কৃষ্ণ যজুর্বেদীয তৈত্তিরীয ব্রাহ্মণে প্রথমাষ্টকে পঞ্চমঃ প্রপাঠকঃ - নক্ষত্রেষ্টিকাণ্ডম্

ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥

অনুবাকং 1 - নক্ষত্রেষ্টকামন্ত্রাঃ, বিকৃতিরূপচযনগতাঃ

অ॒গ্নেঃ কৃত্তি॑কাঃ । শু॒ক্র-ম্প॒রস্তা॒-জ্জ্যোতি॑-র॒বস্তা᳚ত্ ॥ প্র॒জাপ॑তে রোহি॒ণী । আপঃ॑ প॒রস্তা॒দোষ॑ধযো॒ ঽবস্তা᳚ত্ ॥ সোম॑স্যেন্ব॒কা বিত॑তানি । প॒রস্তা॒দ্বয॑ন্তো॒ ঽবস্তা᳚ত্ ॥ রু॒দ্রস্য॑ বা॒হূ । মৃ॒গ॒যবঃ॑ প॒রস্তা᳚দ্বিক্ষা॒রো॑-ঽবস্তা᳚ত্ ॥ অদি॑ত্যৈ॒ পুন॑র্বসূ । বাতঃ॑ প॒রস্তা॑দা॒র্দ্র-ম॒বস্তা᳚ত্ ॥ 1 ॥

বৃহ॒স্পতে᳚স্তি॒ষ্যঃ॑ । জুহ্ব॑তঃ প॒রস্তা॒-দ্যজ॑মানা অ॒বস্তা᳚ত্ ॥ স॒র্পাণা॑-মাশ্রে॒ষাঃ । অ॒ভ্যা॒গচ্ছ॑ন্তঃ প॒রস্তা॑দভ্যা॒নৃত্য॑ন্তো॒-ঽবস্তা᳚ত্ ॥ পি॒তৃ॒ণা-ম্ম॒ঘাঃ । রু॒দন্তঃ॑ প॒রস্তা॑দপভ্র॒গ্​ম্॒শো॑-ঽবস্তা᳚ত্ ॥ অ॒র্য॒ম্ণঃ পূর্বে॒ ফল্গু॑নী । জা॒যা প॒রস্তা॑দৃষ॒ভো॑-ঽবস্তা᳚ত্ ॥ ভগ॒স্যোত্ত॑রে । ব॒হ॒তবঃ॑ প॒রস্তা॒দ্বহ॑মানা অ॒বস্তা᳚ত্ ॥ 2 ॥

দে॒বস্য॑ সবি॒তুর্-হস্তঃ॑ । প্র॒স॒বঃ প॒রস্তা᳚-থ্স॒নির॒বস্তা᳚ত্ ॥ ইন্দ্র॑স্য চি॒ত্রা । ঋ॒ত-ম্প॒রস্তা᳚-থ্স॒ত্য-ম॒বস্তা᳚ত্ ॥ বা॒যো-র্নিষ্ট্যা᳚ ব্র॒ততিঃ॑ । প॒রস্তা॒-দসি॑দ্ধি-র॒বস্তা᳚ত্ ॥ ই॒ন্দ্রা॒গ্নি॒যো-র্বিশা॑খে । যু॒গানি॑ প॒রস্তা᳚ত্-কৃ॒ষমা॑ণা অ॒বস্তা᳚ত্ ॥ মি॒ত্রস্যা॑-নূরা॒ধাঃ । অ॒ভ্যা॒রোহ॑ত্-প॒রস্তা॑-দ॒ভ্যারূ॑ঢ-ম॒বস্তা᳚ত্ ॥ 3 ॥

ইন্দ্র॑স্য রোহি॒ণী । শৃ॒ণত্-প॒রস্তা᳚ত্-প্রতিশৃ॒ণ-দ॒বস্তা᳚ত্ ॥ নির্-ঋ॑ত্যৈ-মূল॒বর্​হ॑ণী । প্র॒তি॒ভ॒ঞ্জন্তঃ॑ প॒রস্তা᳚ত্-প্রতিশৃ॒ণন্তো॒-ঽবস্তা᳚ত্ ॥ অ॒পা-ম্পূর্বা॑ অষা॒ঢাঃ । বর্চঃ॑ প॒রস্তা॒-থ্সমি॑তি-র॒বস্তা᳚ত্ ॥ বিশ্বে॑ষা-ন্দে॒বানা॒-মুত্ত॑রাঃ । অ॒ভি॒জয॑ত্-প॒রস্তা॑-দ॒ভিজি॑ত-ম॒বস্তা᳚ত্ ॥ বি॒ষ্ণো᳚-শ্শ্রো॒ণা পৃ॒চ্ছমা॑নাঃ । প॒রস্তা॒ত্-পন্থা॑ অ॒বস্তা᳚ত্ ॥ 4 ॥

বসূ॑না॒গ্॒ শ্রবি॑ষ্ঠাঃ । ভূ॒ত-ম্প॒রস্তা॒-দ্ভূতি॑র॒বস্তা᳚ত্ ॥ ইন্দ্র॑স্য-শ॒তভি॑ষক্ । বি॒শ্বব্য॑চাঃ প॒রস্তা᳚-দ্বি॒শ্বক্ষি॑তি-র॒বস্তা᳚ত্ ॥ অ॒জস্যৈক॑পদঃ॒ পূর্বে᳚ প্রোষ্ঠপ॒দাঃ । বৈ॒শ্বা॒ন॒র-ম্প॒রস্তা᳚-দ্বৈশ্বাবস॒ব-ম॒বস্তা᳚ত্ ॥ অহে᳚র্বু॒ধ্নিয॒-স্যোত্ত॑রে । অ॒ভি॒ষি॒ঞ্চন্তঃ॑ প॒রস্তা॑-দভিষু॒ণ্বন্তো॒-ঽবস্তা᳚ত্ ॥ পূ॒ষ্ণো রে॒বতী᳚ । গাবঃ॑ প॒রস্তা᳚-দ্ব॒থ্সা অ॒বস্তা᳚ত্ ॥ অ॒শ্বিনো॑রশ্ব॒যুজৌ᳚ । গ্রামঃ॑ প॒রস্তা॒থ্সেনা॒ ঽবস্তা᳚ত্ ॥ য॒মস্যা॑প॒ভর॑ণীঃ । অ॒প॒কর্​ষ॑ন্তঃ প॒রস্তা॑-দপ॒বহ॑ন্তো॒-ঽবস্তা᳚ত্ ॥ পূ॒র্ণা প॒শ্চাদু॒ত পূ॒র্ণা পু॒রস্তা॒দুন্ম॑ধ্য॒তঃ পৌ᳚র্ণমা॒সী জি॑গায । তস্যা᳚-ন্দে॒বা অধি॑ সং॒​বঁস॑ন্ত উত্ত॒মে নাক॑ ই॒হ মা॑দযন্তাম্ ॥, যত্তে॑ দে॒বা অদ॑ধু র্ভাগ॒ধেয॒মমা॑বাস্যে সং॒​বঁস॑ন্তো মহি॒ত্বা । সানো॑ য॒জ্ঞ-ম্পি॑পৃহি বিশ্ববারে র॒যি-ন্নো॑ ধেহি সুভগে সু॒বীর᳚ম্ ॥ ॥ 5 ॥
(আ॒র্দ্রম॒বস্তা॒-দ্- বহ॑মানা অ॒বস্তা॑ - দ॒ভ্যারূ॑ঢম॒বস্তা॒ত্ - পন্থা॑ অ॒বস্তা᳚-দ্- ব॒থ্সা অ॒বস্তা॒-ত্পঞ্চ॑ চ) (অ. 1)

অনুবাকং 2 - কর্মানুষ্ঠানার্​হঃ নক্ষত্ররূপঃ পুণ্যকালঃ
য-ত্পুণ্য॒-ন্নক্ষ॑ত্রম্ । ত-দ্ব-ট্কু॑র্বীতোপব্যু॒ষম্ । য॒দা বৈ সূর্য॑ উ॒দেতি॑ । অথ॒ নক্ষ॑ত্র॒-ন্নৈতি॑ । যাব॑তি॒ তত্র॒ সূর্যো॒ গচ্ছে᳚ত্ । যত্র॑ জঘ॒ন্য॑-ম্পশ্যে᳚ত্ । তাব॑তি কুর্বীত য-ত্কা॒রী স্যাত্ । পু॒ণ্যা॒হ এ॒ব কু॑রুতে । এ॒বগ্​ম্ হ॒ বৈ য॒জ্ঞেষু॑-ঞ্চ শ॒তদ্যু॑ম্ন-ঞ্চ মা॒থ্স্যো নি॑রবসায॒যা-ঞ্চ॑কার ॥ 6 ॥

