𑌶𑍍𑌰𑍀 𑌰𑌾𑌧𑌾 𑌕𑍃𑌷𑍍𑌣 𑌅𑌷𑍍𑌟𑌕𑌮𑍍

𑌯𑌃 𑌶𑍍𑌰𑍀𑌗𑍋𑌵𑌰𑍍𑌧𑌨𑌾𑌦𑍍𑌰𑌿𑌂 𑌸𑌕𑌲𑌸𑍁𑌰𑌪𑌤𑍀𑌂𑌸𑍍𑌤𑌤𑍍𑌰𑌗𑍋𑌗𑍋𑌪𑌬𑍃𑌂𑌦𑌂
𑌸𑍍𑌵𑍀𑌯𑌂 𑌸𑌂𑌰𑌕𑍍𑌷𑌿𑌤𑍁𑌂 𑌚𑍇𑌤𑍍𑌯𑌮𑌰𑌸𑍁𑌖𑌕𑌰𑌂 𑌮𑍋𑌹𑌯𑌨𑍍 𑌸𑌂𑌦𑌧𑌾𑌰 ।
𑌤𑌨𑍍𑌮𑌾𑌨𑌂 𑌖𑌂𑌡𑌯𑌿𑌤𑍍𑌵𑌾 𑌵𑌿𑌜𑌿𑌤𑌰𑌿𑌪𑍁𑌕𑍁𑌲𑍋 𑌨𑍀𑌲𑌧𑌾𑌰𑌾𑌧𑌰𑌾𑌭𑌃
𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 1 ॥

𑌯𑌂 𑌦𑍃𑌷𑍍𑌟𑍍𑌵𑌾 𑌕𑌂𑌸𑌭𑍂𑌪𑌃 𑌸𑍍𑌵𑌕𑍃𑌤𑌕𑍃𑌤𑌿𑌮𑌹𑍋 𑌸𑌂𑌸𑍍𑌮𑌰𑌨𑍍𑌮𑌂𑌤𑍍𑌰𑌿𑌵𑌰𑍍𑌯𑌾𑌨𑍍
𑌕𑌿𑌂 𑌵𑌾 𑌪𑍂𑌰𑍍𑌵𑌂 𑌮𑌯𑍇𑌦𑌂 𑌕𑍃𑌤𑌮𑌿𑌤𑌿 𑌵𑌚𑌨𑌂 𑌦𑍁𑌃𑌖𑌿𑌤𑌃 𑌪𑍍𑌰𑌤𑍍𑌯𑍁𑌵𑌾𑌚 ।
𑌆𑌜𑍍𑌞𑌪𑍍𑌤𑍋 𑌨𑌾𑌰𑌦𑍇𑌨 𑌸𑍍𑌮𑌿𑌤𑌯𑍁𑌤𑌵𑌦𑌨𑌃 𑌪𑍂𑌰𑌯𑌨𑍍𑌸𑌰𑍍𑌵𑌕𑌾𑌮𑌾𑌨𑍍
𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 2 ॥

𑌯𑍇𑌨 𑌪𑍍𑌰𑍋𑌦𑍍𑌯𑌤𑍍𑌪𑍍𑌰𑌤𑌾𑌪𑌾 𑌨𑍃𑌪𑌤𑌿𑌕𑍁𑌲𑌭𑌵𑌾𑌃 𑌪𑌾𑌂𑌡𑌵𑌾𑌃 𑌕𑍌𑌰𑌵𑌾𑌬𑍍𑌧𑌿𑌂
𑌤𑍀𑌰𑍍𑌤𑍍𑌵𑌾 𑌪𑌾𑌰𑌂 𑌤𑌦𑍀𑌯𑌂 𑌜𑌗𑌦𑌖𑌿𑌲𑌨𑍃𑌣𑌾𑌂 𑌦𑍁𑌸𑍍𑌤𑌰𑌂𑌚𑍇𑌤𑌿 𑌜𑌗𑍍𑌮𑍁𑌃 ।
𑌤𑌤𑍍𑌪𑌤𑍍𑌨𑍀𑌚𑍀𑌰𑌵𑍃𑌦𑍍𑌧𑌿𑌪𑍍𑌰𑌵𑌿𑌦𑌿𑌤𑌮𑌹𑌿𑌮𑌾 𑌭𑍂𑌤𑌲𑍇 𑌭𑍂𑌪𑌤𑍀𑌶𑌃
𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 3 ॥

