কৃষ্ণ যজুর্বেদীয় তৈত্তিরীয় ব্রাহ্মণে তৃতীয়াষ্টকে চতুর্থঃ প্রপাঠকঃ - পুরুষমেধঃ
ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥
3.4.1 তো 3.4.19 -পুরুষমেধঃ
ব্রহ্ম॑ণে ব্রাহ্ম॒ণমাল॑ভতে । ক্ষ॒ত্রায়॑ রাজ॒ন্য়᳚ম্ । ম॒রুদ্ভ্য়ো॒ বৈশ্য়᳚ম্ । তপ॑সে শূ॒দ্রম্ । তম॑সে॒ তস্ক॑রম্ । নার॑কায় বীর॒হণ᳚ম্ । পা॒প্মনে᳚ ক্লী॒বম্ । আ॒ক্র॒য়ায়া॑য়ো॒গূম্ । কামা॑য় পুগ্গ্শ্চ॒লূম্ ।
অতি॑ক্রুষ্টায় মাগ॒ধম্ ॥ 1 ॥ (অ. 1)
গী॒তায়॑ সূ॒তম্ । নৃ॒ত্তায়॑ শৈলূ॒ষম্ । ধর্মা॑য় সভাচ॒রম্ । ন॒র্মায়॑ রে॒ভম্ । নরি॑ষ্ঠায়ৈ ভীম॒লম্ । হসা॑য়॒ কারি᳚ম্ । আ॒ন॒ন্দায়॑ স্ত্রীষ॒খম্ ।
প্র॒মুদে॑ কুমারীপু॒ত্রম্ । মে॒ধায়ৈ॑ রথকা॒রম্ ।
ধৈর্য়া॑য়॒ তক্ষা॑ণম্ ॥ 2 ॥ (অ. 2)
শ্রমা॑য় কৌলা॒লম্ । মা॒য়ায়ৈ॑ কার্মা॒রম্ । রূ॒পায়॑ মণিকা॒রম্ । শুভে॑ ব॒পম্ । শ॒র॒ব্য়া॑য়া ইষুকা॒রম্ । হে॒ত্য়ৈ ধ॑ন্বকা॒রম্ । কর্ম॑ণে জ্য়াকা॒রম্ । দি॒ষ্টায়॑ রজ্জুস॒র্গম্ । মৃ॒ত্যবে॑ মৃগ॒য়ুম্ ।
অন্ত॑কায় শ্ব॒নিত᳚ম্ ॥ 3 ॥ (অ. 3)
স॒ন্ধয়ে॑ জা॒রম্ । গে॒হায়ো॑পপ॒তিম্ । নির্-ঋ॑ত্য়ৈ পরিবি॒ত্তম্ । আর্ত্য়ৈ॑ পরিবিবিদা॒নম্ । অরা᳚দ্ধ্য়ৈ দিধিষূ॒পতি᳚ম্ । প॒বিত্রা॑য় ভি॒ষজ᳚ম্ ।
প্র॒জ্ঞানা॑য় নক্ষত্রদ॒র॒.শম্ । নিষ্কৃ॑ত্য়ৈ পেশস্কা॒রীম্ । বলা॑য়ো প॒দাম্ ।
বর্ণা॑য়ানূ॒রুধ᳚ম্ ॥ 4 ॥ (অ. 4)
ন॒দীভ্য়ঃ॑ পৌঞ্জি॒ষ্টম্ । ঋ॒ক্ষীকা᳚ভ্য়ো॒ নৈষা॑দম্ ।
পু॒রু॒ষ॒ব্য়া॒ঘ্রায়॑ দু॒র্মদ᳚ম্ । প্র॒য়ুদ্ভ্য়॒ উন্ম॑ত্তম্ । গ॒ন্ধ॒র্বা॒ফ্স॒রাভ্য়ো॒ ব্রাত্য়᳚ম্ ।
স॒র্প॒দে॒ব॒জ॒নেভ্য়ো ঽপ্র॑তিপদম্ । অবে᳚ভ্য়ঃ কিত॒বম্ ।
ই॒র্যতা॑য়া॒ অকি॑তবম্ । পি॒শা॒চেভ্য়ো॑ বিদলকা॒রম্ ।
যা॒তু॒ধানে᳚ভ্য়ঃ কণ্টককা॒রম্ ॥ 5 ॥ (অ. 5)
উ॒থ্সা॒দেভ্য়ঃ॑ কু॒ব্জম্ । প্র॒মুদে॑ বাম॒নম্ । দ্বা॒র্ভ্য়-স্স্রা॒মম্ । স্বপ্না॑য়া॒ন্ধম্ । অধ॑র্মায় বধি॒রম্ । স॒জ্ঞান্না॑য় স্মরকা॒রীম্ ।
প্র॒কা॒মোদ্য়া॑য়োপ॒সদ᳚ম্ । আ॒শি॒ক্ষায়ৈ᳚ প্র॒শ্নিন᳚ম্ ।
উ॒প॒শি॒ক্ষায়া॑ অভিপ্র॒শ্নিন᳚ম্ ।
ম॒র্য়াদা॑য়ৈ প্রশ্নবিবা॒কম্ ॥ 6 ॥ (অ. 6)
ঋত্য়ৈ᳚ স্তে॒নহৃ॑দযম্ । বৈর॑হত্য়ায়॒ পিশু॑নম্ । বিবি॑ত্ত্য়ৈ ক্ষ॒ত্তার᳚ম্ । ঔপ॑দ্রষ্টায় সঙ্গ্রহী॒তার᳚ম্ । বলা॑য়ানুচ॒রম্ । ভূ॒ম্নে প॑রিষ্ক॒ন্দম্ ।
প্রি॒য়ায়॑ প্রিযবা॒দিন᳚ম্ । অরি॑ষ্ট্য়া অশ্বসা॒দম্ ।
মেধা॑য় বাসঃ পল্পূ॒লীম্ । প্র॒কা॒মায়॑ রজয়ি॒ত্রীম্ ॥ 7 ॥ (অ. 7)
ভায়ৈ॑ দার্বাহা॒রম্ । প্র॒ভায়া॑ আগ্নে॒ন্ধম্ । নাক॑স্য় পৃ॒ষ্ঠায়া॑ভিষে॒ক্তার᳚ম্ । ব্র॒দ্ধ্নস্য়॑ বি॒ষ্টপা॑য় পাত্রনির্ণে॒গম্ । দে॒ব॒লো॒কায়॑ পেশি॒তার᳚ম্ ।
ম॒নু॒ষ্য়॒লো॒কায়॑ প্রকরি॒তার᳚ম্ ।
সর্বে᳚ভ্য়ো লো॒কেভ্য়॑ উপসে॒ক্তার᳚ম্ ।
অব॑র্ত্য়ৈ ব॒ধায়ো॑পমন্থি॒তার᳚ম্ ।
সুব॒র্গায়॑ লো॒কায়॑ ভাগ॒দুঘ᳚ম্ ।
বর্ষি॑ষ্ঠায়॒ নাকা॑য় পরিবে॒ষ্টার᳚ম্ ॥ 8 ॥ (অ. 8)
অর্মে᳚ভ্য়ো হস্তি॒পম্ । জ॒বায়া᳚শ্ব॒পম্ । পুষ্ট্য়ৈ॑ গোপা॒লম্ । তেজ॑সে-ঽজপা॒লম্ । বী॒র্য়া॑য়াবিপা॒লম্ । ইরা॑য়ৈ কী॒নাশ᳚ম্ । কী॒লালা॑য় সুরাকা॒রম্ । ভ॒দ্রায়॑ গৃহ॒পম্ । শ্রেয়॑সে বিত্ত॒ধম্ । অদ্ধ্য়॑ক্ষায়ানুক্ষ॒ত্তার᳚ম্ ॥ 9 ॥ (অ. 9)
ম॒ন্যবে॑-ঽযস্তা॒পম্ । ক্রোধা॑য় নিস॒রম্ । শোকা॑য়াভিস॒রম্ । উ॒ত্কূ॒ল॒বি॒কূ॒লাভ্য়া᳚-ন্ত্রি॒স্থিন᳚ম্ । যোগা॑য় যো॒ক্তার᳚ম্ । ক্ষেমা॑য় বিমো॒ক্তার᳚ম্ ।
বপু॑ষে মানস্কৃ॒তম্ । শীলা॑য়াঞ্জনীকা॒রম্ ।
নির্-ঋ॑ত্য়ৈ কোশকা॒রীম্ । য॒মায়া॒সূম্ ॥ 10 ॥ (অ. 10)
য॒ম্য়ৈ॑ যম॒সূম্ । অথ॑র্ব॒ভ্য়ো-ঽব॑তোকাম্ । সং॒বঁ॒থ্স॒রায়॑ পর্য়া॒রিণী᳚ম্ ।
প॒রি॒ব॒থ্স॒রায়াবি॑জাতাম্ । ই॒দা॒ব॒থ্স॒রায়া॑প॒স্কদ্ব॑রীম্ ।
ই॒দ্ব॒থ্স॒রায়া॒তীত্ব॑রীম্ । ব॒থ্স॒রায়॒ বিজ॑র্জরাম্ ।
স॒র্ব॒থ্সং॒রায়॒ পলি॑ক্নীম্ । বনা॑য় বন॒পম্ ।
অ॒ন্যতো॑রণ্য়ায় দাব॒পম্ ॥ 11 ॥ (অ. 11)
সরো᳚ভ্য়ো ধৈব॒রম্ । বেশ॑ন্তাভ্য়ো॒ দাশ᳚ম্ । উ॒প॒স্থাব॑রীভ্য়ো॒ বৈন্দ᳚ম্ ।
ন॒ড্ব॒লাভ্য়॑-শ্শৌষ্ক॒লম্ । পা॒র্য়া॑য় কৈব॒র্তম্ । অ॒বা॒র্য়া॑য় মার্গা॒রম্ । তী॒র্থেভ্য়॑ আ॒ন্দম্ । বিষ॑মেভ্য়ো মৈনা॒লম্ । স্বনে᳚ভ্য়ঃ॒ পর্ণ॑কম্ ।
গুহা᳚ভ্য়ঃ॒ কিরা॑তম্ । সানু॑ভ্য়ো॒ জম্ভ॑কম্ ।
পর্ব॑তেভ্য়ঃ॒ কি-ম্পূ॑রুষম্ ॥ 12 ॥ (অ. 12)
প্র॒তি॒শ্রুত্কা॑য়া ঋতু॒লম্ । ঘোষা॑য় ভ॒ষম্ ।
অন্তা॑য় বহুবা॒দিন᳚ম্ । অ॒ন॒ন্তায়॒ মূক᳚ম্ ।
মহ॑সে বীণাবা॒দম্ । ক্রোশা॑য় তূণব॒দ্ধ্মম্ ।
আ॒ক্র॒ন্দায়॑ দুন্দুভ্য়াঘা॒তম্ । অ॒ব॒র॒স্প॒রায়॑ শঙ্খ॒দ্ধ্মম্ । ঋ॒ভুভ্য়ো॑-ঽজিনসন্ধা॒যম্ । সা॒দ্ধ্য়েভ্য়॑শ্চর্ম॒ম্ণম্ ॥ 13 ॥ (অ. 13)
বী॒ভ॒থ্সায়ৈ॑ পৌল্ক॒সম্ । ভূত্য়ৈ॑ জাগর॒ণম্ । অভূ᳚ত্য়ৈ স্বপ॒নম্ । তু॒লায়ৈ॑ বাণি॒জম্ । বর্ণা॑য় হিরণ্যকা॒রম্ ।
বিশ্বে᳚ভ্য়ো দে॒বেভ্য়॑-স্সিদ্ধ্ম॒লম্ । প॒শ্চা॒-দ্দো॒ষায়॑ গ্লা॒বম্ । ঋত্য়ৈ॑ জনবা॒দিন᳚ম্ । ব্য়ৃ॑দ্ধ্য়া অপগ॒ল্ভম্ ।
স॒গ্ম্॒শ॒রায়॑ প্র॒চ্ছিদ᳚ম্ ॥ 14 ॥ (অ. 14)
হসা॑য় পুগ্গ্শ্চ॒লূমাল॑ভতে । বী॒ণা॒বা॒দ-ঙ্গণ॑ক-ঙ্গী॒তায়॑ । যাদ॑সে শাবু॒ল্য়াম্ । ন॒র্মায়॑ ভদ্রব॒তীম্ ।
তূ॒ণ॒ব॒দ্ধ্ম-ঙ্গ্রা॑ম॒ণ্য়॑-ম্পাণিসঙ্ঘা॒ত-ন্নৃ॒ত্তায়॑ । মোদা॑য়ানু॒ক্রোশ॑কম্ ।
আ॒ন॒ন্দায়॑ তল॒বম্ ॥ 15 ॥ (অ. 15)
অ॒ক্ষ॒রা॒জায়॑ কিত॒বম্ । কৃ॒তায়॑ সভা॒বিন᳚ম্ । ত্রেতা॑য়া আদিনবদ॒র্॒শম্ । দ্বা॒প॒রায়॑ বহি॒-স্সদ᳚ম্ । কল॑য়ে সভাস্থা॒ণুম্ । দু॒ষ্কৃ॒তায়॑ চ॒রকা॑চার্যম্ ।
অদ্ধ্ব॑নে ব্রহ্মচা॒রিণ᳚ম্ । পি॒শা॒চেভ্য়॑-স্সৈল॒গম্ । পি॒পা॒সায়ৈ॑ গোব্য়॒চ্ছম্ । নির্-ঋ॑ত্য়ৈ গোঘা॒তম্ । ক্ষু॒ধে গো॑বিক॒র্তম্ । ক্ষু॒ত্তৃ॒ষ্ণাভ্য়া॒-ন্তম্ ।
যো গাং-বিঁ॒কৃন্ত॑ন্ত-ম্মা॒গ্ম্॒স-ম্ভিক্ষ॑মাণ উপ॒তিষ্ঠ॑তে ॥ 16 ॥ (অ. 16)
ভূম্য়ৈ॑ পীঠস॒র্পিণ॒মাল॑ভতে । অ॒গ্নয়ে-ঽগ্ম্॑স॒লম্ ।
বা॒যবে॑ চাণ্ডা॒লম্ । অ॒ন্তরি॑ক্ষায় বগ্ম্শন॒র্তিন᳚ম্ । দি॒বে খ॑ল॒তিম্ । সূর্য়া॑য় হর্য়॒ক্ষম্ ।
চ॒ন্দ্রম॑সে মির্মি॒রম্ । নক্ষ॑ত্রেভ্য়ঃ কি॒লাস᳚ম্ ।
অহ্নে॑ শু॒ক্ল-ম্পি॑ঙ্গ॒লম্ । রাত্রি॑য়ৈ কৃ॒ষ্ণ-ম্পি॑ঙ্গা॒ক্ষম্ ॥ 17 ॥ (অ. 17)
বা॒চে পুরু॑ষ॒মাল॑ভতে । প্রা॒ণম॑পা॒নং-ব্য়াঁ॒নমু॑দা॒নগ্ম্ স॑মা॒ন-ন্তান্. বা॒যবে᳚ ।
সূর্য়া॑য়॒ চক্ষু॒রাল॑ভতে । মন॑শ্চ॒ন্দ্রম॑সে । দি॒গ্ম্য়-শ্শ্রোত্র᳚ম্ । প্র॒জাপ॑তয়ে॒ পুরু॑ষম্ ॥ 18 ॥ (অ. 18)
অথৈ॒তানরূ॑পেভ্য়॒ আল॑ভতে । অতি॑হ্রস্ব॒-মতি॑দীর্ঘম্ ।
অতি॑কৃশ॒মত্য়গ্ম্॑সলম্ । অতি॑শুক্ল॒-মতি॑কৃষ্ণম্ ।
অতি॑শ্লক্ষ্ণ॒-মতি॑লোমশম্ । অতি॑কিরিট॒-মতি॑দন্তুরম্ ।
অতি॑মির্মির॒-মতি॑মেমিষম্ । আ॒শায়ৈ॑ জা॒মিম্ ।
প্র॒তী॒ক্ষায়ৈ॑ কুমা॒রীম্ ॥ 19 ॥ (অ. 19)
(ব্রহ্ম॑ণে - গী॒তায়॒ - শ্রমা॑য় - স॒ন্ধয়ে॑ - ন॒দীভ্য়॑ - উথ্সা॒দেভ্য়॒ -ঋত্য়ৈ॒ - ভায়া॒ - অর্মে᳚ভ্য়ো - ম॒ন্যবে॑ - য॒ম্য়ৈ॑ দশ॑ দশ॒ - সরো᳚ভ্য়ো॒ দ্বাদ॑শ - প্রতি॒শ্রুত্কা॑য়ৈ - বীভ॒থ্সায়ৈ॒ দশ॑ দশ॒ - হসা॑য় স॒প্তা-
ক্ষ॑রা॒জায়॒ ত্রয়ো॑দশ॒ - ভূম্য়ৈ॒ দশ॑ - বা॒চে ষডথ॒ - নবৈকা॒ন্ন বিগ্ম্॑শতিঃ )
(ব্রহ্ম॑ণে - য॒ম্য়ৈ॑ নব॑দশ)
(ব্রহ্ম॑ণে - কুমা॒রীম্)
॥ হরিঃ॑ ওম্ ॥
॥ কৃষ্ণ যজুর্বেদীয় তৈত্তিরীয় ব্রাহ্মণে তৃতীয়াষ্টকে চতুর্থ প্রপাঠক-স্সমাপ্তঃ ॥