যো বৈ ন॑ক্ষ॒ত্রিয॑-ম্প্র॒জাপ॑তিং॒-বেঁদ॑ । উ॒ভযো॑রেনং-লোঁ॒কযো᳚র্বিদুঃ । হস্ত॑ এ॒বাস্য॒ হস্তঃ॑ । চি॒ত্রা শিরঃ॑ । নিষ্ট্যা॒ হৃদ॑যম্ । ঊ॒রূ বিশা॑খে । প্র॒তি॒ষ্ঠা ঽনূ॑রা॒ধাঃ । এ॒ষ বৈ ন॑ক্ষ॒ত্রিযঃ॑ প্র॒জাপ॑তিঃ । য এ॒বং-বেঁদ॑ । উ॒ভযো॑রেনং-লোঁ॒কযো᳚র্বিদুঃ ॥ 7 ॥

অ॒স্মিগ্গ্​শ্চা॒-মুষ্মিগ্গ্॑শ্চ ॥ যা-ঙ্কা॒মযে॑ত দুহি॒তর॑-ম্প্রি॒যা স্যা॒দিতি॑ । তা-ন্নিষ্ট্যা॑যা-ন্দদ্যাত্ । প্রি॒যৈব ভ॑বতি । নেব॒ তু পুন॒রাগ॑চ্ছতি ॥ অ॒ভি॒জিন্নাম॒ নক্ষ॑ত্রম্ । উ॒পরি॑ষ্টা-দষা॒ঢানা᳚ম্ । অ॒বস্তা᳚চ্ছ্রো॒ণাযৈ᳚ । দে॒বা॒সু॒রা-স্সং​যঁ॑ত্তা আসন্ন্ । তে দে॒বাস্তস্মি॒-ন্নক্ষ॑ত্রে॒-ঽভ্য॑জযন্ন্ ॥ 8 ॥

যদ॒ভ্যজ॑যন্ন্ । তদ॑ভি॒জিতো॑-ঽভিজি॒ত্ত্বম্ । য-ঙ্কা॒মযে॑তা-নপজ॒য্য-ঞ্জ॑যে॒দিতি॑ । তমে॒তস্মি॒-ন্নক্ষ॑ত্রে যাতযেত্ । অ॒ন॒প॒জ॒য্যমে॒ব জ॑যতি । পা॒পপ॑রাজিতমিব॒ তু ॥ প্র॒জাপ॑তিঃ প॒শূন॑সৃজত । তে নক্ষ॑ত্র-ন্নক্ষত্র॒-মুপা॑তিষ্ঠন্ত । তে স॒মাব॑ন্ত এ॒বাভ॑বন্ন্ । তে রে॒বতী॒-মুপা॑তিষ্ঠন্ত ॥ 9 ॥

তে রে॒বত্যা॒-ম্প্রাভ॑বন্ন্ । তস্মা᳚-দ্রে॒বত্যা᳚-ম্পশূ॒না-ঙ্কু॑র্বীত । য-ত্কিঞ্চা᳚র্বা॒চীন॒গ্​ম্॒ সোমা᳚ত্ । প্রৈব ভ॑বন্তি ॥ স॒লি॒লং-বাঁ ই॒দম॑ন্ত॒রাসী᳚ত্ । যদত॑রন্ন্ । ত-ত্তার॑কাণা-ন্তারক॒ত্বম্ । যো বা ই॒হ যজ॑তে । অ॒মুগ্​ম্ সলো॒ক-ন্ন॑ক্ষতে । তন্নক্ষ॑ত্রাণা-ন্নক্ষত্র॒ত্বম্ ॥ 10 ॥

দে॒ব॒গৃ॒হা বৈ নক্ষ॑ত্রাণি । য এ॒বং-বেঁদ॑ । গৃ॒হ্যে॑ব ভ॑বতি ॥ যানি॒ বা ই॒মানি॑ পৃথি॒ব্যাশ্চি॒ত্রাণি॑ । তানি॒ নক্ষ॑ত্রাণি । তস্মা॑-দশ্লী॒লনা॑মগ্গ্​-শ্চি॒ত্রে । নাব॑স্যে॒ন্ন য॑জেত । যথা॑ পাপা॒হে কু॑রু॒তে । তা॒দৃগে॒ব তত্ ॥ দে॒ব॒ন॒ক্ষ॒ত্রাণি॒ বা অ॒ন্যানি॑ ॥ 11 ॥

য॒ম॒ন॒ক্ষ॒ত্রাণ্য॒ন্যানি॑ । কৃত্তি॑কাঃ প্রথ॒মম্ । বিশা॑খে উত্ত॒মম্ । তানি॑ দেবনক্ষ॒ত্রাণি॑ । অ॒নূ॒রা॒ধাঃ প্র॑থ॒মম্ । অ॒প॒ভর॑ণী-রুত্ত॒মম্ । তানি॑ যমনক্ষ॒ত্রাণি॑ । যানি॑ দেবনক্ষ॒ত্রাণি॑ । তানি॒ দক্ষি॑ণেন॒ পরি॑যন্তি । যানি॑ যমনক্ষ॒ত্রাণি॑ ॥ 12 ॥

তান্যুত্ত॑রেণ ॥ অন্বে॑ষামরা॒থ্স্মেতি॑ । তদ॑নূরা॒ধাঃ । জ্যে॒ষ্ঠমে॑ষা-মবধি॒ষ্মেতি॑ । তজ্জ্যে᳚ষ্ঠ॒ঘ্নী । মূল॑মেষামবৃক্ষা॒মেতি॑ । ত-ন্মূ॑ল॒বর্​হ॑ণী । যন্নাস॑হন্ত । তদ॑ষা॒ঢাঃ । যদশ্লো॑ণত্ ॥ 13 ॥

তচ্ছ্রো॒ণা । যদশৃ॑ণোত্ । তচ্ছ্রবি॑ষ্ঠাঃ । যচ্ছ॒ত-মভি॑ষজ্যন্ন্ । তচ্ছ॒তভি॑ষক্ । প্রো॒ষ্ঠ॒প॒দেষূদ॑যচ্ছন্ত । রে॒বত্যা॑মরবন্ত । অ॒শ্ব॒যুজো॑রযুঞ্জত । অ॒প॒ভর॑ণী॒ষ্ব পা॑বহন্ন্ । তানি॒ বা এ॒তানি॑ যমনক্ষ॒ত্রাণি॑ ॥ যান্যে॒ব দে॑বনক্ষ॒ত্রাণি॑ । তেষু॑ কুর্বীত যত্কা॒রী স্যাত্ । পু॒ণ্যা॒হ এ॒ব কু॑রুতে ॥ 14 ॥
(চ॒কা॒ - রৈ॒বং-বেঁদো॒ভযো॑ রেনং-লোঁ॒কযো᳚র্বিদু - রজযন্ - রে॒বতী॒মুপা॑তিষ্ঠন্ত - নক্ষত্র॒ত্ব - ম॒ন্যানি॒ - যানি॑ যমনক্ষ॒ত্রা - ণ্যশ্লো॑ণ--দ্যমনক্ষ॒ত্রাণি॒ ত্রীণি॑ চ) (অ. 2)

অনুবাকং 3 - কর্মানুষ্ঠানার্​হঃ দিবসভাগরূপঃ হেযোপাদেযকাল বিভাগঃ
দে॒বস্য॑ সবি॒তুঃ প্রা॒তঃ প্র॑স॒বঃ প্রা॒ণঃ । বরু॑ণস্য সা॒যমা॑স॒বো॑-ঽপা॒নঃ ॥ য-ত্প্র॑তী॒চীন॑-ম্প্রাত॒স্তনা᳚ত্ । প্রা॒চীনগ্​ম্॑ সঙ্গ॒বাত্ । ততো॑ দে॒বা অ॑গ্নিষ্টো॒ম-ন্নির॑মিমত । তত্-তদাত্ত॑বীর্য-ন্নির্মা॒র্গঃ ॥ মি॒ত্রস্য॑ সঙ্গ॒বঃ । তত্-পুণ্য॑-ন্তেজ॒স্ব্যহঃ॑ ।
তস্মা॒ত্তর্​হি॑ প॒শব॑-স্স॒মায॑ন্তি ॥ য-ত্প্র॑তী॒চীনগ্​ম্॑ সঙ্গ॒বাত্ ॥ 15 ॥

প্রা॒চীন॑-ম্ম॒দ্ধ্যন্দি॑নাত্ । ততো॑ দে॒বা উ॒ক্থ্য॑-ন্নির॑মিমত । তত্-তদাত্ত॑বীর্য-ন্নির্মা॒র্গঃ ॥ বৃহ॒স্পতে᳚-র্ম॒দ্ধ্যন্দি॑নঃ । তত্-পুণ্য॑-ন্তেজ॒স্ব্যহঃ॑ । তস্মা॒ত্তর্​হি॒ তেক্ষ্ণি॑ষ্ঠ-ন্তপতি ॥ যত্-প্র॑তী॒চীন॑-ম্ম॒দ্ধ্যন্দি॑নাত্ । প্রা॒চীন॑-মপরা॒হ্ণাত্ । ততো॑ দে॒বা-ষ্ষো॑ড॒শিন॒-ন্নির॑মিমত । তত্তদাত্ত॑বীর্য-ন্নির্মা॒র্গঃ ॥ 16 ॥