𑌯𑌸𑍍𑌮𑍈 𑌚𑍋𑌦𑍍𑌧𑍃𑌤𑍍𑌯 𑌪𑌾𑌤𑍍𑌰𑌾𑌦𑍍𑌦𑌧𑌿𑌯𑍁𑌤𑌨𑌵𑌨𑍀𑌤𑌂 𑌕𑌰𑍈𑌰𑍍𑌗𑍋𑌪𑌿𑌕𑌾𑌭𑌿-
𑌰𑍍𑌦𑌤𑍍𑌤𑌂 𑌤𑌦𑍍𑌭𑌾𑌵𑌪𑍂𑌰𑍍𑌤𑍌 𑌵𑌿𑌨𑌿𑌹𑌿𑌤𑌹𑍃𑌦𑌯𑌸𑍍𑌸𑌤𑍍𑌯𑌮𑍇𑌵𑌂 𑌤𑌿𑌰𑍋𑌧𑌾𑌤𑍍 ।
𑌮𑍁𑌕𑍍𑌤𑌾𑌗𑍁𑌂𑌜𑌾𑌵𑌳𑍀𑌭𑌿𑌃 𑌪𑍍𑌰𑌚𑍁𑌰𑌤𑌮𑌰𑍁𑌚𑌿𑌃 𑌕𑍁𑌂𑌡𑌲𑌾𑌕𑍍𑌰𑌾𑌂𑌤𑌗𑌂𑌡𑌃
𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 4 ॥

𑌯𑌸𑍍𑌮𑌾𑌦𑍍𑌵𑌿𑌶𑍍𑌵𑌾𑌭𑌿𑌰𑌾𑌮𑌾𑌦𑌿𑌹 𑌜𑌨𑌨𑌵𑌿𑌧𑍌 𑌸𑌰𑍍𑌵𑌨𑌂𑌦𑌾𑌦𑌿𑌗𑍋𑌪𑌾𑌃
𑌸𑌂𑌸𑌾𑌰𑌾𑌰𑍍𑌤𑍇𑌰𑍍𑌵𑌿𑌮𑍁𑌕𑍍𑌤𑌾𑌃 𑌸𑌕𑌲𑌸𑍁𑌖𑌕𑌰𑌾𑌃 𑌸𑌂𑌪𑌦𑌃 𑌪𑍍𑌰𑌾𑌪𑍁𑌰𑍇𑌵 ।
𑌇𑌤𑍍𑌥𑌂 𑌪𑍂𑌰𑍍𑌣𑍇𑌂𑌦𑍁𑌵𑌕𑍍𑌤𑍍𑌰𑌃 𑌕𑌲𑌕𑌮𑌲𑌦𑍃𑌶𑌃 𑌸𑍍𑌵𑍀𑌯𑌜𑌨𑍍𑌮 𑌸𑍍𑌤𑍁𑌵𑌂𑌤𑌃
𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 5 ॥

𑌯𑌸𑍍𑌯 𑌶𑍍𑌰𑍀𑌨𑌂𑌦𑌸𑍂𑌨𑍋𑌃 𑌵𑍍𑌰𑌜𑌯𑍁𑌵𑌤𑌿𑌜𑌨𑌾𑌶𑍍𑌚𑌾𑌗𑌤𑌾 𑌭𑌰𑍍𑌤𑍃𑌪𑍁𑌤𑍍𑌰𑌾𑌂-
𑌸𑍍𑌤𑍍𑌯𑌕𑍍𑌤𑍍𑌵𑌾 𑌶𑍍𑌰𑍁𑌤𑍍𑌵𑌾 𑌸𑌮𑍀𑌪𑍇 𑌵𑌿𑌚𑌕𑌿𑌤𑌨𑌯𑌨𑌾𑌃 𑌸𑌪𑍍𑌰𑌮𑍋𑌦𑌾𑌃 𑌸𑍍𑌵𑌗𑍇𑌹𑍇 ।
𑌰𑌂𑌤𑍁𑌂 𑌰𑌾𑌸𑌾𑌦𑌿𑌲𑍀𑌲𑌾 𑌮𑌨𑌸𑌿𑌜𑌦𑌲𑌿𑌤𑌾 𑌵𑍇𑌣𑍁𑌨𑌾𑌦𑌂 𑌚 𑌰𑌮𑍍𑌯𑌂
𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 6 ॥

