කෘෂ්ණ යජුර්වේදීය තෛත්තිරීය ආරණ්යකේ දශමඃ ප්රපාඨකඃ - මහානාරායණෝපනිෂත්
ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥
ස॒හ නා॑ වවතු । ස॒හ නෞ॑ භුනක්තු । ස॒හ වී॒ර්ය॑-ඞ්කරවාවහෛ । තේ॒ජ॒ස්විනා॒ වධී॑තමස්තු॒ මා වි॑ද්විෂා॒වහෛ᳚ ॥
ඕං ශාන්ති॒-ශ්ශාන්ති॒-ශ්ශාන්තිඃ॑ ॥
අනුවාකං 1
අම්භ॑ස්ය පා॒රේ භුව॑නස්ය॒ මද්ධ්යේ॒ නාක॑ස්ය පෘ॒ෂ්ඨේ ම॑හ॒තෝ මහී॑යාන් ।
ශු॒ක්රේණ॒ ජ්යෝතීග්ම්॑ෂි සමනු॒ප්රවි॑ෂ්ටඃ ප්ර॒ජාප॑තිශ්චරති॒ ගර්භේ॑ අ॒න්තඃ ॥
යස්මි॑න්නි॒දග්ම් සඤ්ච॒ විචෛති॒ සර්වං॒-යඁස්මි॑-න්දේ॒වා අධි॒ විශ්වේ॑ නිෂේ॒දුඃ ।
තදේ॒ව භූ॒ත-න්තදු॒ භව්ය॑මා ඉ॒ද-න්තද॒ක්ෂරේ॑ පර॒මේ ව්යෝ॑මන්න් ॥
යේනා॑ වෘ॒ත-ඞ්ඛඤ්ච॒ දිව॑-ම්ම॒හීඤ්ච॒ යේනා॑දි॒ත්ය-ස්තප॑ති॒ තේජ॑සා॒ භ්රාජ॑සා ච ।
යම॒න්ත-ස්ස॑මු॒ද්රේ ක॒වයෝ॒ වය॑න්ති॒ යද॒ක්ෂරේ॑ පර॒මේ ප්ර॒ජාඃ ॥
යතඃ॑ ප්රසූ॒තා ජ॒ගතඃ॑ ප්රසූතී॒ තෝයේ॑න ජී॒වාන් ව්යච॑සර්ජ॒ (ව්යස॑සර්ජ॒) භූම්යා᳚ම් ।
යදෝෂ॑ධීභිඃ පු॒රුෂා᳚-න්ප॒ශූග්ශ්ච॒ විවේ॑ශ භූ॒තානි॑ චරාච॒රාණි॑ ॥
අතඃ॑ පර॒-න්නාන්ය॒-දණී॑යසහි॒ පරා᳚-ත්පරං॒-යඁ-න්මහ॑තෝ ම॒හාන්ත᳚ම් ।
යදේ॑ක-ම॒ව්යක්ත॒-මන॑න්තරූපං॒-විඁශ්ව॑-ම්පුරා॒ණ-න්තම॑සඃ॒ පර॑ස්තාත් ॥ 1 ॥
තදේ॒වර්ත-න්තදු॑ ස॒ත්යමා॑හු॒-ස්තදේ॒ව බ්රහ්ම॑ පර॒ම-ඞ්ක॑වී॒නාම් ।
ඉ॒ෂ්ටා॒පූ॒ර්ත-ම්බ॑හු॒ධා ජා॒ත-ඤ්ජාය॑මානං-විඁ॒ශ්ව-ම්බි॑භර්ති॒ භුව॑නස්ය॒ නාභිඃ॑ ॥
තදේ॒වාග්නි-ස්තද්වා॒යු-ස්තථ්සූර්ය॒ස්තදු॑ ච॒න්ද්රමාඃ᳚ ।
තදේ॒ව ශු॒ක්රම॒මෘත॒-න්තද්බ්රහ්ම॒ තදාප॒-ස්ස ප්ර॒ජාප॑තිඃ ॥
සර්වේ॑ නිමේ॒ෂා ජ॒ජ්ඤිරේ॑ වි॒ද්යුතඃ॒ පුරු॑ෂා॒දධි॑ ।
ක॒ලා මු॑හූ॒ර්තාඃ කාෂ්ඨා᳚ශ්චාහෝ-රා॒ත්රාශ්ච॑ සර්ව॒ශඃ ॥
අ॒ර්ධ॒මා॒සා මාසා॑ ඍ॒තව॑-ස්සංවඁථ්ස॒රශ්ච॑ කල්පන්තාම් । ස ආපඃ॑ ප්රදු॒ඝේ උ॒භේ ඉ॒මේ අ॒න්තරි॑ක්ෂ॒-මථෝ॒ සුවඃ॑ ॥
නෛන॑-මූ॒ර්ධ්ව-න්න ති॒ර්ය-ඤ්ච॒ න මද්ධ්යේ॒ පරි॑ජග්රභත් । න තස්යේ॑ශේ॒ කශ්ච॒න තස්ය॑ නාම ම॒හද්යශඃ॑ ॥ 2 ॥
න ස॒දෘංශේ॑ තිෂ්ඨති॒ රූප॑මස්ය॒ න චක්ෂු॑ෂා පශ්යති॒ කශ්ච॒නෛන᳚ම් ।
හෘ॒දා ම॑නී॒ෂා මන॑සා॒-ऽභි ක්ලෘ॑ප්තෝ॒ ය ඒ॑නං-විඁ॒දු-රමෘ॑තා॒ස්තේ භ॑වන්ති ॥
අ॒ද්භ්ය-ස්සම්භූ॑තඃ පෘථි॒ව්යෛ රසා᳚ච්ච । වි॒ශ්වක॑ර්මණ॒-ස්සම॑වර්ත॒තාධි॑ ।
තස්ය॒ ත්වෂ්ටා॑ වි॒දධ॑ද්රූ॒පමේ॑ති ॥
තත්පුරු॑ෂස්ය॒ විශ්ව॒මාජා॑න॒මග්රේ᳚ ।
වේදා॒හමේ॒ත-ම්පුරු॑ෂ-ම්ම॒හාන්ත᳚ම් ।
ආ॒දි॒ත්ය ව॑ර්ණ॒-න්තම॑සඃ॒ පර॑ස්තාත් ।
තමේ॒වං-විඁ॒ද්වාන॒මෘත॑ ඉ॒හ භ॑වති । නාන්යඃ පන්ථා॑ විද්ය॒තේ-ऽය॑නාය ॥
ප්ර॒ජාප॑තිශ්චරති॒ ගර්භේ॑ අ॒න්තඃ । අ॒ජාය॑මානෝ බහු॒ධා විජා॑යතේ । තස්ය॒ ධීරාඃ॒ පරි॑ජානන්ති॒ යෝනි᳚ම් । මරී॑චීනා-ම්ප॒දමි॑ච්ඡන්ති වේ॒ධසඃ॑ ॥ යෝ දේ॒වේභ්ය॒ ආත॑පති । යෝ දේ॒වානා᳚-ම්පු॒රෝහි॑තඃ । පූර්වෝ॒ යෝ දේ॒වේභ්යෝ॑ ජා॒තඃ । නමෝ॑ රු॒චාය॒ බ්රාහ්ම॑යේ ॥ රුච॑-ම්බ්රා॒හ්ම-ඤ්ජ॒නය॑න්තඃ । දේ॒වා අග්රේ॒ තද॑බ්රුවන්න් ।
යස්ත්වෛ॒ව-ම්බ්රා᳚හ්ම॒ණෝ වි॒ද්යාත් । තස්ය॑ දේ॒වා අස॒න් වශේ᳚ ॥ හ්රීශ්ච॑තේ ල॒ක්ෂ්මීශ්ච॒ පත්න්යෞ᳚ । අ॒හෝ॒රා॒ත්රේ පා॒ර්ශ්වේ । නක්ෂ॑ත්රාණි රූ॒පම් ।
අ॒ශ්විනෞ॒ ව්යාත්ත᳚ම් । ඉ॒ෂ්ට-ම්ම॑නිෂාණ । අ॒මු-ම්ම॑නිෂාණ । සර්ව॑-ම්මනිෂාණ ॥
හි॒ර॒ණ්ය॒ග॒ර්භ-ස්සම॑වර්ත॒තාග්රේ॑ භූ॒තස්ය॑ ජා॒තඃ පති॒රේක॑ ආසීත් ।
ස දා॑ධාර පෘථි॒වී-න්ද්යාමු॒තේමා-ඞ්කස්මෛ॑ දේ॒වාය॑ හ॒විෂා॑ විධේම ॥
යඃ ප්රා॑ණ॒තෝ නි॑මිෂ॒තෝ ම॑හි॒ත්වෛක॒ ඉද්රාජා॒ ජග॑තෝ බ॒භූව॑ ।
ය ඊශේ॑ අ॒ස්ය ද්වි॒පද॒-ශ්චතු॑ෂ්ප॒දඃ කස්මෛ॑ දේ॒වාය॑ හ॒විෂා॑ විධේම ॥
ය ආ᳚ත්ම॒දා බ॑ල॒දා යස්ය॒ විශ්ව॑ උපා॒ස॑තේ ප්ර॒ශිෂං॒-යඁස්ය॑ දේ॒වාඃ ।
යස්ය॑ ඡා॒යාමෘතං॒-යඁස්ය॑ මෘ॒ත්යුඃ කස්මෛ॑ දේ॒වාය॑ හ॒විෂා॑ විධේම ॥
යස්යේ॒මේ හි॒මව॑න්තෝ මහි॒ත්වා යස්ය॑ සමු॒ද්රග්ම් ර॒සයා॑ ස॒හා-ऽऽහුඃ ।
යස්යේ॒මාඃ ප්ර॒දිශෝ॒ යස්ය॑ බා॒හූ කස්මෛ॑ දේ॒වාය॑ හ॒විෂා॑ විධේම ॥
ය-ඞ්ක්රන්ද॑සී॒ අව॑සා තස්තභා॒නේ අ॒භ්යෛක්ෂේ॑තා॒-ම්මන॑සා॒ රේජ॑මානේ ।
යත්රාධි॒සූර॒ උදි॑තෞ॒ ව්යේති॒ කස්මෛ॑ දේ॒වාය॑ හ॒විෂා॑ විධේම ॥
යේන॒ ද්යෞරු॒ග්රා පෘ॑ථි॒වී ච॑ දෘ॒ඪේ යේන॒ සුව॑ස් ස්තභි॒තං-යේඁන॒ නාකඃ॑ ।
යෝ අ॒න්තරි॑ක්ෂේ॒ රජ॑සෝ වි॒මානඃ॒ කස්මෛ॑ දේ॒වාය॑ හ॒විෂා॑ විධේම ॥
ආපෝ॑ හ॒ යන්ම॑හ॒තී විශ්ව॒මාය॒න්-දක්ෂ॒න්දධා॑නා ජ॒නය॑න්තී-ර॒ග්නිම් ।
තතෝ॑ දේ॒වානා॒-න්නිර॑වර්ත॒තාසු॒රේකඃ॒ කස්මෛ॑ දේ॒වාය॑ හ॒විෂා॑ විධේම ॥
යශ්චි॒දාපෝ॑ මහි॒නා ප॒ර්යප॑ශ්ය॒-ද්ද්ක්ෂ॒න්දධා॑නා ජ॒නය॑න්තී-ර॒ග්නිම් ।
යෝ දේ॒වේෂ්වධි॑ දේ॒ව යේක॒ ආසී॒-ත්කස්මෛ॑ දේ॒වාය॑ හ॒විෂා॑ විධේම ॥
අ॒ද්භ්ය-ස්සම්භූ॑තෝ හිරණ්යග॒ර්භ ඉත්ය॒ෂ්ටෞ ॥
ඒ॒ෂ හි දේ॒වඃ ප්ර॒දිශෝ-ऽනු॒ සර්වාඃ॒ පූර්වෝ॑ හි ජා॒ත-ස්ස උ॒ ගර්භේ॑ අ॒න්තඃ ।
ස වි॒ජාය॑මාන-ස්සජනි॒ෂ්යමා॑ණඃ ප්ර॒ත්යං-මුඛා᳚ ස්තිෂ්ඨති වි॒ශ්වතෝ॑මුඛඃ ॥
වි॒ශ්වත॑ශ්ච-ක්ෂුරු॒ත වි॒ශ්වතෝ॑ මුඛෝ වි॒ශ්වතෝ॑ හස්ත උ॒ත වි॒ශ්වත॑ස්පාත් ।
ස-ම්බා॒හුභ්යා॒-න්නම॑ති॒ ස-ම්පත॑ත්රෛ॒-ර්ද්යාවා॑ පෘථි॒වී ජ॒නය॑-න්දේ॒ව ඒකඃ॑ ॥
වේ॒නස්ත-ත්පශ්ය॒න්. විශ්වා॒ භුව॑නානි වි॒ද්වාන්. යත්ර॒ විශ්ව॒-ම්භව॒ත්යේක॑-නීළම් ।
යස්මි॑න්නි॒දග්ම් සඤ්ච॒ විචෛක॒ග්ම්॒ ස ඕතඃ॒ ප්රෝත॑ශ්ච වි॒භුඃ ප්ර॒ජාසු॑ ॥
ප්රතද්වෝ॑චේ අ॒මෘත॒න්නු වි॒ද්වා-න්ග॑න්ධ॒ර්වෝ නාම॒ නිහි॑ත॒-ඞ්ගුහා॑සු ॥ 3 ॥
ත්රීණි॑ ප॒දා නිහි॑තා॒ ගුහා॑සු॒ යස්තද්වේද॑ සවි॒තුඃ පි॒තා-ऽස॑ත් ॥ ස නෝ॒ බන්ධු॑-ර්ජනි॒තා ස වි॑ධා॒තා ධාමා॑නි॒ වේද॒ භුව॑නානි॒ විශ්වා᳚ । යත්ර॑ දේ॒වා අ॒මෘත॑මාන-ශා॒නාස්තෘ॒තීයේ॒ ධාමා᳚න්ය॒-භ්යෛර॑යන්ත ॥
පරි॒ ද්යාවා॑පෘථි॒වී ය॑න්ති ස॒ද්යඃ පරි॑ ලෝ॒කා-න්පරි॒ දිශඃ॒ පරි॒ සුවඃ॑ । ඍ॒තස්ය॒ තන්තුං॑-විඁතතං-විඁ॒චෘත්ය॒ තද॑පශ්ය॒-ත්තද॑භව-ත්ප්ර॒ජාසු॑ ॥
ප॒රීත්ය॑ ලෝ॒කා-න්ප॒රීත්ය॑ භූ॒තානි॑ ප॒රීත්ය॒ සර්වාඃ᳚ ප්ර॒දිශෝ॒ දිශ॑ශ්ච । ප්ර॒ජාප॑තිඃ ප්රථම॒ජා ඍ॒තස්යා॒ත්මනා॒-ऽऽත්මාන॑-ම॒භි-සම්බ॑භූව ॥
සද॑ස॒ස්පති॒-මද්භු॑ත-ම්ප්රි॒යමින්ද්ර॑ස්ය॒ කාම්ය᳚ම් । සනි॑-ම්මේ॒ධා ම॑යාසිෂම් ॥
උද්දී᳚ප්යස්ව ජාතවේදෝ ऽප॒ඝ්නන්නිඍ॑ර්ති॒-ම්මම॑ ॥ 4 ॥
ප॒ශූග්ශ්ච॒ මහ්ය॒මාව॑හ॒ ජීව॑නඤ්ච॒ දිශෝ॑ දිශ ॥
මානෝ॑ හිග්ම්සී ජ්ජාතවේදෝ॒ ගාමශ්ව॒-ම්පුරු॑ෂ॒-ඤ්ජග॑ත් ।
අබි॑භ්ර॒දග්න॒ ආග॑හි ශ්රි॒යා මා॒ පරි॑පාතය ॥
පුරු॑ෂස්ය විද්ම සහස්රා॒ක්ෂස්ය॑ මහාදේ॒වස්ය॑ ධීමහි । තන්නෝ॑ රුද්රඃ ප්රචෝ॒දයා᳚ත් ॥
තත්පුරු॑ෂාය වි॒ද්මහේ॑ මහාදේ॒වාය॑ ධීමහි ।
තන්නෝ॑ රුද්රඃ ප්රචෝ॒දයා᳚ත් ॥
තත්පුරු॑ෂාය වි॒ද්මහේ॑ වක්රතු॒ණ්ඩාය॑ ධීමහි ।
තන්නෝ॑ දන්තිඃ ප්රචෝ॒දයා᳚ත් ॥
තත්පුරු॑ෂාය වි॒ද්මහේ॑ චක්රතු॒ණ්ඩාය॑ ධීමහි ॥ 5 ॥
තන්නෝ॑ නන්දිඃ ප්රචෝ॒දයා᳚ත් ॥
තත්පුරු॑ෂාය වි॒ද්මහේ॑ මහාසේ॒නාය॑ ධීමහි ।
තන්න॑-ෂ්ෂණ්මුඛඃ ප්රචෝ॒දයා᳚ත් ॥
තත්පුරු॑ෂාය වි॒ද්මහේ॑ සුවර්ණප॒ක්ෂාය॑ ධීමහි । තන්නෝ॑ ගරුඩඃ ප්රචෝ॒දයා᳚ත් ॥
වේ॒දා॒ත්ම॒නාය॑ වි॒ද්මහේ॑ හිරණ්යග॒ර්භාය॑ ධීමහි । තන්නෝ᳚ බ්රහ්ම ප්රචෝ॒දයා᳚ත් ॥
නා॒රා॒ය॒ණාය॑ වි॒ද්මහේ॑ වාසුදේ॒වාය॑ ධීමහි ।
තන්නෝ॑ විෂ්ණුඃ ප්රචෝ॒දයා᳚ත් ॥
ව॒ජ්ර॒න॒ඛාය॑ වි॒ද්මහේ॑ තීක්ෂ්ණ-ද॒ග්ග්॒ෂ්ට්රාය॑ ධීමහි ॥ 6 ॥
තන්නෝ॑ නාරසිග්ම්හඃ ප්රචෝ॒දයා᳚ත් ॥
භා॒ස්ක॒රාය॑ වි॒ද්මහේ॑ මහද්ද්යුතික॒රාය॑ ධීමහි ।
