কৃষ্ণ যজুর্বেদীয় তৈত্তিরীয় আরণ্যকে দশমঃ প্রপাঠকঃ - মহানারাযণোপনিষত্

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

স॒হ না॑ ববতু । স॒হ নৌ॑ ভুনক্তু । স॒হ বী॒র্য়॑-ঙ্করবাবহৈ । তে॒জ॒স্বিনা॒ বধী॑তমস্তু॒ মা বি॑দ্বিষা॒বহৈ᳚ ॥
ওং শান্তি॒-শ্শান্তি॒-শ্শান্তিঃ॑ ॥

অনুবাকং 1
অম্ভ॑স্য় পা॒রে ভুব॑নস্য়॒ মদ্ধ্য়ে॒ নাক॑স্য় পৃ॒ষ্ঠে ম॑হ॒তো মহী॑য়ান্ ।
শু॒ক্রেণ॒ জ্য়োতীগ্​ম্॑ষি সমনু॒প্রবি॑ষ্টঃ প্র॒জাপ॑তিশ্চরতি॒ গর্ভে॑ অ॒ন্তঃ ॥
যস্মি॑ন্নি॒দগ্​ম্ সঞ্চ॒ বিচৈতি॒ সর্বং॒-য়ঁস্মি॑-ন্দে॒বা অধি॒ বিশ্বে॑ নিষে॒দুঃ ।
তদে॒ব ভূ॒ত-ন্তদু॒ ভব্য়॑মা ই॒দ-ন্তদ॒ক্ষরে॑ পর॒মে ব্য়ো॑মন্ন্ ॥
যেনা॑ বৃ॒ত-ঙ্খঞ্চ॒ দিব॑-ম্ম॒হীঞ্চ॒ যেনা॑দি॒ত্য়-স্তপ॑তি॒ তেজ॑সা॒ ভ্রাজ॑সা চ ।
যম॒ন্ত-স্স॑মু॒দ্রে ক॒বয়ো॒ বয়॑ন্তি॒ যদ॒ক্ষরে॑ পর॒মে প্র॒জাঃ ॥
যতঃ॑ প্রসূ॒তা জ॒গতঃ॑ প্রসূতী॒ তোয়ে॑ন জী॒বান্ ব্যচ॑সর্জ॒ (ব্যস॑সর্জ॒) ভূম্য়া᳚ম্ ।
যদোষ॑ধীভিঃ পু॒রুষা᳚-ন্প॒শূগ্​শ্চ॒ বিবে॑শ ভূ॒তানি॑ চরাচ॒রাণি॑ ॥
অতঃ॑ পর॒-ন্নান্য়॒-দণী॑যসহি॒ পরা᳚-ত্পরং॒-য়ঁ-ন্মহ॑তো ম॒হান্ত᳚ম্ ।
যদে॑ক-ম॒ব্যক্ত॒-মন॑ন্তরূপং॒-বিঁশ্ব॑-ম্পুরা॒ণ-ন্তম॑সঃ॒ পর॑স্তাত্ ॥ 1 ॥

তদে॒বর্ত-ন্তদু॑ স॒ত্যমা॑হু॒-স্তদে॒ব ব্রহ্ম॑ পর॒ম-ঙ্ক॑বী॒নাম্ ।
ই॒ষ্টা॒পূ॒র্ত-ম্ব॑হু॒ধা জা॒ত-ঞ্জায়॑মানং-বিঁ॒শ্ব-ম্বি॑ভর্তি॒ ভুব॑নস্য়॒ নাভিঃ॑ ॥
তদে॒বাগ্নি-স্তদ্বা॒য়ু-স্তথ্সূর্য়॒স্তদু॑ চ॒ন্দ্রমাঃ᳚ ।
তদে॒ব শু॒ক্রম॒মৃত॒-ন্তদ্ব্রহ্ম॒ তদাপ॒-স্স প্র॒জাপ॑তিঃ ॥
সর্বে॑ নিমে॒ষা জ॒জ্ঞিরে॑ বি॒দ্য়ুতঃ॒ পুরু॑ষা॒দধি॑ ।
ক॒লা মু॑হূ॒র্তাঃ কাষ্ঠা᳚শ্চাহো-রা॒ত্রাশ্চ॑ সর্ব॒শঃ ॥
অ॒র্ধ॒মা॒সা মাসা॑ ঋ॒তব॑-স্সং​বঁথ্স॒রশ্চ॑ কল্পন্তাম্ । স আপঃ॑ প্রদু॒ঘে উ॒ভে ই॒মে অ॒ন্তরি॑ক্ষ॒-মথো॒ সুবঃ॑ ॥
নৈন॑-মূ॒র্ধ্ব-ন্ন তি॒র্য়-ঞ্চ॒ ন মদ্ধ্য়ে॒ পরি॑জগ্রভত্ । ন তস্য়ে॑শে॒ কশ্চ॒ন তস্য়॑ নাম ম॒হদ্যশঃ॑ ॥ 2 ॥

ন স॒দৃংশে॑ তিষ্ঠতি॒ রূপ॑মস্য়॒ ন চক্ষু॑ষা পশ্যতি॒ কশ্চ॒নৈন᳚ম্ ।
হৃ॒দা ম॑নী॒ষা মন॑সা॒-ঽভি ক্লৃ॑প্তো॒ য এ॑নং-বিঁ॒দু-রমৃ॑তা॒স্তে ভ॑বন্তি ॥

অ॒দ্ভ্য়-স্সম্ভূ॑তঃ পৃথি॒ব্য়ৈ রসা᳚চ্চ । বি॒শ্বক॑র্মণ॒-স্সম॑বর্ত॒তাধি॑ ।
তস্য়॒ ত্বষ্টা॑ বি॒দধ॑দ্রূ॒পমে॑তি ॥
তত্পুরু॑ষস্য়॒ বিশ্ব॒মাজা॑ন॒মগ্রে᳚ ।
বেদা॒হমে॒ত-ম্পুরু॑ষ-ম্ম॒হান্ত᳚ম্ ।
আ॒দি॒ত্য় ব॑র্ণ॒-ন্তম॑সঃ॒ পর॑স্তাত্ ।
তমে॒বং-বিঁ॒দ্বান॒মৃত॑ ই॒হ ভ॑বতি । নান্য়ঃ পন্থা॑ বিদ্য়॒তে-ঽয়॑নায় ॥
প্র॒জাপ॑তিশ্চরতি॒ গর্ভে॑ অ॒ন্তঃ । অ॒জায়॑মানো বহু॒ধা বিজা॑যতে । তস্য়॒ ধীরাঃ॒ পরি॑জানন্তি॒ যোনি᳚ম্ । মরী॑চীনা-ম্প॒দমি॑চ্ছন্তি বে॒ধসঃ॑ ॥ যো দে॒বেভ্য়॒ আত॑পতি । যো দে॒বানা᳚-ম্পু॒রোহি॑তঃ । পূর্বো॒ যো দে॒বেভ্য়ো॑ জা॒তঃ । নমো॑ রু॒চায়॒ ব্রাহ্ম॑য়ে ॥ রুচ॑-ম্ব্রা॒হ্ম-ঞ্জ॒নয়॑ন্তঃ । দে॒বা অগ্রে॒ তদ॑ব্রুবন্ন্ ।
যস্ত্বৈ॒ব-ম্ব্রা᳚হ্ম॒ণো বি॒দ্য়াত্ । তস্য়॑ দে॒বা অস॒ন্ বশে᳚ ॥ হ্রীশ্চ॑তে ল॒ক্ষ্মীশ্চ॒ পত্ন্য়ৌ᳚ । অ॒হো॒রা॒ত্রে পা॒র্​শ্বে । নক্ষ॑ত্রাণি রূ॒পম্ ।
অ॒শ্বিনৌ॒ ব্য়াত্ত᳚ম্ । ই॒ষ্ট-ম্ম॑নিষাণ । অ॒মু-ম্ম॑নিষাণ । সর্ব॑-ম্মনিষাণ ॥

হি॒র॒ণ্য়॒গ॒র্ভ-স্সম॑বর্ত॒তাগ্রে॑ ভূ॒তস্য়॑ জা॒তঃ পতি॒রেক॑ আসীত্ ।
স দা॑ধার পৃথি॒বী-ন্দ্য়ামু॒তেমা-ঙ্কস্মৈ॑ দে॒বায়॑ হ॒বিষা॑ বিধেম ॥

যঃ প্রা॑ণ॒তো নি॑মিষ॒তো ম॑হি॒ত্বৈক॒ ইদ্রাজা॒ জগ॑তো ব॒ভূব॑ ।
য ঈশে॑ অ॒স্য় দ্বি॒পদ॒-শ্চতু॑ষ্প॒দঃ কস্মৈ॑ দে॒বায়॑ হ॒বিষা॑ বিধেম ॥

য আ᳚ত্ম॒দা ব॑ল॒দা যস্য়॒ বিশ্ব॑ উপা॒স॑তে প্র॒শিষং॒-য়ঁস্য়॑ দে॒বাঃ ।
যস্য়॑ ছা॒য়ামৃতং॒-য়ঁস্য়॑ মৃ॒ত্য়ুঃ কস্মৈ॑ দে॒বায়॑ হ॒বিষা॑ বিধেম ॥

যস্য়ে॒মে হি॒মব॑ন্তো মহি॒ত্বা যস্য়॑ সমু॒দ্রগ্​ম্ র॒সয়া॑ স॒হা-ঽঽহুঃ ।
যস্য়ে॒মাঃ প্র॒দিশো॒ যস্য়॑ বা॒হূ কস্মৈ॑ দে॒বায়॑ হ॒বিষা॑ বিধেম ॥

য-ঙ্ক্রন্দ॑সী॒ অব॑সা তস্তভা॒নে অ॒ভ্য়ৈক্ষে॑তা॒-ম্মন॑সা॒ রেজ॑মানে ।
যত্রাধি॒সূর॒ উদি॑তৌ॒ ব্য়েতি॒ কস্মৈ॑ দে॒বায়॑ হ॒বিষা॑ বিধেম ॥

যেন॒ দ্য়ৌরু॒গ্রা পৃ॑থি॒বী চ॑ দৃ॒ঢে যেন॒ সুব॑স্ স্তভি॒তং-য়েঁন॒ নাকঃ॑ ।
যো অ॒ন্তরি॑ক্ষে॒ রজ॑সো বি॒মানঃ॒ কস্মৈ॑ দে॒বায়॑ হ॒বিষা॑ বিধেম ॥

আপো॑ হ॒ যন্ম॑হ॒তী বিশ্ব॒মায়॒ন্-দক্ষ॒ন্দধা॑না জ॒নয়॑ন্তী-র॒গ্নিম্ ।
ততো॑ দে॒বানা॒-ন্নির॑বর্ত॒তাসু॒রেকঃ॒ কস্মৈ॑ দে॒বায়॑ হ॒বিষা॑ বিধেম ॥

যশ্চি॒দাপো॑ মহি॒না প॒র্যপ॑শ্য়॒-দ্দ্ক্ষ॒ন্দধা॑না জ॒নয়॑ন্তী-র॒গ্নিম্ ।
যো দে॒বেষ্বধি॑ দে॒ব যেক॒ আসী॒-ত্কস্মৈ॑ দে॒বায়॑ হ॒বিষা॑ বিধেম ॥

অ॒দ্ভ্য়-স্সম্ভূ॑তো হিরণ্যগ॒র্ভ ইত্য়॒ষ্টৌ ॥
এ॒ষ হি দে॒বঃ প্র॒দিশো-ঽনু॒ সর্বাঃ॒ পূর্বো॑ হি জা॒ত-স্স উ॒ গর্ভে॑ অ॒ন্তঃ ।
স বি॒জায়॑মান-স্সজনি॒ষ্যমা॑ণঃ প্র॒ত্য়ং-মুখা᳚ স্তিষ্ঠতি বি॒শ্বতো॑মুখঃ ॥
বি॒শ্বত॑শ্চ-ক্ষুরু॒ত বি॒শ্বতো॑ মুখো বি॒শ্বতো॑ হস্ত উ॒ত বি॒শ্বত॑স্পাত্ ।
স-ম্বা॒হুভ্য়া॒-ন্নম॑তি॒ স-ম্পত॑ত্রৈ॒-র্দ্য়াবা॑ পৃথি॒বী জ॒নয়॑-ন্দে॒ব একঃ॑ ॥
বে॒নস্ত-ত্পশ্য়॒ন্. বিশ্বা॒ ভুব॑নানি বি॒দ্বান্. যত্র॒ বিশ্ব॒-ম্ভব॒ত্য়েক॑-নীলম্ ।
যস্মি॑ন্নি॒দগ্​ম্ সঞ্চ॒ বিচৈক॒গ্​ম্॒ স ওতঃ॒ প্রোত॑শ্চ বি॒ভুঃ প্র॒জাসু॑ ॥
প্রতদ্বো॑চে অ॒মৃত॒ন্নু বি॒দ্বা-ন্গ॑ন্ধ॒র্বো নাম॒ নিহি॑ত॒-ঙ্গুহা॑সু ॥ 3 ॥

ত্রীণি॑ প॒দা নিহি॑তা॒ গুহা॑সু॒ যস্তদ্বেদ॑ সবি॒তুঃ পি॒তা-ঽস॑ত্ ॥ স নো॒ বন্ধু॑-র্জনি॒তা স বি॑ধা॒তা ধামা॑নি॒ বেদ॒ ভুব॑নানি॒ বিশ্বা᳚ । যত্র॑ দে॒বা অ॒মৃত॑মান-শা॒নাস্তৃ॒তীয়ে॒ ধামা᳚ন্য়॒-ভ্য়ৈর॑যন্ত ॥
পরি॒ দ্য়াবা॑পৃথি॒বী য॑ন্তি স॒দ্য়ঃ পরি॑ লো॒কা-ন্পরি॒ দিশঃ॒ পরি॒ সুবঃ॑ । ঋ॒তস্য়॒ তন্তুং॑-বিঁততং-বিঁ॒চৃত্য়॒ তদ॑পশ্য়॒-ত্তদ॑ভব-ত্প্র॒জাসু॑ ॥
প॒রীত্য়॑ লো॒কা-ন্প॒রীত্য়॑ ভূ॒তানি॑ প॒রীত্য়॒ সর্বাঃ᳚ প্র॒দিশো॒ দিশ॑শ্চ । প্র॒জাপ॑তিঃ প্রথম॒জা ঋ॒তস্য়া॒ত্মনা॒-ঽঽত্মান॑-ম॒ভি-সম্ব॑ভূব ॥
সদ॑স॒স্পতি॒-মদ্ভু॑ত-ম্প্রি॒যমিন্দ্র॑স্য়॒ কাম্য়᳚ম্ । সনি॑-ম্মে॒ধা ম॑য়াসিষম্ ॥
উদ্দী᳚প্যস্ব জাতবেদো ঽপ॒ঘ্নন্নিঋ॑র্তি॒-ম্মম॑ ॥ 4 ॥

প॒শূগ্​শ্চ॒ মহ্য়॒মাব॑হ॒ জীব॑নঞ্চ॒ দিশো॑ দিশ ॥
মানো॑ হিগ্​ম্সী জ্জাতবেদো॒ গামশ্ব॒-ম্পুরু॑ষ॒-ঞ্জগ॑ত্ ।
অবি॑ভ্র॒দগ্ন॒ আগ॑হি শ্রি॒য়া মা॒ পরি॑পাতয় ॥
পুরু॑ষস্য় বিদ্ম সহস্রা॒ক্ষস্য়॑ মহাদে॒বস্য়॑ ধীমহি । তন্নো॑ রুদ্রঃ প্রচো॒দয়া᳚ত্ ॥
তত্পুরু॑ষায় বি॒দ্মহে॑ মহাদে॒বায়॑ ধীমহি ।
তন্নো॑ রুদ্রঃ প্রচো॒দয়া᳚ত্ ॥
তত্পুরু॑ষায় বি॒দ্মহে॑ বক্রতু॒ণ্ডায়॑ ধীমহি ।
তন্নো॑ দন্তিঃ প্রচো॒দয়া᳚ত্ ॥
তত্পুরু॑ষায় বি॒দ্মহে॑ চক্রতু॒ণ্ডায়॑ ধীমহি ॥ 5 ॥

তন্নো॑ নন্দিঃ প্রচো॒দয়া᳚ত্ ॥
তত্পুরু॑ষায় বি॒দ্মহে॑ মহাসে॒নায়॑ ধীমহি ।
তন্ন॑-ষ্ষণ্মুখঃ প্রচো॒দয়া᳚ত্ ॥
তত্পুরু॑ষায় বি॒দ্মহে॑ সুবর্ণপ॒ক্ষায়॑ ধীমহি । তন্নো॑ গরুডঃ প্রচো॒দয়া᳚ত্ ॥
বে॒দা॒ত্ম॒নায়॑ বি॒দ্মহে॑ হিরণ্যগ॒র্ভায়॑ ধীমহি । তন্নো᳚ ব্রহ্ম প্রচো॒দয়া᳚ত্ ॥
না॒রা॒য়॒ণায়॑ বি॒দ্মহে॑ বাসুদে॒বায়॑ ধীমহি ।
তন্নো॑ বিষ্ণুঃ প্রচো॒দয়া᳚ত্ ॥
ব॒জ্র॒ন॒খায়॑ বি॒দ্মহে॑ তীক্ষ্ণ-দ॒গ্গ্॒ষ্ট্রায়॑ ধীমহি ॥ 6 ॥

তন্নো॑ নারসিগ্​ম্হঃ প্রচো॒দয়া᳚ত্ ॥
ভা॒স্ক॒রায়॑ বি॒দ্মহে॑ মহদ্দ্য়ুতিক॒রায়॑ ধীমহি ।
তন্নো॑ আদিত্য়ঃ প্রচো॒দয়া᳚ত্ ॥
বৈ॒শ্বা॒ন॒রায়॑ বি॒দ্মহে॑ লালী॒লায়॑ ধীমহি ।
তন্নো॑ অগ্নিঃ প্রচো॒দয়া᳚ত্ ॥
কা॒ত্য়া॒য়॒নায়॑ বি॒দ্মহে॑ কন্যকু॒মারি॑ ধীমহি ।
তন্নো॑ দুর্গিঃ প্রচো॒দয়া᳚ত্ ॥
স॒হ॒স্র॒পর॑মা দে॒বী॒ শ॒তমূ॑লা শ॒তাঙ্কু॑রা ।
সর্বগ্​ম্॑ হরতু॑ মে পা॒প॒-ন্দূ॒র্বা দু॑স্স্বপ্ন॒ নাশ॑নী ॥
কাণ্ডা᳚-ত্কাণ্ডা-ত্প্র॒রোহ॑ন্তী॒ পরু॑ষঃ পরুষঃ॒ পরি॑ ॥ 7 ॥

এ॒বা নো॑ দূর্বে॒ প্রত॑নু স॒হস্রে॑ণ শ॒তেন॑ চ ॥
যা শ॒তেন॑ প্রত॒নোষি॑ স॒হস্রে॑ণ বি॒রোহ॑সি ।
তস্য়া᳚স্তে দেবীষ্টকে বি॒ধেম॑ হ॒বিষা॑ ব॒যম্ ॥
অশ্ব॑ক্রা॒ন্তে র॑থক্রা॒ন্তে॒ বি॒ষ্ণুক্রা᳚ন্তে ব॒সুন্ধ॑রা ।
শিরসা॑ ধার॑য়িষ্য়া॒মি॒ র॒ক্ষ॒স্ব মা᳚-ম্পদে॒ পদে ॥
ভূমি-র্ধেনু-র্ধরণী লো॑কধা॒রিণী ।
উ॒ধৃতা॑-ঽসি ব॑রাহে॒ণ॒ কৃ॒ষ্ণে॒ন শ॑ত বা॒হুনা ॥
মৃ॒ত্তিকে॑ হন॑ মে পা॒পং॒-য়ঁ॒ন্ম॒য়া দু॑ষ্কৃত॒-ঙ্কৃতম্ । মৃ॒ত্তিকে᳚ ব্রহ্ম॑দত্তা॒-ঽসি॒ কা॒শ্যপে॑নাভি॒মন্ত্রি॑তা । মৃ॒ত্তিকে॑ দেহি॑ মে পু॒ষ্টি॒-ন্ত্ব॒য়ি স॑র্ব-ম্প্র॒তিষ্ঠি॑তম্ ॥ 8 ॥

মৃ॒ত্তিকে᳚ প্রতিষ্ঠি॑তে স॒র্ব॒-ন্ত॒ন্মে নি॑র্ণুদ॒ মৃত্তি॑কে । তয়া॑ হ॒তেন॑ পাপে॒ন॒ গ॒চ্ছা॒মি প॑রমা॒-ঙ্গতিম্ ॥ যত॑ ইন্দ্র॒ ভয়া॑মহে॒ ততো॑ নো॒ অভ॑য়-ঙ্কৃধি ।
মঘ॑বন্ ছ॒গ্ধি তব॒ তন্ন॑ ঊ॒তয়ে॒ বিদ্বিষো॒ বিমৃধো॑ জহি ॥
স্ব॒স্তি॒দা বি॒শস্পতি॑-র্বৃত্র॒হা বিমৃধো॑ ব॒শী ।
বৃষেন্দ্রঃ॑ পু॒র এ॑তু ন-স্স্বস্তি॒দা অ॑ভযঙ্ক॒রঃ ॥
স্ব॒স্তি ন॒ ইন্দ্রো॑ বৃ॒দ্ধশ্র॑বা-স্স্ব॒স্তি নঃ॑ পূ॒ষা বি॒শ্ববে॑দাঃ । স্ব॒স্তি ন॒স্তার্ক্ষ্য়ো॒ অরি॑ষ্টনেমি-স্স্ব॒স্তি নো॒ বৃহ॒স্পতি॑-র্দধাতু ॥
আপা᳚ন্ত-মন্য়ুস্তৃ॒পল॑প্রভর্মা॒ ধুনি॒-শ্শিমী॑বাং॒-ছরু॑মাগ্​ম্ ঋজী॒ষী । সোমো॒ বিশ্বা᳚ন্যত॒সা বনা॑নি॒ নার্বাগিন্দ্র॑-ম্প্রতি॒মানা॑নি দেভুঃ ॥ 9 ॥

ব্রহ্ম॑ জজ্ঞা॒ন-ম্প্র॑থ॒ম-ম্পু॒রস্তা॒-দ্বিসী॑ম॒ত-স্সু॒রুচো॑ বে॒ন আ॑বঃ । স বু॒ধ্নিয়া॑ উপ॒মা অ॑স্য় বি॒ষ্ঠা-স্স॒তশ্চ॒ যোনি॒-মস॑তশ্চ॒ বিবঃ॑ ॥
স্য়ো॒না পৃ॑থিবি॒ ভবা॑ নৃক্ষ॒রা নি॒বেশ॑নী । যচ্ছা॑ ন॒-শ্শর্ম॑ স॒প্রথাঃ᳚ ॥
গ॒ন্ধ॒দ্বা॒রা-ন্দু॑রাধ॒র্​ষা॒-ন্নি॒ত্যপু॑ষ্টা-ঙ্করী॒ষিণী᳚ম্ । ঈ॒শ্বরীগ্​ম্॑ সর্ব॑ভূতা॒না॒-ন্তামি॒হোপ॑হ্বয়ে॒ শ্রিযম্ ॥
শ্রী᳚র্মে ভ॒জতু । অলক্ষ্মী᳚র্মে ন॒শ্যতু ।
বিষ্ণু॑মুখা॒ বৈ দে॒বা-শ্ছন্দো॑-ভিরি॒মান্ ঁলো॒কা-ন॑নপজ॒য়্য়-ম॒ভ্য়॑জযন্ন্ । ম॒হাগ্​ম্ ইন্দ্রো॒ বজ্র॑বাহু-ষ্ষোড॒শী শর্ম॑ যচ্ছতু ॥ 10 ॥

স্ব॒স্তি নো॑ ম॒ঘবা॑ করোতু॒ হন্তু॑ পা॒প্মানং॒-য়োঁ᳚-ঽস্মা-ন্দ্বেষ্টি॑ ॥
সো॒মান॒গ্গ্॒ স্বর॑ণ-ঙ্কৃণু॒হি ব্র॑হ্মণস্পতে । ক॒ক্ষীব॑ন্তং॒-য়ঁ ঔ॑শি॒জম্ ।
শরী॑রং-য়ঁজ্ঞশম॒ল-ঙ্কুসী॑দ॒-ন্তস্মি᳚-ন্থ্সীদতু॒ যো᳚-ঽস্মা-ন্দ্বেষ্টি॑ ॥
চর॑ণ-ম্প॒বিত্রং॒-বিঁত॑ত-ম্পুরা॒ণং-য়েঁন॑ পূ॒ত-স্তর॑তি দুষ্কৃ॒তানি॑ ।
তেন॑ প॒বিত্রে॑ণ শু॒দ্ধেন॑ পূ॒তা অতি॑ পা॒প্মান॒-মরা॑তি-ন্তরেম ॥
স॒জোষা॑ ইন্দ্র॒ সগ॑ণো ম॒রুদ্ভি॒-স্সোম॑-ম্পিব বৃত্রহঞ্ছূর বি॒দ্বান্ ।
জ॒হি শত্রূ॒গ্​ম্॒ রপ॒ মৃধো॑ নুদ॒স্বাথাভ॑য়-ঙ্কৃণুহি বি॒শ্বতো॑ নঃ ॥
সু॒মি॒ত্রা ন॒ আপ॒ ওষ॑ধয়-স্সন্তু দুর্মি॒ত্রাস্তস্মৈ॑
ভূয়াসু॒-র্য়া᳚-ঽস্মা-ন্দ্বেষ্টি॒ যঞ্চ॑ ব॒য়-ন্দ্বি॒ষ্মঃ ॥
আপো॒ হিষ্ঠা ম॑য়ো॒ ভুব॒স্তা ন॑ ঊ॒র্জে দ॑ধাতন ॥ 11 ॥

ম॒হেরণা॑য়॒ চক্ষ॑সে । যো ব॑-শ্শি॒বত॑মো॒ রস॒-স্তস্য়॑ ভাজযতে॒ হ নঃ॑ । উ॒শ॒তী-রি॑ব মা॒তরঃ॑ । তস্মা॒ অর॑ঙ্গমামবো॒ যস্য়॒ ক্ষয়া॑য়॒ জিন্ব॑থ ।
আপো॑ জ॒নয়॑থা চ নঃ ॥ হির॑ণ্যশৃঙ্গং॒-বঁরু॑ণ॒-ম্প্রপ॑দ্য়ে তী॒র্থ-ম্মে॑ দেহি॒ যাচি॑তঃ ।
য॒ন্ময়া॑ ভু॒ক্ত-ম॒সাধূ॑না-ম্পা॒পেভ্য়॑শ্চ প্র॒তিগ্র॑হঃ ॥ যন্মে॒ মন॑সা বা॒চা॒ ক॒র্ম॒ণা বা দু॑ষ্কৃত॒-ঙ্কৃতম্ । তন্ন॒ ইন্দ্রো॒ বরু॑ণো॒ বৃহ॒স্পতি॑-স্সবি॒তা চ॑ পুনন্তু॒ পুনঃ॑ পুনঃ ॥
নমো॒-ঽগ্নয়ে᳚-ঽফ্সু॒মতে॒ নম॒ ইন্দ্রা॑য়॒ নমো॒ বরু॑ণায়॒ নমো বারুণ্য়ৈ॑ নমো॒-ঽদ্ভ্য়ঃ ॥ 12 ॥

যদ॒পা-ঙ্ক্রূ॒রং-য়ঁদ॑মে॒দ্ধ্য়ং-য়ঁদ॑শা॒ন্ত-ন্তদপ॑গচ্ছতাত্ ॥ অ॒ত্য়া॒শ॒না-দ॑তীপা॒না॒-দ্য়॒চ্চ উ॒গ্রা-ত্প্র॑তি॒গ্রহা᳚ত্ । তন্নো॒ বরু॑ণো রা॒জা॒ পা॒ণিনা᳚ হ্যব॒মর্​শ॑তু ॥ সো॑-ঽহম॑পা॒পো বি॒রজো॒ নির্মু॒ক্তো মু॑ক্তকি॒ল্বিষঃ । নাক॑স্য় পৃ॒ষ্ঠমারু॑হ্য়॒ গচ্ছে॒-দ্ব্রহ্ম॑সলো॒কতাম্ ॥ যশ্চা॒ফ্সু বরু॑ণ॒-স্স পু॒নাত্ব॑ঘমর্​ষ॒ণঃ ॥ ই॒ম-ম্মে॑ গঙ্গে যমুনে সরস্বতি॒ শুতু॑দ্রি॒ স্তোমগ্​ম্॑ সচতা॒ পরু॒ষ্ণিয়া ।
অ॒সি॒ক্নি॒য়া ম॑রুদ্বৃধে বি॒তস্ত॒য়া-ঽঽর্জী॑কীয়ে শৃণু॒হ্য়া সু॒ষোম॑য়া ॥
ঋ॒তঞ্চ॑ স॒ত্যঞ্চা॒-ভী᳚দ্ধা॒ ত্তপ॒সো-ঽদ্ধ্য়॑জাযত ।
ততো॒ রাত্রি॑-রজাযত॒ তত॑-স্সমু॒দ্রো অ॑র্ণ॒বঃ ॥ 13 ॥

স॒মু॒দ্রা-দ॑র্ণ॒বা-দধি॑ সং​বঁথ্স॒রো অ॑জাযত ।
অ॒হো॒রা॒ত্রাণি॑ বি॒দধ॒-দ্(মি॒দধ॒দ্) বিশ্ব॑স্য় মিষ॒তো ব॒শী ॥ সূ॒র্য়া॒চ॒ন্দ্র॒মসৌ॑ ধা॒তা য॑থা পূ॒র্ব ম॑কল্পযত্ । দিব॑ঞ্চ পৃথি॒বী-ঞ্চা॒ন্তরি॑ক্ষ॒ মথো॒ সুবঃ॑ ॥ য-ত্পৃ॑থি॒ব্য়াগ্​ম্ রজ॑স্স্ব॒ মান্তরি॑ক্ষে বি॒রোদ॑সী । ই॒মাগ্​ স্তদা॒পো ব॑রুণঃ পু॒নাত্ব॑ঘমর্​ষ॒ণঃ ॥ পু॒নন্তু॒ বস॑বঃ পু॒নাতু॒ বরু॑ণঃ পু॒নাত্ব॑ঘমর্​ষ॒ণঃ ।
এ॒ষ ভূ॒তস্য়॑ ম॒দ্ধ্য়ে ভুব॑নস্য় গো॒প্তা ॥
এ॒ষ পু॒ণ্যকৃ॑তাং-লোঁ॒কা॒নে॒ষ মৃ॒ত্য়োর্-হি॑র॒ণ্ময়᳚ম্ । দ্য়াবা॑পৃথি॒ব্য়োর্-হি॑র॒ণ্ময়॒গ্​ম্॒ সগ্গ্​শ্রি॑ত॒গ্​ম্॒ সুবঃ॑ ॥ 14 ॥

স ন॒-স্সুব॒-স্সগ্​ম্ শি॑শাধি ॥
আর্দ্র॒-ঞ্জ্বল॑তি॒ জ্য়োতি॑-র॒হম॑স্মি । জ্য়োতি॒-র্জ্বল॑তি॒ ব্রহ্মা॒হম॑স্মি । যো॑-ঽহম॑স্মি॒ ব্রহ্মা॒হম॑স্মি । অ॒হম॑স্মি॒ ব্রহ্মা॒হম॑স্মি । অ॒হমে॒বাহ-ম্মা-ঞ্জু॑হোমি॒ স্বাহা᳚ ॥ অ॒কা॒র্য়॒-কা॒র্য়॑ব কী॒র্ণী স্তে॒নো ভ্রূ॑ণ॒হা গু॑রুত॒ল্পগঃ । বরু॑ণো॒-ঽপাম॑ঘমর্​ষ॒ণ-স্তস্মা᳚-ত্পা॒পা-ত্প্রমু॑চ্যতে ॥
র॒জোভূমি॑স্ত্ব॒মাগ্​ম্ রোদ॑যস্ব॒ প্রব॑দন্তি॒ ধীরাঃ᳚ ॥
আক্রা᳚ন্-থ্সমু॒দ্রঃ প্র॑থ॒মে বিধ॑র্ম-ঞ্জ॒নয়॑-ন্প্র॒জা ভুব॑নস্য়॒ রাজা᳚ ।
বৃষা॑ প॒বিত্রে॒ অধি॒সানো॒ অব্য়ে॑ বৃ॒হ-থ্সোমো॑
বাবৃধে সুবা॒ন ইন্দুঃ॑ ॥ 15 ॥
(পুর॑স্তা॒--দ্যশো॒ - গুহা॑সু॒ - মম॑ - চক্রতু॒ণ্ডায়॑ ধীমহি - তীক্ষদ॒গ্গ্॒ষ্ঠ্রায়॑ ধীমহি॒ - পরি॑ - প্র॒তিষ্ঠি॑তং - দেভু--র্ যচ্ছতু - দধাতনা॒- দ্ভ্য়ো᳚ - ঽর্ণ॒বঃ - সুবো॒ - রাজৈক॑-ঞ্চ) (অ. 1)

রু॒দ্রো॒ রু॒দ্রশ্চ॒ দন্তি॒শ্চ॒ ন॒ন্দি॒-ষ্ষ॒ণ্মু॒খ॒ এ॒ব চ॑ । গ॒রু॒ডো॒ ব্র॒হ্ম॒ বি॒ষ্ণু॒শ্চ॒ না॒র॒সি॒গ্​ম্॒হ॒স্ত॒থৈ॒ব চ॑ । আ॒দি॒ত্য়ো॒-ঽগ্নি॒শ্চ॒ দু॒র্গি॒শ্চ॒ ক্র॒মে॒ণ॒ দ্বাদ॒শাম্ভ॑সি ।

ম॒ ম॒ ব॒ চ॒ ম॒ সু॒ বে॒ না॒ ব॒ ভা॒ বৈ॒ কা॒ত্য়া॒য়॒নায়॑ ।

অনুবাকং 2
জা॒তবে॑দসে সুনবাম॒ সোম॑-মরাতীয়॒তো নিদ॑হাতি॒ বেদঃ॑ । স নঃ॑ পর্​ষ॒দতি॑ দু॒র্গাণি॒ বিশ্বা॑ না॒বেব॒ সিন্ধু॑-ন্দুরি॒তা-ঽত্য়॒গ্নিঃ ॥
তাম॒গ্নিব॑র্ণা॒-ন্তপ॑সা জ্বল॒ন্তীং-বৈঁ॑রোচ॒নী-ঙ্ক॑র্মফ॒লেষু॒ জুষ্টা᳚ম্ । দু॒র্গা-ন্দে॒বীগ্​ম্ শর॑ণম॒হ-ম্প্রপ॑দ্য়ে সু॒তর॑সি তরসে॒ নমঃ॑ ॥
অগ্নে॒ ত্ব-ম্পা॑রয়া॒ নব্য়ো॑ অ॒স্মান্-থ্স্ব॒স্তি-ভি॒রতি॑ দু॒র্গাণি॒ বিশ্বা᳚ । পূশ্চ॑ পৃ॒থ্বী ব॑হু॒লা ন॑ উ॒র্বী ভবা॑ তো॒কায়॒ তন॑য়ায়॒ শং​য়োঁঃ ॥
বিশ্বা॑নি নো দু॒র্গহা॑ জাতবেদ॒-স্সিন্ধু॒-ন্ন না॒বা দু॑রি॒তা-ঽতি॑পর্​ষি । অগ্নে॑ অত্রি॒ব-ন্মন॑সা গৃণা॒নো᳚-ঽস্মাক॑-ম্বোদ্ধ্যবি॒তা ত॒নূনা᳚ম্ ॥
পৃ॒ত॒না॒জিত॒গ্​ম্॒ সহ॑মান-মু॒গ্রম॒গ্নিগ্​ম্ হু॑বেম পর॒মা-থ্স॒ধস্থা᳚ত্ । স নঃ॑ পর্​ষ॒দতি॑ দু॒র্গাণি॒ বিশ্বা॒ ক্ষাম॑দ্দে॒বো অতি॑ দুরি॒তা-ঽত্য়॒গ্নিঃ ॥
প্র॒ত্নোষি॑-ক॒মীড্য়ো॑ অদ্ধ্ব॒রেষু॑ স॒নাচ্চ॒ হোতা॒ নব্য়॑শ্চ॒ সথ্সি॑ । স্বাঞ্চা᳚গ্নে ত॒নুব॑-ম্পি॒প্রয়॑স্বা॒স্মভ্য়॑ঞ্চ॒ সৌভ॑গ॒মায়॑জস্ব ॥
গোভি॒-র্জুষ্ট॑ম॒য়ুজো॒ নিষি॑ক্ত॒-ন্তবে᳚ন্দ্র বিষ্ণো॒-রনু॒সঞ্চ॑রেম ।
নাক॑স্য় পৃ॒ষ্ঠম॒ভি সং॒​বঁসা॑নো॒ বৈষ্ণ॑বীং-লোঁ॒ক ই॒হ মা॑দযন্তাম্ ॥ 16 ॥
(দু॒রি॒তা-ঽত্য়॒গ্নিশ্চ॒ত্বারি॑ চ) (অ. 2)

অনুবাকং 3
ভূ-রন্ন॑-ম॒গ্নয়ে॑ পৃথি॒ব্য়ৈ স্বাহা॒ ,
ভুবো-ঽন্নং॑-বাঁ॒যবে॒-ঽন্তরি॑ক্ষায়॒ স্বাহা॒,
সুব॒রন্ন॑-মাদি॒ত্য়ায়॑ দি॒বে স্বাহা॒ ,
ভূর্ভুব॒স্সুব॒-রন্ন॑-ঞ্চ॒ন্দ্রম॑সে দি॒গ্ভ্য়-স্স্বাহা॒ ,
নমো॑ দে॒বেভ্য়॑-স্স্ব॒ধা পি॒তৃভ্য়ো॒ ভূর্ভুব॒স্সুব॒-রন্ন॒মোম্ ॥ 17 ॥

অনুবাকং 4
ভূর॒গ্নয়ে॑ পৃথি॒ব্য়ৈ স্বাহা॒,
ভুবো॑ বা॒যবে॒-ঽন্তরি॑ক্ষায়॒ স্বাহা॒ ,
সুব॑রাদি॒ত্য়ায়॑ দি॒বে স্বাহা॒ ,
ভূর্ভুব॒স্সুব॑-শ্চ॒ন্দ্রম॑সে দি॒গ্ভ্য়-স্স্বাহা॒,
নমো॑ দে॒বেভ্য়॑-স্স্ব॒ধা পি॒তৃভ্য়ো॒ ভূর্ভুব॒স্সুব॒-রগ্ন॒ ওম্ ॥ 18 ॥

অনুবাকং 5
ভূর॒গ্নয়ে॑ চ পৃথি॒ব্য়ৈ চ॑ মহ॒তে চ॒ স্বাহা॒ ,
ভুবো॑ বা॒যবে॑ চা॒ন্তরি॑ক্ষায় চ মহ॒তে চ॒ স্বাহা॒ ,
সুব॑রাদি॒ত্য়ায়॑ চ দি॒বে চ॑ মহ॒তে চ॒ স্বাহা॒ ,
ভূ-র্ভুব॒স্সুব॑-শ্চ॒ন্দ্রম॑সে চ॒ নক্ষ॑ত্রেভ্যশ্চ দি॒গ্ভ্যশ্চ॑ মহ॒তে চ॒ স্বাহা॒,
নমো॑ দে॒বেভ্য়॑-স্স্ব॒ধা পি॒তৃভ্য়ো॒ ভূর্ভুব॒স্সুব॒-র্মহ॒রোম্ ॥ 19 ॥

অনুবাকং 6
পাহি নো অগ্ন এন॑সে স্বা॒হা । পাহি নো বিশ্ববেদ॑সে স্বা॒হা । যজ্ঞ-ম্পাহি বিভাব॑সো স্বা॒হা । সর্ব-ম্পাহি শতক্র॑তো স্বা॒হা ॥ 20 ॥

অনুবাকং 7
পা॒হি নো॑ অগ্ন॒ এক॑য়া । পা॒হ্য়ু॑ত দ্বি॒তীয়॑য়া । পা॒হ্য়ূর্জ॑-ন্তৃ॒তীয়॑য়া ।
পা॒হি গী॒র্ভি-শ্চ॑ত॒সৃভি॑-র্বসো॒ স্বাহা᳚ ॥ 21 ॥

অনুবাকং 8
যশ্ছন্দ॑সা-মৃষ॒ভো বি॒শ্বরূ॑প॒-শ্ছন্দো᳚ভ্য়॒ শ্ছন্দাগ্॑স্য়া বি॒বেশ॑ । সচাগ্​ম্ শিক্য়ঃ পুরো বাচো॑পনি॒ষ-দিন্দ্রো᳚ জ্য়ে॒ষ্ঠ ই॑ন্দ্রি॒য়ায়॒ ঋষি॑ভ্য়ো॒
নমো॑ দে॒বেভ্য়॑-স্স্ব॒ধা পি॒তৃভ্য়ো॒ ভূর্ভুব॒স্সুব॒ শ্ছন্দ॒ ওম্ ॥ 22 ॥

অনুবাকং 9
নমো॒ ব্রহ্ম॑ণে ধা॒রণ॑-ম্মে অ॒স্ত্ব-নি॑রাকরণং-ধা॒রয়ি॑তা ভূয়াস॒-ঙ্কর্ণ॑য়ো-শ্শ্রু॒ত-ম্মাচ্য়ো᳚ঢ্ব॒-ম্মমা॒মুষ্য়॒ ওম্ ॥ 23 ॥

অনুবাকং 10
ঋ॒ত-ন্তপ॑-স্স॒ত্য়-ন্তপ॑-শ্শ্রু॒ত-ন্তপ॑-শ্শা॒ন্ত-ন্তপো॒ দম॒ স্তপ॒-শ্শম॒স্তপো॒ দান॒-ন্তপো॒ যজ্ঞ॒-ন্তপো॒ ভূর্ভুব॒স্সুব॒-র্ব্রহ্মৈ॒-তদুপা᳚স্য়ৈ॒-তত্তপঃ॑ ॥ 24 ॥

অনুবাকং 11
যথা॑ বৃ॒ক্ষস্য়॑ স॒পুংষ্পি॑তস্য় দূ॒রা-দ্গ॒ন্ধো বা᳚ত্য়ে॒ব-ম্পুণ্য়॑স্য় ক॒র্মণো॑ দূ॒রা-দ্গ॒ন্ধো বা॑তি॒ যথা॑-ঽসিধা॒রা-ঙ্ক॒র্তে-ঽব॑হিতা-মব॒ক্রামে॒ যদ্য়ুবে॒ যুবে॒ হবা॑ বি॒হ্বয়ি॑ষ্য়ামি ক॒র্ত-ম্প॑তিষ্য়া॒মীত্য়ে॒ব-ম॒মৃতা॑-দা॒ত্মান॑-ঞ্জু॒গুফ্সে᳚ত্ ॥ 25 ॥

অনুবাকং 12
অ॒ণো-রণী॑য়া-ন্মহ॒তো মহী॑য়া-না॒ত্মা গুহা॑য়া॒-ন্নিহি॑তো-ঽস্য় জ॒ন্তোঃ । তম॑ক্রতু-ম্পশ্যতি বীতশো॒কো ধা॒তুঃ প্র॒সাদা᳚-ন্মহি॒মান॑মীশম্ ॥
স॒প্ত প্রা॒ণাঃ প্র॒ভব॑ন্তি॒ তস্মা᳚-থ্স॒প্তার্চিষ॑-স্স॒মিধ॑-স্স॒প্ত জি॒হ্বাঃ । স॒প্ত ই॒মে লো॒কা যেষু॒ চর॑ন্তি প্রা॒ণা গু॒হাশ॑য়া॒-ন্নিহি॑তা-স্স॒প্ত স॑প্ত ॥
অত॑-স্সমু॒দ্রা গি॒রয়॑শ্চ॒ সর্বে॒-ঽস্মা-থ্স্যন্দ॑ন্তে॒ সিন্ধ॑ব॒-স্সর্ব॑রূপাঃ । অত॑শ্চ॒ বিশ্বা॒ ওষ॑ধয়ো॒ রসা᳚চ্চ॒ যেনৈ॑ষ ভূ॒ত-স্তি॑ষ্ঠত্যন্তরা॒ত্মা ॥
ব্র॒হ্মা দে॒বানা᳚-ম্পদ॒বীঃ ক॑বী॒না-মৃষি॒-র্বিপ্রা॑ণা-ম্মহি॒ষো মৃ॒গাণা᳚ম্ ।
শ্য়ে॒নো গৃধ্রা॑ণা॒গ্॒ স্বধি॑তি॒-র্বনা॑না॒গ্​ম্॒ সোমঃ॑ প॒বিত্র॒ মত্য়ে॑তি॒ রেভন্ন্॑ ॥
অ॒জা মেকাং॒-লোঁহি॑ত-শুক্ল-কৃ॒ষ্ণা-ম্ব॒হ্বী-ম্প্র॒জা-ঞ্জ॒নয়॑ন্তী॒গ্​ম্॒ সরূ॑পাম্ । অ॒জো হ্য়েকো॑ জু॒ষমা॑ণো-ঽনু॒শেতে॒ জহা᳚ত্য়েনা-ম্ভু॒ক্ত-ভো॑গা॒মজো᳚-ঽন্য়ঃ ॥ 26 ॥

হ॒গ্​ম্॒স-শ্শু॑চি॒ষ-দ্বসু॑-রন্তরিক্ষ॒-সদ্ধোতা॑ বেদি॒ষ-দতি॑থি-র্দুরোণ॒সত্ ।
নৃ॒ষদ্ব॑র॒-সদৃ॑ত॒-স-দ্ব্য়ো॑ম॒-সদ॒ব্জা গো॒জা ঋ॑ত॒জা অ॑দ্রি॒জা ঋ॒ত-ম্বৃ॒হত্ ॥
ঘৃ॒ত-ম্মি॑মিক্ষিরে ঘৃ॒তম॑স্য়॒ যোনি॑-র্ঘৃ॒তে শ্রি॒তো ঘৃ॒তমু॑বস্য়॒ ধাম॑ ।
অ॒নু॒ষ্ব॒ধমাব॑হ মা॒দয়॑স্ব॒ স্বাহা॑ কৃতং-বৃঁষভ বক্ষি হ॒ব্যম্ ॥
স॒মু॒দ্রা দূ॒র্মি-র্মধু॑মা॒গ্​ম্॒ উদা॑র-দুপা॒গ্​ম্॒শুনা॒ সম॑মৃত॒ত্ব মা॑নট্ ।
ঘৃ॒তস্য়॒ নাম॒ গুহ্য়ং॒-য়ঁদস্তি॑ জি॒হ্বা দে॒বানা॑-ম॒মৃত॑স্য়॒ নাভিঃ॑ ॥
ব॒য়-ন্নাম॒ প্রব্র॑বামা ঘৃ॒তেনা॒স্মিন্. য॒জ্ঞে ধা॑রয়ামা॒ নমো॑ভিঃ ।
উপ॑ ব্র॒হ্মা শৃ॑ণবচ্ছ॒স্যমা॑ন॒-ঞ্চতু॑-শ্শৃঙ্গো ঽবমী-দ্গৌ॒র এ॒তত্ ॥
চ॒ত্বারি॒ শৃঙ্গা॒ ত্রয়ো॑ অস্য়॒ পাদা॒ দ্বে শী॒র॒.ষে স॒প্ত হস্তা॑সো অ॒স্য় ।
ত্রিধা॑ ব॒দ্ধো বৃ॑ষ॒ভো রো॑রবীতি ম॒হো দে॒বো মর্ত্য়া॒গ্​ম্॒ আবি॑বেশ ॥ 27 ॥

ত্রিধা॑ হি॒ত-ম্প॒ণিভি॑-র্গু॒হ্যমা॑ন॒-ঙ্গবি॑-দে॒বাসো॑ ঘৃ॒তমন্ব॑বিন্দন্ন্ । ইন্দ্র॒ এক॒গ্​ম্॒ সূর্য়॒ এক॑-ঞ্জজান বে॒না দেকগ্গ্॑ স্ব॒ধয়া॒ নিষ্ট॑তক্ষুঃ ॥
যো দে॒বানা᳚-ম্প্রথ॒ম-ম্পু॒রস্তা॒-দ্বিশ্বা॒ধিয়ো॑ রু॒দ্রো ম॒হর্​ষিঃ॑ । হি॒র॒ণ্য়॒গ॒র্ভ-ম্প॑শ্যত॒ জায়॑মান॒গ্​ম্॒ সনো॑ দে॒ব-শ্শু॒ভয়া॒ স্মৃত্য়া॒ সং​য়ুঁ॑নক্তু ॥ যস্মা॒ত্পর॒-ন্নাপ॑র॒ মস্তি॒ কিঞ্চি॒দ্যস্মা॒-ন্নাণী॑য়ো॒ ন জ্য়ায়ো᳚-ঽস্তি॒ কশ্চি॑ত্ ।
বৃ॒ক্ষ ই॑ব স্তব্ধো দি॒বি তি॑ষ্ঠ॒-ত্য়েক॒স্তেনে॒দ-ম্পূ॒র্ণ-ম্পুরু॑ষেণ॒ সর্ব᳚ম্ ॥
ন কর্ম॑ণা ন প্র॒জয়া॒ ধনে॑ন॒ ত্য়াগে॑নৈকে অমৃত॒ত্ব-মা॑ন॒শুঃ ।
পরে॑ণ॒ নাক॒-ন্নিহি॑ত॒-ঙ্গুহা॑য়াং-বিঁ॒ভ্রাজ॑দে॒ত-দ্যত॑য়ো বি॒শন্তি॑ ॥ বে॒দা॒ন্ত॒ বি॒জ্ঞান॒-সুনি॑শ্চিতা॒র্থা-স্সন্য়া॑স যো॒গাদ্যত॑য়-শ্শুদ্ধ॒ সত্ত্বাঃ᳚ ।
তে ব্র॑হ্মলো॒কে তু॒ পরা᳚ন্তকালে॒ পরা॑মৃতা॒-ত্পরি॑মুচ্যন্তি॒ সর্বে᳚ ॥ দ॒হ্রং॒-বিঁ॒পা॒প-ম্প॒রমে᳚শ্ম ভূতং॒-য়ঁ-ত্পু॑ণ্ডরী॒ক-ম্পু॒রম॑দ্ধ্য় স॒গ্গ্॒স্থম্ । ত॒ত্রা॒পি॒ দ॒হ্র-ঙ্গ॒গনং॑-বিঁশোক॒-স্তস্মি॑ন্. যদ॒ন্তস্ত-দুপা॑সিত॒ব্যম্ ॥
যো বেদাদৌ স্ব॑রঃ প্রো॒ক্তো॒ বে॒দান্তে॑ চ
প্র॒তিষ্ঠি॑তঃ । তস্য়॑ প্র॒কৃতি॑-লীন॒স্য়॒ যঃ॒ পর॑-স্স॒ ম॒হেশ্ব॑রঃ ॥ 28 ॥
(অজো᳚-ঽন্য়॒ - আবি॑বেশ॒ - সর্বে॑ চ॒ত্বারি॑ চ) (অ. 12)

অনুবাকং 13
স॒হ॒স্র॒শীর্​ষ॑-ন্দে॒বং॒-বিঁ॒শ্বাক্ষং॑-বিঁ॒শ্ব শ॑-ম্ভুবম্ । বিশ্ব॑-ন্না॒রায়॑ণ-ন্দে॒ব॒ম॒ক্ষর॑-ম্পর॒ম-ম্প॒দম্ ॥
বি॒শ্বতঃ॒ পর॑মান্নি॒ত্য়ং॒-বিঁ॒শ্ব-ন্না॑রায়॒ণগ্​ম্ হ॑রিম্ । বিশ্ব॑মে॒বেদ-ম্পুরু॑ষ॒-স্ত-দ্বিশ্ব॒মুপ॑জীবতি ॥
পতিং॒-বিঁশ্ব॑স্য়া॒ত্মেশ্ব॑র॒গ্​ম্॒ শাশ্ব॑তগ্​ম্ শি॒বম॑চ্য়ুতম্ । না॒রায়॒ণ-ম্ম॑হাজ্ঞে॒য়ং॒-বিঁ॒শ্বাত্মা॑ন-ম্প॒রায়॑ণম্ ॥
না॒রায়॒ণ প॑রো জ্য়ো॒তি॒রা॒ত্মা না॑রয়॒ণঃ প॑রঃ ।
না॒রায়॒ণ প॑র-ম্ব্র॒হ্ম॒ ত॒ত্ত্ব-ন্না॑রায়॒ণঃ প॑রঃ । না॒রায়॒ণ প॑রো ধ্য়া॒তা॒ ধ্য়া॒ন-ন্না॑রায়॒ণঃ প॑রঃ ॥ যচ্চ॑ কি॒ঞ্চিজ্-জ॑গ-থ্স॒র্ব॒-ন্দৃ॒শ্যতে᳚ শ্রূয়॒তে-ঽপি॑ বা ॥ 29 ॥

অন্ত॑-র্ব॒হিশ্চ॑ ত-থ্স॒র্বং॒-ব্য়াঁ॒প্য় না॑রায়॒ণ-স্স্থি॑তঃ ॥
অন॑ন্ত॒ মব্য়॑য়-ঙ্ক॒বিগ্​ম্ স॑মু॒দ্রে-ঽন্তং॑-বিঁ॒শ্ব শ॑ভুং​বঁম্ । প॒দ্ম॒কো॒শ-প্র॑তীকা॒শ॒গ্​ম্॒ হৃ॒দয়॑-ঞ্চাপ্য়॒ধোমু॑খম্ ॥
অধো॑ নি॒ষ্ট্য়া বি॑তস্ত্য়া॒ন্তে॒ না॒ভ্য়ামু॑পরি॒ তিষ্ঠ॑তি ।
জ্বা॒ল॒মা॒লা কু॑ল-ম্ভা॒তী॒ বি॒শ্বস্য়া॑যত॒ন-ম্ম॑হত্ ॥
সন্ত॑তগ্​ম্ শি॒লাভি॑স্তু॒ লম্ব॑ত্য়া কোশ॒সন্নি॑ভম্ ।
তস্য়ান্তে॑ সুষি॒রগ্​ম্ সূ॒ক্ষ্ম-ন্তস্মি᳚ন্-থ্স॒র্ব-ম্প্রতি॑ষ্ঠিতম্ ॥
তস্য়॒ মদ্ধ্য়ে॑ ম॒হান॑গ্নি-র্বি॒শ্বার্চি॑-র্বি॒শ্বতো॑ মুখঃ । সো-ঽগ্র॑ভু॒গ্ বিভ॑জ-ন্তি॒ষ্ঠ॒-ন্নাহা॑র-মজ॒রঃ ক॒বিঃ । তি॒র্য়॒গূ॒র্ধ্ব ম॑ধ-শ্শা॒য়ী॒ র॒শ্ময়॑স্তস্য়॒ সন্ত॑তা ॥ স॒ন্তা॒পয়॑তি স্ব-ন্দে॒হমাপা॑দতল॒ মস্ত॑কঃ । তস্য়॒ মদ্ধ্য়ে॒ বহ্নি॑শিখা অ॒ণীয়ো᳚র্ধ্বা ব্য়॒বস্থি॑তঃ ॥
নী॒লতো॑ যদ॑ মদ্ধ্য়॒স্থা॒-দ্বি॒দ্য়ুল্লে॑খেব॒ ভাস্ব॑রা ।
নী॒বার॒ শূক॑বত্ত॒ন্বী॒ পী॒তা ভা᳚স্বত্য়॒ণূপ॑মা ॥
তস্য়া᳚-শ্শিখা॒য়া ম॑দ্ধ্য়ে প॒রমা᳚ত্মা ব্য়॒বস্থি॑তঃ ।
স ব্রহ্ম॒ স শিব॒-স্স হরি॒-স্সেন্দ্র॒-স্সো-ঽক্ষ॑রঃ পর॒ম-স্স্ব॒রাট্ ॥ 30 ॥
(অপি॑ বা॒ - সন্ত॑তা॒ ষট্ চ॑) (অ. 13)

অনুবাকং 14
আ॒দি॒ত্য়ো বা এ॒ষ এ॒ত-ন্ম॒ণ্ডল॒-ন্তপ॑তি॒ তত্র॒ তা ঋচ॒স্তদৃ॒চা ম॑ণ্ডল॒গ্​ম্॒ স ঋ॒চাং-লোঁ॒কো-ঽথ॒য় এ॒ষ এ॒তস্মি॑-ন্ম॒ণ্ডলে॒-ঽর্চি-র্দী॒প্যতে॒ তানি॒ সামা॑নি॒ স সা॒ম্নাং-লোঁ॒কো-ঽথ॒ য এ॒ষ এ॒তস্মি॑-ন্ম॒ণ্ডলে॒-ঽর্চিষি॒ পুরু॑ষ॒স্তানি॒ যজূগ্​ম্॑ষি॒ স যজু॑ষা মণ্ডল॒গ্​ম্॒ স যজু॑ষাং-লোঁ॒ক-স্সৈষা ত্র॒য়্য়েব॑ বি॒দ্য়া ত॑পতি॒ য এ॒ষো᳚-ঽন্ত-রা॑দি॒ত্য়ে হি॑র॒ণ্ময়ঃ॒ পুরু॑ষঃ ॥ 31 ॥

অনুবাকং 15
আ॒দি॒ত্য়ো বৈ তেজ॒ ওজো॒ বলং॒-য়ঁশ॒-শ্চক্ষু॒-শ্শ্রোত্র॑মা॒ত্মা মনো॑ ম॒ন্য়ু-র্মনু॑-র্মৃ॒ত্য়ু-স্স॒ত্য়ো মি॒ত্রো বা॒য়ুরা॑কা॒শঃ প্রা॒ণো লো॑কপা॒লঃ কঃ কি-ঙ্ক-ন্ত-থ্স॒ত্যমন্ন॑-ম॒মৃতা॑ জী॒বো বিশ্বঃ॑ কত॒ম-স্স্ব॑য়॒ভু-ম্ব্রহ্মৈ॒ তদমৃ॑ত এ॒ষ পুরু॑ষ এ॒ষ ভূ॒তানা॒-মধি॑পতি॒-র্ব্রহ্ম॑ণ॒-স্সায়ু॑জ্য়গ্​ম্ সলো॒কতা॑-মাপ্নো-ত্য়ে॒তাসা॑মে॒ব দে॒বতা॑না॒গ্​ম্॒ সায়ু॑জ্য়গ্​ম্ সা॒র্​ষ্টিতাগ্​ম্॑ সমান লো॒কতা॑-মাপ্নোতি॒ য এ॒বং-বেঁদে᳚ত্য়ুপ॒নিষত্ ॥ 32 ॥

অনুবাকং 16
নিধ॑নপতয়ে॒ নমঃ । নিধ॑নপতান্তিকায়॒ নমঃ ।
ঊর্ধ্বায়॒ নমঃ । ঊর্ধ্বলিঙ্গায়॒ নমঃ ।
হিরণ্য়ায়॒ নমঃ । হিরণ্যলিঙ্গায়॒ নমঃ ।
সুবর্ণায়॒ নমঃ । সুবর্ণলিঙ্গায়॒ নমঃ ।
দিব্য়ায়॒ নমঃ । দিব্যলিঙ্গায়॒ নমঃ ॥ 33 ॥

ভবায়॒ নমঃ । ভবলিঙ্গায়॒ নমঃ ।
শর্বায়॒ নমঃ । শর্বলিঙ্গায়॒ নমঃ ।
শিবায়॒ নমঃ । শিবলিঙ্গায়॒ নমঃ ।
জ্বলায়॒ নমঃ । জ্বললিঙ্গায়॒ নমঃ ।
আত্মায়॒ নমঃ । আত্মলিঙ্গায়॒ নমঃ ।
পরমায়॒ নমঃ । পরমলিঙ্গায়॒ নমঃ ।
এতথ্সোমস্য়॑ সূর্য়॒স্য়॒ সর্বলিঙ্গগ্গ্॑ স্থাপ॒য়॒তি॒ পাণিমন্ত্র॑-ম্পবি॒ত্রম্ ॥ 34 ॥

অনুবাকং 17
স॒দ্য়োজা॒ত-ম্প্র॑পদ্য়া॒মি॒ স॒দ্য়োজা॒তায়॒ বৈ নমো॒ নমঃ॑ । ভ॒বে ভ॑বে॒ নাতি॑ভবে ভবস্ব॒ মাম্ । ভ॒বোদ্ভ॑বায়॒ নমঃ॑ ॥ 35 ॥

অনুবাকং 18
বা॒ম॒দে॒বায়॒ নমো᳚ জ্য়ে॒ষ্ঠায়॒ নম॑-শ্শ্রে॒ষ্ঠায়॒ নমো॑ রু॒দ্রায়॒ নমঃ॒ কালা॑য়॒
নমঃ॒ কল॑বিকরণায়॒ নমো॒ বল॑বিকরণায়॒ নমো॒ বলা॑য়॒ নমো॒ বল॑প্রমথনায়॒ নম॒-স্সর্ব॑ভূতদমনায়॒ নমো॑ ম॒নোন্ম॑নায়॒ নমঃ॑ ॥ 36 ॥

অনুবাকং 19
অ॒ঘোরে᳚ভ্য়ো-ঽথ॒ ঘোরে᳚ভ্য়ো॒ ঘোর॒ঘোর॑তরেভ্য়ঃ ।
সর্বে᳚ভ্য়-স্সর্ব॒ শর্বে᳚ভ্য়ো॒ নম॑স্তে অস্তু রু॒দ্ররূ॑পেভ্য়ঃ ॥ 37 ॥

অনুবাকং 20
তত্পুরু॑ষায় বি॒দ্মহে॑ মহাদে॒বায়॑ ধীমহি ।
তন্নো॑ রুদ্রঃ প্রচো॒দয়া᳚ত্ ॥ 38 ॥

অনুবাকং 21
ঈশান-স্সর্ব॑বিদ্য়া॒না॒- মীশ্বর-স্সর্ব॑ভূতা॒না॒-ম্ব্রহ্মাধি॑পতি॒-র্ব্রহ্ম॒ণো-ঽধি॑পতি॒-র্ব্রহ্মা॑ শি॒বো মে॑ অস্তু সদাশি॒বোম্ ॥ 39 ॥

অনুবাকং 22
নমো হিরণ্যবাহবে হিরণ্যবর্ণায় হিরণ্যরূপায় হিরণ্যপতয়ে ঽবিঙ্কাপতয় উমাপতয়ে পশুপতয়ে॑ নমো॒ নমঃ ॥ 40 ॥

অনুবাকং 23
ঋ॒তগ্​ম্ স॒ত্য়-ম্প॑র-ম্ব্র॒হ্ম॒ পু॒রুষ॑-ঙ্কৃষ্ণ॒পিঙ্গ॑লম্ । ঊ॒র্ধ্বরে॑তং-বিঁ॑রূপা॒ক্ষং॒-বিঁ॒শ্বরূ॑পায়॒ বৈ নমো॒ নমঃ॑ ॥ 41 ॥

অনুবাকং 24
সর্বো॒ বৈ রু॒দ্রস্তস্মৈ॑ রু॒দ্রায়॒ নমো॑ অস্তু ।
পুরু॑ষো॒ বৈ রু॒দ্র-স্সন্ম॒হো নমো॒ নমঃ॑ ।
বিশ্ব॑-ম্ভূ॒ত-ম্ভুব॑ন-ঞ্চি॒ত্র-ম্ব॑হু॒ধা জা॒ত-ঞ্জায়॑মান-ঞ্চ॒ যত্ । সর্বো॒ হ্য়ে॑ষ রু॒দ্রস্তস্মৈ॑ রু॒দ্রায়॒ নমো॑ অস্তু ॥ 42 ॥

অনুবাকং 25
কদ্রু॒দ্রায়॒ প্রচে॑তসে মী॒ঢুষ্ট॑মায়॒ তব্য়॑সে । বো॒চেম॒ শন্ত॑মগ্​ম্ হৃ॒দে ॥ সর্বো॒হ্য়ে॑ষ রু॒দ্রস্তস্মৈ॑ রু॒দ্রায়॒ নমো॑ অস্তু ॥ 43 ॥

অনুবাকং 26
যস্য়॒ বৈ ক॑ঙ্কত্যগ্নি-হোত্র॒হব॑ণী ভবতি॒ প্রত্য়ে॒বা-স্য়াহু॑তয়-স্তিষ্ঠ॒ন্ত্যথো॒ প্রতি॑ষ্ঠিত্য়ৈ ॥ 44 ॥

অনুবাকং 27
(ঠিস্ এক্ষ্পন্সিওন্ ইস্ অপ্পেঅরিন্গ্ ই-ন্তৈ. সং. 1.2.14.1 fও-র্কৃ॒ণু॒ষ্ব পাজ॒ ইতি॒ পঞ্চ॑ । )

কৃ॒ণু॒ষ্ব পাজঃ॒ প্রসি॑তি॒ন্ন পৃ॒থ্বীং-য়াঁ॒হি রাজে॒ বা॑মবা॒গ্​ম্॒ ইভে॑ন । তৃ॒ষ্বীমনু॒ প্রসি॑তি-ন্দ্রূণা॒নো-ঽস্তা॑-ঽসি॒ বিদ্ধ্য়॑ র॒ক্ষ স॒স্তপি॑ষ্ঠৈঃ ॥ 1 ॥

তব॑ ভ্র॒মাস॑ আশু॒য়া প॑ত॒ন্ত্যনু॑ স্পৃশ ধৃষ॒তা শোশু॑চানঃ । তপূগ্॑ষ্যগ্নে জু॒হ্বা॑ পত॒গান্ন স॑ন্দিতো॒ বিসৃ॑জ॒ বিষ্ব॑ গু॒ল্কাঃ ॥ 2 ॥

প্রতি॒স্পশো॒ বিসৃ॑জ॒ তূর্ণি॑ তমো॒ ভবা॑ পা॒য়ু-র্বি॒শো অ॒স্য়া অদ॑ব্ধঃ । যো নো॑ দূ॒রে অ॒ঘশগ্​ম্॑সো॒ যো অন্ত্য়॑গ্নে॒ মাকি॑ষ্টে॒ ব্যথি॒রা
দ॑ধর্​ষীত্ ॥ 3 ॥

উদ॑গ্নে তিষ্ঠ॒ প্রত্য়া ত॑নুষ্ব॒ন্য়॑ মিত্রাগ্​ম্॑ ওষতা-ত্তিগ্মহেতে । যো নো॒ অরা॑তিগ্​ম্ সমিধান চ॒ক্রে নী॒চাত-ন্ধ॑ক্ষ্যত॒ সন্ন শুষ্ক᳚ম্ ॥ 4 ॥

ঊ॒র্ধ্বো ভ॑ব॒ প্রতি॑বিদ্॒ধ্য়া-ধ্য়॒স্মদা॒ বিষ্কৃ॑ণুষ্ব॒ দৈব্য়া᳚ন্যগ্নে । অব॑স্থি॒রা ত॑নুহি যাতু॒ জূনা᳚-ঞ্জা॒মিমজা॑মি॒-ম্প্রমৃ॑ণীহি॒ শত্রূন্॑ ॥ 5 ॥
কৃ॒ণু॒ষ্ব পাজ॒ ইতি॒ পঞ্চ॑ ॥ 45 ॥

অনুবাকং 28
অদি॑তি-র্দে॒বা গ॑ন্ধ॒র্বা ম॑নু॒ষ্য়াঃ᳚ পি॒তরো-ঽসু॑রা॒-স্তেষাগ্​ম্॑ সর্ব ভূ॒তানা᳚-ম্মা॒তা মে॒দিনী॑ মহ॒তা ম॒হী সা॑বি॒ত্রী গা॑য়॒ত্রী জগ॑ত্য়ু॒র্বী পৃ॒থ্বী ব॑হু॒লা বিশ্বা॑ ভূ॒তা ক॑ত॒মা কায়া সা স॒ত্য়ে-ত্য়॒মৃতেতি॑ বসি॒ষ্ঠঃ ॥ 46 ॥

অনুবাকং 29
আপো॒ বা ই॒দগ্​ম্ সর্বং॒-বিঁশ্বা॑ ভূ॒তান্য়াপঃ॑ প্রা॒ণা বা আপঃ॑ প॒শব॒ আপো-ঽন্ন॒মাপো -ঽমৃ॑ত॒মাপ॑-স্স॒ম্রাডাপো॑ বি॒রাডাপ॑-স্স্ব॒রাডাপ॒-শ্ছন্দা॒গ্॒স্য়াপো॒ জ্য়োতী॒গ্॒ষ্য়াপো॒ যজূ॒গ্॒ষ্য়াপ॑-স্স॒ত্যমাপ॒-স্সর্বা॑ দে॒বতা॒ আপো॒ ভূর্ভুব॒স্সুব॒রাপ॒ ওম্ ॥ 47 ॥

অনুবাকং 30
আপঃ॑ পুনন্তু পৃথি॒বী-ম্পৃ॑থি॒বী পূ॒তা পু॑নাতু॒ মাম্ ।
পু॒নন্তু॒ ব্রহ্ম॑ণ॒স্পতি॒-র্ব্রহ্ম॑ পূ॒তা পু॑নাতু॒
মাম্ ॥

যদুচ্ছি॑ষ্ট॒-মভো᳚জ্য়ং॒-য়ঁদ্বা॑ দু॒শ্চরি॑ত॒-ম্মম॑ । সর্ব॑-ম্পুনন্তু॒ মামাপো॑-ঽস॒তাঞ্চ॑ প্রতি॒গ্রহ॒গ্গ্॒ স্বাহা᳚ ॥ 48 ॥

অনুবাকং 31
অগ্নিশ্চ মা মন্য়ুশ্চ মন্য়ুপতযশ্চ মন্য়ু॑কৃতে॒ভ্য়ঃ ।
পাপেভ্য়ো॑ রক্ষ॒ন্তাম্ । যদহ্না পাপ॑মকা॒র্॒ষম্ ।
মনসা বাচা॑ হস্তা॒ভ্য়াম্ । পদ্ভ্য়া-মুদরে॑ণ শি॒শ্না ।
অহ॒স্তদ॑বলু॒পন্তু । যত্কিঞ্চ॑ দুরি॒ত-ম্ময়ি॑ ।
ইদমহ-মামমৃ॑ত যো॒নৌ ।
সত্য়ে জ্য়োতিষি জুহো॑মি স্বা॒হা ॥ 49 ॥

অনুবাকং 32
সূর্যশ্চ মা মন্য়ুশ্চ মন্য়ুপতযশ্চ মন্য়ু॑কৃতে॒ভ্য়ঃ । পাপেভ্য়ো॑ রক্ষ॒ন্তাম্ । যদ্রাত্রিয়া পাপ॑মকা॒র্॒ষম্ ।
মনসা বাচা॑ হস্তা॒ভ্য়াম্ । পদ্ভ্য়া-মুদরে॑ণ শি॒শ্না ।
রাত্রি॒-স্তদ॑বলু॒পন্তু । যত্কিঞ্চ॑ দুরি॒ত-ম্ময়ি॑ ।
ইদমহ-মামমৃ॑ত যো॒নৌ । সূর্য়ে জ্য়োতিষি জুহো॑মি স্বা॒হা ॥ 50 ॥

অনুবাকং 33
ওমিত্য়েকাক্ষ॑র-ম্ব্র॒হ্ম । অগ্নির্দেবতা ব্রহ্ম॑ ইত্য়া॒র্​ষম্ । গাযত্র-ঞ্ছন্দ-ম্পরমাত্মং॑ সরূ॒পম্ । সায়ুজ্য়ং-বিঁ॑নিয়ো॒গম্ ॥ 51 ॥

অনুবাকং 34
আয়া॑তু॒ বর॑দা দে॒বী॒ অ॒ক্ষর॑-ম্ব্রহ্ম॒ সম্মি॑তম্ ।
গা॒য়॒ত্রী᳚-ঞ্ছন্দ॑সা-ম্মা॒তেদ-ম্ব্র॑হ্ম জু॒ষস্ব॑ মে ।
যদহ্না᳚-ত্কুরু॑তে পা॒প॒-ন্তদহ্না᳚-ত্প্রতি॒মুচ্য়॑তে ।
য-দ্রাত্রিয়া᳚-ত্কুরু॑তে পা॒প॒-ন্ত-দ্রাত্রিয়া᳚-ত্প্রতি॒মুচ্য়॑তে ।
সর্ব॑ ব॒র্ণে ম॑হাদে॒বি॒ স॒ন্ধ্য়া বি॑দ্য়ে স॒রস্ব॑তি ॥ 52 ॥

অনুবাকং 35
ওজো॑-ঽসি॒ সহো॑-ঽসি॒ বল॑মসি॒ ভ্রাজো॑-ঽসি দে॒বানা॒-ন্ধাম॒নামা॑॑-ঽসি॒ বিশ্ব॑মসি বি॒শ্বায়ু॒-স্সর্ব॑মসি স॒র্বায়ু-রভিভূরোং-গাযত্রী-মাবা॑হয়া॒মি॒
সাবিত্রী-মাবা॑হয়া॒মি॒ সরস্বতী-মাবা॑হয়া॒মি॒ ছন্দর্​ষী-নাবা॑হয়া॒মি॒ শ্রিয়-মাবা॑হয়া॒মি॒ গাযত্রিয়া গাযত্রী ছন্দো বিশ্বামিত্র ঋষি-স্সবিতা দেবতা-ঽগ্নির্মুখ-ম্ব্রহ্মা শিরো বিষ্ণুর্​হৃদয়গ্​ম্ রুদ্রঃ
শিখা পৃথিবীয়োনিঃ প্রাণাপান-ব্য়ানোদান-সমানা সপ্রাণা শ্বেতবর্ণা সাঙ্খ্য়াযন-সগোত্রা গাযত্রী চতুর্বিগ্​ম্শত্যক্ষরা ত্রিপদা॑ ষট্কু॒ক্ষিঃ॒ পঞ্চ শীর্​ষোপনযনে বি॑নিয়ো॒গ॒,
ও-ম্ভূঃ । ও-ম্ভুবঃ । ওগ্​ম্ সুবঃ । ও-ম্মহঃ । ও-ঞ্জনঃ ।
ও-ন্তপঃ । ওগ্​ম্ স॒ত্যম্ । ও-ন্ত-থ্স॑বি॒তুর্বরে᳚ণ্য়॒-ম্ভর্গো॑ দে॒বস্য়॑ ধীমহি ।
ধিয়ো॒ যো নঃ॑ প্রচো॒দয়া᳚ত্ ।
ওমাপো॒ জ্য়োতী॒ রসো॒-ঽমৃত॒-ম্ব্রহ্ম॒ ভূর্ভুব॒স্সুব॒রোম্ ॥ 53 ॥

অনুবাকং 36
উ॒ত্তমে॑ শিখ॑রে জা॒তে॒ ভূ॒ম্য়া-ম্প॑র্বত॒ মূর্ধ॑নি ।
ব্রা॒হ্মণে᳚ভ্য়ো-ঽভ্য়॑নুজ্ঞা॒তা॒ গ॒চ্ছ দে॑বি য॒থাসু॑খম্ ॥ স্তুতো ময়া বরদা বে॑দমা॒তা॒ প্রচোদযন্তী পবনে᳚ দ্বিজা॒তা । আয়ুঃ পৃথিব্য়াং-দ্রবিণ-ম্ব্র॑হ্মব॒র্চ॒স॒-ম্মহ্য়-ন্দত্বা প্রজাতুং
ব্র॑হ্মলো॒কম্ ॥ 54 ॥

অনুবাকং 37
ঘৃণি॒-স্সূর্য়॑ আদি॒ত্য়ো ন প্রভা॑-বা॒ত্যক্ষ॑রম্ । মধু॑ক্ষরন্তি॒ ত-দ্র॑সম্ । স॒ত্য়ং-বৈঁ ত-দ্রস॒-মাপো॒ জ্য়োতী॒রসো॒-ঽমৃত॒-ম্ব্রহ্ম॒
ভূর্ভুব॒স্সুব॒রোম্ ॥ 55 ॥

অনুবাকং 38
ব্রহ্ম॑ মেতু॒ মাম্ । মধু॑ মেতু॒ মাম্ । ব্রহ্ম॑-মে॒ব মধু॑ মেতু॒ মাম্ ॥ যাস্তে॑ সোম প্র॒জাব॒থ্সো-ঽভি॒সো অ॒হম্ । দুস্ষ্ব॑প্ন॒হ-ন্দু॑রুষ্বহ ।
যাস্তে॑ সোম প্রা॒ণাগ্​স্তা-ঞ্জু॑হোমি ॥
ত্রিসু॑পর্ণ॒ ময়া॑চিত-ম্ব্রাহ্ম॒ণায়॑ দদ্য়াত্ । ব্র॒হ্ম॒হ॒ত্য়াং-বাঁ এ॒তে ঘ্ন॑ন্তি ।
যে ব্রা᳚হ্ম॒ণা-স্ত্রিসু॑পর্ণ॒-ম্পঠ॑ন্তি । তে সোম॒-ম্প্রাপ্নু॑বন্তি । আ॒স॒হ॒স্রা-ত্প॒ক্তি-ম্পুন॑ন্তি । ওম্ ॥ 56 ॥

অনুবাকং 39
ব্রহ্ম॑ মে॒ধয়া᳚ । মধু॑ মে॒ধয়া᳚ । ব্রহ্ম॑মে॒ব মধু॑ মে॒ধয়া᳚ ॥ অ॒দ্য়া নো॑ দেব সবিতঃ প্র॒জাব॑থ্সাবী॒-স্সৌভ॑গম্ । পরা॑ দু॒স্ষ্বপ্নি॑য়গ্​ম্ সুব । বিশ্বা॑নি দেব সবিত-র্দুরি॒তানি॒ পরা॑সুব । য-দ্ভ॒দ্র-ন্তন্ম॒ আসু॑ব ॥ মধু॒বাতা॑ ঋতায়॒তে মধু॑ক্ষরন্তি॒ সিন্ধ॑বঃ । মাদ্ধ্বী᳚র্ন-স্স॒ন্ত্বোষ॑ধীঃ । মধু॒নক্ত॑ মু॒তোষসি॒ মধু॑ম॒-ত্পার্থি॑ব॒গ্​ম্॒ রজঃ॑ । মধু॒দ্য়ৌর॑স্তু নঃ পি॒তা । মধু॑মান্নো॒ বন॒স্পতি॒-র্মধু॑মাগ্​ম্ অস্তু॒ সূর্য়ঃ॑ ।
মাদ্ধ্বী॒ র্গাবো॑ ভবন্তু নঃ ॥
য ই॒ম-ন্ত্রিসু॑পর্ণ॒-ময়া॑চিত-ম্ব্রাহ্ম॒ণায়॑ দদ্য়াত্ ।
ভ্রূ॒ণ॒হ॒ত্য়াং-বাঁ এ॒তে ঘ্ন॑ন্তি । যে ব্রা᳚হ্ম॒ণা-স্ত্রিসু॑পর্ণ॒-ম্পঠ॑ন্তি । তে সোম॒-ম্প্রাপ্নু॑বন্তি । আ॒স॒হ॒স্রা-ত্প॒ক্তি-ম্পুন॑ন্তি । ওম্ ॥ 57 ॥

অনুবাকং 40
ব্রহ্ম॑ মে॒ধবা᳚ । মধু॑ মে॒ধবা᳚ । ব্রহ্ম॑মে॒ব মধু॑ মে॒ধবা᳚ ॥ ব্র॒হ্মা দে॒বানা᳚-ম্পদ॒বীঃ ক॑বী॒না-মৃষি॒-র্বিপ্রা॑ণা-ম্মহি॒ষো মৃ॒গাণা᳚ম্ ।
শ্য়ে॒নো গৃদ্ধ্রা॑ণা॒গ্॒ স্বধি॑তি॒-র্বনা॑না॒গ্​ম্॒ সোমঃ॑ প॒বিত্র॒-মত্য়ে॑তি॒ রেভন্ন্॑ ॥
হ॒গ্​ম্॒স-শ্শু॑চি॒ষ-দ্বসু॑রন্তরিক্ষ॒ সদ্ধোতা॑- বেদি॒ষ-দতি॑থি-র্দুরোণ॒সত্ ।
নৃ॒ষদ্ব॑র॒-সদৃ॑ত॒-স-দ্ব্য়ো॑ম॒-সদ॒ব্জা- গো॒জা ঋ॑ত॒জা অ॑দ্রি॒জা ঋ॒ত-ম্বৃ॒হত্ ॥ ঋ॒চেত্বা॑ রু॒চেত্বা॒ সমি-থ্স্র॑বন্তি স॒রিতো॒ ন ধেনাঃ᳚ ।
অ॒ন্তর্-হৃ॒দা মন॑সা পূ॒যমা॑নাঃ ।
ঘৃ॒তস্য়॒ ধারা॑ অ॒ভিচা॑কশীমি ।
হি॒র॒ণ্যয়ো॑ বেত॒সো মদ্ধ্য়॑ আসাম্ ।
তস্মি᳚ন্-থ্সুপ॒র্ণো ম॑ধু॒কৃ-ত্কু॑লা॒য়ী ভজ॑ন্নাস্তে॒ মধু॑ দে॒বতা᳚ভ্য়ঃ ।
তস্য়া॑ সতে॒ হর॑য়-স্স॒প্ততীরে᳚ স্ব॒ধা-ন্দুহা॑না অ॒মৃত॑স্য়॒ ধারা᳚ম্ । য ই॒দ-ন্ত্রিসু॑পর্ণ॒-ময়া॑চিত-ম্ব্রাহ্ম॒ণায়॑ দদ্য়াত্ । বী॒র॒হ॒ত্য়াং-বাঁ এ॒তে ঘ্ন॑ন্তি । যে ব্রা᳚হ্ম॒ণা-স্ত্রিসু॑পর্ণ॒-ম্পঠ॑ন্তি ।
তে সোম॒-ম্প্রাপ্নু॑বন্তি । আ॒স॒হ॒স্রা-ত্প॒ঙ্ক্তি-ম্পুন॑ন্তি । ওম্ ॥ 58 ॥

অনুবাকং 41
মে॒ধাদে॒বী জু॒ষমা॑ণা ন॒ আগা᳚-দ্বি॒শ্বাচী॑ ভ॒দ্রা সু॑মন॒স্য় মা॑না । ত্বয়া॒ জুষ্টা॑ নু॒দমা॑না দু॒রুক্তা᳚-ন্বৃ॒হদ্ব॑দেম বি॒দথে॑ সু॒বীরাঃ᳚ ॥
ত্বয়া॒ জুষ্ট॑ ঋ॒ষি-র্ভ॑বতি দেবি॒ ত্বয়া॒ ব্রহ্মা॑-ঽঽগ॒তশ্রী॑ রু॒ত ত্বয়া᳚ । ত্বয়া॒ জুষ্ট॑শ্চি॒ত্রং-বিঁ॑ন্দতে বসু॒ সা নো॑ জুষস্ব॒ দ্রবি॑ণো নমেধে ॥ 59 ॥

অনুবাকং 42
মে॒ধা-ম্ম॒ ইন্দ্রো॑ দদাতু মে॒ধা-ন্দে॒বী সর॑স্বতী ।
মে॒ধা-ম্মে॑ অ॒শ্বিনা॑-বু॒ভাবাধ॑ত্তা॒-ম্পুষ্ক॑রস্রজা ॥ অ॒ফ্স॒রাসু॑ চ॒ যা মে॒ধা গ॑ন্ধ॒র্বেষু॑ চ॒ যন্মনঃ॑ ।
দৈবী᳚-ম্মে॒ধা সর॑স্বতী॒ সা মা᳚-ম্মে॒ধা সু॒রভি॑-র্জুষতা॒গ্॒ স্বাহা᳚ ॥ 60 ॥

অনুবাকং 43
আমা᳚-ম্মে॒ধা সু॒রভি॑-র্বি॒শ্বরূ॑পা॒ হির॑ণ্যবর্ণা॒ জগ॑তী জগ॒ম্য়া । ঊর্জ॑স্বতী॒ পয়॑সা॒ পিন্ব॑মানা॒ সা মা᳚-ম্মে॒ধা সু॒প্রতী॑কা জুষন্তাম্ ॥ 61 ॥

অনুবাকং 44
ময়ি॑ মে॒ধা-ম্ময়ি॑ প্র॒জা-ম্ময়্য়॒গ্নিস্তেজো॑ দধাতু॒ ময়ি॑ মে॒ধা-ম্ময়ি॑ প্র॒জা-ম্ময়ীন্দ্র॑ ইন্দ্রি॒য়-ন্দ॑ধাতু॒ ময়ি॑ মে॒ধা-ম্ময়ি॑ প্র॒জা-ম্ময়ি॒ সূর্য়ো॒ ভ্রাজো॑ দধাতু ॥ 62 ॥

অনুবাকং 45
অপৈ॑তু মৃ॒ত্য়ু-র॒মৃত॑ন্ন॒ আগ॑ন্ বৈবস্ব॒তো নো॒ অভ॑যঙ্কৃণোতু । প॒র্ণং-বঁন॒স্পতে॑ রিবা॒ভিন॑-শ্শীযতাগ্​ম্ র॒য়ি-স্সচ॑তান্ন॒-শ্শচী॒পতিঃ॑ ॥ 63 ॥

অনুবাকং 46
পর॑-ম্মৃত্য়ো॒ অনু॒ পরে॑হি॒ পন্থাং॒-য়ঁস্তে॒স্ব ইত॑রো দেব॒য়ানা᳚ত্ । চক্ষু॑ষ্মতে শৃণ্ব॒তে তে᳚ ব্রবীমি॒ মানঃ॑ প্র॒জাগ্​ম্ রী॑রিষো॒ মোত বী॒রান্ ॥ 64 ॥

অনুবাকং 47
বাত॑-ম্প্রা॒ণ-ম্মন॑সা॒ ন্বার॑ভামহে প্র॒জাপ॑তিং॒-য়োঁ ভুব॑নস্য় গো॒পাঃ । সনো॑ মৃ॒ত্য়ো স্ত্রা॑যতা॒-ম্পাত্বগ্​ম্হ॑সো॒ জ্য়োগ্ জী॒বা জ॒রাম॑শীমহি ॥ 65 ॥
অনুবাকং 48
অ॒মু॒ত্র॒ ভূয়া॒দধ॒ যদ্য়॒মস্য়॒ বৃহ॑স্পতে অ॒ভিশ॑স্তে॒র মু॑ঞ্চঃ । প্রত্য়ৌ॑হতা ম॒শ্বিনা॑ মৃ॒ত্য়ু ম॑স্মা-দ্দে॒বানা॑মগ্নে ভি॒ষজা॒ শচী॑ভিঃ ॥ 66 ॥

অনুবাকং 49
হরি॒গ্​ম্॒ হর॑ন্ত॒- মনু॑যন্তি দে॒বা বিশ্ব॒স্য়েশা॑নং-বৃঁষ॒ভ-ম্ম॑তী॒নাম্ । ব্রহ্ম॒ সরূ॑প॒-মনু॑মে॒দমা॑গা॒-দয়॑ন॒-ম্মা বিব॑ধী॒-র্বিক্র॑মস্ব ॥ 67 ॥

অনুবাকং 50
শল্কৈ॑র॒গ্নি-মি॑ন্ধা॒ন উ॒ভৌ লো॒কৌ স॑নেম॒হম্ ।
উ॒ভয়ো᳚ র্লো॒কয়া॑র্-ঋ॒ধ্দ্বা-ঽতি॑ মৃ॒ত্য়ু-ন্ত॑রাম্য়॒হম্ ॥ 68 ॥

অনুবাকং 51
মা ছি॑দো মৃত্য়ো॒ মা ব॑ধী॒র্মা মে॒ বলং॒-বিঁবৃ॑হো॒ মা প্রমো॑ষীঃ । প্র॒জা-ম্মা মে॑ রীরিষ॒ আয়ু॑রুগ্র নৃ॒চক্ষ॑স-ন্ত্বা হ॒বিষা॑ বিধেম ॥ 69 ॥

অনুবাকং 52
মা নো॑ ম॒হান্ত॑মু॒ত মা নো॑ অর্ভ॒ক-ম্মা ন॒ উক্ষ॑ন্তমু॒ত মা ন॑ উক্ষি॒তম্ ।
মা নো॑ বধীঃ পি॒তর॒-ম্মোত মা॒তর॑-ম্প্রি॒য়া মা ন॑স্ত॒নুবো॑ রুদ্র রীরিষঃ ॥ 70 ॥

অনুবাকং 53
মা ন॑স্তো॒কে তন॑য়ে॒ মা ন॒ আয়ু॑ষি॒ মা নো॒ গোষু॒ মা নো॒ অশ্বে॑ষু রীরিষঃ । বী॒রান্মা নো॑ রুদ্র ভামি॒তোব॑ধীর্-হ॒বিষ্ম॑ন্তো॒ নম॑সা বিধেম তে ॥ 71 ॥

অনুবাকং 54
প্রজা॑পতে॒ ন ত্বদে॒তা-ন্য়॒ন্য়ো বিশ্বা॑ জা॒তানি॒ পরি॒তা ব॑ভূব । য-ত্কা॑মাস্তে জুহু॒মস্তন্নো॑ অস্তু ব॒যগ্গ্​ স্য়া॑ম॒ পত॑য়ো রয়ী॒ণাম্ ॥ 72 ॥

অনুবাকং 55
স্ব॒স্তি॒দা বি॒শস্পতি॑-র্বৃত্র॒হা বিমৃধো॑ ব॒শী ।
বৃষেন্দ্রঃ॑ পু॒র এ॑তু নস্স্বস্তি॒দা অ॑ভয়-ঙ্ক॒রঃ ॥ 73 ॥

অনুবাকং 56
ত্র্য়॑ম্বকং-য়ঁজামহে সুগ॒ন্ধি-ম্পু॑ষ্টি॒বর্ধ॑নম্ । উ॒র্বা॒রু॒কমি॑ব॒ বন্ধ॑না-ন্মৃ॒ত্য়ো-র্মু॑ক্ষীয়॒ মা-ঽমৃতা᳚ত্ ॥ 74 ॥

অনুবাকং 57
যে তে॑ স॒হস্র॑ম॒য়ুত॒-ম্পাশা॒ মৃত্য়ো॒ মর্ত্য়া॑য়॒ হন্ত॑বে । তান্. য॒জ্ঞস্য়॑ মা॒যয়া॒ সর্বা॒নব॑ যজামহে ॥ 75 ॥

অনুবাকং 58
মৃ॒ত্যবে॒ স্বাহা॑ মৃ॒ত্যবে॒ স্বাহা᳚ ॥ 76 ॥

অনুবাকং 59
দে॒বকৃ॑ত॒স্য়ৈন॑সো-ঽব॒যজ॑নমসি॒ স্বাহা᳚ ।
ম॒নু॒ষ্য়॑কৃত॒স্য়ৈন॑সো ঽব॒যজ॑নমসি॒ স্বাহা᳚ ।
পি॒তৃকৃ॑ত॒স্য়ৈন॑সো ঽব॒যজ॑নমসি॒ স্বাহা᳚ ।
আ॒ত্মকৃ॑ত॒স্য়ৈন॑সো ঽব॒যজ॑নমসি॒ স্বাহা᳚ ।
অ॒ন্যকৃ॑ত॒স্য়ৈন॑সো ঽব॒যজ॑নমসি॒ স্বাহা᳚ ।
অ॒স্মত্কৃ॑ত॒স্য়ৈন॑সো ঽব॒যজ॑নমসি॒ স্বাহা᳚ ।
যদ্দি॒বা চ॒ নক্ত॒-ঞ্চৈন॑শ্চকৃ॒ম তস্য়া॑ ব॒যজ॑নমসি॒ স্বাহা᳚ ।
য-থ্স্ব॒পন্ত॑শ্চ॒ জাগ্র॑ত॒-শ্চৈন॑শ্চ-কৃ॒ম তস্য়া॑ ব॒যজ॑নমসি॒ স্বাহা᳚ ।
য-থ্সু॒ষুপ্ত॑শ্চ॒ জাগ্র॑ত॒-শ্চৈন॑শ্চ-কৃ॒ম তস্য়া॑ ব॒যজ॑নমসি॒ স্বাহা᳚ ।
য-দ্বি॒দ্বাগ্​ম্স॒শ্চা বি॑দ্বাগ্​ম্স॒শ্চৈন॑শ্চ-কৃ॒ম তস্য়া॑ ব॒যজ॑নমসি॒ স্বাহা᳚ ।
এনস এনসো বযজনম॑সি স্বা॒হা ॥ 77 ॥

অনুবাকং 60
যদ্বো॑ দেবাশ্চকৃ॒ম জি॒হ্বয়া॑ গু॒রুমন॑সো বা॒ প্রয়ু॑তী দেব॒ হেড॑নম্ ।
অরা॑বা॒য়ো নো॑ অ॒ভিদু॑চ্ছুনা॒যতে॒ তস্মি॒-ন্তদেনো॑ বসবো॒ নিধে॑তন॒ স্বাহা᳚ ॥ 78 ॥

অনুবাকং 61
কামো-ঽকার্​ষী᳚-ন্নমো॒ নমঃ ।
কামো-ঽকার্​ষী-ত্কামঃ করোতি নাহ-ঙ্করোমি
কামঃ কর্তা নাহ-ঙ্কর্তা কামঃ॑ কার॒য়িতা নাহ॑-ঙ্কার॒য়িতা এষ তে কাম কামা॑য় স্বা॒হা ॥ 79 ॥

অনুবাকং 62
মন্য়ুরকার্​ষী᳚-ন্নমো॒ নমঃ ।
মন্য়ুরকার্​ষী-ন্মন্য়ুঃ করোতি নাহ-ঙ্করোমি মন্য়ুঃ কর্তা নাহ-ঙ্কর্তা মন্য়ুঃ॑ কার॒য়িতা নাহ॑-ঙ্কার॒য়িতা এষ তে মন্য়ো মন্য়॑বে স্বা॒হা ॥ 80 ॥

অনুবাকং 63
তিলাঞ্জুহোমি সরসাগ্​ম্ সপিষ্টা-ন্গন্ধার মম চিত্তে রম॑ন্তু স্বা॒হা ॥ গাবো হিরণ্য়-ন্ধনমন্নপানগ্​ম্ সর্বেষাগ্​ শ্রি॑য়ৈ স্বা॒হা ॥ শ্রিযঞ্চ লক্ষ্মিঞ্চ পুষ্টিঞ্চ কীর্তি॑-ঞ্চা নৃ॒ণ্যতাম্ ।
ব্রহ্মণ্য়-ম্ব॑হুপু॒ত্রতাম্ । শ্রদ্ধামেধে প্রজা-স্সন্দদা॑তু স্বা॒হা ॥ 81 ॥

অনুবাকং 64
তিলাঃ কৃষ্ণা-স্তি॑লা-শ্শ্বে॒তা॒-স্তিলা-স্সৌম্য়া ব॑শানু॒গাঃ ।
তিলাঃ পুনন্তু॑ মে পা॒পং॒-য়ঁত্কিঞ্চি-দ্দুরিত-ম্ম॑য়ি স্বা॒হা ॥ চোর॒স্য়ান্ন-ন্ন॑বশ্রা॒দ্ধ॒-ম্ব্র॒হ্ম॒হা গু॑রুত॒ল্পগঃ । গোস্তেয়গ্​ম্ স॑রাপা॒ন॒-ম্ভ্রূণহত্য়া তিলা শান্তিগ্​ম্ শময়॑ন্তু স্বা॒হা ॥
শ্রীশ্চ লক্ষ্মীশ্চ পুষ্টীশ্চ কীর্তি॑-ঞ্চা নৃ॒ণ্যতাম্ ।
ব্রহ্মণ্য়-ম্ব॑হুপু॒ত্রতাম্ ।
শ্রদ্ধামেধে প্রজ্ঞাতু জাতবেদ-স্সন্দদা॑তু স্বা॒হা ॥ 82 ॥

অনুবাকং 65
প্রাণাপান-ব্য়ানোদান-সমানা মে॑ শুদ্ধ্য়॒ন্তাং॒
জ্য়োতি॑ র॒হং-বিঁ॒রজা॑ বিপা॒প্মা ভূ॑য়াস॒গ্গ্॒ স্বাহা᳚ ॥
বাং-মন-শ্চক্ষুঃ-শ্রোত্র-জিহ্বা-ঘ্রাণ-রেতো-বুদ্ধ্য়াকূতি-স্সঙ্কল্পা মে॑ শুদ্ধ্য়॒ন্তা॒-ঞ্জ্য়োতি॑ র॒হং-বিঁ॒রজা॑ বিপা॒প্মা ভূ॑য়াস॒গ্গ্॒ স্বাহা᳚ ॥
ত্বক্-চর্ম-মাগ্​ম্স-রুধির-মেদো-মজ্জা-স্নাযবো-ঽস্থীনি
মে॑ শুদ্ধ্য়॒ন্তা॒-ঞ্জ্য়োতি॑ র॒হং-বিঁ॒রজা॑ বিপা॒প্মা ভূ॑য়াস॒গ্গ্॒ স্বাহা᳚ ॥
শিরঃ পাণি পাদ পার্​শ্ব পৃষ্ঠো-রূদর-জঙ্ঘ-শিশ্র্নোপস্থ পাযবো মে॑ শুদ্ধ্য়॒ন্তা॒-ঞ্জ্য়োতি॑ র॒হং-বিঁ॒রজা॑ বিপা॒প্মা ভূ॑য়াস॒গ্গ্॒ স্বাহা᳚ ॥
উত্তিষ্ঠ পুরুষ হরিত-পিঙ্গল লোহিতাক্ষি দেহি দেহি দদাপয়িতা মে॑ শুদ্ধ্য়॒ন্তা॒-ঞ্জ্য়োতি॑ র॒হং-বিঁ॒রজা॑ বিপা॒প্মা ভূ॑য়াস॒গ্গ্॒ স্বাহা᳚ ॥ 83 ॥

অনুবাকং 66
পৃথিব্য়াপ স্তেজো বায়ু-রাকাশা মে॑ শুদ্ধ্য়॒ন্তাং॒
জ্য়োতি॑ র॒হং-বিঁ॒রজা॑ বিপা॒প্মা ভূ॑য়াস॒গ্গ্॒ স্বাহা᳚ ॥
শব্দ-স্পর্​শ-রূপরস-গন্ধা মে॑ শুদ্ধ্য়॒ন্তাং॒
জ্য়োতি॑ র॒হং-বিঁ॒রজা॑ বিপা॒প্মা ভূ॑য়াস॒গ্গ্॒ স্বাহা᳚ ॥
মনো-বাক্-কায়-কর্মাণি মে॑ শুদ্ধ্য়॒ন্তাং॒
জ্য়োতি॑ র॒হং-বিঁ॒রজা॑ বিপা॒প্মা ভূ॑য়াস॒গ্গ্॒ স্বাহা᳚ ॥
অব্যক্তভাবৈ-র॑হঙ্কা॒র॒-র্জ্য়োতি॑ র॒হং-বিঁ॒রজা॑ বিপা॒প্মা ভূ॑য়াস॒গ্গ্॒ স্বাহা᳚ ॥
আত্মা মে॑ শুদ্ধ্য়॒ন্তা॒-ঞ্জ্য়োতি॑ র॒হং-বিঁ॒রজা॑ বিপা॒প্মা ভূ॑য়াস॒গ্গ্॒ স্বাহা᳚ ॥
অন্তরাত্মা মে॑ শুদ্ধ্য়॒ন্তা॒-ঞ্জ্য়োতি॑ র॒হং-বিঁ॒রজা॑ বিপা॒প্মা ভূ॑য়াস॒গ্গ্॒ স্বাহা᳚ ॥
পরমাত্মা মে॑ শুদ্ধ্য়॒ন্তা॒-ঞ্জ্য়োতি॑ র॒হং-বিঁ॒রজা॑ বিপা॒প্মা ভূ॑য়াস॒গ্গ্॒ স্বাহা᳚ ॥
ক্ষু॒ধে স্বাহা᳚ ॥ ক্ষুত্পি॑পাসায়॒ স্বাহা᳚ ॥
বিবি॑ট্য়ৈ॒ স্বাহা᳚ ॥ ঋগ্বি॑ধানায়॒ স্বাহা᳚ ॥ ক॒ষো᳚ত্কায়॒ স্বাহা᳚ ॥
ক্ষু॒ত্পি॒পা॒সাম॑ল-ঞ্জ্য়ে॒ষ্ঠা॒ম॒ল॒ক্ষ্মী-র্না॑শয়া॒ম্যহম্ ।
অভূ॑তি॒-মস॑মৃদ্ধি॒ঞ্চ॒ সর্বাং (সর্বা) নির্ণুদ মে পাপ্মা॑নগ্গ্​ স্বা॒হা ॥
অন্নময়-প্রাণময়-মনোময়-বিজ্ঞানময়-মানন্দময়-মাত্মা মে॑ শুদ্ধ্য়॒ন্তা॒-ঞ্জ্য়োতি॑ র॒হং-বিঁ॒রজা॑ বিপা॒প্মা ভূ॑য়াস॒গ্গ্॒ স্বাহা᳚ ॥ 84 ॥

অনুবাকং 67
অ॒গ্নয়ে॒ স্বাহা᳚ । বিশ্বে᳚ভ্য়ো দে॒বেভ্য়॒-স্স্বাহা᳚ । ধ্রু॒বায়॑ ভূ॒মায়॒ স্বাহা᳚ । ধ্রু॒ব॒ক্ষিত॑য়ে॒ স্বাহা᳚ । অ॒চ্য়ু॒ত॒ক্ষিত॑য়ে॒ স্বাহা᳚ । অ॒গ্নয়ে᳚ স্বিষ্ট॒কৃতে॒ স্বাহা᳚ ॥ ধর্মা॑য়॒ স্বাহা᳚ । অধ॑র্মায়॒ স্বাহা᳚ । অ॒দ্ভ্য়-স্স্বাহা᳚ । ও॒ষ॒ধি॒ব॒ন॒স্প॒তিভ্য়॒-স্স্বাহা᳚ ॥ 85 ॥

র॒ক্ষো॒দে॒ব॒জ॒নেভ্য়॒-স্স্বাহা᳚ ।
গৃহ্য়া᳚ভ্য়॒-স্স্বাহা᳚ । অ॒ব॒সানে᳚ভ্য়॒-স্স্বাহা᳚ । অ॒ব॒সান॑পতিভ্য়॒-স্স্বাহা᳚ ।
স॒র্ব॒ভূ॒তেভ্য়॒-স্স্বাহা᳚ । কামা॑য়॒ স্বাহা᳚ । অ॒ন্তরি॑ক্ষায়॒ স্বাহা᳚ । যদেজ॑তি॒ জগ॑তি॒ যচ্চ॒ চেষ্ট॑তি॒ নাম্নো॑ ভা॒গো-ঽয়-ন্নাম্নে॒ স্বাহা᳚ ।
পৃ॒থি॒ব্য়ৈ স্বাহা᳚ । অ॒ন্তরি॑ক্ষায়॒ স্বাহা᳚ ॥ 86 ॥

দি॒বে স্বাহা᳚ । সূর্য়া॑য়॒ স্বাহা᳚ । চ॒ন্দ্রম॑সে॒ স্বাহা᳚ । নক্ষ॑ত্রেভ্য়॒-স্স্বাহা᳚ । ইন্দ্রা॑য়॒ স্বাহা᳚ । বৃহ॒স্পত॑য়ে॒ স্বাহা᳚ । প্র॒জাপ॑তয়ে॒ স্বাহা᳚ ।
ব্রহ্ম॑ণে॒ স্বাহা᳚ । স্ব॒ধা পি॒তৃভ্য়॒-স্স্বাহা᳚ ।
নমো॑ রু॒দ্রায়॑ পশু॒পত॑য়ে॒ স্বাহা᳚ ॥ 87 ॥

দে॒বেভ্য়॒-স্স্বাহা᳚ । পি॒তৃভ্য়॑-স্স্ব॒ধা-ঽস্তু॑ । ভূ॒তেভ্য়ো॒ নমঃ॑ । ম॒নু॒ষ্য়ে᳚ভ্য়ো॒ হন্তা᳚ । প্র॒জাপ॑তয়ে॒ স্বাহা᳚ । প॒র॒মে॒ষ্ঠিনে॒ স্বাহা᳚ ॥
যথা কূ॑প-শ্শ॒তধা॑র-স্স॒হস্র॑ধারো॒ অক্ষি॑তঃ ।
এ॒বা মে॑ অস্তু ধা॒ন্য়গ্​ম্ স॒হস্র॑ধার॒-মক্ষি॑তম্ । ধন॑ধান্য়ৈ॒ স্বাহা᳚ ॥
যে ভূ॒তাঃ প্র॒চর॑ন্তি॒ দিবা॒নক্ত॒-ম্বলি॑-মি॒চ্ছন্তো॑ বি॒তুদ॑স্য়॒ প্রেষ্য়াঃ᳚ । তেভ্য়ো॑ ব॒লি-ম্পু॑ষ্টি॒কামো॑ হরামি॒ ময়ি॒ পুষ্টি॒-ম্পুষ্টি॑পতি-র্দধাতু॒ স্বাহা᳚ ॥ 88 ॥
(ও॒ষ॒ধি॒ব॒ন॒স্প॒তিভ্য়॒-স্স্বাহা॒ - ঽন্তরি॑ক্ষায়॒ স্বাহা॒ - নমো॑ রু॒দ্রায়॑ পশু॒পত॑য়ে॒ স্বাহা॑ - বি॒তুদ॑স্য়॒ প্রেষ্য়া॒ এক॑-ঞ্চ) (অ. 67)

অনুবাকং 68
ও᳚-ন্ত-দ্ব্র॒হ্ম । ও᳚-ন্ত-দ্বা॒য়ুঃ । ও᳚-ন্তদা॒ত্মা । ও᳚-ন্ত-থ্স॒ত্যম্ । ও᳚-ন্ত-থ্সর্ব᳚ম্ । ও᳚-ন্ত-ত্পুরো॒-র্নমঃ ।
অন্তশ্চরতি॑ ভূতে॒ষু॒ গুহায়াং-বিঁ॑শ্ব মূ॒র্তিষু ।
ত্বং-য়ঁজ্ঞস্ত্বং-বঁষট্কারস্ত্ব-মিদ্রস্ত্বগ্​ম্ রুদ্রস্ত্বং​বিঁষ্ণুস্ত্ব-ম্ব্রহ্মত্ব॑-ম্প্রজা॒পতিঃ ।
ত্ব-ন্ত॑দাপ॒ আপো॒ জ্য়োতী॒ রসো॒-ঽমৃত॒-ম্ব্রহ্ম॒ ভূর্ভুব॒স্সুব॒রোম্ ॥ 89 ॥

অনুবাকং 69
শ্র॒দ্ধায়া᳚-ম্প্রা॒ণে নিবি॑ষ্টো॒-ঽমৃত॑-ঞ্জুহোমি ।
শ্র॒দ্ধায়া॑মপা॒নে নিবি॑ষ্টো॒-ঽমৃত॑-ঞ্জুহোমি ।
শ্র॒দ্ধায়াং᳚-ব্য়াঁ॒নে নিবি॑ষ্টো॒-ঽমৃত॑-ঞ্জুহোমি ।
শ্র॒দ্ধায়া॑মুদা॒নে নিবি॑ষ্টো॒-ঽমৃত॑-ঞ্জুহোমি ।
শ্র॒দ্ধায়াগ্​ম্॑ সমা॒নে নিবি॑ষ্টো॒-ঽমৃত॑-ঞ্জুহোমি ।
ব্রহ্ম॑ণি ম আ॒ত্মা-ঽমৃ॑ত॒ত্বায়॑ ॥ অ॒মৃ॒তো॒প॒স্তর॑ণমসি ॥
শ্র॒দ্ধায়া᳚-ম্প্রা॒ণে নিবি॑ষ্টো॒-ঽমৃত॑-ঞ্জুহোমি ।
শি॒বো মা॑ বি॒শাপ্র॑দাহায় । প্রা॒ণায়॒ স্বাহা᳚ ।
শ্র॒দ্ধায়া॑মপা॒নে নিবি॑ষ্টো॒-ঽমৃত॑-ঞ্জুহোমি ।
শি॒বো মা॑ বি॒শাপ্র॑দাহায় । অ॒পা॒নায়॒ স্বাহা᳚ ।
শ্র॒দ্ধায়াং᳚-ব্য়াঁ॒নে নিবি॑ষ্টো॒-ঽমৃত॑-ঞ্জুহোমি । শি॒বো মা॑ বি॒শাপ্র॑দাহায় । ব্য়া॒নায়॒ স্বাহা᳚ ।
শ্র॒দ্ধায়া॑-মুদা॒নে নিবি॑ষ্টো॒-ঽমৃত॑-ঞ্জুহোমি ।
শি॒বো মা॑ বি॒শাপ্র॑দাহায় । উ॒দা॒নায়॒ স্বাহা᳚ ।
শ্র॒দ্ধায়াগ্​ম্॑ সমা॒নে নিবি॑ষ্টো॒-ঽমৃত॑-ঞ্জুহোমি । শি॒বো মা॑ বি॒শাপ্র॑দাহায় । স॒মা॒নায়॒ স্বাহা᳚ ।
ব্রহ্ম॑ণি ম আ॒ত্মা-ঽমৃ॑ত॒ত্বায়॑ ॥ অ॒মৃ॒তা॒পি॒ধা॒নম॑সি ॥ 90 ॥

অনুবাকং 70
শ্র॒দ্ধায়া᳚-ম্প্রা॒ণে নিবি॑শ্য়া॒-ঽমৃতগ্​ম্॑ হু॒তম্ । প্রা॒ণ মন্নে॑নাপ্য়াযস্ব ।
শ্র॒দ্ধায়া॑মপা॒নে নিবি॑শ্য়া॒-ঽমৃতগ্​ম্॑ হু॒তম্ । অ॒পা॒ন মন্নে॑নাপ্য়াযস্ব ।
শ্র॒দ্ধায়াং᳚-ব্য়াঁ॒নে নিবি॑শ্য়া॒-ঽমৃতগ্​ম্॑ হু॒তম্ । ব্য়া॒ন মন্নে॑নাপ্য়াযস্ব ।
শ্র॒দ্ধায়া॑-মুদা॒নে নিবি॑শ্য়া॒-ঽমৃতগ্​ম্॑ হু॒তম্ । উ॒দা॒ন মন্নে॑নাপ্য়াযস্ব ।
শ্র॒দ্ধায়াগ্​ম্॑ সমা॒নে নিবি॑শ্য়া॒-ঽমৃতগ্​ম্॑ হু॒তম্ ।
স॒মান॒ মন্নে॑নাপ্য়াযস্ব ॥ 91 ॥

অনুবাকং 71
অঙ্গুষ্ঠমাত্রঃ পুরুষো-ঽঙ্গুষ্ঠঞ্চ॑ সমা॒শ্রিতঃ ।
ঈশ-স্সর্বস্য় জগতঃ প্রভুঃ প্রীণাতি॑ বিশ্ব॒ভুক্ ॥ 92 ॥

অনুবাকং 72
বাম্ম॑ আ॒সন্ন্ । ন॒সোঃ প্রা॒ণঃ । অ॒ক্ষ্য়ো-শ্চক্ষুঃ॑ । কর্ণ॑য়ো॒-শ্শ্রোত্র᳚ম্ । বা॒হু॒বো-র্বল᳚ম্ । ঊ॒রু॒বো রোজঃ॑ । অরি॑ষ্টা॒ বিশ্বা॒ন্যঙ্গা॑নি ত॒নূঃ ।
ত॒নুবা॑ মে স॒হ নম॑স্তে অস্তু॒ মা মা॑ হিগ্​ম্সীঃ ॥ 93 ॥

অনুবাকং 73
বয়॑-স্সুপ॒র্ণা উপ॑সেদু॒রিন্দ্র॑-ম্প্রি॒য় মে॑ধা॒ ঋষ॑য়ো॒ নাধ॑মানাঃ । অপ॑দ্ধ্বা॒ন্ত মূ᳚র্ণু॒হি পূ॒র্ধি চক্ষু॑-র্মুমু॒গ্ধ্য়॑স্মা-ন্নি॒ধয়ে॑ ঽবব॒দ্ধান্ ॥ 94 ॥

অনুবাকং 74
প্রাণানা-ঙ্গ্রন্থিরসি রুদ্রো মা॑ বিশা॒ন্তকঃ ।
তেনান্নেনা᳚-প্য়ায়॒স্ব ॥ 95 ॥

অনুবাকং 75
নমো রুদ্রায় বিষ্ণবে মৃত্য়ু॑র্মে পা॒হি ॥ 96 ॥

অনুবাকং 76
ত্বম॑গ্নে॒ দ্য়ুভি॒-স্ত্বমা॑শু-শু॒ক্ষণি॒-স্ত্বম॒দ্ভ্য়-স্ত্বমশ্ম॑ন॒স্পরি॑ । ত্বং-বঁনে᳚ভ্য়॒-স্ত্বমোষ॑ধীভ্য়॒-স্ত্ব-ন্নৃ॒ণা-ন্নৃ॑পতে জাযসে॒ শুচিঃ॑ ॥ 97 ॥

অনুবাকং 77
শি॒বেন॑ মে॒ সন্তি॑ষ্ঠস্ব স্য়ো॒নেন॑ মে॒ সন্তি॑ষ্ঠস্ব সুভূ॒তেন॑ মে॒ সন্তি॑ষ্ঠস্ব ব্রহ্মবর্চ॒সেন॑ মে॒ সন্তি॑ষ্ঠস্ব য॒জ্ঞস্যর্ধি॒ মনু॒ সন্তি॑ষ্ঠ॒ স্বোপ॑ তে যজ্ঞ॒ নম॒ উপ॑ তে॒ নম॒ উপ॑ তে॒ নমঃ॑ ॥ 98 ॥

অনুবাকং 78
স॒ত্য়-ম্পর॒-ম্পরগ্​ম্॑ স॒ত্য়গ্​ম্ স॒ত্য়েন॒ ন সু॑ব॒র্গা-ল্লো॒কাচ্চ্য়॑বন্তে
ক॒দাচ॒ন স॒তাগ্​ম্ হি স॒ত্য়-ন্তস্মা᳚-থ্স॒ত্য়ে র॑মন্তে॒, (1)

তপ॒ ইতি॒ তপো॒ নানশ॑না॒-ত্পরং॒-য়ঁদ্ধি পর॒-ন্তপ॒স্ত-দ্দুধ॑র্​ষং॒
ত-দ্দুরা॑ধর্​ষ॒-ন্তস্মা॒-ত্তপ॑সি রমন্তে॒, (2)

দম॒ ইতি॒ নিয়॑ত-ম্ব্রহ্মচা॒রিণ॒-স্তস্মা॒-দ্দমে॑ রমন্তে॒, (3)

শম॒ ইত্যর॑ণ্য়ে মু॒নয়॒-স্তস্মা॒চ্ছমে॑ রমন্তে, (4)

দা॒নমিতি॒ সর্বা॑ণি ভূ॒তানি॑ প্র॒শগ্​ম্স॑ন্তি দা॒নান্নাতি॑ দু॒শ্চর॒-ন্তস্মা᳚-দ্দা॒নে র॑মন্তে, (5)
ধ॒র্ম ইতি॒ ধর্মে॑ণ॒ সর্ব॑মি॒দ-ম্পরি॑গৃহীত-ন্ধ॒র্মান্নাতি॑-দু॒ষ্করং॒
তস্মা᳚--দ্ধ॒র্মে র॑মন্তে, (6)

প্র॒জন॒ ইতি॒ ভূয়াগ্​ম্॑॑স॒-স্তস্মা॒-দ্ভূয়ি॑ষ্ঠাঃ॒ প্রজা॑যন্তে॒ তস্মা॒-দ্ভূয়ি॑ষ্ঠাঃ প্র॒জন॑নে রমন্তে॒, (7)

-ঽগ্নয়॒ ইত্য়া॑হ॒ তস্মা॑-দ॒গ্নয়॒ আধা॑তব্য়া অগ্নিহো॒ত্র-মিত্য়া॑হ॒ তস্মা॑-দগ্নিহো॒ত্রে র॑মন্তে, (8)

য॒জ্ঞ ইতি॑ য॒জ্ঞো হি দে॒বা স্তস্মা᳚-দ্য়॒জ্ঞে র॑মন্তে, (9)

মান॒স-মিতি॑ বি॒দ্বাগ্​ম্স॒-স্তস্মা᳚-দ্বি॒দ্বাগ্​ম্স॑ এ॒ব মা॑ন॒সে
র॑মন্তে, (10)

ন্য়া॒স ইতি॑ ব্র॒হ্মা ব্র॒হ্মা হি পরঃ॒ পরো॑ হি ব্র॒হ্মা তানি॒ বা এ॒তান্যব॑রাণি॒
পরাগ্​ম্॑সি ন্য়া॒স এ॒বাত্য়॑রেচয়॒-দ্য় এ॒বং-বেঁদে᳚ত্য়ুপ॒নিষত্ ॥ 99 ॥

অনুবাকং 79
প্রা॒জা॒প॒ত্য়ো হারু॑ণি-স্সুপ॒র্ণেয়ঃ॑ প্র॒জাপ॑তি-ম্পি॒তর॒-মুপ॑সসার॒ কি-ম্ভ॑গব॒ন্তঃ প॑র॒মং-বঁ॑দ॒ন্তীতি॒ তস্মৈ॒ প্রো॑বাচ, (1)

স॒ত্য়েন॑ বা॒য়ুরাবা॑তি স॒ত্য়ে-না॑দি॒ত্য়ো রো॑চতে দি॒বি স॒ত্য়ং-বাঁ॒চঃ প্র॑তি॒ষ্ঠা স॒ত্য়ে স॒র্ব-ম্প্রতি॑ষ্ঠিত॒-ন্তস্মা᳚-থ্স॒ত্য়-ম্প॑র॒মং-বঁদ॑ন্তি॒, (2)

তপ॑সা দে॒বা দে॒বতা॒-মগ্র॑ আয়॒-ন্তপ॒সর্​ষ॑য়॒-স্সুব॒রন্ব॑-বিন্দ॒-ন্তপ॑সা স॒পত্না॒-ন্প্রণু॑দা॒-মারা॑তী॒ স্তপ॑সি স॒র্ব-ম্প্রতি॑ষ্ঠিত॒-ন্তস্মা॒-ত্তপঃ॑ পর॒মং-বঁদ॑ন্তি॒, (3)

দমে॑ন দা॒ন্তাঃ কি॒ল্বিষ॑-মবধূ॒ন্বন্তি॒ দমে॑ন ব্রহ্মচা॒রিণ॒-স্সুব॑রগচ্ছ॒-ন্দমো॑ ভূ॒তানা᳚-ন্দুরা॒ধর্​ষ॒-ন্দমে॑ স॒র্ব-ম্প্রতি॑ষ্ঠিত॒-ন্তস্মা॒-দ্দমঃ॑ পর॒মং-বঁদ॑ন্তি॒, (4)

শমে॑ন শা॒ন্তা-শ্শি॒ব-মা॒চর॑ন্তি॒ শমে॑ন না॒ক-ম্মু॒নয়ো॒-ঽন্ববি॑ন্দ॒ন্ ছমো॑ ভূ॒তানা᳚-ন্দুরা॒ধর্​ষ॒-ঞ্ছমে॑ স॒র্ব-ম্প্রতি॑ষ্ঠিত॒-ন্তস্মা॒চ্ছমঃ॑ পর॒মং-বঁদ॑ন্তি, (5)

দা॒নং-য়ঁ॒জ্ঞানাং॒-বঁরূ॑থ॒-ন্দক্ষি॑ণা লো॒কে দা॒তারগ্​ম্॑ সর্ব ভূ॒তান্য়ু॑পজী॒বন্তি॑ দা॒নেনারা॑তী॒-রপা॑নুদন্ত দা॒নেন॑ দ্বিষ॒ন্তো মি॒ত্রা ভ॑বন্তি দা॒নে স॒র্ব-ম্প্রতি॑ষ্ঠিত॒-ন্তস্মা᳚-দ্দা॒ন-ম্প॑র॒মং-বঁদ॑ন্তি, (6)

ধ॒র্মো বিশ্ব॑স্য়॒ জগ॑তঃ প্রতি॒ষ্ঠা লো॒কে ধ॒র্মিষ্ঠ॑-ম্প্র॒জা উ॑পস॒র্পন্তি॑ ধ॒র্মেণ॑ পা॒প-ম॑প॒নুদ॑তি ধ॒র্মে স॒র্ব-ম্প্রতি॑ষ্ঠিত॒-ন্তস্মা᳚-দ্ধ॒র্ম-ম্প॑র॒মং-বঁদ॑ন্তি, (7)

প্র॒জন॑নং॒-বৈঁ প্র॑তি॒ষ্ঠা লো॒কে সা॒ধু প্র॒জায়া᳚ স্ত॒ন্তুন্-ত॑ন্বা॒নঃ পি॑তৃ॒ণা
ম॑নৃ॒ণো ভব॑তি॒ তদে॑ব ত॒স্য়া অনৃ॑ণ॒-ন্তস্মা᳚-ত্প্র॒জন॑ন-ম্পর॒মং-বঁদ॑ন্ত্য়॒, (8)

গ্নয়ো॒ বৈ ত্রয়ী॑ বি॒দ্য়া দে॑ব॒য়ানঃ॒ পন্থা॑ গার্​হপ॒ত্য় ঋক্-পৃ॑থি॒বী র॑থন্ত॒র -ম॑ন্বাহা-র্য়॒পচ॑নং॒-য়ঁজু॑র॒ন্তরি॑ক্ষং-বাঁমদে॒ব্য় মা॑হব॒নীয়॒-স্সাম॑সুব॒র্গো লো॒কো বৃ॒হত্-তস্মা॑-দ॒গ্নী-ন্প॑র॒মং-বঁদ॑ন্ত্য়, (9)

গ্নিহো॒ত্রগ্​ম্ সা॑য়-ম্প্রা॒ত-র্গৃ॒হাণাং॒-নিষ্কৃ॑তি॒-স্স্বি॑ষ্টগ্​ম্ সুহু॒তং-য়ঁ॑জ্ঞক্রতূ॒না-ম্প্রায়॑ণগ্​ম্ সুব॒র্গস্য়॑ লো॒কস্য়॒ জ্য়োতি॒-স্তস্মা॑-দগ্নিহো॒ত্র-ম্প॑র॒মং-বঁদ॑ন্তি, (10)

য॒জ্ঞ ইতি॑ য॒জ্ঞেন॒ হি দে॒বা দিব॑-ঙ্গ॒তা য॒জ্ঞেনাসু॑রা॒-নপা॑নুদন্ত য॒জ্ঞেন॑ দ্বিষ॒ন্তো মি॒ত্রা ভ॑বন্তি য॒জ্ঞে স॒র্ব-ম্প্রতি॑ষ্ঠিত॒-ন্তস্মা᳚-দ্য়॒জ্ঞ-ম্প॑র॒মং-বঁদ॑ন্তি, (11)

মান॒সং-বৈঁ প্রা॑জাপ॒ত্য়-ম্প॒বিত্র॑-ম্মান॒সেন॒ মন॑সা সা॒ধু প॑শ্যতি মান॒সা ঋষ॑য়ঃ প্র॒জা অ॑সৃজন্ত মান॒সে স॒র্ব-ম্প্রতি॑ষ্ঠিত॒-ন্তস্মা᳚-ন্মান॒স-ম্প॑র॒মং-বঁদ॑ন্তি, (12)

ন্য়া॒স ই॒ত্য়াহু॑-র্মনী॒ষিণো᳚ ব্র॒হ্মাণ॑-ম্ব্র॒হ্মা বিশ্বঃ॑ কত॒ম-স্স্ব॑য়॒ভুংঃ প্র॒জাপ॑তি-স্সং​বঁথ্সর॒ ইতি॑, (13)

সং​বঁথ্স॒রো॑ ঽসাবা॑দি॒ত্য়ো য এ॒ষ আ॑দি॒ত্য়ে পুরু॑ষ॒-স্স প॑রমে॒ষ্ঠী ব্রহ্মা॒ত্মা, (14)

যাভি॑রাদি॒ত্য়-স্তপ॑তি র॒শ্মিভি॒স্তাভিঃ॑ প॒র্জন্য়ো॑ বর্​ষতি প॒র্জন্য়ে॑-নৌষধি-বনস্প॒তয়ঃ॒ প্রজা॑যন্ত ওষধি-বনস্প॒তিভি॒-রন্ন॑-ম্ভব॒ত্যন্নে॑ন প্রা॒ণাঃ প্রা॒ণৈ-র্বল॒-ম্বলে॑ন॒ তপ॒-স্তপ॑সা শ্র॒দ্ধা শ্র॒দ্ধয়া॑ মে॒ধা মে॒ধয়া॑ মনী॒ষা ম॑নী॒ষয়া॒ মনো॒ মন॑সা॒ শান্তি॒-শ্শান্ত্য়া॑ চি॒ত্ত-ঞ্চি॒ত্তেন॒ স্মৃতি॒গ্গ্॒ স্মৃত্য়া॒ স্মার॒গ্গ্॒ স্মারে॑ণ বি॒জ্ঞানং॑-বিঁ॒জ্ঞানে॑-না॒ত্মানং॑-বেঁদযতি॒ তস্মা॑দ॒ন্ন-ন্দদ॒ন্-থ্সর্বা᳚ণ্য়ে॒তানি॑ দদা॒-ত্যন্না᳚-ত্প্রা॒ণা ভ॑বন্তি ভূ॒তানা᳚-ম্প্রা॒ণৈ-র্মনো॒ মন॑সশ্চ বি॒জ্ঞানং॑-বিঁ॒জ্ঞানা॑-দান॒ন্দো ব্র॑হ্ম যো॒নিঃ, (15)

স বা এ॒ষ পুরু॑ষঃ পঞ্চ॒ধা প॑ঞ্চা॒ত্মা যেন॒ সর্ব॑মি॒দ-ম্প্রোত॑-ম্পৃথি॒বী চা॒ন্তরি॑ক্ষ-ঞ্চ॒ দ্য়ৌশ্চ॒ দিশ॑শ্চাবান্তরদি॒শাশ্চ॒ স বৈ সর্ব॑মি॒দ-ঞ্জগ॒থ্স স॒ভূতগ্​ম্॑ স ভ॒ব্য়-ঞ্জি॑জ্ঞাস ক্লৃ॒প্ত ঋ॑ত॒জা রয়ি॑ষ্ঠা শ্র॒দ্ধা স॒ত্য়ো মহ॑স্বা-ন্ত॒পসো॒ পরি॑ষ্ঠা॒দ্, (বরি॑ষ্ঠা॒দ্) (16)

জ্ঞাত্বা॑ তমে॒ব-ম্মন॑সা হৃ॒দা চ॒ ভূয়ো॑ ন মৃ॒ত্য়ু-মুপ॑য়াহি বি॒দ্বান্ (17)

তস্মা᳚-ন্ন্য়া॒স-মে॒ষা-ন্তপ॑সা-মতিরিক্ত॒মাহু॑র্, (18)

বসুর॒ণ্বো॑ বি॒ভূর॑সি প্রা॒ণে ত্বমসি॑ সন্ধা॒তা ব্রহ্ম॑-ন্ত্বমসি॑ বিশ্ব॒ধৃত্তে॑-জো॒দাস্ ত্বম॑স্য়॒গ্নি-র॑সি বর্চো॒দা-স্ত্বম॑সি॒ সূর্য়॑স্য় দ্য়ুম্নো॒দা স্ত্বম॑সি চ॒ন্দ্রম॑স উপয়া॒মগৃ॑হীতো-ঽসি ব্র॒হ্মণে᳚
ত্বা॒ মহস॒, (19)

ওমিত্য়া॒ত্মানং॑-য়ুঁঞ্জীতৈ॒তদ্বৈ ম॑হোপ॒নিষ॑দ-ন্দে॒বানা॒-ঙ্গুহ্য়ং॒-য়ঁ এ॒বং-বেঁদ॑
ব্র॒হ্মণো॑ মহি॒মান॑-মাপ্নোতি॒ তস্মা᳚-দ্ব্র॒হ্মণো॑ মহি॒মান॑-মিত্য়ুপ॒নিষত্ ॥ 100 ॥

অনুবাকং 80
তস্য়ৈ॒বং-বিঁ॒দুষো॑ য॒জ্ঞস্য়া॒ত্মা যজ॑মানঃ-শ্র॒ধ্দাপত্নী॒ শরী॑র-মি॒দ্ধ্মমুরো॒ বেদি॒-র্লোমা॑নি ব॒র॒ঃই-র্বে॒দঃ-শিখা॒ হৃদ॑য়ং॒-য়ূঁপঃ॒ কাম॒ আজ্য়॑-ম্ম॒ন্য়ুঃ প॒শু-স্তপো॒-ঽগ্নি-র্দম॑-শ্শময়ি॒তা দক্ষি॑ণা॒-বাঘোতা᳚ প্রা॒ণ উ॑দ্গ॒তা চক্ষু॑রধ্ব॒র্য়ু-র্মনো॒ ব্রহ্মা॒ শ্রোত্র॑ম॒গ্নী-

ধ্য়াব॒ধ্দ্রিয়॑তে॒ সা দী॒ক্ষা যদশ্র্না॑তি॒ তধ্দবি॒-র্যত্পিব॑তি॒ তদ॑স্য় সোমপা॒নং-য়ঁদ্রম॑তে॒ তদু॑প॒সদো॒ য-থ্স॒ঞ্চর॑-ত্য়ুপ॒বিশ॑-ত্য়ু॒ত্তিষ্ঠ॑তে চ॒ সপ্র॑ব॒র্গ্য়ো॑ যন্মুখ॒-ন্তদা॑হব॒নীয়ো॒ যা ব্য়াহৃ॑তি-রাহু॒তি-র্যদ॑স্য় বি॒জ্ঞান॒-ন্তজ্জু॒হোতি॒ যথ্সা॒য়-ম্প্রা॒তর॑ত্তি॒ তথ্স॒মিধং॒-য়ঁত্প্রা॒ত-র্ম॒দ্ধ্যন্দি॑নগ্​ম্ সা॒য়-ঞ্চ॒ তানি॒ সব॑নানি॒

যে অ॑হোরা॒ত্রে তে দ॑র্​শপূর্ণমা॒সৌ যে᳚-ঽর্ধমা॒সাশ্চ॒ মাসা᳚শ্চ॒ তে চা॑তুর্মা॒স্য়ানি॒ য ঋ॒তব॒স্তে প॑শুব॒ন্ধা যে সং॑​বঁথ্স॒রাশ্চ॑ পরিবথ্স॒রাশ্চ॒ তে-ঽহ॑র্গ॒ণা-স্স॑র্ব বেদ॒সং-বাঁ এ॒ত-থ্স॒ত্রং-য়ঁন্মর॑ণ॒-ন্তদ॑ব॒ভৃথ॑

এ॒তদ্বৈ জ॑রামর্য়-মগ্নিহো॒ত্রগ্​ম্ স॒ত্রং-য়ঁ এ॒বং-বিঁ॒দ্বা-নু॑দ॒গয়॑নে প্র॒মীয়॑তে দে॒বানা॑মে॒ব ম॑হি॒মান॑-ঙ্গ॒ত্বা-ঽঽদি॒ত্যস্য়॒ সায়ু॑জ্য়-ঙ্গচ্ছ॒ত্যথ॒ যো দ॑ক্ষি॒ণে প্র॒মীয়॑তে পিতৃ॒ণা-মে॒ব ম॑হি॒মান॑-ঙ্গ॒ত্বা চ॒ন্দ্রম॑স॒-স্সায়ু॑জ্য়গ্​ম্ সলো॒কতা॑-মাপ্নোত্য়ে॒তৌ বৈ সূ᳚র্য়া চন্দ্র॒মসৌ᳚-র্মহি॒মানৌ᳚ ব্রাহ্ম॒ণো বি॒দ্বা-ন॒ভিজ॑যতি॒ তস্মা᳚-দ্ব্র॒হ্মণো॑ মহি॒মান॑মাপ্নোতি॒ তস্মা᳚-দ্ব্র॒হ্মণো॑ মহি॒মান॑-মিত্য়ুপ॒নিষত্ ॥ 101 ॥

স॒হ না॑ ববতু । স॒হ নৌ॑ ভুনক্তু । স॒হ বী॒র্য়॑-ঙ্করবাবহৈ ।
তে॒জ॒স্বিনা॒ বধী॑তমস্তু॒ মা বি॑দ্বিষা॒বহৈ᳚ ॥
ওং শান্তি॒-শ্শান্তি॒-শ্শান্তিঃ॑ ॥

॥ ইতি মহানারাযণোপনিষ-থ্সমাপ্তা ॥

(অম্ভ॒স্য়ৈক॑পঞ্চা॒শচ্ছ॒তং - জা॒তবে॑দসে॒ চতু॑র্দশ॒ - ভূরন্নং॒ - ভূর॒গ্নয়ে॒ - ভূর॒গ্নয়ে॒ চৈক॑মেকং - পাহি - পা॒হি চ॒ত্বারি॑ চত্বারি॒ - যশ্ছন্দ॑সা॒-ন্দ্বে - নমো॒ ব্রহ্ম॑ণে - ঋ॒ত-ন্তপো॒ - যথা॑ বৃ॒ক্ষস্য়ৈক॑ মেক - ম॒ণোরণী॑য়া॒গ্॒ শ্চতু॑স্ত্রিগ্​ম্শথ্ - সহস্র॒শী॑ষ॒গ্​ম্॒ ষট্বি॑গ্​ম্শতি - রাদি॒ত্য়ো বা এ॒ষ - আ॑দি॒ত্য়ো বৈ তেজ॒ এক॑মেকং॒ - নিধ॑নপতয়ে॒ ত্রয়ো॑বিগ্​ম্শতিঃ - স॒দ্য়োজা॒ত-ন্ত্রীণি॑ - বামদে॒বায়ৈক॑ - ম॒ঘোরে᳚ভ্য়॒ - স্তত্পুরু॑ষায়॒ দ্বে দ্বে॒ - ঈশানো - নমো হিরণ্যবাহব॒ এক॑মেক - মৃ॒তগ্​ম্ স॒ত্য়-ন্দ্বে - সর্বো॒ বৈ চ॒ত্বারি॒ - কদ্রু॒দ্রায়॒ ত্রীণি॒ - যস্য়॒ বৈ কঙ্ক॑তী - কৃণু॒ষ্ব পাজো - ঽদি॑তি॒ - রাপো॒ বা ই॒দগ্​ম্ সর্ব॒ মেক॑মেক॒ - মাপঃ॑ পুনন্তু চ॒ত্বা - র্যগ্নিশ্চ - সূর্যশ্চ নব॑ - ন॒বোমিতি॑ চ॒ত্বা - র্য়ায়া॑তু॒ পচৌ - জো॑-ঽসি॒ দশো॒ - ত্তমে॑ চ॒ত্বারি॒ - ঘৃণি॒স্ত্রীণি॒ - ব্রহ্ম॑মেতু॒ মাং-য়াঁস্তে᳚ ব্রহ্মহ॒ত্য়া-ন্দ্বাদ॑শ॒ - ব্রহ্ম॑ মে॒ধয়া॒-ঽদ্য়া ন॑ ই॒মং
ভ্রূ॑ষহ॒ত্য়াং - ব্রহ্ম॑ মে॒ধবা᳚ ব্র॒হ্মা দে॒বানা॑মি॒দং-বীঁ॑রহ॒ত্য়ামেকা॒ন্ন বি॑গ্​ম্শতি॒ রেকা॒ন্নবি॑গ্​ম্শতি--র্ মে॒ধা দে॒বী - মে॒ধা-ম্ম॒ ইন্দ্র॑শ্চ॒ত্বারি॑ চত্বা॒র্য়া - মা᳚-ম্মে॒ধা দ্বে - ময়ি॑ মে॒ধা মেক॒- মপৈ॑তু॒ - পরং॒ - ঁবাত॑-ম্প্রা॒ণ - ম॑মুত্র॒ভূয়া॒-দ্- দ্ধরি॒গ্​ম্॒ - শল্কৈ॑র॒গ্নিং - মা ছি॑দো মৃত্য়ো॒ - মা নো॑ ম॒হান্তং॒ - মান॑স্তো॒কে - প্রজা॑পতে - স্বস্তি॒দা - ত্র্য়॑ম্বকং॒ - ঁয়ে তে॑ স॒হস্র॒-ন্দ্বে দ্বে - মৃ॒ত্যবে॒ স্বাহৈকং॑ - দে॒বকৃ॑ত॒স্য়ৈকা॑দশ॒ - যদ্বো॑ দেবাঃ॒ - কামো-ঽকার্​ষী॒ন্ - মন্য়ুরকার্​ষী॒-দ্দ্বে দ্বে॒ - তিলাঞ্জুহোমি গাব-শ্শ্রিয়-ম্প্র॑জাঃ পঞ্চ॒ - তিলাঃ কৃণ্ষাশ্চোর॑স্য়॒ শ্রীঃ প্রজ্ঞাতু জাতবে॑দ-স্স॒প্ত - প্রাণ বা-ক্ত্বক্ ছির উত্তিষ্ঠ পুরুষ॑ পঞ্চ॒ - পৃথিবী শব্দ মনো বাগ্ ব্যক্তা-ঽঽত্মা-ঽন্তরাত্মা পরমাত্মা মে᳚ ক্ষু॒ধে-ঽন্নময়॒ পঞ্চ॑দশা॒ - গ্নয়ে॒ স্বাহৈক॑চত্বারি॒গ্​ম্॒শ - র্দো᳚ ন্তদ্ব্র॒হ্ম নব॑ -
শ্র॒দ্ধায়া᳚-ম্প্রা॒ণে নিবিষ্ট॒ শ্চতু॑র্বিগ্​ম্শতিঃ - শ্র॒দ্ধায়া॒-ন্দশা - ঙ্গুষ্ঠ মাত্রঃ পুরুষো দ্বে - বাম্ম॑ আ॒সন্ন॒ষ্টৌ - বয়॑-স্সুপ॒র্​ষাঃ - প্রাণানা-ঙ্গ্রন্থিরসি দ্বে দ্বে - নমো রুদ্রায়ৈকং॒ - ত্বম॑গ্নে॒ দ্য়ুভির্॒ দ্বে - শি॒বেন॑ মে॒ সন্তি॑ষ্ঠস্ব - স॒ত্য়ং - প্রা॑জাপ॒ত্য় - স্তস্য়ৈ॒ব মেক॑ মেক॒ মশতিঃ)

(অম্ভ॑স্যপা॒রে - স্ব॒স্তি নঃ॑ - পা॒হি নো॑ অগ্ন॒ এক॑য়া - ঽঽদি॒ত্য়ো বা এ॒ষ - ঋ॒তগ্​ম্ স॒ত্য় - মো মিত্য়া - মা᳚-ম্মে॒ধা - মা ন॑স্তো॒কে - তিলাজুহোমি - শ্র॒দ্ধায়া᳚-ম্প্রা॒ণে নিবি॑শ্য়॒ - তস্য়ৈ॒ব মেকোত্ত॑রশ॒তম্)

॥ হরিঃ॑ ওম্ ॥
॥ কৃষ্ণ যজুর্বেদীয় তৈত্তিরীয় আরণ্যকে দশমঃ প্রপাঠক-স্সমাপ্তঃ ॥

॥ ইতি তৈত্তিরীয় যজুরারণ্যকং সমাপ্তম্ ॥