𑌯𑌸𑍍𑌮𑌿𑌨𑍍 𑌦𑍃𑌷𑍍𑌟𑍇 𑌸𑌮𑌸𑍍𑌤𑍇 𑌜𑌗𑌤𑌿 𑌯𑍁𑌵𑌤𑌯𑌃 𑌪𑍍𑌰𑌾𑌣𑌨𑌾𑌥𑌵𑍍𑌰𑌤𑌾𑌯𑌾-
𑌸𑍍𑌤𑌾 𑌅𑌪𑍍𑌯𑍇𑌵𑌂 𑌹𑌿 𑌨𑍂𑌨𑌂 𑌕𑌿𑌮𑌪𑌿 𑌚 𑌹𑍃𑌦𑌯𑍇 𑌕𑌾𑌮𑌭𑌾𑌵𑌂 𑌦𑌧𑌤𑍍𑌯𑌃 ।
𑌤𑌤𑍍𑌸𑍍𑌨𑍇𑌹𑌾𑌬𑍍𑌧𑌿𑌂 𑌵𑌪𑍁𑌶𑍍𑌚𑍇𑌦𑌵𑌿𑌦𑌿𑌤𑌧𑌰𑌣𑍌 𑌸𑍂𑌰𑍍𑌯𑌬𑌿𑌂𑌬𑌸𑍍𑌵𑌰𑍂𑌪𑌾𑌃
𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 𑍭 ॥

𑌯𑌃 𑌸𑍍𑌵𑍀𑌯𑍇 𑌗𑍋𑌕𑍁𑌲𑍇𑌽𑌸𑍍𑌮𑌿𑌨𑍍𑌵𑌿𑌦𑌿𑌤𑌨𑌿𑌜𑌕𑍁𑌲𑍋𑌦𑍍𑌭𑍂𑌤𑌬𑌾𑌲𑍈𑌃 𑌸𑌮𑍇𑌤𑍋
𑌮𑌾𑌤𑌰𑍍𑌯𑍇𑌵𑌂 𑌚𑌕𑌾𑌰 𑌪𑍍𑌰𑌸𑍃𑌤𑌤𑌮𑌗𑍁𑌣𑌾𑌨𑍍𑌬𑌾𑌲𑌲𑍀𑌲𑌾𑌵𑌿𑌲𑌾𑌸𑌾𑌨𑍍 ।
𑌹𑌤𑍍𑌵𑌾 𑌵𑌤𑍍𑌸𑌪𑍍𑌰𑌲𑌂𑌬𑌦𑍍𑌵𑌿𑌵𑌿𑌦𑌬𑌕𑌖𑌰𑌾𑌨𑍍𑌗𑍋𑌪𑌬𑍃𑌂𑌦𑌂 𑌜𑍁𑌗𑍋𑌪
𑌕𑍃𑌷𑍍𑌣𑍋 𑌰𑌾𑌧𑌾𑌸𑌮𑍇𑌤𑍋 𑌵𑌿𑌲𑌸𑌤𑍁 𑌹𑍃𑌦𑌯𑍇 𑌸𑍋𑌽𑌸𑍍𑌮𑌦𑍀𑌯𑍇 𑌸𑌦𑍈𑌵 ॥ 𑍮 ॥

𑌕𑍃𑌷𑍍𑌣𑌾𑌰𑌾𑌧𑌾𑌷𑍍𑌟𑌕𑌂 𑌪𑍍𑌰𑌾𑌤𑌰𑍁𑌤𑍍𑌥𑌾𑌯 𑌪𑍍𑌰𑌪𑌠𑍇𑌨𑍍𑌨𑌰𑌃 ।
𑌯 𑌏𑌵𑌂 𑌸𑌰𑍍𑌵𑌦𑌾 𑌨𑍂𑌨𑌂 𑌸 𑌪𑍍𑌰𑌾𑌪𑍍𑌨𑍋𑌤𑌿 𑌪𑌰𑌾𑌂 𑌗𑌤𑌿𑌮𑍍 ॥ 𑍯 ॥

𑌇𑌤𑌿 𑌶𑍍𑌰𑍀𑌰𑌘𑍁𑌨𑌾𑌥𑌚𑌾𑌰𑍍𑌯 𑌵𑌿𑌰𑌚𑌿𑌤𑌂 𑌶𑍍𑌰𑍀𑌰𑌾𑌧𑌾𑌕𑍃𑌷𑍍𑌣𑌾𑌷𑍍𑌟𑌕𑌮𑍍 ।

Browse Related Categories: