𑌚𑍌𑌰𑌾𑌷𑍍𑌟𑌕𑌮𑍍 (𑌶𑍍𑌰𑍀 𑌚𑍌𑌰𑌾𑌗𑍍𑌰𑌗𑌣𑍍𑌯 𑌪𑍁𑌰𑍁𑌷𑌾𑌷𑍍𑌟𑌕𑌮𑍍)

Collection of Spiritual and Devotional Literature in Various Indian Languages

View this in:

𑌵𑍍𑌰𑌜𑍇 𑌪𑍍𑌰𑌸𑌿𑌦𑍍𑌧𑌂 𑌨𑌵𑌨𑍀𑌤𑌚𑍌𑌰𑌂
𑌗𑍋𑌪𑌾𑌂𑌗𑌨𑌾𑌨𑌾𑌂 𑌚 𑌦𑍁𑌕𑍂𑌲𑌚𑍌𑌰𑌮𑍍 ।
𑌅𑌨𑍇𑌕𑌜𑌨𑍍𑌮𑌾𑌰𑍍𑌜𑌿𑌤𑌪𑌾𑌪𑌚𑍌𑌰𑌂
𑌚𑍌𑌰𑌾𑌗𑍍𑌰𑌗𑌣𑍍𑌯𑌂 𑌪𑍁𑌰𑍁𑌷𑌂 𑌨𑌮𑌾𑌮𑌿 ॥ 1॥

𑌶𑍍𑌰𑍀𑌰𑌾𑌧𑌿𑌕𑌾𑌯𑌾 𑌹𑍃𑌦𑌯𑌸𑍍𑌯 𑌚𑍌𑌰𑌂
𑌨𑌵𑌾𑌂𑌬𑍁𑌦𑌶𑍍𑌯𑌾𑌮𑌲𑌕𑌾𑌂𑌤𑌿𑌚𑍌𑌰𑌮𑍍 ।
𑌪𑌦𑌾𑌶𑍍𑌰𑌿𑌤𑌾𑌨𑌾𑌂 𑌚 𑌸𑌮𑌸𑍍𑌤𑌚𑍌𑌰𑌂
𑌚𑍌𑌰𑌾𑌗𑍍𑌰𑌗𑌣𑍍𑌯𑌂 𑌪𑍁𑌰𑍁𑌷𑌂 𑌨𑌮𑌾𑌮𑌿 ॥ 2॥

𑌅𑌕𑌿𑌂𑌚𑌨𑍀𑌕𑍃𑌤𑍍𑌯 𑌪𑌦𑌾𑌶𑍍𑌰𑌿𑌤𑌂 𑌯𑌃
𑌕𑌰𑍋𑌤𑌿 𑌭𑌿𑌕𑍍𑌷𑍁𑌂 𑌪𑌥𑌿 𑌗𑍇𑌹𑌹𑍀𑌨𑌮𑍍 ।
𑌕𑍇𑌨𑌾𑌪𑍍𑌯𑌹𑍋 𑌭𑍀𑌷𑌣𑌚𑍌𑌰 𑌈𑌦𑍃𑌗𑍍-
𑌦𑍃𑌷𑍍𑌟𑌃𑌶𑍍𑌰𑍁𑌤𑍋 𑌵𑌾 𑌨 𑌜𑌗𑌤𑍍𑌤𑍍𑌰𑌯𑍇𑌽𑌪𑌿 ॥ 3॥

𑌯𑌦𑍀𑌯 𑌨𑌾𑌮𑌾𑌪𑌿 𑌹𑌰𑌤𑍍𑌯𑌶𑍇𑌷𑌂
𑌗𑌿𑌰𑌿𑌪𑍍𑌰𑌸𑌾𑌰𑌾𑌨𑍍 𑌅𑌪𑌿 𑌪𑌾𑌪𑌰𑌾𑌶𑍀𑌨𑍍 ।
𑌆𑌶𑍍𑌚𑌰𑍍𑌯𑌰𑍂𑌪𑍋 𑌨𑌨𑍁 𑌚𑍌𑌰 𑌈𑌦𑍃𑌗𑍍
𑌦𑍃𑌷𑍍𑌟𑌃 𑌶𑍍𑌰𑍁𑌤𑍋 𑌵𑌾 𑌨 𑌮𑌯𑌾 𑌕𑌦𑌾𑌪𑌿 ॥ 4॥

