କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ ତୃତୀୟାଷ୍ଟକେ ଚତୁର୍ଥଃ ପ୍ରପାଠକଃ - ପୁରୁଷମେଧଃ

ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥

3.4.1 ତୋ 3.4.19 -ପୁରୁଷମେଧଃ

ବ୍ରହ୍ମ॑ଣେ ବ୍ରାହ୍ମ॒ଣମାଲ॑ଭତେ । କ୍ଷ॒ତ୍ରାୟ॑ ରାଜ॒ନ୍ୟ᳚ମ୍ । ମ॒ରୁଦ୍ଭ୍ୟୋ॒ ଵୈଶ୍ୟ᳚ମ୍ । ତପ॑ସେ ଶୂ॒ଦ୍ରମ୍ । ତମ॑ସେ॒ ତସ୍କ॑ରମ୍ । ନାର॑କାୟ ଵୀର॒ହଣ᳚ମ୍ । ପା॒ପ୍ମନେ᳚ କ୍ଲୀ॒ବମ୍ । ଆ॒କ୍ର॒ୟାୟା॑ୟୋ॒ଗୂମ୍ । କାମା॑ୟ ପୁଗ୍ଗ୍​ଶ୍ଚ॒ଲୂମ୍ ।
ଅତି॑କ୍ରୁଷ୍ଟାୟ ମାଗ॒ଧମ୍ ॥ 1 ॥ (ଅ. 1)

ଗୀ॒ତାୟ॑ ସୂ॒ତମ୍ । ନୃ॒ତ୍ତାୟ॑ ଶୈଲୂ॒ଷମ୍ । ଧର୍ମା॑ୟ ସଭାଚ॒ରମ୍ । ନ॒ର୍ମାୟ॑ ରେ॒ଭମ୍ । ନରି॑ଷ୍ଠାୟୈ ଭୀମ॒ଲମ୍ । ହସା॑ୟ॒ କାରି᳚ମ୍ । ଆ॒ନ॒ନ୍ଦାୟ॑ ସ୍ତ୍ରୀଷ॒ଖମ୍ ।
ପ୍ର॒ମୁଦେ॑ କୁମାରୀପୁ॒ତ୍ରମ୍ । ମେ॒ଧାୟୈ॑ ରଥକା॒ରମ୍ ।
ଧୈର୍ୟା॑ୟ॒ ତକ୍ଷା॑ଣମ୍ ॥ 2 ॥ (ଅ. 2)

ଶ୍ରମା॑ୟ କୌଲା॒ଲମ୍ । ମା॒ୟାୟୈ॑ କାର୍ମା॒ରମ୍ । ରୂ॒ପାୟ॑ ମଣିକା॒ରମ୍ । ଶୁଭେ॑ ଵ॒ପମ୍ । ଶ॒ର॒ଵ୍ୟା॑ୟା ଇଷୁକା॒ରମ୍ । ହେ॒ତ୍ୟୈ ଧ॑ନ୍ଵକା॒ରମ୍ । କର୍ମ॑ଣେ ଜ୍ୟାକା॒ରମ୍ । ଦି॒ଷ୍ଟାୟ॑ ରଜ୍ଜୁସ॒ର୍ଗମ୍ । ମୃ॒ତ୍ୟଵେ॑ ମୃଗ॒ୟୁମ୍ ।
ଅନ୍ତ॑କାୟ ଶ୍ଵ॒ନିତ᳚ମ୍ ॥ 3 ॥ (ଅ. 3)

ସ॒ନ୍ଧୟେ॑ ଜା॒ରମ୍ । ଗେ॒ହାୟୋ॑ପପ॒ତିମ୍ । ନିର୍-ଋ॑ତ୍ୟୈ ପରିଵି॒ତ୍ତମ୍ । ଆର୍ତ୍ୟୈ॑ ପରିଵିଵିଦା॒ନମ୍ । ଅରା᳚ଦ୍ଧ୍ୟୈ ଦିଧିଷୂ॒ପତି᳚ମ୍ । ପ॒ଵିତ୍ରା॑ୟ ଭି॒ଷଜ᳚ମ୍ ।
ପ୍ର॒ଜ୍ଞାନା॑ୟ ନକ୍ଷତ୍ରଦ॒ର॒.ଶମ୍ । ନିଷ୍କୃ॑ତ୍ୟୈ ପେଶସ୍କା॒ରୀମ୍ । ବଲା॑ୟୋ ପ॒ଦାମ୍ ।
ଵର୍ଣା॑ୟାନୂ॒ରୁଧ᳚ମ୍ ॥ 4 ॥ (ଅ. 4)

ନ॒ଦୀଭ୍ୟଃ॑ ପୌଞ୍ଜି॒ଷ୍ଟମ୍ । ଋ॒କ୍ଷୀକା᳚ଭ୍ୟୋ॒ ନୈଷା॑ଦମ୍ ।
ପୁ॒ରୁ॒ଷ॒ଵ୍ୟା॒ଘ୍ରାୟ॑ ଦୁ॒ର୍ମଦ᳚ମ୍ । ପ୍ର॒ୟୁଦ୍ଭ୍ୟ॒ ଉନ୍ମ॑ତ୍ତମ୍ । ଗ॒ନ୍ଧ॒ର୍ଵା॒ଫ୍ସ॒ରାଭ୍ୟୋ॒ ଵ୍ରାତ୍ୟ᳚ମ୍ ।
ସ॒ର୍ପ॒ଦେ॒ଵ॒ଜ॒ନେଭ୍ୟୋ ଽପ୍ର॑ତିପଦମ୍ । ଅଵେ᳚ଭ୍ୟଃ କିତ॒ଵମ୍ ।
ଇ॒ର୍ୟତା॑ୟା॒ ଅକି॑ତଵମ୍ । ପି॒ଶା॒ଚେଭ୍ୟୋ॑ ବିଦଲକା॒ରମ୍ ।
ୟା॒ତୁ॒ଧାନେ᳚ଭ୍ୟଃ କଣ୍ଟକକା॒ରମ୍ ॥ 5 ॥ (ଅ. 5)

ଉ॒ଥ୍ସା॒ଦେଭ୍ୟଃ॑ କୁ॒ବ୍ଜମ୍ । ପ୍ର॒ମୁଦେ॑ ଵାମ॒ନମ୍ । ଦ୍ଵା॒ର୍ଭ୍ୟ-ସ୍ସ୍ରା॒ମମ୍ । ସ୍ଵପ୍ନା॑ୟା॒ନ୍ଧମ୍ । ଅଧ॑ର୍ମାୟ ବଧି॒ରମ୍ । ସ॒ଜ୍ଞାନ୍ନା॑ୟ ସ୍ମରକା॒ରୀମ୍ ।
ପ୍ର॒କା॒ମୋଦ୍ୟା॑ୟୋପ॒ସଦ᳚ମ୍ । ଆ॒ଶି॒କ୍ଷାୟୈ᳚ ପ୍ର॒ଶ୍ନିନ᳚ମ୍ ।
ଉ॒ପ॒ଶି॒କ୍ଷାୟା॑ ଅଭିପ୍ର॒ଶ୍ନିନ᳚ମ୍ ।
ମ॒ର୍ୟାଦା॑ୟୈ ପ୍ରଶ୍ନଵିଵା॒କମ୍ ॥ 6 ॥ (ଅ. 6)

ଋତ୍ୟୈ᳚ ସ୍ତେ॒ନହୃ॑ଦୟମ୍ । ଵୈର॑ହତ୍ୟାୟ॒ ପିଶୁ॑ନମ୍ । ଵିଵି॑ତ୍ତ୍ୟୈ କ୍ଷ॒ତ୍ତାର᳚ମ୍ । ଔପ॑ଦ୍ରଷ୍ଟାୟ ସଙ୍ଗ୍ରହୀ॒ତାର᳚ମ୍ । ବଲା॑ୟାନୁଚ॒ରମ୍ । ଭୂ॒ମ୍ନେ ପ॑ରିଷ୍କ॒ନ୍ଦମ୍ ।
ପ୍ରି॒ୟାୟ॑ ପ୍ରିୟଵା॒ଦିନ᳚ମ୍ । ଅରି॑ଷ୍ଟ୍ୟା ଅଶ୍ଵସା॒ଦମ୍ ।
ମେଧା॑ୟ ଵାସଃ ପଲ୍ପୂ॒ଲୀମ୍ । ପ୍ର॒କା॒ମାୟ॑ ରଜୟି॒ତ୍ରୀମ୍ ॥ 7 ॥ (ଅ. 7)

ଭାୟୈ॑ ଦାର୍ଵାହା॒ରମ୍ । ପ୍ର॒ଭାୟା॑ ଆଗ୍ନେ॒ନ୍ଧମ୍ । ନାକ॑ସ୍ୟ ପୃ॒ଷ୍ଠାୟା॑ଭିଷେ॒କ୍ତାର᳚ମ୍ । ବ୍ର॒ଦ୍ଧ୍ନସ୍ୟ॑ ଵି॒ଷ୍ଟପା॑ୟ ପାତ୍ରନିର୍ଣେ॒ଗମ୍ । ଦେ॒ଵ॒ଲୋ॒କାୟ॑ ପେଶି॒ତାର᳚ମ୍ ।
ମ॒ନୁ॒ଷ୍ୟ॒ଲୋ॒କାୟ॑ ପ୍ରକରି॒ତାର᳚ମ୍ ।
ସର୍ଵେ᳚ଭ୍ୟୋ ଲୋ॒କେଭ୍ୟ॑ ଉପସେ॒କ୍ତାର᳚ମ୍ ।
ଅଵ॑ର୍ତ୍ୟୈ ଵ॒ଧାୟୋ॑ପମନ୍ଥି॒ତାର᳚ମ୍ ।
ସୁଵ॒ର୍ଗାୟ॑ ଲୋ॒କାୟ॑ ଭାଗ॒ଦୁଘ᳚ମ୍ ।
ଵର୍​ଷି॑ଷ୍ଠାୟ॒ ନାକା॑ୟ ପରିଵେ॒ଷ୍ଟାର᳚ମ୍ ॥ 8 ॥ (ଅ. 8)

ଅର୍ମେ᳚ଭ୍ୟୋ ହସ୍ତି॒ପମ୍ । ଜ॒ଵାୟା᳚ଶ୍ଵ॒ପମ୍ । ପୁଷ୍ଟ୍ୟୈ॑ ଗୋପା॒ଲମ୍ । ତେଜ॑ସେ-ଽଜପା॒ଲମ୍ । ଵୀ॒ର୍ୟା॑ୟାଵିପା॒ଲମ୍ । ଇରା॑ୟୈ କୀ॒ନାଶ᳚ମ୍ । କୀ॒ଲାଲା॑ୟ ସୁରାକା॒ରମ୍ । ଭ॒ଦ୍ରାୟ॑ ଗୃହ॒ପମ୍ । ଶ୍ରେୟ॑ସେ ଵିତ୍ତ॒ଧମ୍ । ଅଦ୍ଧ୍ୟ॑କ୍ଷାୟାନୁକ୍ଷ॒ତ୍ତାର᳚ମ୍ ॥ 9 ॥ (ଅ. 9)

ମ॒ନ୍ୟଵେ॑-ଽୟସ୍ତା॒ପମ୍ । କ୍ରୋଧା॑ୟ ନିସ॒ରମ୍ । ଶୋକା॑ୟାଭିସ॒ରମ୍ । ଉ॒ତ୍କୂ॒ଲ॒ଵି॒କୂ॒ଲାଭ୍ୟା᳚-ନ୍ତ୍ରି॒ସ୍ଥିନ᳚ମ୍ । ୟୋଗା॑ୟ ୟୋ॒କ୍ତାର᳚ମ୍ । କ୍ଷେମା॑ୟ ଵିମୋ॒କ୍ତାର᳚ମ୍ ।
ଵପୁ॑ଷେ ମାନସ୍କୃ॒ତମ୍ । ଶୀଲା॑ୟାଞ୍ଜନୀକା॒ରମ୍ ।
ନିର୍-ଋ॑ତ୍ୟୈ କୋଶକା॒ରୀମ୍ । ୟ॒ମାୟା॒ସୂମ୍ ॥ 10 ॥ (ଅ. 10)

ୟ॒ମ୍ୟୈ॑ ୟମ॒ସୂମ୍ । ଅଥ॑ର୍ଵ॒ଭ୍ୟୋ-ଽଵ॑ତୋକାମ୍ । ସଂ॒​ଵଁ॒ଥ୍ସ॒ରାୟ॑ ପର୍ୟା॒ରିଣୀ᳚ମ୍ ।
ପ॒ରି॒ଵ॒ଥ୍ସ॒ରାୟାଵି॑ଜାତାମ୍ । ଇ॒ଦା॒ଵ॒ଥ୍ସ॒ରାୟା॑ପ॒ସ୍କଦ୍ଵ॑ରୀମ୍ ।
ଇ॒ଦ୍ଵ॒ଥ୍ସ॒ରାୟା॒ତୀତ୍ଵ॑ରୀମ୍ । ଵ॒ଥ୍ସ॒ରାୟ॒ ଵିଜ॑ର୍ଜରାମ୍ ।
ସ॒ର୍ଵ॒ଥ୍ସଂ॒ରାୟ॒ ପଲି॑କ୍ନୀମ୍ । ଵନା॑ୟ ଵନ॒ପମ୍ ।
ଅ॒ନ୍ୟତୋ॑ରଣ୍ୟାୟ ଦାଵ॒ପମ୍ ॥ 11 ॥ (ଅ. 11)

ସରୋ᳚ଭ୍ୟୋ ଧୈଵ॒ରମ୍ । ଵେଶ॑ନ୍ତାଭ୍ୟୋ॒ ଦାଶ᳚ମ୍ । ଉ॒ପ॒ସ୍ଥାଵ॑ରୀଭ୍ୟୋ॒ ବୈନ୍ଦ᳚ମ୍ ।
ନ॒ଡ୍ଵ॒ଲାଭ୍ୟ॑-ଶ୍ଶୌଷ୍କ॒ଲମ୍ । ପା॒ର୍ୟା॑ୟ କୈଵ॒ର୍ତମ୍ । ଅ॒ଵା॒ର୍ୟା॑ୟ ମାର୍ଗା॒ରମ୍ । ତୀ॒ର୍ଥେଭ୍ୟ॑ ଆ॒ନ୍ଦମ୍ । ଵିଷ॑ମେଭ୍ୟୋ ମୈନା॒ଲମ୍ । ସ୍ଵନେ᳚ଭ୍ୟଃ॒ ପର୍ଣ॑କମ୍ ।
ଗୁହା᳚ଭ୍ୟଃ॒ କିରା॑ତମ୍ । ସାନୁ॑ଭ୍ୟୋ॒ ଜମ୍ଭ॑କମ୍ ।
ପର୍ଵ॑ତେଭ୍ୟଃ॒ କି-ମ୍ପୂ॑ରୁଷମ୍ ॥ 12 ॥ (ଅ. 12)

ପ୍ର॒ତି॒ଶ୍ରୁତ୍କା॑ୟା ଋତୁ॒ଲମ୍ । ଘୋଷା॑ୟ ଭ॒ଷମ୍ ।
ଅନ୍ତା॑ୟ ବହୁଵା॒ଦିନ᳚ମ୍ । ଅ॒ନ॒ନ୍ତାୟ॒ ମୂକ᳚ମ୍ ।
ମହ॑ସେ ଵୀଣାଵା॒ଦମ୍ । କ୍ରୋଶା॑ୟ ତୂଣଵ॒ଦ୍ଧ୍ମମ୍ ।
ଆ॒କ୍ର॒ନ୍ଦାୟ॑ ଦୁନ୍ଦୁଭ୍ୟାଘା॒ତମ୍ । ଅ॒ଵ॒ର॒ସ୍ପ॒ରାୟ॑ ଶଙ୍ଖ॒ଦ୍ଧ୍ମମ୍ । ଋ॒ଭୁଭ୍ୟୋ॑-ଽଜିନସନ୍ଧା॒ୟମ୍ । ସା॒ଦ୍ଧ୍ୟେଭ୍ୟ॑ଶ୍ଚର୍ମ॒ମ୍ଣମ୍ ॥ 13 ॥ (ଅ. 13)

ବୀ॒ଭ॒ଥ୍ସାୟୈ॑ ପୌଲ୍କ॒ସମ୍ । ଭୂତ୍ୟୈ॑ ଜାଗର॒ଣମ୍ । ଅଭୂ᳚ତ୍ୟୈ ସ୍ଵପ॒ନମ୍ । ତୁ॒ଲାୟୈ॑ ଵାଣି॒ଜମ୍ । ଵର୍ଣା॑ୟ ହିରଣ୍ୟକା॒ରମ୍ ।
ଵିଶ୍ଵେ᳚ଭ୍ୟୋ ଦେ॒ଵେଭ୍ୟ॑-ସ୍ସିଦ୍ଧ୍ମ॒ଲମ୍ । ପ॒ଶ୍ଚା॒-ଦ୍ଦୋ॒ଷାୟ॑ ଗ୍ଲା॒ଵମ୍ । ଋତ୍ୟୈ॑ ଜନଵା॒ଦିନ᳚ମ୍ । ଵ୍ୟୃ॑ଦ୍ଧ୍ୟା ଅପଗ॒ଲ୍ଭମ୍ ।
ସ॒ଗ୍​ମ୍॒ଶ॒ରାୟ॑ ପ୍ର॒ଚ୍ଛିଦ᳚ମ୍ ॥ 14 ॥ (ଅ. 14)