තන්නෝ॑ ආදිත්යඃ ප්රචෝ॒දයා᳚ත් ॥
වෛ॒ශ්වා॒න॒රාය॑ වි॒ද්මහේ॑ ලාලී॒ලාය॑ ධීමහි ।
තන්නෝ॑ අග්නිඃ ප්රචෝ॒දයා᳚ත් ॥
කා॒ත්යා॒ය॒නාය॑ වි॒ද්මහේ॑ කන්යකු॒මාරි॑ ධීමහි ।
තන්නෝ॑ දුර්ගිඃ ප්රචෝ॒දයා᳚ත් ॥
ස॒හ॒ස්ර॒පර॑මා දේ॒වී॒ ශ॒තමූ॑ලා ශ॒තාඞ්කු॑රා ।
සර්වග්ම්॑ හරතු॑ මේ පා॒ප॒-න්දූ॒ර්වා දු॑ස්ස්වප්න॒ නාශ॑නී ॥
කාණ්ඩා᳚-ත්කාණ්ඩා-ත්ප්ර॒රෝහ॑න්තී॒ පරු॑ෂඃ පරුෂඃ॒ පරි॑ ॥ 7 ॥
ඒ॒වා නෝ॑ දූර්වේ॒ ප්රත॑නු ස॒හස්රේ॑ණ ශ॒තේන॑ ච ॥
යා ශ॒තේන॑ ප්රත॒නෝෂි॑ ස॒හස්රේ॑ණ වි॒රෝහ॑සි ।
තස්යා᳚ස්තේ දේවීෂ්ටකේ වි॒ධේම॑ හ॒විෂා॑ ව॒යම් ॥
අශ්ව॑ක්රා॒න්තේ ර॑ථක්රා॒න්තේ॒ වි॒ෂ්ණුක්රා᳚න්තේ ව॒සුන්ධ॑රා ।
ශිරසා॑ ධාර॑යිෂ්යා॒මි॒ ර॒ක්ෂ॒ස්ව මා᳚-ම්පදේ॒ පදේ ॥
භූමි-ර්ධේනු-ර්ධරණී ලෝ॑කධා॒රිණී ।
උ॒ධෘතා॑-ऽසි ව॑රාහේ॒ණ॒ කෘ॒ෂ්ණේ॒න ශ॑ත බා॒හුනා ॥
මෘ॒ත්තිකේ॑ හන॑ මේ පා॒පං॒-යඁ॒න්ම॒යා දු॑ෂ්කෘත॒-ඞ්කෘතම් । මෘ॒ත්තිකේ᳚ බ්රහ්ම॑දත්තා॒-ऽසි॒ කා॒ශ්යපේ॑නාභි॒මන්ත්රි॑තා । මෘ॒ත්තිකේ॑ දේහි॑ මේ පු॒ෂ්ටි॒-න්ත්ව॒යි ස॑ර්ව-ම්ප්ර॒තිෂ්ඨි॑තම් ॥ 8 ॥
මෘ॒ත්තිකේ᳚ ප්රතිෂ්ඨි॑තේ ස॒ර්ව॒-න්ත॒න්මේ නි॑ර්ණුද॒ මෘත්ති॑කේ । තයා॑ හ॒තේන॑ පාපේ॒න॒ ග॒ච්ඡා॒මි ප॑රමා॒-ඞ්ගතිම් ॥ යත॑ ඉන්ද්ර॒ භයා॑මහේ॒ තතෝ॑ නෝ॒ අභ॑ය-ඞ්කෘධි ।
මඝ॑වන් ඡ॒ග්ධි තව॒ තන්න॑ ඌ॒තයේ॒ විද්විෂෝ॒ විමෘධෝ॑ ජහි ॥
ස්ව॒ස්ති॒දා වි॒ශස්පති॑-ර්වෘත්ර॒හා විමෘධෝ॑ ව॒ශී ।
වෘෂේන්ද්රඃ॑ පු॒ර ඒ॑තු න-ස්ස්වස්ති॒දා අ॑භයඞ්ක॒රඃ ॥
ස්ව॒ස්ති න॒ ඉන්ද්රෝ॑ වෘ॒ද්ධශ්ර॑වා-ස්ස්ව॒ස්ති නඃ॑ පූ॒ෂා වි॒ශ්වවේ॑දාඃ । ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමි-ස්ස්ව॒ස්ති නෝ॒ බෘහ॒ස්පති॑-ර්දධාතු ॥
ආපා᳚න්ත-මන්යුස්තෘ॒පල॑ප්රභර්මා॒ ධුනි॒-ශ්ශිමී॑වාං॒-ඡරු॑මාග්ම් ඍජී॒ෂී । සෝමෝ॒ විශ්වා᳚න්යත॒සා වනා॑නි॒ නාර්වාගින්ද්ර॑-ම්ප්රති॒මානා॑නි දේභුඃ ॥ 9 ॥
බ්රහ්ම॑ ජජ්ඤා॒න-ම්ප්ර॑ථ॒ම-ම්පු॒රස්තා॒-ද්විසී॑ම॒ත-ස්සු॒රුචෝ॑ වේ॒න ආ॑වඃ । ස බු॒ධ්නියා॑ උප॒මා අ॑ස්ය වි॒ෂ්ඨා-ස්ස॒තශ්ච॒ යෝනි॒-මස॑තශ්ච॒ විවඃ॑ ॥
ස්යෝ॒නා පෘ॑ථිවි॒ භවා॑ නෘක්ෂ॒රා නි॒වේශ॑නී । යච්ඡා॑ න॒-ශ්ශර්ම॑ ස॒ප්රථාඃ᳚ ॥
ග॒න්ධ॒ද්වා॒රා-න්දු॑රාධ॒ර්ෂා॒-න්නි॒ත්යපු॑ෂ්ටා-ඞ්කරී॒ෂිණී᳚ම් । ඊ॒ශ්වරීග්ම්॑ සර්ව॑භූතා॒නා॒-න්තාමි॒හෝප॑හ්වයේ॒ ශ්රියම් ॥
ශ්රී᳚ර්මේ භ॒ජතු । අලක්ෂ්මී᳚ර්මේ න॒ශ්යතු ।
විෂ්ණු॑මුඛා॒ වෛ දේ॒වා-ශ්ඡන්දෝ॑-භිරි॒මාන් ඁලෝ॒කා-න॑නපජ॒ය්ය-ම॒භ්ය॑ජයන්න් । ම॒හාග්ම් ඉන්ද්රෝ॒ වජ්ර॑බාහු-ෂ්ෂෝඩ॒ශී ශර්ම॑ යච්ඡතු ॥ 10 ॥
ස්ව॒ස්ති නෝ॑ ම॒ඝවා॑ කරෝතු॒ හන්තු॑ පා॒ප්මානං॒-යෝඁ᳚-ऽස්මා-න්ද්වේෂ්ටි॑ ॥
සෝ॒මාන॒ග්ග්॒ ස්වර॑ණ-ඞ්කෘණු॒හි බ්ර॑හ්මණස්පතේ । ක॒ක්ෂීව॑න්තං॒-යඁ ඖ॑ශි॒ජම් ।
ශරී॑රං-යඁජ්ඤශම॒ල-ඞ්කුසී॑ද॒-න්තස්මි᳚-න්ථ්සීදතු॒ යෝ᳚-ऽස්මා-න්ද්වේෂ්ටි॑ ॥
චර॑ණ-ම්ප॒විත්රං॒-විඁත॑ත-ම්පුරා॒ණං-යේඁන॑ පූ॒ත-ස්තර॑ති දුෂ්කෘ॒තානි॑ ।
තේන॑ ප॒විත්රේ॑ණ ශු॒ද්ධේන॑ පූ॒තා අති॑ පා॒ප්මාන॒-මරා॑ති-න්තරේම ॥
ස॒ජෝෂා॑ ඉන්ද්ර॒ සග॑ණෝ ම॒රුද්භි॒-ස්සෝම॑-ම්පිබ වෘත්රහඤ්ඡූර වි॒ද්වාන් ।
ජ॒හි ශත්රූ॒ග්ම්॒ රප॒ මෘධෝ॑ නුද॒ස්වාථාභ॑ය-ඞ්කෘණුහි වි॒ශ්වතෝ॑ නඃ ॥
සු॒මි॒ත්රා න॒ ආප॒ ඕෂ॑ධය-ස්සන්තු දුර්මි॒ත්රාස්තස්මෛ॑
භූයාසු॒-ර්යා᳚-ऽස්මා-න්ද්වේෂ්ටි॒ යඤ්ච॑ ව॒ය-න්ද්වි॒ෂ්මඃ ॥
ආපෝ॒ හිෂ්ඨා ම॑යෝ॒ භුව॒ස්තා න॑ ඌ॒ර්ජේ ද॑ධාතන ॥ 11 ॥
ම॒හේරණා॑ය॒ චක්ෂ॑සේ । යෝ ව॑-ශ්ශි॒වත॑මෝ॒ රස॒-ස්තස්ය॑ භාජයතේ॒ හ නඃ॑ । උ॒ශ॒තී-රි॑ව මා॒තරඃ॑ । තස්මා॒ අර॑ඞ්ගමාමවෝ॒ යස්ය॒ ක්ෂයා॑ය॒ ජින්ව॑ථ ।
ආපෝ॑ ජ॒නය॑ථා ච නඃ ॥ හිර॑ණ්යශෘඞ්ගං॒-වඁරු॑ණ॒-ම්ප්රප॑ද්යේ තී॒ර්ථ-ම්මේ॑ දේහි॒ යාචි॑තඃ ।
ය॒න්මයා॑ භු॒ක්ත-ම॒සාධූ॑නා-ම්පා॒පේභ්ය॑ශ්ච ප්ර॒තිග්ර॑හඃ ॥ යන්මේ॒ මන॑සා වා॒චා॒ ක॒ර්ම॒ණා වා දු॑ෂ්කෘත॒-ඞ්කෘතම් । තන්න॒ ඉන්ද්රෝ॒ වරු॑ණෝ॒ බෘහ॒ස්පති॑-ස්සවි॒තා ච॑ පුනන්තු॒ පුනඃ॑ පුනඃ ॥
නමෝ॒-ऽග්නයේ᳚-ऽඵ්සු॒මතේ॒ නම॒ ඉන්ද්රා॑ය॒ නමෝ॒ වරු॑ණාය॒ නමෝ වාරුණ්යෛ॑ නමෝ॒-ऽද්භ්යඃ ॥ 12 ॥
යද॒පා-ඞ්ක්රූ॒රං-යඁද॑මේ॒ද්ධ්යං-යඁද॑ශා॒න්ත-න්තදප॑ගච්ඡතාත් ॥ අ॒ත්යා॒ශ॒නා-ද॑තීපා॒නා॒-ද්ය॒ච්ච උ॒ග්රා-ත්ප්ර॑ති॒ග්රහා᳚ත් । තන්නෝ॒ වරු॑ණෝ රා॒ජා॒ පා॒ණිනා᳚ හ්යව॒මර්ශ॑තු ॥ සෝ॑-ऽහම॑පා॒පෝ වි॒රජෝ॒ නිර්මු॒ක්තෝ මු॑ක්තකි॒ල්බිෂඃ । නාක॑ස්ය පෘ॒ෂ්ඨමාරු॑හ්ය॒ ගච්ඡේ॒-ද්බ්රහ්ම॑සලෝ॒කතාම් ॥ යශ්චා॒ඵ්සු වරු॑ණ॒-ස්ස පු॒නාත්ව॑ඝමර්ෂ॒ණඃ ॥ ඉ॒ම-ම්මේ॑ ගඞ්ගේ යමුනේ සරස්වති॒ ශුතු॑ද්රි॒ ස්තෝමග්ම්॑ සචතා॒ පරු॒ෂ්ණියා ।
අ॒සි॒ක්නි॒යා ම॑රුද්වෘධේ වි॒තස්ත॒යා-ऽऽර්ජී॑කීයේ ශෘණු॒හ්යා සු॒ෂෝම॑යා ॥
ඍ॒තඤ්ච॑ ස॒ත්යඤ්චා॒-භී᳚ද්ධා॒ ත්තප॒සෝ-ऽද්ධ්ය॑ජායත ।
තතෝ॒ රාත්රි॑-රජායත॒ තත॑-ස්සමු॒ද්රෝ අ॑ර්ණ॒වඃ ॥ 13 ॥
ස॒මු॒ද්රා-ද॑ර්ණ॒වා-දධි॑ සංවඁථ්ස॒රෝ අ॑ජායත ।
අ॒හෝ॒රා॒ත්රාණි॑ වි॒දධ॒-ද්(මි॒දධ॒ද්) විශ්ව॑ස්ය මිෂ॒තෝ ව॒ශී ॥ සූ॒ර්යා॒ච॒න්ද්ර॒මසෞ॑ ධා॒තා ය॑ථා පූ॒ර්ව ම॑කල්පයත් । දිව॑ඤ්ච පෘථි॒වී-ඤ්චා॒න්තරි॑ක්ෂ॒ මථෝ॒ සුවඃ॑ ॥ ය-ත්පෘ॑ථි॒ව්යාග්ම් රජ॑ස්ස්ව॒ මාන්තරි॑ක්ෂේ වි॒රෝද॑සී । ඉ॒මාග් ස්තදා॒පෝ ව॑රුණඃ පු॒නාත්ව॑ඝමර්ෂ॒ණඃ ॥ පු॒නන්තු॒ වස॑වඃ පු॒නාතු॒ වරු॑ණඃ පු॒නාත්ව॑ඝමර්ෂ॒ණඃ ।
ඒ॒ෂ භූ॒තස්ය॑ ම॒ද්ධ්යේ භුව॑නස්ය ගෝ॒ප්තා ॥
ඒ॒ෂ පු॒ණ්යකෘ॑තාං-ලෝඁ॒කා॒නේ॒ෂ මෘ॒ත්යෝර්-හි॑ර॒ණ්මය᳚ම් । ද්යාවා॑පෘථි॒ව්යෝර්-හි॑ර॒ණ්මය॒ග්ම්॒ සග්ග්ශ්රි॑ත॒ග්ම්॒ සුවඃ॑ ॥ 14 ॥
ස න॒-ස්සුව॒-ස්සග්ම් ශි॑ශාධි ॥
ආර්ද්ර॒-ඤ්ජ්වල॑ති॒ ජ්යෝති॑-ර॒හම॑ස්මි । ජ්යෝති॒-ර්ජ්වල॑ති॒ බ්රහ්මා॒හම॑ස්මි । යෝ॑-ऽහම॑ස්මි॒ බ්රහ්මා॒හම॑ස්මි । අ॒හම॑ස්මි॒ බ්රහ්මා॒හම॑ස්මි । අ॒හමේ॒වාහ-ම්මා-ඤ්ජු॑හෝමි॒ ස්වාහා᳚ ॥ අ॒කා॒ර්ය॒-කා॒ර්ය॑ව කී॒ර්ණී ස්තේ॒නෝ භ්රූ॑ණ॒හා ගු॑රුත॒ල්පගඃ । වරු॑ණෝ॒-ऽපාම॑ඝමර්ෂ॒ණ-ස්තස්මා᳚-ත්පා॒පා-ත්ප්රමු॑ච්යතේ ॥
ර॒ජෝභූමි॑ස්ත්ව॒මාග්ම් රෝද॑යස්ව॒ ප්රව॑දන්ති॒ ධීරාඃ᳚ ॥
ආක්රා᳚න්-ථ්සමු॒ද්රඃ ප්ර॑ථ॒මේ විධ॑ර්ම-ඤ්ජ॒නය॑-න්ප්ර॒ජා භුව॑නස්ය॒ රාජා᳚ ।
වෘෂා॑ ප॒විත්රේ॒ අධි॒සානෝ॒ අව්යේ॑ බෘ॒හ-ථ්සෝමෝ॑
වාවෘධේ සුවා॒න ඉන්දුඃ॑ ॥ 15 ॥
(පුර॑ස්තා॒--ද්යශෝ॒ - ගුහා॑සු॒ - මම॑ - චක්රතු॒ණ්ඩාය॑ ධීමහි - තීක්ෂද॒ග්ග්॒ෂ්ඨ්රාය॑ ධීමහි॒ - පරි॑ - ප්ර॒තිෂ්ඨි॑තං - දේභු--ර් යච්ඡතු - දධාතනා॒- ද්භ්යෝ᳚ - ऽර්ණ॒වඃ - සුවෝ॒ - රාජෛක॑-ඤ්ච) (අ. 1)
රු॒ද්රෝ॒ රු॒ද්රශ්ච॒ දන්ති॒ශ්ච॒ න॒න්දි॒-ෂ්ෂ॒ණ්මු॒ඛ॒ ඒ॒ව ච॑ । ග॒රු॒ඩෝ॒ බ්ර॒හ්ම॒ වි॒ෂ්ණු॒ශ්ච॒ නා॒ර॒සි॒ග්ම්॒හ॒ස්ත॒ථෛ॒ව ච॑ । ආ॒දි॒ත්යෝ॒-ऽග්නි॒ශ්ච॒ දු॒ර්ගි॒ශ්ච॒ ක්ර॒මේ॒ණ॒ ද්වාද॒ශාම්භ॑සි ।
ම॒ ම॒ ව॒ ච॒ ම॒ සු॒ වේ॒ නා॒ ව॒ භා॒ වෛ॒ කා॒ත්යා॒ය॒නාය॑ ।
අනුවාකං 2
ජා॒තවේ॑දසේ සුනවාම॒ සෝම॑-මරාතීය॒තෝ නිද॑හාති॒ වේදඃ॑ । ස නඃ॑ පර්ෂ॒දති॑ දු॒ර්ගාණි॒ විශ්වා॑ නා॒වේව॒ සින්ධු॑-න්දුරි॒තා-ऽත්ය॒ග්නිඃ ॥
තාම॒ග්නිව॑ර්ණා॒-න්තප॑සා ජ්වල॒න්තීං-වෛඁ ॑රෝච॒නී-ඞ්ක॑ර්මඵ॒ලේෂු॒ ජුෂ්ටා᳚ම් । දු॒ර්ගා-න්දේ॒වීග්ම් ශර॑ණම॒හ-ම්ප්රප॑ද්යේ සු॒තර॑සි තරසේ॒ නමඃ॑ ॥
අග්නේ॒ ත්ව-ම්පා॑රයා॒ නව්යෝ॑ අ॒ස්මාන්-ථ්ස්ව॒ස්ති-භි॒රති॑ දු॒ර්ගාණි॒ විශ්වා᳚ । පූශ්ච॑ පෘ॒ථ්වී බ॑හු॒ලා න॑ උ॒ර්වී භවා॑ තෝ॒කාය॒ තන॑යාය॒ ශංයෝඁඃ ॥
විශ්වා॑නි නෝ දු॒ර්ගහා॑ ජාතවේද॒-ස්සින්ධු॒-න්න නා॒වා දු॑රි॒තා-ऽති॑පර්ෂි । අග්නේ॑ අත්රි॒ව-න්මන॑සා ගෘණා॒නෝ᳚-ऽස්මාක॑-ම්බෝද්ධ්යවි॒තා ත॒නූනා᳚ම් ॥
පෘ॒ත॒නා॒ජිත॒ග්ම්॒ සහ॑මාන-මු॒ග්රම॒ග්නිග්ම් හු॑වේම පර॒මා-ථ්ස॒ධස්ථා᳚ත් । ස නඃ॑ පර්ෂ॒දති॑ දු॒ර්ගාණි॒ විශ්වා॒ ක්ෂාම॑ද්දේ॒වෝ අති॑ දුරි॒තා-ऽත්ය॒ග්නිඃ ॥
ප්ර॒ත්නෝෂි॑-ක॒මීඩ්යෝ॑ අද්ධ්ව॒රේෂු॑ ස॒නාච්ච॒ හෝතා॒ නව්ය॑ශ්ච॒ සථ්සි॑ । ස්වාඤ්චා᳚ග්නේ ත॒නුව॑-ම්පි॒ප්රය॑ස්වා॒ස්මභ්ය॑ඤ්ච॒ සෞභ॑ග॒මාය॑ජස්ව ॥
ගෝභි॒-ර්ජුෂ්ට॑ම॒යුජෝ॒ නිෂි॑ක්ත॒-න්තවේ᳚න්ද්ර විෂ්ණෝ॒-රනු॒සඤ්ච॑රේම ।
නාක॑ස්ය පෘ॒ෂ්ඨම॒භි සං॒වඁසා॑නෝ॒ වෛෂ්ණ॑වීං-ලෝඁ॒ක ඉ॒හ මා॑දයන්තාම් ॥ 16 ॥
(දු॒රි॒තා-ऽත්ය॒ග්නිශ්ච॒ත්වාරි॑ ච) (අ. 2)
අනුවාකං 3
භූ-රන්න॑-ම॒ග්නයේ॑ පෘථි॒ව්යෛ ස්වාහා॒ ,
භුවෝ-ऽන්නං॑-වාඁ॒යවේ॒-ऽන්තරි॑ක්ෂාය॒ ස්වාහා॒,
සුව॒රන්න॑-මාදි॒ත්යාය॑ දි॒වේ ස්වාහා॒ ,
භූර්භුව॒ස්සුව॒-රන්න॑-ඤ්ච॒න්ද්රම॑සේ දි॒ග්භ්ය-ස්ස්වාහා॒ ,
නමෝ॑ දේ॒වේභ්ය॑-ස්ස්ව॒ධා පි॒තෘභ්යෝ॒ භූර්භුව॒ස්සුව॒-රන්න॒මෝම් ॥ 17 ॥
අනුවාකං 4
භූර॒ග්නයේ॑ පෘථි॒ව්යෛ ස්වාහා॒,
භුවෝ॑ වා॒යවේ॒-ऽන්තරි॑ක්ෂාය॒ ස්වාහා॒ ,
සුව॑රාදි॒ත්යාය॑ දි॒වේ ස්වාහා॒ ,
භූර්භුව॒ස්සුව॑-ශ්ච॒න්ද්රම॑සේ දි॒ග්භ්ය-ස්ස්වාහා॒,
නමෝ॑ දේ॒වේභ්ය॑-ස්ස්ව॒ධා පි॒තෘභ්යෝ॒ භූර්භුව॒ස්සුව॒-රග්න॒ ඕම් ॥ 18 ॥
අනුවාකං 5
භූර॒ග්නයේ॑ ච පෘථි॒ව්යෛ ච॑ මහ॒තේ ච॒ ස්වාහා॒ ,
භුවෝ॑ වා॒යවේ॑ චා॒න්තරි॑ක්ෂාය ච මහ॒තේ ච॒ ස්වාහා॒ ,
සුව॑රාදි॒ත්යාය॑ ච දි॒වේ ච॑ මහ॒තේ ච॒ ස්වාහා॒ ,
භූ-ර්භුව॒ස්සුව॑-ශ්ච॒න්ද්රම॑සේ ච॒ නක්ෂ॑ත්රේභ්යශ්ච දි॒ග්භ්යශ්ච॑ මහ॒තේ ච॒ ස්වාහා॒,
නමෝ॑ දේ॒වේභ්ය॑-ස්ස්ව॒ධා පි॒තෘභ්යෝ॒ භූර්භුව॒ස්සුව॒-ර්මහ॒රෝම් ॥ 19 ॥
අනුවාකං 6
පාහි නෝ අග්න ඒන॑සේ ස්වා॒හා । පාහි නෝ විශ්වවේද॑සේ ස්වා॒හා । යජ්ඤ-ම්පාහි විභාව॑සෝ ස්වා॒හා । සර්ව-ම්පාහි ශතක්ර॑තෝ ස්වා॒හා ॥ 20 ॥
අනුවාකං 7
පා॒හි නෝ॑ අග්න॒ ඒක॑යා । පා॒හ්යු॑ත ද්වි॒තීය॑යා । පා॒හ්යූර්ජ॑-න්තෘ॒තීය॑යා ।
පා॒හි ගී॒ර්භි-ශ්ච॑ත॒සෘභි॑-ර්වසෝ॒ ස්වාහා᳚ ॥ 21 ॥
අනුවාකං 8
යශ්ඡන්ද॑සා-මෘෂ॒භෝ වි॒ශ්වරූ॑ප॒-ශ්ඡන්දෝ᳚භ්ය॒ ශ්ඡන්දාග්॑ස්යා වි॒වේශ॑ । සචාග්ම් ශික්යඃ පුරෝ වාචෝ॑පනි॒ෂ-දින්ද්රෝ᳚ ජ්යේ॒ෂ්ඨ ඉ॑න්ද්රි॒යාය॒ ඍෂි॑භ්යෝ॒
නමෝ॑ දේ॒වේභ්ය॑-ස්ස්ව॒ධා පි॒තෘභ්යෝ॒ භූර්භුව॒ස්සුව॒ ශ්ඡන්ද॒ ඕම් ॥ 22 ॥
අනුවාකං 9
නමෝ॒ බ්රහ්ම॑ණේ ධා॒රණ॑-ම්මේ අ॒ස්ත්ව-නි॑රාකරණං-ධා॒රයි॑තා භූයාස॒-ඞ්කර්ණ॑යෝ-ශ්ශ්රු॒ත-ම්මාච්යෝ᳚ඪ්ව॒-ම්මමා॒මුෂ්ය॒ ඕම් ॥ 23 ॥
අනුවාකං 10
ඍ॒ත-න්තප॑-ස්ස॒ත්ය-න්තප॑-ශ්ශ්රු॒ත-න්තප॑-ශ්ශා॒න්ත-න්තපෝ॒ දම॒ ස්තප॒-ශ්ශම॒ස්තපෝ॒ දාන॒-න්තපෝ॒ යජ්ඤ॒-න්තපෝ॒ භූර්භුව॒ස්සුව॒-ර්බ්රහ්මෛ॒-තදුපා᳚ස්යෛ॒-තත්තපඃ॑ ॥ 24 ॥
අනුවාකං 11
යථා॑ වෘ॒ක්ෂස්ය॑ ස॒පුංෂ්පි॑තස්ය දූ॒රා-ද්ග॒න්ධෝ වා᳚ත්යේ॒ව-ම්පුණ්ය॑ස්ය ක॒ර්මණෝ॑ දූ॒රා-ද්ග॒න්ධෝ වා॑ති॒ යථා॑-ऽසිධා॒රා-ඞ්ක॒ර්තේ-ऽව॑හිතා-මව॒ක්රාමේ॒ යද්යුවේ॒ යුවේ॒ හවා॑ වි॒හ්වයි॑ෂ්යාමි ක॒ර්ත-ම්ප॑තිෂ්යා॒මීත්යේ॒ව-ම॒මෘතා॑-දා॒ත්මාන॑-ඤ්ජු॒ගුඵ්සේ᳚ත් ॥ 25 ॥
අනුවාකං 12
අ॒ණෝ-රණී॑යා-න්මහ॒තෝ මහී॑යා-නා॒ත්මා ගුහා॑යා॒-න්නිහි॑තෝ-ऽස්ය ජ॒න්තෝඃ । තම॑ක්රතු-ම්පශ්යති වීතශෝ॒කෝ ධා॒තුඃ ප්ර॒සාදා᳚-න්මහි॒මාන॑මීශම් ॥
ස॒ප්ත ප්රා॒ණාඃ ප්ර॒භව॑න්ති॒ තස්මා᳚-ථ්ස॒ප්තාර්චිෂ॑-ස්ස॒මිධ॑-ස්ස॒ප්ත ජි॒හ්වාඃ । ස॒ප්ත ඉ॒මේ ලෝ॒කා යේෂු॒ චර॑න්ති ප්රා॒ණා ගු॒හාශ॑යා॒-න්නිහි॑තා-ස්ස॒ප්ත ස॑ප්ත ॥
අත॑-ස්සමු॒ද්රා ගි॒රය॑ශ්ච॒ සර්වේ॒-ऽස්මා-ථ්ස්යන්ද॑න්තේ॒ සින්ධ॑ව॒-ස්සර්ව॑රූපාඃ । අත॑ශ්ච॒ විශ්වා॒ ඕෂ॑ධයෝ॒ රසා᳚ච්ච॒ යේනෛ॑ෂ භූ॒ත-ස්ති॑ෂ්ඨත්යන්තරා॒ත්මා ॥
බ්ර॒හ්මා දේ॒වානා᳚-ම්පද॒වීඃ ක॑වී॒නා-මෘෂි॒-ර්විප්රා॑ණා-ම්මහි॒ෂෝ මෘ॒ගාණා᳚ම් ।
ශ්යේ॒නෝ ගෘධ්රා॑ණා॒ග්॒ ස්වධි॑ති॒-ර්වනා॑නා॒ග්ම්॒ සෝමඃ॑ ප॒විත්ර॒ මත්යේ॑ති॒ රේභන්න්॑ ॥
අ॒ජා මේකාං॒-ලෝඁහි॑ත-ශුක්ල-කෘ॒ෂ්ණා-ම්බ॒හ්වී-ම්ප්ර॒ජා-ඤ්ජ॒නය॑න්තී॒ග්ම්॒ සරූ॑පාම් । අ॒ජෝ හ්යේකෝ॑ ජු॒ෂමා॑ණෝ-ऽනු॒ශේතේ॒ ජහා᳚ත්යේනා-ම්භු॒ක්ත-භෝ॑ගා॒මජෝ᳚-ऽන්යඃ ॥ 26 ॥
හ॒ග්ම්॒ස-ශ්ශු॑චි॒ෂ-ද්වසු॑-රන්තරික්ෂ॒-සද්ධෝතා॑ වේදි॒ෂ-දති॑ථි-ර්දුරෝණ॒සත් ।
නෘ॒ෂද්ව॑ර॒-සදෘ॑ත॒-ස-ද්ව්යෝ॑ම॒-සද॒බ්ජා ගෝ॒ජා ඍ॑ත॒ජා අ॑ද්රි॒ජා ඍ॒ත-ම්බෘ॒හත් ॥
ඝෘ॒ත-ම්මි॑මික්ෂිරේ ඝෘ॒තම॑ස්ය॒ යෝනි॑-ර්ඝෘ॒තේ ශ්රි॒තෝ ඝෘ॒තමු॑වස්ය॒ ධාම॑ ।
අ॒නු॒ෂ්ව॒ධමාව॑හ මා॒දය॑ස්ව॒ ස්වාහා॑ කෘතං-වෘඁෂභ වක්ෂි හ॒ව්යම් ॥
ස॒මු॒ද්රා දූ॒ර්මි-ර්මධු॑මා॒ග්ම්॒ උදා॑ර-දුපා॒ග්ම්॒ශුනා॒ සම॑මෘත॒ත්ව මා॑නට් ।
ඝෘ॒තස්ය॒ නාම॒ ගුහ්යං॒-යඁදස්ති॑ ජි॒හ්වා දේ॒වානා॑-ම॒මෘත॑ස්ය॒ නාභිඃ॑ ॥
ව॒ය-න්නාම॒ ප්රබ්ර॑වාමා ඝෘ॒තේනා॒ස්මින්. ය॒ජ්ඤේ ධා॑රයාමා॒ නමෝ॑භිඃ ।
උප॑ බ්ර॒හ්මා ශෘ॑ණවච්ඡ॒ස්යමා॑න॒-ඤ්චතු॑-ශ්ශෘඞ්ගෝ ऽවමී-ද්ගෞ॒ර ඒ॒තත් ॥
ච॒ත්වාරි॒ ශෘඞ්ගා॒ ත්රයෝ॑ අස්ය॒ පාදා॒ ද්වේ ශී॒ර॒.ෂේ ස॒ප්ත හස්තා॑සෝ අ॒ස්ය ।
ත්රිධා॑ බ॒ද්ධෝ වෘ॑ෂ॒භෝ රෝ॑රවීති ම॒හෝ දේ॒වෝ මර්ත්යා॒ග්ම්॒ ආවි॑වේශ ॥ 27 ॥
ත්රිධා॑ හි॒ත-ම්ප॒ණිභි॑-ර්ගු॒හ්යමා॑න॒-ඞ්ගවි॑-දේ॒වාසෝ॑ ඝෘ॒තමන්ව॑වින්දන්න් । ඉන්ද්ර॒ ඒක॒ග්ම්॒ සූර්ය॒ ඒක॑-ඤ්ජජාන වේ॒නා දේකග්ග්॑ ස්ව॒ධයා॒ නිෂ්ට॑තක්ෂුඃ ॥
යෝ දේ॒වානා᳚-ම්ප්රථ॒ම-ම්පු॒රස්තා॒-ද්විශ්වා॒ධියෝ॑ රු॒ද්රෝ ම॒හර්ෂිඃ॑ । හි॒ර॒ණ්ය॒ග॒ර්භ-ම්ප॑ශ්යත॒ ජාය॑මාන॒ග්ම්॒ සනෝ॑ දේ॒ව-ශ්ශු॒භයා॒ ස්මෘත්යා॒ සංයුඁ ॑නක්තු ॥ යස්මා॒ත්පර॒-න්නාප॑ර॒ මස්ති॒ කිඤ්චි॒ද්යස්මා॒-න්නාණී॑යෝ॒ න ජ්යායෝ᳚-ऽස්ති॒ කශ්චි॑ත් ।
වෘ॒ක්ෂ ඉ॑ව ස්තබ්ධෝ දි॒වි ති॑ෂ්ඨ॒-ත්යේක॒ස්තේනේ॒ද-ම්පූ॒ර්ණ-ම්පුරු॑ෂේණ॒ සර්ව᳚ම් ॥
න කර්ම॑ණා න ප්ර॒ජයා॒ ධනේ॑න॒ ත්යාගේ॑නෛකේ අමෘත॒ත්ව-මා॑න॒ශුඃ ।
පරේ॑ණ॒ නාක॒-න්නිහි॑ත॒-ඞ්ගුහා॑යාං-විඁ॒භ්රාජ॑දේ॒ත-ද්යත॑යෝ වි॒ශන්ති॑ ॥ වේ॒දා॒න්ත॒ වි॒ජ්ඤාන॒-සුනි॑ශ්චිතා॒ර්ථා-ස්සන්යා॑ස යෝ॒ගාද්යත॑ය-ශ්ශුද්ධ॒ සත්ත්වාඃ᳚ ।
තේ බ්ර॑හ්මලෝ॒කේ තු॒ පරා᳚න්තකාලේ॒ පරා॑මෘතා॒-ත්පරි॑මුච්යන්ති॒ සර්වේ᳚ ॥ ද॒හ්රං॒-විඁ॒පා॒ප-ම්ප॒රමේ᳚ශ්ම භූතං॒-යඁ-ත්පු॑ණ්ඩරී॒ක-ම්පු॒රම॑ද්ධ්ය ස॒ග්ග්॒ස්ථම් । ත॒ත්රා॒පි॒ ද॒හ්ර-ඞ්ග॒ගනං॑-විඁශෝක॒-ස්තස්මි॑න්. යද॒න්තස්ත-දුපා॑සිත॒ව්යම් ॥
යෝ වේදාදෞ ස්ව॑රඃ ප්රෝ॒ක්තෝ॒ වේ॒දාන්තේ॑ ච
ප්ර॒තිෂ්ඨි॑තඃ । තස්ය॑ ප්ර॒කෘති॑-ලීන॒ස්ය॒ යඃ॒ පර॑-ස්ස॒ ම॒හේශ්ව॑රඃ ॥ 28 ॥
(අජෝ᳚-ऽන්ය॒ - ආවි॑වේශ॒ - සර්වේ॑ ච॒ත්වාරි॑ ච) (අ. 12)
අනුවාකං 13
ස॒හ॒ස්ර॒ශීර්ෂ॑-න්දේ॒වං॒-විඁ॒ශ්වාක්ෂං॑-විඁ॒ශ්ව ශ॑-ම්භුවම් । විශ්ව॑-න්නා॒රාය॑ණ-න්දේ॒ව॒ම॒ක්ෂර॑-ම්පර॒ම-ම්ප॒දම් ॥
වි॒ශ්වතඃ॒ පර॑මාන්නි॒ත්යං॒-විඁ॒ශ්ව-න්නා॑රාය॒ණග්ම් හ॑රිම් । විශ්ව॑මේ॒වේද-ම්පුරු॑ෂ॒-ස්ත-ද්විශ්ව॒මුප॑ජීවති ॥
පතිං॒-විඁශ්ව॑ස්යා॒ත්මේශ්ව॑ර॒ග්ම්॒ ශාශ්ව॑තග්ම් ශි॒වම॑ච්යුතම් । නා॒රාය॒ණ-ම්ම॑හාජ්ඤේ॒යං॒-විඁ॒ශ්වාත්මා॑න-ම්ප॒රාය॑ණම් ॥
නා॒රාය॒ණ ප॑රෝ ජ්යෝ॒ති॒රා॒ත්මා නා॑රය॒ණඃ ප॑රඃ ।
නා॒රාය॒ණ ප॑ර-ම්බ්ර॒හ්ම॒ ත॒ත්ත්ව-න්නා॑රාය॒ණඃ ප॑රඃ । නා॒රාය॒ණ ප॑රෝ ධ්යා॒තා॒ ධ්යා॒න-න්නා॑රාය॒ණඃ ප॑රඃ ॥ යච්ච॑ කි॒ඤ්චිජ්-ජ॑ග-ථ්ස॒ර්ව॒-න්දෘ॒ශ්යතේ᳚ ශ්රූය॒තේ-ऽපි॑ වා ॥ 29 ॥
අන්ත॑-ර්බ॒හිශ්ච॑ ත-ථ්ස॒ර්වං॒-ව්යාඁ॒ප්ය නා॑රාය॒ණ-ස්ස්ථි॑තඃ ॥
අන॑න්ත॒ මව්ය॑ය-ඞ්ක॒විග්ම් ස॑මු॒ද්රේ-ऽන්තං॑-විඁ॒ශ්ව ශ॑භුංවඁම් । ප॒ද්ම॒කෝ॒ශ-ප්ර॑තීකා॒ශ॒ග්ම්॒ හෘ॒දය॑-ඤ්චාප්ය॒ධෝමු॑ඛම් ॥
අධෝ॑ නි॒ෂ්ට්යා වි॑තස්ත්යා॒න්තේ॒ නා॒භ්යාමු॑පරි॒ තිෂ්ඨ॑ති ।
ජ්වා॒ල॒මා॒ලා කු॑ල-ම්භා॒තී॒ වි॒ශ්වස්යා॑යත॒න-ම්ම॑හත් ॥
සන්ත॑තග්ම් ශි॒ලාභි॑ස්තු॒ ලම්බ॑ත්යා කෝශ॒සන්නි॑භම් ।
තස්යාන්තේ॑ සුෂි॒රග්ම් සූ॒ක්ෂ්ම-න්තස්මි᳚න්-ථ්ස॒ර්ව-ම්ප්රති॑ෂ්ඨිතම් ॥
තස්ය॒ මද්ධ්යේ॑ ම॒හාන॑ග්නි-ර්වි॒ශ්වාර්චි॑-ර්වි॒ශ්වතෝ॑ මුඛඃ । සෝ-ऽග්ර॑භු॒ග් විභ॑ජ-න්ති॒ෂ්ඨ॒-න්නාහා॑ර-මජ॒රඃ ක॒විඃ । ති॒ර්ය॒ගූ॒ර්ධ්ව ම॑ධ-ශ්ශා॒යී॒ ර॒ශ්මය॑ස්තස්ය॒ සන්ත॑තා ॥ ස॒න්තා॒පය॑ති ස්ව-න්දේ॒හමාපා॑දතල॒ මස්ත॑කඃ । තස්ය॒ මද්ධ්යේ॒ වහ්නි॑ශිඛා අ॒ණීයෝ᳚ර්ධ්වා ව්ය॒වස්ථි॑තඃ ॥
නී॒ලතෝ॑ යද॑ මද්ධ්ය॒ස්ථා॒-ද්වි॒ද්යුල්ලේ॑ඛේව॒ භාස්ව॑රා ।
නී॒වාර॒ ශූක॑වත්ත॒න්වී॒ පී॒තා භා᳚ස්වත්ය॒ණූප॑මා ॥
තස්යා᳚-ශ්ශිඛා॒යා ම॑ද්ධ්යේ ප॒රමා᳚ත්මා ව්ය॒වස්ථි॑තඃ ।
ස බ්රහ්ම॒ ස ශිව॒-ස්ස හරි॒-ස්සේන්ද්ර॒-ස්සෝ-ऽක්ෂ॑රඃ පර॒ම-ස්ස්ව॒රාට් ॥ 30 ॥
(අපි॑ වා॒ - සන්ත॑තා॒ ෂට් ච॑) (අ. 13)
අනුවාකං 14
ආ॒දි॒ත්යෝ වා ඒ॒ෂ ඒ॒ත-න්ම॒ණ්ඩල॒-න්තප॑ති॒ තත්ර॒ තා ඍච॒ස්තදෘ॒චා ම॑ණ්ඩල॒ග්ම්॒ ස ඍ॒චාං-ලෝඁ॒කෝ-ऽථ॒ය ඒ॒ෂ ඒ॒තස්මි॑-න්ම॒ණ්ඩලේ॒-ऽර්චි-ර්දී॒ප්යතේ॒ තානි॒ සාමා॑නි॒ ස සා॒ම්නාං-ලෝඁ॒කෝ-ऽථ॒ ය ඒ॒ෂ ඒ॒තස්මි॑-න්ම॒ණ්ඩලේ॒-ऽර්චිෂි॒ පුරු॑ෂ॒ස්තානි॒ යජූග්ම්॑ෂි॒ ස යජු॑ෂා මණ්ඩල॒ග්ම්॒ ස යජු॑ෂාං-ලෝඁ॒ක-ස්සෛෂා ත්ර॒ය්යේව॑ වි॒ද්යා ත॑පති॒ ය ඒ॒ෂෝ᳚-ऽන්ත-රා॑දි॒ත්යේ හි॑ර॒ණ්මයඃ॒ පුරු॑ෂඃ ॥ 31 ॥
අනුවාකං 15
ආ॒දි॒ත්යෝ වෛ තේජ॒ ඕජෝ॒ බලං॒-යඁශ॒-ශ්චක්ෂු॒-ශ්ශ්රෝත්ර॑මා॒ත්මා මනෝ॑ ම॒න්යු-ර්මනු॑-ර්මෘ॒ත්යු-ස්ස॒ත්යෝ මි॒ත්රෝ වා॒යුරා॑කා॒ශඃ ප්රා॒ණෝ ලෝ॑කපා॒ලඃ කඃ කි-ඞ්ක-න්ත-ථ්ස॒ත්යමන්න॑-ම॒මෘතා॑ ජී॒වෝ විශ්වඃ॑ කත॒ම-ස්ස්ව॑ය॒භු-ම්බ්රහ්මෛ॒ තදමෘ॑ත ඒ॒ෂ පුරු॑ෂ ඒ॒ෂ භූ॒තානා॒-මධි॑පති॒-ර්බ්රහ්ම॑ණ॒-ස්සායු॑ජ්යග්ම් සලෝ॒කතා॑-මාප්නෝ-ත්යේ॒තාසා॑මේ॒ව දේ॒වතා॑නා॒ග්ම්॒ සායු॑ජ්යග්ම් සා॒ර්ෂ්ටිතාග්ම්॑ සමාන ලෝ॒කතා॑-මාප්නෝති॒ ය ඒ॒වං-වේඁදේ᳚ත්යුප॒නිෂත් ॥ 32 ॥
අනුවාකං 16
නිධ॑නපතයේ॒ නමඃ । නිධ॑නපතාන්තිකාය॒ නමඃ ।
ඌර්ධ්වාය॒ නමඃ । ඌර්ධ්වලිඞ්ගාය॒ නමඃ ।
හිරණ්යාය॒ නමඃ । හිරණ්යලිඞ්ගාය॒ නමඃ ।
සුවර්ණාය॒ නමඃ । සුවර්ණලිඞ්ගාය॒ නමඃ ।
දිව්යාය॒ නමඃ । දිව්යලිඞ්ගාය॒ නමඃ ॥ 33 ॥
භවාය॒ නමඃ । භවලිඞ්ගාය॒ නමඃ ।
ශර්වාය॒ නමඃ । ශර්වලිඞ්ගාය॒ නමඃ ।
ශිවාය॒ නමඃ । ශිවලිඞ්ගාය॒ නමඃ ।
ජ්වලාය॒ නමඃ । ජ්වලලිඞ්ගාය॒ නමඃ ।
ආත්මාය॒ නමඃ । ආත්මලිඞ්ගාය॒ නමඃ ।
පරමාය॒ නමඃ । පරමලිඞ්ගාය॒ නමඃ ।
ඒතථ්සෝමස්ය॑ සූර්ය॒ස්ය॒ සර්වලිඞ්ගග්ග්॑ ස්ථාප॒ය॒ති॒ පාණිමන්ත්ර॑-ම්පවි॒ත්රම් ॥ 34 ॥
අනුවාකං 17
ස॒ද්යෝජා॒ත-ම්ප්ර॑පද්යා॒මි॒ ස॒ද්යෝජා॒තාය॒ වෛ නමෝ॒ නමඃ॑ । භ॒වේ භ॑වේ॒ නාති॑භවේ භවස්ව॒ මාම් । භ॒වෝද්භ॑වාය॒ නමඃ॑ ॥ 35 ॥
අනුවාකං 18
වා॒ම॒දේ॒වාය॒ නමෝ᳚ ජ්යේ॒ෂ්ඨාය॒ නම॑-ශ්ශ්රේ॒ෂ්ඨාය॒ නමෝ॑ රු॒ද්රාය॒ නමඃ॒ කාලා॑ය॒
නමඃ॒ කල॑විකරණාය॒ නමෝ॒ බල॑විකරණාය॒ නමෝ॒ බලා॑ය॒ නමෝ॒ බල॑ප්රමථනාය॒ නම॒-ස්සර්ව॑භූතදමනාය॒ නමෝ॑ ම॒නෝන්ම॑නාය॒ නමඃ॑ ॥ 36 ॥
අනුවාකං 19
අ॒ඝෝරේ᳚භ්යෝ-ऽථ॒ ඝෝරේ᳚භ්යෝ॒ ඝෝර॒ඝෝර॑තරේභ්යඃ ।
සර්වේ᳚භ්ය-ස්සර්ව॒ ශර්වේ᳚භ්යෝ॒ නම॑ස්තේ අස්තු රු॒ද්රරූ॑පේභ්යඃ ॥ 37 ॥
අනුවාකං 20
තත්පුරු॑ෂාය වි॒ද්මහේ॑ මහාදේ॒වාය॑ ධීමහි ।
තන්නෝ॑ රුද්රඃ ප්රචෝ॒දයා᳚ත් ॥ 38 ॥
අනුවාකං 21
ඊශාන-ස්සර්ව॑විද්යා॒නා॒- මීශ්වර-ස්සර්ව॑භූතා॒නා॒-ම්බ්රහ්මාධි॑පති॒-ර්බ්රහ්ම॒ණෝ-ऽධි॑පති॒-ර්බ්රහ්මා॑ ශි॒වෝ මේ॑ අස්තු සදාශි॒වෝම් ॥ 39 ॥
අනුවාකං 22
නමෝ හිරණ්යබාහවේ හිරණ්යවර්ණාය හිරණ්යරූපාය හිරණ්යපතයේ ऽබිඞ්කාපතය උමාපතයේ පශුපතයේ॑ නමෝ॒ නමඃ ॥ 40 ॥
අනුවාකං 23
ඍ॒තග්ම් ස॒ත්ය-ම්ප॑ර-ම්බ්ර॒හ්ම॒ පු॒රුෂ॑-ඞ්කෘෂ්ණ॒පිඞ්ග॑ලම් । ඌ॒ර්ධ්වරේ॑තං-විඁ ॑රූපා॒ක්ෂං॒-විඁ॒ශ්වරූ॑පාය॒ වෛ නමෝ॒ නමඃ॑ ॥ 41 ॥
අනුවාකං 24
සර්වෝ॒ වෛ රු॒ද්රස්තස්මෛ॑ රු॒ද්රාය॒ නමෝ॑ අස්තු ।
පුරු॑ෂෝ॒ වෛ රු॒ද්ර-ස්සන්ම॒හෝ නමෝ॒ නමඃ॑ ।
විශ්ව॑-ම්භූ॒ත-ම්භුව॑න-ඤ්චි॒ත්ර-ම්බ॑හු॒ධා ජා॒ත-ඤ්ජාය॑මාන-ඤ්ච॒ යත් । සර්වෝ॒ හ්යේ॑ෂ රු॒ද්රස්තස්මෛ॑ රු॒ද්රාය॒ නමෝ॑ අස්තු ॥ 42 ॥
අනුවාකං 25
කද්රු॒ද්රාය॒ ප්රචේ॑තසේ මී॒ඪුෂ්ට॑මාය॒ තව්ය॑සේ । වෝ॒චේම॒ ශන්ත॑මග්ම් හෘ॒දේ ॥ සර්වෝ॒හ්යේ॑ෂ රු॒ද්රස්තස්මෛ॑ රු॒ද්රාය॒ නමෝ॑ අස්තු ॥ 43 ॥
අනුවාකං 26
යස්ය॒ වෛ ක॑ඞ්කත්යග්නි-හෝත්ර॒හව॑ණී භවති॒ ප්රත්යේ॒වා-ස්යාහු॑තය-ස්තිෂ්ඨ॒න්ත්යථෝ॒ ප්රති॑ෂ්ඨිත්යෛ ॥ 44 ॥
අනුවාකං 27
(ඨිස් ඒක්ෂ්පන්සිඔන් ඉස් අප්පෙඅරින්ග් ඉ-න්තෛ. සං. 1.2.14.1 fඔ-ර්කෘ॒ණු॒ෂ්ව පාජ॒ ඉති॒ පඤ්ච॑ । )
කෘ॒ණු॒ෂ්ව පාජඃ॒ ප්රසි॑ති॒න්න පෘ॒ථ්වීං-යාඁ॒හි රාජේ॒ වා॑මවා॒ග්ම්॒ ඉභේ॑න । තෘ॒ෂ්වීමනු॒ ප්රසි॑ති-න්ද්රූණා॒නෝ-ऽස්තා॑-ऽසි॒ විද්ධ්ය॑ ර॒ක්ෂ ස॒ස්තපි॑ෂ්ඨෛඃ ॥ 1 ॥
තව॑ භ්ර॒මාස॑ ආශු॒යා ප॑ත॒න්ත්යනු॑ ස්පෘශ ධෘෂ॒තා ශෝශු॑චානඃ । තපූග්॑ෂ්යග්නේ ජු॒හ්වා॑ පත॒ගාන්න ස॑න්දිතෝ॒ විසෘ॑ජ॒ විෂ්ව॑ ගු॒ල්කාඃ ॥ 2 ॥
ප්රති॒ස්පශෝ॒ විසෘ॑ජ॒ තූර්ණි॑ තමෝ॒ භවා॑ පා॒යු-ර්වි॒ශෝ අ॒ස්යා අද॑බ්ධඃ । යෝ නෝ॑ දූ॒රේ අ॒ඝශග්ම්॑සෝ॒ යෝ අන්ත්ය॑ග්නේ॒ මාකි॑ෂ්ටේ॒ ව්යථි॒රා
ද॑ධර්ෂීත් ॥ 3 ॥
උද॑ග්නේ තිෂ්ඨ॒ ප්රත්යා ත॑නුෂ්ව॒න්ය॑ මිත්රාග්ම්॑ ඕෂතා-ත්තිග්මහේතේ । යෝ නෝ॒ අරා॑තිග්ම් සමිධාන ච॒ක්රේ නී॒චාත-න්ධ॑ක්ෂ්යත॒ සන්න ශුෂ්ක᳚ම් ॥ 4 ॥
ඌ॒ර්ධ්වෝ භ॑ව॒ ප්රති॑විද්॒ධ්යා-ධ්ය॒ස්මදා॒ විෂ්කෘ॑ණුෂ්ව॒ දෛව්යා᳚න්යග්නේ । අව॑ස්ථි॒රා ත॑නුහි යාතු॒ ජූනා᳚-ඤ්ජා॒මිමජා॑මි॒-ම්ප්රමෘ॑ණීහි॒ ශත්රූන්॑ ॥ 5 ॥
කෘ॒ණු॒ෂ්ව පාජ॒ ඉති॒ පඤ්ච॑ ॥ 45 ॥
අනුවාකං 28
අදි॑ති-ර්දේ॒වා ග॑න්ධ॒ර්වා ම॑නු॒ෂ්යාඃ᳚ පි॒තරෝ-ऽසු॑රා॒-ස්තේෂාග්ම්॑ සර්ව භූ॒තානා᳚-ම්මා॒තා මේ॒දිනී॑ මහ॒තා ම॒හී සා॑වි॒ත්රී ගා॑ය॒ත්රී ජග॑ත්යු॒ර්වී පෘ॒ථ්වී බ॑හු॒ලා විශ්වා॑ භූ॒තා ක॑ත॒මා කායා සා ස॒ත්යේ-ත්ය॒මෘතේති॑ වසි॒ෂ්ඨඃ ॥ 46 ॥
අනුවාකං 29
ආපෝ॒ වා ඉ॒දග්ම් සර්වං॒-විඁශ්වා॑ භූ॒තාන්යාපඃ॑ ප්රා॒ණා වා ආපඃ॑ ප॒ශව॒ ආපෝ-ऽන්න॒මාපෝ -ऽමෘ॑ත॒මාප॑-ස්ස॒ම්රාඩාපෝ॑ වි॒රාඩාප॑-ස්ස්ව॒රාඩාප॒-ශ්ඡන්දා॒ග්॒ස්යාපෝ॒ ජ්යෝතී॒ග්॒ෂ්යාපෝ॒ යජූ॒ග්॒ෂ්යාප॑-ස්ස॒ත්යමාප॒-ස්සර්වා॑ දේ॒වතා॒ ආපෝ॒ භූර්භුව॒ස්සුව॒රාප॒ ඕම් ॥ 47 ॥
අනුවාකං 30
ආපඃ॑ පුනන්තු පෘථි॒වී-ම්පෘ॑ථි॒වී පූ॒තා පු॑නාතු॒ මාම් ।
පු॒නන්තු॒ බ්රහ්ම॑ණ॒ස්පති॒-ර්බ්රහ්ම॑ පූ॒තා පු॑නාතු॒
මාම් ॥
යදුච්ඡි॑ෂ්ට॒-මභෝ᳚ජ්යං॒-යඁද්වා॑ දු॒ශ්චරි॑ත॒-ම්මම॑ । සර්ව॑-ම්පුනන්තු॒ මාමාපෝ॑-ऽස॒තාඤ්ච॑ ප්රති॒ග්රහ॒ග්ග්॒ ස්වාහා᳚ ॥ 48 ॥
අනුවාකං 31
අග්නිශ්ච මා මන්යුශ්ච මන්යුපතයශ්ච මන්යු॑කෘතේ॒භ්යඃ ।
පාපේභ්යෝ॑ රක්ෂ॒න්තාම් । යදහ්නා පාප॑මකා॒ර්॒ෂම් ।
මනසා වාචා॑ හස්තා॒භ්යාම් । පද්භ්යා-මුදරේ॑ණ ශි॒ශ්නා ।
අහ॒ස්තද॑වලු॒පන්තු । යත්කිඤ්ච॑ දුරි॒ත-ම්මයි॑ ।
ඉදමහ-මාමමෘ॑ත යෝ॒නෞ ।
සත්යේ ජ්යෝතිෂි ජුහෝ॑මි ස්වා॒හා ॥ 49 ॥
අනුවාකං 32
සූර්යශ්ච මා මන්යුශ්ච මන්යුපතයශ්ච මන්යු॑කෘතේ॒භ්යඃ । පාපේභ්යෝ॑ රක්ෂ॒න්තාම් । යද්රාත්රියා පාප॑මකා॒ර්॒ෂම් ।
මනසා වාචා॑ හස්තා॒භ්යාම් । පද්භ්යා-මුදරේ॑ණ ශි॒ශ්නා ।
රාත්රි॒-ස්තද॑වලු॒පන්තු । යත්කිඤ්ච॑ දුරි॒ත-ම්මයි॑ ।
ඉදමහ-මාමමෘ॑ත යෝ॒නෞ । සූර්යේ ජ්යෝතිෂි ජුහෝ॑මි ස්වා॒හා ॥ 50 ॥
අනුවාකං 33
ඕමිත්යේකාක්ෂ॑ර-ම්බ්ර॒හ්ම । අග්නිර්දේවතා බ්රහ්ම॑ ඉත්යා॒ර්ෂම් । ගායත්ර-ඤ්ඡන්ද-ම්පරමාත්මං॑ සරූ॒පම් । සායුජ්යං-විඁ ॑නියෝ॒ගම් ॥ 51 ॥
අනුවාකං 34
ආයා॑තු॒ වර॑දා දේ॒වී॒ අ॒ක්ෂර॑-ම්බ්රහ්ම॒ සම්මි॑තම් ।
ගා॒ය॒ත්රී᳚-ඤ්ඡන්ද॑සා-ම්මා॒තේද-ම්බ්ර॑හ්ම ජු॒ෂස්ව॑ මේ ।
යදහ්නා᳚-ත්කුරු॑තේ පා॒ප॒-න්තදහ්නා᳚-ත්ප්රති॒මුච්ය॑තේ ।
ය-ද්රාත්රියා᳚-ත්කුරු॑තේ පා॒ප॒-න්ත-ද්රාත්රියා᳚-ත්ප්රති॒මුච්ය॑තේ ।
සර්ව॑ ව॒ර්ණේ ම॑හාදේ॒වි॒ ස॒න්ධ්යා වි॑ද්යේ ස॒රස්ව॑ති ॥ 52 ॥
අනුවාකං 35
ඕජෝ॑-ऽසි॒ සහෝ॑-ऽසි॒ බල॑මසි॒ භ්රාජෝ॑-ऽසි දේ॒වානා॒-න්ධාම॒නාමා॑॑-ऽසි॒ විශ්ව॑මසි වි॒ශ්වායු॒-ස්සර්ව॑මසි ස॒ර්වායු-රභිභූරෝං-ගායත්රී-මාවා॑හයා॒මි॒
සාවිත්රී-මාවා॑හයා॒මි॒ සරස්වතී-මාවා॑හයා॒මි॒ ඡන්දර්ෂී-නාවා॑හයා॒මි॒ ශ්රිය-මාවා॑හයා॒මි॒ ගායත්රියා ගායත්රී ඡන්දෝ විශ්වාමිත්ර ඍෂි-ස්සවිතා දේවතා-ऽග්නිර්මුඛ-ම්බ්රහ්මා ශිරෝ විෂ්ණුර්හෘදයග්ම් රුද්රඃ
ශිඛා පෘථිවීයෝනිඃ ප්රාණාපාන-ව්යානෝදාන-සමානා සප්රාණා ශ්වේතවර්ණා සාඞ්ඛ්යායන-සගෝත්රා ගායත්රී චතුර්විග්ම්ශත්යක්ෂරා ත්රිපදා॑ ෂට්කු॒ක්ෂිඃ॒ පඤ්ච ශීර්ෂෝපනයනේ වි॑නියෝ॒ග॒,
ඕ-ම්භූඃ । ඕ-ම්භුවඃ । ඕග්ම් සුවඃ । ඕ-ම්මහඃ । ඕ-ඤ්ජනඃ ।
ඕ-න්තපඃ । ඕග්ම් ස॒ත්යම් । ඕ-න්ත-ථ්ස॑වි॒තුර්වරේ᳚ණ්ය॒-ම්භර්ගෝ॑ දේ॒වස්ය॑ ධීමහි ।
ධියෝ॒ යෝ නඃ॑ ප්රචෝ॒දයා᳚ත් ।
ඕමාපෝ॒ ජ්යෝතී॒ රසෝ॒-ऽමෘත॒-ම්බ්රහ්ම॒ භූර්භුව॒ස්සුව॒රෝම් ॥ 53 ॥
අනුවාකං 36
උ॒ත්තමේ॑ ශිඛ॑රේ ජා॒තේ॒ භූ॒ම්යා-ම්ප॑ර්වත॒ මූර්ධ॑නි ।
බ්රා॒හ්මණේ᳚භ්යෝ-ऽභ්ය॑නුජ්ඤා॒තා॒ ග॒ච්ඡ දේ॑වි ය॒ථාසු॑ඛම් ॥ ස්තුතෝ මයා වරදා වේ॑දමා॒තා॒ ප්රචෝදයන්තී පවනේ᳚ ද්විජා॒තා । ආයුඃ පෘථිව්යාං-ද්රවිණ-ම්බ්ර॑හ්මව॒ර්ච॒ස॒-ම්මහ්ය-න්දත්වා ප්රජාතුං
බ්ර॑හ්මලෝ॒කම් ॥ 54 ॥
අනුවාකං 37
ඝෘණි॒-ස්සූර්ය॑ ආදි॒ත්යෝ න ප්රභා॑-වා॒ත්යක්ෂ॑රම් । මධු॑ක්ෂරන්ති॒ ත-ද්ර॑සම් । ස॒ත්යං-වෛඁ ත-ද්රස॒-මාපෝ॒ ජ්යෝතී॒රසෝ॒-ऽමෘත॒-ම්බ්රහ්ම॒
භූර්භුව॒ස්සුව॒රෝම් ॥ 55 ॥
අනුවාකං 38
බ්රහ්ම॑ මේතු॒ මාම් । මධු॑ මේතු॒ මාම් । බ්රහ්ම॑-මේ॒ව මධු॑ මේතු॒ මාම් ॥ යාස්තේ॑ සෝම ප්ර॒ජාව॒ථ්සෝ-ऽභි॒සෝ අ॒හම් । දුස්ෂ්ව॑ප්න॒හ-න්දු॑රුෂ්වහ ।
යාස්තේ॑ සෝම ප්රා॒ණාග්ස්තා-ඤ්ජු॑හෝමි ॥
ත්රිසු॑පර්ණ॒ මයා॑චිත-ම්බ්රාහ්ම॒ණාය॑ දද්යාත් । බ්ර॒හ්ම॒හ॒ත්යාං-වාඁ ඒ॒තේ ඝ්න॑න්ති ।
යේ බ්රා᳚හ්ම॒ණා-ස්ත්රිසු॑පර්ණ॒-ම්පඨ॑න්ති । තේ සෝම॒-ම්ප්රාප්නු॑වන්ති । ආ॒ස॒හ॒ස්රා-ත්ප॒ක්ති-ම්පුන॑න්ති । ඕම් ॥ 56 ॥
අනුවාකං 39
බ්රහ්ම॑ මේ॒ධයා᳚ । මධු॑ මේ॒ධයා᳚ । බ්රහ්ම॑මේ॒ව මධු॑ මේ॒ධයා᳚ ॥ අ॒ද්යා නෝ॑ දේව සවිතඃ ප්ර॒ජාව॑ථ්සාවී॒-ස්සෞභ॑ගම් । පරා॑ දු॒ස්ෂ්වප්නි॑යග්ම් සුව । විශ්වා॑නි දේව සවිත-ර්දුරි॒තානි॒ පරා॑සුව । ය-ද්භ॒ද්ර-න්තන්ම॒ ආසු॑ව ॥ මධු॒වාතා॑ ඍතාය॒තේ මධු॑ක්ෂරන්ති॒ සින්ධ॑වඃ । මාද්ධ්වී᳚ර්න-ස්ස॒න්ත්වෝෂ॑ධීඃ । මධු॒නක්ත॑ මු॒තෝෂසි॒ මධු॑ම॒-ත්පාර්ථි॑ව॒ග්ම්॒ රජඃ॑ । මධු॒ද්යෞර॑ස්තු නඃ පි॒තා । මධු॑මාන්නෝ॒ වන॒ස්පති॒-ර්මධු॑මාග්ම් අස්තු॒ සූර්යඃ॑ ।
මාද්ධ්වී॒ ර්ගාවෝ॑ භවන්තු නඃ ॥
ය ඉ॒ම-න්ත්රිසු॑පර්ණ॒-මයා॑චිත-ම්බ්රාහ්ම॒ණාය॑ දද්යාත් ।
භ්රූ॒ණ॒හ॒ත්යාං-වාඁ ඒ॒තේ ඝ්න॑න්ති । යේ බ්රා᳚හ්ම॒ණා-ස්ත්රිසු॑පර්ණ॒-ම්පඨ॑න්ති । තේ සෝම॒-ම්ප්රාප්නු॑වන්ති । ආ॒ස॒හ॒ස්රා-ත්ප॒ක්ති-ම්පුන॑න්ති । ඕම් ॥ 57 ॥
අනුවාකං 40
බ්රහ්ම॑ මේ॒ධවා᳚ । මධු॑ මේ॒ධවා᳚ । බ්රහ්ම॑මේ॒ව මධු॑ මේ॒ධවා᳚ ॥ බ්ර॒හ්මා දේ॒වානා᳚-ම්පද॒වීඃ ක॑වී॒නා-මෘෂි॒-ර්විප්රා॑ණා-ම්මහි॒ෂෝ මෘ॒ගාණා᳚ම් ।
ශ්යේ॒නෝ ගෘද්ධ්රා॑ණා॒ග්॒ ස්වධි॑ති॒-ර්වනා॑නා॒ග්ම්॒ සෝමඃ॑ ප॒විත්ර॒-මත්යේ॑ති॒ රේභන්න්॑ ॥
හ॒ග්ම්॒ස-ශ්ශු॑චි॒ෂ-ද්වසු॑රන්තරික්ෂ॒ සද්ධෝතා॑- වේදි॒ෂ-දති॑ථි-ර්දුරෝණ॒සත් ।
නෘ॒ෂද්ව॑ර॒-සදෘ॑ත॒-ස-ද්ව්යෝ॑ම॒-සද॒බ්ජා- ගෝ॒ජා ඍ॑ත॒ජා අ॑ද්රි॒ජා ඍ॒ත-ම්බෘ॒හත් ॥ ඍ॒චේත්වා॑ රු॒චේත්වා॒ සමි-ථ්ස්ර॑වන්ති ස॒රිතෝ॒ න ධේනාඃ᳚ ।
අ॒න්තර්-හෘ॒දා මන॑සා පූ॒යමා॑නාඃ ।
ඝෘ॒තස්ය॒ ධාරා॑ අ॒භිචා॑කශීමි ।
හි॒ර॒ණ්යයෝ॑ වේත॒සෝ මද්ධ්ය॑ ආසාම් ।
තස්මි᳚න්-ථ්සුප॒ර්ණෝ ම॑ධු॒කෘ-ත්කු॑ලා॒යී භජ॑න්නාස්තේ॒ මධු॑ දේ॒වතා᳚භ්යඃ ।
තස්යා॑ සතේ॒ හර॑ය-ස්ස॒ප්තතීරේ᳚ ස්ව॒ධා-න්දුහා॑නා අ॒මෘත॑ස්ය॒ ධාරා᳚ම් । ය ඉ॒ද-න්ත්රිසු॑පර්ණ॒-මයා॑චිත-ම්බ්රාහ්ම॒ණාය॑ දද්යාත් । වී॒ර॒හ॒ත්යාං-වාඁ ඒ॒තේ ඝ්න॑න්ති । යේ බ්රා᳚හ්ම॒ණා-ස්ත්රිසු॑පර්ණ॒-ම්පඨ॑න්ති ।
තේ සෝම॒-ම්ප්රාප්නු॑වන්ති । ආ॒ස॒හ॒ස්රා-ත්ප॒ඞ්ක්ති-ම්පුන॑න්ති । ඕම් ॥ 58 ॥
අනුවාකං 41
මේ॒ධාදේ॒වී ජු॒ෂමා॑ණා න॒ ආගා᳚-ද්වි॒ශ්වාචී॑ භ॒ද්රා සු॑මන॒ස්ය මා॑නා । ත්වයා॒ ජුෂ්ටා॑ නු॒දමා॑නා දු॒රුක්තා᳚-න්බෘ॒හද්ව॑දේම වි॒දථේ॑ සු॒වීරාඃ᳚ ॥
ත්වයා॒ ජුෂ්ට॑ ඍ॒ෂි-ර්භ॑වති දේවි॒ ත්වයා॒ බ්රහ්මා॑-ऽऽග॒තශ්රී॑ රු॒ත ත්වයා᳚ । ත්වයා॒ ජුෂ්ට॑ශ්චි॒ත්රං-විඁ ॑න්දතේ වසු॒ සා නෝ॑ ජුෂස්ව॒ ද්රවි॑ණෝ නමේධේ ॥ 59 ॥
අනුවාකං 42
මේ॒ධා-ම්ම॒ ඉන්ද්රෝ॑ දදාතු මේ॒ධා-න්දේ॒වී සර॑ස්වතී ।
මේ॒ධා-ම්මේ॑ අ॒ශ්විනා॑-වු॒භාවාධ॑ත්තා॒-ම්පුෂ්ක॑රස්රජා ॥ අ॒ඵ්ස॒රාසු॑ ච॒ යා මේ॒ධා ග॑න්ධ॒ර්වේෂු॑ ච॒ යන්මනඃ॑ ।
දෛවී᳚-ම්මේ॒ධා සර॑ස්වතී॒ සා මා᳚-ම්මේ॒ධා සු॒රභි॑-ර්ජුෂතා॒ග්॒ ස්වාහා᳚ ॥ 60 ॥
අනුවාකං 43
ආමා᳚-ම්මේ॒ධා සු॒රභි॑-ර්වි॒ශ්වරූ॑පා॒ හිර॑ණ්යවර්ණා॒ ජග॑තී ජග॒ම්යා । ඌර්ජ॑ස්වතී॒ පය॑සා॒ පින්ව॑මානා॒ සා මා᳚-ම්මේ॒ධා සු॒ප්රතී॑කා ජුෂන්තාම් ॥ 61 ॥
අනුවාකං 44
මයි॑ මේ॒ධා-ම්මයි॑ ප්ර॒ජා-ම්මය්ය॒ග්නිස්තේජෝ॑ දධාතු॒ මයි॑ මේ॒ධා-ම්මයි॑ ප්ර॒ජා-ම්මයීන්ද්ර॑ ඉන්ද්රි॒ය-න්ද॑ධාතු॒ මයි॑ මේ॒ධා-ම්මයි॑ ප්ර॒ජා-ම්මයි॒ සූර්යෝ॒ භ්රාජෝ॑ දධාතු ॥ 62 ॥
අනුවාකං 45
අපෛ॑තු මෘ॒ත්යු-ර॒මෘත॑න්න॒ ආග॑න් වෛවස්ව॒තෝ නෝ॒ අභ॑යඞ්කෘණෝතු । ප॒ර්ණං-වඁන॒ස්පතේ॑ රිවා॒භින॑-ශ්ශීයතාග්ම් ර॒යි-ස්සච॑තාන්න॒-ශ්ශචී॒පතිඃ॑ ॥ 63 ॥
අනුවාකං 46
පර॑-ම්මෘත්යෝ॒ අනු॒ පරේ॑හි॒ පන්ථාං॒-යඁස්තේ॒ස්ව ඉත॑රෝ දේව॒යානා᳚ත් । චක්ෂු॑ෂ්මතේ ශෘණ්ව॒තේ තේ᳚ බ්රවීමි॒ මානඃ॑ ප්ර॒ජාග්ම් රී॑රිෂෝ॒ මෝත වී॒රාන් ॥ 64 ॥
අනුවාකං 47
වාත॑-ම්ප්රා॒ණ-ම්මන॑සා॒ න්වාර॑භාමහේ ප්ර॒ජාප॑තිං॒-යෝඁ භුව॑නස්ය ගෝ॒පාඃ । සනෝ॑ මෘ॒ත්යෝ ස්ත්රා॑යතා॒-ම්පාත්වග්ම්හ॑සෝ॒ ජ්යෝග් ජී॒වා ජ॒රාම॑ශීමහි ॥ 65 ॥
අනුවාකං 48
අ॒මු॒ත්ර॒ භූයා॒දධ॒ යද්ය॒මස්ය॒ බෘහ॑ස්පතේ අ॒භිශ॑ස්තේ॒ර මු॑ඤ්චඃ । ප්රත්යෞ॑හතා ම॒ශ්විනා॑ මෘ॒ත්යු ම॑ස්මා-ද්දේ॒වානා॑මග්නේ භි॒ෂජා॒ ශචී॑භිඃ ॥ 66 ॥
අනුවාකං 49
හරි॒ග්ම්॒ හර॑න්ත॒- මනු॑යන්ති දේ॒වා විශ්ව॒ස්යේශා॑නං-වෘඁෂ॒භ-ම්ම॑තී॒නාම් । බ්රහ්ම॒ සරූ॑ප॒-මනු॑මේ॒දමා॑ගා॒-දය॑න॒-ම්මා විව॑ධී॒-ර්වික්ර॑මස්ව ॥ 67 ॥
අනුවාකං 50
ශල්කෛ॑ර॒ග්නි-මි॑න්ධා॒න උ॒භෞ ලෝ॒කෞ ස॑නේම॒හම් ।
උ॒භයෝ᳚ ර්ලෝ॒කයා॑ර්-ඍ॒ධ්ද්වා-ऽති॑ මෘ॒ත්යු-න්ත॑රාම්ය॒හම් ॥ 68 ॥
අනුවාකං 51
මා ඡි॑දෝ මෘත්යෝ॒ මා ව॑ධී॒ර්මා මේ॒ බලං॒-විඁවෘ॑හෝ॒ මා ප්රමෝ॑ෂීඃ । ප්ර॒ජා-ම්මා මේ॑ රීරිෂ॒ ආයු॑රුග්ර නෘ॒චක්ෂ॑ස-න්ත්වා හ॒විෂා॑ විධේම ॥ 69 ॥
අනුවාකං 52
මා නෝ॑ ම॒හාන්ත॑මු॒ත මා නෝ॑ අර්භ॒ක-ම්මා න॒ උක්ෂ॑න්තමු॒ත මා න॑ උක්ෂි॒තම් ।
මා නෝ॑ වධීඃ පි॒තර॒-ම්මෝත මා॒තර॑-ම්ප්රි॒යා මා න॑ස්ත॒නුවෝ॑ රුද්ර රීරිෂඃ ॥ 70 ॥
අනුවාකං 53
මා න॑ස්තෝ॒කේ තන॑යේ॒ මා න॒ ආයු॑ෂි॒ මා නෝ॒ ගෝෂු॒ මා නෝ॒ අශ්වේ॑ෂු රීරිෂඃ । වී॒රාන්මා නෝ॑ රුද්ර භාමි॒තෝව॑ධීර්-හ॒විෂ්ම॑න්තෝ॒ නම॑සා විධේම තේ ॥ 71 ॥
අනුවාකං 54
ප්රජා॑පතේ॒ න ත්වදේ॒තා-න්ය॒න්යෝ විශ්වා॑ ජා॒තානි॒ පරි॒තා බ॑භූව । ය-ත්කා॑මාස්තේ ජුහු॒මස්තන්නෝ॑ අස්තු ව॒යග්ග් ස්යා॑ම॒ පත॑යෝ රයී॒ණාම් ॥ 72 ॥
අනුවාකං 55
ස්ව॒ස්ති॒දා වි॒ශස්පති॑-ර්වෘත්ර॒හා විමෘධෝ॑ ව॒ශී ।
වෘෂේන්ද්රඃ॑ පු॒ර ඒ॑තු නස්ස්වස්ති॒දා අ॑භය-ඞ්ක॒රඃ ॥ 73 ॥
අනුවාකං 56
ත්ර්ය॑ම්බකං-යඁජාමහේ සුග॒න්ධි-ම්පු॑ෂ්ටි॒වර්ධ॑නම් । උ॒ර්වා॒රු॒කමි॑ව॒ බන්ධ॑නා-න්මෘ॒ත්යෝ-ර්මු॑ක්ෂීය॒ මා-ऽමෘතා᳚ත් ॥ 74 ॥
අනුවාකං 57
යේ තේ॑ ස॒හස්ර॑ම॒යුත॒-ම්පාශා॒ මෘත්යෝ॒ මර්ත්යා॑ය॒ හන්ත॑වේ । තාන්. ය॒ජ්ඤස්ය॑ මා॒යයා॒ සර්වා॒නව॑ යජාමහේ ॥ 75 ॥
අනුවාකං 58
මෘ॒ත්යවේ॒ ස්වාහා॑ මෘ॒ත්යවේ॒ ස්වාහා᳚ ॥ 76 ॥
අනුවාකං 59
දේ॒වකෘ॑ත॒ස්යෛන॑සෝ-ऽව॒යජ॑නමසි॒ ස්වාහා᳚ ।
ම॒නු॒ෂ්ය॑කෘත॒ස්යෛන॑සෝ ऽව॒යජ॑නමසි॒ ස්වාහා᳚ ।
පි॒තෘකෘ॑ත॒ස්යෛන॑සෝ ऽව॒යජ॑නමසි॒ ස්වාහා᳚ ।
ආ॒ත්මකෘ॑ත॒ස්යෛන॑සෝ ऽව॒යජ॑නමසි॒ ස්වාහා᳚ ।
අ॒න්යකෘ॑ත॒ස්යෛන॑සෝ ऽව॒යජ॑නමසි॒ ස්වාහා᳚ ।
අ॒ස්මත්කෘ॑ත॒ස්යෛන॑සෝ ऽව॒යජ॑නමසි॒ ස්වාහා᳚ ।
යද්දි॒වා ච॒ නක්ත॒-ඤ්චෛන॑ශ්චකෘ॒ම තස්යා॑ ව॒යජ॑නමසි॒ ස්වාහා᳚ ।
ය-ථ්ස්ව॒පන්ත॑ශ්ච॒ ජාග්ර॑ත॒-ශ්චෛන॑ශ්ච-කෘ॒ම තස්යා॑ ව॒යජ॑නමසි॒ ස්වාහා᳚ ।
ය-ථ්සු॒ෂුප්ත॑ශ්ච॒ ජාග්ර॑ත॒-ශ්චෛන॑ශ්ච-කෘ॒ම තස්යා॑ ව॒යජ॑නමසි॒ ස්වාහා᳚ ।
ය-ද්වි॒ද්වාග්ම්ස॒ශ්චා වි॑ද්වාග්ම්ස॒ශ්චෛන॑ශ්ච-කෘ॒ම තස්යා॑ ව॒යජ॑නමසි॒ ස්වාහා᳚ ।
ඒනස ඒනසෝ වයජනම॑සි ස්වා॒හා ॥ 77 ॥
අනුවාකං 60
යද්වෝ॑ දේවාශ්චකෘ॒ම ජි॒හ්වයා॑ ගු॒රුමන॑සෝ වා॒ ප්රයු॑තී දේව॒ හේඩ॑නම් ।
අරා॑වා॒යෝ නෝ॑ අ॒භිදු॑ච්ඡුනා॒යතේ॒ තස්මි॒-න්තදේනෝ॑ වසවෝ॒ නිධේ॑තන॒ ස්වාහා᳚ ॥ 78 ॥
අනුවාකං 61
කාමෝ-ऽකාර්ෂී᳚-න්නමෝ॒ නමඃ ।
කාමෝ-ऽකාර්ෂී-ත්කාමඃ කරෝති නාහ-ඞ්කරෝමි
කාමඃ කර්තා නාහ-ඞ්කර්තා කාමඃ॑ කාර॒යිතා නාහ॑-ඞ්කාර॒යිතා ඒෂ තේ කාම කාමා॑ය ස්වා॒හා ॥ 79 ॥
අනුවාකං 62
මන්යුරකාර්ෂී᳚-න්නමෝ॒ නමඃ ।
මන්යුරකාර්ෂී-න්මන්යුඃ කරෝති නාහ-ඞ්කරෝමි මන්යුඃ කර්තා නාහ-ඞ්කර්තා මන්යුඃ॑ කාර॒යිතා නාහ॑-ඞ්කාර॒යිතා ඒෂ තේ මන්යෝ මන්ය॑වේ ස්වා॒හා ॥ 80 ॥
අනුවාකං 63
තිලාඤ්ජුහෝමි සරසාග්ම් සපිෂ්ටා-න්ගන්ධාර මම චිත්තේ රම॑න්තු ස්වා॒හා ॥ ගාවෝ හිරණ්ය-න්ධනමන්නපානග්ම් සර්වේෂාග් ශ්රි॑යෛ ස්වා॒හා ॥ ශ්රියඤ්ච ලක්ෂ්මිඤ්ච පුෂ්ටිඤ්ච කීර්ති॑-ඤ්චා නෘ॒ණ්යතාම් ।
බ්රහ්මණ්ය-ම්බ॑හුපු॒ත්රතාම් । ශ්රද්ධාමේධේ ප්රජා-ස්සන්දදා॑තු ස්වා॒හා ॥ 81 ॥
අනුවාකං 64
තිලාඃ කෘෂ්ණා-ස්ති॑ලා-ශ්ශ්වේ॒තා॒-ස්තිලා-ස්සෞම්යා ව॑ශානු॒ගාඃ ।
තිලාඃ පුනන්තු॑ මේ පා॒පං॒-යඁත්කිඤ්චි-ද්දුරිත-ම්ම॑යි ස්වා॒හා ॥ චෝර॒ස්යාන්න-න්න॑වශ්රා॒ද්ධ॒-ම්බ්ර॒හ්ම॒හා ගු॑රුත॒ල්පගඃ । ගෝස්තේයග්ම් ස॑රාපා॒න॒-ම්භ්රූණහත්යා තිලා ශාන්තිග්ම් ශමය॑න්තු ස්වා॒හා ॥
ශ්රීශ්ච ලක්ෂ්මීශ්ච පුෂ්ටීශ්ච කීර්ති॑-ඤ්චා නෘ॒ණ්යතාම් ।
බ්රහ්මණ්ය-ම්බ॑හුපු॒ත්රතාම් ।
ශ්රද්ධාමේධේ ප්රජ්ඤාතු ජාතවේද-ස්සන්දදා॑තු ස්වා॒හා ॥ 82 ॥
අනුවාකං 65
ප්රාණාපාන-ව්යානෝදාන-සමානා මේ॑ ශුද්ධ්ය॒න්තාං॒
ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥
වාං-මන-ශ්චක්ෂුඃ-ශ්රෝත්ර-ජිහ්වා-ඝ්රාණ-රේතෝ-බුද්ධ්යාකූති-ස්සඞ්කල්පා මේ॑ ශුද්ධ්ය॒න්තා॒-ඤ්ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥
ත්වක්-චර්ම-මාග්ම්ස-රුධිර-මේදෝ-මජ්ජා-ස්නායවෝ-ऽස්ථීනි
මේ॑ ශුද්ධ්ය॒න්තා॒-ඤ්ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥
ශිරඃ පාණි පාද පාර්ශ්ව පෘෂ්ඨෝ-රූදර-ජඞ්ඝ-ශිශ්ර්නෝපස්ථ පායවෝ මේ॑ ශුද්ධ්ය॒න්තා॒-ඤ්ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥
උත්තිෂ්ඨ පුරුෂ හරිත-පිඞ්ගල ලෝහිතාක්ෂි දේහි දේහි දදාපයිතා මේ॑ ශුද්ධ්ය॒න්තා॒-ඤ්ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥ 83 ॥
අනුවාකං 66
පෘථිව්යාප ස්තේජෝ වායු-රාකාශා මේ॑ ශුද්ධ්ය॒න්තාං॒
ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥
ශබ්ද-ස්පර්ශ-රූපරස-ගන්ධා මේ॑ ශුද්ධ්ය॒න්තාං॒
ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥
මනෝ-වාක්-කාය-කර්මාණි මේ॑ ශුද්ධ්ය॒න්තාං॒
ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥
අව්යක්තභාවෛ-ර॑හඞ්කා॒ර॒-ර්ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥
ආත්මා මේ॑ ශුද්ධ්ය॒න්තා॒-ඤ්ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥
අන්තරාත්මා මේ॑ ශුද්ධ්ය॒න්තා॒-ඤ්ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥
පරමාත්මා මේ॑ ශුද්ධ්ය॒න්තා॒-ඤ්ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥
ක්ෂු॒ධේ ස්වාහා᳚ ॥ ක්ෂුත්පි॑පාසාය॒ ස්වාහා᳚ ॥
විවි॑ට්යෛ॒ ස්වාහා᳚ ॥ ඍග්වි॑ධානාය॒ ස්වාහා᳚ ॥ ක॒ෂෝ᳚ත්කාය॒ ස්වාහා᳚ ॥
ක්ෂු॒ත්පි॒පා॒සාම॑ල-ඤ්ජ්යේ॒ෂ්ඨා॒ම॒ල॒ක්ෂ්මී-ර්නා॑ශයා॒ම්යහම් ।
අභූ॑ති॒-මස॑මෘද්ධි॒ඤ්ච॒ සර්වාං (සර්වා) නිර්ණුද මේ පාප්මා॑නග්ග් ස්වා॒හා ॥
අන්නමය-ප්රාණමය-මනෝමය-විජ්ඤානමය-මානන්දමය-මාත්මා මේ॑ ශුද්ධ්ය॒න්තා॒-ඤ්ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥ 84 ॥
අනුවාකං 67
අ॒ග්නයේ॒ ස්වාහා᳚ । විශ්වේ᳚භ්යෝ දේ॒වේභ්ය॒-ස්ස්වාහා᳚ । ධ්රු॒වාය॑ භූ॒මාය॒ ස්වාහා᳚ । ධ්රු॒ව॒ක්ෂිත॑යේ॒ ස්වාහා᳚ । අ॒ච්යු॒ත॒ක්ෂිත॑යේ॒ ස්වාහා᳚ । අ॒ග්නයේ᳚ ස්විෂ්ට॒කෘතේ॒ ස්වාහා᳚ ॥ ධර්මා॑ය॒ ස්වාහා᳚ । අධ॑ර්මාය॒ ස්වාහා᳚ । අ॒ද්භ්ය-ස්ස්වාහා᳚ । ඕ॒ෂ॒ධි॒ව॒න॒ස්ප॒තිභ්ය॒-ස්ස්වාහා᳚ ॥ 85 ॥
ර॒ක්ෂෝ॒දේ॒ව॒ජ॒නේභ්ය॒-ස්ස්වාහා᳚ ।
ගෘහ්යා᳚භ්ය॒-ස්ස්වාහා᳚ । අ॒ව॒සානේ᳚භ්ය॒-ස්ස්වාහා᳚ । අ॒ව॒සාන॑පතිභ්ය॒-ස්ස්වාහා᳚ ।
ස॒ර්ව॒භූ॒තේභ්ය॒-ස්ස්වාහා᳚ । කාමා॑ය॒ ස්වාහා᳚ । අ॒න්තරි॑ක්ෂාය॒ ස්වාහා᳚ । යදේජ॑ති॒ ජග॑ති॒ යච්ච॒ චේෂ්ට॑ති॒ නාම්නෝ॑ භා॒ගෝ-ऽය-න්නාම්නේ॒ ස්වාහා᳚ ।
පෘ॒ථි॒ව්යෛ ස්වාහා᳚ । අ॒න්තරි॑ක්ෂාය॒ ස්වාහා᳚ ॥ 86 ॥
දි॒වේ ස්වාහා᳚ । සූර්යා॑ය॒ ස්වාහා᳚ । ච॒න්ද්රම॑සේ॒ ස්වාහා᳚ । නක්ෂ॑ත්රේභ්ය॒-ස්ස්වාහා᳚ । ඉන්ද්රා॑ය॒ ස්වාහා᳚ । බෘහ॒ස්පත॑යේ॒ ස්වාහා᳚ । ප්ර॒ජාප॑තයේ॒ ස්වාහා᳚ ।
බ්රහ්ම॑ණේ॒ ස්වාහා᳚ । ස්ව॒ධා පි॒තෘභ්ය॒-ස්ස්වාහා᳚ ।
නමෝ॑ රු॒ද්රාය॑ පශු॒පත॑යේ॒ ස්වාහා᳚ ॥ 87 ॥
දේ॒වේභ්ය॒-ස්ස්වාහා᳚ । පි॒තෘභ්ය॑-ස්ස්ව॒ධා-ऽස්තු॑ । භූ॒තේභ්යෝ॒ නමඃ॑ । ම॒නු॒ෂ්යේ᳚භ්යෝ॒ හන්තා᳚ । ප්ර॒ජාප॑තයේ॒ ස්වාහා᳚ । ප॒ර॒මේ॒ෂ්ඨිනේ॒ ස්වාහා᳚ ॥
යථා කූ॑ප-ශ්ශ॒තධා॑ර-ස්ස॒හස්ර॑ධාරෝ॒ අක්ෂි॑තඃ ।
ඒ॒වා මේ॑ අස්තු ධා॒න්යග්ම් ස॒හස්ර॑ධාර॒-මක්ෂි॑තම් । ධන॑ධාන්යෛ॒ ස්වාහා᳚ ॥
යේ භූ॒තාඃ ප්ර॒චර॑න්ති॒ දිවා॒නක්ත॒-ම්බලි॑-මි॒ච්ඡන්තෝ॑ වි॒තුද॑ස්ය॒ ප්රේෂ්යාඃ᳚ । තේභ්යෝ॑ බ॒ලි-ම්පු॑ෂ්ටි॒කාමෝ॑ හරාමි॒ මයි॒ පුෂ්ටි॒-ම්පුෂ්ටි॑පති-ර්දධාතු॒ ස්වාහා᳚ ॥ 88 ॥
(ඕ॒ෂ॒ධි॒ව॒න॒ස්ප॒තිභ්ය॒-ස්ස්වාහා॒ - ऽන්තරි॑ක්ෂාය॒ ස්වාහා॒ - නමෝ॑ රු॒ද්රාය॑ පශු॒පත॑යේ॒ ස්වාහා॑ - වි॒තුද॑ස්ය॒ ප්රේෂ්යා॒ ඒක॑-ඤ්ච) (අ. 67)
අනුවාකං 68
ඕ᳚-න්ත-ද්බ්ර॒හ්ම । ඕ᳚-න්ත-ද්වා॒යුඃ । ඕ᳚-න්තදා॒ත්මා । ඕ᳚-න්ත-ථ්ස॒ත්යම් । ඕ᳚-න්ත-ථ්සර්ව᳚ම් । ඕ᳚-න්ත-ත්පුරෝ॒-ර්නමඃ ।
අන්තශ්චරති॑ භූතේ॒ෂු॒ ගුහායාං-විඁ ॑ශ්ව මූ॒ර්තිෂු ।
ත්වං-යඁජ්ඤස්ත්වං-වඁෂට්කාරස්ත්ව-මිද්රස්ත්වග්ම් රුද්රස්ත්වංවිඁෂ්ණුස්ත්ව-ම්බ්රහ්මත්ව॑-ම්ප්රජා॒පතිඃ ।
ත්ව-න්ත॑දාප॒ ආපෝ॒ ජ්යෝතී॒ රසෝ॒-ऽමෘත॒-ම්බ්රහ්ම॒ භූර්භුව॒ස්සුව॒රෝම් ॥ 89 ॥
අනුවාකං 69
ශ්ර॒ද්ධායා᳚-ම්ප්රා॒ණේ නිවි॑ෂ්ටෝ॒-ऽමෘත॑-ඤ්ජුහෝමි ।
ශ්ර॒ද්ධායා॑මපා॒නේ නිවි॑ෂ්ටෝ॒-ऽමෘත॑-ඤ්ජුහෝමි ।
ශ්ර॒ද්ධායාං᳚-ව්යාඁ॒නේ නිවි॑ෂ්ටෝ॒-ऽමෘත॑-ඤ්ජුහෝමි ।
ශ්ර॒ද්ධායා॑මුදා॒නේ නිවි॑ෂ්ටෝ॒-ऽමෘත॑-ඤ්ජුහෝමි ।
ශ්ර॒ද්ධායාග්ම්॑ සමා॒නේ නිවි॑ෂ්ටෝ॒-ऽමෘත॑-ඤ්ජුහෝමි ।
බ්රහ්ම॑ණි ම ආ॒ත්මා-ऽමෘ॑ත॒ත්වාය॑ ॥ අ॒මෘ॒තෝ॒ප॒ස්තර॑ණමසි ॥
ශ්ර॒ද්ධායා᳚-ම්ප්රා॒ණේ නිවි॑ෂ්ටෝ॒-ऽමෘත॑-ඤ්ජුහෝමි ।
ශි॒වෝ මා॑ වි॒ශාප්ර॑දාහාය । ප්රා॒ණාය॒ ස්වාහා᳚ ।
ශ්ර॒ද්ධායා॑මපා॒නේ නිවි॑ෂ්ටෝ॒-ऽමෘත॑-ඤ්ජුහෝමි ।
ශි॒වෝ මා॑ වි॒ශාප්ර॑දාහාය । අ॒පා॒නාය॒ ස්වාහා᳚ ।
ශ්ර॒ද්ධායාං᳚-ව්යාඁ॒නේ නිවි॑ෂ්ටෝ॒-ऽමෘත॑-ඤ්ජුහෝමි । ශි॒වෝ මා॑ වි॒ශාප්ර॑දාහාය । ව්යා॒නාය॒ ස්වාහා᳚ ।
ශ්ර॒ද්ධායා॑-මුදා॒නේ නිවි॑ෂ්ටෝ॒-ऽමෘත॑-ඤ්ජුහෝමි ।
ශි॒වෝ මා॑ වි॒ශාප්ර॑දාහාය । උ॒දා॒නාය॒ ස්වාහා᳚ ।
ශ්ර॒ද්ධායාග්ම්॑ සමා॒නේ නිවි॑ෂ්ටෝ॒-ऽමෘත॑-ඤ්ජුහෝමි । ශි॒වෝ මා॑ වි॒ශාප්ර॑දාහාය । ස॒මා॒නාය॒ ස්වාහා᳚ ।
බ්රහ්ම॑ණි ම ආ॒ත්මා-ऽමෘ॑ත॒ත්වාය॑ ॥ අ॒මෘ॒තා॒පි॒ධා॒නම॑සි ॥ 90 ॥
අනුවාකං 70
ශ්ර॒ද්ධායා᳚-ම්ප්රා॒ණේ නිවි॑ශ්යා॒-ऽමෘතග්ම්॑ හු॒තම් । ප්රා॒ණ මන්නේ॑නාප්යායස්ව ।
ශ්ර॒ද්ධායා॑මපා॒නේ නිවි॑ශ්යා॒-ऽමෘතග්ම්॑ හු॒තම් । අ॒පා॒න මන්නේ॑නාප්යායස්ව ।
ශ්ර॒ද්ධායාං᳚-ව්යාඁ॒නේ නිවි॑ශ්යා॒-ऽමෘතග්ම්॑ හු॒තම් । ව්යා॒න මන්නේ॑නාප්යායස්ව ।
ශ්ර॒ද්ධායා॑-මුදා॒නේ නිවි॑ශ්යා॒-ऽමෘතග්ම්॑ හු॒තම් । උ॒දා॒න මන්නේ॑නාප්යායස්ව ।
ශ්ර॒ද්ධායාග්ම්॑ සමා॒නේ නිවි॑ශ්යා॒-ऽමෘතග්ම්॑ හු॒තම් ।
ස॒මාන॒ මන්නේ॑නාප්යායස්ව ॥ 91 ॥
අනුවාකං 71
අඞ්ගුෂ්ඨමාත්රඃ පුරුෂෝ-ऽඞ්ගුෂ්ඨඤ්ච॑ සමා॒ශ්රිතඃ ।
ඊශ-ස්සර්වස්ය ජගතඃ ප්රභුඃ ප්රීණාති॑ විශ්ව॒භුක් ॥ 92 ॥
අනුවාකං 72
වාම්ම॑ ආ॒සන්න් । න॒සෝඃ ප්රා॒ණඃ । අ॒ක්ෂ්යෝ-ශ්චක්ෂුඃ॑ । කර්ණ॑යෝ॒-ශ්ශ්රෝත්ර᳚ම් । බා॒හු॒වෝ-ර්බල᳚ම් । ඌ॒රු॒වෝ රෝජඃ॑ । අරි॑ෂ්ටා॒ විශ්වා॒න්යඞ්ගා॑නි ත॒නූඃ ।
ත॒නුවා॑ මේ ස॒හ නම॑ස්තේ අස්තු॒ මා මා॑ හිග්ම්සීඃ ॥ 93 ॥
අනුවාකං 73
වය॑-ස්සුප॒ර්ණා උප॑සේදු॒රින්ද්ර॑-ම්ප්රි॒ය මේ॑ධා॒ ඍෂ॑යෝ॒ නාධ॑මානාඃ । අප॑ද්ධ්වා॒න්ත මූ᳚ර්ණු॒හි පූ॒ර්ධි චක්ෂු॑-ර්මුමු॒ග්ධ්ය॑ස්මා-න්නි॒ධයේ॑ ऽවබ॒ද්ධාන් ॥ 94 ॥
අනුවාකං 74
ප්රාණානා-ඞ්ග්රන්ථිරසි රුද්රෝ මා॑ විශා॒න්තකඃ ।
තේනාන්නේනා᳚-ප්යාය॒ස්ව ॥ 95 ॥
අනුවාකං 75
නමෝ රුද්රාය විෂ්ණවේ මෘත්යු॑ර්මේ පා॒හි ॥ 96 ॥
අනුවාකං 76
ත්වම॑ග්නේ॒ ද්යුභි॒-ස්ත්වමා॑ශු-ශු॒ක්ෂණි॒-ස්ත්වම॒ද්භ්ය-ස්ත්වමශ්ම॑න॒ස්පරි॑ । ත්වං-වඁනේ᳚භ්ය॒-ස්ත්වමෝෂ॑ධීභ්ය॒-ස්ත්ව-න්නෘ॒ණා-න්නෘ॑පතේ ජායසේ॒ ශුචිඃ॑ ॥ 97 ॥
අනුවාකං 77
ශි॒වේන॑ මේ॒ සන්ති॑ෂ්ඨස්ව ස්යෝ॒නේන॑ මේ॒ සන්ති॑ෂ්ඨස්ව සුභූ॒තේන॑ මේ॒ සන්ති॑ෂ්ඨස්ව බ්රහ්මවර්ච॒සේන॑ මේ॒ සන්ති॑ෂ්ඨස්ව ය॒ජ්ඤස්යර්ධි॒ මනු॒ සන්ති॑ෂ්ඨ॒ ස්වෝප॑ තේ යජ්ඤ॒ නම॒ උප॑ තේ॒ නම॒ උප॑ තේ॒ නමඃ॑ ॥ 98 ॥
අනුවාකං 78
ස॒ත්ය-ම්පර॒-ම්පරග්ම්॑ ස॒ත්යග්ම් ස॒ත්යේන॒ න සු॑ව॒ර්ගා-ල්ලෝ॒කාච්ච්ය॑වන්තේ
ක॒දාච॒න ස॒තාග්ම් හි ස॒ත්ය-න්තස්මා᳚-ථ්ස॒ත්යේ ර॑මන්තේ॒, (1)
තප॒ ඉති॒ තපෝ॒ නානශ॑නා॒-ත්පරං॒-යඁද්ධි පර॒-න්තප॒ස්ත-ද්දුධ॑ර්ෂං॒
ත-ද්දුරා॑ධර්ෂ॒-න්තස්මා॒-ත්තප॑සි රමන්තේ॒, (2)
දම॒ ඉති॒ නිය॑ත-ම්බ්රහ්මචා॒රිණ॒-ස්තස්මා॒-ද්දමේ॑ රමන්තේ॒, (3)
ශම॒ ඉත්යර॑ණ්යේ මු॒නය॒-ස්තස්මා॒ච්ඡමේ॑ රමන්තේ, (4)
දා॒නමිති॒ සර්වා॑ණි භූ॒තානි॑ ප්ර॒ශග්ම්ස॑න්ති දා॒නාන්නාති॑ දු॒ශ්චර॒-න්තස්මා᳚-ද්දා॒නේ ර॑මන්තේ, (5)
ධ॒ර්ම ඉති॒ ධර්මේ॑ණ॒ සර්ව॑මි॒ද-ම්පරි॑ගෘහීත-න්ධ॒ර්මාන්නාති॑-දු॒ෂ්කරං॒
තස්මා᳚--ද්ධ॒ර්මේ ර॑මන්තේ, (6)
ප්ර॒ජන॒ ඉති॒ භූයාග්ම්॑॑ස॒-ස්තස්මා॒-ද්භූයි॑ෂ්ඨාඃ॒ ප්රජා॑යන්තේ॒ තස්මා॒-ද්භූයි॑ෂ්ඨාඃ ප්ර॒ජන॑නේ රමන්තේ॒, (7)
-ऽග්නය॒ ඉත්යා॑හ॒ තස්මා॑-ද॒ග්නය॒ ආධා॑තව්යා අග්නිහෝ॒ත්ර-මිත්යා॑හ॒ තස්මා॑-දග්නිහෝ॒ත්රේ ර॑මන්තේ, (8)
ය॒ජ්ඤ ඉති॑ ය॒ජ්ඤෝ හි දේ॒වා ස්තස්මා᳚-ද්ය॒ජ්ඤේ ර॑මන්තේ, (9)
මාන॒ස-මිති॑ වි॒ද්වාග්ම්ස॒-ස්තස්මා᳚-ද්වි॒ද්වාග්ම්ස॑ ඒ॒ව මා॑න॒සේ
ර॑මන්තේ, (10)
න්යා॒ස ඉති॑ බ්ර॒හ්මා බ්ර॒හ්මා හි පරඃ॒ පරෝ॑ හි බ්ර॒හ්මා තානි॒ වා ඒ॒තාන්යව॑රාණි॒
පරාග්ම්॑සි න්යා॒ස ඒ॒වාත්ය॑රේචය॒-ද්ය ඒ॒වං-වේඁදේ᳚ත්යුප॒නිෂත් ॥ 99 ॥
අනුවාකං 79
ප්රා॒ජා॒ප॒ත්යෝ හාරු॑ණි-ස්සුප॒ර්ණේයඃ॑ ප්ර॒ජාප॑ති-ම්පි॒තර॒-මුප॑සසාර॒ කි-ම්භ॑ගව॒න්තඃ ප॑ර॒මං-වඁ ॑ද॒න්තීති॒ තස්මෛ॒ ප්රෝ॑වාච, (1)
ස॒ත්යේන॑ වා॒යුරාවා॑ති ස॒ත්යේ-නා॑දි॒ත්යෝ රෝ॑චතේ දි॒වි ස॒ත්යං-වාඁ॒චඃ ප්ර॑ති॒ෂ්ඨා ස॒ත්යේ ස॒ර්ව-ම්ප්රති॑ෂ්ඨිත॒-න්තස්මා᳚-ථ්ස॒ත්ය-ම්ප॑ර॒මං-වඁද॑න්ති॒, (2)
තප॑සා දේ॒වා දේ॒වතා॒-මග්ර॑ ආය॒-න්තප॒සර්ෂ॑ය॒-ස්සුව॒රන්ව॑-වින්ද॒-න්තප॑සා ස॒පත්නා॒-න්ප්රණු॑දා॒-මාරා॑තී॒ ස්තප॑සි ස॒ර්ව-ම්ප්රති॑ෂ්ඨිත॒-න්තස්මා॒-ත්තපඃ॑ පර॒මං-වඁද॑න්ති॒, (3)
දමේ॑න දා॒න්තාඃ කි॒ල්බිෂ॑-මවධූ॒න්වන්ති॒ දමේ॑න බ්රහ්මචා॒රිණ॒-ස්සුව॑රගච්ඡ॒-න්දමෝ॑ භූ॒තානා᳚-න්දුරා॒ධර්ෂ॒-න්දමේ॑ ස॒ර්ව-ම්ප්රති॑ෂ්ඨිත॒-න්තස්මා॒-ද්දමඃ॑ පර॒මං-වඁද॑න්ති॒, (4)
ශමේ॑න ශා॒න්තා-ශ්ශි॒ව-මා॒චර॑න්ති॒ ශමේ॑න නා॒ක-ම්මු॒නයෝ॒-ऽන්වවි॑න්ද॒න් ඡමෝ॑ භූ॒තානා᳚-න්දුරා॒ධර්ෂ॒-ඤ්ඡමේ॑ ස॒ර්ව-ම්ප්රති॑ෂ්ඨිත॒-න්තස්මා॒ච්ඡමඃ॑ පර॒මං-වඁද॑න්ති, (5)
දා॒නං-යඁ॒ජ්ඤානාං॒-වඁරූ॑ථ॒-න්දක්ෂි॑ණා ලෝ॒කේ දා॒තාරග්ම්॑ සර්ව භූ॒තාන්යු॑පජී॒වන්ති॑ දා॒නේනාරා॑තී॒-රපා॑නුදන්ත දා॒නේන॑ ද්විෂ॒න්තෝ මි॒ත්රා භ॑වන්ති දා॒නේ ස॒ර්ව-ම්ප්රති॑ෂ්ඨිත॒-න්තස්මා᳚-ද්දා॒න-ම්ප॑ර॒මං-වඁද॑න්ති, (6)
ධ॒ර්මෝ විශ්ව॑ස්ය॒ ජග॑තඃ ප්රති॒ෂ්ඨා ලෝ॒කේ ධ॒ර්මිෂ්ඨ॑-ම්ප්ර॒ජා උ॑පස॒ර්පන්ති॑ ධ॒ර්මේණ॑ පා॒ප-ම॑ප॒නුද॑ති ධ॒ර්මේ ස॒ර්ව-ම්ප්රති॑ෂ්ඨිත॒-න්තස්මා᳚-ද්ධ॒ර්ම-ම්ප॑ර॒මං-වඁද॑න්ති, (7)
ප්ර॒ජන॑නං॒-වෛඁ ප්ර॑ති॒ෂ්ඨා ලෝ॒කේ සා॒ධු ප්ර॒ජායා᳚ ස්ත॒න්තුන්-ත॑න්වා॒නඃ පි॑තෘ॒ණා
ම॑නෘ॒ණෝ භව॑ති॒ තදේ॑ව ත॒ස්යා අනෘ॑ණ॒-න්තස්මා᳚-ත්ප්ර॒ජන॑න-ම්පර॒මං-වඁද॑න්ත්ය॒, (8)
ග්නයෝ॒ වෛ ත්රයී॑ වි॒ද්යා දේ॑ව॒යානඃ॒ පන්ථා॑ ගාර්හප॒ත්ය ඍක්-පෘ॑ථි॒වී ර॑ථන්ත॒ර -ම॑න්වාහා-ර්ය॒පච॑නං॒-යඁජු॑ර॒න්තරි॑ක්ෂං-වාඁමදේ॒ව්ය මා॑හව॒නීය॒-ස්සාම॑සුව॒ර්ගෝ ලෝ॒කෝ බෘ॒හත්-තස්මා॑-ද॒ග්නී-න්ප॑ර॒මං-වඁද॑න්ත්ය, (9)
ග්නිහෝ॒ත්රග්ම් සා॑ය-ම්ප්රා॒ත-ර්ගෘ॒හාණාං॒-නිෂ්කෘ॑ති॒-ස්ස්වි॑ෂ්ටග්ම් සුහු॒තං-යඁ ॑ජ්ඤක්රතූ॒නා-ම්ප්රාය॑ණග්ම් සුව॒ර්ගස්ය॑ ලෝ॒කස්ය॒ ජ්යෝති॒-ස්තස්මා॑-දග්නිහෝ॒ත්ර-ම්ප॑ර॒මං-වඁද॑න්ති, (10)
ය॒ජ්ඤ ඉති॑ ය॒ජ්ඤේන॒ හි දේ॒වා දිව॑-ඞ්ග॒තා ය॒ජ්ඤේනාසු॑රා॒-නපා॑නුදන්ත ය॒ජ්ඤේන॑ ද්විෂ॒න්තෝ මි॒ත්රා භ॑වන්ති ය॒ජ්ඤේ ස॒ර්ව-ම්ප්රති॑ෂ්ඨිත॒-න්තස්මා᳚-ද්ය॒ජ්ඤ-ම්ප॑ර॒මං-වඁද॑න්ති, (11)
මාන॒සං-වෛඁ ප්රා॑ජාප॒ත්ය-ම්ප॒විත්ර॑-ම්මාන॒සේන॒ මන॑සා සා॒ධු ප॑ශ්යති මාන॒සා ඍෂ॑යඃ ප්ර॒ජා අ॑සෘජන්ත මාන॒සේ ස॒ර්ව-ම්ප්රති॑ෂ්ඨිත॒-න්තස්මා᳚-න්මාන॒ස-ම්ප॑ර॒මං-වඁද॑න්ති, (12)
න්යා॒ස ඉ॒ත්යාහු॑-ර්මනී॒ෂිණෝ᳚ බ්ර॒හ්මාණ॑-ම්බ්ර॒හ්මා විශ්වඃ॑ කත॒ම-ස්ස්ව॑ය॒භුංඃ ප්ර॒ජාප॑ති-ස්සංවඁථ්සර॒ ඉති॑, (13)
සංවඁථ්ස॒රෝ॑ ऽසාවා॑දි॒ත්යෝ ය ඒ॒ෂ ආ॑දි॒ත්යේ පුරු॑ෂ॒-ස්ස ප॑රමේ॒ෂ්ඨී බ්රහ්මා॒ත්මා, (14)
යාභි॑රාදි॒ත්ය-ස්තප॑ති ර॒ශ්මිභි॒ස්තාභිඃ॑ ප॒ර්ජන්යෝ॑ වර්ෂති ප॒ර්ජන්යේ॑-නෞෂධි-වනස්ප॒තයඃ॒ ප්රජා॑යන්ත ඕෂධි-වනස්ප॒තිභි॒-රන්න॑-ම්භව॒ත්යන්නේ॑න ප්රා॒ණාඃ ප්රා॒ණෛ-ර්බල॒-ම්බලේ॑න॒ තප॒-ස්තප॑සා ශ්ර॒ද්ධා ශ්ර॒ද්ධයා॑ මේ॒ධා මේ॒ධයා॑ මනී॒ෂා ම॑නී॒ෂයා॒ මනෝ॒ මන॑සා॒ ශාන්ති॒-ශ්ශාන්ත්යා॑ චි॒ත්ත-ඤ්චි॒ත්තේන॒ ස්මෘති॒ග්ග්॒ ස්මෘත්යා॒ ස්මාර॒ග්ග්॒ ස්මාරේ॑ණ වි॒ජ්ඤානං॑-විඁ॒ජ්ඤානේ॑-නා॒ත්මානං॑-වේඁදයති॒ තස්මා॑ද॒න්න-න්දද॒න්-ථ්සර්වා᳚ණ්යේ॒තානි॑ දදා॒-ත්යන්නා᳚-ත්ප්රා॒ණා භ॑වන්ති භූ॒තානා᳚-ම්ප්රා॒ණෛ-ර්මනෝ॒ මන॑සශ්ච වි॒ජ්ඤානං॑-විඁ॒ජ්ඤානා॑-දාන॒න්දෝ බ්ර॑හ්ම යෝ॒නිඃ, (15)
ස වා ඒ॒ෂ පුරු॑ෂඃ පඤ්ච॒ධා ප॑ඤ්චා॒ත්මා යේන॒ සර්ව॑මි॒ද-ම්ප්රෝත॑-ම්පෘථි॒වී චා॒න්තරි॑ක්ෂ-ඤ්ච॒ ද්යෞශ්ච॒ දිශ॑ශ්චාවාන්තරදි॒ශාශ්ච॒ ස වෛ සර්ව॑මි॒ද-ඤ්ජග॒ථ්ස ස॒භූතග්ම්॑ ස භ॒ව්ය-ඤ්ජි॑ජ්ඤාස ක්ලෘ॒ප්ත ඍ॑ත॒ජා රයි॑ෂ්ඨා ශ්ර॒ද්ධා ස॒ත්යෝ මහ॑ස්වා-න්ත॒පසෝ॒ පරි॑ෂ්ඨා॒ද්, (වරි॑ෂ්ඨා॒ද්) (16)
ජ්ඤාත්වා॑ තමේ॒ව-ම්මන॑සා හෘ॒දා ච॒ භූයෝ॑ න මෘ॒ත්යු-මුප॑යාහි වි॒ද්වාන් (17)
තස්මා᳚-න්න්යා॒ස-මේ॒ෂා-න්තප॑සා-මතිරික්ත॒මාහු॑ර්, (18)
වසුර॒ණ්වෝ॑ වි॒භූර॑සි ප්රා॒ණේ ත්වමසි॑ සන්ධා॒තා බ්රහ්ම॑-න්ත්වමසි॑ විශ්ව॒ධෘත්තේ॑-ජෝ॒දාස් ත්වම॑ස්ය॒ග්නි-ර॑සි වර්චෝ॒දා-ස්ත්වම॑සි॒ සූර්ය॑ස්ය ද්යුම්නෝ॒දා ස්ත්වම॑සි ච॒න්ද්රම॑ස උපයා॒මගෘ॑හීතෝ-ऽසි බ්ර॒හ්මණේ᳚
ත්වා॒ මහස॒, (19)
ඕමිත්යා॒ත්මානං॑-යුඁඤ්ජීතෛ॒තද්වෛ ම॑හෝප॒නිෂ॑ද-න්දේ॒වානා॒-ඞ්ගුහ්යං॒-යඁ ඒ॒වං-වේඁද॑
බ්ර॒හ්මණෝ॑ මහි॒මාන॑-මාප්නෝති॒ තස්මා᳚-ද්බ්ර॒හ්මණෝ॑ මහි॒මාන॑-මිත්යුප॒නිෂත් ॥ 100 ॥
අනුවාකං 80
තස්යෛ॒වං-විඁ॒දුෂෝ॑ ය॒ජ්ඤස්යා॒ත්මා යජ॑මානඃ-ශ්ර॒ධ්දාපත්නී॒ ශරී॑ර-මි॒ද්ධ්මමුරෝ॒ වේදි॒-ර්ලෝමා॑නි බ॒ර॒ඃඉ-ර්වේ॒දඃ-ශිඛා॒ හෘද॑යං॒-යූඁපඃ॒ කාම॒ ආජ්ය॑-ම්ම॒න්යුඃ ප॒ශු-ස්තපෝ॒-ऽග්නි-ර්දම॑-ශ්ශමයි॒තා දක්ෂි॑ණා॒-වාඝෝතා᳚ ප්රා॒ණ උ॑ද්ග॒තා චක්ෂු॑රධ්ව॒ර්යු-ර්මනෝ॒ බ්රහ්මා॒ ශ්රෝත්ර॑ම॒ග්නී-
ධ්යාව॒ධ්ද්රිය॑තේ॒ සා දී॒ක්ෂා යදශ්ර්නා॑ති॒ තධ්දවි॒-ර්යත්පිබ॑ති॒ තද॑ස්ය සෝමපා॒නං-යඁද්රම॑තේ॒ තදු॑ප॒සදෝ॒ ය-ථ්ස॒ඤ්චර॑-ත්යුප॒විශ॑-ත්යු॒ත්තිෂ්ඨ॑තේ ච॒ සප්ර॑ව॒ර්ග්යෝ॑ යන්මුඛ॒-න්තදා॑හව॒නීයෝ॒ යා ව්යාහෘ॑ති-රාහු॒ති-ර්යද॑ස්ය වි॒ජ්ඤාන॒-න්තජ්ජු॒හෝති॒ යථ්සා॒ය-ම්ප්රා॒තර॑ත්ති॒ තථ්ස॒මිධං॒-යඁත්ප්රා॒ත-ර්ම॒ද්ධ්යන්දි॑නග්ම් සා॒ය-ඤ්ච॒ තානි॒ සව॑නානි॒
යේ අ॑හෝරා॒ත්රේ තේ ද॑ර්ශපූර්ණමා॒සෞ යේ᳚-ऽර්ධමා॒සාශ්ච॒ මාසා᳚ශ්ච॒ තේ චා॑තුර්මා॒ස්යානි॒ ය ඍ॒තව॒ස්තේ ප॑ශුබ॒න්ධා යේ සං॑වඁථ්ස॒රාශ්ච॑ පරිවථ්ස॒රාශ්ච॒ තේ-ऽහ॑ර්ග॒ණා-ස්ස॑ර්ව වේද॒සං-වාඁ ඒ॒ත-ථ්ස॒ත්රං-යඁන්මර॑ණ॒-න්තද॑ව॒භෘථ॑
ඒ॒තද්වෛ ජ॑රාමර්ය-මග්නිහෝ॒ත්රග්ම් ස॒ත්රං-යඁ ඒ॒වං-විඁ॒ද්වා-නු॑ද॒ගය॑නේ ප්ර॒මීය॑තේ දේ॒වානා॑මේ॒ව ම॑හි॒මාන॑-ඞ්ග॒ත්වා-ऽऽදි॒ත්යස්ය॒ සායු॑ජ්ය-ඞ්ගච්ඡ॒ත්යථ॒ යෝ ද॑ක්ෂි॒ණේ ප්ර॒මීය॑තේ පිතෘ॒ණා-මේ॒ව ම॑හි॒මාන॑-ඞ්ග॒ත්වා ච॒න්ද්රම॑ස॒-ස්සායු॑ජ්යග්ම් සලෝ॒කතා॑-මාප්නෝත්යේ॒තෞ වෛ සූ᳚ර්යා චන්ද්ර॒මසෞ᳚-ර්මහි॒මානෞ᳚ බ්රාහ්ම॒ණෝ වි॒ද්වා-න॒භිජ॑යති॒ තස්මා᳚-ද්බ්ර॒හ්මණෝ॑ මහි॒මාන॑මාප්නෝති॒ තස්මා᳚-ද්බ්ර॒හ්මණෝ॑ මහි॒මාන॑-මිත්යුප॒නිෂත් ॥ 101 ॥
ස॒හ නා॑ වවතු । ස॒හ නෞ॑ භුනක්තු । ස॒හ වී॒ර්ය॑-ඞ්කරවාවහෛ ।
තේ॒ජ॒ස්විනා॒ වධී॑තමස්තු॒ මා වි॑ද්විෂා॒වහෛ᳚ ॥
ඕං ශාන්ති॒-ශ්ශාන්ති॒-ශ්ශාන්තිඃ॑ ॥
॥ ඉති මහානාරායණෝපනිෂ-ථ්සමාප්තා ॥
(අම්භ॒ස්යෛක॑පඤ්චා॒ශච්ඡ॒තං - ජා॒තවේ॑දසේ॒ චතු॑ර්දශ॒ - භූරන්නං॒ - භූර॒ග්නයේ॒ - භූර॒ග්නයේ॒ චෛක॑මේකං - පාහි - පා॒හි ච॒ත්වාරි॑ චත්වාරි॒ - යශ්ඡන්ද॑සා॒-න්ද්වේ - නමෝ॒ බ්රහ්ම॑ණේ - ඍ॒ත-න්තපෝ॒ - යථා॑ වෘ॒ක්ෂස්යෛක॑ මේක - ම॒ණෝරණී॑යා॒ග්॒ ශ්චතු॑ස්ත්රිග්ම්ශථ් - සහස්ර॒ශී॑ෂ॒ග්ම්॒ ෂට්වි॑ග්ම්ශති - රාදි॒ත්යෝ වා ඒ॒ෂ - ආ॑දි॒ත්යෝ වෛ තේජ॒ ඒක॑මේකං॒ - නිධ॑නපතයේ॒ ත්රයෝ॑විග්ම්ශතිඃ - ස॒ද්යෝජා॒ත-න්ත්රීණි॑ - වාමදේ॒වායෛක॑ - ම॒ඝෝරේ᳚භ්ය॒ - ස්තත්පුරු॑ෂාය॒ ද්වේ ද්වේ॒ - ඊශානෝ - නමෝ හිරණ්යබාහව॒ ඒක॑මේක - මෘ॒තග්ම් ස॒ත්ය-න්ද්වේ - සර්වෝ॒ වෛ ච॒ත්වාරි॒ - කද්රු॒ද්රාය॒ ත්රීණි॒ - යස්ය॒ වෛ කඞ්ක॑තී - කෘණු॒ෂ්ව පාජෝ - ऽදි॑ති॒ - රාපෝ॒ වා ඉ॒දග්ම් සර්ව॒ මේක॑මේක॒ - මාපඃ॑ පුනන්තු ච॒ත්වා - ර්යග්නිශ්ච - සූර්යශ්ච නව॑ - න॒වෝමිති॑ ච॒ත්වා - ර්යායා॑තු॒ පචෞ - ජෝ॑-ऽසි॒ දශෝ॒ - ත්තමේ॑ ච॒ත්වාරි॒ - ඝෘණි॒ස්ත්රීණි॒ - බ්රහ්ම॑මේතු॒ මාං-යාඁස්තේ᳚ බ්රහ්මහ॒ත්යා-න්ද්වාද॑ශ॒ - බ්රහ්ම॑ මේ॒ධයා॒-ऽද්යා න॑ ඉ॒මං
භ්රූ॑ෂහ॒ත්යාං - බ්රහ්ම॑ මේ॒ධවා᳚ බ්ර॒හ්මා දේ॒වානා॑මි॒දං-වීඁ ॑රහ॒ත්යාමේකා॒න්න වි॑ග්ම්ශති॒ රේකා॒න්නවි॑ග්ම්ශති--ර් මේ॒ධා දේ॒වී - මේ॒ධා-ම්ම॒ ඉන්ද්ර॑ශ්ච॒ත්වාරි॑ චත්වා॒ර්යා - මා᳚-ම්මේ॒ධා ද්වේ - මයි॑ මේ॒ධා මේක॒- මපෛ॑තු॒ - පරං॒ - ඁවාත॑-ම්ප්රා॒ණ - ම॑මුත්ර॒භූයා॒-ද්- ද්ධරි॒ග්ම්॒ - ශල්කෛ॑ර॒ග්නිං - මා ඡි॑දෝ මෘත්යෝ॒ - මා නෝ॑ ම॒හාන්තං॒ - මාන॑ස්තෝ॒කේ - ප්රජා॑පතේ - ස්වස්ති॒දා - ත්ර්ය॑ම්බකං॒ - ඁයේ තේ॑ ස॒හස්ර॒-න්ද්වේ ද්වේ - මෘ॒ත්යවේ॒ ස්වාහෛකං॑ - දේ॒වකෘ॑ත॒ස්යෛකා॑දශ॒ - යද්වෝ॑ දේවාඃ॒ - කාමෝ-ऽකාර්ෂී॒න් - මන්යුරකාර්ෂී॒-ද්ද්වේ ද්වේ॒ - තිලාඤ්ජුහෝමි ගාව-ශ්ශ්රිය-ම්ප්ර॑ජාඃ පඤ්ච॒ - තිලාඃ කෘණ්ෂාශ්චෝර॑ස්ය॒ ශ්රීඃ ප්රජ්ඤාතු ජාතවේ॑ද-ස්ස॒ප්ත - ප්රාණ වා-ක්ත්වක් ඡිර උත්තිෂ්ඨ පුරුෂ॑ පඤ්ච॒ - පෘථිවී ශබ්ද මනෝ වාග් ව්යක්තා-ऽऽත්මා-ऽන්තරාත්මා පරමාත්මා මේ᳚ ක්ෂු॒ධේ-ऽන්නමය॒ පඤ්ච॑දශා॒ - ග්නයේ॒ ස්වාහෛක॑චත්වාරි॒ග්ම්॒ශ - ර්දෝ᳚ න්තද්බ්ර॒හ්ම නව॑ -
ශ්ර॒ද්ධායා᳚-ම්ප්රා॒ණේ නිවිෂ්ට॒ ශ්චතු॑ර්විග්ම්ශතිඃ - ශ්ර॒ද්ධායා॒-න්දශා - ඞ්ගුෂ්ඨ මාත්රඃ පුරුෂෝ ද්වේ - වාම්ම॑ ආ॒සන්න॒ෂ්ටෞ - වය॑-ස්සුප॒ර්ෂාඃ - ප්රාණානා-ඞ්ග්රන්ථිරසි ද්වේ ද්වේ - නමෝ රුද්රායෛකං॒ - ත්වම॑ග්නේ॒ ද්යුභිර්॒ ද්වේ - ශි॒වේන॑ මේ॒ සන්ති॑ෂ්ඨස්ව - ස॒ත්යං - ප්රා॑ජාප॒ත්ය - ස්තස්යෛ॒ව මේක॑ මේක॒ මශතිඃ)
(අම්භ॑ස්යපා॒රේ - ස්ව॒ස්ති නඃ॑ - පා॒හි නෝ॑ අග්න॒ ඒක॑යා - ऽऽදි॒ත්යෝ වා ඒ॒ෂ - ඍ॒තග්ම් ස॒ත්ය - මෝ මිත්යා - මා᳚-ම්මේ॒ධා - මා න॑ස්තෝ॒කේ - තිලාජුහෝමි - ශ්ර॒ද්ධායා᳚-ම්ප්රා॒ණේ නිවි॑ශ්ය॒ - තස්යෛ॒ව මේකෝත්ත॑රශ॒තම්)
॥ හරිඃ॑ ඕම් ॥
॥ කෘෂ්ණ යජුර්වේදීය තෛත්තිරීය ආරණ්යකේ දශමඃ ප්රපාඨක-ස්සමාප්තඃ ॥
॥ ඉති තෛත්තිරීය යජුරාරණ්යකං සමාප්තම් ॥