ভগ॑স্যাপরা॒হ্ণঃ । তত্-পুণ্য॑-ন্তেজ॒স্ব্যহঃ॑ । তস্মা॑দপরা॒হ্ণে কু॑মা॒র্যো॑ ভগ॑মি॒চ্ছমা॑না-শ্চরন্তি ॥ যত্-প্র॑তী॒চীন॑মপরা॒হ্ণাত্ । প্রা॒চীনগ্​ম্॑ সা॒যাত্ । ততো॑ দে॒বা অ॑তিরা॒ত্র-ন্নির॑মিমত । তত্তদাত্ত॑বীর্য-ন্নির্মা॒র্গঃ ॥ বরু॑ণস্য সা॒যম্ । তত্-পুণ্য॑-ন্তেজ॒স্ব্যহঃ॑ । তস্মা॒ত্তর্​হি॒ নানৃ॑তং-বঁদেত্ ॥ 17 ॥

ব্রা॒হ্ম॒ণো বা অ॑ষ্টাবি॒গ্​ম্॒শো নক্ষ॑ত্রাণাম্ । স॒মা॒নস্যাহ্নঃ॒ পঞ্চ॒ পুণ্যা॑নি॒ নক্ষ॑ত্রাণি । চ॒ত্বার্য॑শ্লী॒লানি॑ । তানি॒ নব॑ । যচ্চ॑ প॒রস্তা॒ন্নক্ষ॑ত্রাণাং॒-যঁচ্চা॒বস্তা᳚ত্ । তান্যেকা॑দশ । ব্রা॒হ্ম॒ণো দ্বা॑দ॒শঃ । য এ॒বং-বিঁ॒দ্বান্-থ্সং॑​বঁথ্স॒রং-ব্রঁ॒ত-ঞ্চর॑তি । সং॒​বঁ॒থ্স॒রেণৈ॒বাস্য॑ ব্র॒ত-ঙ্গু॒প্ত-ম্ভ॑বতি ॥ স॒মা॒নস্যাহ্নঃ॒ পঞ্চ॒ পুণ্যা॑নি॒ নক্ষ॑ত্রাণি । চ॒ত্বার্য॑শ্লী॒লানি॑ । তানি॒ নব॑ । আ॒গ্নে॒যী রাত্রিঃ॑ । ঐ॒ন্দ্রমহঃ॑ । তান্যেকা॑দশ । আ॒দি॒ত্যো দ্বা॑দ॒শঃ । য এ॒বং-বিঁ॒দ্বান্-থ্সং॑​বঁথ্স॒রং-ব্রঁ॒ত-ঞ্চর॑তি । সং॒​বঁ॒থ্স॒রেণৈ॒বাস্য॑ ব্র॒ত-ঙ্গু॒প্ত-ম্ভ॑বতি ॥ 18 ॥
(স॒ঙ্গ॒বাথ্ - ষো॑ড॒শিন॒-ন্নির॑মিমত॒ তত্তদাত্ত॑বীর্য-ন্নির্মা॒গো - ব॑দে-দ্- ভবতি সমা॒নস্যাহ্নঃ॒ পঞ্চ॒ পুণ্যা॑নি॒ নক্ষ॑ত্রাণ্য॒ষ্টৌ চ॑) (অ. 3)

অনুবাকং 4 - সোমশেষভূতা পাত্রস্তুতিঃ.(আধ্বরব্রাহ্মণশেষঃ)
ব্র॒হ্ম॒বা॒দিনো॑ বদন্তি । কতি॒ পাত্রা॑ণি য॒জ্ঞং-বঁ॑হ॒ন্তীতি॑ । ত্রযো॑দ॒শেতি॑ ব্রূযাত্ । স যদ্ব্রূ॒যাত্ । কস্তানি॒ নির॑মিমী॒তেতি॑ । প্র॒জাপ॑তি॒রিতি॑ ব্রূযাত্ । স যদ্ব্রূ॒যাত্ । কুত॒স্তানি॒ নির॑মিমী॒তেতি॑ । আ॒ত্মন॒ ইতি॑ । প্রা॒ণা॒পা॒নাভ্যা॑-মে॒বোপাগ্॑-শ্বন্তর্যা॒মৌ নির॑মিমীত ॥ 19 ॥

ব্যা॒নাদু॑পাগ্​ম্শু॒ সব॑নম্ । বা॒চ ঐ᳚ন্দ্রবায॒বম্ । দ॒ক্ষ॒ক্র॒তুভ্যা᳚-ম্মৈত্রাবরু॒ণম্ । শ্রোত্রা॑দাশ্বি॒নম্ । চক্ষু॑ষ-শ্শু॒ক্রা ম॒ন্থিনৌ᳚ । আ॒ত্মন॑ আগ্রয॒ণম্ । অঙ্গে᳚ভ্য উ॒ক্থ্য᳚ম্ । আযু॑ষো ধ্রু॒বম্ । প্র॒তি॒ষ্ঠাযা॑ ঋতুপা॒ত্রে ॥ য॒জ্ঞং-বাঁব ত-ম্প্র॒জাপ॑তি॒-র্নির॑মিমীত । স নির্মি॑তো॒ নাদ্ধ্রি॑যত॒ সম॑ব্লীযত । স এ॒তা-ন্প্র॒জাপ॑তি-রপিবা॒পান॑-পশ্যত্ । তান্নির॑বপত্ । তৈর্বৈ স য॒জ্ঞমপ্য॑বপত্ । যদ॑পিবা॒পা ভব॑ন্তি । য॒জ্ঞস্য॒ ধৃত্যা॒ অসং॑​ব্লঁযায ॥ 20 ॥
(উ॒পা॒গ্॒শ্ব॒ন্ত॒র্যা॒মৌ নির॑মিমীতা- মিমীত॒ ষট্ চ॑) (অ. 4)

অনুবাকং 5 - চাতুর্মাস্যশেষা বপনমন্ত্রাঃ, (রাজসূযব্রাহ্মণম্)
ঋ॒তমে॒ব প॑রমে॒ষ্ঠি । ঋ॒ত-ন্নাত্যে॑তি॒ কি-ঞ্চ॒ন । ঋ॒তে স॑মু॒দ্র আহি॑তঃ । ঋ॒তে ভূমি॑রি॒যগ্গ্​ শ্রি॒তা । অ॒গ্নিস্তি॒গ্মেন॑ শো॒চিষা᳚ । তপ॒ আক্রা᳚ন্ত-মু॒ষ্ণিহা᳚ । শির॒স্তপ॒স্যাহি॑তম্ । বৈ॒শ্বা॒ন॒রস্য॒ তেজ॑সা । ঋ॒তেনা᳚স্য॒ নিব॑র্তযে । স॒ত্যেন॒ পরি॑বর্তযে ॥ 21 ॥

তপ॑সা॒-ঽস্যানু॑বর্তযে । শি॒বেনা॒স্যোপ॑বর্তযে । শ॒গ্মেনা᳚স্যা॒-ভিব॑র্তযে । তদৃ॒ত-ন্ত-থ্স॒ত্যম্ । ত-দ্ব্র॒ত-ন্তচ্ছ॑কেযম্ । তেন॑ শকেয॒-ন্তেন॑ রাদ্ধ্যাসম্ ॥ য-দ্ঘ॒র্মঃ প॒র্যব॑র্তযত্ । অন্তা᳚-ন্পৃথি॒ব্যা দি॒বঃ । অ॒গ্নিরীশা॑ন॒ ওজ॑সা । বরু॑ণো ধী॒তিভি॑-স্স॒হ ॥ 22 ॥

ইন্দ্রো॑ ম॒রুদ্ভি॒-স্সখি॑ভি-স্স॒হ ॥ অ॒গ্নিস্তি॒গ্মেন॑ শো॒চিষা᳚ । তপ॒ আক্রা᳚ন্ত-মু॒ষ্ণিহা᳚ । শির॒স্তপ॒স্যাহি॑তম্ । বৈ॒শ্বা॒ন॒রস্য॒ তেজ॑সা । ঋ॒তেনা᳚স্য॒ নিব॑র্তযে । স॒ত্যেন॒ পরি॑বর্তযে । তপ॑সা॒ ঽস্যানু॑বর্তযে । শি॒বেনা॒স্যোপ॑বর্তযে । শ॒গ্মেনা᳚স্যা॒ভিব॑র্তযে ॥ 23 ॥

তদৃ॒ত-ন্ত-থ্স॒ত্যম্ । ত-দ্ব্র॒ত-ন্তচ্ছ॑কেযম্ । তেন॑ শকেয॒-ন্তেন॑ রাদ্ধ্যাসম্ ॥ যো অ॒স্যাঃ পৃ॑থি॒ব্যাস্ত্ব॒চি । নি॒ব॒র্তয॒ত্যোষ॑ধীঃ । অ॒গ্নিরীশা॑ন॒ ওজ॑সা । বরু॑ণো ধী॒তিভি॑-স্স॒হ । ইন্দ্রো॑ ম॒রুদ্ভি॒-স্সখি॑ভি-স্স॒হ ॥ অ॒গ্নিস্তি॒গ্মেন॑ শো॒চিষা᳚ । তপ॒ আক্রা᳚ন্ত-মু॒ষ্ণিহা᳚ ॥ 24 ॥

শির॒স্তপ॒স্যাহি॑তম্ । বৈ॒শ্বা॒ন॒রস্য॒ তেজ॑সা । ঋ॒তেনা᳚স্য॒ নিব॑র্তযে । স॒ত্যেন॒ পরি॑বর্তযে । তপ॑সা॒ ঽস্যানু॑বর্তযে । শি॒বেনা॒স্যোপ॑বর্তযে । শ॒গ্মেনা᳚স্যা॒-ভিব॑র্তযে । তদৃ॒ত-ন্ত-থ্স॒ত্যম্ । ত-দ্ব॒ত-ন্তচ্ছ॑কেযম্ । তেন॑ শকেয॒-ন্তেন॑ রাদ্ধ্যাসম্ ॥ 25 ॥

এক॒-ম্মাস॒-মুদ॑সৃজত্ । প॒র॒মে॒ষ্ঠী প্র॒জাভ্যঃ॑ । তেনা᳚ভ্যো॒ মহ॒ আব॑হত্ । অ॒মৃত॒-ম্মর্ত্যা᳚ভ্যঃ । প্র॒জামনু॒ প্রজা॑যসে । তদু॑ তে মর্ত্যা॒মৃত᳚ম্ । যেন॒ মাসা॑ অর্ধমা॒সাঃ । ঋ॒তবঃ॑ পরিবথ্স॒রাঃ । যেন॒ তে তে᳚ প্রজাপতে । ঈ॒জা॒নস্য॒ ন্যব॑র্তযন্ন্ ॥ 26 ॥

তেনা॒হম॒স্য ব্রহ্ম॑ণা । নিব॑র্তযামি জী॒বসে᳚ ॥ অ॒গ্নিস্তি॒গ্মেন॑ শো॒চিষা᳚ । তপ॒ আক্রা᳚ন্ত-মু॒ষ্ণিহা᳚ । শির॒স্তপ॒স্যাহি॑তম্ । বৈ॒শ্বা॒ন॒রস্য॒ তেজ॑সা । ঋ॒তেনা᳚স্য॒ নিব॑র্তযে । স॒ত্যেন॒ পরি॑বর্তযে । তপ॑সা॒ ঽস্যানু॑বর্তযে । শি॒বেনা॒স্যোপ॑বর্তযে । শ॒গ্মেনা᳚স্যা॒ভিব॑র্তযে । তদৃ॒ত-ন্ত-থ্স॒ত্যম্ । ত-দ্ব্র॒ত-ন্তচ্ছ॑কেযম্ । তেন॑ শকেয॒-ন্তেন॑ রাদ্ধ্যাসম্ ॥ 27 ॥
(পরি॑বর্তযে - স॒হা - ভিব॑র্তয - উ॒ষ্ণিহা॑ - রাদ্ধ্যাসং॒ - ন্যব॑র্তয॒ন্ - নুপ॑বর্তযে চ॒ত্বারি॑ চ) (অ. 5)

অনুবাকং 6 - চাতুর্মাস্যশেষা বপনবিধিঃ (রাজসূযব্রাহ্মণম্)
দে॒বা বৈ য-দ্য॒জ্ঞে ঽকু॑র্বত । তদসু॑রা অকুর্বত । তে-ঽসু॑রা ঊ॒র্ধ্ব-ম্পৃ॒ষ্ঠেভ্যো॒ নাপ॑শ্যন্ন্ । তে কেশা॒নগ্রে॑-ঽবপন্ত । অথ॒ শ্মশ্রূ॑ণি । অথো॑পপ॒ক্ষৌ । তত॒স্তে-ঽবা᳚ঞ্চ আযন্ন্ । পরা॑-ঽভবন্ন্ । যস্যৈ॒বং-বঁপ॑ন্তি । অবাং॑এতি ॥ 28 ॥

অথো॒ পরৈ॒ব ভ॑বতি । অথ॑ দে॒বা ঊ॒র্ধ্ব-ম্পৃ॒ষ্ঠেভ্যো॑-ঽপশ্যন্ন্ । ত উ॑পপ॒ক্ষাবগ্রে॑-ঽবপন্ত । অথ॒ শ্মশ্রূ॑ণি । অথ॒ কেশান্॑ । তত॒স্তে॑-ঽভবন্ন্ । সু॒ব॒র্গং-লোঁ॒কমা॑যন্ন্ । যস্যৈ॒বং-বঁপ॑ন্তি । ভব॑ত্যা॒ত্মনা᳚ । অথো॑ সুব॒র্গং-লোঁ॒কমে॑তি ॥ 29 ॥

অথৈ॒ত-ন্মনু॑-র্ব॒প্ত্রে মি॑থু॒ন-ম॑পশ্যত্ । স শ্মশ্রূ॒ণ্যগ্রে॑-ঽবপত । অথো॑পপ॒ক্ষৌ । অথ॒ কেশান্॑ । ততো॒ বৈ স প্রাজা॑যত প্র॒জযা॑ প॒শুভিঃ॑ । যস্যৈ॒বং-বঁপ॑ন্তি । প্র প্র॒জযা॑ প॒শুভি॑-র্মিথু॒নৈ-র্জা॑যতে ॥ দে॒বা॒সু॒রা-স্সং​যঁ॑ত্তা আসন্ন্ । তে সং॑​বঁথ্স॒রে ব্যায॑চ্ছন্ত । তা-ন্দে॒বাশ্চা॑তু-র্মা॒স্যৈরে॒বাভি প্রাযু॑ঞ্জত ॥ 30 ॥

বৈ॒শ্ব॒দে॒বেন॑ চ॒তুরো॑ মা॒সো॑-ঽবৃঞ্জ॒তেন্দ্র॑রাজানঃ । তাঞ্ছী॒র্॒ষন্নি চাব॑র্তযন্ত॒ পরি॑ চ । ব॒রু॒ণ॒ প্র॒ঘা॒সৈ-শ্চ॒তুরো॑ মা॒সো॑-ঽবৃঞ্জত॒ বরু॑ণরাজানঃ । তাঞ্ছী॒র্॒ষন্নি চাব॑র্তযন্ত॒ পরি॑ চ । সা॒ক॒মে॒ধৈশ্চ॒তুরো॑ মা॒সো॑-ঽবৃঞ্জত॒ সোম॑রাজানঃ । তাঞ্ছী॒র॒.ষন্নি চাব॑র্তযন্ত॒ পরি॑ চ । যা সং॑​বঁথ্স॒র উ॑পজী॒বা ঽঽসী᳚ত্ । তামে॑ষা-মবৃঞ্জত । ততো॑ দে॒বা অভ॑বন্ন্ । পরা-ঽসু॑রাঃ ॥ 31 ॥

য এ॒বং-বিঁ॒দ্বাগ্​-শ্চা॑তুর্মা॒স্যৈ-র্যজ॑তে । ভ্রাতৃ॑ব্যস্যৈ॒ব মা॒সো বৃ॒ক্ত্বা । শী॒র্॒ষন্নি চ॑ ব॒র্তয॑তে॒ পরি॑ চ । যৈষা সং॑​বঁথ্স॒র উ॑পজী॒বা । বৃ॒ঙ্ক্তে তা-ম্ভ্রাতৃ॑ব্যস্য । ক্ষু॒ধা ঽস্য॒ ভ্রাতৃ॑ব্যঃ॒ পরা॑ ভবতি ॥ লো॒হি॒তা॒য॒সেন॒ নিব॑র্তযতে । যদ্বা ই॒মাম॒গ্নির্-ঋ॒তাবাগ॑তে নিব॒র্তয॑তি । এ॒তদে॒বৈনাগ্​ম্॑ রূ॒প-ঙ্কৃ॒ত্বা নিব॑র্তযতি । সা তত॒-শ্শ্ব-শ্শ্বো॒ ভূয॑সী॒ ভব॑ন্ত্যেতি ॥ 32 ॥

প্রজা॑যতে । য এ॒বং-বিঁ॒দ্বাঁল্লো॑হিতায॒সেন॑ নিব॒র্তয॑তে । এ॒তদে॒ব রূ॒প-ঙ্কৃ॒ত্বা নিব॑র্তযতে । স তত॒-শ্শ্ব-শ্শ্বো॒ ভূযা॒ন্-ভব॑ন্নেতি । প্রৈব জা॑যতে ॥ ত্রে॒ণ্যা শ॑ল॒ল্যা নিব॑র্তযেত । ত্রীণি॑ ত্রীণি॒ বৈ দে॒বানা॑মৃ॒দ্ধানি॑ । ত্রীণি॒ ছন্দাগ্​ম্॑সি । ত্রীণি॒ সব॑নানি । ত্রয॑ ই॒মে লো॒কাঃ ॥ 33 ॥

ঋ॒দ্ধ্যামে॒ব ত-দ্বী॒র্য॑ এ॒ষু লো॒কেষু॒ প্রতি॑ তিষ্ঠতি ॥ যচ্চা॑তুর্মাস্যযা॒-জ্যা᳚ত্মনো॒ নাব॒দ্যেত্ । দে॒বেভ্য॒ আবৃ॑শ্চ্যেত । চ॒তৃ॒ষু চ॑তৃষু॒ মাসে॑ষু॒ নিব॑র্তযেত । প॒রোক্ষ॑মে॒ব ত-দ্দে॒বেভ্য॑ আ॒ত্মনো-ঽব॑দ্য॒ত্যনা᳚ ব্রস্কায ॥ দে॒বানাং॒-বাঁ এ॒ষ আনী॑তঃ । যশ্চা॑তুর্মাস্যযা॒জী । য এ॒বং-বিঁ॒দ্বান্নি চ॑ ব॒র্তয॑তে॒ পরি॑ চ । দে॒বতা॑ এ॒বাপ্যে॑তি । নাস্য॑ রু॒দ্রঃ প্র॒জা-ম্প॒শূ-ন॒ভিম॑ন্যতে ॥ 34 ॥
(এ॒ত্যে॒- ত্য॒ - যু॒ঞ্জ॒তা - সু॑রা - এতি - লো॒কা - ম॑ন্যতে) (অ. 6)

অনুবাকং 7 - অগ্নিচযনশেষা ইষ্টকোপধানমন্ত্রাঃ, তত্র সন্তত্যাখ্যেষ্টকামন্ত্রাঃ
আযু॑ষঃ প্রা॒ণগ্​ম্ সন্ত॑নু । প্রা॒ণাদ॑পা॒নগ্​ম্ সন্ত॑নু । অ॒পা॒না-দ্ব্যা॒নগ্​ম্ সন্ত॑নু । ব্যা॒নাচ্চক্ষু॒-স্সন্ত॑নু । চক্ষু॑ষ॒-শ্শ্রোত্র॒গ্​ম্॒ সন্ত॑নু । শ্রোত্রা॒-ন্মন॒-স্সন্ত॑নু । মন॑সো॒ বাচ॒গ্​ম্॒ সন্ত॑নু । বা॒চ আ॒ত্মান॒গ্​ম্॒ সন্ত॑নু । আ॒ত্মনঃ॑ পৃথি॒বীগ্​ম্ সন্ত॑নু । পৃ॒থি॒ব্যা অ॒ন্তরি॑ক্ষ॒গ্​ম্॒ সন্ত॑নু । অ॒ন্তরি॑ক্ষা॒-দ্দিব॒গ্​ম্॒ সন্ত॑নু ।দিব॒-স্সুব॒-স্সন্ত॑নু ॥ 35 ॥
(অ॒ন্তরি॑ক্ষ॒গ্​ম্॒ সন্ত॑নু॒ দ্বে চ॑) (অ. 7)

অনুবাকং 8 - অগ্নিচযনশেষা থর্বশিরো-ঽভিধানানামিষ্টকানা-ম্মন্ত্রাঃ
ইন্দ্রো॑ দধী॒চো অ॒স্থভিঃ॑ । বৃ॒ত্রাণ্য প্র॑তিষ্কুতঃ । জ॒ঘান॑ নব॒ তীর্নব॑ ॥ ই॒চ্ছন্নশ্ব॑স্য॒ যচ্ছিরঃ॑ । পর্ব॑তে॒ষ্বপ॑ শ্রিতম্ । ত-দ্বি॑দচ্ছর্য॒ণাব॑তি ॥ অত্রা হ ॒গোরম॑ন্বত । নাম॒ ত্বষ্টু॑রপী॒চ্য᳚ম্ । ই॒ত্থা চ॒ন্দ্রম॑সো গৃ॒হে ॥ ইন্দ্র॒মিদ্গা॒থিনো॑ বৃ॒হত্ ॥ 36 ॥

ইন্দ্র॑ম॒র্কেভি॑র॒র্কিণঃ॑ । ইন্দ্রং॒-বাঁণী॑রনূষত ॥ ইন্দ্র॒ ইদ্ধর্যো॒-স্সচা᳚ । সম্মি॑শ্ল॒ আব॑চো॒ যুজা᳚ । ইন্দ্রো॑ ব॒জ্রী হি॑র॒ণ্যযঃ॑ ॥ ইন্দ্রো॑ দী॒র্ঘায॒ চক্ষ॑সে । আ সূর্যগ্​ম্॑ রোহয-দ্দি॒বি । বি গোভি॒রদ্রি॑মৈরযত্ ॥ ইন্দ্র॒ বাজে॑ষু নো অব । স॒হস্র॑ প্রধনেষু চ ॥ 37 ॥

উ॒গ্র উ॒গ্রাভি॑রূ॒তিভিঃ॑ ॥ তমিন্দ্রং॑-বাঁজযামসি । ম॒হে বৃ॒ত্রায॒ হন্ত॑বে । স বৃষা॑ বৃষ॒ভো ভু॑বত্ ॥ ইন্দ্র॒-স্সদাম॑নে কৃ॒তঃ । ওজি॑ষ্ঠ॒-স্স বলে॑ হি॒তঃ । দ্যু॒ম্নী শ্লো॒কী স সৌ॒ম্যঃ॑ ॥ গি॒রা বজ্রো॒ ন সম্ভৃ॑তঃ । সব॑লো॒ অন॑পচ্যুতঃ । ব॒ব॒ক্ষু-রু॒গ্রো অস্তৃ॑তঃ ॥ 38 ॥
(বৃ॒হ- চ্চা - স্তৃ॑তঃ) (অ. 8)

অনুবাকং 9 - সোমশেষভূতা ইষ্টযঃ. (আধ্বরব্রাহ্মণম্)
দে॒বা॒সু॒রা-স্সং​যঁ॑ত্তা আসন্ন্ । স প্র॒জাপ॑তি॒রিন্দ্র॑-ঞ্জ্যে॒ষ্ঠ-ম্পু॒ত্রমপ॒ ন্য॑ধত্ত । নেদে॑ন॒মসু॑রা॒ বলী॑যাগ্​ম্ সো-ঽহন॒ন্নিতি॑ । প্র॒হ্রাদো॑ হ॒ বৈ কা॑যাধ॒বঃ । বি॒রোচ॑ন॒গ্গ্॒ স্ব-ম্পু॒ত্রমপ॒ ন্য॑ধত্ত । নেদে॑ন-ন্দে॒বা অ॑হন॒ন্নিতি॑ । তে দে॒বাঃ প্র॒জাপ॑তি-মুপস॒মেত্যো॑চুঃ । নারা॒জক॑স্য যু॒দ্ধম॑স্তি । ইন্দ্র॒মন্বি॑চ্ছা॒মেতি॑ । তং-যঁ॑জ্ঞক্র॒তুভি॒-রন্বৈ᳚চ্ছন্ন্ ॥ 39 ॥

তং-যঁ॑জ্ঞক্র॒তুভি॒র্নান্ব॑বিন্দন্ন্ । তমিষ্টি॑ভি॒-রন্বৈ᳚চ্ছন্ন্ । তমিষ্টি॑ভি॒-রন্ব॑বিন্দন্ন্ । তদিষ্টী॑না-মিষ্টি॒ত্বম্ । এষ্ট॑যো হ॒ বৈ নাম॑ । তা ইষ্ট॑য॒ ইত্যাচ॑ক্ষতে প॒রোক্ষে॑ণ । প॒রোক্ষ॑প্রিযা ইব॒ হি দে॒বাঃ ॥ তস্মা॑ এ॒তমা᳚গ্নাবৈষ্ণ॒ব-মেকা॑দশকপাল-ন্দীক্ষ॒ণীয॒-ন্নির॑বপন্ন্ । তদ॑প॒দ্রুত্যা॑তন্বত । তান্প॑ত্নী সং​যাঁ॒জান্ত॒ উপা॑নযন্ন্ ॥ 40 ॥

তে তদ॑-ন্তমে॒ব কৃ॒ত্বোদ॑দ্রবন্ন্ ॥ তে প্রা॑য॒ণীয॑ম॒ভি স॒মারো॑হন্ন্ । তদ॑প॒দ্রুত্যা॑তন্বত । তাঞ্ছং॒​য্বঁ॑ন্ত॒ উপা॑নযন্ন্ । তে তদ॑তম্মে॒ব কৃ॒ত্বোদ॑দ্রবন্ন্ ॥ ত আ॑তি॒থ্যম॒ভি স॒মারো॑হন্ন্ । তদ॑প॒দ্রুত্যা॑তন্বত । তানিডা᳚ন্ত॒ উপা॑নযন্ন্ । তে তদ॑তম্মে॒ব কৃ॒ত্বোদ॑দ্রবন্ন্ । তস্মা॑ দে॒তা এ॒তদ॑ন্তা॒ ইষ্ট॑য॒-স্সন্তি॑ষ্ঠন্তে ॥ 41 ॥

এ॒বগ্​ম্ হি দে॒বা অকু॑র্বত । ইতি॑ দে॒বা অ॑কুর্বত । ইত্যু॒ বৈ ম॑নু॒ষ্যাঃ᳚ কুর্বতে ॥ তে দে॒বা ঊ॑চুঃ । যদ্বা ই॒দমু॒চ্চৈ-র্য॒জ্ঞেন॒ চরা॑ম । তন্নো-ঽসু॑রাঃ পা॒প্মা-ঽনু॑বিন্দন্তি । উ॒পা॒গ্​ম্॒শূ॑প॒সদা॑ চরাম । তথা॒ নো-ঽসু॑রাঃ পা॒প্মা নানু॑বেথ্স্য॒ন্তীতি॑ । ত উ॑পা॒গ্​ম্॒শূ॑প॒সদ॑-মতন্বত । তি॒স্র এ॒ব সা॑মিধে॒নীর॒নূচ্য॑ ॥ 42 ॥

স্রু॒বেণা॑ঘা॒র-মা॒ঘার্য॑ । তি॒স্রঃ পরা॑চী॒-রাহু॑তীর্-হু॒ত্বা । স্রু॒বেণো॑প॒সদ॑-ঞ্জুহ॒বাঞ্চ॑ক্রুঃ । উ॒গ্রং-বঁচো॒ অপা॑বধী-ন্ত্বে॒ষং-বঁচো॒ অপা॑বধী॒গ্॒ স্বাহেতি॑ । অ॒শ॒ন॒যা॒পি॒পা॒সে হ॒ বা উ॒গ্রং-বঁচঃ॑ । এন॑শ্চ॒ বৈর॑হত্য-ঞ্চ ত্বে॒ষং-বঁচঃ॑ । এ॒তগ্​ম্ হ॒ বাব তচ্চ॑তুর্ধাবিহি॒ত-ম্পা॒প্মান॑-ন্দে॒বা অপ॑জঘ্নিরে ॥ তথো॑ এ॒বৈতদে॑বং॒-বিঁদ্যজ॑মানঃ । তি॒স্র এ॒ব সা॑মিধে॒নীর॒নূচ্য॑ । স্রু॒বেণা॑ঘা॒র-মা॒ঘার্য॑ ॥ 43 ॥

তি॒স্রঃ পরা॑চী॒রাহু॑তীর্-হু॒ত্বা । স্রু॒বেণো॑প॒সদ॑-ঞ্জুহোতি । উ॒গ্রং-বঁচো॒ অপা॑বধী-ন্ত্বে॒ষং-বঁচো॒ অপা॑বধী॒গ্॒ স্বাহেতি॑ । অ॒শ॒ন॒যা॒পি॒পা॒সে হ॒ বা উ॒গ্রং-বঁচঃ॑ । এন॑শ্চ॒ বৈর॑হত্য-ঞ্চ ত্বে॒ষং-বঁচঃ॑ । এ॒তমে॒ব তচ্চ॑তুর্ধা-বিহি॒ত-ম্পা॒প্মানং॒-যঁজ॑মা॒নো-ঽপ॑হতে ॥ তে॑-ঽভি॒নীযৈ॒বাহঃ॑ প॒শুমা-ঽল॑ভন্ত । অহ্ন॑ এ॒ব ত-দ্দে॒বা অব॑র্তি-ম্পা॒প্মান॑-ম্মৃ॒ত্যুমপ॑জঘ্নিরে । তেনা॑ভি॒নীযে॑ব॒ রাত্রেঃ॒ প্রাচ॑রন্ন্ । রাত্রি॑যা এ॒ব ত-দ্দে॒বা অব॑র্তি-ম্পা॒প্মান॑-ম্মৃ॒ত্যুমপ॑জঘ্নিরে ॥ 44 ॥

তস্মা॑দভি॒নীযৈ॒বাহঃ॑ প॒শুমাল॑ভেত । অহ্ন॑ এ॒ব ত-দ্যজ॑মা॒নো ঽব॑র্তি-ম্পা॒প্মান॒-ম্ভ্রাতৃ॑ব্যা॒নপ॑নুদতে । তেনা॑ভি॒নীযে॑ব॒ রাত্রেঃ॒ প্রচ॑রেত্ । রাত্রি॑যা এ॒ব ত-দ্যজ॑মা॒নো ঽব॑র্তি-ম্পা॒প্মান॒-ম্ভ্রাতৃ॑ব্যা॒নপ॑নুদতে ॥ স এ॒ষ উ॑পবস॒থীযে ঽহ॑ন্-দ্বিদেব॒ত্যঃ॑ প॒শুরাল॑ভ্যতে । দ্ব॒যং-বাঁ অ॒স্মিন্ ঁলো॒কে যজ॑মানঃ । অস্থি॑ চ মা॒গ্​ম্॒স-ঞ্চ॑ । অস্থি॑ চৈ॒ব তেন॑ মা॒গ্​ম্॒স-ঞ্চ॒ যজ॑মান॒-স্সগ্গ্​ স্কু॑রুতে ॥ তা বা এ॒তাঃ পঞ্চ॑ দে॒বতাঃ᳚ । অ॒গ্নীষোমা॑-ব॒গ্নি-র্মি॒ত্রাবরু॑ণৌ ॥ 45 ॥

প॒ঞ্চ॒প॒ঞ্চী বৈ যজ॑মানঃ । ত্বম্মা॒গ্​ম্॒ সগ্গ্​ স্নাবাস্থি॑ ম॒জ্জা । এ॒তমে॒ব তত্প॑ঞ্চধা বিহি॒তমা॒ত্মানং॑-বঁরুণপা॒শা-ন্মু॑ঞ্চতি । ভে॒ষ॒জতা॑যৈ নির্বরুণ॒ত্বায॑ ॥ তগ্​ম্ স॒প্তভি॒-শ্ছন্দো॑ভিঃ প্রা॒তর॑হ্বযন্ন্ । তস্মা᳚থ্স॒প্ত চ॑তুরুত্ত॒রাণি॒ ছন্দাগ্​ম্॑সি প্রাতরনুবা॒কে-ঽনূ᳚চ্যন্তে ॥ তমে॒তযো॑-পস॒মেত্যো-পা॑সীদন্ন্ । উপা᳚স্মৈ গাযতা নর॒ ইতি॑ । তস্মা॑ দে॒তযা॑ বহিষ্পবমা॒ন উ॑প॒সদ্যঃ॑ ॥ 46 ॥
(ঐ॒চ্ছ॒ন্ - ন॒ন॒য॒গ্গ্॒ - স্তি॒ষ্ঠ॒ন্তে॒ - ঽনূচ্যা॒ - নূচ্য॑ স্রু॒বেণা॑ঘা॒রমা॒ঘার্য॒ - রাত্রি॑যা এ॒ব ত-দ্দে॒বা অব॑র্তি-ম্পা॒প্মানং॑ মৃ॒ত্যুমপ॑জঘ্নিরে - মি॒ত্রাবরু॑ণৌ॒ - +নব॑ চ ) (অ. 9)

(দে॒বা যজ॑মানো দে॒বা দে॒বা যজ॑মানো॒ যজ॑মানো-ঽলভন্ত॒ প্রাচ॑রঁল্লভেত॒ প্রচ॑রে॒দাল॑ভ॒ন্তাল॑ভেত মৃ॒ত্যুমপ॑জঘ্নিরে॒ ভ্রাতৃ॑ব্যান্)

অনুবাকং 10 - ত্রিবৃদাদিস্তোমরূপাণি সোমঙ্গানি. (আধ্বরব্রাহ্মণম্)
স স॑মু॒দ্র উ॑ত্তর॒তঃ প্রাজ্ব॑ল-দ্ভূম্য॒ন্তেন॑ । এ॒ষ বাব স স॑মু॒দ্রঃ । যচ্চাত্বা॑লঃ । এ॒ষ উ॑ বে॒ব স ভূ᳚ম্য॒ন্তঃ । যদ্বে᳚দ্য॒ন্তঃ । তদে॒তত্-ত্রি॑শ॒ল-ন্ত্রি॑পূরু॒ষম্ । তস্মা॒ত্-ত-ন্ত্রি॑বিত॒স্ত-ঙ্খ॑নন্তি ॥ স সু॑বর্ণরজ॒তাভ্যা᳚-ঙ্কু॒শীভ্যা॒-ম্পরি॑গৃহীত আসীত্ । তং-যঁদ॒স্যা অদ্ধ্য॒জন॑যন্ন্ । তস্মা॑দাদি॒ত্যঃ ॥ 47 ॥

অথ॒ য-থ্সু॑বর্ণরজ॒তাভ্যা᳚-ঙ্কু॒শীভ্যা॒-ম্পরি॑গৃহীত॒ আসী᳚ত্ । সা-ঽস্য॑ কৌশি॒কতা᳚ ॥ ত-ন্ত্রি॒বৃতা॒-ঽভি প্রাস্তু॑বত । ত-ন্ত্রি॒বৃতা ঽঽদ॑দত । ত-ন্ত্রি॒বৃতা ঽঽহ॑রন্ন্ । যাব॑তী ত্রি॒বৃতো॒ মাত্রা᳚ ॥ ত-ম্প॑ঞ্চদ॒শেনা॒ভি প্রাস্তু॑বত । ত-ম্প॑ঞ্চদ॒শেনাদ॑দত । ত-ম্প॑ঞ্চদ॒শেনাহ॑রন্ন্ । যাব॑তী পঞ্চদ॒শস্য॒ মাত্রা᳚ ॥ 48 ॥

তগ্​ম্ স॑প্তদ॒শেনা॒ভি প্রাস্তু॑বত । তগ্​ম্ স॑প্তদ॒শেনাদ॑দত । তগ্​ম্ স॑প্তদ॒শেনাহ॑রন্ন্ । যাব॑তী সপ্তদ॒শস্য॒ মাত্রা᳚ । তস্য॑ সপ্তদ॒শেন॑ হ্রি॒যমা॑ণস্য॒ তেজো॒ হরো॑-ঽপতত্ । তমে॑কবি॒গ্​ম্॒ শেনা॒ভি প্রাস্তু॑বত । তমে॑কবি॒গ্​ম্॒শেনাদ॑দত । তমে॑কবি॒গ্​ম্॒শেনাহ॑রন্ন্ । যাব॑ত্যেকবি॒গ্​ম্॒শস্য॒ মাত্রা᳚ ॥ তে যত্-ত্রি॒বৃতা᳚ স্তু॒বতে᳚ ॥ 49 ॥

ত্রি॒বৃতৈ॒ব ত-দ্যজ॑মান॒মাদ॑দতে । ত-ন্ত্রি॒বৃতৈ॒ব হ॑রন্তি । যাব॑তী ত্রি॒বৃতো॒ মাত্রা᳚ । অ॒গ্নির্বৈ ত্রি॒বৃত্ । যাব॒দ্বা অ॒গ্নের্দহ॑তো ধূ॒ম উ॒দেত্যানু॒ব্যেতি॑ । তাব॑তী ত্রি॒বৃতো॒ মাত্রা᳚ । অ॒গ্নেরে॒বৈন॒-ন্তত্ । মাত্রা॒গ্​ম্॒ সাযু॑জ্যগ্​ম্ সলো॒কতা᳚-ঙ্গমযন্তি ॥ অথ॒ যত্প॑ঞ্চদ॒শেন॑ স্তু॒বতে᳚ । প॒ঞ্চ॒দ॒শেনৈ॒ব ত-দ্যজ॑মান॒-মাদ॑দতে ॥ 50 ॥

ত-ম্প॑ঞ্চদ॒শেনৈ॒ব হ॑রন্তি । যাব॑তী পঞ্চদ॒শস্য॒ মাত্রা᳚ । চ॒ন্দ্রমা॒ বৈ প॑ঞ্চদ॒শঃ । এ॒ষ হি প॑ঞ্চদ॒শ্যাম॑পক্ষী॒যতে᳚ । প॒ঞ্চ॒দশ্যা-মা॑পূ॒র্যতে᳚ । চ॒ন্দ্রম॑স এ॒বৈন॒-ন্তত্ । মাত্রা॒গ্​ম্॒ সাযু॑জ্যগ্​ম্ সলো॒কতা᳚-ঙ্গমযন্তি । অথ॒ যথ্স॑প্তদ॒শেন॑ স্তু॒বতে᳚ । স॒প্ত॒দ॒শেনৈ॒ব ত-দ্যজ॑মান॒মাদ॑দতে । তগ্​ম্ স॑প্তদ॒শেনৈ॒ব হ॑রন্তি ॥ 51 ॥

যাব॑তী সপ্তদ॒শস্য॒ মাত্রা᳚ । প্র॒জাপ॑তি॒র্বৈ স॑প্তদ॒শঃ । প্র॒জাপ॑তেরে॒বৈন॒-ন্তত্ । মাত্রা॒গ্​ম্॒ সাযু॑জ্যগ্​ম্ সলো॒কতা᳚-ঙ্গমযন্তি । অথ॒ যদে॑কবি॒গ্​ম্॒শেন॑ স্তু॒বতে᳚ । এ॒ক॒বি॒গ্​ম্॒শেনৈ॒ব ত-দ্যজ॑মান॒-মাদ॑দতে । তমে॑কবি॒গ্​ম্॒শেনৈ॒ব হ॑রন্তি । যাব॑ত্যেকবি॒গ্​ম্॒শস্য॒ মাত্রা᳚ । অ॒সৌ বা আ॑দি॒ত্য এ॑কবি॒গ্​ম্॒শঃ । আ॒দি॒ত্যস্যৈ॒বৈন॒-ন্তত্ ॥ 52 ॥

মাত্রা॒গ্​ম্॒ সাযু॑জ্যগ্​ম্ সলো॒কতা᳚-ঙ্গমযন্তি ॥ তে কু॒শ্যৌ᳚ । ব্য॑ঘ্নন্ন্ । তে অ॑হোরা॒ত্রে অ॑ভবতাম্ । অহ॑রে॒ব সু॒বর্ণা॑ ঽভবত্ । র॒জ॒তা রাত্রিঃ॑ । স যদা॑দি॒ত্য উ॒দেতি॑ । এ॒তামে॒ব তথ্সু॒বর্ণা᳚-ঙ্কু॒শীমনু॒ সমে॑তি । অথ॒ যদ॑স্ত॒মেতি॑ । এ॒তামে॒ব ত-দ্র॑জ॒তা-ঙ্কু॒শীমনু॒ সং​বিঁ॑শতি ॥ প্র॒হ্রাদো॑ হ॒ বৈ কা॑যাধ॒বঃ । বি॒রোচ॑ন॒গ্গ্॒ স্ব-ম্পু॒ত্রমুদা᳚স্যত্ । স প্র॑দ॒রো॑-ঽভবত্ । তস্মা᳚-ত্প্রদ॒রাদু॑দ॒ক-ন্নাচা॑মেত্ ॥ 53 ॥
(আ॒দি॒ত্যঃ - প॑ঞ্চদ॒শস্য॒ মাত্রা᳚ - স্তু॒বতে॑ - পঞ্চদ॒শেনৈ॒ব ত-দ্যজ॑মান॒মাদ॑দতে - সপ্তদ॒শেনৈ॒ব হ॑রন্ - ত্যাদি॒ত্যস্যৈ॒বৈন॒ন্ত-দ্॒ বি॑শতি চ॒ত্বারি॑ চ) (অ. 10)

অনুবাকং 11 - সবনীযপশুপুরোডাশাঃ (আধ্বরব্রাহ্মণম্)
যে বৈ চ॒ত্বার॒-স্স্তোমাঃ᳚ । কৃ॒ত-ন্তত্ । অথ॒ যে পঞ্চ॑ । কলি॒-স্সঃ । তস্মা॒চ্চতু॑ষ্টোমঃ । তচ্চতু॑ষ্টোমস্য চতুষ্টোম॒ত্বম্ ॥ তদা॑হুঃ । ক॒ত॒মানি॒ তানি॒ জ্যোতীগ্​ম্॑ষি । য এ॒তস্য॒ স্তোমা॒ ইতি॑ । ত্রি॒বৃত্-প॑ঞ্চদ॒শ-স্স॑প্তদ॒শ এ॑কবি॒গ্​ম্॒শঃ ॥ 54 ॥

এ॒তানি॒ বাব তানি॒ জ্যোতীগ্​ম্॑ষি । য এ॒তস্য॒ স্তোমাঃ᳚ ॥ সো᳚-ঽব্রবীত্ । স॒প্ত॒দ॒শেন॑ হ্রি॒যমা॑ণো॒ ব্য॑লেশিষি । ভি॒ষজ্য॑ত॒ মেতি॑ । তম॒শ্বিনৌ॑ ধা॒নাভি॑-রভিষজ্যতাম্ । পূ॒ষা ক॑র॒ম্ভেণ॑ । ভার॑তী পরিবা॒পেণ॑ । মি॒ত্রাবরু॑ণৌ পয॒স্য॑যা ॥ তদা॑হুঃ ॥ 55 ॥

যদ॒শ্বিভ্যা᳚-ন্ধা॒নাঃ । পূ॒ষ্ণঃ ক॑র॒ম্ভঃ । ভার॑ত্যৈ পরিবা॒পঃ । মি॒ত্রাবরু॑ণযোঃ পয॒স্যা-ঽথ॑ । কস্মা॑দে॒তেষাগ্​ম্॑ হ॒বিষা॒মিন্দ্র॑মে॒ব য॑জ॒ন্তীতি॑ । এ॒তা হ্যে॑ন-ন্দে॒বতা॒ ইতি॑ ব্রূযাত্ । এ॒তৈর্-হ॒বির্ভি॒-রভি॑ষজ্য॒গ্গ্॒-স্তস্মা॒দিতি॑ ॥ তং-বঁস॑বো॒-ঽষ্টাক॑পালেন প্রাতস্সব॒নে॑-ঽভিষজ্যন্ন্ । রু॒দ্রা একা॑দশকপালেন॒ মাদ্ধ্য॑ন্দিনে॒ সব॑নে । বিশ্বে॑ দে॒বা দ্বাদ॑শকপালেন তৃতীযসব॒নে ॥ 56 ॥

স যদ॒ষ্টাক॑পালা-ন্প্রাতস্সব॒নে কু॒র্যাত্ । একা॑দশকপালা॒-ন্মাদ্ধ্য॑ন্দিনে॒ সব॑নে । দ্বাদ॑শকপালাগ্​ স্তৃতীয সব॒নে । বিলো॑ম॒ ত-দ্য॒জ্ঞস্য॑ ক্রিযেত । একা॑দশকপালানে॒ব প্রা॑তস্সব॒নে কু॑র্যাত্ । একা॑দশকপালা॒-ন্মাদ্ধ্য॑ন্দিনে॒ সব॑নে । একা॑দশকপালাগ্​ স্তৃতীয সব॒নে । য॒জ্ঞস্য॑ সলোম॒ত্বায॑ ॥ তদা॑হুঃ । য-দ্বসূ॑না-ম্প্রাতস্সব॒নম্ । রু॒দ্রাণা॒-ম্মাদ্ধ্য॑ন্দিন॒গ্​ম্॒ সব॑নম্ । বিশ্বে॑ষা-ন্দে॒বানা᳚-ন্তৃতীযসব॒নম্ । অথ॒ কস্মা॑দে॒তেষাগ্​ম্॑ হ॒বিষা॒মিন্দ্র॑মে॒ব য॑জ॒ন্তীতি॑ । এ॒তা হ্যে॑ন-ন্দে॒বতা॒ ইতি॑ ব্রূযাত্ । এ॒তৈর্-হ॒বির্ভি॒রভি॑ষজ্য॒গ্গ্॒ স্তস্মা॒দিতি॑ ॥ 57 ॥
(এ॒ক॒বি॒গ্​ম্॒শ-আ॑হু-স্তৃতীযসব॒নে-প্রা॑তস্সব॒ন-ম্পঞ্চ॑ চ) (অ. 11)

অনুবাকং 12 - সপ্তছন্দাংসি প্রপঞ্চ্যন্তে (আধ্বরব্রাহ্মণম্)
তস্যাবা॑চো-ঽবপা॒দাদ॑বিভযুঃ । তমে॒তেষু॑ স॒প্তসু॒ ছন্দ॑-স্স্বশ্রযন্ন্ । যদশ্র॑যন্ন্ । তচ্ছ্রা॑য॒ন্তীয॑স্য শ্রাযন্তীয॒ত্বম্ । যদবা॑রযন্ন্ । ত-দ্বা॑রব॒ন্তীয॑স্য বারবন্তীয॒ত্বম্ ॥ তস্যাবা॑চ এ॒বাব॑পা॒দাদ॑বিভযুঃ । তস্মা॑ এ॒তানি॑ স॒প্ত চ॑তুরুত্ত॒রাণি॒ ছন্দা॒গ্॒স্যুপা॑দধুঃ । তেষা॒মতি॒ ত্রীণ্য॑রিচ্যন্ত । ন ত্রীণ্যুদ॑ভবন্ন্ ॥ 58 ॥

স বৃ॑হ॒তীমে॒বা-স্পৃ॑শত্ । দ্বাভ্যা॑ম॒ক্ষরা᳚ভ্যাম্ । অ॒হো॒রা॒ত্রাভ্যা॑মে॒ব ॥ তদা॑হুঃ । ক॒ত॒মা সা দে॒বাক্ষ॑রা বৃহ॒তী । যস্যা॒-ন্ত-ত্প্র॒ত্যতি॑ষ্ঠত্ । দ্বাদ॑শ পৌর্ণমা॒স্যঃ॑ । দ্বাদ॒শাষ্ট॑কাঃ । দ্বাদ॑শামাবা॒স্যাঃ᳚ । এ॒ষা বাব সা দে॒বাক্ষ॑রা বৃহ॒তী ॥ 59 ॥

যস্যা॒-ন্ত-ত্প্র॒ত্যতি॑ষ্ঠ॒দিতি॑ ॥ যানি॑ চ॒ ছন্দাগ্॑-স্য॒ত্যরি॑চ্যন্ত । যানি॑ চ॒ নোদভ॑বন্ন্ । তানি॒ নির্বী᳚র্যাণি হী॒নান্য॑মন্যন্ত । সা ঽব্র॑বী-দ্বৃহ॒তী । মামে॒ব ভূ॒ত্বা । মামুপ॒ সগ্গ্​ শ্র॑য॒তেতি॑ । চ॒তুর্ভি॑র॒ক্ষরৈ॑-রনু॒ষ্টুগ্-বৃ॑হ॒তী-ন্নোদ॑ভবত্ । চ॒তুর্ভি॑র॒ক্ষরৈঃ᳚ প॒ঙ্ক্তি-র্বৃ॑হ॒তী-মত্য॑রিচ্যত । তস্যা॑মে॒তানি॑ চ॒ত্বার্য॒ক্ষরা᳚ণ্য-প॒চ্ছিদ্যা॑-দধাত্ ॥ 60 ॥

তে বৃ॑হ॒তী এ॒ব ভূ॒ত্বা । বৃ॒হ॒তীমুপ॒ সম॑শ্রযতাম্ ॥ অ॒ষ্টা॒ভি-র॒ক্ষরৈ॑রু॒ষ্ণিগ্-বৃ॑হ॒তী-ন্নোদ॑ভবত্ । অ॒ষ্টা॒ভির॒ক্ষরৈ᳚স্ত্রি॒ষ্টুগ্-বৃ॑হ॒তী-মত্য॑রিচ্যত । তস্যা॑মে॒তা-ন্য॒ষ্টাব॒ক্ষরা᳚ণ্য-প॒চ্ছিদ্যা॑দধাত্ । তে বৃ॑হ॒তী এ॒ব ভূ॒ত্বা । বৃ॒হ॒তীমুপ॒ সম॑শ্রযতাম্ । দ্বা॒দ॒শভি॑-র॒ক্ষরৈ᳚-র্গায॒ত্রী-বৃ॑হ॒তী-ন্নোদ॑ভবত্ । দ্বা॒দ॒শভি॑-র॒ক্ষরৈ॒-র্জগ॑তী-বৃহ॒তী-মত্য॑রিচ্যত । তস্যা॑মে॒তানি॒ দ্বাদ॑শা॒ক্ষরা᳚ণ্য-প॒চ্ছিদ্যা॑দধাত্ ॥ 61 ॥

তে বৃ॑হ॒তী এ॒ব ভূ॒ত্বা । বৃ॒হ॒তীমুপ॒ সম॑শ্রযতাম্ ॥ সো᳚-ঽব্রবীত্-প্র॒জাপ॑তিঃ । ছন্দাগ্​ম্॑সি॒ রথো॑ মে ভবত । যু॒ষ্মাভি॑-র॒হমে॒ত-মদ্ধ্বা॑ন॒মনু॒ সঞ্চ॑রা॒ণীতি॑ । তস্য॑ গায॒ত্রী চ॒ জগ॑তী চ প॒ক্ষাব॑ভবতাম্ । উ॒ষ্ণিক্চ॑ ত্রি॒ষ্টুপ্চ॒ প্রষ্ট্যৌ᳚ । অ॒নু॒ষ্টুপ্চ॑ প॒ঙ্ক্তিশ্চ॒ ধুর্যৌ᳚ । বৃ॒হ॒ত্যে॑বোদ্ধির॑ভবত্ । স এ॒ত-ঞ্ছ॑ন্দোর॒থমা॒স্থায॑ । এ॒তমদ্ধ্বা॑ন॒মনু॒ সম॑চরত্ । এ॒তগ্​ম্ হ॒ বৈ ছ॑ন্দোর॒থমা॒স্থায॑ । এ॒তমদ্ধ্বা॑ন॒মনু॒ সঞ্চ॑রতি । যেনৈ॒ষ এ॒ত-থ্স॒চংর॑তি । য এ॒বং-বিঁ॒দ্বান্-থ্সোমে॑ন॒ যজ॑তে । য উ॑চৈনমে॒বং-বেঁদ॑ ॥ 62 ॥
(অ॒ভ॒ব॒ন্ - বাব সা দে॒বাক্ষ॑রা বৃহ॒ - ত্য॑দধা॒-দ্- দ্বাদ॑শা॒ক্ষরা᳚ণ্যপ॒চ্ছিদ্যা॑দধা - দা॒স্থায॒ ষট্চ॑) (অ. 12)

(অ॒গ্নেঃ কৃত্তি॑কা॒ - য-ত্পুণ্যং॑ - দে॒বস্য॑ সবি॒তু--র্ ব্র॑হ্মবা॒দিনঃ॒ ক - ত্যৃ॒তমে॒ব - দে॒বা বা - আযু॑ষঃ প্রা॒ণ - মিন্দ্রো॑ দধী॒চো -দে॑বাসু॒রা-স্স প্র॒জাপ॑তিঃ॒ - স স॑মু॒দ্রো - যে বৈ চ॒ত্বার॒ - স্তস্যাবা॑চো॒ দ্বাদ॑শ)

(অ॒গ্নেঃ কৃত্তি॑কা - দেবগৃ॒হা - ঋ॒তমে॒ব - বৈ᳚শ্বদে॒বেন॒ - তে তদ॑ন্ত॒ - ত-ম্প॑ঞ্চদ॒শেন॒ - তে বৃ॑হ॒তী এ॒ব দ্বিষ॑ষ্টিঃ)

(অ॒গ্নেঃ কৃত্তি॑কা॒ - য উ ॑চৈনমে॒বং-বেঁদ॑)

॥ হরিঃ॑ ওম্ ॥

॥ কৃষ্ণ যজুর্বেদীয তৈত্তিরীয ব্রাহ্মণে প্রথমাষ্টকে পঞ্চমঃ প্রপাঠক-স্সমাপ্তঃ ।