কৃষ্ণ যজুর্বেদীয তৈত্তিরীয ব্রাহ্মণে দ্বিতীযাষ্টকে পঞ্চমঃ প্রপাঠকঃ - উপহোমশেষঃ

ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥

2.5.1 উপহোমাঃ
প্রা॒ণো র॑ক্ষতি॒ বিশ্ব॒মেজ॑ত্ । ইর্যো॑ ভূ॒ত্বা ব॑হু॒ধা ব॒হূনি॑ । স ইথ্সর্বং॒-ব্যাঁ॑নশে ॥ যো দে॒বো দে॒বেষু॑ বি॒ভূর॒ন্তঃ । আবৃ॑দূ॒দা-ত্ক্ষেত্রিয॑দ্ধ্ব॒গদ্বৃষা᳚ । তমি-ত্প্রা॒ণ-ম্মন॒সো প॑শিক্ষত । অগ্র॑-ন্দে॒বানা॑-মি॒দম॑ত্তু নো হ॒বিঃ ॥ মন॑স॒শ্চিত্তে॒দম্ । ভূ॒ত-ম্ভব্য॑-ঞ্চ গুপ্যতে । তদ্ধি দে॒বেষ্ব॑গ্রি॒যম্ ॥ 1 ॥

আ ন॑ এতু পুরশ্চ॒রম্ । স॒হ দে॒বৈরি॒মগ্​ম্ হব᳚ম্ । মন॒-শ্শ্রেয॑সি শ্রেযসি । কর্ম॑ন্. য॒জ্ঞপ॑তি॒-ন্দধ॑ত্ ॥ জু॒ষতা᳚-ম্মে॒ বাগি॒দগ্​ম্ হ॒বিঃ । বি॒রাড্দে॒বী পু॒রোহি॑তা । হ॒ব্য॒বাডন॑ পাযিনী ॥ যযা॑ রূ॒পাণি॑ বহু॒ধা বদ॑ন্তি । পেশাগ্​ম্॑সি দে॒বাঃ প॑র॒মে জ॒নিত্রে᳚ । সানো॑ বি॒রাডন॑পস্ফুরন্তী ॥ 2 ॥

বাগ্দে॒বী জু॑ষতামি॒দগ্​ম্ হ॒বিঃ ॥ চক্ষু॑-র্দে॒বানা॒-ঞ্জ্যোতি॑র॒মৃতে॒ ন্য॑ক্তম্ । অ॒স্য বি॒জ্ঞানা॑য বহু॒ধা নিধী॑যতে । তস্য॑ সু॒ম্ন-ম॑শীমহি । মা নো॑ হাসী-দ্বিচক্ষ॒ণম্ ॥ আযু॒রিন্নঃ॒ প্রতী᳚র্যতাম্ । অন॑ন্ধা॒-শ্চক্ষু॑ষা ব॒যম্ । জী॒বা জ্যোতি॑রশীমহি । সুব॒র্জ্যোতি॑-রু॒তামৃত᳚ম্ ॥ শ্রোত্রে॑ণ ভ॒দ্র মু॒ত শৃ॑ণ্বন্তি স॒ত্যম্ । শ্রোত্রে॑ণ॒ বাচ॑-ম্বহু॒ধোদ্য মা॑নাম্ । শ্রোত্রে॑ণ॒ মোদ॑শ্চ॒ মহ॑শ্চ শ্রূযতে । শ্রোত্রে॑ণ॒ সর্বা॒ দিশ॒ আশৃ॑ণোমি ॥ যেন॒ প্রাচ্যা॑ উ॒ত দ॑ক্ষি॒ণা । প্র॒তীচ্যৈ॑ দি॒শ-শ্শৃ॒ণ্বন্ত্যু॑ত্ত॒রাত্ । তদিচ্ছ্রোত্র॑-ম্বহু॒ধোদ্যমা॑নম্ । অ॒রান্ন নে॒মিঃ পরি॒ সর্ব॑-ম্বভূব ॥ 3 ॥
(অ॒গ্রি॒ - যমন॑পস্ফুরন্তী - স॒ত্যগ্​ম্ স॒প্ত চ॑) (অ. 1)

2.5.2 উপহোমাঃ
উ॒দেহি॑ বাজি॒ন্যো অ॑স্য॒ফ্স্ব॑ন্তঃ । ই॒দগ্​ম্ রা॒ষ্ট্রমাবি॑শ সূ॒নৃতা॑বত্ । যো রোহি॑তো॒ বিশ্ব॑মি॒দ-ঞ্জ॒জান॑ । স নো॑ রা॒ষ্ট্রেষু॒ সুধি॑তান্দধাতু ॥ রোহগ্​ম্॑ রোহ॒গ্​ম্॒ রোহি॑ত॒ আরু॑রোহ । প্র॒জাভি॒র্বৃদ্ধি॑-ঞ্জ॒নুষা॑মু॒পস্থ᳚ম্ । তাভি॒-স্সগ্​ম্র॑ব্ধো অবিদ॒থ্ষডু॒র্বীঃ । গা॒তু-ম্প্র॒পশ্য॑ন্নি॒হ রা॒ষ্ট্রমাহাঃ᳚ ॥ আহা॑র্​ষী-দ্রা॒ষ্ট্রমি॒হ রোহি॑তঃ । মৃধো॒ ব্যা᳚স্থ॒দভ॑য-ন্নো অস্তু ॥ 4 ॥

অ॒স্মভ্য॑-ন্দ্যাবাপৃথিবী॒ শক্ব॑রীভিঃ । রা॒ষ্ট্র-ন্দু॑হাথামি॒হ রে॒বতী॑ভিঃ ॥ বিম॑মর্​শ॒ রোহি॑তো বি॒শ্বরূ॑পঃ । স॒মা॒চ॒ক্রা॒ণঃ প্র॒রুহো॒ রুহ॑শ্চ । দিব॑গ॒ন্ত্বায॑ মহ॒তা ম॑হি॒ম্না । বি নো॑ রা॒ষ্ট্রমু॑নত্তু॒ পয॑সা॒ স্বেন॑ ॥ যাস্তে॒ বিশ॒স্তপ॑সা সম্বভূ॒বুঃ । গা॒য॒ত্রং-বঁ॒থ্সমনু॒ তাস্ত॒ আগুঃ॑ । তাস্ত্বা বি॑শন্তু॒ মহ॑সা॒ স্বেন॑ । স-ম্মা॑তা পু॒ত্রো অ॒ভ্যে॑তু॒ রোহি॑তঃ ॥ 5 ॥

যূ॒যমু॑গ্রা মরুতঃ পৃশ্নিমাতরঃ । ইন্দ্রে॑ণ স॒যুজা॒ প্রমৃ॑ণীথ॒ শত্রূন্॑ । আ বো॒ রোহি॑তো অশৃণোদভিদ্যবঃ । ত্রিস॑প্তাসো মরুত-স্স্বাদুসম্মুদঃ ॥ রোহি॑তো॒ দ্যাবা॑পৃথি॒বী জ॑জান । তস্মি॒গ্গ্॒স্তন্তু॑-ম্পরমে॒ষ্ঠী ত॑তান । তস্মি॑ঞ্ছিশ্রিযে অ॒জ এক॑পাত্ । অদৃগ্​ম্॑ হ॒দ্দ্যাবা॑পৃথি॒বী বলে॑ন ॥ রোহি॑তো॒ দ্যাবা॑পৃথি॒বী অ॑দৃগ্​ম্হত্ । তেন॒ সুব॑-স্স্তভি॒ত-ন্তেন॒ নাকঃ॑ ॥ 6 ॥

সো অ॒ন্তরি॑ক্ষে॒ রজ॑সো বি॒মানঃ॑ । তেন॑ দে॒বা-স্সুব॒রন্ব॑বিন্দন্ন্ ॥ সু॒শেব॑-ন্ত্বা ভা॒নবো॑ দীদি॒বাগ্​ম্স᳚ম্ । সম॑গ্রাসো জু॒হ্বো॑ জাতবেদঃ । উ॒ক্ষন্তি॑ ত্বা বা॒জিন॒মা ঘৃ॒তেন॑ । সগ্​ম্স॑মগ্নে যুবসে॒ ভোজ॑নানি ॥ অগ্নে॒ শর্ধ॑ মহ॒তে সৌভ॑গায । তব॑ দ্যু॒ম্না-ন্যু॑ত্ত॒মানি॑ সন্তু । স-ঞ্জা᳚স্প॒ত্যগ্​ম্ সু॒যম॒মাকৃ॑ণুষ্ব । শ॒ত্রূ॒য॒তাম॒ভিতি॑ষ্ঠা॒ মহা॑সি ॥ 7 ॥
(অ॒- স্ত্বে॒তু॒ রোহি॑তো॒ - নাকো॒ - মহাগ্​ম্॑সি) (অ. 2)

2.5.3 উপহোমাঃ
পুন॑র্ন॒ ইন্দ্রো॑ ম॒ঘবা॑ দদাতু । ধনা॑নি শ॒ক্রো ঘন্য॑-স্সু॒রাধাঃ᳚ । অ॒র্বা॒চীন॑-ঙ্কৃণুতাং-যাঁচি॒তো মনঃ॑ । শ্রু॒ষ্টী নো॑ অ॒স্য হ॒বিষো॑ জুষা॒ণঃ ॥ যানি॑ নো জি॒ন-ন্ধনা॑নি । জ॒হর্থ॑ শূর ম॒ন্যুনা᳚ । ইন্দ্রানু॑বিন্দ ন॒স্তানি॑ । অ॒নেন॑ হ॒বিষা॒ পুনঃ॑ ॥ ইন্দ্র॒ আশা᳚ভ্যঃ॒ পরি॑ । সর্বা॒ভ্যো-ঽভ॑য-ঙ্করত্ ॥ 8 ॥

জেতা॒ শত্রূ॒ন্॒. বিচ॑র্​ষণিঃ ॥ আকূ᳚ত্যৈ ত্বা॒ কামা॑য ত্বা স॒মৃধে᳚ ত্বা । পু॒রো দ॑ধে অমৃত॒ত্বায॑ জী॒বসে᳚ ॥ আকূ॑তিম॒স্যাব॑সে । কাম॑মস্য॒ সমৃ॑দ্ধ্যৈ । ইন্দ্র॑স্য যুঞ্জতে॒ ধিযঃ॑ ॥ আকূ॑তি-ন্দে॒বী-ম্মন॑সঃ পু॒রো দ॑ধে । য॒জ্ঞস্য॑ মা॒তা সু॒হবা॑ মে অস্তু । যদি॒চ্ছামি॒ মন॑সা॒ সকা॑মঃ । বি॒দেয॑মেন॒দ্ধৃদ॑যে॒ নিবি॑ষ্টম্ ॥ 9 ॥

সেদ॒গ্নির॒গ্নীগ্​ম্ রত্যে᳚ত্য॒ন্যান্ । যত্র॑ বা॒জী তন॑যো বী॒ডুপা॑ণিঃ । স॒হস্র॑পাথা অ॒ক্ষরা॑ স॒মেতি॑ ॥ আশা॑না-ন্ত্বা ঽঽশাপা॒লেভ্যঃ॑ । চ॒তুর্ভ্যো॑ অ॒মৃতে᳚ভ্যঃ । ই॒দ-ম্ভূ॒তস্যাদ্ধ্য॑ক্ষেভ্যঃ । বি॒ধেম॑ হ॒বিষা॑ ব॒যম্ ॥ বিশ্বা॒ আশা॒ মধু॑না॒ সগ্​ম্সৃ॑জামি । অ॒ন॒মী॒বা আপ॒ ওষ॑ধযো ভবন্তু । অ॒যং-যঁজ॑মানো॒ মৃধো॒ ব্য॑স্যতাম্ ॥ 10 ॥

অগৃ॑ভীতাঃ প॒শব॑-স্সন্তু॒ সর্বে᳚ ॥ অ॒গ্নি-স্সোমো॒ বরু॑ণো মি॒ত্র ইন্দ্রঃ॑ । বৃহ॒স্পতি॑-স্সবি॒তা য-স্স॑হ॒স্রী । পূ॒ষা নো॒ গোভি॒রব॑সা॒ সর॑স্বতী । ত্বষ্টা॑ রূ॒পাণি॒ সম॑নক্তু য॒জ্ঞৈঃ ॥ ত্বষ্টা॑ রূ॒পাণি॒ দধ॑তী॒ সর॑স্বতী । পূ॒ষা ভগগ্​ম্॑ সবি॒তা নো॑ দদাতু । বৃহ॒স্পতি॒-র্দদ॒দিন্দ্র॑-স্স॒হস্র᳚ম্ । মি॒ত্রো দা॒তা বরু॑ণ॒-স্সোমো॑ অ॒গ্নিঃ ॥ 11 ॥
(ক॒র॒ন্ - নিবি॑ষ্ট - মস্যতাং॒ - +নব॑ চ) (অ. 3)

2.5.4 উপহোমাঃ
আ নো॑ ভর॒ ভগ॑মিন্দ্র দ্যু॒মন্ত᳚ম্ । নি তে॑ দে॒ষ্ণস্য॑ ধীমহি প্ররে॒কে । উ॒র্ব ই॑ব পপ্রথে॒ কামো॑ অ॒স্মে । তমাপৃ॑ণা বসুপতে॒ বসূ॑নাম্ ॥ ই॒ম-ঙ্কাম॑-ম্মন্দযা॒ গোভি॒রশ্বৈঃ᳚ । চ॒ন্দ্রব॑তা॒ রাধ॑সা প॒প্রথ॑শ্চ । সু॒ব॒র্যবো॑ ম॒তিভি॒স্তুভ্যং॒-বিঁপ্রাঃ᳚ । ইন্দ্রা॑য॒ বাহঃ॑ কুশি॒কাসো॑ অক্রন্ন্ ॥ ইন্দ্র॑স্য॒ নু বী॒র্যা॑ণি॒ প্রবো॑চম্ । যানি॑ চ॒কার॑ প্রথ॒মানি॑ ব॒জ্রী ॥ 12 ॥

অহ॒-ন্নহি॒মন্ব॒পস্ত॑তর্দ । প্র ব॒ক্ষণা॑ অভিন॒-ত্পর্ব॑তানাম্ ॥ অহ॒ন্নহি॒-ম্পর্ব॑তে শিশ্রিযা॒ণম্ । ত্বষ্টা᳚-ঽস্মৈ॒ বজ্রগ্গ্॑ স্ব॒র্য॑-ন্ততক্ষ । বা॒শ্রা ই॑ব ধে॒নব॒-স্স্যন্দ॑মানাঃ । অঞ্জ॑-স্সমু॒দ্র-মব॑জগ্মু॒রাপঃ॑ ॥ বৃ॒ষা॒যমা॑ণো-ঽবৃণীত॒ সোম᳚ম্ । ত্রিক॑দ্রুকেষ্ব-পিব-থ্সু॒তস্য॑ । আ সায॑ক-ম্ম॒ঘবা॑ দত্ত॒ বজ্র᳚ম্ । অহ॑ন্নেন-ম্প্রথম॒জা মহী॑নাম্ ॥ 13 ॥

যদিন্দ্রাহ॑ন্-প্রথম॒জা মহী॑নাম্ । আন্মা॒যিনা॒মমি॑নাঃ॒ প্রোত মা॒যাঃ । আ-থ্সূর্য॑-ঞ্জ॒নয॒-ন্দ্যামু॒ষাস᳚ম্ । তা॒দীক্না॒ শত্রূ॒ন্ন কিলা॑বিবিথ্সে ॥ অহ॑ন্ বৃ॒ত্রং-বৃঁ॑ত্র॒তরং॒-ব্যঁগ্​ম্স᳚ম্ । ইন্দ্রো॒ বজ্রে॑ণ মহ॒তা ব॒ধেন॑ । স্কন্ধাগ্​ম্॑সীব॒ কুলি॑শেনা॒ বিবৃ॑ক্ণা । অহি॑-শ্শযত উপ॒পৃক্-পৃ॑থি॒ব্যাম্ ॥ অ॒যো॒দ্ধ্যেব দু॒র্মদ॒ আ হি জু॒হ্বে । ম॒হা॒বী॒র-ন্তু॑ বিবা॒ধ-মৃ॑জী॒ষম্ ॥ 14 ॥

নাতা॑রীরস্য॒ সমৃ॑তিং-বঁ॒ধানা᳚ম্ । সগ্​ম্ রু॒জানাঃ᳚ পিপিষ॒ ইন্দ্র॑শত্রুঃ ॥ বিশ্বো॒ বিহা॑যা অর॒তিঃ । বসু॑র্দধে॒ হস্তে॒ দক্ষি॑ণে । ত॒রণি॒র্ন শি॑শ্রথত্ । শ্র॒ব॒স্য॑যা॒ ন শি॑শ্রথত্ । বিশ্ব॑স্মা॒ ইদি॑ষুদ্ধ্য॒সে । দে॒ব॒ত্রা হ॒ব্যমূহি॑ষে । বিশ্ব॑স্মা॒ ইথ্সু॒কৃতে॒ বার॑মৃণ্বতি । অ॒গ্নি-র্দ্বারা॒ ব্যৃ॑ণ্বতি ॥ 15 ॥

উদু॒জ্জিহা॑নো অ॒ভি কাম॑মী॒রযন্ন্॑ । প্র॒পৃ॒ঞ্চন্ বিশ্বা॒ ভুব॑নানি পূ॒র্বথা᳚ । আ কে॒তুনা॒ সুষ॑মিদ্ধো॒ যজি॑ষ্ঠঃ । কাম॑-ন্নো অগ্নে অ॒ভিহ॑র্য দি॒গ্ভ্যঃ ॥ জু॒ষা॒ণো হ॒ব্যম॒মৃতে॑ষু দূ॒ঢ্যঃ॑ । আ নো॑ র॒যি-ম্ব॑হু॒লা-ঙ্গোম॑তী॒মিষ᳚ম্ । নিধে॑হি॒ যক্ষ॑দ॒মৃতে॑ষু॒ ভূষন্ন্॑ ॥ অশ্বি॑না য॒জ্ঞমাগ॑তম্ । দা॒শুষঃ॒ পুরু॑দগ্​ম্সসা । পূ॒ষা র॑ক্ষতু নো র॒যিম্ ॥ 16 ॥

ই॒মং-যঁ॒জ্ঞম॒শ্বিনা॑ ব॒র্ধয॑ন্তা । ই॒মৌ র॒যিং-যঁজ॑মানায ধত্তম্ । ই॒মৌ প॒শূ-ন্র॑ক্ষতাং-বিঁ॒শ্বতো॑ নঃ । পূ॒ষা নঃ॑ পাতু॒ সদ॒ম-প্র॑যুচ্ছন্ন্ ॥ প্র তে॑ ম॒হে স॑রস্বতি । সুভ॑গে॒ বাজি॑নীবতি । স॒ত্য॒বাচে॑ ভরে ম॒তিম্ ॥ ই॒দ-ন্তে॑ হ॒ব্য-ঙ্ঘৃ॒তব॑-থ্সরস্বতি । স॒ত্য॒বাচে॒ প্রভ॑রেমা হ॒বীগ্​ম্ষি॑ । ই॒মানি॑ তে দুরি॒তা সৌভ॑গানি । তেভি॑র্ব॒যগ্​ম্ সু॒ভগা॑স-স্স্যাম ॥ 17 ॥
(ব॒জ্ - য্রহী॑না - মৃজী॒ষং - ঁব্যৃ॑ণ্বতি - রক্ষতু নো র॒যিগ্​ম্ - সৌভ॑গা॒ন্যেক॑-ঞ্চ) (অ. 4)

2.5.5 উপহোমাঃ
য॒জ্ঞো রা॒যো য॒জ্ঞ ঈ॑শে॒ বসূ॑নাম্ । য॒জ্ঞ-স্স॒স্যানা॑মু॒ত সু॑ক্ষিতী॒নাম্ । য॒জ্ঞ ই॒ষ্টঃ পূ॒র্বচি॑ত্তি-ন্দধাতু । য॒জ্ঞো ব্র॑হ্ম॒ণ্বাগ্​ম্ অপ্যে॑তু দে॒বান্ ॥ অ॒যং-যঁ॒জ্ঞো ব॑র্ধতা॒-ঙ্গোভি॒রশ্বৈঃ᳚ । ই॒যং-বেঁদি॑-স্স্বপ॒ত্যা সু॒বীরা᳚ । ই॒দ-ম্ব॒র্॒হিরতি॑ ব॒র॒ঃঈগ্​ষ্য॒ন্যা । ই॒মং-যঁ॒জ্ঞং-বিঁশ্বে॑ অবন্তু দে॒বাঃ ॥ ভগ॑ এ॒ব ভগ॑বাগ্​ম্ অস্তু দেবাঃ । তেন॑ ব॒য-ম্ভগ॑বন্ত-স্স্যাম ॥ 18 ॥

ত-ন্ত্বা॑ ভগ॒ সর্ব॒ ইজ্জো॑হবীমি । স নো॑ ভগ পুর এ॒তা ভ॑বে॒হ ॥ ভগ॒ প্রণে॑ত॒-র্ভগ॒ সত্য॑রাধঃ । ভগে॒মা-ন্ধিয॒মুদ॑ব॒ দদ॑ন্নঃ । ভগ॒ প্রণো॑ জনয॒ গোভি॒রশ্বৈঃ᳚ । ভগ॒ প্র নৃভি॑-র্নৃ॒বন্ত॑-স্স্যাম ॥ শশ্ব॑তী॒-স্সমা॒ উপ॑যন্তি লো॒কাঃ । শশ্ব॑তী॒-স্সমা॒ উপ॑য॒ন্ত্যাপঃ॑ । ই॒ষ্ট-ম্পূ॒র্তগ্​ম্ শশ্ব॑তীনা॒গ্​ম্॒ সমা॑নাগ্​ম্ শাশ্ব॒তেন॑ । হ॒বিষে॒ষ্ট্বা ঽন॒ন্তং-লোঁ॒ক-ম্পর॒মারু॑রোহ ॥ 19 ॥

ই॒যমে॒ব সা যা প্র॑থ॒মা ব্যৌচ্ছ॑ত্ । সা রূ॒পাণি॑ কুরুতে॒ পঞ্চ॑ দে॒বী ॥ দ্বে স্বসা॑রৌ বযত॒স্তন্ত্র॑মে॒তত্ । স॒না॒তনং॒-বিঁত॑ত॒গ্​ম্॒ ষণ্ম॑যূখম্ । অবা॒ন্যাগ্​ স্তন্তূ᳚ন্ কি॒রতো॑ ধ॒ত্তো অ॒ন্যান্ । নাব॑পৃ॒জ্যাতে॒ ন গ॑মাতে॒ অন্ত᳚ম্ ॥ আ বো॑ যন্তূদবা॒হাসো॑ অ॒দ্য । বৃষ্টিং॒-যেঁ বিশ্বে॑ ম॒রুতো॑ জু॒নন্তি॑ । অ॒যং-যোঁ অ॒গ্নি-র্ম॑রুত॒-স্সমি॑দ্ধঃ । এ॒ত-ঞ্জু॑ষদ্ধ্ব-ঙ্কবযো যুবানঃ ॥ 20 ॥

ধা॒রা॒ব॒রা ম॒রুতো॑ ধৃ॒ষ্ণুবো॑জসঃ । মৃ॒গা ন ভী॒মাস্ত॑বি॒ষেভি॑-রূ॒র্মিভিঃ॑ । অ॒গ্নযো॒ ন শু॑শুচা॒না ঋ॑জী॒ষিণঃ॑ । ভ্রুমি॒-ন্ধম॑ন্ত॒ উপ॒ গা অ॑বৃণ্বত ॥ বিচ॑ক্রমে পৃথি॒বীমে॒ষ এ॒তাম্ । ক্ষেত্রা॑য॒ বিষ্ণু॒-র্মনু॑ষে দশ॒স্যন্ন্ । ধ্রু॒বাসো॑ অস্য কী॒রযো॒ জনা॑সঃ । উ॒রু॒ক্ষি॒তিগ্​ম্ সু॒জনি॑মা চকার ॥, ত্রির্দে॒বঃ পৃ॑থি॒বীমে॒ষ এ॒তাম্ । বিচ॑ক্রমে শ॒তর্চ॑স-ম্মহি॒ত্বা । প্র বিষ্ণু॑-রস্তু ত॒বস॒স্ত বী॑যান্ । ত্বে॒ষগ্গ্​ হ্য॑স্য॒ স্থবি॑রস্য॒ নাম॑ ॥॥ আবে॒ধস॒-ন্নীল॑পৃষ্ঠ-ম্বৃ॒হন্ত᳚ম্ । বৃহ॒স্পতি॒গ্​ম্॒ সদ॑নে সাদযদ্ধ্বম্ । সা॒দদ্যো॑নি॒-ন্দম॒ আদী॑দি॒বাগ্​ম্স᳚ম্ । হির॑ণ্যবর্ণমরু॒ষগ্​ম্ স॑পেম ॥ স হি শুচি॑-শ্শ॒তপ॑ত্র॒-স্স শু॒ন্ধ্যূঃ ॥ 21 ॥

হির॑ণ্যবাশীরিষি॒র-স্সু॑ব॒র॒.ষাঃ । বৃহ॒স্পতি॒-স্স স্বা॑বে॒শ ঋ॒ষ্বাঃ । পূ॒রূ সখি॑ভ্য আ সু॒তি-ঙ্ক॑রিষ্ঠঃ ॥ পূষ॒গ্গ্॒স্তব॑ ব্র॒তে ব॒যম্ । ন রি॑ষ্যেম ক॒দা চ॒ন । স্তো॒তার॑স্ত ই॒হ স্ম॑সি ॥ যাস্তে॑ পূষ॒ন্নাবো॑ অ॒ন্ত-স্স॑মু॒দ্রে । হি॒র॒ণ্যযী॑র॒ন্তরি॑ক্ষে॒ চর॑ন্তি । যাভি॑র্যাসি দূ॒ত্যাগ্​ম্ সূর্য॑স্য । কামে॑ন কৃ॒ত-শ্শ্রব॑ ই॒চ্ছমা॑নঃ ॥ 22 ॥

অর॑ণ্যা॒ন্যর॑ণ্যান্য॒সৌ । যা প্রেব॒ নশ্য॑সি । ক॒থা গ্রাম॒-ন্ন পৃ॑চ্ছসি । ন ত্বা॒ ভীরি॑ব বিন্দতী(3) ॥ বৃ॒ষা॒র॒বায॒ বদ॑তে । যদু॒পাব॑তি চিচ্চি॒কঃ । আ॒ঘা॒টীভি॑রিব ধা॒বযন্ন্॑ । অ॒র॒ণ্যা॒নি-র্ম॑হীযতে ॥ উ॒ত গাব॑ ইবাদন্ন্ । উ॒তো বেশ্মে॑ব দৃশ্যতে ॥ 23 ॥

উ॒তো অ॑রণ্যা॒নি-স্সা॒যম্ । শ॒ক॒টীরি॑ব সর্জতি ॥ গাম॒ঙ্গৈষ॒ আহ্ব॑যতি । দার্ব॒ঙ্গৈষ॒ উপা॑বধীত্ । বস॑ন্নরণ্যা॒ন্যাগ্​ম্ সা॒যম্ । অক্রু॑ক্ষ॒দিতি॑ মন্যতে ॥ ন বা অ॑রণ্যা॒নির্​হ॑ন্তি । অ॒ন্যশ্চেন্নাভি॒গচ্ছ॑তি । স্বা॒দোঃ ফল॑স্য জ॒গ্ধ্বা । যত্র॒ কাম॒-ন্নিপ॑দ্যতে ॥ আঞ্জ॑নগন্ধীগ্​ম্ সুর॒ভীম্ । ব॒হ্ব॒ন্নামকৃ॑ষীবলাম্ । প্রাহ-ম্মৃ॒গাণা᳚-ম্মা॒তর᳚ম্ । অ॒র॒ণ্যা॒নীম॑শগ্​ম্-সিষম্ ॥ 24 ॥
(স্যা॒ম॒ - রু॒রো॒হ॒ - যু॒বা॒নঃ॒ - শু॒ন্ধ্ - যূরি॒চ্ছমা॑নো - দৃশ্যতে॒ - নিপ॑দ্যতে চ॒ত্বারি॑ চ) (অ. 5)

2.5.6 উপহোমাঃ
বার্ত্র॑হত্যায॒ শব॑সে । পৃ॒ত॒না॒-সাহ্যা॑য চ । ইন্দ্র॒ত্বা-ঽঽব॑র্তযামসি ॥ সু॒ব্রহ্মা॑ণং-বীঁ॒রব॑ন্ত-ম্বৃ॒হন্ত᳚ম্ । উ॒রু-ঙ্গ॑ভী॒র-ম্পৃ॒থুবু॑দ্ধ্নমিন্দ্র । শ্রু॒তর্​ষি॑-মু॒গ্রম॑ভি-মাতি॒ষাহ᳚ম্ । অ॒স্মভ্য॑-ঞ্চি॒ত্রং-বৃঁষ॑ণগ্​ম্ র॒যি-ন্দাঃ᳚ ॥ ক্ষে॒ত্রি॒যৈ ত্বা॒ নির্-ঋ॑ত্যৈ ত্বা । দ্রু॒হো মু॑ঞ্চামি॒ বরু॑ণস্য॒ পাশা᳚ত্ । অ॒না॒গস॒-ম্ব্রহ্ম॑ণে ত্বা করোমি ॥ 25 ॥

শি॒বে তে॒ দ্যাবা॑পৃথি॒বী উ॒ভে ই॒মে ॥ শ-ন্তে॑ অ॒গ্নি-স্স॒হাদ্ভির॑স্তু । শ-ন্দ্যাবা॑পৃথি॒বী স॒হৌষ॑ধীভিঃ । শম॒ন্তরি॑ক্ষগ্​ম্ স॒হ বাতে॑ন তে । শ-ন্তে॒ চত॑স্রঃ প্র॒দিশো॑ ভবন্তু ॥ যা দৈবী॒শ্চত॑স্রঃ প্র॒দিশঃ॑ । বাত॑পত্নীর॒ভি সূর্যো॑ বিচ॒ষ্টে । তাসা᳚-ন্ত্বা জ॒রস॒ আদ॑ধামি । প্র যক্ষ্ম॑ এতু॒ নির্-ঋ॑তি-ম্পরা॒চৈঃ ॥ অমো॑চি॒ যক্ষ্মা᳚-দ্দুরি॒তা-দব॑র্ত্যৈ ॥ 26 ॥

দ্রু॒হঃ পাশা॒ন্নির্-ঋ॑ত্যৈ॒ চোদ॑মোচি । অহা॒ অব॑র্তি॒মবি॑দ-থ্স্যো॒নম্ । অপ্য॑ভূ-দ্ভ॒দ্রে সু॑কৃ॒তস্য॑ লো॒কে ॥ সূর্য॑মৃ॒ত-ন্তম॑সো॒ গ্রাহ্যা॒ যত্ । দে॒বা অমু॑ঞ্চ॒-ন্নসৃ॑জ॒ন্ব্যে॑নসঃ । এ॒বম॒হমি॒ম-ঙ্ক্ষে᳚ত্রি॒যাজ্জা॑মিশ॒গ্​ম্॒সাত্ । দ্রু॒হো মু॑ঞ্চামি॒ বরু॑ণস্য॒ পাশা᳚ত্ ॥ বৃহ॑স্পতে যু॒বমিন্দ্র॑শ্চ॒ বস্বঃ॑ । দি॒ব্যস্যে॑শাথে উ॒ত পার্থি॑বস্য । ধ॒ত্তগ্​ম্ র॒যিগ্গ্​ স্তু॑ব॒তে কী॒রযে॑ চিত্ ॥ 27 ॥

যূ॒য-ম্পা॑ত স্ব॒স্তিভি॒-স্সদা॑ নঃ ॥ দে॒বা॒যুধ॒মিন্দ্র॒মাজোহু॑বানাঃ । বি॒শ্বা॒বৃধ॑ম॒ভি যে রক্ষ॑মাণাঃ । যেন॑ হ॒তা দী॒র্ঘমদ্ধ্বা॑ন॒মাযন্ন্॑ । অ॒ন॒ন্তমর্থ॒মনি॑বর্-থ্স্যমানাঃ ॥ যত্তে॑ সুজাতে হি॒মব॑থ্সু ভেষ॒জম্ । ম॒যো॒ভূ-শ্শন্ত॑মা॒ যদ্ধৃ॒দো-ঽসি॑ । ততো॑ নো দেহি সীবলে ॥ অ॒দো গি॒রিভ্যো॒ অধি॒ যত্প্র॒ধাব॑সি । স॒গ্​ম্॒শোভ॑মানা ক॒ন্যে॑ব শুভ্রে ॥ 28 ॥

তা-ন্ত্বা॒ মুদ্গ॑লা হ॒বিষা॑ বর্ধযন্তি । সা ন॑-স্সীবলে র॒যিমাভা॑জযে॒হ ॥ পূর্ব॑-ন্দেবা॒ অপ॑রেণা-নু॒পশ্য॒ঞ্জন্ম॑ভিঃ । জন্মা॒ন্যব॑রৈঃ॒ পরা॑ণি । বেদা॑নি দেবা অ॒যম॒স্মীতি॒ মাম্ । অ॒হগ্​ম্ হি॒ত্বা শরী॑র-ঞ্জ॒রসঃ॑ প॒রস্তা᳚ত্ ॥ প্রা॒ণা॒পা॒নৌ চক্ষু॒-শ্শ্রোত্র᳚ম্ । বাচ॒-ম্মন॑সি॒ সম্ভৃ॑তাম্ । হি॒ত্বা শরী॑র-ঞ্জ॒রসঃ॑ প॒রস্তা᳚ত্ । আ ভূতি॒-ম্ভূতিং॑-বঁ॒যম॑শ্নবামহৈ ॥ ই॒মা এ॒ব তা উ॒ষসো॒ যাঃ প্র॑থ॒মা ব্যৌচ্ছন্ন্॑ । তা দে॒ব্যঃ॑ কুর্বতে॒ পঞ্চ॑ রূ॒পা । শশ্ব॑তী॒র্নাব॑পৃজ্যন্তি । ন গ॑ম॒ন্ত্যন্ত᳚ম্ ॥ 29 ॥
(ক॒রো॒ - ম্যব॑র্ত্যৈ - চি - চ্ছুভ্রে - ঽশ্নবামহৈ চ॒ত্বারি॑ চ) (অ. 6)

2.5.7 উপহোমাঃ
বসূ॑না॒-ন্ত্বা-ঽঽধী॑তেন । রু॒দ্রাণা॑মূ॒র্ম্যা । আ॒দি॒ত্যানা॒-ন্তেজ॑সা । বিশ্বে॑ষা-ন্দে॒বানা॒-ঙ্ক্রতু॑না । ম॒রুতা॒মেম্না॑ জুহোমি॒ স্বাহা᳚ ॥ অ॒ভিভূ॑তি-র॒হমাগ॑মম্ । ইন্দ্র॑সখা স্বা॒যুধঃ॑ । আস্বাশা॑সু দু॒ষ্ষহঃ॑ ॥ ই॒দং-বঁর্চো॑ অ॒গ্নিনা॑ দ॒ত্তমাগা᳚ত্ । যশো॒ ভর্গ॒-স্সহ॒ ওজো॒ বল॑-ঞ্চ ॥ 30 ॥

দী॒র্ঘা॒যু॒ত্বায॑ শ॒তশা॑রদায । প্রতি॑গৃভ্ণামি মহ॒তে বী॒র্যা॑য ॥ আযু॑রসি বি॒শ্বাযু॑রসি । স॒র্বাযু॑রসি॒ সর্ব॒মাযু॑রসি । সর্ব॑-ম্ম॒ আযু॑র্ভূযাত্ । সর্ব॒মাযু॑র্গেষম্ ॥ ভূর্ভুব॒-স্সুবঃ॑ ॥ অ॒গ্নি-র্ধর্মে॑ণান্না॒দঃ । মৃ॒ত্যু-র্ধর্মে॒ণান্ন॑পতিঃ । ব্রহ্ম॑ ক্ষ॒ত্রগ্গ্​ স্বাহা᳚ ॥ 31 ॥

প্র॒জাপ॑তিঃ প্রণে॒তা । বৃহ॒স্পতিঃ॑ পুর এ॒তা । য॒মঃ পন্থাঃ᳚ । চ॒ন্দ্রমাঃ᳚ পুনর॒সু-স্স্বাহা᳚ ॥ অ॒গ্নির॑ন্না॒দো-ঽন্ন॑পতিঃ । অ॒ন্নাদ্য॑ম॒স্মিন্. য॒জ্ঞে যজ॑মানায দদাতু॒ স্বাহা᳚ ॥ সোমো॒ রাজা॒ রাজ॑পতিঃ । রা॒জ্যম॒স্মিন্. য॒জ্ঞে যজ॑মানায দদাতু॒ স্বাহা᳚ ॥ বরু॑ণ-স্স॒ম্রা-ট্থ্স॒ম্রাট্প॑তিঃ । সাম্রা᳚জ্যম॒স্মিন্. য॒জ্ঞে যজ॑মানায দদাতু॒ স্বাহা᳚ ॥ 32 ॥

মি॒ত্রঃ, ক্ষ॒ত্র-ঙ্ক্ষ॒ত্রপ॑তিঃ । ক্ষ॒ত্রম॒স্মিন্. য॒জ্ঞে যজ॑মানায দদাতু॒ স্বাহা᳚ ॥ ইন্দ্রো॒ বল॒-ম্বল॑পতিঃ । বল॑ম॒স্মিন্. য॒জ্ঞে যজ॑মানায দদাতু॒ স্বাহা᳚ ॥ বৃহ॒স্পতি॒-র্ব্রহ্ম॒ ব্রহ্ম॑পতিঃ । ব্রহ্মা॒স্মিন্. য॒জ্ঞে যজ॑মানায দদাতু॒ স্বাহা᳚ ॥ স॒বি॒তা রা॒ষ্ট্রগ্​ম্ রা॒ষ্ট্রপ॑তিঃ । রা॒ষ্ট্রম॒স্মিন্. য॒জ্ঞে যজ॑মানায দদাতু॒ স্বাহা᳚ ॥ পূ॒ষা বি॒শাং-বিঁট্প॑তিঃ । বিশ॑ম॒স্মিন্. য॒জ্ঞে যজ॑মানায দদাতু॒ স্বাহা᳚ ॥ সর॑স্বতী॒ পুষ্টিঃ॒ পুষ্টি॑পত্নী । পুষ্টি॑ম॒স্মিন্. য॒জ্ঞে যজ॑মানায দদাতু॒ স্বাহা᳚ ॥ ত্বষ্টা॑ পশূ॒না-ম্মি॑থু॒নানাগ্​ম্॑ রূপ॒কৃ-দ্রূ॒পপ॑তিঃ । রূ॒পেণা॒স্মিন্. য॒জ্ঞে যজ॑মানায প॒শূ-ন্দ॑দাতু॒ স্বাহা᳚ ॥ 33 ॥
(চ - স্বাহা॒ - সাম্রা᳚জ্যম॒স্মিন্. য॒জ্ঞে যজ॑মানায দদাতু॒ স্বাহা॒ - বিশ॑ম॒স্মিন্. য॒জ্ঞে যজ॑মানায দদাতু॒ স্বাহা॑ চ॒ত্বারি॑ চ) (অ. 7)

(অ॒গ্নি-স্সোমো॒ বরু॑ণো মি॒ত্র ইন্দ্রো॒ বৃহ॒স্পতি॑-স্সবি॒তা পূ॒ষা সরস্বতী॒ ত্বষ্টা॒ দশ॑)

2.5.8 উপহোমাঃ
স ঈ᳚-ম্পাহি॒ য ঋ॑জী॒ষী তরু॑ত্রঃ । য-শ্শিপ্র॑বান্ বৃষ॒ভো যো ম॑তী॒নাম্ । যো গো᳚ত্র॒ভি-দ্ব॑জ্র॒ভৃদ্যো হ॑রি॒ষ্ঠাঃ । স ই॑ন্দ্র চি॒ত্রাগ্​ম্ অ॒ভিতৃ॑ন্ধি॒ বাজান্॑ ॥ আ তে॒ শুষ্মো॑ বৃষ॒ভ এ॑তু প॒শ্চাত্ । ওত্ত॒রাদ॑ধ॒রাগা পু॒রস্তা᳚ত্ । আ বি॒শ্বতো॑ অ॒ভি সমে᳚ত্ব॒র্বাম্ । ইন্দ্র॑ দ্যু॒ম্নগ্​ম্ সুব॑র্বদ্ধেহ্য॒স্মে ॥ প্রোষ্ব॑স্মৈ পুরোর॒থম্ । ইন্দ্রা॑য শূ॒ষম॑র্চত ॥ 34 ॥