ହସା॑ୟ ପୁଗ୍ଗ୍​ଶ୍ଚ॒ଲୂମାଲ॑ଭତେ । ଵୀ॒ଣା॒ଵା॒ଦ-ଙ୍ଗଣ॑କ-ଙ୍ଗୀ॒ତାୟ॑ । ୟାଦ॑ସେ ଶାବୁ॒ଲ୍ୟାମ୍ । ନ॒ର୍ମାୟ॑ ଭଦ୍ରଵ॒ତୀମ୍ ।
ତୂ॒ଣ॒ଵ॒ଦ୍ଧ୍ମ-ଙ୍ଗ୍ରା॑ମ॒ଣ୍ୟ॑-ମ୍ପାଣିସଙ୍ଘା॒ତ-ନ୍ନୃ॒ତ୍ତାୟ॑ । ମୋଦା॑ୟାନୁ॒କ୍ରୋଶ॑କମ୍ ।
ଆ॒ନ॒ନ୍ଦାୟ॑ ତଲ॒ଵମ୍ ॥ 15 ॥ (ଅ. 15)

ଅ॒କ୍ଷ॒ରା॒ଜାୟ॑ କିତ॒ଵମ୍ । କୃ॒ତାୟ॑ ସଭା॒ଵିନ᳚ମ୍ । ତ୍ରେତା॑ୟା ଆଦିନଵଦ॒ର୍॒ଶମ୍ । ଦ୍ଵା॒ପ॒ରାୟ॑ ବହି॒-ସ୍ସଦ᳚ମ୍ । କଲ॑ୟେ ସଭାସ୍ଥା॒ଣୁମ୍ । ଦୁ॒ଷ୍କୃ॒ତାୟ॑ ଚ॒ରକା॑ଚାର୍ୟମ୍ ।
ଅଦ୍ଧ୍ଵ॑ନେ ବ୍ରହ୍ମଚା॒ରିଣ᳚ମ୍ । ପି॒ଶା॒ଚେଭ୍ୟ॑-ସ୍ସୈଲ॒ଗମ୍ । ପି॒ପା॒ସାୟୈ॑ ଗୋଵ୍ୟ॒ଚ୍ଛମ୍ । ନିର୍-ଋ॑ତ୍ୟୈ ଗୋଘା॒ତମ୍ । କ୍ଷୁ॒ଧେ ଗୋ॑ଵିକ॒ର୍ତମ୍ । କ୍ଷୁ॒ତ୍ତୃ॒ଷ୍ଣାଭ୍ୟା॒-ନ୍ତମ୍ ।
ୟୋ ଗାଂ-ଵିଁ॒କୃନ୍ତ॑ନ୍ତ-ମ୍ମା॒ଗ୍​ମ୍॒ସ-ମ୍ଭିକ୍ଷ॑ମାଣ ଉପ॒ତିଷ୍ଠ॑ତେ ॥ 16 ॥ (ଅ. 16)

ଭୂମ୍ୟୈ॑ ପୀଠସ॒ର୍ପିଣ॒ମାଲ॑ଭତେ । ଅ॒ଗ୍ନୟେ-ଽଗ୍​ମ୍॑ସ॒ଲମ୍ ।
ଵା॒ୟଵେ॑ ଚାଣ୍ଡା॒ଲମ୍ । ଅ॒ନ୍ତରି॑କ୍ଷାୟ ଵଗ୍​ମ୍ଶନ॒ର୍ତିନ᳚ମ୍ । ଦି॒ଵେ ଖ॑ଲ॒ତିମ୍ । ସୂର୍ୟା॑ୟ ହର୍ୟ॒କ୍ଷମ୍ ।
ଚ॒ନ୍ଦ୍ରମ॑ସେ ମିର୍ମି॒ରମ୍ । ନକ୍ଷ॑ତ୍ରେଭ୍ୟଃ କି॒ଲାସ᳚ମ୍ ।
ଅହ୍ନେ॑ ଶୁ॒କ୍ଲ-ମ୍ପି॑ଙ୍ଗ॒ଲମ୍ । ରାତ୍ରି॑ୟୈ କୃ॒ଷ୍ଣ-ମ୍ପି॑ଙ୍ଗା॒କ୍ଷମ୍ ॥ 17 ॥ (ଅ. 17)

ଵା॒ଚେ ପୁରୁ॑ଷ॒ମାଲ॑ଭତେ । ପ୍ରା॒ଣମ॑ପା॒ନଂ-ଵ୍ୟାଁ॒ନମୁ॑ଦା॒ନଗ୍​ମ୍ ସ॑ମା॒ନ-ନ୍ତାନ୍. ଵା॒ୟଵେ᳚ ।
ସୂର୍ୟା॑ୟ॒ ଚକ୍ଷୁ॒ରାଲ॑ଭତେ । ମନ॑ଶ୍ଚ॒ନ୍ଦ୍ରମ॑ସେ । ଦି॒ଗ୍ମ୍ୟ-ଶ୍ଶ୍ରୋତ୍ର᳚ମ୍ । ପ୍ର॒ଜାପ॑ତୟେ॒ ପୁରୁ॑ଷମ୍ ॥ 18 ॥ (ଅ. 18)

ଅଥୈ॒ତାନରୂ॑ପେଭ୍ୟ॒ ଆଲ॑ଭତେ । ଅତି॑ହ୍ରସ୍ଵ॒-ମତି॑ଦୀର୍ଘମ୍ ।
ଅତି॑କୃଶ॒ମତ୍ୟଗ୍​ମ୍॑ସଲମ୍ । ଅତି॑ଶୁକ୍ଲ॒-ମତି॑କୃଷ୍ଣମ୍ ।
ଅତି॑ଶ୍ଲକ୍ଷ୍ଣ॒-ମତି॑ଲୋମଶମ୍ । ଅତି॑କିରିଟ॒-ମତି॑ଦନ୍ତୁରମ୍ ।
ଅତି॑ମିର୍ମିର॒-ମତି॑ମେମିଷମ୍ । ଆ॒ଶାୟୈ॑ ଜା॒ମିମ୍ ।
ପ୍ର॒ତୀ॒କ୍ଷାୟୈ॑ କୁମା॒ରୀମ୍ ॥ 19 ॥ (ଅ. 19)

(ବ୍ରହ୍ମ॑ଣେ - ଗୀ॒ତାୟ॒ - ଶ୍ରମା॑ୟ - ସ॒ନ୍ଧୟେ॑ - ନ॒ଦୀଭ୍ୟ॑ - ଉଥ୍ସା॒ଦେଭ୍ୟ॒ -ଋତ୍ୟୈ॒ - ଭାୟା॒ - ଅର୍ମେ᳚ଭ୍ୟୋ - ମ॒ନ୍ୟଵେ॑ - ୟ॒ମ୍ୟୈ॑ ଦଶ॑ ଦଶ॒ - ସରୋ᳚ଭ୍ୟୋ॒ ଦ୍ଵାଦ॑ଶ - ପ୍ରତି॒ଶ୍ରୁତ୍କା॑ୟୈ - ବୀଭ॒ଥ୍ସାୟୈ॒ ଦଶ॑ ଦଶ॒ - ହସା॑ୟ ସ॒ପ୍ତା-
କ୍ଷ॑ରା॒ଜାୟ॒ ତ୍ରୟୋ॑ଦଶ॒ - ଭୂମ୍ୟୈ॒ ଦଶ॑ - ଵା॒ଚେ ଷଡଥ॒ - ନଵୈକା॒ନ୍ନ ଵିଗ୍​ମ୍॑ଶତିଃ )

(ବ୍ରହ୍ମ॑ଣେ - ୟ॒ମ୍ୟୈ॑ ନଵ॑ଦଶ)

(ବ୍ରହ୍ମ॑ଣେ - କୁମା॒ରୀମ୍)

॥ ହରିଃ॑ ଓମ୍ ॥

॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ ତୃତୀୟାଷ୍ଟକେ ଚତୁର୍ଥ ପ୍ରପାଠକ-ସ୍ସମାପ୍ତଃ ॥