ପଂଚମଃ ପ୍ରଶ୍ନଃ
ଅଥ ହୈନଂ ସୈବ୍ୟଃ ସତ୍ୟକାମଃ ପପ୍ରଚ୍ଛ।
ସ ୟୋ ହ ଵୈ ତଦ୍ ଵଗଵନ୍ମନୁଷ୍ୟେଷୁ ପ୍ରାୟଣାଂତମୋଂକାରମଭିଧ୍ୟାୟୀତ କତମଂ-ଵାଁଵ ସ ତେନ ଲୋକଂ ଜୟତୀତି ॥1॥
ତସ୍ମୈ ସ ହୋଵାଚ ଏତଦ୍ ଵୈ ସତ୍ୟକାମ ପରଂ ଚାପରଂ ଚ ବ୍ରହ୍ମ ୟଦୋଂକାରଃ।
ତସ୍ମାଦ୍ ଵିଦ୍ଵାନେତେନୈଵାୟତନେନୈକତରମନ୍ଵେତି ॥2॥
ସ ୟଧ୍ୟେକମାତ୍ରମଭିଧ୍ୟାୟୀତ ସ ତେନୈଵ ସଂଵେଁଦିତସ୍ତୂର୍ଣମେଵ ଜଗତ୍ୟାଭିସଂପଧ୍ୟତେ।
ତମୃଚୋ ମନୁଷ୍ୟଲୋକମୁପନୟଂତେ ସ ତତ୍ର ତପସା ବ୍ରହ୍ମଚର୍ୟେଣ ଶ୍ରଦ୍ଧୟା ସଂପନ୍ନୋ ମହିମାନମନୁଭଵତି ॥3॥
ଅଥ ୟଦି ଦ୍ଵିମାତ୍ରେଣ ମନସି ସଂପଦ୍ୟତେ ସୋଽଂତରିକ୍ଷଂ-ୟଁଜୁର୍ଭିରୁନ୍ନୀୟତେ ସୋମଲୋକମ୍।
ସ ସୋମଲୋକେ ଵିଭୁତିମନୁଭୂୟ ପୁନରାଵର୍ତତେ ॥4॥
ୟଃ ପୁନରେତଂ ତ୍ରିମାତ୍ରେଣୋମିତ୍ୟେତେନୈଵାକ୍ଷରେଣ ପରଂ ପୁରୁଷମଭିଧ୍ୟାୟୀତ ସ ତେଜସି ସୂର୍ୟେ ସଂପନ୍ନଃ।
ୟଥା ପାଦୋଦରସ୍ତ୍ଵଚା ଵିନିର୍ଭୁଚ୍ୟତ ଏଵଂ ହ ଵୈ ସ ପାପ୍ମନା ଵିନିର୍ଭୁକ୍ତଃ ସ ସାମଭିରୁନ୍ନୀୟତେ ବ୍ରହ୍ମଲୋକଂ ସ ଏତସ୍ମାଜ୍ଜୀଵଘନାତ୍ପରାତ୍ପରଂ ପୁରିଶୟଂ ପୁରୁଷମୀକ୍ଷତେ ତଦେତୌ ଶ୍ଲୋକୌ ଭଵତଃ ॥5॥
ତିସ୍ରୋ ମାତ୍ରା ମୃତ୍ୟୁମତ୍ୟଃ ପ୍ରୟୁକ୍ତା ଅନ୍ୟୋନ୍ୟସକ୍ତାଃ ଅନଵିପ୍ରୟୁକ୍ତାଃ।
କ୍ରିୟାସୁ ବାହ୍ୟାଂତରମଧ୍ୟମାସୁ ସମ୍ୟକ୍ପ୍ରୟୁକ୍ତାସୁ ନ କଂପତେ ଜ୍ଞଃ ॥6॥
ଋଗ୍ଭିରେତଂ-ୟଁଜୁର୍ଭିରଂତରିକ୍ଷଂ ସାମଭିର୍ୟତ୍ତତ୍କଵୟୋ ଵେଦୟଂତେ।
ତମୋଂକାରେଣୈଵାୟତନେନାନ୍ଵେତି ଵିଦ୍ଵାନ୍ ୟତ୍ତଚ୍ଛାଂତମଜରମମୃତମଭୟଂ ପରଂ ଚେତି ॥7॥