𑌧𑌨𑌂 𑌚 𑌮𑌾𑌨𑌂 𑌚 𑌤𑌥𑍇𑌂𑌦𑍍𑌰𑌿𑌯𑌾𑌣𑌿
𑌪𑍍𑌰𑌾𑌣𑌾𑌂𑌶𑍍𑌚 𑌹𑍃𑌤𑍍𑌵𑌾 𑌮𑌮 𑌸𑌰𑍍𑌵𑌮𑍇𑌵 ।
𑌪𑌲𑌾𑌯𑌸𑍇 𑌕𑍁𑌤𑍍𑌰 𑌧𑍃𑌤𑍋𑌽𑌦𑍍𑌯 𑌚𑍌𑌰
𑌤𑍍𑌵𑌂 𑌭𑌕𑍍𑌤𑌿𑌦𑌾𑌮𑍍𑌨𑌾𑌸𑌿 𑌮𑌯𑌾 𑌨𑌿𑌰𑍁𑌦𑍍𑌧𑌃 ॥ 5॥

𑌛𑌿𑌨𑌤𑍍𑌸𑌿 𑌘𑍋𑌰𑌂 𑌯𑌮𑌪𑌾𑌶𑌬𑌂𑌧𑌂
𑌭𑌿𑌨𑌤𑍍𑌸𑌿 𑌭𑍀𑌮𑌂 𑌭𑌵𑌪𑌾𑌶𑌬𑌂𑌧𑌮𑍍 ।
𑌛𑌿𑌨𑌤𑍍𑌸𑌿 𑌸𑌰𑍍𑌵𑌸𑍍𑌯 𑌸𑌮𑌸𑍍𑌤𑌬𑌂𑌧𑌂
𑌨𑍈𑌵𑌾𑌤𑍍𑌮𑌨𑍋 𑌭𑌕𑍍𑌤𑌕𑍃𑌤𑌂 𑌤𑍁 𑌬𑌂𑌧𑌮𑍍 ॥ 6॥

𑌮𑌨𑍍𑌮𑌾𑌨𑌸𑍇 𑌤𑌾𑌮𑌸𑌰𑌾𑌶𑌿𑌘𑍋𑌰𑍇
𑌕𑌾𑌰𑌾𑌗𑍃𑌹𑍇 𑌦𑍁𑌃𑌖𑌮𑌯𑍇 𑌨𑌿𑌬𑌦𑍍𑌧𑌃 ।
𑌲𑌭𑌸𑍍𑌵 𑌹𑍇 𑌚𑍌𑌰! 𑌹𑌰𑍇! 𑌚𑌿𑌰𑌾𑌯
𑌸𑍍𑌵𑌚𑍌𑌰𑍍𑌯𑌦𑍋𑌷𑍋𑌚𑌿𑌤𑌮𑍇𑌵 𑌦𑌂𑌡𑌮𑍍 ॥ 𑍭॥

𑌕𑌾𑌰𑌾𑌗𑍃𑌹𑍇 𑌵𑌸 𑌸𑌦𑌾 𑌹𑍃𑌦𑌯𑍇 𑌮𑌦𑍀𑌯𑍇
𑌮𑌦𑍍𑌭𑌕𑍍𑌤𑌿𑌪𑌾𑌶𑌦𑍃𑌢𑌬𑌂𑌧𑌨𑌨𑌿𑌶𑍍𑌚𑌲𑌃 𑌸𑌨𑍍 ।
𑌤𑍍𑌵𑌾𑌂 𑌕𑍃𑌷𑍍𑌣 𑌹𑍇! 𑌪𑍍𑌰𑌲𑌯𑌕𑍋𑌟𑌿𑌶𑌤𑌾𑌂𑌤𑌰𑍇𑌽𑌪𑌿
𑌸𑌰𑍍𑌵𑌸𑍍𑌵𑌚𑍌𑌰! 𑌹𑍃𑌦𑌯𑌾𑌨𑍍 𑌨 𑌹𑌿 𑌮𑍋𑌚𑌯𑌾𑌮𑌿 ॥ 𑍮॥

𑌇𑌤𑌿 𑌶𑍍𑌰𑍀𑌬𑌿𑌲𑍍𑌵𑌮𑌂𑌗𑌲𑌠𑌾𑌕𑍂𑌰𑌵𑌿𑌰𑌚𑌿𑌤𑌂 𑌚𑍌𑌰𑌾𑌷𑍍𑌟𑌕𑌂 𑌸𑌂𑌪𑍂𑌰𑍍𑌣𑌮𑍍 ।

𑌚𑍌𑌰𑌗𑍍𑌰𑌗𑌣𑍍𑌯 𑌪𑍁𑌰𑍁𑌷𑌾𑌷𑍍𑌟𑌕𑌮𑍍 ।

Browse Related Categories: