(તૈ. સં. 1.8.6.1 - તૈ. સં. 1.8.6.2)
(તૈ. બ્રા. 1.6.10.1 - તૈ. બ્રા. 1.6.10.5)
પ્ર॒તિ॒પૂ॒રુ॒ષ મેક॑કપાલા॒ન્ નિર્વ॑પ॒ત્યે-ક॒મતિ॑રિક્તં॒-યાઁવં॑તો ગૃ॒હ્યાઃ᳚ સ્મસ્તેભ્યઃ॒ કમ॑કરં પશૂ॒નાગ્મ્ શર્મા॑સિ॒ શર્મ॒ યજ॑માનસ્ય॒ શર્મ॑ મે
ય॒ચ્છૈક॑ એ॒વ રુ॒દ્રો ન દ્વિ॒તીયા॑ય તસ્થ આ॒ખુસ્તે॑ રુદ્ર પ॒શુસ્તં જુ॑ષસ્વૈ॒ષ તે॑ રુદ્ર ભા॒ગઃ સ॒હ સ્વસ્રાં-ઽબિ॑કયા॒ તંજુ॑ષસ્વ ભેષ॒જં ગવેઽશ્વા॑ય॒
પુરુ॑ષાય ભેષ॒જમથો॑ અ॒સ્મભ્યં॑ ભેષ॒જગ્મ્ સુભે॑ષજં॒-યઁથાઽસ॑તિ । 1
સુ॒ગં મે॒ષાય॑ મે॒ષ્યા॑ અવા᳚બં રુ॒દ્રમ॑દિ-મ॒હ્યવ॑ દે॒વં ત્ર્ય॑બંકમ્ ।
યથા॑ નઃ॒ શ્રેય॑સઃ॒ કર॒દ્યથા॑ નો॒ વસ્ય॑ સઃ॒ કર॒દ્યથા॑ નઃ પશુ॒મતઃ॒
કર॒દ્યથા॑ નો વ્યવસા॒યયા᳚ત્ । ત્ર્ય॑બંકં-યઁજામહે સુગં॒ધિં પુ॑ષ્ટિ॒વર્ધ॑નમ્ ।
ઉ॒ર્વા॒રુ॒કમિ॑વ॒ બંધ॑નાન્ મૃ॒ત્યો ર્મુ॑ક્ષીય॒ માઽમૃતા᳚ત્ । એ॒ષતે॑ રુદ્ર ભા॒ગ સ્તંજુ॑ષસ્વ॒ તેના॑વ॒સેન॑ પ॒રો મૂજ॑વ॒તો-ઽતી॒હ્યવ॑તત
ધન્વા॒ પિના॑કહસ્તઃ॒ કૃત્તિ॑વાસાઃ ॥ 2
પ્ર॒તિ॒પૂ॒રુ॒ષ-મેક॑કપાલા॒ન્ નિર્વ॑પતિ । જા॒તા એ॒વ પ્ર॒જા રુ॒દ્રાન્ નિ॒રવ॑દયતે । એક॒મતિ॑રિક્તમ્ । જ॒નિ॒ષ્યમા॑ણા એ॒વ પ્ર॒જા રુ॒દ્રાન્ નિ॒રવ॑દયતે । એક॑કપાલા ભવંતિ । એ॒ક॒ધૈવ રુ॒દ્રં નિ॒રવ॑દયતે । નાભિઘા॑રયતિ । યદ॑ભિઘા॒રયે᳚ત્ । અં॒ત॒ર॒વ॒-ચા॒રિણગ્મ્॑ રુ॒દ્રં કુ॑ર્યાત્ ।
એ॒કો॒લ્મુ॒કેન॑ યંતિ । 3
તદ્ધિ રુ॒દ્રસ્ય॑ ભાગ॒ધેય᳚મ્ । ઇ॒માં દિશં॑-યંઁતિ । એ॒ષા વૈ રુ॒દ્રસ્ય॒ દિક્ । સ્વાયા॑ મે॒વ દિ॒શિ રુ॒દ્રં નિ॒રવ॑દયતે । રુ॒દ્રો વા અ॑પ॒શુકા॑યા॒ આહુ॑ત્યૈ॒ નાતિ॑ષ્ઠત । અ॒સૌ તે॑ પ॒શુરિતિ॒ નિર્દિ॑શે॒દ્યં દ્વિ॒ષ્યાત્ । યમે॒વ દ્વેષ્ટિ॑ ।
તમ॑સ્મૈ પ॒શું નિર્દિ॑શતિ । યદિ॒ ન દ્વિ॒ષ્યાત્ ।
આ॒ખુસ્તે॑ પ॒શુરિતિ॑ બ્રૂયાત્ । 4
ન ગ્રા॒મ્યાન્ પ॒શૂન્ હિ॒નસ્તિ॑ । નાર॒ણ્યાન્ । ચ॒તુ॒ષ્પ॒થે જુ॑હોતિ । એ॒ષ વા અ॑ગ્ની॒નાં પડ્બી॑શો॒ નામ॑ । અ॒ગ્નિ॒વત્યે॒વ જુ॑હોતિ ।
મ॒દ્ધ્ય॒મેન॑ પ॒ર્ણેન॑ જુહોતિ । સ્રુગ્ઘ્યે॑ષા । અથો॒ ખલુ॑ । અં॒ત॒મેનૈ॒વ હો॑ત॒વ્ય᳚મ્ । અં॒ત॒ત એ॒વ રુ॒દ્રં નિ॒રવ॑દયતે । 5
એષ॒ તે॑ રુદ્રભા॒ગઃ સ॒હસ્વસ્રાં-ઽબિ॑ક॒યેત્યા॑હ । શ॒રદ્વા અ॒સ્યાંબિ॑કા॒ સ્વસા᳚ ।
તયા॒ વા એ॒ષ હિ॑નસ્તિ । યગ્મ્ હિ॒નસ્તિ॑ । તયૈ॒વૈનગ્મ્॑ સ॒હ શ॑મયતિ ।
ભે॒ષ॒જંગવ॒ ઇત્યા॑હ । યાવં॑ત એ॒વ ગ્રા॒મ્યાઃ પ॒શવઃ॑ । તેભ્યો॑ ભેષ॒જં ક॑રોતિ । અવા᳚બં રુ॒દ્રમ॑દિ મ॒હીત્યા॑હ । આ॒શિષ॑મે॒વૈ-તામા શા᳚સ્તે । 6
ત્ર્ય॑બંકં-યઁજામહ॒ ઇત્યા॑હ । મૃ॒ત્યો ર્મુ॑ક્ષીય॒ માઽમૃતા॒-દિતિ॒ વા વૈ તદા॑હ ।
ઉત્કિ॑રંતિ । ભગ॑સ્ય લીફ્સંતે । મૂતે॑ કૃ॒ત્વા સ॑જંતિ ।
યથા॒ જનં॑-યઁ॒તે॑ઽવ॒સં ક॒રોતિ॑ । તા॒દૃગે॒વ તત્ । એ॒ષ તે॑ રુદ્રભા॒ગ ઇત્યા॑હ નિ॒રવ॑ત્યૈ । અપ્ર॑તીક્ષ॒-માયં॑તિ । અ॒પઃ પરિ॑ષિંચતિ । રુ॒દ્રસ્યાં॒ત ર્હિ॑ત્યૈ । પ્રવા એ॒તે᳚ઽસ્મા-લ્લો॒કા-ચ્ચ્ય॑વંતે । યે ત્ર્ય॑બંકૈ॒-શ્ચરં॑તિ । આ॒દિ॒ત્યં ચ॒રું પુન॒રેત્ય॒ નિર્વ॑પતિ । ઇ॒યં-વાઁ અદિ॑તિઃ । અ॒સ્યામે॒વ પ્રતિ॑તિષ્ઠંતિ ॥ 7
ઓં નમો ભગવતે॑ રુદ્રા॒ય ॥ પ્રતિપૂરુષં-વિઁભાડિતિ નેત્રત્રયા॑ય વૌ॒ષટ્ ॥
