കൃഷ്ണ യജുർവേദീയ തൈത്തിരീയ ആരണ്യകേ ദശമഃ പ്രപാഠകഃ - മഹാനാരായണോപനിഷത്
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥
സ॒ഹ നാ॑ വവതു । സ॒ഹ നൌ॑ ഭുനക്തു । സ॒ഹ വീ॒ര്യ॑-ങ്കരവാവഹൈ । തേ॒ജ॒സ്വിനാ॒ വധീ॑തമസ്തു॒ മാ വി॑ദ്വിഷാ॒വഹൈ᳚ ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ॥
അനുവാകം 1
അമ്ഭ॑സ്യ പാ॒രേ ഭുവ॑നസ്യ॒ മദ്ധ്യേ॒ നാക॑സ്യ പൃ॒ഷ്ഠേ മ॑ഹ॒തോ മഹീ॑യാന് ।
ശു॒ക്രേണ॒ ജ്യോതീഗ്മ്॑ഷി സമനു॒പ്രവി॑ഷ്ടഃ പ്ര॒ജാപ॑തിശ്ചരതി॒ ഗര്ഭേ॑ അ॒ന്തഃ ॥
യസ്മി॑ന്നി॒ദഗ്മ് സഞ്ച॒ വിചൈതി॒ സർവം॒-യഁസ്മി॑-ന്ദേ॒വാ അധി॒ വിശ്വേ॑ നിഷേ॒ദുഃ ।
തദേ॒വ ഭൂ॒ത-ന്തദു॒ ഭവ്യ॑മാ ഇ॒ദ-ന്തദ॒ക്ഷരേ॑ പര॒മേ വ്യോ॑മന്ന് ॥
യേനാ॑ വൃ॒ത-ങ്ഖഞ്ച॒ ദിവ॑-മ്മ॒ഹീഞ്ച॒ യേനാ॑ദി॒ത്യ-സ്തപ॑തി॒ തേജ॑സാ॒ ഭ്രാജ॑സാ ച ।
യമ॒ന്ത-സ്സ॑മു॒ദ്രേ ക॒വയോ॒ വയ॑ന്തി॒ യദ॒ക്ഷരേ॑ പര॒മേ പ്ര॒ജാഃ ॥
യതഃ॑ പ്രസൂ॒താ ജ॒ഗതഃ॑ പ്രസൂതീ॒ തോയേ॑ന ജീ॒വാന് വ്യച॑സര്ജ॒ (വ്യസ॑സര്ജ॒) ഭൂമ്യാ᳚മ് ।
യദോഷ॑ധീഭിഃ പു॒രുഷാ᳚-ന്പ॒ശൂഗ്ശ്ച॒ വിവേ॑ശ ഭൂ॒താനി॑ ചരാച॒രാണി॑ ॥
അതഃ॑ പര॒-ന്നാന്യ॒-ദണീ॑യസഹി॒ പരാ᳚-ത്പരം॒-യഁ-ന്മഹ॑തോ മ॒ഹാന്ത᳚മ് ।
യദേ॑ക-മ॒വ്യക്ത॒-മന॑ന്തരൂപം॒-വിഁശ്വ॑-മ്പുരാ॒ണ-ന്തമ॑സഃ॒ പര॑സ്താത് ॥ 1 ॥
തദേ॒വര്ത-ന്തദു॑ സ॒ത്യമാ॑ഹു॒-സ്തദേ॒വ ബ്രഹ്മ॑ പര॒മ-ങ്ക॑വീ॒നാമ് ।
ഇ॒ഷ്ടാ॒പൂ॒ര്ത-മ്ബ॑ഹു॒ധാ ജാ॒ത-ഞ്ജായ॑മാനം-വിഁ॒ശ്വ-മ്ബി॑ഭര്തി॒ ഭുവ॑നസ്യ॒ നാഭിഃ॑ ॥
തദേ॒വാഗ്നി-സ്തദ്വാ॒യു-സ്തഥ്സൂര്യ॒സ്തദു॑ ച॒ന്ദ്രമാഃ᳚ ।
തദേ॒വ ശു॒ക്രമ॒മൃത॒-ന്തദ്ബ്രഹ്മ॒ തദാപ॒-സ്സ പ്ര॒ജാപ॑തിഃ ॥
സർവേ॑ നിമേ॒ഷാ ജ॒ജ്ഞിരേ॑ വി॒ദ്യുതഃ॒ പുരു॑ഷാ॒ദധി॑ ।
ക॒ലാ മു॑ഹൂ॒ര്താഃ കാഷ്ഠാ᳚ശ്ചാഹോ-രാ॒ത്രാശ്ച॑ സർവ॒ശഃ ॥
അ॒ര്ധ॒മാ॒സാ മാസാ॑ ഋ॒തവ॑-സ്സംവഁഥ്സ॒രശ്ച॑ കല്പന്താമ് । സ ആപഃ॑ പ്രദു॒ഘേ ഉ॒ഭേ ഇ॒മേ അ॒ന്തരി॑ക്ഷ॒-മഥോ॒ സുവഃ॑ ॥
നൈന॑-മൂ॒ര്ധ്വ-ന്ന തി॒ര്യ-ഞ്ച॒ ന മദ്ധ്യേ॒ പരി॑ജഗ്രഭത് । ന തസ്യേ॑ശേ॒ കശ്ച॒ന തസ്യ॑ നാമ മ॒ഹദ്യശഃ॑ ॥ 2 ॥
ന സ॒ദൃംശേ॑ തിഷ്ഠതി॒ രൂപ॑മസ്യ॒ ന ചക്ഷു॑ഷാ പശ്യതി॒ കശ്ച॒നൈന᳚മ് ।
ഹൃ॒ദാ മ॑നീ॒ഷാ മന॑സാ॒-ഽഭി ക്ലൃ॑പ്തോ॒ യ ഏ॑നം-വിഁ॒ദു-രമൃ॑താ॒സ്തേ ഭ॑വന്തി ॥
അ॒ദ്ഭ്യ-സ്സമ്ഭൂ॑തഃ പൃഥി॒വ്യൈ രസാ᳚ച്ച । വി॒ശ്വക॑ര്മണ॒-സ്സമ॑വര്ത॒താധി॑ ।
തസ്യ॒ ത്വഷ്ടാ॑ വി॒ദധ॑ദ്രൂ॒പമേ॑തി ॥
തത്പുരു॑ഷസ്യ॒ വിശ്വ॒മാജാ॑ന॒മഗ്രേ᳚ ।
വേദാ॒ഹമേ॒ത-മ്പുരു॑ഷ-മ്മ॒ഹാന്ത᳚മ് ।
ആ॒ദി॒ത്യ വ॑ര്ണ॒-ന്തമ॑സഃ॒ പര॑സ്താത് ।
തമേ॒വം-വിഁ॒ദ്വാന॒മൃത॑ ഇ॒ഹ ഭ॑വതി । നാന്യഃ പന്ഥാ॑ വിദ്യ॒തേ-ഽയ॑നായ ॥
പ്ര॒ജാപ॑തിശ്ചരതി॒ ഗര്ഭേ॑ അ॒ന്തഃ । അ॒ജായ॑മാനോ ബഹു॒ധാ വിജാ॑യതേ । തസ്യ॒ ധീരാഃ॒ പരി॑ജാനന്തി॒ യോനി᳚മ് । മരീ॑ചീനാ-മ്പ॒ദമി॑ച്ഛന്തി വേ॒ധസഃ॑ ॥ യോ ദേ॒വേഭ്യ॒ ആത॑പതി । യോ ദേ॒വാനാ᳚-മ്പു॒രോഹി॑തഃ । പൂർവോ॒ യോ ദേ॒വേഭ്യോ॑ ജാ॒തഃ । നമോ॑ രു॒ചായ॒ ബ്രാഹ്മ॑യേ ॥ രുച॑-മ്ബ്രാ॒ഹ്മ-ഞ്ജ॒നയ॑ന്തഃ । ദേ॒വാ അഗ്രേ॒ തദ॑ബ്രുവന്ന് ।
യസ്ത്വൈ॒വ-മ്ബ്രാ᳚ഹ്മ॒ണോ വി॒ദ്യാത് । തസ്യ॑ ദേ॒വാ അസ॒ന് വശേ᳚ ॥ ഹ്രീശ്ച॑തേ ല॒ക്ഷ്മീശ്ച॒ പത്ന്യൌ᳚ । അ॒ഹോ॒രാ॒ത്രേ പാ॒ര്ശ്വേ । നക്ഷ॑ത്രാണി രൂ॒പമ് ।
അ॒ശ്വിനൌ॒ വ്യാത്ത᳚മ് । ഇ॒ഷ്ട-മ്മ॑നിഷാണ । അ॒മു-മ്മ॑നിഷാണ । സർവ॑-മ്മനിഷാണ ॥
ഹി॒ര॒ണ്യ॒ഗ॒ര്ഭ-സ്സമ॑വര്ത॒താഗ്രേ॑ ഭൂ॒തസ്യ॑ ജാ॒തഃ പതി॒രേക॑ ആസീത് ।
സ ദാ॑ധാര പൃഥി॒വീ-ന്ദ്യാമു॒തേമാ-ങ്കസ്മൈ॑ ദേ॒വായ॑ ഹ॒വിഷാ॑ വിധേമ ॥
യഃ പ്രാ॑ണ॒തോ നി॑മിഷ॒തോ മ॑ഹി॒ത്വൈക॒ ഇദ്രാജാ॒ ജഗ॑തോ ബ॒ഭൂവ॑ ।
യ ഈശേ॑ അ॒സ്യ ദ്വി॒പദ॒-ശ്ചതു॑ഷ്പ॒ദഃ കസ്മൈ॑ ദേ॒വായ॑ ഹ॒വിഷാ॑ വിധേമ ॥
യ ആ᳚ത്മ॒ദാ ബ॑ല॒ദാ യസ്യ॒ വിശ്വ॑ ഉപാ॒സ॑തേ പ്ര॒ശിഷം॒-യഁസ്യ॑ ദേ॒വാഃ ।
യസ്യ॑ ഛാ॒യാമൃതം॒-യഁസ്യ॑ മൃ॒ത്യുഃ കസ്മൈ॑ ദേ॒വായ॑ ഹ॒വിഷാ॑ വിധേമ ॥
യസ്യേ॒മേ ഹി॒മവ॑ന്തോ മഹി॒ത്വാ യസ്യ॑ സമു॒ദ്രഗ്മ് ര॒സയാ॑ സ॒ഹാ-ഽഽഹുഃ ।
യസ്യേ॒മാഃ പ്ര॒ദിശോ॒ യസ്യ॑ ബാ॒ഹൂ കസ്മൈ॑ ദേ॒വായ॑ ഹ॒വിഷാ॑ വിധേമ ॥
യ-ങ്ക്രന്ദ॑സീ॒ അവ॑സാ തസ്തഭാ॒നേ അ॒ഭ്യൈക്ഷേ॑താ॒-മ്മന॑സാ॒ രേജ॑മാനേ ।
യത്രാധി॒സൂര॒ ഉദി॑തൌ॒ വ്യേതി॒ കസ്മൈ॑ ദേ॒വായ॑ ഹ॒വിഷാ॑ വിധേമ ॥
യേന॒ ദ്യൌരു॒ഗ്രാ പൃ॑ഥി॒വീ ച॑ ദൃ॒ഢേ യേന॒ സുവ॑സ് സ്തഭി॒തം-യേഁന॒ നാകഃ॑ ।
യോ അ॒ന്തരി॑ക്ഷേ॒ രജ॑സോ വി॒മാനഃ॒ കസ്മൈ॑ ദേ॒വായ॑ ഹ॒വിഷാ॑ വിധേമ ॥
ആപോ॑ ഹ॒ യന്മ॑ഹ॒തീ വിശ്വ॒മായ॒ന്-ദക്ഷ॒ന്ദധാ॑നാ ജ॒നയ॑ന്തീ-ര॒ഗ്നിമ് ।
തതോ॑ ദേ॒വാനാ॒-ന്നിര॑വര്ത॒താസു॒രേകഃ॒ കസ്മൈ॑ ദേ॒വായ॑ ഹ॒വിഷാ॑ വിധേമ ॥
യശ്ചി॒ദാപോ॑ മഹി॒നാ പ॒ര്യപ॑ശ്യ॒-ദ്ദ്ക്ഷ॒ന്ദധാ॑നാ ജ॒നയ॑ന്തീ-ര॒ഗ്നിമ് ।
യോ ദേ॒വേഷ്വധി॑ ദേ॒വ യേക॒ ആസീ॒-ത്കസ്മൈ॑ ദേ॒വായ॑ ഹ॒വിഷാ॑ വിധേമ ॥
അ॒ദ്ഭ്യ-സ്സമ്ഭൂ॑തോ ഹിരണ്യഗ॒ര്ഭ ഇത്യ॒ഷ്ടൌ ॥
ഏ॒ഷ ഹി ദേ॒വഃ പ്ര॒ദിശോ-ഽനു॒ സർവാഃ॒ പൂർവോ॑ ഹി ജാ॒ത-സ്സ ഉ॒ ഗര്ഭേ॑ അ॒ന്തഃ ।
സ വി॒ജായ॑മാന-സ്സജനി॒ഷ്യമാ॑ണഃ പ്ര॒ത്യം-മുഖാ᳚ സ്തിഷ്ഠതി വി॒ശ്വതോ॑മുഖഃ ॥
വി॒ശ്വത॑ശ്ച-ക്ഷുരു॒ത വി॒ശ്വതോ॑ മുഖോ വി॒ശ്വതോ॑ ഹസ്ത ഉ॒ത വി॒ശ്വത॑സ്പാത് ।
സ-മ്ബാ॒ഹുഭ്യാ॒-ന്നമ॑തി॒ സ-മ്പത॑ത്രൈ॒-ര്ദ്യാവാ॑ പൃഥി॒വീ ജ॒നയ॑-ന്ദേ॒വ ഏകഃ॑ ॥
വേ॒നസ്ത-ത്പശ്യ॒ന്. വിശ്വാ॒ ഭുവ॑നാനി വി॒ദ്വാന്. യത്ര॒ വിശ്വ॒-മ്ഭവ॒ത്യേക॑-നീളമ് ।
യസ്മി॑ന്നി॒ദഗ്മ് സഞ്ച॒ വിചൈക॒ഗ്മ്॒ സ ഓതഃ॒ പ്രോത॑ശ്ച വി॒ഭുഃ പ്ര॒ജാസു॑ ॥
പ്രതദ്വോ॑ചേ അ॒മൃത॒ന്നു വി॒ദ്വാ-ന്ഗ॑ന്ധ॒ർവോ നാമ॒ നിഹി॑ത॒-ങ്ഗുഹാ॑സു ॥ 3 ॥
ത്രീണി॑ പ॒ദാ നിഹി॑താ॒ ഗുഹാ॑സു॒ യസ്തദ്വേദ॑ സവി॒തുഃ പി॒താ-ഽസ॑ത് ॥ സ നോ॒ ബന്ധു॑-ര്ജനി॒താ സ വി॑ധാ॒താ ധാമാ॑നി॒ വേദ॒ ഭുവ॑നാനി॒ വിശ്വാ᳚ । യത്ര॑ ദേ॒വാ അ॒മൃത॑മാന-ശാ॒നാസ്തൃ॒തീയേ॒ ധാമാ᳚ന്യ॒-ഭ്യൈര॑യന്ത ॥
പരി॒ ദ്യാവാ॑പൃഥി॒വീ യ॑ന്തി സ॒ദ്യഃ പരി॑ ലോ॒കാ-ന്പരി॒ ദിശഃ॒ പരി॒ സുവഃ॑ । ഋ॒തസ്യ॒ തന്തും॑-വിഁതതം-വിഁ॒ചൃത്യ॒ തദ॑പശ്യ॒-ത്തദ॑ഭവ-ത്പ്ര॒ജാസു॑ ॥
പ॒രീത്യ॑ ലോ॒കാ-ന്പ॒രീത്യ॑ ഭൂ॒താനി॑ പ॒രീത്യ॒ സർവാഃ᳚ പ്ര॒ദിശോ॒ ദിശ॑ശ്ച । പ്ര॒ജാപ॑തിഃ പ്രഥമ॒ജാ ഋ॒തസ്യാ॒ത്മനാ॒-ഽഽത്മാന॑-മ॒ഭി-സമ്ബ॑ഭൂവ ॥
സദ॑സ॒സ്പതി॒-മദ്ഭു॑ത-മ്പ്രി॒യമിന്ദ്ര॑സ്യ॒ കാമ്യ᳚മ് । സനി॑-മ്മേ॒ധാ മ॑യാസിഷമ് ॥
ഉദ്ദീ᳚പ്യസ്വ ജാതവേദോ ഽപ॒ഘ്നന്നിഋ॑ര്തി॒-മ്മമ॑ ॥ 4 ॥
പ॒ശൂഗ്ശ്ച॒ മഹ്യ॒മാവ॑ഹ॒ ജീവ॑നഞ്ച॒ ദിശോ॑ ദിശ ॥
മാനോ॑ ഹിഗ്മ്സീ ജ്ജാതവേദോ॒ ഗാമശ്വ॒-മ്പുരു॑ഷ॒-ഞ്ജഗ॑ത് ।
അബി॑ഭ്ര॒ദഗ്ന॒ ആഗ॑ഹി ശ്രി॒യാ മാ॒ പരി॑പാതയ ॥
പുരു॑ഷസ്യ വിദ്മ സഹസ്രാ॒ക്ഷസ്യ॑ മഹാദേ॒വസ്യ॑ ധീമഹി । തന്നോ॑ രുദ്രഃ പ്രചോ॒ദയാ᳚ത് ॥
തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി ।
തന്നോ॑ രുദ്രഃ പ്രചോ॒ദയാ᳚ത് ॥
തത്പുരു॑ഷായ വി॒ദ്മഹേ॑ വക്രതു॒ണ്ഡായ॑ ധീമഹി ।
തന്നോ॑ ദന്തിഃ പ്രചോ॒ദയാ᳚ത് ॥
തത്പുരു॑ഷായ വി॒ദ്മഹേ॑ ചക്രതു॒ണ്ഡായ॑ ധീമഹി ॥ 5 ॥
തന്നോ॑ നന്ദിഃ പ്രചോ॒ദയാ᳚ത് ॥
തത്പുരു॑ഷായ വി॒ദ്മഹേ॑ മഹാസേ॒നായ॑ ധീമഹി ।
തന്ന॑-ഷ്ഷണ്മുഖഃ പ്രചോ॒ദയാ᳚ത് ॥
തത്പുരു॑ഷായ വി॒ദ്മഹേ॑ സുവര്ണപ॒ക്ഷായ॑ ധീമഹി । തന്നോ॑ ഗരുഡഃ പ്രചോ॒ദയാ᳚ത് ॥
വേ॒ദാ॒ത്മ॒നായ॑ വി॒ദ്മഹേ॑ ഹിരണ്യഗ॒ര്ഭായ॑ ധീമഹി । തന്നോ᳚ ബ്രഹ്മ പ്രചോ॒ദയാ᳚ത് ॥
നാ॒രാ॒യ॒ണായ॑ വി॒ദ്മഹേ॑ വാസുദേ॒വായ॑ ധീമഹി ।
തന്നോ॑ വിഷ്ണുഃ പ്രചോ॒ദയാ᳚ത് ॥
വ॒ജ്ര॒ന॒ഖായ॑ വി॒ദ്മഹേ॑ തീക്ഷ്ണ-ദ॒ഗ്ഗ്॒ഷ്ട്രായ॑ ധീമഹി ॥ 6 ॥
തന്നോ॑ നാരസിഗ്മ്ഹഃ പ്രചോ॒ദയാ᳚ത് ॥
ഭാ॒സ്ക॒രായ॑ വി॒ദ്മഹേ॑ മഹദ്ദ്യുതിക॒രായ॑ ധീമഹി ।
തന്നോ॑ ആദിത്യഃ പ്രചോ॒ദയാ᳚ത് ॥
വൈ॒ശ്വാ॒ന॒രായ॑ വി॒ദ്മഹേ॑ ലാലീ॒ലായ॑ ധീമഹി ।
തന്നോ॑ അഗ്നിഃ പ്രചോ॒ദയാ᳚ത് ॥
കാ॒ത്യാ॒യ॒നായ॑ വി॒ദ്മഹേ॑ കന്യകു॒മാരി॑ ധീമഹി ।
തന്നോ॑ ദുര്ഗിഃ പ്രചോ॒ദയാ᳚ത് ॥
സ॒ഹ॒സ്ര॒പര॑മാ ദേ॒വീ॒ ശ॒തമൂ॑ലാ ശ॒താങ്കു॑രാ ।
സർവഗ്മ്॑ ഹരതു॑ മേ പാ॒പ॒-ന്ദൂ॒ർവാ ദു॑സ്സ്വപ്ന॒ നാശ॑നീ ॥
കാണ്ഡാ᳚-ത്കാണ്ഡാ-ത്പ്ര॒രോഹ॑ന്തീ॒ പരു॑ഷഃ പരുഷഃ॒ പരി॑ ॥ 7 ॥
ഏ॒വാ നോ॑ ദൂർവേ॒ പ്രത॑നു സ॒ഹസ്രേ॑ണ ശ॒തേന॑ ച ॥
യാ ശ॒തേന॑ പ്രത॒നോഷി॑ സ॒ഹസ്രേ॑ണ വി॒രോഹ॑സി ।
തസ്യാ᳚സ്തേ ദേവീഷ്ടകേ വി॒ധേമ॑ ഹ॒വിഷാ॑ വ॒യമ് ॥
അശ്വ॑ക്രാ॒ന്തേ ര॑ഥക്രാ॒ന്തേ॒ വി॒ഷ്ണുക്രാ᳚ന്തേ വ॒സുന്ധ॑രാ ।
ശിരസാ॑ ധാര॑യിഷ്യാ॒മി॒ ര॒ക്ഷ॒സ്വ മാ᳚-മ്പദേ॒ പദേ ॥
ഭൂമി-ര്ധേനു-ര്ധരണീ ലോ॑കധാ॒രിണീ ।
ഉ॒ധൃതാ॑-ഽസി വ॑രാഹേ॒ണ॒ കൃ॒ഷ്ണേ॒ന ശ॑ത ബാ॒ഹുനാ ॥
മൃ॒ത്തികേ॑ ഹന॑ മേ പാ॒പം॒-യഁ॒ന്മ॒യാ ദു॑ഷ്കൃത॒-ങ്കൃതമ് । മൃ॒ത്തികേ᳚ ബ്രഹ്മ॑ദത്താ॒-ഽസി॒ കാ॒ശ്യപേ॑നാഭി॒മന്ത്രി॑താ । മൃ॒ത്തികേ॑ ദേഹി॑ മേ പു॒ഷ്ടി॒-ന്ത്വ॒യി സ॑ർവ-മ്പ്ര॒തിഷ്ഠി॑തമ് ॥ 8 ॥
മൃ॒ത്തികേ᳚ പ്രതിഷ്ഠി॑തേ സ॒ർവ॒-ന്ത॒ന്മേ നി॑ര്ണുദ॒ മൃത്തി॑കേ । തയാ॑ ഹ॒തേന॑ പാപേ॒ന॒ ഗ॒ച്ഛാ॒മി പ॑രമാ॒-ങ്ഗതിമ് ॥ യത॑ ഇന്ദ്ര॒ ഭയാ॑മഹേ॒ തതോ॑ നോ॒ അഭ॑യ-ങ്കൃധി ।
മഘ॑വന് ഛ॒ഗ്ധി തവ॒ തന്ന॑ ഊ॒തയേ॒ വിദ്വിഷോ॒ വിമൃധോ॑ ജഹി ॥
സ്വ॒സ്തി॒ദാ വി॒ശസ്പതി॑-ർവൃത്ര॒ഹാ വിമൃധോ॑ വ॒ശീ ।
വൃഷേന്ദ്രഃ॑ പു॒ര ഏ॑തു ന-സ്സ്വസ്തി॒ദാ അ॑ഭയങ്ക॒രഃ ॥
സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാ-സ്സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ । സ്വ॒സ്തി ന॒സ്താര്ക്ഷ്യോ॒ അരി॑ഷ്ടനേമി-സ്സ്വ॒സ്തി നോ॒ ബൃഹ॒സ്പതി॑-ര്ദധാതു ॥
ആപാ᳚ന്ത-മന്യുസ്തൃ॒പല॑പ്രഭര്മാ॒ ധുനി॒-ശ്ശിമീ॑വാം॒-ഛരു॑മാഗ്മ് ഋജീ॒ഷീ । സോമോ॒ വിശ്വാ᳚ന്യത॒സാ വനാ॑നി॒ നാർവാഗിന്ദ്ര॑-മ്പ്രതി॒മാനാ॑നി ദേഭുഃ ॥ 9 ॥
ബ്രഹ്മ॑ ജജ്ഞാ॒ന-മ്പ്ര॑ഥ॒മ-മ്പു॒രസ്താ॒-ദ്വിസീ॑മ॒ത-സ്സു॒രുചോ॑ വേ॒ന ആ॑വഃ । സ ബു॒ധ്നിയാ॑ ഉപ॒മാ അ॑സ്യ വി॒ഷ്ഠാ-സ്സ॒തശ്ച॒ യോനി॒-മസ॑തശ്ച॒ വിവഃ॑ ॥
സ്യോ॒നാ പൃ॑ഥിവി॒ ഭവാ॑ നൃക്ഷ॒രാ നി॒വേശ॑നീ । യച്ഛാ॑ ന॒-ശ്ശര്മ॑ സ॒പ്രഥാഃ᳚ ॥
ഗ॒ന്ധ॒ദ്വാ॒രാ-ന്ദു॑രാധ॒ര്ഷാ॒-ന്നി॒ത്യപു॑ഷ്ടാ-ങ്കരീ॒ഷിണീ᳚മ് । ഈ॒ശ്വരീഗ്മ്॑ സർവ॑ഭൂതാ॒നാ॒-ന്താമി॒ഹോപ॑ഹ്വയേ॒ ശ്രിയമ് ॥
ശ്രീ᳚ര്മേ ഭ॒ജതു । അലക്ഷ്മീ᳚ര്മേ ന॒ശ്യതു ।
വിഷ്ണു॑മുഖാ॒ വൈ ദേ॒വാ-ശ്ഛന്ദോ॑-ഭിരി॒മാന് ഁലോ॒കാ-ന॑നപജ॒യ്യ-മ॒ഭ്യ॑ജയന്ന് । മ॒ഹാഗ്മ് ഇന്ദ്രോ॒ വജ്ര॑ബാഹു-ഷ്ഷോഡ॒ശീ ശര്മ॑ യച്ഛതു ॥ 10 ॥
സ്വ॒സ്തി നോ॑ മ॒ഘവാ॑ കരോതു॒ ഹന്തു॑ പാ॒പ്മാനം॒-യോഁ᳚-ഽസ്മാ-ന്ദ്വേഷ്ടി॑ ॥
സോ॒മാന॒ഗ്ഗ്॒ സ്വര॑ണ-ങ്കൃണു॒ഹി ബ്ര॑ഹ്മണസ്പതേ । ക॒ക്ഷീവ॑ന്തം॒-യഁ ഔ॑ശി॒ജമ് ।
ശരീ॑രം-യഁജ്ഞശമ॒ല-ങ്കുസീ॑ദ॒-ന്തസ്മി᳚-ന്ഥ്സീദതു॒ യോ᳚-ഽസ്മാ-ന്ദ്വേഷ്ടി॑ ॥
ചര॑ണ-മ്പ॒വിത്രം॒-വിഁത॑ത-മ്പുരാ॒ണം-യേഁന॑ പൂ॒ത-സ്തര॑തി ദുഷ്കൃ॒താനി॑ ।
തേന॑ പ॒വിത്രേ॑ണ ശു॒ദ്ധേന॑ പൂ॒താ അതി॑ പാ॒പ്മാന॒-മരാ॑തി-ന്തരേമ ॥
സ॒ജോഷാ॑ ഇന്ദ്ര॒ സഗ॑ണോ മ॒രുദ്ഭി॒-സ്സോമ॑-മ്പിബ വൃത്രഹഞ്ഛൂര വി॒ദ്വാന് ।
ജ॒ഹി ശത്രൂ॒ഗ്മ്॒ രപ॒ മൃധോ॑ നുദ॒സ്വാഥാഭ॑യ-ങ്കൃണുഹി വി॒ശ്വതോ॑ നഃ ॥
സു॒മി॒ത്രാ ന॒ ആപ॒ ഓഷ॑ധയ-സ്സന്തു ദുര്മി॒ത്രാസ്തസ്മൈ॑
ഭൂയാസു॒-ര്യാ᳚-ഽസ്മാ-ന്ദ്വേഷ്ടി॒ യഞ്ച॑ വ॒യ-ന്ദ്വി॒ഷ്മഃ ॥
ആപോ॒ ഹിഷ്ഠാ മ॑യോ॒ ഭുവ॒സ്താ ന॑ ഊ॒ര്ജേ ദ॑ധാതന ॥ 11 ॥
മ॒ഹേരണാ॑യ॒ ചക്ഷ॑സേ । യോ വ॑-ശ്ശി॒വത॑മോ॒ രസ॒-സ്തസ്യ॑ ഭാജയതേ॒ ഹ നഃ॑ । ഉ॒ശ॒തീ-രി॑വ മാ॒തരഃ॑ । തസ്മാ॒ അര॑ങ്ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ ।
ആപോ॑ ജ॒നയ॑ഥാ ച നഃ ॥ ഹിര॑ണ്യശൃങ്ഗം॒-വഁരു॑ണ॒-മ്പ്രപ॑ദ്യേ തീ॒ര്ഥ-മ്മേ॑ ദേഹി॒ യാചി॑തഃ ।
യ॒ന്മയാ॑ ഭു॒ക്ത-മ॒സാധൂ॑നാ-മ്പാ॒പേഭ്യ॑ശ്ച പ്ര॒തിഗ്ര॑ഹഃ ॥ യന്മേ॒ മന॑സാ വാ॒ചാ॒ ക॒ര്മ॒ണാ വാ ദു॑ഷ്കൃത॒-ങ്കൃതമ് । തന്ന॒ ഇന്ദ്രോ॒ വരു॑ണോ॒ ബൃഹ॒സ്പതി॑-സ്സവി॒താ ച॑ പുനന്തു॒ പുനഃ॑ പുനഃ ॥
നമോ॒-ഽഗ്നയേ᳚-ഽഫ്സു॒മതേ॒ നമ॒ ഇന്ദ്രാ॑യ॒ നമോ॒ വരു॑ണായ॒ നമോ വാരുണ്യൈ॑ നമോ॒-ഽദ്ഭ്യഃ ॥ 12 ॥
യദ॒പാ-ങ്ക്രൂ॒രം-യഁദ॑മേ॒ദ്ധ്യം-യഁദ॑ശാ॒ന്ത-ന്തദപ॑ഗച്ഛതാത് ॥ അ॒ത്യാ॒ശ॒നാ-ദ॑തീപാ॒നാ॒-ദ്യ॒ച്ച ഉ॒ഗ്രാ-ത്പ്ര॑തി॒ഗ്രഹാ᳚ത് । തന്നോ॒ വരു॑ണോ രാ॒ജാ॒ പാ॒ണിനാ᳚ ഹ്യവ॒മര്ശ॑തു ॥ സോ॑-ഽഹമ॑പാ॒പോ വി॒രജോ॒ നിര്മു॒ക്തോ മു॑ക്തകി॒ല്ബിഷഃ । നാക॑സ്യ പൃ॒ഷ്ഠമാരു॑ഹ്യ॒ ഗച്ഛേ॒-ദ്ബ്രഹ്മ॑സലോ॒കതാമ് ॥ യശ്ചാ॒ഫ്സു വരു॑ണ॒-സ്സ പു॒നാത്വ॑ഘമര്ഷ॒ണഃ ॥ ഇ॒മ-മ്മേ॑ ഗങ്ഗേ യമുനേ സരസ്വതി॒ ശുതു॑ദ്രി॒ സ്തോമഗ്മ്॑ സചതാ॒ പരു॒ഷ്ണിയാ ।
അ॒സി॒ക്നി॒യാ മ॑രുദ്വൃധേ വി॒തസ്ത॒യാ-ഽഽര്ജീ॑കീയേ ശൃണു॒ഹ്യാ സു॒ഷോമ॑യാ ॥
ഋ॒തഞ്ച॑ സ॒ത്യഞ്ചാ॒-ഭീ᳚ദ്ധാ॒ ത്തപ॒സോ-ഽദ്ധ്യ॑ജായത ।
തതോ॒ രാത്രി॑-രജായത॒ തത॑-സ്സമു॒ദ്രോ അ॑ര്ണ॒വഃ ॥ 13 ॥
സ॒മു॒ദ്രാ-ദ॑ര്ണ॒വാ-ദധി॑ സംവഁഥ്സ॒രോ അ॑ജായത ।
അ॒ഹോ॒രാ॒ത്രാണി॑ വി॒ദധ॒-ദ്(മി॒ദധ॒ദ്) വിശ്വ॑സ്യ മിഷ॒തോ വ॒ശീ ॥ സൂ॒ര്യാ॒ച॒ന്ദ്ര॒മസൌ॑ ധാ॒താ യ॑ഥാ പൂ॒ർവ മ॑കല്പയത് । ദിവ॑ഞ്ച പൃഥി॒വീ-ഞ്ചാ॒ന്തരി॑ക്ഷ॒ മഥോ॒ സുവഃ॑ ॥ യ-ത്പൃ॑ഥി॒വ്യാഗ്മ് രജ॑സ്സ്വ॒ മാന്തരി॑ക്ഷേ വി॒രോദ॑സീ । ഇ॒മാഗ് സ്തദാ॒പോ വ॑രുണഃ പു॒നാത്വ॑ഘമര്ഷ॒ണഃ ॥ പു॒നന്തു॒ വസ॑വഃ പു॒നാതു॒ വരു॑ണഃ പു॒നാത്വ॑ഘമര്ഷ॒ണഃ ।
ഏ॒ഷ ഭൂ॒തസ്യ॑ മ॒ദ്ധ്യേ ഭുവ॑നസ്യ ഗോ॒പ്താ ॥
ഏ॒ഷ പു॒ണ്യകൃ॑താം-ലോഁ॒കാ॒നേ॒ഷ മൃ॒ത്യോര്-ഹി॑ര॒ണ്മയ᳚മ് । ദ്യാവാ॑പൃഥി॒വ്യോര്-ഹി॑ര॒ണ്മയ॒ഗ്മ്॒ സഗ്ഗ്ശ്രി॑ത॒ഗ്മ്॒ സുവഃ॑ ॥ 14 ॥
സ ന॒-സ്സുവ॒-സ്സഗ്മ് ശി॑ശാധി ॥
ആര്ദ്ര॒-ഞ്ജ്വല॑തി॒ ജ്യോതി॑-ര॒ഹമ॑സ്മി । ജ്യോതി॒-ര്ജ്വല॑തി॒ ബ്രഹ്മാ॒ഹമ॑സ്മി । യോ॑-ഽഹമ॑സ്മി॒ ബ്രഹ്മാ॒ഹമ॑സ്മി । അ॒ഹമ॑സ്മി॒ ബ്രഹ്മാ॒ഹമ॑സ്മി । അ॒ഹമേ॒വാഹ-മ്മാ-ഞ്ജു॑ഹോമി॒ സ്വാഹാ᳚ ॥ അ॒കാ॒ര്യ॒-കാ॒ര്യ॑വ കീ॒ര്ണീ സ്തേ॒നോ ഭ്രൂ॑ണ॒ഹാ ഗു॑രുത॒ല്പഗഃ । വരു॑ണോ॒-ഽപാമ॑ഘമര്ഷ॒ണ-സ്തസ്മാ᳚-ത്പാ॒പാ-ത്പ്രമു॑ച്യതേ ॥
ര॒ജോഭൂമി॑സ്ത്വ॒മാഗ്മ് രോദ॑യസ്വ॒ പ്രവ॑ദന്തി॒ ധീരാഃ᳚ ॥
ആക്രാ᳚ന്-ഥ്സമു॒ദ്രഃ പ്ര॑ഥ॒മേ വിധ॑ര്മ-ഞ്ജ॒നയ॑-ന്പ്ര॒ജാ ഭുവ॑നസ്യ॒ രാജാ᳚ ।
വൃഷാ॑ പ॒വിത്രേ॒ അധി॒സാനോ॒ അവ്യേ॑ ബൃ॒ഹ-ഥ്സോമോ॑
വാവൃധേ സുവാ॒ന ഇന്ദുഃ॑ ॥ 15 ॥
(പുര॑സ്താ॒--ദ്യശോ॒ - ഗുഹാ॑സു॒ - മമ॑ - ചക്രതു॒ണ്ഡായ॑ ധീമഹി - തീക്ഷദ॒ഗ്ഗ്॒ഷ്ഠ്രായ॑ ധീമഹി॒ - പരി॑ - പ്ര॒തിഷ്ഠി॑തം - ദേഭു--ര് യച്ഛതു - ദധാതനാ॒- ദ്ഭ്യോ᳚ - ഽര്ണ॒വഃ - സുവോ॒ - രാജൈക॑-ഞ്ച) (അ. 1)
രു॒ദ്രോ॒ രു॒ദ്രശ്ച॒ ദന്തി॒ശ്ച॒ ന॒ന്ദി॒-ഷ്ഷ॒ണ്മു॒ഖ॒ ഏ॒വ ച॑ । ഗ॒രു॒ഡോ॒ ബ്ര॒ഹ്മ॒ വി॒ഷ്ണു॒ശ്ച॒ നാ॒ര॒സി॒ഗ്മ്॒ഹ॒സ്ത॒ഥൈ॒വ ച॑ । ആ॒ദി॒ത്യോ॒-ഽഗ്നി॒ശ്ച॒ ദു॒ര്ഗി॒ശ്ച॒ ക്ര॒മേ॒ണ॒ ദ്വാദ॒ശാമ്ഭ॑സി ।
മ॒ മ॒ വ॒ ച॒ മ॒ സു॒ വേ॒ നാ॒ വ॒ ഭാ॒ വൈ॒ കാ॒ത്യാ॒യ॒നായ॑ ।
അനുവാകം 2
ജാ॒തവേ॑ദസേ സുനവാമ॒ സോമ॑-മരാതീയ॒തോ നിദ॑ഹാതി॒ വേദഃ॑ । സ നഃ॑ പര്ഷ॒ദതി॑ ദു॒ര്ഗാണി॒ വിശ്വാ॑ നാ॒വേവ॒ സിന്ധു॑-ന്ദുരി॒താ-ഽത്യ॒ഗ്നിഃ ॥
താമ॒ഗ്നിവ॑ര്ണാ॒-ന്തപ॑സാ ജ്വല॒ന്തീം-വൈഁ ॑രോച॒നീ-ങ്ക॑ര്മഫ॒ലേഷു॒ ജുഷ്ടാ᳚മ് । ദു॒ര്ഗാ-ന്ദേ॒വീഗ്മ് ശര॑ണമ॒ഹ-മ്പ്രപ॑ദ്യേ സു॒തര॑സി തരസേ॒ നമഃ॑ ॥
അഗ്നേ॒ ത്വ-മ്പാ॑രയാ॒ നവ്യോ॑ അ॒സ്മാന്-ഥ്സ്വ॒സ്തി-ഭി॒രതി॑ ദു॒ര്ഗാണി॒ വിശ്വാ᳚ । പൂശ്ച॑ പൃ॒ഥ്വീ ബ॑ഹു॒ലാ ന॑ ഉ॒ർവീ ഭവാ॑ തോ॒കായ॒ തന॑യായ॒ ശംയോഁഃ ॥
വിശ്വാ॑നി നോ ദു॒ര്ഗഹാ॑ ജാതവേദ॒-സ്സിന്ധു॒-ന്ന നാ॒വാ ദു॑രി॒താ-ഽതി॑പര്ഷി । അഗ്നേ॑ അത്രി॒വ-ന്മന॑സാ ഗൃണാ॒നോ᳚-ഽസ്മാക॑-മ്ബോദ്ധ്യവി॒താ ത॒നൂനാ᳚മ് ॥
പൃ॒ത॒നാ॒ജിത॒ഗ്മ്॒ സഹ॑മാന-മു॒ഗ്രമ॒ഗ്നിഗ്മ് ഹു॑വേമ പര॒മാ-ഥ്സ॒ധസ്ഥാ᳚ത് । സ നഃ॑ പര്ഷ॒ദതി॑ ദു॒ര്ഗാണി॒ വിശ്വാ॒ ക്ഷാമ॑ദ്ദേ॒വോ അതി॑ ദുരി॒താ-ഽത്യ॒ഗ്നിഃ ॥
പ്ര॒ത്നോഷി॑-ക॒മീഡ്യോ॑ അദ്ധ്വ॒രേഷു॑ സ॒നാച്ച॒ ഹോതാ॒ നവ്യ॑ശ്ച॒ സഥ്സി॑ । സ്വാഞ്ചാ᳚ഗ്നേ ത॒നുവ॑-മ്പി॒പ്രയ॑സ്വാ॒സ്മഭ്യ॑ഞ്ച॒ സൌഭ॑ഗ॒മായ॑ജസ്വ ॥
ഗോഭി॒-ര്ജുഷ്ട॑മ॒യുജോ॒ നിഷി॑ക്ത॒-ന്തവേ᳚ന്ദ്ര വിഷ്ണോ॒-രനു॒സഞ്ച॑രേമ ।
നാക॑സ്യ പൃ॒ഷ്ഠമ॒ഭി സം॒വഁസാ॑നോ॒ വൈഷ്ണ॑വീം-ലോഁ॒ക ഇ॒ഹ മാ॑ദയന്താമ് ॥ 16 ॥
(ദു॒രി॒താ-ഽത്യ॒ഗ്നിശ്ച॒ത്വാരി॑ ച) (അ. 2)
അനുവാകം 3
ഭൂ-രന്ന॑-മ॒ഗ്നയേ॑ പൃഥി॒വ്യൈ സ്വാഹാ॒ ,
ഭുവോ-ഽന്നം॑-വാഁ॒യവേ॒-ഽന്തരി॑ക്ഷായ॒ സ്വാഹാ॒,
സുവ॒രന്ന॑-മാദി॒ത്യായ॑ ദി॒വേ സ്വാഹാ॒ ,
ഭൂര്ഭുവ॒സ്സുവ॒-രന്ന॑-ഞ്ച॒ന്ദ്രമ॑സേ ദി॒ഗ്ഭ്യ-സ്സ്വാഹാ॒ ,
നമോ॑ ദേ॒വേഭ്യ॑-സ്സ്വ॒ധാ പി॒തൃഭ്യോ॒ ഭൂര്ഭുവ॒സ്സുവ॒-രന്ന॒മോമ് ॥ 17 ॥
അനുവാകം 4
ഭൂര॒ഗ്നയേ॑ പൃഥി॒വ്യൈ സ്വാഹാ॒,
ഭുവോ॑ വാ॒യവേ॒-ഽന്തരി॑ക്ഷായ॒ സ്വാഹാ॒ ,
സുവ॑രാദി॒ത്യായ॑ ദി॒വേ സ്വാഹാ॒ ,
ഭൂര്ഭുവ॒സ്സുവ॑-ശ്ച॒ന്ദ്രമ॑സേ ദി॒ഗ്ഭ്യ-സ്സ്വാഹാ॒,
നമോ॑ ദേ॒വേഭ്യ॑-സ്സ്വ॒ധാ പി॒തൃഭ്യോ॒ ഭൂര്ഭുവ॒സ്സുവ॒-രഗ്ന॒ ഓമ് ॥ 18 ॥
അനുവാകം 5
ഭൂര॒ഗ്നയേ॑ ച പൃഥി॒വ്യൈ ച॑ മഹ॒തേ ച॒ സ്വാഹാ॒ ,
ഭുവോ॑ വാ॒യവേ॑ ചാ॒ന്തരി॑ക്ഷായ ച മഹ॒തേ ച॒ സ്വാഹാ॒ ,
സുവ॑രാദി॒ത്യായ॑ ച ദി॒വേ ച॑ മഹ॒തേ ച॒ സ്വാഹാ॒ ,
ഭൂ-ര്ഭുവ॒സ്സുവ॑-ശ്ച॒ന്ദ്രമ॑സേ ച॒ നക്ഷ॑ത്രേഭ്യശ്ച ദി॒ഗ്ഭ്യശ്ച॑ മഹ॒തേ ച॒ സ്വാഹാ॒,
നമോ॑ ദേ॒വേഭ്യ॑-സ്സ്വ॒ധാ പി॒തൃഭ്യോ॒ ഭൂര്ഭുവ॒സ്സുവ॒-ര്മഹ॒രോമ് ॥ 19 ॥
അനുവാകം 6
പാഹി നോ അഗ്ന ഏന॑സേ സ്വാ॒ഹാ । പാഹി നോ വിശ്വവേദ॑സേ സ്വാ॒ഹാ । യജ്ഞ-മ്പാഹി വിഭാവ॑സോ സ്വാ॒ഹാ । സർവ-മ്പാഹി ശതക്ര॑തോ സ്വാ॒ഹാ ॥ 20 ॥
അനുവാകം 7
പാ॒ഹി നോ॑ അഗ്ന॒ ഏക॑യാ । പാ॒ഹ്യു॑ത ദ്വി॒തീയ॑യാ । പാ॒ഹ്യൂര്ജ॑-ന്തൃ॒തീയ॑യാ ।
പാ॒ഹി ഗീ॒ര്ഭി-ശ്ച॑ത॒സൃഭി॑-ർവസോ॒ സ്വാഹാ᳚ ॥ 21 ॥
അനുവാകം 8
യശ്ഛന്ദ॑സാ-മൃഷ॒ഭോ വി॒ശ്വരൂ॑പ॒-ശ്ഛന്ദോ᳚ഭ്യ॒ ശ്ഛന്ദാഗ്॑സ്യാ വി॒വേശ॑ । സചാഗ്മ് ശിക്യഃ പുരോ വാചോ॑പനി॒ഷ-ദിന്ദ്രോ᳚ ജ്യേ॒ഷ്ഠ ഇ॑ന്ദ്രി॒യായ॒ ഋഷി॑ഭ്യോ॒
നമോ॑ ദേ॒വേഭ്യ॑-സ്സ്വ॒ധാ പി॒തൃഭ്യോ॒ ഭൂര്ഭുവ॒സ്സുവ॒ ശ്ഛന്ദ॒ ഓമ് ॥ 22 ॥
അനുവാകം 9
നമോ॒ ബ്രഹ്മ॑ണേ ധാ॒രണ॑-മ്മേ അ॒സ്ത്വ-നി॑രാകരണം-ധാ॒രയി॑താ ഭൂയാസ॒-ങ്കര്ണ॑യോ-ശ്ശ്രു॒ത-മ്മാച്യോ᳚ഢ്വ॒-മ്മമാ॒മുഷ്യ॒ ഓമ് ॥ 23 ॥
അനുവാകം 10
ഋ॒ത-ന്തപ॑-സ്സ॒ത്യ-ന്തപ॑-ശ്ശ്രു॒ത-ന്തപ॑-ശ്ശാ॒ന്ത-ന്തപോ॒ ദമ॒ സ്തപ॒-ശ്ശമ॒സ്തപോ॒ ദാന॒-ന്തപോ॒ യജ്ഞ॒-ന്തപോ॒ ഭൂര്ഭുവ॒സ്സുവ॒-ര്ബ്രഹ്മൈ॒-തദുപാ᳚സ്യൈ॒-തത്തപഃ॑ ॥ 24 ॥
അനുവാകം 11
യഥാ॑ വൃ॒ക്ഷസ്യ॑ സ॒പുംഷ്പി॑തസ്യ ദൂ॒രാ-ദ്ഗ॒ന്ധോ വാ᳚ത്യേ॒വ-മ്പുണ്യ॑സ്യ ക॒ര്മണോ॑ ദൂ॒രാ-ദ്ഗ॒ന്ധോ വാ॑തി॒ യഥാ॑-ഽസിധാ॒രാ-ങ്ക॒ര്തേ-ഽവ॑ഹിതാ-മവ॒ക്രാമേ॒ യദ്യുവേ॒ യുവേ॒ ഹവാ॑ വി॒ഹ്വയി॑ഷ്യാമി ക॒ര്ത-മ്പ॑തിഷ്യാ॒മീത്യേ॒വ-മ॒മൃതാ॑-ദാ॒ത്മാന॑-ഞ്ജു॒ഗുഫ്സേ᳚ത് ॥ 25 ॥
അനുവാകം 12
അ॒ണോ-രണീ॑യാ-ന്മഹ॒തോ മഹീ॑യാ-നാ॒ത്മാ ഗുഹാ॑യാ॒-ന്നിഹി॑തോ-ഽസ്യ ജ॒ന്തോഃ । തമ॑ക്രതു-മ്പശ്യതി വീതശോ॒കോ ധാ॒തുഃ പ്ര॒സാദാ᳚-ന്മഹി॒മാന॑മീശമ് ॥
സ॒പ്ത പ്രാ॒ണാഃ പ്ര॒ഭവ॑ന്തി॒ തസ്മാ᳚-ഥ്സ॒പ്താര്ചിഷ॑-സ്സ॒മിധ॑-സ്സ॒പ്ത ജി॒ഹ്വാഃ । സ॒പ്ത ഇ॒മേ ലോ॒കാ യേഷു॒ ചര॑ന്തി പ്രാ॒ണാ ഗു॒ഹാശ॑യാ॒-ന്നിഹി॑താ-സ്സ॒പ്ത സ॑പ്ത ॥
അത॑-സ്സമു॒ദ്രാ ഗി॒രയ॑ശ്ച॒ സർവേ॒-ഽസ്മാ-ഥ്സ്യന്ദ॑ന്തേ॒ സിന്ധ॑വ॒-സ്സർവ॑രൂപാഃ । അത॑ശ്ച॒ വിശ്വാ॒ ഓഷ॑ധയോ॒ രസാ᳚ച്ച॒ യേനൈ॑ഷ ഭൂ॒ത-സ്തി॑ഷ്ഠത്യന്തരാ॒ത്മാ ॥
ബ്ര॒ഹ്മാ ദേ॒വാനാ᳚-മ്പദ॒വീഃ ക॑വീ॒നാ-മൃഷി॒-ർവിപ്രാ॑ണാ-മ്മഹി॒ഷോ മൃ॒ഗാണാ᳚മ് ।
ശ്യേ॒നോ ഗൃധ്രാ॑ണാ॒ഗ്॒ സ്വധി॑തി॒-ർവനാ॑നാ॒ഗ്മ്॒ സോമഃ॑ പ॒വിത്ര॒ മത്യേ॑തി॒ രേഭന്ന്॑ ॥
അ॒ജാ മേകാം॒-ലോഁഹി॑ത-ശുക്ല-കൃ॒ഷ്ണാ-മ്ബ॒ഹ്വീ-മ്പ്ര॒ജാ-ഞ്ജ॒നയ॑ന്തീ॒ഗ്മ്॒ സരൂ॑പാമ് । അ॒ജോ ഹ്യേകോ॑ ജു॒ഷമാ॑ണോ-ഽനു॒ശേതേ॒ ജഹാ᳚ത്യേനാ-മ്ഭു॒ക്ത-ഭോ॑ഗാ॒മജോ᳚-ഽന്യഃ ॥ 26 ॥
ഹ॒ഗ്മ്॒സ-ശ്ശു॑ചി॒ഷ-ദ്വസു॑-രന്തരിക്ഷ॒-സദ്ധോതാ॑ വേദി॒ഷ-ദതി॑ഥി-ര്ദുരോണ॒സത് ।
നൃ॒ഷദ്വ॑ര॒-സദൃ॑ത॒-സ-ദ്വ്യോ॑മ॒-സദ॒ബ്ജാ ഗോ॒ജാ ഋ॑ത॒ജാ അ॑ദ്രി॒ജാ ഋ॒ത-മ്ബൃ॒ഹത് ॥
ഘൃ॒ത-മ്മി॑മിക്ഷിരേ ഘൃ॒തമ॑സ്യ॒ യോനി॑-ര്ഘൃ॒തേ ശ്രി॒തോ ഘൃ॒തമു॑വസ്യ॒ ധാമ॑ ।
അ॒നു॒ഷ്വ॒ധമാവ॑ഹ മാ॒ദയ॑സ്വ॒ സ്വാഹാ॑ കൃതം-വൃഁഷഭ വക്ഷി ഹ॒വ്യമ് ॥
സ॒മു॒ദ്രാ ദൂ॒ര്മി-ര്മധു॑മാ॒ഗ്മ്॒ ഉദാ॑ര-ദുപാ॒ഗ്മ്॒ശുനാ॒ സമ॑മൃത॒ത്വ മാ॑നട് ।
ഘൃ॒തസ്യ॒ നാമ॒ ഗുഹ്യം॒-യഁദസ്തി॑ ജി॒ഹ്വാ ദേ॒വാനാ॑-മ॒മൃത॑സ്യ॒ നാഭിഃ॑ ॥
വ॒യ-ന്നാമ॒ പ്രബ്ര॑വാമാ ഘൃ॒തേനാ॒സ്മിന്. യ॒ജ്ഞേ ധാ॑രയാമാ॒ നമോ॑ഭിഃ ।
ഉപ॑ ബ്ര॒ഹ്മാ ശൃ॑ണവച്ഛ॒സ്യമാ॑ന॒-ഞ്ചതു॑-ശ്ശൃങ്ഗോ ഽവമീ-ദ്ഗൌ॒ര ഏ॒തത് ॥
ച॒ത്വാരി॒ ശൃങ്ഗാ॒ ത്രയോ॑ അസ്യ॒ പാദാ॒ ദ്വേ ശീ॒ര॒.ഷേ സ॒പ്ത ഹസ്താ॑സോ അ॒സ്യ ।
ത്രിധാ॑ ബ॒ദ്ധോ വൃ॑ഷ॒ഭോ രോ॑രവീതി മ॒ഹോ ദേ॒വോ മര്ത്യാ॒ഗ്മ്॒ ആവി॑വേശ ॥ 27 ॥
ത്രിധാ॑ ഹി॒ത-മ്പ॒ണിഭി॑-ര്ഗു॒ഹ്യമാ॑ന॒-ങ്ഗവി॑-ദേ॒വാസോ॑ ഘൃ॒തമന്വ॑വിന്ദന്ന് । ഇന്ദ്ര॒ ഏക॒ഗ്മ്॒ സൂര്യ॒ ഏക॑-ഞ്ജജാന വേ॒നാ ദേകഗ്ഗ്॑ സ്വ॒ധയാ॒ നിഷ്ട॑തക്ഷുഃ ॥
യോ ദേ॒വാനാ᳚-മ്പ്രഥ॒മ-മ്പു॒രസ്താ॒-ദ്വിശ്വാ॒ധിയോ॑ രു॒ദ്രോ മ॒ഹര്ഷിഃ॑ । ഹി॒ര॒ണ്യ॒ഗ॒ര്ഭ-മ്പ॑ശ്യത॒ ജായ॑മാന॒ഗ്മ്॒ സനോ॑ ദേ॒വ-ശ്ശു॒ഭയാ॒ സ്മൃത്യാ॒ സംയുഁ ॑നക്തു ॥ യസ്മാ॒ത്പര॒-ന്നാപ॑ര॒ മസ്തി॒ കിഞ്ചി॒ദ്യസ്മാ॒-ന്നാണീ॑യോ॒ ന ജ്യായോ᳚-ഽസ്തി॒ കശ്ചി॑ത് ।
വൃ॒ക്ഷ ഇ॑വ സ്തബ്ധോ ദി॒വി തി॑ഷ്ഠ॒-ത്യേക॒സ്തേനേ॒ദ-മ്പൂ॒ര്ണ-മ്പുരു॑ഷേണ॒ സർവ᳚മ് ॥
ന കര്മ॑ണാ ന പ്ര॒ജയാ॒ ധനേ॑ന॒ ത്യാഗേ॑നൈകേ അമൃത॒ത്വ-മാ॑ന॒ശുഃ ।
പരേ॑ണ॒ നാക॒-ന്നിഹി॑ത॒-ങ്ഗുഹാ॑യാം-വിഁ॒ഭ്രാജ॑ദേ॒ത-ദ്യത॑യോ വി॒ശന്തി॑ ॥ വേ॒ദാ॒ന്ത॒ വി॒ജ്ഞാന॒-സുനി॑ശ്ചിതാ॒ര്ഥാ-സ്സന്യാ॑സ യോ॒ഗാദ്യത॑യ-ശ്ശുദ്ധ॒ സത്ത്വാഃ᳚ ।
തേ ബ്ര॑ഹ്മലോ॒കേ തു॒ പരാ᳚ന്തകാലേ॒ പരാ॑മൃതാ॒-ത്പരി॑മുച്യന്തി॒ സർവേ᳚ ॥ ദ॒ഹ്രം॒-വിഁ॒പാ॒പ-മ്പ॒രമേ᳚ശ്മ ഭൂതം॒-യഁ-ത്പു॑ണ്ഡരീ॒ക-മ്പു॒രമ॑ദ്ധ്യ സ॒ഗ്ഗ്॒സ്ഥമ് । ത॒ത്രാ॒പി॒ ദ॒ഹ്ര-ങ്ഗ॒ഗനം॑-വിഁശോക॒-സ്തസ്മി॑ന്. യദ॒ന്തസ്ത-ദുപാ॑സിത॒വ്യമ് ॥
യോ വേദാദൌ സ്വ॑രഃ പ്രോ॒ക്തോ॒ വേ॒ദാന്തേ॑ ച
പ്ര॒തിഷ്ഠി॑തഃ । തസ്യ॑ പ്ര॒കൃതി॑-ലീന॒സ്യ॒ യഃ॒ പര॑-സ്സ॒ മ॒ഹേശ്വ॑രഃ ॥ 28 ॥
(അജോ᳚-ഽന്യ॒ - ആവി॑വേശ॒ - സർവേ॑ ച॒ത്വാരി॑ ച) (അ. 12)
അനുവാകം 13
സ॒ഹ॒സ്ര॒ശീര്ഷ॑-ന്ദേ॒വം॒-വിഁ॒ശ്വാക്ഷം॑-വിഁ॒ശ്വ ശ॑-മ്ഭുവമ് । വിശ്വ॑-ന്നാ॒രായ॑ണ-ന്ദേ॒വ॒മ॒ക്ഷര॑-മ്പര॒മ-മ്പ॒ദമ് ॥
വി॒ശ്വതഃ॒ പര॑മാന്നി॒ത്യം॒-വിഁ॒ശ്വ-ന്നാ॑രായ॒ണഗ്മ് ഹ॑രിമ് । വിശ്വ॑മേ॒വേദ-മ്പുരു॑ഷ॒-സ്ത-ദ്വിശ്വ॒മുപ॑ജീവതി ॥
പതിം॒-വിഁശ്വ॑സ്യാ॒ത്മേശ്വ॑ര॒ഗ്മ്॒ ശാശ്വ॑തഗ്മ് ശി॒വമ॑ച്യുതമ് । നാ॒രായ॒ണ-മ്മ॑ഹാജ്ഞേ॒യം॒-വിഁ॒ശ്വാത്മാ॑ന-മ്പ॒രായ॑ണമ് ॥
നാ॒രായ॒ണ പ॑രോ ജ്യോ॒തി॒രാ॒ത്മാ നാ॑രയ॒ണഃ പ॑രഃ ।
നാ॒രായ॒ണ പ॑ര-മ്ബ്ര॒ഹ്മ॒ ത॒ത്ത്വ-ന്നാ॑രായ॒ണഃ പ॑രഃ । നാ॒രായ॒ണ പ॑രോ ധ്യാ॒താ॒ ധ്യാ॒ന-ന്നാ॑രായ॒ണഃ പ॑രഃ ॥ യച്ച॑ കി॒ഞ്ചിജ്-ജ॑ഗ-ഥ്സ॒ർവ॒-ന്ദൃ॒ശ്യതേ᳚ ശ്രൂയ॒തേ-ഽപി॑ വാ ॥ 29 ॥
അന്ത॑-ര്ബ॒ഹിശ്ച॑ ത-ഥ്സ॒ർവം॒-വ്യാഁ॒പ്യ നാ॑രായ॒ണ-സ്സ്ഥി॑തഃ ॥
അന॑ന്ത॒ മവ്യ॑യ-ങ്ക॒വിഗ്മ് സ॑മു॒ദ്രേ-ഽന്തം॑-വിഁ॒ശ്വ ശ॑ഭുംവഁമ് । പ॒ദ്മ॒കോ॒ശ-പ്ര॑തീകാ॒ശ॒ഗ്മ്॒ ഹൃ॒ദയ॑-ഞ്ചാപ്യ॒ധോമു॑ഖമ് ॥
അധോ॑ നി॒ഷ്ട്യാ വി॑തസ്ത്യാ॒ന്തേ॒ നാ॒ഭ്യാമു॑പരി॒ തിഷ്ഠ॑തി ।
ജ്വാ॒ല॒മാ॒ലാ കു॑ല-മ്ഭാ॒തീ॒ വി॒ശ്വസ്യാ॑യത॒ന-മ്മ॑ഹത് ॥
സന്ത॑തഗ്മ് ശി॒ലാഭി॑സ്തു॒ ലമ്ബ॑ത്യാ കോശ॒സന്നി॑ഭമ് ।
തസ്യാന്തേ॑ സുഷി॒രഗ്മ് സൂ॒ക്ഷ്മ-ന്തസ്മി᳚ന്-ഥ്സ॒ർവ-മ്പ്രതി॑ഷ്ഠിതമ് ॥
തസ്യ॒ മദ്ധ്യേ॑ മ॒ഹാന॑ഗ്നി-ർവി॒ശ്വാര്ചി॑-ർവി॒ശ്വതോ॑ മുഖഃ । സോ-ഽഗ്ര॑ഭു॒ഗ് വിഭ॑ജ-ന്തി॒ഷ്ഠ॒-ന്നാഹാ॑ര-മജ॒രഃ ക॒വിഃ । തി॒ര്യ॒ഗൂ॒ര്ധ്വ മ॑ധ-ശ്ശാ॒യീ॒ ര॒ശ്മയ॑സ്തസ്യ॒ സന്ത॑താ ॥ സ॒ന്താ॒പയ॑തി സ്വ-ന്ദേ॒ഹമാപാ॑ദതല॒ മസ്ത॑കഃ । തസ്യ॒ മദ്ധ്യേ॒ വഹ്നി॑ശിഖാ അ॒ണീയോ᳚ര്ധ്വാ വ്യ॒വസ്ഥി॑തഃ ॥
നീ॒ലതോ॑ യദ॑ മദ്ധ്യ॒സ്ഥാ॒-ദ്വി॒ദ്യുല്ലേ॑ഖേവ॒ ഭാസ്വ॑രാ ।
നീ॒വാര॒ ശൂക॑വത്ത॒ന്വീ॒ പീ॒താ ഭാ᳚സ്വത്യ॒ണൂപ॑മാ ॥
തസ്യാ᳚-ശ്ശിഖാ॒യാ മ॑ദ്ധ്യേ പ॒രമാ᳚ത്മാ വ്യ॒വസ്ഥി॑തഃ ।
സ ബ്രഹ്മ॒ സ ശിവ॒-സ്സ ഹരി॒-സ്സേന്ദ്ര॒-സ്സോ-ഽക്ഷ॑രഃ പര॒മ-സ്സ്വ॒രാട് ॥ 30 ॥
(അപി॑ വാ॒ - സന്ത॑താ॒ ഷട് ച॑) (അ. 13)
അനുവാകം 14
ആ॒ദി॒ത്യോ വാ ഏ॒ഷ ഏ॒ത-ന്മ॒ണ്ഡല॒-ന്തപ॑തി॒ തത്ര॒ താ ഋച॒സ്തദൃ॒ചാ മ॑ണ്ഡല॒ഗ്മ്॒ സ ഋ॒ചാം-ലോഁ॒കോ-ഽഥ॒യ ഏ॒ഷ ഏ॒തസ്മി॑-ന്മ॒ണ്ഡലേ॒-ഽര്ചി-ര്ദീ॒പ്യതേ॒ താനി॒ സാമാ॑നി॒ സ സാ॒മ്നാം-ലോഁ॒കോ-ഽഥ॒ യ ഏ॒ഷ ഏ॒തസ്മി॑-ന്മ॒ണ്ഡലേ॒-ഽര്ചിഷി॒ പുരു॑ഷ॒സ്താനി॒ യജൂഗ്മ്॑ഷി॒ സ യജു॑ഷാ മണ്ഡല॒ഗ്മ്॒ സ യജു॑ഷാം-ലോഁ॒ക-സ്സൈഷാ ത്ര॒യ്യേവ॑ വി॒ദ്യാ ത॑പതി॒ യ ഏ॒ഷോ᳚-ഽന്ത-രാ॑ദി॒ത്യേ ഹി॑ര॒ണ്മയഃ॒ പുരു॑ഷഃ ॥ 31 ॥
അനുവാകം 15
ആ॒ദി॒ത്യോ വൈ തേജ॒ ഓജോ॒ ബലം॒-യഁശ॒-ശ്ചക്ഷു॒-ശ്ശ്രോത്ര॑മാ॒ത്മാ മനോ॑ മ॒ന്യു-ര്മനു॑-ര്മൃ॒ത്യു-സ്സ॒ത്യോ മി॒ത്രോ വാ॒യുരാ॑കാ॒ശഃ പ്രാ॒ണോ ലോ॑കപാ॒ലഃ കഃ കി-ങ്ക-ന്ത-ഥ്സ॒ത്യമന്ന॑-മ॒മൃതാ॑ ജീ॒വോ വിശ്വഃ॑ കത॒മ-സ്സ്വ॑യ॒ഭു-മ്ബ്രഹ്മൈ॒ തദമൃ॑ത ഏ॒ഷ പുരു॑ഷ ഏ॒ഷ ഭൂ॒താനാ॒-മധി॑പതി॒-ര്ബ്രഹ്മ॑ണ॒-സ്സായു॑ജ്യഗ്മ് സലോ॒കതാ॑-മാപ്നോ-ത്യേ॒താസാ॑മേ॒വ ദേ॒വതാ॑നാ॒ഗ്മ്॒ സായു॑ജ്യഗ്മ് സാ॒ര്ഷ്ടിതാഗ്മ്॑ സമാന ലോ॒കതാ॑-മാപ്നോതി॒ യ ഏ॒വം-വേഁദേ᳚ത്യുപ॒നിഷത് ॥ 32 ॥
അനുവാകം 16
നിധ॑നപതയേ॒ നമഃ । നിധ॑നപതാന്തികായ॒ നമഃ ।
ഊര്ധ്വായ॒ നമഃ । ഊര്ധ്വലിങ്ഗായ॒ നമഃ ।
ഹിരണ്യായ॒ നമഃ । ഹിരണ്യലിങ്ഗായ॒ നമഃ ।
സുവര്ണായ॒ നമഃ । സുവര്ണലിങ്ഗായ॒ നമഃ ।
ദിവ്യായ॒ നമഃ । ദിവ്യലിങ്ഗായ॒ നമഃ ॥ 33 ॥
ഭവായ॒ നമഃ । ഭവലിങ്ഗായ॒ നമഃ ।
ശർവായ॒ നമഃ । ശർവലിങ്ഗായ॒ നമഃ ।
ശിവായ॒ നമഃ । ശിവലിങ്ഗായ॒ നമഃ ।
ജ്വലായ॒ നമഃ । ജ്വലലിങ്ഗായ॒ നമഃ ।
ആത്മായ॒ നമഃ । ആത്മലിങ്ഗായ॒ നമഃ ।
പരമായ॒ നമഃ । പരമലിങ്ഗായ॒ നമഃ ।
ഏതഥ്സോമസ്യ॑ സൂര്യ॒സ്യ॒ സർവലിങ്ഗഗ്ഗ്॑ സ്ഥാപ॒യ॒തി॒ പാണിമന്ത്ര॑-മ്പവി॒ത്രമ് ॥ 34 ॥
അനുവാകം 17
സ॒ദ്യോജാ॒ത-മ്പ്ര॑പദ്യാ॒മി॒ സ॒ദ്യോജാ॒തായ॒ വൈ നമോ॒ നമഃ॑ । ഭ॒വേ ഭ॑വേ॒ നാതി॑ഭവേ ഭവസ്വ॒ മാമ് । ഭ॒വോദ്ഭ॑വായ॒ നമഃ॑ ॥ 35 ॥
അനുവാകം 18
വാ॒മ॒ദേ॒വായ॒ നമോ᳚ ജ്യേ॒ഷ്ഠായ॒ നമ॑-ശ്ശ്രേ॒ഷ്ഠായ॒ നമോ॑ രു॒ദ്രായ॒ നമഃ॒ കാലാ॑യ॒
നമഃ॒ കല॑വികരണായ॒ നമോ॒ ബല॑വികരണായ॒ നമോ॒ ബലാ॑യ॒ നമോ॒ ബല॑പ്രമഥനായ॒ നമ॒-സ്സർവ॑ഭൂതദമനായ॒ നമോ॑ മ॒നോന്മ॑നായ॒ നമഃ॑ ॥ 36 ॥
അനുവാകം 19
അ॒ഘോരേ᳚ഭ്യോ-ഽഥ॒ ഘോരേ᳚ഭ്യോ॒ ഘോര॒ഘോര॑തരേഭ്യഃ ।
സർവേ᳚ഭ്യ-സ്സർവ॒ ശർവേ᳚ഭ്യോ॒ നമ॑സ്തേ അസ്തു രു॒ദ്രരൂ॑പേഭ്യഃ ॥ 37 ॥
അനുവാകം 20
തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി ।
തന്നോ॑ രുദ്രഃ പ്രചോ॒ദയാ᳚ത് ॥ 38 ॥
അനുവാകം 21
ഈശാന-സ്സർവ॑വിദ്യാ॒നാ॒- മീശ്വര-സ്സർവ॑ഭൂതാ॒നാ॒-മ്ബ്രഹ്മാധി॑പതി॒-ര്ബ്രഹ്മ॒ണോ-ഽധി॑പതി॒-ര്ബ്രഹ്മാ॑ ശി॒വോ മേ॑ അസ്തു സദാശി॒വോമ് ॥ 39 ॥
അനുവാകം 22
നമോ ഹിരണ്യബാഹവേ ഹിരണ്യവര്ണായ ഹിരണ്യരൂപായ ഹിരണ്യപതയേ ഽബിങ്കാപതയ ഉമാപതയേ പശുപതയേ॑ നമോ॒ നമഃ ॥ 40 ॥
അനുവാകം 23
ഋ॒തഗ്മ് സ॒ത്യ-മ്പ॑ര-മ്ബ്ര॒ഹ്മ॒ പു॒രുഷ॑-ങ്കൃഷ്ണ॒പിങ്ഗ॑ലമ് । ഊ॒ര്ധ്വരേ॑തം-വിഁ ॑രൂപാ॒ക്ഷം॒-വിഁ॒ശ്വരൂ॑പായ॒ വൈ നമോ॒ നമഃ॑ ॥ 41 ॥
അനുവാകം 24
സർവോ॒ വൈ രു॒ദ്രസ്തസ്മൈ॑ രു॒ദ്രായ॒ നമോ॑ അസ്തു ।
പുരു॑ഷോ॒ വൈ രു॒ദ്ര-സ്സന്മ॒ഹോ നമോ॒ നമഃ॑ ।
വിശ്വ॑-മ്ഭൂ॒ത-മ്ഭുവ॑ന-ഞ്ചി॒ത്ര-മ്ബ॑ഹു॒ധാ ജാ॒ത-ഞ്ജായ॑മാന-ഞ്ച॒ യത് । സർവോ॒ ഹ്യേ॑ഷ രു॒ദ്രസ്തസ്മൈ॑ രു॒ദ്രായ॒ നമോ॑ അസ്തു ॥ 42 ॥
അനുവാകം 25
കദ്രു॒ദ്രായ॒ പ്രചേ॑തസേ മീ॒ഢുഷ്ട॑മായ॒ തവ്യ॑സേ । വോ॒ചേമ॒ ശന്ത॑മഗ്മ് ഹൃ॒ദേ ॥ സർവോ॒ഹ്യേ॑ഷ രു॒ദ്രസ്തസ്മൈ॑ രു॒ദ്രായ॒ നമോ॑ അസ്തു ॥ 43 ॥
അനുവാകം 26
യസ്യ॒ വൈ ക॑ങ്കത്യഗ്നി-ഹോത്ര॒ഹവ॑ണീ ഭവതി॒ പ്രത്യേ॒വാ-സ്യാഹു॑തയ-സ്തിഷ്ഠ॒ന്ത്യഥോ॒ പ്രതി॑ഷ്ഠിത്യൈ ॥ 44 ॥
അനുവാകം 27
(ഠിസ് ഏക്ഷ്പന്സിഒന് ഇസ് അപ്പെഅരിന്ഗ് ഇ-ന്തൈ. സം. 1.2.14.1 fഒ-ര്കൃ॒ണു॒ഷ്വ പാജ॒ ഇതി॒ പഞ്ച॑ । )
കൃ॒ണു॒ഷ്വ പാജഃ॒ പ്രസി॑തി॒ന്ന പൃ॒ഥ്വീം-യാഁ॒ഹി രാജേ॒ വാ॑മവാ॒ഗ്മ്॒ ഇഭേ॑ന । തൃ॒ഷ്വീമനു॒ പ്രസി॑തി-ന്ദ്രൂണാ॒നോ-ഽസ്താ॑-ഽസി॒ വിദ്ധ്യ॑ ര॒ക്ഷ സ॒സ്തപി॑ഷ്ഠൈഃ ॥ 1 ॥
തവ॑ ഭ്ര॒മാസ॑ ആശു॒യാ പ॑ത॒ന്ത്യനു॑ സ്പൃശ ധൃഷ॒താ ശോശു॑ചാനഃ । തപൂഗ്॑ഷ്യഗ്നേ ജു॒ഹ്വാ॑ പത॒ഗാന്ന സ॑ന്ദിതോ॒ വിസൃ॑ജ॒ വിഷ്വ॑ ഗു॒ല്കാഃ ॥ 2 ॥
പ്രതി॒സ്പശോ॒ വിസൃ॑ജ॒ തൂര്ണി॑ തമോ॒ ഭവാ॑ പാ॒യു-ർവി॒ശോ അ॒സ്യാ അദ॑ബ്ധഃ । യോ നോ॑ ദൂ॒രേ അ॒ഘശഗ്മ്॑സോ॒ യോ അന്ത്യ॑ഗ്നേ॒ മാകി॑ഷ്ടേ॒ വ്യഥി॒രാ
ദ॑ധര്ഷീത് ॥ 3 ॥
ഉദ॑ഗ്നേ തിഷ്ഠ॒ പ്രത്യാ ത॑നുഷ്വ॒ന്യ॑ മിത്രാഗ്മ്॑ ഓഷതാ-ത്തിഗ്മഹേതേ । യോ നോ॒ അരാ॑തിഗ്മ് സമിധാന ച॒ക്രേ നീ॒ചാത-ന്ധ॑ക്ഷ്യത॒ സന്ന ശുഷ്ക᳚മ് ॥ 4 ॥
ഊ॒ര്ധ്വോ ഭ॑വ॒ പ്രതി॑വിദ്॒ധ്യാ-ധ്യ॒സ്മദാ॒ വിഷ്കൃ॑ണുഷ്വ॒ ദൈവ്യാ᳚ന്യഗ്നേ । അവ॑സ്ഥി॒രാ ത॑നുഹി യാതു॒ ജൂനാ᳚-ഞ്ജാ॒മിമജാ॑മി॒-മ്പ്രമൃ॑ണീഹി॒ ശത്രൂന്॑ ॥ 5 ॥
കൃ॒ണു॒ഷ്വ പാജ॒ ഇതി॒ പഞ്ച॑ ॥ 45 ॥
അനുവാകം 28
അദി॑തി-ര്ദേ॒വാ ഗ॑ന്ധ॒ർവാ മ॑നു॒ഷ്യാഃ᳚ പി॒തരോ-ഽസു॑രാ॒-സ്തേഷാഗ്മ്॑ സർവ ഭൂ॒താനാ᳚-മ്മാ॒താ മേ॒ദിനീ॑ മഹ॒താ മ॒ഹീ സാ॑വി॒ത്രീ ഗാ॑യ॒ത്രീ ജഗ॑ത്യു॒ർവീ പൃ॒ഥ്വീ ബ॑ഹു॒ലാ വിശ്വാ॑ ഭൂ॒താ ക॑ത॒മാ കായാ സാ സ॒ത്യേ-ത്യ॒മൃതേതി॑ വസി॒ഷ്ഠഃ ॥ 46 ॥
അനുവാകം 29
ആപോ॒ വാ ഇ॒ദഗ്മ് സർവം॒-വിഁശ്വാ॑ ഭൂ॒താന്യാപഃ॑ പ്രാ॒ണാ വാ ആപഃ॑ പ॒ശവ॒ ആപോ-ഽന്ന॒മാപോ -ഽമൃ॑ത॒മാപ॑-സ്സ॒മ്രാഡാപോ॑ വി॒രാഡാപ॑-സ്സ്വ॒രാഡാപ॒-ശ്ഛന്ദാ॒ഗ്॒സ്യാപോ॒ ജ്യോതീ॒ഗ്॒ഷ്യാപോ॒ യജൂ॒ഗ്॒ഷ്യാപ॑-സ്സ॒ത്യമാപ॒-സ്സർവാ॑ ദേ॒വതാ॒ ആപോ॒ ഭൂര്ഭുവ॒സ്സുവ॒രാപ॒ ഓമ് ॥ 47 ॥
അനുവാകം 30
ആപഃ॑ പുനന്തു പൃഥി॒വീ-മ്പൃ॑ഥി॒വീ പൂ॒താ പു॑നാതു॒ മാമ് ।
പു॒നന്തു॒ ബ്രഹ്മ॑ണ॒സ്പതി॒-ര്ബ്രഹ്മ॑ പൂ॒താ പു॑നാതു॒
മാമ് ॥
യദുച്ഛി॑ഷ്ട॒-മഭോ᳚ജ്യം॒-യഁദ്വാ॑ ദു॒ശ്ചരി॑ത॒-മ്മമ॑ । സർവ॑-മ്പുനന്തു॒ മാമാപോ॑-ഽസ॒താഞ്ച॑ പ്രതി॒ഗ്രഹ॒ഗ്ഗ്॒ സ്വാഹാ᳚ ॥ 48 ॥
അനുവാകം 31
അഗ്നിശ്ച മാ മന്യുശ്ച മന്യുപതയശ്ച മന്യു॑കൃതേ॒ഭ്യഃ ।
പാപേഭ്യോ॑ രക്ഷ॒ന്താമ് । യദഹ്നാ പാപ॑മകാ॒ര്॒ഷമ് ।
മനസാ വാചാ॑ ഹസ്താ॒ഭ്യാമ് । പദ്ഭ്യാ-മുദരേ॑ണ ശി॒ശ്നാ ।
അഹ॒സ്തദ॑വലു॒പന്തു । യത്കിഞ്ച॑ ദുരി॒ത-മ്മയി॑ ।
ഇദമഹ-മാമമൃ॑ത യോ॒നൌ ।
സത്യേ ജ്യോതിഷി ജുഹോ॑മി സ്വാ॒ഹാ ॥ 49 ॥
അനുവാകം 32
സൂര്യശ്ച മാ മന്യുശ്ച മന്യുപതയശ്ച മന്യു॑കൃതേ॒ഭ്യഃ । പാപേഭ്യോ॑ രക്ഷ॒ന്താമ് । യദ്രാത്രിയാ പാപ॑മകാ॒ര്॒ഷമ് ।
മനസാ വാചാ॑ ഹസ്താ॒ഭ്യാമ് । പദ്ഭ്യാ-മുദരേ॑ണ ശി॒ശ്നാ ।
രാത്രി॒-സ്തദ॑വലു॒പന്തു । യത്കിഞ്ച॑ ദുരി॒ത-മ്മയി॑ ।
ഇദമഹ-മാമമൃ॑ത യോ॒നൌ । സൂര്യേ ജ്യോതിഷി ജുഹോ॑മി സ്വാ॒ഹാ ॥ 50 ॥
അനുവാകം 33
ഓമിത്യേകാക്ഷ॑ര-മ്ബ്ര॒ഹ്മ । അഗ്നിര്ദേവതാ ബ്രഹ്മ॑ ഇത്യാ॒ര്ഷമ് । ഗായത്ര-ഞ്ഛന്ദ-മ്പരമാത്മം॑ സരൂ॒പമ് । സായുജ്യം-വിഁ ॑നിയോ॒ഗമ് ॥ 51 ॥
അനുവാകം 34
ആയാ॑തു॒ വര॑ദാ ദേ॒വീ॒ അ॒ക്ഷര॑-മ്ബ്രഹ്മ॒ സമ്മി॑തമ് ।
ഗാ॒യ॒ത്രീ᳚-ഞ്ഛന്ദ॑സാ-മ്മാ॒തേദ-മ്ബ്ര॑ഹ്മ ജു॒ഷസ്വ॑ മേ ।
യദഹ്നാ᳚-ത്കുരു॑തേ പാ॒പ॒-ന്തദഹ്നാ᳚-ത്പ്രതി॒മുച്യ॑തേ ।
യ-ദ്രാത്രിയാ᳚-ത്കുരു॑തേ പാ॒പ॒-ന്ത-ദ്രാത്രിയാ᳚-ത്പ്രതി॒മുച്യ॑തേ ।
സർവ॑ വ॒ര്ണേ മ॑ഹാദേ॒വി॒ സ॒ന്ധ്യാ വി॑ദ്യേ സ॒രസ്വ॑തി ॥ 52 ॥
അനുവാകം 35
ഓജോ॑-ഽസി॒ സഹോ॑-ഽസി॒ ബല॑മസി॒ ഭ്രാജോ॑-ഽസി ദേ॒വാനാ॒-ന്ധാമ॒നാമാ॑॑-ഽസി॒ വിശ്വ॑മസി വി॒ശ്വായു॒-സ്സർവ॑മസി സ॒ർവായു-രഭിഭൂരോം-ഗായത്രീ-മാവാ॑ഹയാ॒മി॒
സാവിത്രീ-മാവാ॑ഹയാ॒മി॒ സരസ്വതീ-മാവാ॑ഹയാ॒മി॒ ഛന്ദര്ഷീ-നാവാ॑ഹയാ॒മി॒ ശ്രിയ-മാവാ॑ഹയാ॒മി॒ ഗായത്രിയാ ഗായത്രീ ഛന്ദോ വിശ്വാമിത്ര ഋഷി-സ്സവിതാ ദേവതാ-ഽഗ്നിര്മുഖ-മ്ബ്രഹ്മാ ശിരോ വിഷ്ണുര്ഹൃദയഗ്മ് രുദ്രഃ
ശിഖാ പൃഥിവീയോനിഃ പ്രാണാപാന-വ്യാനോദാന-സമാനാ സപ്രാണാ ശ്വേതവര്ണാ സാങ്ഖ്യായന-സഗോത്രാ ഗായത്രീ ചതുർവിഗ്മ്ശത്യക്ഷരാ ത്രിപദാ॑ ഷട്കു॒ക്ഷിഃ॒ പഞ്ച ശീര്ഷോപനയനേ വി॑നിയോ॒ഗ॒,
ഓ-മ്ഭൂഃ । ഓ-മ്ഭുവഃ । ഓഗ്മ് സുവഃ । ഓ-മ്മഹഃ । ഓ-ഞ്ജനഃ ।
ഓ-ന്തപഃ । ഓഗ്മ് സ॒ത്യമ് । ഓ-ന്ത-ഥ്സ॑വി॒തുർവരേ᳚ണ്യ॒-മ്ഭര്ഗോ॑ ദേ॒വസ്യ॑ ധീമഹി ।
ധിയോ॒ യോ നഃ॑ പ്രചോ॒ദയാ᳚ത് ।
ഓമാപോ॒ ജ്യോതീ॒ രസോ॒-ഽമൃത॒-മ്ബ്രഹ്മ॒ ഭൂര്ഭുവ॒സ്സുവ॒രോമ് ॥ 53 ॥
അനുവാകം 36
ഉ॒ത്തമേ॑ ശിഖ॑രേ ജാ॒തേ॒ ഭൂ॒മ്യാ-മ്പ॑ർവത॒ മൂര്ധ॑നി ।
ബ്രാ॒ഹ്മണേ᳚ഭ്യോ-ഽഭ്യ॑നുജ്ഞാ॒താ॒ ഗ॒ച്ഛ ദേ॑വി യ॒ഥാസു॑ഖമ് ॥ സ്തുതോ മയാ വരദാ വേ॑ദമാ॒താ॒ പ്രചോദയന്തീ പവനേ᳚ ദ്വിജാ॒താ । ആയുഃ പൃഥിവ്യാം-ദ്രവിണ-മ്ബ്ര॑ഹ്മവ॒ര്ച॒സ॒-മ്മഹ്യ-ന്ദത്വാ പ്രജാതും
ബ്ര॑ഹ്മലോ॒കമ് ॥ 54 ॥
അനുവാകം 37
ഘൃണി॒-സ്സൂര്യ॑ ആദി॒ത്യോ ന പ്രഭാ॑-വാ॒ത്യക്ഷ॑രമ് । മധു॑ക്ഷരന്തി॒ ത-ദ്ര॑സമ് । സ॒ത്യം-വൈഁ ത-ദ്രസ॒-മാപോ॒ ജ്യോതീ॒രസോ॒-ഽമൃത॒-മ്ബ്രഹ്മ॒
ഭൂര്ഭുവ॒സ്സുവ॒രോമ് ॥ 55 ॥
അനുവാകം 38
ബ്രഹ്മ॑ മേതു॒ മാമ് । മധു॑ മേതു॒ മാമ് । ബ്രഹ്മ॑-മേ॒വ മധു॑ മേതു॒ മാമ് ॥ യാസ്തേ॑ സോമ പ്ര॒ജാവ॒ഥ്സോ-ഽഭി॒സോ അ॒ഹമ് । ദുസ്ഷ്വ॑പ്ന॒ഹ-ന്ദു॑രുഷ്വഹ ।
യാസ്തേ॑ സോമ പ്രാ॒ണാഗ്സ്താ-ഞ്ജു॑ഹോമി ॥
ത്രിസു॑പര്ണ॒ മയാ॑ചിത-മ്ബ്രാഹ്മ॒ണായ॑ ദദ്യാത് । ബ്ര॒ഹ്മ॒ഹ॒ത്യാം-വാഁ ഏ॒തേ ഘ്ന॑ന്തി ।
യേ ബ്രാ᳚ഹ്മ॒ണാ-സ്ത്രിസു॑പര്ണ॒-മ്പഠ॑ന്തി । തേ സോമ॒-മ്പ്രാപ്നു॑വന്തി । ആ॒സ॒ഹ॒സ്രാ-ത്പ॒ക്തി-മ്പുന॑ന്തി । ഓമ് ॥ 56 ॥
അനുവാകം 39
ബ്രഹ്മ॑ മേ॒ധയാ᳚ । മധു॑ മേ॒ധയാ᳚ । ബ്രഹ്മ॑മേ॒വ മധു॑ മേ॒ധയാ᳚ ॥ അ॒ദ്യാ നോ॑ ദേവ സവിതഃ പ്ര॒ജാവ॑ഥ്സാവീ॒-സ്സൌഭ॑ഗമ് । പരാ॑ ദു॒സ്ഷ്വപ്നി॑യഗ്മ് സുവ । വിശ്വാ॑നി ദേവ സവിത-ര്ദുരി॒താനി॒ പരാ॑സുവ । യ-ദ്ഭ॒ദ്ര-ന്തന്മ॒ ആസു॑വ ॥ മധു॒വാതാ॑ ഋതായ॒തേ മധു॑ക്ഷരന്തി॒ സിന്ധ॑വഃ । മാദ്ധ്വീ᳚ര്ന-സ്സ॒ന്ത്വോഷ॑ധീഃ । മധു॒നക്ത॑ മു॒തോഷസി॒ മധു॑മ॒-ത്പാര്ഥി॑വ॒ഗ്മ്॒ രജഃ॑ । മധു॒ദ്യൌര॑സ്തു നഃ പി॒താ । മധു॑മാന്നോ॒ വന॒സ്പതി॒-ര്മധു॑മാഗ്മ് അസ്തു॒ സൂര്യഃ॑ ।
മാദ്ധ്വീ॒ ര്ഗാവോ॑ ഭവന്തു നഃ ॥
യ ഇ॒മ-ന്ത്രിസു॑പര്ണ॒-മയാ॑ചിത-മ്ബ്രാഹ്മ॒ണായ॑ ദദ്യാത് ।
ഭ്രൂ॒ണ॒ഹ॒ത്യാം-വാഁ ഏ॒തേ ഘ്ന॑ന്തി । യേ ബ്രാ᳚ഹ്മ॒ണാ-സ്ത്രിസു॑പര്ണ॒-മ്പഠ॑ന്തി । തേ സോമ॒-മ്പ്രാപ്നു॑വന്തി । ആ॒സ॒ഹ॒സ്രാ-ത്പ॒ക്തി-മ്പുന॑ന്തി । ഓമ് ॥ 57 ॥
അനുവാകം 40
ബ്രഹ്മ॑ മേ॒ധവാ᳚ । മധു॑ മേ॒ധവാ᳚ । ബ്രഹ്മ॑മേ॒വ മധു॑ മേ॒ധവാ᳚ ॥ ബ്ര॒ഹ്മാ ദേ॒വാനാ᳚-മ്പദ॒വീഃ ക॑വീ॒നാ-മൃഷി॒-ർവിപ്രാ॑ണാ-മ്മഹി॒ഷോ മൃ॒ഗാണാ᳚മ് ।
ശ്യേ॒നോ ഗൃദ്ധ്രാ॑ണാ॒ഗ്॒ സ്വധി॑തി॒-ർവനാ॑നാ॒ഗ്മ്॒ സോമഃ॑ പ॒വിത്ര॒-മത്യേ॑തി॒ രേഭന്ന്॑ ॥
ഹ॒ഗ്മ്॒സ-ശ്ശു॑ചി॒ഷ-ദ്വസു॑രന്തരിക്ഷ॒ സദ്ധോതാ॑- വേദി॒ഷ-ദതി॑ഥി-ര്ദുരോണ॒സത് ।
നൃ॒ഷദ്വ॑ര॒-സദൃ॑ത॒-സ-ദ്വ്യോ॑മ॒-സദ॒ബ്ജാ- ഗോ॒ജാ ഋ॑ത॒ജാ അ॑ദ്രി॒ജാ ഋ॒ത-മ്ബൃ॒ഹത് ॥ ഋ॒ചേത്വാ॑ രു॒ചേത്വാ॒ സമി-ഥ്സ്ര॑വന്തി സ॒രിതോ॒ ന ധേനാഃ᳚ ।
അ॒ന്തര്-ഹൃ॒ദാ മന॑സാ പൂ॒യമാ॑നാഃ ।
ഘൃ॒തസ്യ॒ ധാരാ॑ അ॒ഭിചാ॑കശീമി ।
ഹി॒ര॒ണ്യയോ॑ വേത॒സോ മദ്ധ്യ॑ ആസാമ് ।
തസ്മി᳚ന്-ഥ്സുപ॒ര്ണോ മ॑ധു॒കൃ-ത്കു॑ലാ॒യീ ഭജ॑ന്നാസ്തേ॒ മധു॑ ദേ॒വതാ᳚ഭ്യഃ ।
തസ്യാ॑ സതേ॒ ഹര॑യ-സ്സ॒പ്തതീരേ᳚ സ്വ॒ധാ-ന്ദുഹാ॑നാ അ॒മൃത॑സ്യ॒ ധാരാ᳚മ് । യ ഇ॒ദ-ന്ത്രിസു॑പര്ണ॒-മയാ॑ചിത-മ്ബ്രാഹ്മ॒ണായ॑ ദദ്യാത് । വീ॒ര॒ഹ॒ത്യാം-വാഁ ഏ॒തേ ഘ്ന॑ന്തി । യേ ബ്രാ᳚ഹ്മ॒ണാ-സ്ത്രിസു॑പര്ണ॒-മ്പഠ॑ന്തി ।
തേ സോമ॒-മ്പ്രാപ്നു॑വന്തി । ആ॒സ॒ഹ॒സ്രാ-ത്പ॒ങ്ക്തി-മ്പുന॑ന്തി । ഓമ് ॥ 58 ॥
അനുവാകം 41
മേ॒ധാദേ॒വീ ജു॒ഷമാ॑ണാ ന॒ ആഗാ᳚-ദ്വി॒ശ്വാചീ॑ ഭ॒ദ്രാ സു॑മന॒സ്യ മാ॑നാ । ത്വയാ॒ ജുഷ്ടാ॑ നു॒ദമാ॑നാ ദു॒രുക്താ᳚-ന്ബൃ॒ഹദ്വ॑ദേമ വി॒ദഥേ॑ സു॒വീരാഃ᳚ ॥
ത്വയാ॒ ജുഷ്ട॑ ഋ॒ഷി-ര്ഭ॑വതി ദേവി॒ ത്വയാ॒ ബ്രഹ്മാ॑-ഽഽഗ॒തശ്രീ॑ രു॒ത ത്വയാ᳚ । ത്വയാ॒ ജുഷ്ട॑ശ്ചി॒ത്രം-വിഁ ॑ന്ദതേ വസു॒ സാ നോ॑ ജുഷസ്വ॒ ദ്രവി॑ണോ നമേധേ ॥ 59 ॥
അനുവാകം 42
മേ॒ധാ-മ്മ॒ ഇന്ദ്രോ॑ ദദാതു മേ॒ധാ-ന്ദേ॒വീ സര॑സ്വതീ ।
മേ॒ധാ-മ്മേ॑ അ॒ശ്വിനാ॑-വു॒ഭാവാധ॑ത്താ॒-മ്പുഷ്ക॑രസ്രജാ ॥ അ॒ഫ്സ॒രാസു॑ ച॒ യാ മേ॒ധാ ഗ॑ന്ധ॒ർവേഷു॑ ച॒ യന്മനഃ॑ ।
ദൈവീ᳚-മ്മേ॒ധാ സര॑സ്വതീ॒ സാ മാ᳚-മ്മേ॒ധാ സു॒രഭി॑-ര്ജുഷതാ॒ഗ്॒ സ്വാഹാ᳚ ॥ 60 ॥
അനുവാകം 43
ആമാ᳚-മ്മേ॒ധാ സു॒രഭി॑-ർവി॒ശ്വരൂ॑പാ॒ ഹിര॑ണ്യവര്ണാ॒ ജഗ॑തീ ജഗ॒മ്യാ । ഊര്ജ॑സ്വതീ॒ പയ॑സാ॒ പിന്വ॑മാനാ॒ സാ മാ᳚-മ്മേ॒ധാ സു॒പ്രതീ॑കാ ജുഷന്താമ് ॥ 61 ॥
അനുവാകം 44
മയി॑ മേ॒ധാ-മ്മയി॑ പ്ര॒ജാ-മ്മയ്യ॒ഗ്നിസ്തേജോ॑ ദധാതു॒ മയി॑ മേ॒ധാ-മ്മയി॑ പ്ര॒ജാ-മ്മയീന്ദ്ര॑ ഇന്ദ്രി॒യ-ന്ദ॑ധാതു॒ മയി॑ മേ॒ധാ-മ്മയി॑ പ്ര॒ജാ-മ്മയി॒ സൂര്യോ॒ ഭ്രാജോ॑ ദധാതു ॥ 62 ॥
അനുവാകം 45
അപൈ॑തു മൃ॒ത്യു-ര॒മൃത॑ന്ന॒ ആഗ॑ന് വൈവസ്വ॒തോ നോ॒ അഭ॑യങ്കൃണോതു । പ॒ര്ണം-വഁന॒സ്പതേ॑ രിവാ॒ഭിന॑-ശ്ശീയതാഗ്മ് ര॒യി-സ്സച॑താന്ന॒-ശ്ശചീ॒പതിഃ॑ ॥ 63 ॥
അനുവാകം 46
പര॑-മ്മൃത്യോ॒ അനു॒ പരേ॑ഹി॒ പന്ഥാം॒-യഁസ്തേ॒സ്വ ഇത॑രോ ദേവ॒യാനാ᳚ത് । ചക്ഷു॑ഷ്മതേ ശൃണ്വ॒തേ തേ᳚ ബ്രവീമി॒ മാനഃ॑ പ്ര॒ജാഗ്മ് രീ॑രിഷോ॒ മോത വീ॒രാന് ॥ 64 ॥
അനുവാകം 47
വാത॑-മ്പ്രാ॒ണ-മ്മന॑സാ॒ ന്വാര॑ഭാമഹേ പ്ര॒ജാപ॑തിം॒-യോഁ ഭുവ॑നസ്യ ഗോ॒പാഃ । സനോ॑ മൃ॒ത്യോ സ്ത്രാ॑യതാ॒-മ്പാത്വഗ്മ്ഹ॑സോ॒ ജ്യോഗ് ജീ॒വാ ജ॒രാമ॑ശീമഹി ॥ 65 ॥
അനുവാകം 48
അ॒മു॒ത്ര॒ ഭൂയാ॒ദധ॒ യദ്യ॒മസ്യ॒ ബൃഹ॑സ്പതേ അ॒ഭിശ॑സ്തേ॒ര മു॑ഞ്ചഃ । പ്രത്യൌ॑ഹതാ മ॒ശ്വിനാ॑ മൃ॒ത്യു മ॑സ്മാ-ദ്ദേ॒വാനാ॑മഗ്നേ ഭി॒ഷജാ॒ ശചീ॑ഭിഃ ॥ 66 ॥
അനുവാകം 49
ഹരി॒ഗ്മ്॒ ഹര॑ന്ത॒- മനു॑യന്തി ദേ॒വാ വിശ്വ॒സ്യേശാ॑നം-വൃഁഷ॒ഭ-മ്മ॑തീ॒നാമ് । ബ്രഹ്മ॒ സരൂ॑പ॒-മനു॑മേ॒ദമാ॑ഗാ॒-ദയ॑ന॒-മ്മാ വിവ॑ധീ॒-ർവിക്ര॑മസ്വ ॥ 67 ॥
അനുവാകം 50
ശല്കൈ॑ര॒ഗ്നി-മി॑ന്ധാ॒ന ഉ॒ഭൌ ലോ॒കൌ സ॑നേമ॒ഹമ് ।
ഉ॒ഭയോ᳚ ര്ലോ॒കയാ॑ര്-ഋ॒ധ്ദ്വാ-ഽതി॑ മൃ॒ത്യു-ന്ത॑രാമ്യ॒ഹമ് ॥ 68 ॥
അനുവാകം 51
മാ ഛി॑ദോ മൃത്യോ॒ മാ വ॑ധീ॒ര്മാ മേ॒ ബലം॒-വിഁവൃ॑ഹോ॒ മാ പ്രമോ॑ഷീഃ । പ്ര॒ജാ-മ്മാ മേ॑ രീരിഷ॒ ആയു॑രുഗ്ര നൃ॒ചക്ഷ॑സ-ന്ത്വാ ഹ॒വിഷാ॑ വിധേമ ॥ 69 ॥
അനുവാകം 52
മാ നോ॑ മ॒ഹാന്ത॑മു॒ത മാ നോ॑ അര്ഭ॒ക-മ്മാ ന॒ ഉക്ഷ॑ന്തമു॒ത മാ ന॑ ഉക്ഷി॒തമ് ।
മാ നോ॑ വധീഃ പി॒തര॒-മ്മോത മാ॒തര॑-മ്പ്രി॒യാ മാ ന॑സ്ത॒നുവോ॑ രുദ്ര രീരിഷഃ ॥ 70 ॥
അനുവാകം 53
മാ ന॑സ്തോ॒കേ തന॑യേ॒ മാ ന॒ ആയു॑ഷി॒ മാ നോ॒ ഗോഷു॒ മാ നോ॒ അശ്വേ॑ഷു രീരിഷഃ । വീ॒രാന്മാ നോ॑ രുദ്ര ഭാമി॒തോവ॑ധീര്-ഹ॒വിഷ്മ॑ന്തോ॒ നമ॑സാ വിധേമ തേ ॥ 71 ॥
അനുവാകം 54
പ്രജാ॑പതേ॒ ന ത്വദേ॒താ-ന്യ॒ന്യോ വിശ്വാ॑ ജാ॒താനി॒ പരി॒താ ബ॑ഭൂവ । യ-ത്കാ॑മാസ്തേ ജുഹു॒മസ്തന്നോ॑ അസ്തു വ॒യഗ്ഗ് സ്യാ॑മ॒ പത॑യോ രയീ॒ണാമ് ॥ 72 ॥
അനുവാകം 55
സ്വ॒സ്തി॒ദാ വി॒ശസ്പതി॑-ർവൃത്ര॒ഹാ വിമൃധോ॑ വ॒ശീ ।
വൃഷേന്ദ്രഃ॑ പു॒ര ഏ॑തു നസ്സ്വസ്തി॒ദാ അ॑ഭയ-ങ്ക॒രഃ ॥ 73 ॥
അനുവാകം 56
ത്ര്യ॑മ്ബകം-യഁജാമഹേ സുഗ॒ന്ധി-മ്പു॑ഷ്ടി॒വര്ധ॑നമ് । ഉ॒ർവാ॒രു॒കമി॑വ॒ ബന്ധ॑നാ-ന്മൃ॒ത്യോ-ര്മു॑ക്ഷീയ॒ മാ-ഽമൃതാ᳚ത് ॥ 74 ॥
അനുവാകം 57
യേ തേ॑ സ॒ഹസ്ര॑മ॒യുത॒-മ്പാശാ॒ മൃത്യോ॒ മര്ത്യാ॑യ॒ ഹന്ത॑വേ । താന്. യ॒ജ്ഞസ്യ॑ മാ॒യയാ॒ സർവാ॒നവ॑ യജാമഹേ ॥ 75 ॥
അനുവാകം 58
മൃ॒ത്യവേ॒ സ്വാഹാ॑ മൃ॒ത്യവേ॒ സ്വാഹാ᳚ ॥ 76 ॥
അനുവാകം 59
ദേ॒വകൃ॑ത॒സ്യൈന॑സോ-ഽവ॒യജ॑നമസി॒ സ്വാഹാ᳚ ।
മ॒നു॒ഷ്യ॑കൃത॒സ്യൈന॑സോ ഽവ॒യജ॑നമസി॒ സ്വാഹാ᳚ ।
പി॒തൃകൃ॑ത॒സ്യൈന॑സോ ഽവ॒യജ॑നമസി॒ സ്വാഹാ᳚ ।
ആ॒ത്മകൃ॑ത॒സ്യൈന॑സോ ഽവ॒യജ॑നമസി॒ സ്വാഹാ᳚ ।
അ॒ന്യകൃ॑ത॒സ്യൈന॑സോ ഽവ॒യജ॑നമസി॒ സ്വാഹാ᳚ ।
അ॒സ്മത്കൃ॑ത॒സ്യൈന॑സോ ഽവ॒യജ॑നമസി॒ സ്വാഹാ᳚ ।
യദ്ദി॒വാ ച॒ നക്ത॒-ഞ്ചൈന॑ശ്ചകൃ॒മ തസ്യാ॑ വ॒യജ॑നമസി॒ സ്വാഹാ᳚ ।
യ-ഥ്സ്വ॒പന്ത॑ശ്ച॒ ജാഗ്ര॑ത॒-ശ്ചൈന॑ശ്ച-കൃ॒മ തസ്യാ॑ വ॒യജ॑നമസി॒ സ്വാഹാ᳚ ।
യ-ഥ്സു॒ഷുപ്ത॑ശ്ച॒ ജാഗ്ര॑ത॒-ശ്ചൈന॑ശ്ച-കൃ॒മ തസ്യാ॑ വ॒യജ॑നമസി॒ സ്വാഹാ᳚ ।
യ-ദ്വി॒ദ്വാഗ്മ്സ॒ശ്ചാ വി॑ദ്വാഗ്മ്സ॒ശ്ചൈന॑ശ്ച-കൃ॒മ തസ്യാ॑ വ॒യജ॑നമസി॒ സ്വാഹാ᳚ ।
ഏനസ ഏനസോ വയജനമ॑സി സ്വാ॒ഹാ ॥ 77 ॥
അനുവാകം 60
യദ്വോ॑ ദേവാശ്ചകൃ॒മ ജി॒ഹ്വയാ॑ ഗു॒രുമന॑സോ വാ॒ പ്രയു॑തീ ദേവ॒ ഹേഡ॑നമ് ।
അരാ॑വാ॒യോ നോ॑ അ॒ഭിദു॑ച്ഛുനാ॒യതേ॒ തസ്മി॒-ന്തദേനോ॑ വസവോ॒ നിധേ॑തന॒ സ്വാഹാ᳚ ॥ 78 ॥
അനുവാകം 61
കാമോ-ഽകാര്ഷീ᳚-ന്നമോ॒ നമഃ ।
കാമോ-ഽകാര്ഷീ-ത്കാമഃ കരോതി നാഹ-ങ്കരോമി
കാമഃ കര്താ നാഹ-ങ്കര്താ കാമഃ॑ കാര॒യിതാ നാഹ॑-ങ്കാര॒യിതാ ഏഷ തേ കാമ കാമാ॑യ സ്വാ॒ഹാ ॥ 79 ॥
അനുവാകം 62
മന്യുരകാര്ഷീ᳚-ന്നമോ॒ നമഃ ।
മന്യുരകാര്ഷീ-ന്മന്യുഃ കരോതി നാഹ-ങ്കരോമി മന്യുഃ കര്താ നാഹ-ങ്കര്താ മന്യുഃ॑ കാര॒യിതാ നാഹ॑-ങ്കാര॒യിതാ ഏഷ തേ മന്യോ മന്യ॑വേ സ്വാ॒ഹാ ॥ 80 ॥
അനുവാകം 63
തിലാഞ്ജുഹോമി സരസാഗ്മ് സപിഷ്ടാ-ന്ഗന്ധാര മമ ചിത്തേ രമ॑ന്തു സ്വാ॒ഹാ ॥ ഗാവോ ഹിരണ്യ-ന്ധനമന്നപാനഗ്മ് സർവേഷാഗ് ശ്രി॑യൈ സ്വാ॒ഹാ ॥ ശ്രിയഞ്ച ലക്ഷ്മിഞ്ച പുഷ്ടിഞ്ച കീര്തി॑-ഞ്ചാ നൃ॒ണ്യതാമ് ।
ബ്രഹ്മണ്യ-മ്ബ॑ഹുപു॒ത്രതാമ് । ശ്രദ്ധാമേധേ പ്രജാ-സ്സന്ദദാ॑തു സ്വാ॒ഹാ ॥ 81 ॥
അനുവാകം 64
തിലാഃ കൃഷ്ണാ-സ്തി॑ലാ-ശ്ശ്വേ॒താ॒-സ്തിലാ-സ്സൌമ്യാ വ॑ശാനു॒ഗാഃ ।
തിലാഃ പുനന്തു॑ മേ പാ॒പം॒-യഁത്കിഞ്ചി-ദ്ദുരിത-മ്മ॑യി സ്വാ॒ഹാ ॥ ചോര॒സ്യാന്ന-ന്ന॑വശ്രാ॒ദ്ധ॒-മ്ബ്ര॒ഹ്മ॒ഹാ ഗു॑രുത॒ല്പഗഃ । ഗോസ്തേയഗ്മ് സ॑രാപാ॒ന॒-മ്ഭ്രൂണഹത്യാ തിലാ ശാന്തിഗ്മ് ശമയ॑ന്തു സ്വാ॒ഹാ ॥
ശ്രീശ്ച ലക്ഷ്മീശ്ച പുഷ്ടീശ്ച കീര്തി॑-ഞ്ചാ നൃ॒ണ്യതാമ് ।
ബ്രഹ്മണ്യ-മ്ബ॑ഹുപു॒ത്രതാമ് ।
ശ്രദ്ധാമേധേ പ്രജ്ഞാതു ജാതവേദ-സ്സന്ദദാ॑തു സ്വാ॒ഹാ ॥ 82 ॥
അനുവാകം 65
പ്രാണാപാന-വ്യാനോദാന-സമാനാ മേ॑ ശുദ്ധ്യ॒ന്താം॒
ജ്യോതി॑ ര॒ഹം-വിഁ॒രജാ॑ വിപാ॒പ്മാ ഭൂ॑യാസ॒ഗ്ഗ്॒ സ്വാഹാ᳚ ॥
വാം-മന-ശ്ചക്ഷുഃ-ശ്രോത്ര-ജിഹ്വാ-ഘ്രാണ-രേതോ-ബുദ്ധ്യാകൂതി-സ്സങ്കല്പാ മേ॑ ശുദ്ധ്യ॒ന്താ॒-ഞ്ജ്യോതി॑ ര॒ഹം-വിഁ॒രജാ॑ വിപാ॒പ്മാ ഭൂ॑യാസ॒ഗ്ഗ്॒ സ്വാഹാ᳚ ॥
ത്വക്-ചര്മ-മാഗ്മ്സ-രുധിര-മേദോ-മജ്ജാ-സ്നായവോ-ഽസ്ഥീനി
മേ॑ ശുദ്ധ്യ॒ന്താ॒-ഞ്ജ്യോതി॑ ര॒ഹം-വിഁ॒രജാ॑ വിപാ॒പ്മാ ഭൂ॑യാസ॒ഗ്ഗ്॒ സ്വാഹാ᳚ ॥
ശിരഃ പാണി പാദ പാര്ശ്വ പൃഷ്ഠോ-രൂദര-ജങ്ഘ-ശിശ്ര്നോപസ്ഥ പായവോ മേ॑ ശുദ്ധ്യ॒ന്താ॒-ഞ്ജ്യോതി॑ ര॒ഹം-വിഁ॒രജാ॑ വിപാ॒പ്മാ ഭൂ॑യാസ॒ഗ്ഗ്॒ സ്വാഹാ᳚ ॥
ഉത്തിഷ്ഠ പുരുഷ ഹരിത-പിങ്ഗല ലോഹിതാക്ഷി ദേഹി ദേഹി ദദാപയിതാ മേ॑ ശുദ്ധ്യ॒ന്താ॒-ഞ്ജ്യോതി॑ ര॒ഹം-വിഁ॒രജാ॑ വിപാ॒പ്മാ ഭൂ॑യാസ॒ഗ്ഗ്॒ സ്വാഹാ᳚ ॥ 83 ॥
അനുവാകം 66
പൃഥിവ്യാപ സ്തേജോ വായു-രാകാശാ മേ॑ ശുദ്ധ്യ॒ന്താം॒
ജ്യോതി॑ ര॒ഹം-വിഁ॒രജാ॑ വിപാ॒പ്മാ ഭൂ॑യാസ॒ഗ്ഗ്॒ സ്വാഹാ᳚ ॥
ശബ്ദ-സ്പര്ശ-രൂപരസ-ഗന്ധാ മേ॑ ശുദ്ധ്യ॒ന്താം॒
ജ്യോതി॑ ര॒ഹം-വിഁ॒രജാ॑ വിപാ॒പ്മാ ഭൂ॑യാസ॒ഗ്ഗ്॒ സ്വാഹാ᳚ ॥
മനോ-വാക്-കായ-കര്മാണി മേ॑ ശുദ്ധ്യ॒ന്താം॒
ജ്യോതി॑ ര॒ഹം-വിഁ॒രജാ॑ വിപാ॒പ്മാ ഭൂ॑യാസ॒ഗ്ഗ്॒ സ്വാഹാ᳚ ॥
അവ്യക്തഭാവൈ-ര॑ഹങ്കാ॒ര॒-ര്ജ്യോതി॑ ര॒ഹം-വിഁ॒രജാ॑ വിപാ॒പ്മാ ഭൂ॑യാസ॒ഗ്ഗ്॒ സ്വാഹാ᳚ ॥
ആത്മാ മേ॑ ശുദ്ധ്യ॒ന്താ॒-ഞ്ജ്യോതി॑ ര॒ഹം-വിഁ॒രജാ॑ വിപാ॒പ്മാ ഭൂ॑യാസ॒ഗ്ഗ്॒ സ്വാഹാ᳚ ॥
അന്തരാത്മാ മേ॑ ശുദ്ധ്യ॒ന്താ॒-ഞ്ജ്യോതി॑ ര॒ഹം-വിഁ॒രജാ॑ വിപാ॒പ്മാ ഭൂ॑യാസ॒ഗ്ഗ്॒ സ്വാഹാ᳚ ॥
പരമാത്മാ മേ॑ ശുദ്ധ്യ॒ന്താ॒-ഞ്ജ്യോതി॑ ര॒ഹം-വിഁ॒രജാ॑ വിപാ॒പ്മാ ഭൂ॑യാസ॒ഗ്ഗ്॒ സ്വാഹാ᳚ ॥
ക്ഷു॒ധേ സ്വാഹാ᳚ ॥ ക്ഷുത്പി॑പാസായ॒ സ്വാഹാ᳚ ॥
വിവി॑ട്യൈ॒ സ്വാഹാ᳚ ॥ ഋഗ്വി॑ധാനായ॒ സ്വാഹാ᳚ ॥ ക॒ഷോ᳚ത്കായ॒ സ്വാഹാ᳚ ॥
ക്ഷു॒ത്പി॒പാ॒സാമ॑ല-ഞ്ജ്യേ॒ഷ്ഠാ॒മ॒ല॒ക്ഷ്മീ-ര്നാ॑ശയാ॒മ്യഹമ് ।
അഭൂ॑തി॒-മസ॑മൃദ്ധി॒ഞ്ച॒ സർവാം (സർവാ) നിര്ണുദ മേ പാപ്മാ॑നഗ്ഗ് സ്വാ॒ഹാ ॥
അന്നമയ-പ്രാണമയ-മനോമയ-വിജ്ഞാനമയ-മാനന്ദമയ-മാത്മാ മേ॑ ശുദ്ധ്യ॒ന്താ॒-ഞ്ജ്യോതി॑ ര॒ഹം-വിഁ॒രജാ॑ വിപാ॒പ്മാ ഭൂ॑യാസ॒ഗ്ഗ്॒ സ്വാഹാ᳚ ॥ 84 ॥
അനുവാകം 67
അ॒ഗ്നയേ॒ സ്വാഹാ᳚ । വിശ്വേ᳚ഭ്യോ ദേ॒വേഭ്യ॒-സ്സ്വാഹാ᳚ । ധ്രു॒വായ॑ ഭൂ॒മായ॒ സ്വാഹാ᳚ । ധ്രു॒വ॒ക്ഷിത॑യേ॒ സ്വാഹാ᳚ । അ॒ച്യു॒ത॒ക്ഷിത॑യേ॒ സ്വാഹാ᳚ । അ॒ഗ്നയേ᳚ സ്വിഷ്ട॒കൃതേ॒ സ്വാഹാ᳚ ॥ ധര്മാ॑യ॒ സ്വാഹാ᳚ । അധ॑ര്മായ॒ സ്വാഹാ᳚ । അ॒ദ്ഭ്യ-സ്സ്വാഹാ᳚ । ഓ॒ഷ॒ധി॒വ॒ന॒സ്പ॒തിഭ്യ॒-സ്സ്വാഹാ᳚ ॥ 85 ॥
ര॒ക്ഷോ॒ദേ॒വ॒ജ॒നേഭ്യ॒-സ്സ്വാഹാ᳚ ।
ഗൃഹ്യാ᳚ഭ്യ॒-സ്സ്വാഹാ᳚ । അ॒വ॒സാനേ᳚ഭ്യ॒-സ്സ്വാഹാ᳚ । അ॒വ॒സാന॑പതിഭ്യ॒-സ്സ്വാഹാ᳚ ।
സ॒ർവ॒ഭൂ॒തേഭ്യ॒-സ്സ്വാഹാ᳚ । കാമാ॑യ॒ സ്വാഹാ᳚ । അ॒ന്തരി॑ക്ഷായ॒ സ്വാഹാ᳚ । യദേജ॑തി॒ ജഗ॑തി॒ യച്ച॒ ചേഷ്ട॑തി॒ നാമ്നോ॑ ഭാ॒ഗോ-ഽയ-ന്നാമ്നേ॒ സ്വാഹാ᳚ ।
പൃ॒ഥി॒വ്യൈ സ്വാഹാ᳚ । അ॒ന്തരി॑ക്ഷായ॒ സ്വാഹാ᳚ ॥ 86 ॥
ദി॒വേ സ്വാഹാ᳚ । സൂര്യാ॑യ॒ സ്വാഹാ᳚ । ച॒ന്ദ്രമ॑സേ॒ സ്വാഹാ᳚ । നക്ഷ॑ത്രേഭ്യ॒-സ്സ്വാഹാ᳚ । ഇന്ദ്രാ॑യ॒ സ്വാഹാ᳚ । ബൃഹ॒സ്പത॑യേ॒ സ്വാഹാ᳚ । പ്ര॒ജാപ॑തയേ॒ സ്വാഹാ᳚ ।
ബ്രഹ്മ॑ണേ॒ സ്വാഹാ᳚ । സ്വ॒ധാ പി॒തൃഭ്യ॒-സ്സ്വാഹാ᳚ ।
നമോ॑ രു॒ദ്രായ॑ പശു॒പത॑യേ॒ സ്വാഹാ᳚ ॥ 87 ॥
ദേ॒വേഭ്യ॒-സ്സ്വാഹാ᳚ । പി॒തൃഭ്യ॑-സ്സ്വ॒ധാ-ഽസ്തു॑ । ഭൂ॒തേഭ്യോ॒ നമഃ॑ । മ॒നു॒ഷ്യേ᳚ഭ്യോ॒ ഹന്താ᳚ । പ്ര॒ജാപ॑തയേ॒ സ്വാഹാ᳚ । പ॒ര॒മേ॒ഷ്ഠിനേ॒ സ്വാഹാ᳚ ॥
യഥാ കൂ॑പ-ശ്ശ॒തധാ॑ര-സ്സ॒ഹസ്ര॑ധാരോ॒ അക്ഷി॑തഃ ।
ഏ॒വാ മേ॑ അസ്തു ധാ॒ന്യഗ്മ് സ॒ഹസ്ര॑ധാര॒-മക്ഷി॑തമ് । ധന॑ധാന്യൈ॒ സ്വാഹാ᳚ ॥
യേ ഭൂ॒താഃ പ്ര॒ചര॑ന്തി॒ ദിവാ॒നക്ത॒-മ്ബലി॑-മി॒ച്ഛന്തോ॑ വി॒തുദ॑സ്യ॒ പ്രേഷ്യാഃ᳚ । തേഭ്യോ॑ ബ॒ലി-മ്പു॑ഷ്ടി॒കാമോ॑ ഹരാമി॒ മയി॒ പുഷ്ടി॒-മ്പുഷ്ടി॑പതി-ര്ദധാതു॒ സ്വാഹാ᳚ ॥ 88 ॥
(ഓ॒ഷ॒ധി॒വ॒ന॒സ്പ॒തിഭ്യ॒-സ്സ്വാഹാ॒ - ഽന്തരി॑ക്ഷായ॒ സ്വാഹാ॒ - നമോ॑ രു॒ദ്രായ॑ പശു॒പത॑യേ॒ സ്വാഹാ॑ - വി॒തുദ॑സ്യ॒ പ്രേഷ്യാ॒ ഏക॑-ഞ്ച) (അ. 67)
അനുവാകം 68
ഓ᳚-ന്ത-ദ്ബ്ര॒ഹ്മ । ഓ᳚-ന്ത-ദ്വാ॒യുഃ । ഓ᳚-ന്തദാ॒ത്മാ । ഓ᳚-ന്ത-ഥ്സ॒ത്യമ് । ഓ᳚-ന്ത-ഥ്സർവ᳚മ് । ഓ᳚-ന്ത-ത്പുരോ॒-ര്നമഃ ।
അന്തശ്ചരതി॑ ഭൂതേ॒ഷു॒ ഗുഹായാം-വിഁ ॑ശ്വ മൂ॒ര്തിഷു ।
ത്വം-യഁജ്ഞസ്ത്വം-വഁഷട്കാരസ്ത്വ-മിദ്രസ്ത്വഗ്മ് രുദ്രസ്ത്വംവിഁഷ്ണുസ്ത്വ-മ്ബ്രഹ്മത്വ॑-മ്പ്രജാ॒പതിഃ ।
ത്വ-ന്ത॑ദാപ॒ ആപോ॒ ജ്യോതീ॒ രസോ॒-ഽമൃത॒-മ്ബ്രഹ്മ॒ ഭൂര്ഭുവ॒സ്സുവ॒രോമ് ॥ 89 ॥
അനുവാകം 69
ശ്ര॒ദ്ധായാ᳚-മ്പ്രാ॒ണേ നിവി॑ഷ്ടോ॒-ഽമൃത॑-ഞ്ജുഹോമി ।
ശ്ര॒ദ്ധായാ॑മപാ॒നേ നിവി॑ഷ്ടോ॒-ഽമൃത॑-ഞ്ജുഹോമി ।
ശ്ര॒ദ്ധായാം᳚-വ്യാഁ॒നേ നിവി॑ഷ്ടോ॒-ഽമൃത॑-ഞ്ജുഹോമി ।
ശ്ര॒ദ്ധായാ॑മുദാ॒നേ നിവി॑ഷ്ടോ॒-ഽമൃത॑-ഞ്ജുഹോമി ।
ശ്ര॒ദ്ധായാഗ്മ്॑ സമാ॒നേ നിവി॑ഷ്ടോ॒-ഽമൃത॑-ഞ്ജുഹോമി ।
ബ്രഹ്മ॑ണി മ ആ॒ത്മാ-ഽമൃ॑ത॒ത്വായ॑ ॥ അ॒മൃ॒തോ॒പ॒സ്തര॑ണമസി ॥
ശ്ര॒ദ്ധായാ᳚-മ്പ്രാ॒ണേ നിവി॑ഷ്ടോ॒-ഽമൃത॑-ഞ്ജുഹോമി ।
ശി॒വോ മാ॑ വി॒ശാപ്ര॑ദാഹായ । പ്രാ॒ണായ॒ സ്വാഹാ᳚ ।
ശ്ര॒ദ്ധായാ॑മപാ॒നേ നിവി॑ഷ്ടോ॒-ഽമൃത॑-ഞ്ജുഹോമി ।
ശി॒വോ മാ॑ വി॒ശാപ്ര॑ദാഹായ । അ॒പാ॒നായ॒ സ്വാഹാ᳚ ।
ശ്ര॒ദ്ധായാം᳚-വ്യാഁ॒നേ നിവി॑ഷ്ടോ॒-ഽമൃത॑-ഞ്ജുഹോമി । ശി॒വോ മാ॑ വി॒ശാപ്ര॑ദാഹായ । വ്യാ॒നായ॒ സ്വാഹാ᳚ ।
ശ്ര॒ദ്ധായാ॑-മുദാ॒നേ നിവി॑ഷ്ടോ॒-ഽമൃത॑-ഞ്ജുഹോമി ।
ശി॒വോ മാ॑ വി॒ശാപ്ര॑ദാഹായ । ഉ॒ദാ॒നായ॒ സ്വാഹാ᳚ ।
ശ്ര॒ദ്ധായാഗ്മ്॑ സമാ॒നേ നിവി॑ഷ്ടോ॒-ഽമൃത॑-ഞ്ജുഹോമി । ശി॒വോ മാ॑ വി॒ശാപ്ര॑ദാഹായ । സ॒മാ॒നായ॒ സ്വാഹാ᳚ ।
ബ്രഹ്മ॑ണി മ ആ॒ത്മാ-ഽമൃ॑ത॒ത്വായ॑ ॥ അ॒മൃ॒താ॒പി॒ധാ॒നമ॑സി ॥ 90 ॥
അനുവാകം 70
ശ്ര॒ദ്ധായാ᳚-മ്പ്രാ॒ണേ നിവി॑ശ്യാ॒-ഽമൃതഗ്മ്॑ ഹു॒തമ് । പ്രാ॒ണ മന്നേ॑നാപ്യായസ്വ ।
ശ്ര॒ദ്ധായാ॑മപാ॒നേ നിവി॑ശ്യാ॒-ഽമൃതഗ്മ്॑ ഹു॒തമ് । അ॒പാ॒ന മന്നേ॑നാപ്യായസ്വ ।
ശ്ര॒ദ്ധായാം᳚-വ്യാഁ॒നേ നിവി॑ശ്യാ॒-ഽമൃതഗ്മ്॑ ഹു॒തമ് । വ്യാ॒ന മന്നേ॑നാപ്യായസ്വ ।
ശ്ര॒ദ്ധായാ॑-മുദാ॒നേ നിവി॑ശ്യാ॒-ഽമൃതഗ്മ്॑ ഹു॒തമ് । ഉ॒ദാ॒ന മന്നേ॑നാപ്യായസ്വ ।
ശ്ര॒ദ്ധായാഗ്മ്॑ സമാ॒നേ നിവി॑ശ്യാ॒-ഽമൃതഗ്മ്॑ ഹു॒തമ് ।
സ॒മാന॒ മന്നേ॑നാപ്യായസ്വ ॥ 91 ॥
അനുവാകം 71
അങ്ഗുഷ്ഠമാത്രഃ പുരുഷോ-ഽങ്ഗുഷ്ഠഞ്ച॑ സമാ॒ശ്രിതഃ ।
ഈശ-സ്സർവസ്യ ജഗതഃ പ്രഭുഃ പ്രീണാതി॑ വിശ്വ॒ഭുക് ॥ 92 ॥
അനുവാകം 72
വാമ്മ॑ ആ॒സന്ന് । ന॒സോഃ പ്രാ॒ണഃ । അ॒ക്ഷ്യോ-ശ്ചക്ഷുഃ॑ । കര്ണ॑യോ॒-ശ്ശ്രോത്ര᳚മ് । ബാ॒ഹു॒വോ-ര്ബല᳚മ് । ഊ॒രു॒വോ രോജഃ॑ । അരി॑ഷ്ടാ॒ വിശ്വാ॒ന്യങ്ഗാ॑നി ത॒നൂഃ ।
ത॒നുവാ॑ മേ സ॒ഹ നമ॑സ്തേ അസ്തു॒ മാ മാ॑ ഹിഗ്മ്സീഃ ॥ 93 ॥
അനുവാകം 73
വയ॑-സ്സുപ॒ര്ണാ ഉപ॑സേദു॒രിന്ദ്ര॑-മ്പ്രി॒യ മേ॑ധാ॒ ഋഷ॑യോ॒ നാധ॑മാനാഃ । അപ॑ദ്ധ്വാ॒ന്ത മൂ᳚ര്ണു॒ഹി പൂ॒ര്ധി ചക്ഷു॑-ര്മുമു॒ഗ്ധ്യ॑സ്മാ-ന്നി॒ധയേ॑ ഽവബ॒ദ്ധാന് ॥ 94 ॥
അനുവാകം 74
പ്രാണാനാ-ങ്ഗ്രന്ഥിരസി രുദ്രോ മാ॑ വിശാ॒ന്തകഃ ।
തേനാന്നേനാ᳚-പ്യായ॒സ്വ ॥ 95 ॥
അനുവാകം 75
നമോ രുദ്രായ വിഷ്ണവേ മൃത്യു॑ര്മേ പാ॒ഹി ॥ 96 ॥
അനുവാകം 76
ത്വമ॑ഗ്നേ॒ ദ്യുഭി॒-സ്ത്വമാ॑ശു-ശു॒ക്ഷണി॒-സ്ത്വമ॒ദ്ഭ്യ-സ്ത്വമശ്മ॑ന॒സ്പരി॑ । ത്വം-വഁനേ᳚ഭ്യ॒-സ്ത്വമോഷ॑ധീഭ്യ॒-സ്ത്വ-ന്നൃ॒ണാ-ന്നൃ॑പതേ ജായസേ॒ ശുചിഃ॑ ॥ 97 ॥
അനുവാകം 77
ശി॒വേന॑ മേ॒ സന്തി॑ഷ്ഠസ്വ സ്യോ॒നേന॑ മേ॒ സന്തി॑ഷ്ഠസ്വ സുഭൂ॒തേന॑ മേ॒ സന്തി॑ഷ്ഠസ്വ ബ്രഹ്മവര്ച॒സേന॑ മേ॒ സന്തി॑ഷ്ഠസ്വ യ॒ജ്ഞസ്യര്ധി॒ മനു॒ സന്തി॑ഷ്ഠ॒ സ്വോപ॑ തേ യജ്ഞ॒ നമ॒ ഉപ॑ തേ॒ നമ॒ ഉപ॑ തേ॒ നമഃ॑ ॥ 98 ॥
അനുവാകം 78
സ॒ത്യ-മ്പര॒-മ്പരഗ്മ്॑ സ॒ത്യഗ്മ് സ॒ത്യേന॒ ന സു॑വ॒ര്ഗാ-ല്ലോ॒കാച്ച്യ॑വന്തേ
ക॒ദാച॒ന സ॒താഗ്മ് ഹി സ॒ത്യ-ന്തസ്മാ᳚-ഥ്സ॒ത്യേ ര॑മന്തേ॒, (1)
തപ॒ ഇതി॒ തപോ॒ നാനശ॑നാ॒-ത്പരം॒-യഁദ്ധി പര॒-ന്തപ॒സ്ത-ദ്ദുധ॑ര്ഷം॒
ത-ദ്ദുരാ॑ധര്ഷ॒-ന്തസ്മാ॒-ത്തപ॑സി രമന്തേ॒, (2)
ദമ॒ ഇതി॒ നിയ॑ത-മ്ബ്രഹ്മചാ॒രിണ॒-സ്തസ്മാ॒-ദ്ദമേ॑ രമന്തേ॒, (3)
ശമ॒ ഇത്യര॑ണ്യേ മു॒നയ॒-സ്തസ്മാ॒ച്ഛമേ॑ രമന്തേ, (4)
ദാ॒നമിതി॒ സർവാ॑ണി ഭൂ॒താനി॑ പ്ര॒ശഗ്മ്സ॑ന്തി ദാ॒നാന്നാതി॑ ദു॒ശ്ചര॒-ന്തസ്മാ᳚-ദ്ദാ॒നേ ര॑മന്തേ, (5)
ധ॒ര്മ ഇതി॒ ധര്മേ॑ണ॒ സർവ॑മി॒ദ-മ്പരി॑ഗൃഹീത-ന്ധ॒ര്മാന്നാതി॑-ദു॒ഷ്കരം॒
തസ്മാ᳚--ദ്ധ॒ര്മേ ര॑മന്തേ, (6)
പ്ര॒ജന॒ ഇതി॒ ഭൂയാഗ്മ്॑॑സ॒-സ്തസ്മാ॒-ദ്ഭൂയി॑ഷ്ഠാഃ॒ പ്രജാ॑യന്തേ॒ തസ്മാ॒-ദ്ഭൂയി॑ഷ്ഠാഃ പ്ര॒ജന॑നേ രമന്തേ॒, (7)
-ഽഗ്നയ॒ ഇത്യാ॑ഹ॒ തസ്മാ॑-ദ॒ഗ്നയ॒ ആധാ॑തവ്യാ അഗ്നിഹോ॒ത്ര-മിത്യാ॑ഹ॒ തസ്മാ॑-ദഗ്നിഹോ॒ത്രേ ര॑മന്തേ, (8)
യ॒ജ്ഞ ഇതി॑ യ॒ജ്ഞോ ഹി ദേ॒വാ സ്തസ്മാ᳚-ദ്യ॒ജ്ഞേ ര॑മന്തേ, (9)
മാന॒സ-മിതി॑ വി॒ദ്വാഗ്മ്സ॒-സ്തസ്മാ᳚-ദ്വി॒ദ്വാഗ്മ്സ॑ ഏ॒വ മാ॑ന॒സേ
ര॑മന്തേ, (10)
ന്യാ॒സ ഇതി॑ ബ്ര॒ഹ്മാ ബ്ര॒ഹ്മാ ഹി പരഃ॒ പരോ॑ ഹി ബ്ര॒ഹ്മാ താനി॒ വാ ഏ॒താന്യവ॑രാണി॒
പരാഗ്മ്॑സി ന്യാ॒സ ഏ॒വാത്യ॑രേചയ॒-ദ്യ ഏ॒വം-വേഁദേ᳚ത്യുപ॒നിഷത് ॥ 99 ॥
അനുവാകം 79
പ്രാ॒ജാ॒പ॒ത്യോ ഹാരു॑ണി-സ്സുപ॒ര്ണേയഃ॑ പ്ര॒ജാപ॑തി-മ്പി॒തര॒-മുപ॑സസാര॒ കി-മ്ഭ॑ഗവ॒ന്തഃ പ॑ര॒മം-വഁ ॑ദ॒ന്തീതി॒ തസ്മൈ॒ പ്രോ॑വാച, (1)
സ॒ത്യേന॑ വാ॒യുരാവാ॑തി സ॒ത്യേ-നാ॑ദി॒ത്യോ രോ॑ചതേ ദി॒വി സ॒ത്യം-വാഁ॒ചഃ പ്ര॑തി॒ഷ്ഠാ സ॒ത്യേ സ॒ർവ-മ്പ്രതി॑ഷ്ഠിത॒-ന്തസ്മാ᳚-ഥ്സ॒ത്യ-മ്പ॑ര॒മം-വഁദ॑ന്തി॒, (2)
തപ॑സാ ദേ॒വാ ദേ॒വതാ॒-മഗ്ര॑ ആയ॒-ന്തപ॒സര്ഷ॑യ॒-സ്സുവ॒രന്വ॑-വിന്ദ॒-ന്തപ॑സാ സ॒പത്നാ॒-ന്പ്രണു॑ദാ॒-മാരാ॑തീ॒ സ്തപ॑സി സ॒ർവ-മ്പ്രതി॑ഷ്ഠിത॒-ന്തസ്മാ॒-ത്തപഃ॑ പര॒മം-വഁദ॑ന്തി॒, (3)
ദമേ॑ന ദാ॒ന്താഃ കി॒ല്ബിഷ॑-മവധൂ॒ന്വന്തി॒ ദമേ॑ന ബ്രഹ്മചാ॒രിണ॒-സ്സുവ॑രഗച്ഛ॒-ന്ദമോ॑ ഭൂ॒താനാ᳚-ന്ദുരാ॒ധര്ഷ॒-ന്ദമേ॑ സ॒ർവ-മ്പ്രതി॑ഷ്ഠിത॒-ന്തസ്മാ॒-ദ്ദമഃ॑ പര॒മം-വഁദ॑ന്തി॒, (4)
ശമേ॑ന ശാ॒ന്താ-ശ്ശി॒വ-മാ॒ചര॑ന്തി॒ ശമേ॑ന നാ॒ക-മ്മു॒നയോ॒-ഽന്വവി॑ന്ദ॒ന് ഛമോ॑ ഭൂ॒താനാ᳚-ന്ദുരാ॒ധര്ഷ॒-ഞ്ഛമേ॑ സ॒ർവ-മ്പ്രതി॑ഷ്ഠിത॒-ന്തസ്മാ॒ച്ഛമഃ॑ പര॒മം-വഁദ॑ന്തി, (5)
ദാ॒നം-യഁ॒ജ്ഞാനാം॒-വഁരൂ॑ഥ॒-ന്ദക്ഷി॑ണാ ലോ॒കേ ദാ॒താരഗ്മ്॑ സർവ ഭൂ॒താന്യു॑പജീ॒വന്തി॑ ദാ॒നേനാരാ॑തീ॒-രപാ॑നുദന്ത ദാ॒നേന॑ ദ്വിഷ॒ന്തോ മി॒ത്രാ ഭ॑വന്തി ദാ॒നേ സ॒ർവ-മ്പ്രതി॑ഷ്ഠിത॒-ന്തസ്മാ᳚-ദ്ദാ॒ന-മ്പ॑ര॒മം-വഁദ॑ന്തി, (6)
ധ॒ര്മോ വിശ്വ॑സ്യ॒ ജഗ॑തഃ പ്രതി॒ഷ്ഠാ ലോ॒കേ ധ॒ര്മിഷ്ഠ॑-മ്പ്ര॒ജാ ഉ॑പസ॒ര്പന്തി॑ ധ॒ര്മേണ॑ പാ॒പ-മ॑പ॒നുദ॑തി ധ॒ര്മേ സ॒ർവ-മ്പ്രതി॑ഷ്ഠിത॒-ന്തസ്മാ᳚-ദ്ധ॒ര്മ-മ്പ॑ര॒മം-വഁദ॑ന്തി, (7)
പ്ര॒ജന॑നം॒-വൈഁ പ്ര॑തി॒ഷ്ഠാ ലോ॒കേ സാ॒ധു പ്ര॒ജായാ᳚ സ്ത॒ന്തുന്-ത॑ന്വാ॒നഃ പി॑തൃ॒ണാ
മ॑നൃ॒ണോ ഭവ॑തി॒ തദേ॑വ ത॒സ്യാ അനൃ॑ണ॒-ന്തസ്മാ᳚-ത്പ്ര॒ജന॑ന-മ്പര॒മം-വഁദ॑ന്ത്യ॒, (8)
ഗ്നയോ॒ വൈ ത്രയീ॑ വി॒ദ്യാ ദേ॑വ॒യാനഃ॒ പന്ഥാ॑ ഗാര്ഹപ॒ത്യ ഋക്-പൃ॑ഥി॒വീ ര॑ഥന്ത॒ര -മ॑ന്വാഹാ-ര്യ॒പച॑നം॒-യഁജു॑ര॒ന്തരി॑ക്ഷം-വാഁമദേ॒വ്യ മാ॑ഹവ॒നീയ॒-സ്സാമ॑സുവ॒ര്ഗോ ലോ॒കോ ബൃ॒ഹത്-തസ്മാ॑-ദ॒ഗ്നീ-ന്പ॑ര॒മം-വഁദ॑ന്ത്യ, (9)
ഗ്നിഹോ॒ത്രഗ്മ് സാ॑യ-മ്പ്രാ॒ത-ര്ഗൃ॒ഹാണാം॒-നിഷ്കൃ॑തി॒-സ്സ്വി॑ഷ്ടഗ്മ് സുഹു॒തം-യഁ ॑ജ്ഞക്രതൂ॒നാ-മ്പ്രായ॑ണഗ്മ് സുവ॒ര്ഗസ്യ॑ ലോ॒കസ്യ॒ ജ്യോതി॒-സ്തസ്മാ॑-ദഗ്നിഹോ॒ത്ര-മ്പ॑ര॒മം-വഁദ॑ന്തി, (10)
യ॒ജ്ഞ ഇതി॑ യ॒ജ്ഞേന॒ ഹി ദേ॒വാ ദിവ॑-ങ്ഗ॒താ യ॒ജ്ഞേനാസു॑രാ॒-നപാ॑നുദന്ത യ॒ജ്ഞേന॑ ദ്വിഷ॒ന്തോ മി॒ത്രാ ഭ॑വന്തി യ॒ജ്ഞേ സ॒ർവ-മ്പ്രതി॑ഷ്ഠിത॒-ന്തസ്മാ᳚-ദ്യ॒ജ്ഞ-മ്പ॑ര॒മം-വഁദ॑ന്തി, (11)
മാന॒സം-വൈഁ പ്രാ॑ജാപ॒ത്യ-മ്പ॒വിത്ര॑-മ്മാന॒സേന॒ മന॑സാ സാ॒ധു പ॑ശ്യതി മാന॒സാ ഋഷ॑യഃ പ്ര॒ജാ അ॑സൃജന്ത മാന॒സേ സ॒ർവ-മ്പ്രതി॑ഷ്ഠിത॒-ന്തസ്മാ᳚-ന്മാന॒സ-മ്പ॑ര॒മം-വഁദ॑ന്തി, (12)
ന്യാ॒സ ഇ॒ത്യാഹു॑-ര്മനീ॒ഷിണോ᳚ ബ്ര॒ഹ്മാണ॑-മ്ബ്ര॒ഹ്മാ വിശ്വഃ॑ കത॒മ-സ്സ്വ॑യ॒ഭുംഃ പ്ര॒ജാപ॑തി-സ്സംവഁഥ്സര॒ ഇതി॑, (13)
സംവഁഥ്സ॒രോ॑ ഽസാവാ॑ദി॒ത്യോ യ ഏ॒ഷ ആ॑ദി॒ത്യേ പുരു॑ഷ॒-സ്സ പ॑രമേ॒ഷ്ഠീ ബ്രഹ്മാ॒ത്മാ, (14)
യാഭി॑രാദി॒ത്യ-സ്തപ॑തി ര॒ശ്മിഭി॒സ്താഭിഃ॑ പ॒ര്ജന്യോ॑ വര്ഷതി പ॒ര്ജന്യേ॑-നൌഷധി-വനസ്പ॒തയഃ॒ പ്രജാ॑യന്ത ഓഷധി-വനസ്പ॒തിഭി॒-രന്ന॑-മ്ഭവ॒ത്യന്നേ॑ന പ്രാ॒ണാഃ പ്രാ॒ണൈ-ര്ബല॒-മ്ബലേ॑ന॒ തപ॒-സ്തപ॑സാ ശ്ര॒ദ്ധാ ശ്ര॒ദ്ധയാ॑ മേ॒ധാ മേ॒ധയാ॑ മനീ॒ഷാ മ॑നീ॒ഷയാ॒ മനോ॒ മന॑സാ॒ ശാന്തി॒-ശ്ശാന്ത്യാ॑ ചി॒ത്ത-ഞ്ചി॒ത്തേന॒ സ്മൃതി॒ഗ്ഗ്॒ സ്മൃത്യാ॒ സ്മാര॒ഗ്ഗ്॒ സ്മാരേ॑ണ വി॒ജ്ഞാനം॑-വിഁ॒ജ്ഞാനേ॑-നാ॒ത്മാനം॑-വേഁദയതി॒ തസ്മാ॑ദ॒ന്ന-ന്ദദ॒ന്-ഥ്സർവാ᳚ണ്യേ॒താനി॑ ദദാ॒-ത്യന്നാ᳚-ത്പ്രാ॒ണാ ഭ॑വന്തി ഭൂ॒താനാ᳚-മ്പ്രാ॒ണൈ-ര്മനോ॒ മന॑സശ്ച വി॒ജ്ഞാനം॑-വിഁ॒ജ്ഞാനാ॑-ദാന॒ന്ദോ ബ്ര॑ഹ്മ യോ॒നിഃ, (15)
സ വാ ഏ॒ഷ പുരു॑ഷഃ പഞ്ച॒ധാ പ॑ഞ്ചാ॒ത്മാ യേന॒ സർവ॑മി॒ദ-മ്പ്രോത॑-മ്പൃഥി॒വീ ചാ॒ന്തരി॑ക്ഷ-ഞ്ച॒ ദ്യൌശ്ച॒ ദിശ॑ശ്ചാവാന്തരദി॒ശാശ്ച॒ സ വൈ സർവ॑മി॒ദ-ഞ്ജഗ॒ഥ്സ സ॒ഭൂതഗ്മ്॑ സ ഭ॒വ്യ-ഞ്ജി॑ജ്ഞാസ ക്ലൃ॒പ്ത ഋ॑ത॒ജാ രയി॑ഷ്ഠാ ശ്ര॒ദ്ധാ സ॒ത്യോ മഹ॑സ്വാ-ന്ത॒പസോ॒ പരി॑ഷ്ഠാ॒ദ്, (വരി॑ഷ്ഠാ॒ദ്) (16)
ജ്ഞാത്വാ॑ തമേ॒വ-മ്മന॑സാ ഹൃ॒ദാ ച॒ ഭൂയോ॑ ന മൃ॒ത്യു-മുപ॑യാഹി വി॒ദ്വാന് (17)
തസ്മാ᳚-ന്ന്യാ॒സ-മേ॒ഷാ-ന്തപ॑സാ-മതിരിക്ത॒മാഹു॑ര്, (18)
വസുര॒ണ്വോ॑ വി॒ഭൂര॑സി പ്രാ॒ണേ ത്വമസി॑ സന്ധാ॒താ ബ്രഹ്മ॑-ന്ത്വമസി॑ വിശ്വ॒ധൃത്തേ॑-ജോ॒ദാസ് ത്വമ॑സ്യ॒ഗ്നി-ര॑സി വര്ചോ॒ദാ-സ്ത്വമ॑സി॒ സൂര്യ॑സ്യ ദ്യുമ്നോ॒ദാ സ്ത്വമ॑സി ച॒ന്ദ്രമ॑സ ഉപയാ॒മഗൃ॑ഹീതോ-ഽസി ബ്ര॒ഹ്മണേ᳚
ത്വാ॒ മഹസ॒, (19)
ഓമിത്യാ॒ത്മാനം॑-യുഁഞ്ജീതൈ॒തദ്വൈ മ॑ഹോപ॒നിഷ॑ദ-ന്ദേ॒വാനാ॒-ങ്ഗുഹ്യം॒-യഁ ഏ॒വം-വേഁദ॑
ബ്ര॒ഹ്മണോ॑ മഹി॒മാന॑-മാപ്നോതി॒ തസ്മാ᳚-ദ്ബ്ര॒ഹ്മണോ॑ മഹി॒മാന॑-മിത്യുപ॒നിഷത് ॥ 100 ॥
അനുവാകം 80
തസ്യൈ॒വം-വിഁ॒ദുഷോ॑ യ॒ജ്ഞസ്യാ॒ത്മാ യജ॑മാനഃ-ശ്ര॒ധ്ദാപത്നീ॒ ശരീ॑ര-മി॒ദ്ധ്മമുരോ॒ വേദി॒-ര്ലോമാ॑നി ബ॒ര॒ഃഇ-ർവേ॒ദഃ-ശിഖാ॒ ഹൃദ॑യം॒-യൂഁപഃ॒ കാമ॒ ആജ്യ॑-മ്മ॒ന്യുഃ പ॒ശു-സ്തപോ॒-ഽഗ്നി-ര്ദമ॑-ശ്ശമയി॒താ ദക്ഷി॑ണാ॒-വാഘോതാ᳚ പ്രാ॒ണ ഉ॑ദ്ഗ॒താ ചക്ഷു॑രധ്വ॒ര്യു-ര്മനോ॒ ബ്രഹ്മാ॒ ശ്രോത്ര॑മ॒ഗ്നീ-
ധ്യാവ॒ധ്ദ്രിയ॑തേ॒ സാ ദീ॒ക്ഷാ യദശ്ര്നാ॑തി॒ തധ്ദവി॒-ര്യത്പിബ॑തി॒ തദ॑സ്യ സോമപാ॒നം-യഁദ്രമ॑തേ॒ തദു॑പ॒സദോ॒ യ-ഥ്സ॒ഞ്ചര॑-ത്യുപ॒വിശ॑-ത്യു॒ത്തിഷ്ഠ॑തേ ച॒ സപ്ര॑വ॒ര്ഗ്യോ॑ യന്മുഖ॒-ന്തദാ॑ഹവ॒നീയോ॒ യാ വ്യാഹൃ॑തി-രാഹു॒തി-ര്യദ॑സ്യ വി॒ജ്ഞാന॒-ന്തജ്ജു॒ഹോതി॒ യഥ്സാ॒യ-മ്പ്രാ॒തര॑ത്തി॒ തഥ്സ॒മിധം॒-യഁത്പ്രാ॒ത-ര്മ॒ദ്ധ്യന്ദി॑നഗ്മ് സാ॒യ-ഞ്ച॒ താനി॒ സവ॑നാനി॒
യേ അ॑ഹോരാ॒ത്രേ തേ ദ॑ര്ശപൂര്ണമാ॒സൌ യേ᳚-ഽര്ധമാ॒സാശ്ച॒ മാസാ᳚ശ്ച॒ തേ ചാ॑തുര്മാ॒സ്യാനി॒ യ ഋ॒തവ॒സ്തേ പ॑ശുബ॒ന്ധാ യേ സം॑വഁഥ്സ॒രാശ്ച॑ പരിവഥ്സ॒രാശ്ച॒ തേ-ഽഹ॑ര്ഗ॒ണാ-സ്സ॑ർവ വേദ॒സം-വാഁ ഏ॒ത-ഥ്സ॒ത്രം-യഁന്മര॑ണ॒-ന്തദ॑വ॒ഭൃഥ॑
ഏ॒തദ്വൈ ജ॑രാമര്യ-മഗ്നിഹോ॒ത്രഗ്മ് സ॒ത്രം-യഁ ഏ॒വം-വിഁ॒ദ്വാ-നു॑ദ॒ഗയ॑നേ പ്ര॒മീയ॑തേ ദേ॒വാനാ॑മേ॒വ മ॑ഹി॒മാന॑-ങ്ഗ॒ത്വാ-ഽഽദി॒ത്യസ്യ॒ സായു॑ജ്യ-ങ്ഗച്ഛ॒ത്യഥ॒ യോ ദ॑ക്ഷി॒ണേ പ്ര॒മീയ॑തേ പിതൃ॒ണാ-മേ॒വ മ॑ഹി॒മാന॑-ങ്ഗ॒ത്വാ ച॒ന്ദ്രമ॑സ॒-സ്സായു॑ജ്യഗ്മ് സലോ॒കതാ॑-മാപ്നോത്യേ॒തൌ വൈ സൂ᳚ര്യാ ചന്ദ്ര॒മസൌ᳚-ര്മഹി॒മാനൌ᳚ ബ്രാഹ്മ॒ണോ വി॒ദ്വാ-ന॒ഭിജ॑യതി॒ തസ്മാ᳚-ദ്ബ്ര॒ഹ്മണോ॑ മഹി॒മാന॑മാപ്നോതി॒ തസ്മാ᳚-ദ്ബ്ര॒ഹ്മണോ॑ മഹി॒മാന॑-മിത്യുപ॒നിഷത് ॥ 101 ॥
സ॒ഹ നാ॑ വവതു । സ॒ഹ നൌ॑ ഭുനക്തു । സ॒ഹ വീ॒ര്യ॑-ങ്കരവാവഹൈ ।
തേ॒ജ॒സ്വിനാ॒ വധീ॑തമസ്തു॒ മാ വി॑ദ്വിഷാ॒വഹൈ᳚ ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ॥
॥ ഇതി മഹാനാരായണോപനിഷ-ഥ്സമാപ്താ ॥
(അമ്ഭ॒സ്യൈക॑പഞ്ചാ॒ശച്ഛ॒തം - ജാ॒തവേ॑ദസേ॒ ചതു॑ര്ദശ॒ - ഭൂരന്നം॒ - ഭൂര॒ഗ്നയേ॒ - ഭൂര॒ഗ്നയേ॒ ചൈക॑മേകം - പാഹി - പാ॒ഹി ച॒ത്വാരി॑ ചത്വാരി॒ - യശ്ഛന്ദ॑സാ॒-ന്ദ്വേ - നമോ॒ ബ്രഹ്മ॑ണേ - ഋ॒ത-ന്തപോ॒ - യഥാ॑ വൃ॒ക്ഷസ്യൈക॑ മേക - മ॒ണോരണീ॑യാ॒ഗ്॒ ശ്ചതു॑സ്ത്രിഗ്മ്ശഥ് - സഹസ്ര॒ശീ॑ഷ॒ഗ്മ്॒ ഷട്വി॑ഗ്മ്ശതി - രാദി॒ത്യോ വാ ഏ॒ഷ - ആ॑ദി॒ത്യോ വൈ തേജ॒ ഏക॑മേകം॒ - നിധ॑നപതയേ॒ ത്രയോ॑വിഗ്മ്ശതിഃ - സ॒ദ്യോജാ॒ത-ന്ത്രീണി॑ - വാമദേ॒വായൈക॑ - മ॒ഘോരേ᳚ഭ്യ॒ - സ്തത്പുരു॑ഷായ॒ ദ്വേ ദ്വേ॒ - ഈശാനോ - നമോ ഹിരണ്യബാഹവ॒ ഏക॑മേക - മൃ॒തഗ്മ് സ॒ത്യ-ന്ദ്വേ - സർവോ॒ വൈ ച॒ത്വാരി॒ - കദ്രു॒ദ്രായ॒ ത്രീണി॒ - യസ്യ॒ വൈ കങ്ക॑തീ - കൃണു॒ഷ്വ പാജോ - ഽദി॑തി॒ - രാപോ॒ വാ ഇ॒ദഗ്മ് സർവ॒ മേക॑മേക॒ - മാപഃ॑ പുനന്തു ച॒ത്വാ - ര്യഗ്നിശ്ച - സൂര്യശ്ച നവ॑ - ന॒വോമിതി॑ ച॒ത്വാ - ര്യായാ॑തു॒ പചൌ - ജോ॑-ഽസി॒ ദശോ॒ - ത്തമേ॑ ച॒ത്വാരി॒ - ഘൃണി॒സ്ത്രീണി॒ - ബ്രഹ്മ॑മേതു॒ മാം-യാഁസ്തേ᳚ ബ്രഹ്മഹ॒ത്യാ-ന്ദ്വാദ॑ശ॒ - ബ്രഹ്മ॑ മേ॒ധയാ॒-ഽദ്യാ ന॑ ഇ॒മം
ഭ്രൂ॑ഷഹ॒ത്യാം - ബ്രഹ്മ॑ മേ॒ധവാ᳚ ബ്ര॒ഹ്മാ ദേ॒വാനാ॑മി॒ദം-വീഁ ॑രഹ॒ത്യാമേകാ॒ന്ന വി॑ഗ്മ്ശതി॒ രേകാ॒ന്നവി॑ഗ്മ്ശതി--ര് മേ॒ധാ ദേ॒വീ - മേ॒ധാ-മ്മ॒ ഇന്ദ്ര॑ശ്ച॒ത്വാരി॑ ചത്വാ॒ര്യാ - മാ᳚-മ്മേ॒ധാ ദ്വേ - മയി॑ മേ॒ധാ മേക॒- മപൈ॑തു॒ - പരം॒ - ഁവാത॑-മ്പ്രാ॒ണ - മ॑മുത്ര॒ഭൂയാ॒-ദ്- ദ്ധരി॒ഗ്മ്॒ - ശല്കൈ॑ര॒ഗ്നിം - മാ ഛി॑ദോ മൃത്യോ॒ - മാ നോ॑ മ॒ഹാന്തം॒ - മാന॑സ്തോ॒കേ - പ്രജാ॑പതേ - സ്വസ്തി॒ദാ - ത്ര്യ॑മ്ബകം॒ - ഁയേ തേ॑ സ॒ഹസ്ര॒-ന്ദ്വേ ദ്വേ - മൃ॒ത്യവേ॒ സ്വാഹൈകം॑ - ദേ॒വകൃ॑ത॒സ്യൈകാ॑ദശ॒ - യദ്വോ॑ ദേവാഃ॒ - കാമോ-ഽകാര്ഷീ॒ന് - മന്യുരകാര്ഷീ॒-ദ്ദ്വേ ദ്വേ॒ - തിലാഞ്ജുഹോമി ഗാവ-ശ്ശ്രിയ-മ്പ്ര॑ജാഃ പഞ്ച॒ - തിലാഃ കൃണ്ഷാശ്ചോര॑സ്യ॒ ശ്രീഃ പ്രജ്ഞാതു ജാതവേ॑ദ-സ്സ॒പ്ത - പ്രാണ വാ-ക്ത്വക് ഛിര ഉത്തിഷ്ഠ പുരുഷ॑ പഞ്ച॒ - പൃഥിവീ ശബ്ദ മനോ വാഗ് വ്യക്താ-ഽഽത്മാ-ഽന്തരാത്മാ പരമാത്മാ മേ᳚ ക്ഷു॒ധേ-ഽന്നമയ॒ പഞ്ച॑ദശാ॒ - ഗ്നയേ॒ സ്വാഹൈക॑ചത്വാരി॒ഗ്മ്॒ശ - ര്ദോ᳚ ന്തദ്ബ്ര॒ഹ്മ നവ॑ -
ശ്ര॒ദ്ധായാ᳚-മ്പ്രാ॒ണേ നിവിഷ്ട॒ ശ്ചതു॑ർവിഗ്മ്ശതിഃ - ശ്ര॒ദ്ധായാ॒-ന്ദശാ - ങ്ഗുഷ്ഠ മാത്രഃ പുരുഷോ ദ്വേ - വാമ്മ॑ ആ॒സന്ന॒ഷ്ടൌ - വയ॑-സ്സുപ॒ര്ഷാഃ - പ്രാണാനാ-ങ്ഗ്രന്ഥിരസി ദ്വേ ദ്വേ - നമോ രുദ്രായൈകം॒ - ത്വമ॑ഗ്നേ॒ ദ്യുഭിര്॒ ദ്വേ - ശി॒വേന॑ മേ॒ സന്തി॑ഷ്ഠസ്വ - സ॒ത്യം - പ്രാ॑ജാപ॒ത്യ - സ്തസ്യൈ॒വ മേക॑ മേക॒ മശതിഃ)
(അമ്ഭ॑സ്യപാ॒രേ - സ്വ॒സ്തി നഃ॑ - പാ॒ഹി നോ॑ അഗ്ന॒ ഏക॑യാ - ഽഽദി॒ത്യോ വാ ഏ॒ഷ - ഋ॒തഗ്മ് സ॒ത്യ - മോ മിത്യാ - മാ᳚-മ്മേ॒ധാ - മാ ന॑സ്തോ॒കേ - തിലാജുഹോമി - ശ്ര॒ദ്ധായാ᳚-മ്പ്രാ॒ണേ നിവി॑ശ്യ॒ - തസ്യൈ॒വ മേകോത്ത॑രശ॒തമ്)
॥ ഹരിഃ॑ ഓമ് ॥
॥ കൃഷ്ണ യജുർവേദീയ തൈത്തിരീയ ആരണ്യകേ ദശമഃ പ്രപാഠക-സ്സമാപ്തഃ ॥
॥ ഇതി തൈത്തിരീയ യജുരാരണ്യകം സമാപ്തമ് ॥
