ଓମ୍ ॥
(ତୈ.ସଂ.1.8.22)
ପ୍ର ଣୋ॑ ଦେ॒ଵୀ ସର॑ସ୍ଵତୀ॒ ଵାଜେ॑ଭିର୍ଵା॒ଜିନୀ॑ଵତୀ ।
ଧୀ॒ନାମ॑ଵି॒ତ୍ର୍ୟ॑ଵତୁ ॥
ଆ ନୋ॑ ଦି॒ଵୋ ବୃ॑ହ॒ତଃ ପର୍ଵ॑ତା॒ଦା ସର॑ସ୍ଵତୀ ୟଜ॒ତା ଗ॑ନ୍ତୁ ୟ॒ଜ୍ଞମ୍ ।
ହଵ॑-ନ୍ଦେ॒ଵୀ ଜୁ॑ଜୁଷା॒ଣା ଘୃ॒ତାଚୀ॑ ଶ॒ଗ୍ମା-ନ୍ନୋ॒ ଵାଚ॑ମୁଶ॒ତୀ ଶୃ॑ଣୋତୁ ॥
(ତୈ.ସଂ.4.1.11)
ପାଵୀ॑ରଵୀ କ॒ନ୍ୟା॑ ଚି॒ତ୍ରାୟୁ॒-ସ୍ସର॑ସ୍ଵତୀ ଵୀ॒ରପ॑ତ୍ନୀ॒ ଧିୟ॑-ନ୍ଧାତ୍ ।
ଗ୍ନାଭି॒ରଚ୍ଛି॑ଦ୍ରଗ୍ମ୍ ଶର॒ଣଗ୍ମ୍ ସ॒ଜୋଷା॑ ଦୁରା॒ଧର୍ଷ॑-ଙ୍ଗୃଣ॒ତେ ଶର୍ମ॑ ୟଗ୍ମ୍ସତ୍ ॥
(ଋ.ଵେ.7.95.5)
ଇ॒ମା ଜୁହ୍ଵା᳚ନା ୟୁ॒ଷ୍ମଦା ନମୋ᳚ଭିଃ॒ ପ୍ରତି॒ ସ୍ତୋମଂ᳚ ସରସ୍ଵତି ଜୁଷସ୍ଵ ।
ତଵ॒ ଶର୍ମ᳚ନ୍ପ୍ରି॒ୟତ॑ମେ॒ ଦଧା᳚ନା॒ ଉପ॑ ସ୍ଥେୟାମ ଶର॒ଣ-ନ୍ନ ଵୃ॒କ୍ଷମ୍ ॥
(ଋ.ଵେ.1.164.49)
ୟସ୍ତେ॒ ସ୍ତନ॑-ଶ୍ଶଶ॒ୟୋ ୟୋ ମ॑ୟୋ॒ଭୂର୍ୟେନ॒ ଵିଶ୍ଵା॒ ପୁଷ୍ୟ॑ସି॒ ଵାର୍ୟା॑ଣି ।
ୟୋ ର॑ତ୍ନ॒ଧା ଵ॑ସୁ॒ଵିଦ୍ୟ-ସ୍ସୁ॒ଦତ୍ର॒-ସ୍ସର॑ସ୍ଵତି॒ ତମି॒ହ ଧାତ॑ଵେ କଃ ॥
(ଋ.ଵେ.6.61.14)
ସର॑ସ୍ଵତ୍ୟ॒ଭି ନୋ᳚ ନେଷି॒ ଵସ୍ୟୋ॒ ମାପ॑ ସ୍ଫରୀଃ॒ ପୟ॑ସା॒ ମା ନ॒ ଆ ଧ॑କ୍ ।
ଜୁ॒ଷସ୍ଵ॑ ନ-ସ୍ସ॒ଖ୍ୟା ଵେ॒ଶ୍ୟା᳚ ଚ॒ ମା ତ୍ଵ-ତ୍କ୍ଷେତ୍ରା॒ଣ୍ୟର॑ଣାନି ଗନ୍ମ ॥
(ଋ.ଵେ.6.61.2)
ଇ॒ୟଂ ଶୁଷ୍ମେ᳚ଭିର୍ବିସ॒ଖା ଇ॑ଵାରୁଜ॒ତ୍ସାନୁ॑ ଗିରୀ॒ଣା-ନ୍ତ॑ଵି॒ଷେଭି॑ରୂ॒ର୍ମିଭିଃ॑ ।
ପା॒ରା॒ଵ॒ତ॒ଘ୍ନୀମଵ॑ସେ ସୁଵୃ॒କ୍ତିଭି॑ସ୍ସର॑ସ୍ଵତୀ॒ ମା ଵି॑ଵାସେମ ଧୀ॒ତିଭିଃ॑ ॥
ଓଂ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥
