ō-nnam ॥ tatpuru̠ṣāya vi̠dmahē̍ mahādē̠vāya̍ dhīmahi । tannō̍ rudraḥ prachōdayā̎t ॥
saṃvartāgni taṭitpradīpta kanaka prasparthi tējōmayam ।
gambhīradhvani sāmavēdajanaka-ntāmrādharaṃ sundaram ।
ardhēndudyuti lōlapiṅgaḻa jaṭābhāraprabaddhōragam ।
vandē siddha surāsurēndranamita-mpūrva-mmukhaṃ śūlinaḥ ॥
ō-nnamō bhagavatē̍ rudrā̠ya ॥ ō-nnam ॥ pūrva mukhāya̠ namaḥ ॥
a̠ghōrē̎bhyō-'thaghō̠rē̎bhyō̠ ghōra̠ghōra̍tarēbhyaḥ ॥ sarvē̎bhyassarva śarvē̎bhyō̠ nama̍stē astu ru̠drarū̍pēbhyaḥ ॥
kālābhrabhramarāñjanadyutinibhaṃ vyāvṛtta piṅgēkṣaṇam
karṇōdbhāsita bhōgimastaka maṇiprōdgīrṇa daṃṣṭrāṅkuram ।
sarpaprōta kapāla śukti śakala vyākīrṇa sachChēkharam
vandē dakṣiṇamīśvarasya kuṭila bhrūbhaṅga raudra-mmukham ॥
ō-nnamō bhagavatē̍ rudrā̠ya ॥ ō-mmam ॥ dakṣiṇa mukhāya̠ namaḥ ॥
sa̠dyō jā̠ta-mpra̍padyā̠mi̠ sa̠dyō jā̠tāya̠ vai namō̠ nama̍ḥ । bha̠vē bha̍vē̠ nāti̍ bhavē bhavasva̠ mām । bha̠vō-dbha̍vāya̠ nama̍ḥ ॥
prālēyāchalamindukunda dhavaḻa-ṅgōkṣīraphēnaprabham
bhasmābhyaktamanaṅga dēha dahana jvālāvaḻī lōchanam ।
brahmēndrādi marudgaṇaisputipadai rabhyarchitaṃ yōgibhiḥ
vandē-'haṃ sakala-ṅkaḻaṅkarahitaṃ sthāṇōrmukha-mpaśchimam ॥
ō-nnamō bhagavatē̍ rudrā̠ya ॥ ōṃ śim ॥ paśchima mukhāya̠ namaḥ ॥
vā̠ma̠dē̠vāya̠ namō̎ jyē̠ṣṭhāya̠ nama̍-śśrē̠ṣṭhāya̠ namō̍ ru̠drāya̠ nama̠ḥ kālā̍ya̠ nama̠ḥ kala̍vikaraṇāya̠ namō̠ bala̍vikaraṇāya̠ namō̠ balā̍ya̠ namō̠ bala̍pramathanāya̠ nama̠-ssarva̍bhūtadamanāya̠ namō̍ ma̠nōnma̍nāya̠ nama̍ḥ ॥
gaura-ṅkuṅkuma paṅkilaṃ stilakaṃ vyāpāṇḍu gaṇḍasthalam
bhrūvikṣēpa kaṭākṣa lasatsaṃsakta karṇōtphalam ।
snigdha-mbimbaphalādhara-mprahasita-nnīlālakāla-ṅkṛtam
vandē pūrṇa śaśāṅka maṇḍalanibhaṃ vaktraṃ harasyōttaram ॥
ō-nnamō bhagavatē̍ rudrā̠ya ॥ ōṃ vām ॥ uttara mukhāya̠ namaḥ ॥
īśāna-ssarva̍vidyā̠nā̠-mīśvara-ssarva̍bhūtā̠nā̠-mbrahmādhi̍pati̠-rbrahma̠ṇō 'dhi̍pati̠-rbrahmā̍ śi̠vō mē̍ astu sadāśi̠vōm ॥ (kaniṣṭhikābhyā-nnamaḥ)
vyaktāvyakta guṇētara-mparataraṃ ṣaṭtriṃśatattvātmakam
tasmāduttama tattvamakṣaramida-ndhyēyaṃ sadā yōgibhiḥ ।
ōṅkārādi samasta mantrajanakaṃ sūkṣmādi sūkṣma-mparaṃ
śānta-mpañchamamīśvarasya vadana-ṅkhaṃvyāpti tējōmayam ॥
ō-nnamō bhagavatē̍ rudrā̠ya ॥ ōṃ vām ॥ ūrdhva mukhāya̠ namaḥ ॥
diṅnamaskāraḥ
pūrvē paśupatiḥ pātu । dakṣiṇē pātu śaṅkaraḥ ।
paśchimē pātu viśvēśaḥ । nīlakaṇṭhastadōttarē ॥
īśānyā-mpātu mē śarvaḥ । āgnēyā-mpārvatīpatiḥ ।
naiṛtyā-mpātu mē rudraḥ । vāyavyā-nnīlalōhitaḥ ॥
ūrdhvē trilōchanaḥ pātu । adharāyā-mmahēśvaraḥ ।
ētābhyō daśa digbhyastu । sarvataḥ pātu śaṅkaraḥ ॥
(nā rudrō rudramarchayē̎t ।
nyāsapūrvaka-ñjapahōmārchanā-'bhiṣēkavidhi vyākhyāsyāmaḥ ।)