অ॒ভীকে॑ চিদু লোক॒কৃত্ । স॒ঙ্গে স॒মথ্সু॑ বৃত্র॒হা । অ॒স্মাক॑-ম্বোধি চোদি॒তা । নভ॑ন্তা-মন্য॒কেষা᳚ম্ । জ্যা॒কা অধি॒ ধন্ব॑সু ॥ ইন্দ্রং॑-বঁ॒যগ্​ম্ শু॑না॒সীর᳚ম্ । অ॒স্মিন্. য॒জ্ঞে হ॑বামহে । আবাজৈ॒রুপ॑ নো গমত্ ॥ ইন্দ্রা॑য॒ শুনা॒সীরা॑য । স্রু॒চা জু॑হুত নো হ॒বিঃ ॥ 35 ॥

জু॒ষতা॒-ম্প্রতি॒ মেধি॑রঃ ॥ প্র হ॒ব্যানি॑ ঘৃ॒তব॑ন্ত্যস্মৈ । হর্য॑শ্বায ভরতা স॒জোষাঃ᳚ । ইন্দ্র॒র্তুভি॒-র্ব্রহ্ম॑ণা বাবৃধা॒নঃ । শু॒না॒সী॒রী হ॒বিরি॒দ-ঞ্জু॑ষস্ব ॥ বয॑-স্সুপ॒র্ণা উপ॑সেদু॒রিন্দ্র᳚ম্ । প্রি॒যমে॑ধা॒ ঋষ॑যো॒ নাধ॑মানাঃ । অপ॑ ধ্বা॒ন্তমূ᳚র্ণু॒হি পূ॒র্ধি চক্ষুঃ॑ । মু॒মু॒গ্ধ্য॑স্মা-ন্নি॒ধযে॑ব ব॒দ্ধান্ ॥ বৃ॒হদিন্দ্রা॑য গাযত ॥ 36 ॥

মরু॑তো বৃত্র॒হন্ত॑মম্ । যেন॒ জ্যোতি॒-রজ॑নযন্নৃতা॒বৃধঃ॑ । দে॒ব-ন্দে॒বায॒ জাগৃ॑বি ॥ কা মি॒হৈকাঃ॒ ক ই॒মে প॑ত॒ঙ্গাঃ । মা॒ন্থা॒লাঃ কুলি॒ পরি॑ মা পতন্তি । অনা॑বৃতৈনা॒ন্-প্রধ॑মন্তু দে॒বাঃ । সৌপ॑র্ণ॒-ঞ্চক্ষু॑স্ত॒নুবা॑ বিদেয ॥ এ॒বা ব॑ন্দস্ব॒ বরু॑ণ-ম্বৃ॒হন্ত᳚ম্ । ন॒ম॒স্যা ধীর॑ম॒মৃত॑স্য গো॒পাম্ । স ন॒-শ্শর্ম॑ ত্রি॒বরূ॑থং॒-বিঁযগ্​ম্॑সত্ ॥ 37 ॥

যূ॒য-ম্পা॑ত স্ব॒স্তিভি॒-স্সদা॑ নঃ ॥ নাকে॑ সুপ॒র্ণমুপ॒ যত্-পত॑ন্তম্ । হৃ॒দা বেন॑ন্তো অ॒ভ্যচ॑ক্ষত ত্বা । হির॑ণ্যপক্ষং॒-বঁরু॑ণস্য দূ॒তম্ । য॒মস্য॒ যোনৌ॑ শকু॒ন-ম্ভু॑র॒ণ্যুম্ ॥ শ-ন্নো॑ দে॒বীর॒ভিষ্ট॑যে । আপো॑ ভবন্তু পী॒তযে᳚ । শং-যোঁর॒ভিস্র॑বন্তু নঃ ॥ ঈশা॑না॒ বার্যা॑ণাম্ । ক্ষয॑ন্তী-শ্চর্​ষণী॒নাম্ ॥ 38 ॥

অ॒পো যা॑চামি ভেষ॒জম্ ॥ অ॒ফ্সু মে॒ সোমো॑ অব্রবীত্ । অ॒ন্ত-র্বিশ্বা॑নি ভেষ॒জা । অ॒গ্নি-ঞ্চ॑ বি॒শ্বশ॑ম্ভুবম্ । আপ॑শ্চ বি॒শ্বভে॑ষজীঃ ॥ যদ॒ফ্সু তে॑ সরস্বতি । গোষ্বশ্বে॑ষু॒ যন্মধু॑ । তেন॑ মে বাজিনীবতি । মুখ॑মঙ্গ্ধি সরস্বতি ॥ যা সর॑স্বতী বৈশম্ভ॒ল্যা ॥ 39 ॥

তস্যা᳚-ম্মে রাস্ব । তস্যা᳚স্তে ভক্ষীয । তস্যা᳚স্তে ভূযিষ্ঠ॒ভাজো॑ ভূযাস্ম ॥ অ॒হ-ন্ত্বদ॑স্মি॒ মদ॑সি॒ ত্বমে॒তত্ । মমা॑সি॒ যোনি॒স্তব॒ যোনি॑রস্মি । মমে॒ব সন্বহ॑ হ॒ব্যান্য॑গ্নে । পু॒ত্রঃ পি॒ত্রে লো॑ক॒কৃজ্জা॑তবেদঃ ॥ ই॒হৈব সন্তত্র॒ সন্ত॑-ন্ত্বা ঽগ্নে । প্রা॒ণেন॑ বা॒চা মন॑সা বিভর্মি । তি॒রো মা॒ সন্ত॒মাযু॒র্মা প্রহা॑সীত্ ॥ 40 ॥

জ্যোতি॑ষা ত্বা বৈশ্বান॒রেণোপ॑তিষ্ঠে ॥ অ॒য-ন্তে॒ যোনি॑র্-ঋ॒ত্বিযঃ॑ । যতো॑ জা॒তো অরো॑চথাঃ । ত-ঞ্জা॒নন্ন॑গ্ন॒ আরো॑হ । অথা॑ নো বর্ধযা র॒যিম্ ॥ যা তে॑ অগ্নে য॒জ্ঞিযা॑ ত॒নূস্তযে-হ্যারো॑হা॒ত্মা-ঽঽত্মান᳚ম্ । অচ্ছা॒ বসূ॑নি কৃ॒ণ্বন্ন॒স্মে নর্যা॑ পু॒রূণি॑ । য॒জ্ঞো ভূ॒ত্বা য॒জ্ঞমাসী॑দ॒ স্বাং-যোঁনি᳚ম্ । জাত॑বেদো॒ ভুব॒ আজায॑মান॒-স্সক্ষ॑য॒ এহি॑ ॥ উ॒পাব॑রোহ জাতবেদঃ॒ পুন॒স্ত্বম্ ॥ 41 ॥

দে॒বেভ্যো॑ হ॒ব্যং-বঁ॑হ নঃ প্রজা॒নন্ন্ । আযুঃ॑ প্র॒জাগ্​ম্ র॒যিম॒স্মাসু॑ ধেহি । অজ॑স্রো দীদিহি নো দুরো॒ণে ॥ তমিন্দ্র॑-ঞ্জোহবীমি ম॒ঘবা॑নমু॒গ্রম্ । স॒ত্রাদধা॑ন॒-মপ্র॑তিষ্কুত॒গ্​ম্॒ শবাগ্​ম্॑সি । মগ্​ম্হি॑ষ্ঠো গী॒র্ভিরা চ॑ য॒জ্ঞিযো॑ ঽব॒বর্ত॑ত্ । রা॒যে নো॒ বিশ্বা॑ সু॒পথা॑ কৃণোতু ব॒জ্রী ॥ ত্রিক॑দ্রুকেষু মহি॒ষো যবা॑শির-ন্তুবি॒শুষ্ম॑স্তৃ॒পত্ । সোম॑মপিব॒-দ্বিষ্ণু॑না সু॒তং-যঁথাব॑শত্ । স ঈ᳚-ম্মমাদ॒ মহি॒ কর্ম॒ কর্ত॑বে ম॒হামু॒রুম্ ॥ 42 ॥

সৈনগ্​ম্॑ সশ্চ-দ্দে॒ব-ন্দে॒ব-স্স॒ত্যমিন্দুগ্​ম্॑ স॒ত্য ইন্দ্রঃ॑ ॥ বি॒দদ্যতী॑ স॒রমা॑ রু॒গ্ণমদ্রেঃ᳚ । মহি॒ পাথঃ॑ পূ॒র্ব্যগ্​ম্ স॒দ্ধ্রিয॑ক্কঃ । অগ্র॑-ন্নয-থ্সু॒পদ্যক্ষ॑রাণাম্ । অচ্ছা॒ রব॑-ম্প্রথ॒মা জা॑ন॒তী গা᳚ত্ ॥ বি॒দ-দ্গব্যগ্​ম্॑ স॒রমা॑ দৃ॒ঢমূ॒র্বম্ । যেনা॒ নুক॒-ম্মানু॑ষী॒ ভোজ॑তে॒ বিট্ । আ যে বিশ্বা᳚ স্বপ॒ত্যানি॑ চ॒ক্রুঃ । কৃ॒ণ্বা॒নাসো॑ অমৃত॒ত্বায॑ গা॒তুম্ ॥ ত্ব-ন্নৃভি॑র্নৃপতে দে॒বহূ॑তৌ ॥ 43 ॥

ভূরী॑ণি বৃ॒ত্বা হ॑র্যশ্ব হগ্​ম্সি । ত্ব-ন্নিদ॑স্যু॒-ঞ্চুমু॑রিম্ । ধুনি॒-ঞ্চাস্বা॑পযো দ॒ভীত॑যে সু॒হন্তু॑ ॥ এ॒বা পা॑হি প্র॒ত্নথা॒ মন্দ॑তু ত্বা । শ্রু॒ধি ব্রহ্ম॑ বাবৃধস্বো॒ত গী॒র্ভিঃ । আ॒বি-স্সূর্য॑-ঙ্কৃণু॒হি পী॒পিহী॒ষঃ । জ॒হি শত্রূগ্​ম্॑র॒ভি গা ই॑ন্দ্র তৃন্ধি ॥ অগ্নে॒ বাধ॑স্ব॒ বিমৃধো॑ নুদস্ব । অপামী॑বা॒ অপ॒ রক্ষাগ্​ম্॑সি সেধ । অ॒স্মা-থ্স॑মু॒দ্রা-দ্বৃ॑হ॒তো দি॒বো নঃ॑ ॥ 44 ॥

অ॒পা-ম্ভূ॒মান॒মুপ॑ ন-স্সৃজে॒হ ॥ যজ্ঞ॒ প্রতি॑তিষ্ঠ সুম॒তৌ সু॒শেবা॒ আ ত্বা᳚ । বসূ॑নি পুরু॒ধা বি॑শন্তু । দী॒র্ঘমাযু॒-র্যজ॑মানায কৃ॒ণ্বন্ন্ । অথা॒মৃতে॑ন জরি॒তার॑মঙ্গ্ধি ॥ ইন্দ্র॑-শ্শু॒নাব॒-দ্বিত॑নোতি॒ সীর᳚ম্ । সং॒​বঁ॒থ্স॒রস্য॑ প্রতি॒মাণ॑মে॒তত্ । অ॒র্কস্য॒ জ্যোতি॒স্তদিদা॑স॒ জ্যেষ্ঠ᳚ম্ । সং॒​বঁ॒থ্স॒রগ্​ম্ শু॒নব॒থ্সীর॑মে॒তত্ ॥ ইন্দ্র॑স্য॒ রাধঃ॒ প্রয॑ত-ম্পু॒রু ত্মনা᳚ । তদ॑র্করূ॒পং-বিঁ॒মিমা॑নমেতি । দ্বাদ॑শারে॒ প্রতি॑তিষ্ঠ॒তী-দ্বৃষা᳚ ॥ অ॒শ্বা॒যন্তো॑ গ॒ব্যন্তো॑ বা॒জয॑ন্তঃ । হবা॑মহে॒ ত্বোপ॑গন্ত॒ বা উ॑ । আ॒ভূষ॑ন্তস্ত্বা সুম॒তৌ নবা॑যাম্ । ব॒যমি॑ন্দ্র ত্বা শু॒নগ্​ম্ হু॑বেম ॥ 45 ॥
(অ॒র্চ॒ত॒ - হ॒বি--র্ গা॑যত - যগ্​ম্সচ্ - চর্​ষণী॒নাং - ঁবৈ॑শম্ভ॒ল্যা - হা॑সী॒ত্ - ত্ব - মু॒রুং - দে॒বহূ॑তৌ - নঃ॒ - ত্মনা॒ ষট্ চ॑) (অ. 8)

(প্রা॒ণ - উ॒দেহি॒ - পুন॑র্ন॒ - আ নো॑ ভর - য॒জ্ঞো রা॒যো - বার্ত্র॑হত্যায॒ - বসূ॑না॒গ্​ম্॒ - স ঈ॑-ম্পাহ্য॒ ষ্টৌ)

(প্রা॒ণো র॑ক্ষ॒ - ত্যগৃ॑ভীতা - ধারাব॒রা ম॒রুতো॑ - দীর্ঘাযু॒ত্বায॒ - জ্যোতি॑ষা ত্বা॒ পঞ্চ॑চত্বারিগ্​ম্শত্ )

(প্রা॒ণঃ - শু॒নগ্​ম্ হু॑বেম)

॥ হরিঃ॑ ওম্ ॥

॥ কৃষ্ণ যজুর্বেদীয তৈত্তিরীয ব্রাহ্মণে দ্বিতীযাষ্টকে পঞ্চমঃ প্রপাঠক-স্সমাপ্তঃ ॥