈ প॑শূ॒না-ম্মি॑থু॒নানাগ্ম্॑ রূপ॒কৃত্ । রূ॒পমে॒ব প॒শুষু॑ দধাতি । অথো॑ রূ॒পৈরে॒বৈন॒-মুদ্য॑চ্ছতে ॥
বিষ্ণ॑বে॒ স্বাহা॒ বিষ্ণ॑বে নিখুর্য॒পায॒ স্বাহা॒ বিষ্ণ॑বে নিভূয॒পায॒ স্বাহেত্যা॑হ ।
য॒জ্ঞো বৈ বিষ্ণুঃ॑ । য॒জ্ঞাযৈ॒বৈন॒-মুদ্য॑চ্ছতে ॥ পূ॒র্ণা॒হু॒তি-মু॑ত্ত॒মা-ঞ্জু॑হোতি । প্রত্যুত্ত॑ব্ধ্যৈ সয॒ত্বায॑ ॥ 43 ॥
(য॒চ্ছ॒তে॒ - পু॒রু॒রূপা॑য॒ স্বাহেত্যা॑হা॒ষ্টৌ চ॑) (অ. 11)
অনুবাকং 12 - অশ্বসঞ্চরণবথ্সরে প্রতিদিন-ন্দেবযজনদেশে কর্তব্যমিষ্টিত্রযমভিধীযতে
সা॒বি॒ত্র-ম॒ষ্টক॑পাল-ম্প্রা॒তর্নির্ব॑পতি । অ॒ষ্টাক্ষ॑রা গায॒ত্রী ।
গা॒য॒ত্র-ম্প্রা॑তস্সব॒নম্ ।
প্রা॒ত॒স্স॒ব॒না দে॒বৈন॑-ঙ্গাযত্রি॒যা ॑007আ;ছন্দ॒সো-ঽধি॒ নির্মি॑মীতে ।
অথো᳚ প্রাতস্সব॒নমে॒ব তেনা᳚প্নোতি । গা॒য॒ত্রী-ঞ্ছন্দঃ॑ ॥ স॒বি॒ত্রে প্র॑সবি॒ত্র একা॑দশ-কপাল-ম্ম॒দ্ধ্যন্দি॑নে । একা॑দশাক্ষরা ত্রি॒ষ্টুপ্ ।
ত্রৈষ্টু॑ভ॒-ম্মাদ্ধ্য॑ন্দিন॒গ্ম্॒ সব॑নম্ ।
মাদ্ধ্য॑ন্দিনা-দে॒বৈন॒গ্ম্॒ সব॑নাত্ত্রি॒ষ্টুভঃ॒-ছন্দ॒সো-ঽধি॒ নির্মি॑মীতে ॥ 44 ॥
অথো॒ মাদ্ধ্য॑ন্দিনমে॒ব সব॑ন॒-ন্তেনা᳚প্নোতি । ত্রি॒ষ্টুভ॒-ঞ্ছন্দঃ॑ ॥ স॒বি॒ত্র আ॑সবি॒ত্রে দ্বাদ॑শ-কপাল-মপরা॒হ্ণে । দ্বাদ॑শাক্ষরা॒ জগ॑তী । জাগ॑ত-ন্তৃতীয সব॒নম্ ।
তৃ॒তী॒য॒ স॒ব॒নাদে॒বৈন॒-ঞ্জগ॑ত্যা॒ ॑007আ;ছন্দ॒সো-ঽধি॒ নির্মি॑মীতে ।
অথো॑ তৃতীয সব॒নমে॒ব তেনা᳚প্নোতি ।
জগ॑তী॒-ঞ্ছন্দঃ॑ ॥ ঈ॒শ্ব॒রো বা অশ্বঃ॒ প্রমু॑ক্তঃ॒ পরা᳚-ম্পরা॒বত॒-ঙ্গন্তোঃ᳚ ।
ই॒হ ধৃতি॒-স্স্বাহে॒হ বিধৃ॑তি॒-স্স্বাহে॒হ রন্তি॒-স্স্বাহে॒হ রম॑তি॒-স্স্বাহেতি॒ চত॑স্র॒ আহু॑তী-র্জুহোতি
( ) ॥ 45 ॥
চত॑স্রো॒ দিশঃ॑ । দি॒গ্ভিরে॒বৈন॒-ম্পরি॑গৃহ্ণাতি ॥ আশ্ব॑ত্থো ব্র॒জো ভ॑বতি । প্র॒জাপ॑তি-র্দে॒বেভ্যো॒ নিলা॑যত । অশ্বো॑ রূ॒প-ঙ্কৃ॒ত্বা ।
সো᳚-ঽশ্ব॒ত্থে সং॑বঁথ্স॒র-ম॑তিষ্ঠত্ । তদ॑শ্ব॒ত্থস্যা᳚-শ্বত্থ॒ত্বম্ ।
যদাশ্ব॑ত্থো ব্র॒জো ভব॑তি । স্ব এ॒বৈনং॒-যোঁনৌ॒ প্রতি॑ষ্ঠাপযতি ॥ 46 ॥
(ত্রি॒ষ্টুভ॒ ॑শ্ছন্দ॒সো-ঽধি॒ নির্মি॑মীতে - জুহোতি॒ - নব॑ চ) (অ. 12)
অনুবাকং 13 - সংবঁথ্সরাদ্র্ধ্বমুখ্যস্যাগ্রেরূপস্থানম্
আ ব্র॑হ্ম-ন্ব্রাহ্ম॒ণো ব্র॑হ্মবর্চ॒সী জা॑যতা॒-মিত্যা॑হ । ব্রা॒হ্ম॒ণ এ॒ব ব্র॑হ্মবর্চ॒স-ন্দধাতি । তস্মা᳚ত্পু॒রা ব্রা᳚হ্ম॒ণো ব্র॑হ্মবর্চ॒স্য॑ জাযত ॥ আ-ঽস্মি-ন্রা॒ষ্ট্রে রা॑জ॒ন্য॑ ইষ॒ব্য॑-শ্শূরো॑ মহার॒থো জা॑যতা॒-মিত্যা॑হ । রা॒জ॒ন্য॑ এ॒ব শৌ॒র্য-ম্ম॑হি॒মান॑-ন্দধাতি । তস্মা᳚ত্পু॒রা রা॑জ॒ন্য॑ ইষ॒ব্য॑-শ্শূরো॑ মহার॒থো॑-ঽজাযত ॥
দোগ্ধ্রী॑ ধে॒নুরিত্যা॑হ । ধে॒ন্বামে॒ব পযো॑ দধাতি । তস্মা᳚ত্পু॒রা দোগ্ধ্রী॑ ধে॒নুর॑জাযত । বোঢা॑-ঽন॒ড্বা-নিত্যা॑হ ॥ 47 ॥
অ॒ন॒ডুহ্যে॒ব বী॒র্য॑-ন্দধাতি । তস্মা᳚ত্পু॒রা বোঢা॑-ঽন॒ড্বান॑জাযত । আ॒শু-স্সপ্তি॒রিত্যা॑হ । অশ্ব॑ এ॒ব জ॒ব-ন্দ॑ধাতি । তস্মা᳚ত্পু॒রা-ঽঽশুরশ্বো॑-ঽজাযত । পুর॑ধিং॒র্যোষেত্যা॑হ ।
যো॒ষিত্যে॒ব রূ॒প-ন্দ॑ধাতি । তস্মা॒থ্স্ত্রী যু॑ব॒তিঃ প্রি॒যা ভাবু॑কা ॥ জি॒ষ্ণূ র॑থে॒ষ্ঠা ইত্যা॑হ । আ হ॒ বৈ তত্র॑ জি॒ষ্ণূ র॑থে॒ষ্ঠা জা॑যতে ॥ 48 ॥
যত্রৈ॒তেন॑ য॒জ্ঞেন॒ যজ॑ন্তে ॥ স॒ভেযো॒ যুবেত্যা॑হ । যো বৈ পূ᳚র্ববয॒সী ।
স স॒ভেযো॒ যুবা᳚ । তস্মা॒দ্যুবা॒ পুমা᳚-ন্প্রি॒যো ভাবু॑কঃ ॥ আ-ঽস্য যজ॑মানস্য বী॒রো জা॑যতা॒-মিত্যা॑হ । আ হ॒ বৈ তত্র॒ যজ॑মানস্য বী॒রো জা॑যতে ।
যত্রৈ॒তেন॑ য॒জ্ঞেন॒ যজ॑ন্তে ॥ নি॒কা॒মেনি॑কামে নঃ প॒র্জন্যো॑ বর্ষ॒ত্বিত্যা॑হ ।
নি॒কা॒মেনি॑কামে হ॒ বৈ তত্র॑ প॒র্জন্যো॑ বর্ষতি । যত্রৈ॒তেন॑ য॒জ্ঞেন॒ যজ॑ন্তে ॥ ফ॒লিন্যো॑ ন॒ ওষ॑ধযঃ পচ্যন্তা॒-মিত্যা॑হ ।
ফ॒লিন্যো॑ হ॒ বৈ তত্রৌষ॑ধযঃ পচ্যন্তে । যত্রৈ॒তেন॑ য॒জ্ঞেন॒ যজ॑ন্তে ।
যো॒গ॒ক্ষে॒মো নঃ॑ কল্পতা॒-মিত্যা॑হ ।
কল্প॑তে হ॒ বৈ তত্র॑ প্র॒জাভ্যো॑ যোগক্ষে॒মঃ ।
যত্রৈ॒তেন॑ য॒জ্ঞেন॒ যজ॑ন্তে ॥ 49 ॥
(অ॒ন॒ড্বানিত্যা॑হ - জাযতে - বর্ষতি স॒প্ত চ॑) (অ. 13)
অনুবাকং 14 - অন্নহোমাঃ. ত্রিরাত্ররূপস্যাশ্বমেধস্য প্রথমদিনরাত্রৌ
প্র॒জাপ॑তি-র্দে॒বেভ্যো॑ য॒জ্ঞান্ ব্যাদি॑শত্ ।
স আ॒ত্ম-ন্ন॑শ্বমে॒ধম॑ধত্ত ।
ত-ন্দে॒বা অ॑ব্রুবন্ন্ । এ॒ষ বাব য॒জ্ঞঃ । যদ॑শ্বমে॒ধঃ । অপ্যে॒ব নো-ঽত্রা॒স্ত্বিতি॑ ।
তেভ্য॑ এ॒তান॑ন্নহো॒মা-ন্প্রায॑চ্ছত্ ।
তান॑জুহোত্ । তৈর্বৈ স দে॒বান॑ প্রীণাত্ ।
যদ॑ন্ন-হো॒মাঞ্জু॒হোতি॑ ॥ 50 ॥
দে॒বানে॒ব তৈর্যজ॑মানঃ প্রীণাতি ॥ আজ্যে॑ন জুহোতি ।
অ॒গ্নের্বা এ॒তদ্রূ॒পম্ । যদাজ্য᳚ম্ । যদাজ্যে॑ন জু॒হোতি॑ । অ॒গ্নিমে॒ব তত্প্রী॑ণাতি ॥ মধু॑না জুহোতি ।
ম॒হ॒ত্যৈ বা এ॒তদ্দে॒বতা॑যৈ রূ॒পম্ । যন্মধু॑ । যন্মধু॑না জু॒হোতি॑ ॥ 51 ॥
ম॒হ॒তীমে॒ব তদ্দে॒বতা᳚-ম্প্রীণাতি । ত॒ণ্ডু॒লৈ-র্জু॑হোতি । বসূ॑নাং॒-বাঁ এ॒তদ্রূ॒পম্ । যত্ত॑ণ্ডু॒লাঃ । যত্ত॑ণ্ডু॒লৈ-র্জু॒হোতি॑ ।
বসূ॑নে॒ব তত্প্রী॑ণাতি । পৃথু॑কৈ-র্জু॒হোতি॑ (র্জুহোতি) ।
রু॒দ্রাণাং॒-বাঁ এ॒তদ্রূ॒পম্ । যত্পৃথু॑কাঃ । যত্পৃথু॑কৈ-র্জু॒হোতি॑ ॥ 52 ॥
রু॒দ্রানে॒ব তত্প্রী॑ণাতি । লা॒জৈর্জু॑হোতি । আ॒দি॒ত্যানাং॒-বাঁ এ॒তদ্রূ॒পম্ । যল্লা॒জাঃ । যল্লা॒জৈ-র্জু॒হোতি॑ । আ॒দি॒ত্যানে॒ব তত্প্রী॑ণাতি । ক॒রম্বৈ᳚-র্জুহোতি । বিশ্বে॑ষাং॒-বাঁ এ॒তদ্দে॒বানাগ্ম্॑ রূ॒পম্ । যত্ক॒রম্বাঃ᳚ । যত্ক॒রম্বৈ᳚-র্জু॒হোতি॑ ॥ 53 ॥
বিশ্বা॑নে॒ব তদ্দে॒বা-ন্প্রী॑ণাতি । ধা॒নাভি॑-র্জুহোতি ।
নক্ষ॑ত্রাণাং॒-বাঁ এ॒তদ্রূ॒পম্ । যদ্ধা॒নাঃ । যদ্ধা॒নাভি॑-র্জু॒হোতি॑ । নক্ষ॑ত্রাণ্যে॒ব তত্প্রী॑ণাতি । সক্তু॑ভি-র্জুহোতি । প্র॒জাপ॑তে॒র্বা এ॒তদ্রূ॒পম্ ।
যথ্সক্ত॑বঃ । যথ্সক্তু॑ভি-র্জু॒হোতি॑ ॥ 54 ॥
প্র॒জাপ॑তিমে॒ব তত্প্রী॑ণাতি । ম॒সূস্যৈ᳚র্জুহোতি ।
সর্বা॑সাং॒-বাঁ এ॒তদ্দে॒বতা॑নাগ্ম্ রূ॒পম্ । যন্ম॒সূস্যা॑নি । যন্ম॒সূস্যৈ᳚-র্জু॒হোতি॑ । সর্বা॑ এ॒ব তদ্দে॒বতাঃ᳚ প্রীণাতি । প্রি॒য॒ঙ্গু॒ত॒ণ্ডু॒লৈ-র্জু॑হোতি । প্রি॒যাঙ্গা॑ হ॒ বৈ নামৈ॒তে ।
এ॒তৈর্বৈ দে॒বা অশ্ব॒স্যাঙ্গা॑নি॒ সম॑দধুঃ । যত্প্রি॑যঙ্গুতণ্ডু॒লৈ-র্জু॒হোতি॑ । অশ্ব॑স্যৈ॒বাঙ্গা॑নি॒ সন্দ॑ধাতি ॥ দশান্না॑নি জুহোতি । দশা᳚ক্ষরা বি॒রাট্ ।
বি॒রাট্-কৃ॒থ্স্নস্যা॒-ন্নাদ্য॒স্যা-ব॑রুদ্ধ্যৈ ॥ 55 ॥
(জু॒হোতি॒ - মধু॑না জু॒হোতি॒ - পৃথু॑কৈর্জু॒হোতি॑ - ক॒রম্বৈ᳚র্জু॒হোতি॒ - সক্তু॑ভির্জু॒হোতি॑ - প্রিযঙ্গুতণ্ডু॒লৈর্জু॒হোতি॑ চ॒ত্বারি॑ চ) (অ. 14)
(অ॒ন্ন॒হো॒মানাজ্যে॑না॒গ্নের্মধু॑না তণ্ডু॒লৈঃ পৃথু॑কৈর্লা॒জৈঃ ক॒রম্বৈ᳚দ্র্ধা॒নাভি॒-স্সক্তু॑ভির্ম॒সূস্যৈঃ᳚ প্রিযঙ্গুতণ্ডু॒লৈ-র্দশান্না॑নি॒ দ্বাদ॑শ)
অনুবাকং 15 - তত্প্রকারবিশেষ
প্র॒জাপ॑তি-রশ্বমে॒ধম॑সৃজত । তগ্ম্ সৃ॒ষ্টগ্ম্ রক্ষাগ্॑স্য জিঘাগ্ম্সন্ন্ ।
স এ॒তা-ন্প্র॒জাপ॑তির্নক্তগ্ম্ হো॒মান॑-পশ্যত্ । তান॑ জুহোত্ । তৈর্বৈ স য॒জ্ঞা-দ্রক্ষা॒গ্॒স্যপা॑হন্ন্ । যন্ন॑ক্তগ্ম্ হো॒মাঞ্জু॒হোতি॑ । য॒জ্ঞাদে॒ব তৈর্যজ॑মানো॒ রক্ষা॒গ্॒স্যপ॑হন্তি ॥ আজ্যে॑ন জুহোতি ।
বজ্রো॒ বা আজ্য᳚ম্ । বজ্রে॑ণৈ॒ব য॒জ্ঞা-দ্রক্ষা॒গ্॒স্যপ॑হন্তি ॥ 56 ॥
আজ্য॑স্য প্রতি॒পদ॑-ঙ্করোতি । প্রা॒ণো বা আজ্য᳚ম্ ।
মু॒খ॒ত এ॒বাস্য॑ প্রা॒ণ-ন্দ॑ধাতি ॥ অ॒ন্ন॒হো॒মা-ঞ্জু॑হোতি । শরী॑রবদে॒বাব॑রুন্ধে ॥ ব্য॒ত্যাস॑-ঞ্জুহোতি । উ॒ভয॒স্যা ব॑রুদ্ধ্যৈ ॥
নক্ত॑-ঞ্জুহোতি । রক্ষ॑সা॒মপ॑হত্যৈ ॥ আজ্যে॑না-ন্ত॒তো জু॑হোতি ॥ 57 ॥
প্রা॒ণো বা আজ্য᳚ম্ । উ॒ভ॒যত॑ এ॒বাস্য॑ প্রা॒ণ-ন্দ॑ধাতি । পু॒রস্তা᳚-চ্চো॒পরি॑ষ্টাচ্চ ॥ এক॑স্মৈ॒ স্বাহেত্যা॑হ । অ॒স্মিন্নে॒ব লো॒কে প্রতি॑তিষ্ঠতি । দ্বাভ্যা॒গ্॒ স্বাহেত্যা॑হ । অ॒মুষ্মি॑ন্নে॒ব লো॒কে প্রতি॑তিষ্ঠতি । উ॒ভযো॑রে॒ব লো॒কযাঃ॒ প্রতি॑তিষ্ঠতি । অ॒স্মিগ্গ্শ্চা॒-মুষ্মিগ্গ্॑শ্চ ॥ শ॒তায॒ স্বাহেত্যা॑হ । শ॒তাযু॒র্বৈ পুরু॑ষ-শ্শ॒তবী᳚র্যঃ । আযু॑রে॒ব বী॒র্য॑মব॑রুন্ধে ।
স॒হস্রা॑য॒ স্বাহেত্যা॑হ । আযু॒র্বৈ স॒হস্র᳚ম্ । আযু॑রে॒বা-ব॑রুন্ধে ॥
সর্ব॑স্মৈ॒ স্বাহেত্যা॑হ । অপ॑রিমিতমে॒বা ব॑রুন্ধে ॥ 58 ॥
(এ॒ব য॒জ্ঞ-দ্রক্ষা॒গ্॒স্যপ॑হন্ - ত্যন্ত॒তো জু॑হোতি - শ॒তায॒ স্বাহেত্যা॑হ সপ্ত চ॑) (অ. 15)
অনুবাকং 16 - বিবরণমেতযোঃ
প্র॒জাপ॑তিং॒-বাঁ এ॒ষ ঈ᳚ফ্স॒তীত্যা॑হুঃ । যো᳚-ঽশ্বমে॒ধেন॒ যজ॑ত॒ ইতি॑ ।
অথো॑ আহুঃ । সর্বা॑ণি ভূ॒তানীতি॑ ॥
এক॑স্মৈ॒ স্বাহেত্যা॑হ । প্র॒জাপ॑তি॒র্বা একঃ॑ । তমে॒বাপ্নো॑তি ॥ এক॑স্মৈ॒ স্বাহা॒ দ্বাভ্যা॒গ্॒ স্বাহেত্য॑ভি-পূ॒র্বমাহু॑তী-র্জুহোতি ।
অ॒ভি॒পূ॒র্বমে॒ব স॑ব॒র্গং-লোঁ॒কমে॑তি ॥ এ॒কো॒ত্ত॒র-ঞ্জু॑হোতি ॥ 59 ॥
এ॒ক॒বদে॒ব সু॑ব॒র্গং-লোঁ॒কমে॑তি ॥ সন্ত॑ত-ঞ্জুহোতি । সু॒ব॒র্গস্য॑ লো॒কস্য॒ সন্ত॑ত্যৈ ॥ শ॒তায॒ স্বাহেত্যা॑হ । শ॒তাযু॒র্বৈ পুরু॑ষ-শ্শ॒তবী᳚র্যঃ । আযু॑রে॒ব বী॒র্য॑মব॑রুন্ধে । স॒হস্রা॑য॒ স্বাহেত্যা॑হ । আযু॒র্বৈ স॒হস্র᳚ম্ । আযু॑রে॒বা ব॑রুন্ধে ॥ অ॒যুতা॑য॒ স্বাহা॑ নি॒যুতা॑য॒ স্বাহা᳚ প্র॒যুতা॑য॒ স্বাহেত্যা॑হ ॥ 60 ॥
ত্রয॑ ই॒মে লো॒কাঃ । ই॒মানে॒ব লো॒কানব॑রুন্ধে ॥ অর্বু॑দায॒ স্বাহেত্যা॑হ । বাগ্বা অর্বু॑দম্ । বাচ॑মে॒বা ব॑রুন্ধে ॥ ন্য॑র্বুদায॒ স্বাহেত্যা॑হ ।
যো বৈ বা॒চো ভূ॒মা । তন্ন্য॑র্বুদম্ ।
বা॒চ এ॒ব ভূ॒মান॒মব॑রুন্ধে ॥
স॒মু॒দ্রায॒ স্বাহেত্যা॑হ ॥ 61 ॥
স॒মু॒দ্রমে॒বাপ্নো॑তি । মদ্ধ্যা॑য॒ স্বাহেত্যা॑হ । মদ্ধ্য॑মে॒বাপ্নো॑তি । অন্তা॑য॒ স্বাহেত্যা॑হ । অন্ত॑মে॒-বাপ্নো॑তি । প॒রা॒দ্র্ধায॒ স্বাহেত্যা॑হ ।
প॒রা॒দ্র্ধমে॒বাপ্নো॑তি ॥ উ॒ষসে॒ স্বাহা॒ ব্যু॑ষ্ট্যৈ॒ স্বাহেত্যা॑হ । রাত্রি॒র্বা উ॒ষাঃ ।
অহ॒র্ব্যু॑ষ্টিঃ । অ॒হো॒রা॒ত্রে এ॒বাব॑রুন্ধে ।
অথো॑ অহোরা॒ত্রযো॑রে॒ব প্রতি॑তিষ্ঠতি ॥
তা যদু॒ভযী॒র্দিবা॑ বা॒ নক্তং॑-বাঁ জুহু॒যাত্ । অ॒হো॒রা॒ত্রে মো॑হযেত্ । উ॒ষসে॒ স্বাহা॒ ব্যু॑ষ্ট্যৈ॒ স্বাহো॑দেষ্য॒তে স্বাহো᳚দ্য॒তে
স্বাহেত্যনু॑দিতে জুহোতি । উদি॑তায॒ স্বাহা॑ সুব॒র্গায॒ স্বাহা॑ লো॒কায॒ স্বাহেত্যুদি॑তে জুহোতি ।
অ॒হো॒রা॒ত্রযো॒-রব্য॑তিমোহায ॥ 62 ॥
(এ॒কো॒ত্ত॒র-ঞ্জু॑হোতি - প্র॒যুতা॑য॒ স্বাহেত্যা॑হ - সমু॒দ্রায॒ স্বাহেত্যা॒হাহ॒--র্ ব্যু॑ষ্টি-স্স॒প্ত চ॑) (অ. 16)
অনুবাকং 17 - সপ্তমকাণ্ডগতান্নহোমানুবাকা ব্যাখ্যাযন্তে
বি॒ভূর্মা॒ত্রা প্র॒ভূঃ পি॒ত্রেত্য॑শ্ব-না॒মানি॑ জুহোতি ।
উ॒ভযো॑রে॒বৈনং॑-লোঁ॒কযো᳚-র্নাম॒ধেয॑-ঙ্গমযতি ॥ আয॑নায॒ স্বাহা॒ প্রায॑ণায॒ স্বাহেত্যু॑-দ্দ্রা॒বাঞ্জু॑হোতি । সর্ব॑মে॒বৈন॒-মস্ক॑ন্নগ্ম্ সুব॒র্গং-লোঁ॒ক-ঙ্গ॑মযতি ॥
অ॒গ্নযে॒ স্বাহা॒ সোমা॑য॒ স্বাহেতি॑ পূর্বহা॒মা-ঞ্জু॑হোতি । পূর্ব॑ এ॒ব দ্বি॒ষন্ত॒-ম্ভ্রাতৃ॑ব্য॒-মতি॑ক্রামতি ॥
পৃ॒থি॒ব্যৈ স্বাহা॒-ঽন্তরি॑ক্ষায॒ স্বাহেত্যা॑হ । য॒থা॒ য॒জুরে॒বৈতত্ ॥ অ॒গ্নযে॒ স্বাহা॒ সোমা॑য॒ স্বাহেতি॑ পূর্বদী॒ক্ষা জু॑হোতি ।
পূর্ব॑ এ॒ব দ্বি॒ষন্ত॒-ম্ভ্রাতৃ॑ব্য॒-মতি॑ক্রামতি ॥ 63 ॥
পৃ॒থি॒ব্যৈ স্বাহা॒-ঽন্তরি॑ক্ষায॒ স্বাহেত্যে॑-কবি॒গ্ম্॒শিনী᳚-ন্দী॒ক্ষা-ঞ্জু॑হোতি ।
এক॑বিগ্ম্শতি॒র্বৈ দে॑বলো॒কাঃ । দ্বাদ॑শ॒ মাসাঃ॒ পঞ্চ॒র্তবঃ॑ । ত্রয॑ ই॒মে লো॒কাঃ । অ॒সাবা॑দি॒ত্য এ॑কবি॒গ্ম্॒শঃ । এ॒ষ সু॑ব॒র্গো লো॒কঃ ।
সু॒ব॒র্গস্য॑ লো॒কস্য॒ সম॑ষ্ট্যৈ ॥
ভুবো॑ দে॒বানা॒-ঙ্কর্ম॒ণেত্যৃ॑তু-দী॒ক্ষা জু॑হোতি ।
ঋ॒তূনে॒-বাস্মৈ॑ কল্পযতি ॥ অ॒গ্নযে॒ স্বাহা॑ বা॒যবে॒ স্বাহেতি॑ জুহো॒ত্য-ন॑ন্তরিত্যৈ ॥ 64 ॥
অ॒র্বাংযঁ॒জ্ঞ-স্সঙ্ক্রা॑ম॒ত্বি-ত্যাপ্তী᳚-র্জুহোতি । সু॒ব॒র্গস্য॑ লো॒কস্যাপ্ত্যৈ᳚ ॥ ভূ॒ত-ম্ভব্য॑-ম্ভবি॒ষ্যদিতি॒ পর্যা᳚প্তী-র্জুহোতি ।
সু॒ব॒র্গস্য॑ লো॒কস্য॒ পর্যা᳚প্ত্যৈ ॥
আ মে॑ গৃ॒হা ভ॑ব॒ন্ত্বিত্যা॒ভূ-র্জু॑হোতি । সু॒ব॒র্গস্য॑ লো॒কস্যা ভূ᳚ত্যৈ ॥
অ॒গ্নিনা॒ তপো-ঽন্ব॑ভব॒দিত্য॑নু॒ভূ-র্জু॑হোতি । সু॒ব॒র্গস্য॑ লো॒কস্যানু॑ভূত্যৈ ॥
স্বাহা॒-ঽঽধিমাধী॑তায॒ স্বাহেতি॒ সম॑স্তানি বৈশ্বদে॒বানি॑ জুহোতি । সম॑স্তমে॒ব দ্বি॒ষন্ত॒-ম্ভ্রাতৃ॑ব্য॒-মতি॑ক্রামতি ॥ 65 ॥
দ॒দ্ভ্য-স্স্বাহা॒ হনূ᳚ভ্যা॒গ্॒ স্বাহেত্য॑ঙ্গহো॒মা-ঞ্জু॑হোতি ।
অঙ্গে॑ অঙ্গে॒ বৈ পুরু॑ষস্য পা॒প্মোপ॑শ্লিষ্টঃ ।
অঙ্গা॑দঙ্গা দে॒বৈন॑-ম্পা॒প্মন॒স্তেন॑ মুঞ্চতি ॥ অ॒ঞ্জ্যে॒তায॒ স্বাহা॑ কৃ॒ষ্ণায॒ স্বাহা᳚ শ্বে॒তায॒ স্বাহেত্য॑-শ্বরূ॒পাণি॑ জুহোতি ।
রূ॒পৈরে॒বৈন॒গ্ম্॒ সম॑দ্র্ধযতি ॥
ওষ॑ধীভ্য॒-স্স্বাহা॒ মূলে᳚ভ্য॒-স্স্বাহেত্যো॑ষধি হো॒মাঞ্জু॑হোতি । দ্ব॒য্যো বা ওষ॑ধযঃ । পুষ্পে᳚ভ্যো॒-ঽন্যাঃ ফল॑-ঙ্গৃ॒হ্ণন্তি॑ ।
মূলে᳚ভ্যো॒-ঽন্যাঃ । তা এ॒বোভযী॒রব॑রুন্ধে ॥ 66 ॥
বন॒স্পতি॑ভ্য॒-স্স্বাহেতি॑ বনস্পতি-হো॒মাঞ্জু॑হোতি ।
আ॒র॒ণ্যস্যা॒ন্নাদ্য॒স্যাব॑রুদ্ধ্যৈ ॥
মে॒ষস্ত্বা॑ পচ॒তৈ-র॑ব॒ত্বিত্য-পা᳚ব্যানি জুহোতি ।
প্রা॒ণা বৈ দে॒বা অপা᳚ব্যাঃ । প্রা॒ণানে॒বাব॑রুন্ধে ॥ কূপ্যা᳚ভ্য॒-স্স্বাহা॒-ঽদ্ভ্য-স্স্বাহেত্য॒পাগ্ম্ হোমা᳚ঞ্জুহোতি । অ॒ফ্সু বা আপঃ॑ । অন্নং॒-বাঁ আপঃ॑ । অ॒দ্ভ্যো বা অন্ন॑-ঞ্জাযতে । যদে॒বাদ্ভ্যো-ঽন্ন॒-ঞ্জায॑তে । তদব॑রুন্ধে ॥ 67 ॥
(পূ॒র্ব॒দী॒ক্ষা জু॑হোতি॒ পূর্ব॑ এ॒ব দ্বি॒ষন্ত॒-ম্ভ্রাতৃ॑ব্য॒মতি॑ক্রাম॒ - ত্যন॑ন্তরিত্যৈ - ক্রামতি - রুন্ধে॒ - জায॑ত॒ এক॑-ঞ্চ) (অ. 17)
অনুবাকং 18 - সপ্তমকাণ্ডগতান্নহোমানুবাকা ব্যাখ্যাযন্তে
অম্ভাগ্ম্॑সি জুহোতি । অ॒যং-বৈঁ লো॒কো-ঽম্ভাগ্ম্॑সি ।
তস্য॒ বস॒বো-ঽধি॑পতযঃ । অ॒গ্নির্জ্যোতিঃ॑ । যদম্ভাগ্ম্॑সি জু॒হোতি॑ ।
ই॒মমে॒ব লো॒কমব॑রুন্ধে । বসূ॑না॒গ্ম্॒ সাযু॑জ্য-ঙ্গচ্ছতি । অ॒গ্নি-ঞ্জ্যোতি॒রব॑রুন্ধে ॥ নভাগ্ম্॑সি জুহোতি । অ॒ন্তরি॑ক্ষং-বৈঁ নভাগ্ম্॑সি ॥ 68 ॥
তস্য॑ রু॒দ্রা অধি॑পতযঃ । বা॒যুর্জ্যোতিঃ॑ । যন্নভাগ্ম্॑সি জু॒হোতি॑ । অ॒ন্তরি॑ক্ষমে॒বা-ব॑রুন্ধে । রু॒দ্রাণা॒গ্ম্॒ সাযু॑জ্য-ঙ্গচ্ছতি ।
বা॒যু-ঞ্জ্যোতি॒রব॑রুন্ধে । মহাগ্ম্॑সি জুহোতি । অ॒সৌ বৈ লো॒কো মহাগ্ম্॑সি । তস্যা॑দি॒ত্যা অধি॑পতযঃ। সূর্যো॒ জ্যোতিঃ॑ ॥ 69 ॥
যন্মহাগ্ম্॑সি জু॒হোতি॑ । অ॒মুমে॒ব লো॒কমব॑রুন্ধে । আ॒দি॒ত্যানা॒গ্ম্॒ সাযু॑জ্য-ঙ্গচ্ছতি । সূর্য॒-ঞ্জ্যোতি॒রব॑রুন্ধে ॥
নমো॒ রাজ্ঞ॒ নমো॒ বরু॑ণা॒যেতি॑ য॒ব্যানি॑ জুহোতি ।
অ॒ন্নাদ্য॒স্যাব॑রুদ্ধ্যৈ ॥ ম॒যো॒ভূর্বাতো॑ অ॒ভি বা॑তূ॒স্রা ইতি॑ গ॒ব্যানি॑ জুহোতি ।
প॒শূ॒নামব॑রুদ্ধ্যৈ ॥
প্রা॒ণায॒ স্বাহা᳚ ব্যা॒নায॒ স্বাহেতি॑ সন্ততি-হো॒মাঞ্জু॑হোতি । সু॒ব॒র্গস্য॑ লো॒কস্য॒ সন্ত॑ত্যৈ ॥ 70 ॥
সি॒তায॒ স্বাহা-ঽসি॑তায॒ স্বাহেতি॒ প্রমু॑ক্তী-র্জুহোতি ।
সু॒ব॒র্গস্য॑ লো॒কস্য॒ প্রমু॑ক্ত্যৈ ॥ পৃ॒থি॒ব্যৈ স্বাহা॒-ঽন্তরি॑ক্ষায॒ স্বাহেত্যা॑হ ।
য॒থা॒ য॒জুরে॒বৈতত্ ॥
দ॒ত্ত্বতে॒ স্বাহা॑-ঽদ॒ন্তকা॑য॒ স্বাহেতি॑ শরীর-হো॒মাঞ্জু॑হোতি । পি॒তৃ॒লো॒কমে॒ব তৈর্যজ॑মা॒নো-ঽব॑রুন্ধে ॥ কস্ত্বা॑ যুনক্তি॒ স ত্বা॑ যুন॒ক্ত্বিতি॑ পরি॒ধীন্. যু॑নক্তি । ই॒মে বৈ লো॒কাঃ প॑রি॒ধযঃ॑ । ই॒মানে॒বাস্মৈ॑ লো॒কান্. যু॑নক্তি ।
সু॒ব॒র্গস্য॑ লো॒কস্য॒ সম॑ষ্ট্যৈ ॥ 71 ॥
যঃ প্রা॑ণ॒তো য আ᳚ত্ম॒দা ইতি॑ মহি॒মানৌ॑ জুহোতি ।
সু॒ব॒র্গো বৈ লো॒কো মহঃ॑ । সু॒ব॒র্গমে॒ব তাভ্যাং᳚-লোঁ॒কং-যঁজ॑মা॒নো-ঽব॑রুন্ধে ॥
আ ব্রহ্ম॑-ন্ব্রাহ্ম॒ণো ব্র॑হ্মবচ॒র্সী জা॑যতা॒মিতি॒ সম॑স্তানি ব্রহ্মবর্চ॒সানি॑ জুহোতি ।
ব্র॒হ্ম॒ব॒র্চ॒সমে॒ব তৈর্যজ॑মা॒নো
-ঽব॑রুন্ধে ॥ জজ্ঞি॒ বীজ॒মিতি॑ জুহো॒ত্য-ন॑ন্তরিত্যৈ ॥
অ॒গ্নযে॒ সম॑নম-ত্পৃথি॒ব্যৈ সমন॑ম॒দিতি॑ সন্নতি হো॒মাঞ্জু॑হোতি । সু॒ব॒র্গস্য॑ লো॒কস্য॒ সন্ন॑ত্যৈ ॥ ভূ॒তায॒ স্বাহা॑ ভবিষ্য॒তে স্বাহেতি॑ ভূতাভ॒ব্যৌ হোমৌ॑ জুহোতি ।
অ॒যং-বৈঁ লো॒কো ভূ॒তম্ ॥ 72 ॥
অসৌ ভ॑বি॒ষ্যত্ । অ॒নযো॑রে॒ব লো॒কযোঃ॒ প্রতি॑তিষ্ঠতি । সর্ব॒স্যাপ্ত্যৈ᳚ । সর্ব॒স্যাব॑রুদ্ধ্যৈ ॥ যদক্র॑ন্দঃ প্রথ॒ম-ঞ্জায॑মান॒ ইত্য॑শ্বস্তো॒মীয॑-ঞ্জুহোতি । সর্ব॒স্যাপ্ত্যৈ᳚ । সর্ব॑স্য॒ জিত্যৈ᳚ ॥ সর্ব॑মে॒ব তেনা᳚প্নোতি ।
সর্ব॑-ঞ্জযতি । যো᳚-ঽশ্বমে॒ধেন॒ যজ॑তে ॥ 73 ॥
য উ॑ চৈনমে॒বং-বেঁদ॑ ॥ য॒জ্ঞগ্ম্ রক্ষাগ্॑স্য জিঘাগ্ম্সন্ন্ । স এ॒তা-ন্প্র॒জাপ॑তি-র্নক্তগ্ম্ হো॒মান॑পশ্যত্ । তান॑জুহোত্ ।
তৈর্বৈ স য॒জ্ঞাদ্রক্ষা॒গ্॒স্যপা॑হন্ন্ । যন্ন॑ক্তগ্ম্ হো॒মাঞ্জু॒হোতি॑ ।
য॒জ্ঞাদে॒ব তৈর্যজ॑মানো॒
রক্ষা॒গ্॒স্যপ॑হন্তি ॥ উ॒ষসে॒ স্বাহা॒ ব্যু॑ষ্ট্যৈ॒ স্বাহেত্য॑ন্ত॒তো জু॑হোতি ।
সু॒ব॒র্গস্য॑ লো॒কস্য॒ সম॑ষ্ট্যৈ ॥ 74 ॥
(বৈ নভাগ্ম্॑সি॒ - সূর্যো॒ জ্যোতিঃ॒ - সন্ত॑ত্যৈ॒ - সম॑ষ্ট্যৈ - ভু॒তম্ - ঁযজ॑তে॒ - +নব॑ চ) (অ. 18)
অনুবাকং 19 - ঔপসথ্যদিনে যূপপ্রযোগাঃ
এ॒ক॒যূ॒পো বৈ॑কাদ॒শিনী॑ বা । অ॒ন্যেষাং᳚-যঁ॒জ্ঞানাং॒-যূঁপা॑ ভবন্তি ।
এ॒ক॒বি॒শিন্য॑-শ্বমে॒ধস্য॑ । সু॒ব॒র্গস্য॑ লো॒কস্যা॒-ভিজি॑ত্যৈ ॥ বৈ॒ল॒.বো বা॑ খাদি॒রো বা॑ পালা॒শো বা᳚ । অ॒ন্যেষাং᳚-যঁজ্ঞক্রতূ॒নাং-যূঁপা॑ ভবন্তি । রাজ্জু॑দাল॒ এক॑বিগ্ম্শত্য-রত্নিরশ্বমে॒ধস্য॑ । সু॒ব॒র্গস্য॑ লো॒কস্য॒ সম॑ষ্ট্যৈ ॥ নান্যেষা᳚-ম্পশূ॒না-ন্তে॑জ॒ন্যা অ॑ব॒দ্যন্তি॑ । অব॑দ্য॒ন্ত্যশ্ব॑স্য ॥ 75 ॥
পা॒প্মা বৈ তে॑জ॒নী । পা॒প্মনো-ঽপ॑হত্যৈ ॥
প্ল॒ক্ষ॒শা॒খাযা॑ম॒ন্যেষা᳚-ম্পশূ॒নাম॑ব॒দ্যন্তি॑ । বে॒ত॒স॒-শা॒খাযা॒-মশ্ব॑স্য । অ॒ফ্সুযো॑নি॒র্বা অশ্বঃ॑ । অ॒ফ্সু॒জো বে॑ত॒সঃ । স্ব এ॒বাস্য॒ যোনা॒ব-ব॑দ্যতি ॥
যূপে॑ষু গ্রা॒ম্যা-ন্প॒শূন্নি॑-যু॒ঞ্জন্তি॑ । আ॒রো॒কেষ্বা॑-র॒ণ্যান্ধা॑রযন্তি ।
প॒শূ॒নাং-ব্যাঁবৃ॑ত্ত্যৈ ॥ আ গ্রা॒ম্যা-ন্প॒শূন্-ঁলভ॑ন্তে । প্রার॒ণ্যান্থ্সৃ॑জন্তি । পা॒প্মনো-ঽপ॑হত্যৈ ॥ 76 ॥
(অশ্ব॑স্য॒ - ব্যাবৃ॑ত্ত্য॒ ত্রীণি॑ চ) (অ. 19)
অনুবাকং 20 - যূপানাং স্থানাদযঃ
রাজ্জু॑দাল-মগ্নি॒ষ্ঠ-ম্মি॑নোতি । ভ্রূ॒ণ॒হ॒ত্যাযা॒ অপ॑হত্যৈ ॥ পৌতু॑দ্রবাব॒ভিতো॑ ভবতঃ । পুণ্য॑স্য গ॒ন্ধস্যাব॑রুদ্ধ্যৈ ।
ভ্রূ॒ণ॒হ॒ত্যা-মে॒বাস্মা॑-দপ॒হত্য॑ । পুণ্যে॑ন গ॒ন্ধেনো॑ভ॒যতঃ॒ পরি॑গৃহ্ণাতি ॥
ষড্বৈ॒ল্॒.বা ভ॑বন্তি । ব্র॒হ্ম॒ব॒র্চ॒সস্যা-ব॑রুদ্ধ্যৈ ॥ ষট্খা॑দি॒রাঃ ।
তেজ॒সো-ঽব॑রুদ্ধ্যৈ ॥ 77 ॥
ষট্পা॑লা॒শাঃ । সো॒ম॒পী॒থস্যা-ব॑রুদ্ধ্যৈ ॥ এক॑বিগ্ম্শতি॒-স্সম্প॑দ্যন্তে ।
এক॑বিগ্ম্শতি॒র্বৈ দে॑বলো॒কাঃ । দ্বাদ॑শ॒ মাসাঃ॒ পঞ্চ॒র্তবঃ॑ । ত্রয॑ ই॒মে লো॒কাঃ । অ॒সাবা॑দি॒ত্য এ॑কবি॒গ্ম্॒শঃ । এ॒ষ সু॑ব॒র্গো লো॒কঃ ।
সু॒ব॒র্গস্য॑ লো॒কস্য॒ সম॑ষ্ট্যৈ ॥ শ॒ত-ম্প॒শবো॑ ভবন্তি ॥ 78 ॥
শ॒তাযুঃ॒ পুরু॑ষ-শ্শ॒তেন্দ্রি॑যঃ । আযু॑ষ্যে॒বেন্দ্রি॒যে প্রতি॑তিষ্ঠতি ॥
সর্বং॒-বাঁ অ॑শ্বমে॒দ্ধ্যাপ্নো॑তি । অপ॑রিমিতা ভবন্তি । অপ॑রিমিত॒স্যা-ব॑রুদ্ধ্যৈ ॥ ব্র॒হ্ম॒বা॒দিনো॑ বদন্তি । কস্মা᳚থ্স॒ত্যাত্ ।
দ॒ক্ষি॒ণ॒তো᳚-ঽন্যেষা᳚-ম্পশূ॒নাম॑ব॒দ্যন্তি॑ । উ॒ত্ত॒র॒তো-ঽশ্ব॒স্যেতি॑ । বা॒রু॒ণো বা অশ্বঃ॑ ॥ 79 ॥
এ॒ষা বৈ বরু॑ণস্য॒ দিক্ । স্বাযা॑মে॒বাস্য॑ দি॒শ্যব॑দ্যতি । যদিত॑রেষা-ম্পশূ॒নাম॑ব॒দ্যতি॑ । শ॒ত॒দে॒ব॒ত্য॑-ন্তেনাব॑রুন্ধে ॥
চি॒তে᳚-ঽগ্না-বধি॑বৈত॒সে কটে-ঽশ্ব॑-ঞ্চিনোতি ।
অ॒ফ্সু-যো॑নি॒র্বা অশ্বঃ॑ ।
অ॒ফ্সু॒জো বে॑ত॒সঃ । স্ব এ॒বৈনং॒-যোঁনৌ॒ প্রতি॑ষ্ঠাপযতি ॥ পু॒রস্তা᳚-ত্প্র॒ত্যঞ্চ॑-ন্তূপ॒র-ঞ্চি॑নোতি । প॒শ্চাত্প্রা॒চীন॑-ঙ্গোমৃ॒গম্ ॥ 80 ॥
প্রা॒ণা॒পা॒না-বে॒বাস্মিন᳚ থ্স॒ম্যঞ্চৌ॑ দধাতি ॥
অশ্ব॑-ন্তূপ॒র-ঙ্গো॑মৃ॒গমিতি॑ সর্ব॒হুত॑ এ॒তাঞ্জু॑হোতি । এ॒ষাং-লোঁ॒কানা॑-ম॒ভিজি॑ত্যৈ ॥ আ॒ত্মনা॒-ঽভিজু॑হোতি । সাত্মা॑নমে॒বৈন॒গ্ম্॒ সত॑নু-ঙ্করোতি ॥ সাত্মা॒-ঽমুষ্মি॑ন্ ঁলা॒কে ভ॑বতি ।
য এ॒বং-বেঁদ॑ । অথো॒ বসো॑রে॒ব ধারা॒-ন্তেনাব॑রুন্ধে ॥ ই॒লু॒বর্দা॑য॒ স্বাহা॑ বলি॒বর্দা॑য॒ স্বাহেত্যা॑হ । সং॒বঁ॒থ্স॒রো বা ই॑লু॒বর্দঃ॑ ।
প॒রি॒ব॒থ্স॒রো ব॑লি॒বর্দঃ॑ । সং॒বঁ॒থ্স॒রাদে॒ব প॑রিবথ্স॒রাদাযু॒র ব॑রুন্ধে । আযু॑রে॒বাস্মি॑ন্-দধাতি ।
তস্মা॑দশ্ব-মেধযা॒জী জ॒রসা॑ বি॒স্রসা॒-ঽমুং-লোঁ॒কমে॑তি ॥ 81 ॥
(তেজ॒সো-ঽব॑রুদ্ধৈ - ভব॒ন্ - ত্যশ্বো॑ - গোমৃ॒গ - মি॑লু॒বর্দ॑ শ্চ॒ত্বারি॑ চ) (অ. 20)
অনুবাকং 21 - চেতব্যাগ্নযাদের্বিশেষঃ
এ॒ক॒বি॒গ্ম্॒শো᳚-ঽগ্নির্ভ॑বতি । এ॒ক॒বি॒গ্ম্॒শ-স্স্তোমঃ॑ । এক॑বিগ্ম্শতি॒র্যূপাঃ᳚ ॥
যথা॒ বা অশ্বা॑ বর্র্ষ॒ভা বা॒ বৃষা॑ণ-স্সগ্গ্স্ফু॒রেরন্ন্॑ । এ॒বমে॒তথ্স্তোমা॒-স্সগ্গ্স্ফু॑রন্তে । যদে॑কবি॒গ্ম্॒শাঃ । তে যথ্স॑মৃ॒চ্ছেরন্ন্॑ । হ॒ন্যেতা᳚স্য য॒জ্ঞঃ ॥ দ্বা॒দ॒শ এ॒বাগ্নি-স্স্যা॒দিত্যা॑হুঃ ।
দ্বা॒দ॒শ-স্স্তোমঃ॑ ॥ 82 ॥
একা॑দশ॒ যূপাঃ᳚ ॥ যদ্দ্বা॑দ॒শো᳚-ঽগ্নির্ভব॑তি । দ্বাদ॑শ॒ মাসা᳚-স্সংবঁথ্স॒রঃ ।
সং॒বঁ॒থ্স॒রেণৈ॒বাস্মা॒ অন্ন॒মব॑রুন্ধে ॥ যদ্দশ॒ যূপা॒ ভব॑ন্তি । দশা᳚ক্ষরা বি॒রাট্ । অন্নং॑-বিঁ॒রাট্ । বি॒রাজৈ॒বান্নাদ্য॒-মব॑রুন্ধে ।
য এ॑কাদ॒শঃ । স্তন॑ এ॒বাস্যৈ॒ সঃ ॥ 83 ॥
দু॒হ এ॒বৈনা॒-ন্তেন॑ ॥ তদা॑হুঃ ।
যদ্দ্বা॑দ॒শো᳚-ঽগ্নি-স্স্যা᳚দ্দ্বাদ॒শ-স্স্তোম॒ একা॑দশ॒ যূপাঃ᳚ । যথা॒ স্থূরি॑ণা যা॒যাত্ । তা॒দৃক্তত্ ॥ এ॒ক॒বি॒গ্ম্॒শ এ॒বাগ্নিঃ
স্যা॒দিত্যা॑হুঃ । এ॒ক॒বি॒গ্ম্॒শ-স্স্তোমঃ॑ ।
এক॑বিগ্ম্শতি॒র্যূপাঃ᳚ । যথা॒ প্রষ্টি॑ভি॒র্যাতি॑ ।
তা॒দৃগে॒ব তত্ ॥ 84 ॥
যো বা অ॑শ্বমে॒ধে তি॒স্রঃ ক॒কুভো॒ বেদ॑ । ক॒কুদ্ধ॒ রাজ্ঞা᳚-ম্ভবতি ।
এ॒ক॒বি॒গ্ম্॒শো᳚-ঽগ্নির্ভ॑বতি । এ॒ক॒বি॒গ্ম্॒শ-স্স্তোমঃ॑ । এক॑বিগ্ম্শতি॒র্যূপাঃ᳚ ।
এ॒তা বা অ॑শ্বম॒ধে তি॒স্রঃ ক॒কুভঃ॑ ।
য এ॒বং-বেঁদ॑ । ক॒কুদ্ধ॒ রাজ্ঞা᳚-ম্ভবতি ॥
যো বা অ॑শ্বমে॒ধে ত্রীণি॑ শী॒র্॒ষাণি॒ বেদ॑ ।
শিরো॑ হ॒ রাজ্ঞা᳚-ম্ভবতি ।
এ॒ক॒বি॒গ্ম্॒শো᳚-ঽগ্নির্ভ॑বতি । এ॒ক॒বি॒গ্ম্॒শ-স্স্তোমঃ॑ । এক॑বিগ্ম্শতি॒র্যূপাঃ᳚ ।
এ॒তানি॒ বা অ॑শ্বমে॒ধে ত্রীণি॑ শী॒র॒.ষাণি॑ ।
য এ॒বং-বেঁদ॑ । শিরো॑ হ॒ রাজ্ঞা᳚-ম্ভবতি ॥ 85 ॥
(দ্বা॒দ॒শ-স্স্তোমঃ॒-স- এ॒ব তচ্ - ছিরো॑ হ॒ রাজ্ঞা᳚-ম্ভবতি॒ ষট্চ॑) (অ. 21)
অনুবাকং 22 - উক্থ্যাখ্যে দ্বিতীযে-ঽহনি বহিষ্পবমানে অশ্বস্যোদ্রাতৃত্বম্
দে॒বা বা অ॑শ্বমে॒ধে পব॑মানে । সু॒ব॒র্গং-লোঁ॒ক-ন্ন প্রাজা॑নন্ন্ । তমশ্বঃ॒ প্রাজা॑নাত্ ।
যদ॑শ্বম॒ধে-ঽশ্বে॑ন॒ মেদ্ধ্যে॒নোদ॑ঞ্চো বহিষ্পবমা॒নগ্ম্ সর্প॑ন্তি । সু॒ব॒র্গস্য॑ লো॒কস্য॒ প্রজ্ঞা᳚ত্যৈ । ন বৈ ম॑নু॒ষ্য॑-স্সুব॒র্গং-লোঁ॒কমঞ্জ॑সা বেদ ।
অশ্বো॒ বৈ সু॑ব॒র্গং-লোঁ॒কমঞ্জ॑সা বেদ ॥ যদু॑দ্গা॒-তোদ্গাযে᳚ত্ । যথা-ঽক্ষে᳚ত্রজ্ঞো॒-ঽন্যেন॑ প॒থা প্র॑তিপা॒দযে᳚ত্ । তা॒দৃক্তত্ ॥ 86 ॥
উ॒দ্গা॒তার॑-মপ॒রুদ্ধ্য॑ । অশ্ব॑-মুদ্গী॒থায॑ বৃণীতে । যথা᳚ ক্ষেত্র॒জ্ঞো-ঽঞ্জ॑সা॒ নয॑তি ।
এ॒বমে॒বৈন॒মশ্ব॑-স্সুব॒র্গং-লোঁ॒কমঞ্জ॑সা নযতি ॥ পুচ্ছ॑ম॒ন্বার॑ভন্তে । সু॒ব॒র্গস্য॑ লো॒কস্য॒ সম॑ষ্ট্যৈ ॥ হি-ঙ্ক॑রোতি । সামৈ॒বাকঃ॑ ।
হি-ঙ্ক॑রোতি । উ॒দ্গী॒থ এ॒বাস্য॒ সঃ ॥ 87 ॥
বড॑বা॒ উপ॑ রুন্ধন্তি । মি॒থু॒ন॒ত্বায॒ প্রজা᳚ত্যৈ ।
অথো॒ যথো॑পগা॒তার॑ উপ॒গায॑ন্তি । তা॒দৃগে॒ব তত্ ॥ উদ॑গাসী॒দশ্বো॒ মেদ্ধ্য॒ ইত্যা॑হ । প্রা॒জা॒প॒ত্যো বা অশ্বঃ॑ । প্র॒জাপ॑তি-রুদ্গী॒থঃ । উ॒দ্গী॒থমে॒বাব॑রুন্ধে । অথো॑ ঋখ্সা॒মযো॑রে॒ব প্রতি॑তিষ্ঠতি ॥ হির॑ণ্যেনো॒পাক॑রোতি ।
জ্যোতি॒র্বৈ হির॑ণ্যম্ । জ্যোতি॑রে॒ব মু॑খ॒তো দ॑ধাতি ।
যজ॑মানে চ প্র॒জাসু॑ চ । অথো॒ হির॑ণ্যজ্যোতিরে॒ব যজ॑মান-স্সুব॒র্গং-লোঁ॒কমে॑তি ॥ 88 ॥
(তথ্ - স - উ॒পাক॑রোতি চ॒ত্বারি॑ চ) (অ. 22)
অনুবাকং 23 - অশ্বে পর্যগ্ন্যপ্রযন্তানা-ম্পশূনা-ন্নিযোজনং
পুরু॑ষো॒ বৈ য॒জ্ঞঃ । য॒জ্ঞঃ প্র॒জাপ॑তিঃ । যদশ্বে॑ প॒শূন্নি॑যু॒ঞ্জন্তি॑ ।
য॒জ্ঞাদে॒ব তদ্য॒জ্ঞ-ম্প্রযু॑ঙ্ক্তে ॥ অশ্ব॑-ন্তূপ॒র-ঙ্গো॑মৃ॒গম্ । তান॑গ্নি॒ষ্ঠ আল॑ভতে ।
সে॒না॒মু॒খমে॒ব তথ্সগ্গ্শ্য॑তি । তস্মা᳚-দ্রাজমু॒খ-ম্ভী॒ষ্ম-ম্ভাবু॑কম্ ॥
আ॒গ্নে॒য-ঙ্কৃ॒ষ্ণগ্রী॑ব-ম্পু॒রস্তা᳚-ল্ল॒লাটে᳚ । পূ॒র্বা॒গ্নিমে॒ব ত-ঙ্কু॑রুতে ॥ 89 ॥
তস্মা᳚-ত্পূর্বা॒গ্নি-ম্পু॒রস্তা᳚-থ্স্থাপযন্তি ॥ পৌ॒ষ্ণম॒ন্বঞ্চ᳚ম্ । অন্নং॒-বৈঁ পূ॒ষা । তস্মা᳚-ত্পূর্বা॒গ্না-বা॑হা॒র্য॑-মাহ॑রন্তি ॥
ঐ॒ন্দ্রা॒পৌ॒ষ্ণ মু॒পরি॑ষ্টাত্ । ঐ॒ন্দ্রো বৈ রা॑জ॒ন্যো-ঽন্ন॑-ম্পূ॒ষা ।
অ॒ন্নাদ্যে॑নৈ॒বৈন॑-মুভ॒যতঃ॒ পরি॑গৃহ্ণাতি । তস্মা᳚-দ্রাজ॒ন্যো᳚ন্না॒দো ভাবু॑কঃ ॥
আ॒গ্নে॒যৌ কৃ॒ষ্ণগ্রী॑বৌ বাহু॒বোঃ । বা॒হু॒বোরে॒ব বী॒র্য॑-ন্ধত্তে ॥ 90 ॥
তস্মা᳚-দ্রাজ॒ন্যো॑ বাহুব॒লী ভাবু॑কঃ ॥
ত্বা॒ষ্ট্রৌ লো॑মশস॒ক্থৌ স॒ক্থ্যোঃ ।
স॒ক্থ্যোরে॒ব বী॒র্য॑-ন্ধত্তে । তস্মা᳚-দ্রাজ॒ন্য॑ ঊরুব॒লী ভাবু॑কঃ ॥ শি॒তি॒পৃ॒ষ্ঠৌ বা॑র্হস্প॒ত্যৌ পৃ॒ষ্ঠে ।
ব্র॒হ্ম॒ব॒র্চ॒স-মে॒বোপরি॑ষ্টাদ্ধত্তে ।
অথো॑ ক॒বচে॑ এ॒বৈতে অ॒ভিতঃ॒ পর্যূ॑হতে ।
তস্মা᳚-দ্রাজ॒ন্য॑-স্সন্ন॑দ্ধো বী॒র্য॑-ঙ্করোতি ॥ ধা॒ত্রে পৃ॑ষোদ॒র-ম॒ধস্তা᳚ত্ ।
প্র॒তি॒ষ্ঠামে॒বৈতা-ঙ্কু॑রুতে ।
অথো॑ ই॒যং-বৈঁ ধা॒তা ।
অ॒স্যামে॒ব প্রতি॑তিষ্ঠতি ॥ সৌ॒র্য-ম্ব॒লক্ষ॒-ম্পুচ্ছে᳚ । উ॒থ্সে॒ধমে॒ব ত-ঙ্কু॑রুতে ।
তস্মা॑দুথ্সে॒ধ-ম্ভ॒যে প্র॒জা
অ॒ভিসগ্গ্শ্র॑যন্তি ॥ 91 ॥
(কু॒রু॒তে॒ - ধ॒ত্তে॒ - কু॒রু॒তে॒ পঞ্চ॑ চ) (অ. 23)
(সা॒গ্রং॒হ॒ণ্যা - চতু॑ষ্টয্যো॒ - যো বৈ - যঃ পি॒তু - শ্চ॒ত্বারা॒ - যথা॑ নি॒ক্তম্ - প্র॒জাপ॑তযে ত্বা॒- যথা॒ প্রোক্ষি॑তং - বি॒ভূরা॑হ- প্র॒জাপ॑তিরকামযতাশ্বমে॒ধেন॑ - প্র॒জাপ॑তি॒র্ন কিঞ্চ॒ ন - সা॑বি॒ত্র - মা ব্রহ্ম॑ন্ - প্র॒জাপ॑তি-র্দে॒বেভ্যঃ॑ - প্র॒জাপ॑তি॒ রক্ষাগ্ম্॑সি - প্র॒জাপ॑তিমীফ্সতি - বি॒ভুর॑শ্বনা॒মান্য - ম্ভাগ্॑ - স্যেকযূ॒পো - রাজ্জু॑দাল - মেকবি॒গ্ম্॒শো - দে॒বাঃ - পুরু॑ষ॒ স্ত্রযো॑বিগ্ম্শতিঃ)
(সা॒গ্রং॒হ॒ণ্যা - তস্মা॑দশ্বমেধযা॒জী - য-ত্পরি॑মিতা॒ - য-দ্য॑জ্ঞমু॒খে - যো দী॒ক্ষাম্ - দে॒বানে॒ব - ত্রয॑ ই॒মে - সি॒তায॑ - প্রাণাপা॒নাবে॒বাস্মি॒ন্ - তস্মা᳚-দ্রাজ॒ন্য॑ এক॑নবতিঃ)
(সা॒গ্রং॒হ॒ণ্যা - সগ্গ্শ্র॑যন্তি)
॥ হরিঃ ওম্ ॥
॥ কৃষ্ণ যজুর্বেদীয তৈত্তিরীয ব্রাহ্মণে তৃতীযাষ্টকে অষ্টমঃ প্রপাঠক-স্সমাপ্তঃ ॥
+++++++++++++++++++++++++++
